<~ آحلى تجمع موآليد صيف 2012 <~ شهر يونيو ~>

[دلووعة أهلهاا]

الحليب المستشفى قالولي سيميلاك بس سبب لبنتي غازات ومغص والحين بغيره وبإخذ نان

 

[Cute Mommy]

صدناااااااااااااكم

انتوا هني

هلا هلا باحلى امهات

شلووونكم ؟؟

شلون نومتكم ؟ ماكو نوم طبعا خصوصا اللي ترضع

 

[حكآية قلب]

هلاااااا فيكم


بنات انا قالو لي سيميلاك

بس غيررررته علي طوووول بنتي ترجع كتل مووو ترجيعه


ومن رابع يوم طلعت من المستشفى
غيرته شرينا نااااان

نان بنات يهبببببل والله ووووخفيف واحسن شي للبيبي
حتي ترجيعها خفيف ووو بطنها يمشي

 

[english muffin]

الحليب يعتمد عالبيبي وجسمه
انا سميلاك و طبيعي

انا لدي امس يننننني رقد من ١١ وقعد مرة رضع ونام وقعد ٤ الفجر الى ٨ الصبح
عذااااب
وطبعا الحين قاعد ويبجي

 

[حكآية قلب]

فدددددديته

لوووووول

خل يزعجج شنو وراج جم سنه مرتاحه !!
من غيرررر بيبي


هههههههههه


بعدين نتعود اابجريات

 

[ريماا]

انا بعد بنظم لكم صارلي تقريبا عشر ايام والدة اشوووة خلصت اشووي من الم الخياط الحين بس تغزات خفيفه
وخاايفه من ولدي معنقز صارله يومين الله يستر علي بنوووتي عزلتها بعييد عن اخووها يارب تحفظها
وبغير حليبها ماتقبلت سريلاك غين ويالله تشرب نتووووفه كسرت خااطري فديتهااا مرة اعطيها صناعي ومرة اشفط لها من صدري بس يالله تخلص رقم بجرب احط لها بمطارتها الماي حلبه

 

[english muffin]

ليش حلبة؟ حق تمتن؟ حرام

 

[غنج بدويـه]

༄ༀ༂ ‎صباح الخير ༂ༀ༄*
يالغوالي ..

ممكن توسعون لي شوي ..ابشركم ولدت يوم الاحد اللي *طاف وجبت بنوته نتفه..
وبنضم لكم

بس حدي متضايقه حاطينها بالشيشه فيهاالتهاب بالصدر وحراره خايفه تطول او تتدهور

بليز دعواتكم والله يخلي لكم بيبياتكم*

 

[حكآية قلب]

هلااااافيج غنج


ارحبي


ان شالله يطلعونها ووو تكون معاج و تلعبين معها

سهالات ان شالله


و مبروك ماجبتي




ووووووينكم امهاتتت


ترا اغلب تجمعنا بجريات 



استغفرالله

تخيلو سر بنتي للحين ماطاح 
صارلي اليوم ١٣ يووووم

هاليوووومين قرب خلاص
بس اخاااف يطول
وليش ماطاح بسرعه
اول اسبوع كنت خايفه و الحين تعودت


امسسسحه و الينه بمسحة الكحول وووو احط بعدها بودر !!
ومااااكوووو فاااايدة



الله يعين

 

[سمسمة كويتية]

شلونكم بنات
وااااااي حدي مو فاضية مو قادرة أدش النت كلش لأني أشبك من اللاب توب
شلونكم شخباركم
بنات انا صارتلي ظروف فولدت بالعدان بس بصراحه والله صج صج ماقصرو اهتمو فيني اهتمام مو طبيعي يهبلون كلش كلش ما توقعت جذي بغرفة الولاده ثلاث دكاترة و سسترات و دكتورة بنج حق ابرة الظهر و معاملتهم تهبل ، و أن ضغطي ارتفع وايد بغرفة الولاده فحطوني عقبها بغرفه خاصة يومين تحت الملاحظة و كل شوية يقيسون ضغطي و يعطوني دوا و ايي دكتور يشيك علي و بس اطلب شي ايبونه على طول ، و بعدين ودوني الجناح و هناك السستررات 24 ساعه فوق راسج و يعلمونج شلون تمسكين البيبي و ترضعينه و يقولولج عن أهمية الرضاعه لازم كل يوم محاضرة ، قعدت بالجناح يومين عشان يراقبون ضغطي و كل شوية ياخذون ولدي يغيرون حفاضته و يسبحونه مرة باليوم

الحمدالله رب العالمين

بس بنات أنا الصراحه الي صج خايفة منه و أحاتيه الخياط ، مادري خيطوني عدل و لا أي كلام ، أنا ما أحس بعوار و لا بشد مثلكم بس يمكن لأن الأيام الي كنت فيها بالمستشفى كانو يعطوني مسكن
بس مادري قعد أحاتي يعني ما أحس بشي كلش الحين و شكل المنطقه احسه تغير حتى أخاف أشوف المكان

و بالنسبة لبطنكم ربطتوه ولا تلبسون كورسيه و لا ماله داعي؟؟

 

[حكآية قلب]

فدددديتج سمسووووم

مبروك ماجبتي

الخياط سهالات حتي لو ماضبطوه
روحي لدكتور يسوي لج

قبل لا تطلعين من النفاس


وووواااي الله يعينج انا لو من اللاب جان ما اشبك
كله منسدح خخخخخ و علي الفون



المهمممم

الربط انا مالبست كورسيه للحين
انا قيصري

بنطر ٢٠ يوم والبس

بشتريه من انور اللي يجي شورت لي تحت الصدر

 

[دلووعة أهلهاا]

سمسمه مبروك ماجبتي والحمدالله ع سلامتج

 

[دلووعة أهلهاا]

ريما انا عطوني سيميلاك مترووس غازات وغيرته لي يومين اخذت نان
وانا بالمطاره احط ٧ حبات حلبه مفيده وزينه والبيبي يكبر بسرعه

 

[حكآية قلب]

دلوووعه مطارت حليبه!؟

الماي الحار تقصدين؟!

 

[english muffin]

الحليب يعتمد على البيبي
مو كلشي يناسبهم كل واحد وجسمه
والغازات طبيعية واحسن دوا للغازات اهي الانفاكول

 

[Cute Mommy]

هلا بنات شلوونكم

شمسوين مع النفاس؟

صج ماكو وقت بس هم تحسين ملل

انا مو متعودة ما اطلع هالكثر ههه .. الله يسهل ما باقي شي بس المشكله بنطلع برمضان و هم رمضان ماكو طلعات وايد بس الشهر حلو يونس ..

المهم شلونكم شمسوين ؟؟ شنو تحسون اصعب شي بهالفترة ؟

انا احس النوم لان ارضع و الرضاعه مشالله كل ساعه يقوم .. و الحين شوي بدى بطنه يضايقه و بديت اعطيه ماي غريب مال المستوصف

سمسمة لا تحاتين الخياط ان شاء الله اوكي .. و بجر ما تحتاج شي وايد يقولون لي الثالث بعدين اللي تحتاجين خياط تجميلي او شد

 

[Cute Mommy]

واااي انا بعد ابي اروح اشتريلي كورسيه بس مو قادرة اطلع

 

[دلووعة أهلهاا]

اي بمطارة الحليب الحار حطي ٧ حبات حلبه وكل ماسويتي ماي جديد حطي

 

[دلووعة أهلهاا]

صاجه انجلش
انا كنت اعطيها سيميلاك بس ذبحتها الغازات واستعملت قاز مع الحليب حق الغازات ولي يومين استعملت نان وكلش كلش ماناسبها من شربته ياحياتي ترجيع وامساك وبرد لسيميلاك

 

[دلووعة أهلهاا]

Cute
اطلبي حزام اللي بعد الولاده يوصلون للبيت