<~ آحلى تجمع موآليد صيف 2012 <~ شهر يونيو ~>

[حكآية قلب]

فدددددددييييتج قووووووت


ووووووينج وينج


ابيج خخخخخخخ

باخذ خبرات منج ؟!


ولدت عمليه ؟!

شششلون العمليه مالتج الحين ؟!


انا صارلي ١٨ يوم

و احس احسن ان شالله


قووووت انتي اول عمليه لج !؟

و هل الجرح يختفي ؟!

امبيه انا شطططووووله !!

شبر و ٤ اصابع 

ترا علي حسب الدكتور انا بهواني ماااااخذه راحتها

مالت عليها عجوز القصب



استغفرالله اخاف زوجي مايتقبل شكلي

ووووووو قووووت

البطن خف ولا لا !؟

انااااا لما يزورني زوجي بس يخززز كرشتي

مستنكر الوضع 

 

[دلووعة أهلهاا]

عذوق
اشلون اتعرفين اذا فيه غازان ولالا


انا بنتي مقطعه قلبي سرها حيل طالع ووديته للمستشفى وعطوني موعد عشان يسوون لها كي لانها قطعه زايده

 

[دلووعة أهلهاا]

ام حمني تسلمين ماتقصرين والله يخليج لهم ويخليهم لج

 

[أبكاني ذنبي]

عذووق


فديتج والله صج البجي مايفيد ويبيله اعصاب هاديه

الله يعين ومشكوره يالغاليه عالنصيحه


قووت

هلااا وغلااا حياج معااانااا فقدناج



حكووكااا

الكرش من اللي اسمعه يبيله وقت يخف بعد الاربعين

بس بعد يبيله جم شهر وعطي ريلج العين الحمرا شنو حمل وولاده وخير

انا ريلي اتمنى اشد عليه شوي عشان ما ياذيني بالتعليقات

والله يعين الرياييل ما يعجبهم شي

 

[دلووعة أهلهاا]

اي والله صاجه مشكله هالرجاجيل يبون نحمل ونولد ويعيبون
عاد مشكلتي انا مااعرف ارد اظل ساكته اذا علق واخليها بخاطري

 

[دلووعة أهلهاا]

الجسسم كله مو بس الكرشه يبيله ٦ شهور عشان يرد مكانه حتى الرحم يرد مكانه

 

[دلووعة أهلهاا]

بناااااات


بعيد عن التشكي بفتح موضوع 

منو بيسوي قرقيعان ؟

انا بما اني بجريه وبنتي اول رمضان لها حدي حدي مشتطه اسوي لها

 

[دلووعة أهلهاا]

دقيت ع باتشي قلت ابي اسوي عندهم وقالي اول رمضان ندق عليج واخذ رقمي بس قالي الصناديق والعلب منج هم بس يعبونه قرقيعان
وتررددت لان مره شريت منهم صندوق قرقيعان ماعجبني يعني شغل بيت بس جم حبه حاطين من ككاوهم وقلت شكلي بسووي شغلي بإيدي

 

[حكآية قلب]

لاااا انا هالسنه ماراح اسوي لها

علي السنه الجايه ان شالله تكمل سنه اسويلها احلي قرقيعان

و هم بجر انا بس مااادري مو متقبله قرقيعان حق بيبي بو شهرين


السنه الجايه ان شالله ان الله كتب

 

[قوت]

حكايه عليج بالمشي احسن حل عشان يخفف العوار و يسرع من التأم الجرح انا عملية و امشي و احط عسل ع العمليه عشان بسرعه تلتام والحمدالله باسبوع كل شي تمام و بعد ما كملت 20 يوم عادي حتي اقعد ع الارض

مظلومه عشان المغص منقوعة التمر و لا تستخدمين سكر نبات مامنه فايده بس يحلي حطي سكر العادي الي نستخدمه للجاي و شوفي شلون يمشي بطنه الله يخلي خالتي هي الي قالت لي امي مسكينه ناسيه كل شي ع الجهال

انا حليب ولدي سيميلاك الازرق بس احسه ثقيل و خايفه اغيره من غير دكتور عادي اغيره بنات

 

[دلووعة أهلهاا]

قوت


نفس الحليب اللي استعمله لبنتي ،، لاتغيرينه ولاتفكرين
انا غيرته علبوني مابي غازات وياحياتي تحسست من الجديد وجاها امساك واتعبت وراجعت فيها وقالي الدكتور ردي لسيميلاك

 

[دلووعة أهلهاا]

نفس الحليب اللي استعمله لبنتي ،، لاتغيرينه ولاتفكرين
انا غيرته علبوني مابي غازات وياحياتي تحسست من الجديد وجاها امساك واتعبت وراجعت فيها وقالي الدكتور ردي لسيميلاك

 

[عذوق]

دلوعه
تعرفين اذا فيه مغض من بطن البيبي تشوفينه منتفخ وطقي باصبعج عليه تسمعين صوت يبين انه فيه غازات
وتشوفينه يتعصر المسكين وييكي

 

[دلووعة أهلهاا]

اي واالله ياحياتي بس تتعصر ووجهها يقلب احمر

 

[قوت]

ياقلبي حكاية ياحلوووج
انا اول عمليه لي والي سمعته ان ما تختفي يبقي اثر خفيف بس انتي دربالج عليها و كل يوم بالصبح و قبل النوم نظفيها بمسحات الطبيه وراح تشوفين يطلع مثل الوسخ و اذا شفتي دم خفيف عادي لا تخافين وقبل لا تنامين حطي عسل او زيت زيتون مع خوا جوا انا كنت احط زيت زيتون مع خوا جوا و بعدها انتبهت ان طرف العمليه ما تسكر و الحين احط عسل انظفها و احط العسل و احط الشاش و انام
بنسبه للكرش كل يوم تخف عن اول بس باجي باجي منها و تلوع الجبد بعدين لازم تفاتحين زوجج بالموضوع اذا في كرش و في اثار للخياط انا قلت لزوجي اف لايعه جبدي من كرشي متي تعدي 6 اشهر عشان العب رياضه حياتي لا تنصدم و قعد ابجي و صج بجيت لاني متضايقه منها و الحمدالله ع كل حال و قال انا راضي فيها و الدكتور مفهمني كل شي عن العمليه و قال لي الاثار ما تروح تماماً تختفي بنسبة 80٪ و الله كريم بس انا قالت لي دكتورتي تقدرين تسوين تمارين المعده الي اشفط بطني بعدين اريحه يعني زفير و شهيق

 

[قوت]

ابكاني ماتفقدين غالي ياروحي

بنات لازم شوي يطلع صوتج انا كنت دايماً اسكت بفترة حمالي و اشيل بخاطري لي انا الي اكلتها صح الله كاتبها بس الاحتياط واجب جاني انهيار و من بعدها دخلوني اولد مفروض اطنش و اونس عمري بس الرياجيل ما يحسون
يبون عيال و يبون جسم حلو و كلمتهم شوفو هالاجانب هالاجانب تلوع الجبد و ريحتها خايسه و روحي ديرتها شوف ابطونهم صح

 

[قوت]

دلوعه انا ما غيرته ع ان اول ما طلعت من المستشفي يرجع كتل حليب بس ظليت عليه و مره قعد يوم كامل بس من صدري و بعدها عطيته سيميلاك و لا يناسبه ولا يرجع منه الا مرات و الامساك لازم يصير للبيبي بس عطيه منقوعة التمر وكثري له الماي مع السكر العادي و شوفي بطنه راح يمشي و بنسبه للغازات استخدمي ماي الغريب مال المستوصفات مو الصيدليه و حطي زيت دافي ع بطنه صوب سرتها والله كريم

 

[قوت]

بنات الي قيصريه انا الحين ما ينزل مني شي هم منظفيني عدل عدل يعني اليوم صار لي ٢٨ يوم من يصير لي ٣٠ تجيني صينيه لترديد لمده ثلاث ايام

حكايه ليش عمليتج طويله انا صغيره بس ع خط البكيني و صغيره اول شي قالو ٤ سانتي بعدين قالو ٥ سانتي و مالتي مايله لليمين لان البيبي كان ع كليتي اليمين

بنات شنو تسوون للمنطقه الحساسه حيل تغيرت من اللون لونها وييييع شسوي امانه و اقدر اسوي حمام مغربي

بنسبه للقرقيعان ماراح اسوي لاني بسافر لالمانيا مع زوجي و راح اطول هناك

 

[Cute Mommy]

هلا بنات شلونكم

هههه التجمع كله تحلطم على اليهال مساكين .. بس صج كله باجرة ان شاء الله

انا صارلي 3 اسابيع الحين و الحمدالله يوم عن يوم احس اني احسن و اني تعودت عالبيبي اكثر و حتى اهوا شوي قام يتعود .. مع ان مو بجري عندي بنوتتي بس كل بيبي يختلف سبحان الله ..


بنات على الكرشه و الجروح لا تقولون حق رياييلكم لايعه جبدي من شكلي مادري شنو .. ترا يصير يلاحظ زياده و تحطينها بباله . بالعكس كله بينيله انج واثقه بنفسج و شكلج حلو و مافيج شي .. يقولون الريال يتاثر بكلام مرته عن نفسها اكثر من اللي يشوفه .. و لما تردين شقتج لبسي الحزام اغلب الوقت و شفطي بطنج يساعد ان يرد .. و وقت الشيسمونه اشتريلج قمصان النوم اللي شوي تخش بيبي دول و جذي و الليت قلليه و كل شي يمشي ههه .. و اذا قط عليج كلمه او علق ( خو لازم يعلقون ) قوليله 9 شهور حامل و ولدت و تعذبت و شفت الويل بعد لازم يصير جذي و كلها فترة و ارد مثل اول و احسن

 

[أبكاني ذنبي]

كيوووت


ههههههه نظريتج روووعه هذا اللي بطبقه

والله رياييل ماينعطون ويه


شخباركم؟؟


وشخبار بيبيااتكم؟