آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~

[|{ خـيـألْ }|]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

ام عزووز الحمدالله على سلامتج حبيبتي ومبرووك البنووتة

بغيت اسالج عن الدكتورة مي شلون نفسيتها بالولادة تكون هادية والا تتنرفز ،؟
وتكوون مستعجله والا لا

اسئلتي واجد ادري
بس بجر وحددددي خااايفه واحاتي

 

[أم زنوبة]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

الحمدلله على سلامتكم كلكم

امبييييه زينة قصتج موتتني من الضحك ذكرت نفسي بولادتي
وفراولة عورتي قلبي الله ما يضيع هالتعب لا تحاتين

والبجريين لا تخافون حزة الولاده حتى وانتي بأصعب الضروف السهالة تيي من الله
اهم شي لا تروحون وانتو مافيكم شي خلو نفسكم حده حده وبعدها روحو وهم من تدشين الثامن حاولو تكون المنطقة الحميمة نضيفة عشان لا سمح الله صار ما صار ما تتفشلون

وهم خلو بيوتكم مرتبة ومجهزين كل أغرراضكم عن اللوية حزة الولادة

 

[أم زنوبة]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

اما عن ولادتي فانا ماساة بس الحمدلله على كل حال

انا من حملت كنت اراجع عند دكتورة نداء بوخضور بعيادتها الخاصة وكنت مرتاحة معاها وهم اراجع بالصباح لاني بالسابع نزل علي دم ونيموني بعدها صرت اراجع بالصباح والدكتورة

المهم نهاية الثامن عندي مراجعة عند الدكتور نداء رحت العيادة ولا مو موجوده وينها ؟؟؟ قالو انتقلت حق مستشفى رويال حياة
انزين على طول ولا تولد وحده قالو لا صار عندها عقد معاهم وصارت تشتغل هناك .....بدون اي سابق انذار حق الحوامل الي عندها

انا انصدمت قلتلهم واالمراجعات قالو روحي رويال حياة وفتحي ملف من يديد وكملي عندها بس ترى ما تولد الا في رويال
وانا مابي رويال حياة المهم قلت خلاص اراجع عند دار الشفا لاني بولد عندهم

رحت ولا لازم موعد وكان بعد اسبوعين يعني اكون داشة التاسع خالتي من النوع دعلة قالت من تدشين التاسع انا راح اي عندكم الشقة انام عندكم شكووووو بس ما اقدر اقولها لا لانها تبي تعرف كل صغيرة وكبيرة تصير وما تبيني اولد بدار الشفا تقول غالي عليكم

المهم يات عندنا وفي يوم من الايام كان عندي مراجعة الصبح عند الصباح رحت ولا كل شي اوكي الحمدلله بس انا كان حجم البيبي صغير قالولي اهو عادي بس راح نسويلج دخول عشان نتاكد من حالتج ووضع البيبي بس مو الحين روحي البيت والعصر تعالي

ركبت السيارة ولا ريلي قايل حق خالتي شنو صار وشنو قالو رديت ولا حظرتها ناطرتني بالسيارة يالله ركبي شنو وين تقولي مشوار ورادين
وريلي حزتها كان ينرفز اي شي تقولة خالتي يصدقة طلعت قايلتله مو زين الحجم صغير وقلبها راح يوقف شكوووو افلام

المهم فجاة ولا توديني مستشفى لندن مدخلة يخع جنج رايحة كافيه عزابية وعند الباب نمل كباااار لي داخل الممرات موجود

رحنا صوب الطوارئ نطرنا وحده كانت داخل وانا رحت الحمام تكرمون طلعت ولا خالتي داشة عالدكتورة ومادري شمهببة

دشيت ولا تقولي دكتورة بدووووون فحص طبعا انتي ولادة جان اقولها ليش جان تقولي بدون ليش يمة انا اهني هسترت
قمت اصرخ مو بكيفكم انا مافيني ولاده وخالتي تقولها مو قلتلج خايفة

شوي ولا ريلي ياي ويايب جنطة اغراضي قلتله ليش قال بدخلونج ولادة قلتلة بالفحص انا واحد سانتي يعني تو الناس جان الدكتورة تقولي لا انتي 3 واهي ولا طلت علي شافت ولا فحصتني بعدها قلتله بكلم امي وخالتي تلوع الجبد تفشل تصرخ وانا كبر امج واعرف مصلحتج ما تكلمين امج وانا ابجي اقول حق ريلي انزين انا ابي دار الشفا
قال ماكو اهني احسن قلتلة والله يموتوني قالي امي تقول اهني احسن من دار الشفا وانتي اكيد خايفة وااااااي صراع بيني وبين ريلي وخالتي الله يسامحها

قلتله بكلم امي قالي هاج ولا خالتي تخمط التلفون ماااكو لا تدقين على احد انتي اولدي وبس جان اصرخ قلتلها انا ولا انتي الي حامل تضحك وتقول حفيدتي الي في بطنج يمةة انانية وياخذوني فوق هالحجي الساعة 11 الصبح وصعدوني وعطوني حقنة
وطلق صناعي ثلاث تحميلات وانا ابجي من القهر مو من العوار

والحمدلله بعدها امي دقت وردت جنها حست فيني يات اهي وخواتي ومنصدمين من خالتي يمههه منها لسااان ومصيطرة على ريلي كانت شنو حاطة في راسه مادري

المهم صار المغرب وانا للحين اطلق وماكو 2 سانتي بس لين 12 بليل جان تقول 3 انا نفسيتي بالارض صارت
بعدها نزلوني غرفة الولاده من القهر قمت اصرخ وابجي واسب بخالتي على اساس خدرانة من الكمام بس لانها حييل اظلمتني

وامي مقهورة تقول زين ما رحتي من جيسنا على هالولادة والحمدلله 6 الصبح ولدت بعد عناااااء
وطبعا خالتي افلام معاي مو اول موقف خايس تسوي فيني

بس الحين مضبطة علاقتي بريلي بعد ولادتي الاولى وفهمته ان احنا حرين بحياتنا ومو محتاجين احد يعلمنا

 

[أم زنوبة]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

مستشفى لندن اسعاره مناسبة
بس ولادتهم ونظافتهم وعنايتهم اكسسسسس وع وع

يعني بغرفة الولادة النمل الجعبو بكل مكان بالغرفة ولمن ولدت اقولهم ابي حبوب او ابرة تخفف الالم لاني بجابل الناس تقولي دفعي فلوس اول

انا قعدت عندهم 3 ايام تخيلي طول هالثلاث ايام وانتو بكرامة الحمام ما انغسل والغرفة بعد الي يزورون الارضية تتوصخ ما يمسحون اليوم الثالث انا ناديتهم عفيا مسحو الارضية

واكلهم خااااايس اكل هنود وفوق هذا الي تييب الاكل اهي تعطيني الدوا كل يوم واهي تغز الابر واهي سستر البيبي و اهي تمسح الارض

والله العالم شنو تشتغل بعد

ومافي اهتمام بالبيبي يعني بنتي اول يوم يابوها مافيها شي ثني يوم يابوها تعاطس وبالغصب تتنفس مسبحينها وحايشها هوا
وخدودها زرق لمن سالتهم ليش يقولون الدكتور امبطل حلجها عشان يشوف البلاعيم كسر بايده لي 6 ايام يالله راح الي بخدها حتى بالتصوير امبين
شي

لمن طلعت ياربي احس بعوار قالو عادي بس طول صرت 10 ايام وانا عواري نفس اول يوم
رحت طوارء الصباح جان تقولي الدكتورة جرحج ملتهب والخياط مو مظبوط انا ينيييت

قالت تبين تدخلين عملية نعدلج الخياط او بالولاده الياية يعدلونه طبعا لا بالولادة ابرك

وكانت مو معطتني لا غسول ولا بخاخ ولا كريم جي بدون علاج طلعوني الصباح صرفولي غسول وبخاخ
والحمدلله 3ايام وحسيت براحة

بس توووبة اروح لندن مرة ثانية ومستحييييل اخلي خالتي تلعب فيني بعد
واي 3 ايام والدكتورة تدخل بس تطالع شغل الاستقبال وتاخذ ككاو تطلع ما تجيك على الجرح ولا

 

[++MesK++]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

ام زنوبه حمدلله علا سلامتج بس لا تزعلين مني الغلط من ريلج وايد يسمع كلام امه!


اشدعوه من بداية التاسع نايمه عندج! يمكن تولدين نهاية التاسع ؟ شلون يعني تجابلج شهر كامل؟ ما عندها شغل !!


و وين قاعدين تغصبج علا المستشفي !! اولدي هني لا تولدين هناك ! ليش أهي بتدفع!

لا ولا سالفة تاخذ التلفون منج ما تكلمين امج! قويه


لو أنا جان يبت شوزن و ذبحتها هههههه


الله يكون بالعون

 

[فـراوله]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

فرواله بجيت والله ياحياتي الله ياجرج بهل الولاده

اللهم آمييين ياااارب خايفه من الولاده بسبة للي صارلي

واااي ياحياتي يافراولة تعذبتي حيييييل

ان شاءالله ولادتج الجايه تكوون سهله يارب العالميين والله يخلي لج ولدج واللي فبطنج يارب وتقومين بالسلامة يارب العالمين

الحمدالله على كل حااال يارب تكون سهالات خايفه تتكرر نفس المشكله مره ثانيه اللهم آميييين

و الله اللي قامت تمجع و تشمخ حييييييييييييييل ضحكتني

بس فراولة عورتي قلبي يوم انهار ريلج :\ ذكرتيني باخوي

الله يسهل يا رب و نولد بالسلامة ولادة سهلة من غير لعب و لا اي شي صناعي اللهم آمين

اي مسكييين حسباله إني مت لانه أمي طالعه له تعبانه وتبجي
اللهم آمييييييين

امبييييه فراااوله عشت الجو حيييل خفت

الحمدلله اللي ربي قومج بالسلامه وان شاء الله هالولاده تكون سهله يااارب

ان شاءالله سهالات يارب على الكل الولاده
والحمدالله على كل حاااال وان شاءالله ولادتي الجايه أسهل ياااارب

مبرووووكـ فرواله عالمولوووود
وحمدالله عالسلامه
ياقلبي تعبتي بالولاده كسرتي
خاطري اهم شي افتكي من هالمستشفى
والحمدالله انج علمتينا علشان ننحاش
عنه
وشكرا لمرورج

اي والله هالمستشفى خيااااااااس أعوذ بالله منهم ما أكررها
لو شنوووو والحمدالله على كل حااال

حبيبتي فراوله كله باجره انشاالله
والله يسهل علينا ولادتنا

اللهم آميييين يااااااارب

الحمدلله على سلامتكم كلكم

امبييييه زينة قصتج موتتني من الضحك ذكرت نفسي بولادتي
وفراولة عورتي قلبي الله ما يضيع هالتعب لا تحاتين

والبجريين لا تخافون حزة الولاده حتى وانتي بأصعب الضروف السهالة تيي من الله
اهم شي لا تروحون وانتو مافيكم شي خلو نفسكم حده حده وبعدها روحو وهم من تدشين الثامن حاولو تكون المنطقة الحميمة نضيفة عشان لا سمح الله صار ما صار ما تتفشلون

وهم خلو بيوتكم مرتبة ومجهزين كل أغرراضكم عن اللوية حزة الولادة

الله كريم ياااااااااارب ​

 

[كتالونيه]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

حمدالله عالسلامه زنوبه
اهم شي الولاده ابعرف منو ولدج
بالمستشفى وجم كلف عليج

 

[om_3azoz]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

ام عزووز الحمدالله على سلامتج حبيبتي ومبرووك البنووتة

بغيت اسالج عن الدكتورة مي شلون نفسيتها بالولادة تكون هادية والا تتنرفز ،؟
وتكوون مستعجله والا لا

اسئلتي واجد ادري
بس بجر وحددددي خااايفه واحاتي

الله يسلمج ياقلبي والله يبارك فيج

الدكتوره مي انا مكنت اراجع عندها كنت عند لجمي بعدين قامت تصير خرطي رفيجتي قالت لي روحي عند مي خوش وحده وجذي

وفعلا رحت لها عشان تولدني نفس اليووم قالت لي لا توج مابي ادخلج ولاده وتتعبين لاسمح الله وبعدين قيصريه

وبالولاده اتينن هاديه وايد زينه وحبوبه اصلا لمن تروحين لها اول مره تحسين براحه نفسيه

ولاتخافين ياقلبي سهالات من رب العالمين والولاده مو كل وحده نفس الثانيه الله يرزقج بالولاده السهله يارب

 

[أم زنوبة]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

اهههه من خالتي خليها على الله امي تكلمت بعد ولادتي لمن درت انها سبب كل الي صار وخالتي فيها قلة ادب وما تحترم أحد
وقت الولادة ما كان مناسب حق هواش امي قالر بعدين لي حجي معاها
وسوت سالفة معاي ويا ريلي وطلعتنا غلطانين لا القهر ان ريلي الي دافع بس اهو يقول انا اخاف من عقوق الوالدين

عشان جدي مخلي لها مجال بس فهمته ومن الي شافة من امه انه ضعف شخصية مو بر فيها هذا
والحمدلاه اموري ىمتم الحين مسيطرين عالوضع انشالله

 

[أم زنوبة]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

اسم الدكتورة سحر مصرية يمةة كلش ما ارتحت لها

وأنا غرفتي في اي بي ثلاث ايام مع ولادة وأدوية 800

 

[مشتطـه]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

بنات انا استغرب من اللي يدشون معاها الولاده اختها وريلها وامها وخالتها ومرت خالها ومت عمها وسالفه

أمبييييييي ترى فشله


المفروض يا امج او ريلج

ماله داعي أحد إيي وياج غيرهم !!!!


يعني شخص داخل وشخص بره
يعني هذي ولاده فشله ريال أيآ كان غير ريلج يكون موجود ؟

 

[مشتطـه]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

وترى حدكم صرقعتوني

بروحي انا عوار الدورة استخف منه استغفر الله

الله يعيني يارب ويسهلها

 

[مشتطـه]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

أمبييييييييييي ام زنووووووووبه خالتج فظييييييييعه تبط الجبد

بالله بنام مع ريلي شتبيييييييييييييييييين !!!!!!!!!


تفشل وتحر القلب

 

[كتالونيه]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

الدكتوره سحر محد يمدحها
اهم شي الولاده
انا شفت الغرفه الملكي تهبل
ب٢٥٥بس يوم واحد
انا ناويه اخذ غرفه عاديه وارتاح
وبعدين اسوي استقبالي بالملكي
والسهالات من رب العالمين

 

[أبله هنوف]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

رفع

 

[zoooba]

رد: كل وحده ولدت تقول لنا ولادتها بالتفصيل الممل والي بيولدون دشوا استفيدوا؟

up
up
up

 

[~Rou7~]

السـلام عليكم ورحمة الله وبركآته
شلونكم حوامل شخباركم
من كثر ما اقرا قصص ولادات هني بالمنتدى حبيت اشارك بهالموضوع
انا حامل بالشهر الخامس ودخت وانا افر ادور ع قصص ولادات
وبصراحه انا وحده من الناس احس بتشجيع كبير لما اقرا
تجارب البنات حتى لو احيانا اخاف بالنهايه اتشجع لما اعرف انه في احد مجرب قبلي
خصوصا لما كنت بكريه ،،،،،،،،
والموضوع هذا اكيد يهم البكريات اكثر شي لانهم مايدرون شالطبخه
فياليت الي تولد مني ورايح تكتب قصة ولادتها هني ما عليكم آمر حتى لو تكتبها عالعام ترد تنسخها هني

والله يعطيكم الـف عافيه ويسهل ولادتكم آميـن

 

[Al-6yabah]

Up
Up
Up

 

[بيت التوت]

اهم شي اتكون قصص ايجابيه مابني سلبيات هههههههههههههههههههههه

 

[~Rou7~]

اثنين بس الي ردوا
ماقصرتو بنات