آداب النقاش.. ما نبي تتسكر المواضيع بسبب العقول الحجرية

[monmon12]

السلام عليكم بنات ​

اول شي بس تذكير قبل لا ندش موضوعنا عشان الردود ​

أصلح المسيء بحسن فعالك ودل على الخير بجميل مقالك​

الهدف نناقش مشكله وليس انتقاد شخصي وأرجو استئذاني قبل نقل موضوعي ​

بسم الله الرحمن الرحيم ​

اللهم صلي على محمد وآله وصحبه وأزواجه المنتجيبن جميعا من غير تفريق واحشرنا معهم يوم الدين​

للنقاش والحديث آداب ​

وليس فقط حسن القول​

انا ملاحظه شغلات كثيرة في أسلوب النقاش ​

أولا ​

عدم قراءة الموضوع بوعي تام او عدم حسن الإنصات والاستماع​

وكامل خاصة اذا كان الموضوع طويل ​

طبعا هذا اشلون يبين ؟؟​

من طريقة الرد حيثت تشوفين ردها للموضوع بنقطة انتي ذكرتيها في الموضوع ​

ما يصير حبايبي احكم على موضوع فقط من عنوانه او فقط على بعض النقاط الي فيه​

اذا بغيت أناقش أحد لازم أقرى موضوعه كامل وأناقشه بكل نقاطه وبالصورة العامه وليست بنقطه واحده فقط​

ثانيا​

الأستهزاء بالنقاش وبطرح الموضوع​

دايما تشوفين رد يقول ​

ماله داعي الموضوع ​

الصراحه موضوع ماله داعي ​

ليش نقاش.... ماكو فايده من النقاش .... وغيرها من الردود ​

هذا دليل على أنه العقل هذا مغلق وغير متقبل للرأي الآخر ​

بعدين حبايبي في مشرفات موجودين ايهم يقولون الموضوع يصلح او لأ ​

اذا مو عاجبج الموضوع لا تحطين من قدر الموضوع ​

ولا صاحبته خلاص طلعي بهدوء ​

ثالثا ​

الحكم بانحيازيه​

طبعا هذي مشكله كبيرة ليش لأن في الانحيازية ماراح نوصل لنهاية للموضوع ​

ولا هدف للنقاش ​

وهم الانحياز لرأي معين راح يضيع الصواب ​

بعدين حبايبي المقياس يكون الدين والعقل ​

مو الأهواء الشخصية ​

كثير منا يحكم على الموضوع من منطلق ما يحب او حسب ظروفه الخاصة​

وهذا ما ينطبق على صاحبة الموضوع لأنه لها ظروفها الخاصة​

عشان جذي احكم كأني أنا مكانها وما أنسى تحكيم العقل والدين ​

رابعا​

عدم احترام اختلاف وجهات النظر​

طبعا هذا شي للأسف مخزي ويفشل ودليل تحجر العقول عن فهم الناس الثانين​

مهما اختلفت وياهم باي شي ما احقر أحد ولا اعارض أحد​

ومو غصب طيب أفرض رايي عليه​

اذا في الدين الله يقول لا إكراه في الدين ​

خلاص اذا ماله داعي فرض الراي على الثاني
غصبا عليك أنا صح وانته غلط

وانته فيك وفيك وفيك

هل راح يقتنع مثلا بهذا الأسلوب؟؟​

غلط صح الي يكون كيفه في رب يحاسبه وفي جهات مختصة أيضا راح تحاسبه ​

أما انا علي فقط أسمع وأرد عليه ​

خامسا ​

الطعن بأخلاق الشخص او دينه او أهله​

وهذا الأسلوب مرفوض تماما ولو شنو كانت الأسباب عيب أنه أقول حق شخص اييه انته فيك لأنه انته جذي​

اذا ايهو غلطان حاسبو الغلطان مو اهله مو دينه ​

ثم اذا في شي مثلا بكلام الشخص مو عاجبكم ​

ليش تقولون له : اييه شكلج انتي منهم؟؟​

ترى هذي الجملة فيها نوع من الوقاحه للشخص الي يبدي وجهة نظر معينه ​

وأصلا هذا دليل الضعف في الرد على الشخص الثاني ​

وألا انا مو خلافي مع هذ الشخص انا خلافي مع مع رأيه ​

فليش دايما نوصل المواضيع واخذه كتحدي شخصي؟؟​

سادسا​

عدم الالتزام بمحور الحديث​

وأنا شخصيا أعاني منها في بعض مواضيعي ​

أقولها يمين تقول يسار ارد عليها أثبتلها غلط تقول شمال ارد عليها برد أقوى تقولي جنوب​

هذي مشكله ؟؟ هذي انسانه ما تبي تتناقش فلذلك يفضل عدم الرد عليها لأنها بس تبي تطلعج غلط ​

بعدين ​

يعني أنا أحط شرط للحديث أقولهم لحد يناقشني الا في هذي النقطه ​

بس تلقين هم تيي وحده وتتكلم بهذي النقطة بالذات؟؟​

هذا شنو يعني ؟؟​

يا انها ماقرت الموضوع كامل فمادرت انا شنو كاتبه ​

او انها بس خلاص ما تبي تناقش بس تبي تلج وتلج وتلج ​

سابعا​

عدم الدقة في نقل الموضوعات واستخدام مصادر غير مناسبة ​

يعني أنا أشوف ناس تحط معلومات خاطئة وتبني عليها محور الحديث ​

فعشان جذي النهاية تكون جدا خاطئة وبعيده عن أصل الحديث ​

هذا أيضا دليل انه هذا الشخص مو عارف عن شنو يتكلم ​

والي يتفلسف في شي ما يعرف عنه وكتب معلومات خاطئة ولقى واحد فاهم وجكه​

اهني راح يكون محرج جدا جدا من هالشي هذا ​

عاد راح تكون ردة فعله يا انه يصمت يا أنه يبدي يلعل السانه عشان يضيع سالفة انه غلطان ​

حبايبي انتبهو خاصة في أمور الدين دايما خليج في سيف سايد safe side​

استخدمي الشي الي يقرب وجهات النظر ​

مو الي يزيد الخلاف او الي يثير الفتنه ​

بعدين في شغله يعني استغرب منها ​

اذا مثلا شيعيه ما يصير أرد على أختي السنيه بمصادر من كتبي ​

ليش؟؟ لأن انا مصادر كتبي مثلا ايهي تشوفها غلط ​

الصح اني استخدم مصادرها في الحديث لأنه ايهي تعتبرها الصحيحه ​

وهذا ما يعني أبدا أبدا انه مصادري خاطئة ​

لكن هذي شروط صاحب الحوار ولازم انا التزم فيها عشان يتقبل رايي​

وهذي النقطه بالذات للأسف سبب كثير من فشل الحوارات والنقاشات ​

ثامنا ​

ولكل شي ايجابيات وسلبيات​

فليش التركيز فقط على السلبيات ؟؟​

هذا دليل انه الشخص ما يبي يفهم ولا يبي يناقش ​

يبي يلاجج وبس ​

أهم شي يطلع الطرف الثاني غلط ​

حبايبي ​

الاختلاف بين الناس طبيعي جدا مافي اثنين نفس بعض ​

لكن الغلط انه نتهاوش ونطاق عشان آراء​

في مواضيع الشريعه ماكو نقاش ​

لأنه حكم منزل من الله سبحانه وتعالى غير جذي ​

كل شي قابل للنقاش فلازم نحط في بالنا ​

انه لابد من راي مخالف ​

يمكن ايهو شايف شي ما نشوفه ​

الي صاير الحين من أفعال وأقوال في الساحة الكويتيه وفي المنتديات ​

لأنه الناس مو عارفه اشلون تتناقش ​

اذا واحد خالفهم بالراي وماقدرو يردون عليه ​

يحترون ​

والحره هذي تنقلب الى كره وحقد وغل على الطرف الثاني ​

فشسوي عشان يبرد حرته؟؟​

يسب يصرخ يتفل يطق ويتهاوش ​

وهذا أن دل على يدل على انه ​

الشخص هذا ما عنده رد مناسب ​

شخصيته ضعيفه وما يتحمل ​

واهم شي ​

عديم الأخلاق قليل التربية ​

أذكركم بأقوال للأمام علي بن أبي طالب عليه السلام ​

(أسفه السفهاء المتبجح بفحش الكلام)​

( دع السفه فإنه يزري بالمرء ويشينه)​

أرجو أن يكون هذا الموضوع تستفيدون منه عشان نرتقي بالحوار ​

ولما أطرح او غيري موضوع في وجهات نظر ​

ما ينغلق الموضوع والسبب العقول الحجرية​

 

[شـقـاًويـه]

رد : آداب النقاش.. ما نبي تتسكر المواضيع بسبب العقول الحجرية

عيني عليج بآرده
آلف بسم آلله علييج ..
آنتي لو في منج آثنين بآلديرره جآن صصرنآ بخخخخخير ..
فدييتج موضوعج حددددددده عجيب ..
وحددددده مفييد وآتمنى كل بنآت آلمنتدى يقرووونه ..
مششكوررره وفديت آصصآبعج وتفكيرج آلذهبي ..

 

[monmon12]

رد: رد : آداب النقاش.. ما نبي تتسكر المواضيع بسبب العقول الحجرية

عيني عليج بآرده
آلف بسم آلله علييج ..
آنتي لو في منج آثنين بآلديرره جآن صصرنآ بخخخخخير ..
فدييتج موضوعج حددددددده عجيب ..
وحددددده مفييد وآتمنى كل بنآت آلمنتدى يقرووونه ..
مششكوررره وفديت آصصآبعج وتفكيرج آلذهبي ..

بعد عمري والله أخجلتيني بكلامج الحلو .... ويهي طماطه صاررر هههههه

عمري هذا كله من فضل ربي الحمدلله

مشكوورة وااايد

واذا جذي السالفه خلاص اسوي استنساخ :gathering:

 

[> Miss M6ereiah <]

رد : آداب النقاش.. ما نبي تتسكر المواضيع بسبب العقول الحجرية

خامسا ​

الطعن بأخلاق الشخص او دينه او أهله​

وهذا الأسلوب مرفوض تماما ولو شنو كانت الأسباب عيب أنه أقول حق شخص اييه انته فيك لأنه انته جذي​

اذا ايهو غلطان حاسبو الغلطان مو اهله مو دينه ​

ثم اذا في شي مثلا بكلام الشخص مو عاجبكم ​

ليش تقولون له : اييه شكلج انتي منهم؟؟​

ترى هذي الجملة فيها نوع من الوقاحه للشخص الي يبدي وجهة نظر معينه ​

وأصلا هذا دليل الضعف في الرد على الشخص الثاني ​

وألا انا مو خلافي مع هذ الشخص انا خلافي مع مع رأيه ​

فليش دايما نوصل المواضيع واخذه كتحدي شخصي؟؟​

ااااااااااااخ والله جبتيها ع الجرح
بعدين انا بفهم شالسالفة يعني الحين اقرا موضوع واشارك فيه ارد بعدين ادوره ولا محذوف ؟؟؟؟
مو جنه كثرت هالسالفة بالمنتدى احس اي وحدة مو عاجبها الموضوع تروح تتهاوش فيه عشان يتسكر صارت هذي اسهل طريقة عشان تحذفين موضوع لوول

 

[tmtmt]

اي والله معاج حق
بس شنو الفايده
الكل بيدخل يقول معاج وصاجه ويعطيج العافيه

وتظل هالعقليات موجوده

 

[اشتياق]

كالعاده مميزه بتفكيرج وطرحج
لاتحرمينا مواضيعج
وان ماشفتيني بموضوع من مواضيعج هالله هالله بالخاص علميني

 

[blue diamond]

كتبتي فأبدعتي موضوع يستاهل التثبيت بجداره​

 

[حنونه بطبعها]

طرح راقي من من

يدل على ثقافه عاليه بادب الحوار وتقبل للطرف الاخر

الله يوفقج

 

[الحــــياة]

اولااا اشكر صاحبة الموضووووع رغم اني كنت مختلفه معاها يوم من الاياااااام!!!

ومع احترامي للمشرفه العزيزةblue diamond
الي اكنها كل تقدير واحترااااااام

وربما اواجه نقد قوي..


لكن يا ليت اطبقين هالنقاط انتي اول شي يا مون مون بعدين تنصحين غيرج..

لاني ادري بتشتكين الحين علي عند المشرفهــ لاني رديت هالرد..

وجهات النظر الكل يتقبلهااا

واختلاف الرأي لا يفسد للود قضيه ..


وشكرآآ ويعطيـــج العافيه على الموضوووووع..

 

[همممت]

رد : آداب النقاش.. ما نبي تتسكر المواضيع بسبب العقول الحجرية

عزيزتي
منمن 12

مبروك عزيزتي على التثبيت
انتي من العقول التي نحتاجها في هذه الصفحه
والتي تبرز مدى رقي وثقافه بنات الكويت
من خلال هذا المنتدى
بارك الله فيج ومنها للاعلى
ثابري وواصلي على نفس النهج
فلا بد يوم ان يستقيم الوضع لما نريد ان نصل اليه


طبعا ماله داعي تعليقي لما ابدعتي

معك على طول الخط

محبتي لك

همممت​

 

[monmon12]

أول شي أنا فعلا فعلا وااايد مستانسه لأنه اليوم عيد ميلادي وهذا أحلى هديه تلقيتها اليوم

موضوعي يتثبت أعتقد هذي ميزه وشرف لي

الحمدلله لك يارب هذا كله من فضلك

 

[monmon12]

رد: رد : آداب النقاش.. ما نبي تتسكر المواضيع بسبب العقول الحجرية

miss m6ereiah <, post: 21079180, member: 148970"]

خامسا ​

الطعن بأخلاق الشخص او دينه او أهله​

وهذا الأسلوب مرفوض تماما ولو شنو كانت الأسباب عيب أنه أقول حق شخص اييه انته فيك لأنه انته جذي​

اذا ايهو غلطان حاسبو الغلطان مو اهله مو دينه ​

ثم اذا في شي مثلا بكلام الشخص مو عاجبكم ​

ليش تقولون له : اييه شكلج انتي منهم؟؟​

ترى هذي الجملة فيها نوع من الوقاحه للشخص الي يبدي وجهة نظر معينه ​

وأصلا هذا دليل الضعف في الرد على الشخص الثاني ​

وألا انا مو خلافي مع هذ الشخص انا خلافي مع مع رأيه ​

فليش دايما نوصل المواضيع واخذه كتحدي شخصي؟؟​

ااااااااااااخ والله جبتيها ع الجرح
بعدين انا بفهم شالسالفة يعني الحين اقرا موضوع واشارك فيه ارد بعدين ادوره ولا محذوف ؟؟؟؟
مو جنه كثرت هالسالفة بالمنتدى احس اي وحدة مو عاجبها الموضوع تروح تتهاوش فيه عشان يتسكر صارت هذي اسهل طريقة عشان تحذفين موضوع لوول

عمري كثرت مو بس في المنتدى حتى في الشارع بالكويت

الناس مو عارفه اشلون تتناقش والكل متعصب

ليش بس ؟؟

الهدوء والعقل زين

 

[monmon12]

اي والله معاج حق
بس شنو الفايده
الكل بيدخل يقول معاج وصاجه ويعطيج العافيه

وتظل هالعقليات موجوده

حبيتي والله أحسن على الأقل من الكلام الجارح

بس صح كلامج اذا موضوع للنقاش لازم نعطيني راينا ونوضح على الأقل ليش نوافق او نعارض

 

[monmon12]

كالعاده مميزه بتفكيرج وطرحج
لاتحرمينا مواضيعج
وان ماشفتيني بموضوع من مواضيعج هالله هالله بالخاص علميني

حبيتي والله اشتيااق مشكورة وحااضر ولا يهمج

 

[monmon12]

كتبتي فأبدعتي موضوع يستاهل التثبيت بجداره​

حبيتي والله بلو دياموند هذا كله من فضل ربي

الحمدلله اني حزت على هذي الثقه منج وتثيبت موضوعي أشكرلج حبيتي

 

[monmon12]

طرح راقي من من

يدل على ثقافه عاليه بادب الحوار وتقبل للطرف الاخر

الله يوفقج

أشكرلج يا عمري هذا الكلام الحلو الي أخجلني وان شاء الله يزيدني تواضع يا رب

 

[monmon12]

اولااا اشكر صاحبة الموضووووع رغم اني كنت مختلفه معاها يوم من الاياااااام!!!

ومع احترامي للمشرفه العزيزةblue diamond
الي اكنها كل تقدير واحترااااااام

وربما اواجه نقد قوي..


لكن يا ليت اطبقين هالنقاط انتي اول شي يا مون مون بعدين تنصحين غيرج..

لاني ادري بتشتكين الحين علي عند المشرفهــ لاني رديت هالرد..

وجهات النظر الكل يتقبلهااا

واختلاف الرأي لا يفسد للود قضيه ..


وشكرآآ ويعطيـــج العافيه على الموضوووووع..

اختي العزيزه ليش أشتكي عليج ؟؟

لكن انا ابيج انتي تشوفين ردج لي انا كاتبه موضوع بالضبط عن الأسلوب هذا الي انا اتكلم عنه

ليش هالطريقة بالرد؟؟

ممكن كنتي تقولين بطريقة ثانيه فيها احرام أكثر عدل ؟؟

وكانج يا عمري ما قريتي هالموضوع معنج قاعده تشكريني عليه

والله اقرى سطرج هذا واتحسف عليج لأنه حرام عضوه كبيرة مثلج تردد بهذا الأسلوب عشان اختلفنا بالماضي

واذا في شي شايفته مني غلط تقدرين تقولينه لي بأسلوب أحلى وأرقى عدل حبيتي

اذا انا اختلفت وياج بموضوع ما اعتقد انه لازم تختلفين وياي بكل موضوع أكتبه

أشكرلج مشاركتج

 

[monmon12]

رد: رد : آداب النقاش.. ما نبي تتسكر المواضيع بسبب العقول الحجرية

عزيزتي
منمن 12

مبروك عزيزتي على التثبيت
انتي من العقول التي نحتاجها في هذه الصفحه
والتي تبرز مدى رقي وثقافه بنات الكويت
من خلال هذا المنتدى
بارك الله فيج ومنها للاعلى
ثابري وواصلي على نفس النهج
فلا بد يوم ان يستقيم الوضع لما نريد ان نصل اليه


طبعا ماله داعي تعليقي لما ابدعتي

معك على طول الخط

محبتي لك

همممت​

حبيتي هممت

الله يبارك فيج عمري

والله كلامج يخجلني وان شاء الله يزيد تواضع

والحمدلله هذا كله من فضل ربي

ومنكم تعلمت أيضا

والحمدلله اني شرفت خواتي الكويتيات وان اشاء الله كلنا ايد وحده

اشكرلج حبيتي

 

[الصابرة المحتسبة]

رد : آداب النقاش.. ما نبي تتسكر المواضيع بسبب العقول الحجرية

ما شاء الله عليج

متميزة وهذي الهقوة في بناتنا

عسى ربي يحفظج ويخليج لعين ترجيج

 

[om batool]

موضوع مميز

مبروووك الثبيت وتستاهلين