<~ آحلى تجمع موآليد صيف 2012 <~ شهر يونيو ~>

[Cute Mommy]

دلوعه من وين اطلب؟ و شنو نوع الزين ؟؟

على الحليب انا قبل ببنتي كنت استعمل ابتاميل و وايد نصحوني في الدكاترة لما كنه برة الكويت و الحمدالله مشى معاها

جربيه يمكن ينفع لبنتج

 

[دلووعة أهلهاا]

اشتريه من الوسيط اشكثر اعلاناته اللي ماينسفط بنات تجمع النفاس يمدحونه بس للأمانه ماجربته لاني انا انسانه ملوله

 

[حكآية قلب]

انا ناااان ناسب بنتي الحمدالله
تعور قلبي لمااااا يعورها بطنهااا



 

[Cute Mommy]

دلوعه انا ودي الكورسيه اللي جنه شورت هذا احسن يقولون اللي من انور .. بشوف احد يروح اييبلي واحد و اذا ما حصلت بجرب اللي نطلبهم

حكايه اي والله يعورون القلب ما تدرين شنو تسوين و اهما يتلوون و يتعورون..

 

[أم علّولو]

شلوووونكم حبايبي

والله لكم وحشه

شلونكم مع بيبياتكم؟

بنات لي متى الخياط يعوركم؟ اليوم لي ١١ وليلحين يعورني ماقدر اقعد ولما امشي يعورني


وابي شي يدر الحليب صدري احسه كل يوم يصير اقل من اللي قبله

 

[أبكاني ذنبي]

مساء الخير


شخباركم بنووتات اقصد امهااات؟؟


وشخبار بيبيااتكم؟؟



ام علولو

انا لي ١٥ وللحين يعورني شوي يشد علي

تكفوون لاتييبون طاري تلوي البيبي يعوووورني قلبي

ومابيدي شي اسويه اعطيه غاز مره باليوم بالليل

ومع هذا يتلوى

صعبه مسؤوليه البيبي

 

[أم علّولو]

هلا والله بك بك

وااي لاتقولين ربي يآجرنا


انت ولدي حبيبي مقطع قلبي
بطنه يمغصه يعاطس وخشمه مسدوود وبلغم ساد بلاعيمه وخانقه

 

[عذوق]

شلوووونكم بناااات

الحمدلله ع سلامتكم ومبروووك ما جبتووو يتربوون بعزكم يارب

انا ولدت بتاريخ 6/25 جبت بنوووته ب قيصريه


الحين صارلي اسبوووع

شلوونكم مع النفااس والسهرر انا كله متضاايقه واعد الايام متى اخلص على خير

 

[أم حمني المزيون]

انا بنضم لكم الحين كنت متابعتكم عن بعد من اول الحمال بس ظروفي كانت صعبه من تثبيت بسبب اجهاضات سابقه ومشيمه نازله وسكر حمل وضغط فكنت حدي تعبانه والحمدالله ولدت بقيصريه علشان المشيمه تحت بتاريخ 6/14 ويبت بنوته ؛ ولي الحين 19 يوم وبنتي الغااازات مو طبيعيه عندها مسكينه ومنشوله معطينه دوا وبخاخ خشم غصب يدش خشمها هههههههههه والنفاااس حده كآاابه وانا بشقتي طبعا ؛ شكلي قرقت وايد اعذروني بس حبيت اعطيكم نبذه عني 

 

[سمسمة كويتية]

بنات شلونكم
حده ضايق خلقي و أبيكم تواسوني

انا بغرفة الولاده شافو ضغطي عالي وايد و ظل عالي عقبها و خذيت علاج
اليوم رحت أشوف الضغط و لا يطلع مرتفع حيل و الدكتور ما بقى تحليل ولا أشعة إلا و قالي أسويها ، هذا غير جرعة الدوا الي زادت دبلات ، خايفة و قعد أحاتي ماكان فيني شي و أنا وحده أكره الدواو الله لو تشوفون الأدوية تقولون عيوز و قمت أوسوس و مابقى شي ما طرى على يالي حدي خايفة
ريلي يقولي مافيج شي لا تصدقين الأطبا و انتي مو حاسة بولا شي بس أنا خايفه

 

[حكآية قلب]

واااااااي فديتكم امهااااات


حياكم الامهات اللي نضموا لنا


شلون جرح العمليه ؟!

للامهات الجدد

انااااا احس ينغز من طرف واحد وووو اوسوس


الله يعيييينااااا


انا بنتي بس تبي القعده فوق بطني !!

عاااااد كلش مادري متي تبي الحظن


انا اعطيها حليبها و احطها بالسرير

بس هالايااااام تدلع حييييل


ووو اخاااااف علي العمليه

صارلي ١٧ يوم


الحمدالله مشت الاياااام


وعقبال اختفاااا الكروشه

 

[عذوق]

حكايه لا تخافين النغزات ظبيعيه
معناته ان الجرح يلتئم
وامشي لا تظلين قاعده عشان يروح العوار
ومن ناحية تنفتح ماراح تنفتح ان شاءالله اهم شي لا تشيلين شي ثقيل

 

[حكآية قلب]

حياااااتي عذوق فديتج


ان شالله ياااارب

عسي الله ياجرناااا

 

[دلووعة أهلهاا]

حكايه

والله حتى انا بنتي تظل تبجي لين احط ايدي تحتها وتنام ومن احطها بسريرها صياااح ،، ذبحها المغص والغازات وخشمها مسدود وتعاطس وامساك والله لابجت ابجي معاها يتقطع قلبي

 

[دلووعة أهلهاا]

عذوق ،، ام حمني
الحمدالله ع سلامتكم ومبروك ماجبتوا

هالسنه احسها اغلب المواليد بنات

 

[دلووعة أهلهاا]

سمسمه

ماتشوفيين شرر ،، ودام مافيج دوخه ولا صداع ماعليج شر
وكثري ماي زين للضغط

 

[أم حمني المزيون]

دلوعه اهلها الله يحييج حبيبتي وصاجه هالسنه كله بنات و2 من عايلتنا هم يابوا بنات ؛؛ شكلي انا اكبر وحده فيكم ههههههه عندي 3 صبيان وبنت وحده والحين يبت لها اخت اللهم لك الحمد والشكر ؛؛؛ يعني انا الأم الخبيرهاي استفسار انا حاضره فيدوني وافيدكم بخبرتي وخبرتكم نتعاون باذن الله حق بيبياتنا الحلوين

 

[أبكاني ذنبي]

شخباااركم؟؟


يعني مو بس ولدي اللي خشمه مسدود ويبجي وحالته حاله


بس مستغربه من شغله بطنه فيه حبوب وبعضها راسها ابيض وبفخوذه شوي

وبطهري حمار خفيف شنو هذااا؟؟؟؟؟؟؟!!!!!!

توقعون من الحفاظه نوع حفاظته ليبيرو


سمسمه

ماتشوفين شر فديتج وفعلا تعب نفسيه النفاس

وعشان تتطمنين على صحتج روحي الحكومه وقيسي الضغط

وان شاء الله مافيه الا الخير


ام حمني

حياااج الله يالخبيره احنا بجرياات

 

[قوت]

صااااادوووه

بالصدفه قلت خل ادخل التربيه و الطفل و لا اشوف تجمعنا ياحلو تجمعنااا الله لا يغير علينا عاد ياليت بنات الواتساب يرجعون لنا

انا مثل ماتعرفون ولد قيصري و جبت ولد الحين صار لي 27 يوم العمليه الحمدالله التأمت بس الاثر باقي و ما ادري شسوي عشان يختفي تماماً و بنسبه للربط للحين ما ربط خايفه بعد ما يصير لي 30 بربط بشتري مال العمليات الخاص فيها

 

[عذوق]

دلوعة اهلها
الله يسلمج ويبارك فيج يارب

ابكاني غالبا البجر يكون بكاي وعسر لانج جديده ع الامومة فما تعرفين للبيبي شوي شوي راح يتغير ويصير احسن ان شاءالله انتي اصبري وامسكي اعصابج
لا توترين ولا تبكين ماراح يفيد خلج كوول وهاديه وسيطري ع الوضع اهم شي لا تعودينه ع الايد خلص رضعته ونظيف وماكو غازات خلاص حطيه بسريره

والله يهديه ويخليه لج يارب