آآه من الزمن ...

[meen_ana]

ثاني وصل بعد ربع ساعه.. ولقاهم واقفين عند الباب.. على طول زقرهم عشان يركبون الموتر.. راحت لطوف وياها سلامه صوب الموتر.. سلامه.. طول الوقت كانت مبوزه وتتحرطم..

ثاني: اشفيكم ساكتين .. برقد تراني..

لطوف: ههه.. انا من الصبح ارمس اشفيك.. هاي سلامه جنها حالفه ما ترمس..

سلامه: اقول اكرميني بسكوتج..

ثاني: شوي شوي عالبنت..

سلامه: اختي وانا حره فيها..

ثاني: عاد مب جيه.. خلج حنونه عليها شوي..

سلامه: اختي وانا حره فيها..

لطوف: واذا انا قلت لج مو عايبني اسلوبج وياي..

سلامه: والله مب مشكلتي مشكلتج..

لطوف: انزين خلاص صخي.. سكوتج احسن.. ثاني مره ثانيه لا تطلب منها ترمس..

سلامه: اصلا القعده من غيري مو حلوه..

ثاني: شي اكيد...

سلامه: وانت حضرتك تتمصخر..

ثاني: حرام عليج.. يوم انكلمج بصراحه اتقولين تتمصخر..

سلامه: بس بس وصلنا السوق..

نزلت لطوف.. ونست تفتح الباب علىسلامه لأنه مقفول من داخل.. وثاني فتح لها الباب.. وتم يطالع في عينها وهي ملاحظه هالشي بس مطنشتنه..

سلامه: تعالي يالحماره.. ليش ما فتحتي لي الباب...

لطوف: نسيت..

سلامه: مره ثانيه لا تنسين لو سمحتي...

ثاني:انزين نا فتحت لج الباب...

سلامه:شكرا..

ثاني كان يمشي حذال سلامه ولطوف كانت تمشي اسرع عنهم شوي.. : سلامه.. ممكن اعرف ليش اتعامليني جبه؟؟

سلامه: كيف تباني اعاملك يعني..

ثاني:وايد قاسيه معاي..

سلامه: لاوالله.. يا حراااااااام

ثاني:سلامه ممكن اقول لج شي.. لأني مب قادر اكتم في روحي اكثر من جيه.. احس عمري بنفجر. لازم اقول لج اياه.. انا كنت ناوي اقوله لعبيد اخوج اليوم.. بس ما يا ويانا بقولج اياه انتي..

سلامه خافت.. اتحرته بيقول عن المواقف الي شافها فيهم في بوظبي: شوووو

ثاني: سلامه.. انتي وايد قاسيه علي.. وما تحسين فيه.. يعني انتي ماتحسين بأي شي من صوبي.. بس تجرحيني.. والله حرام عليج.. انا شو ذنبي..

سلامه: ممكن اتقول لأني ابا ادخل المحل واتشرى براحتي..

ثاني: هم اربع حروف..

سلامه: اقول.. بتيلس اتقول لي الغاز.

ثاني: سلامه فهميني مب قادر اقولها مافيني جرأه..

سلامه: اقول بتقول ولا اشلون.ز

ثاني: بقول والي يصير يصير.. وانا اليوم بكلم اخوج عبيد.. بس والله تعبت.. انا احبج يا سلامه

سلامه من سمعت هالكلمه وقفت مكانها ومصدوووومه.. حست ان لسانها انربط ما تعرف شو اتقول.. تمت تتذكر تصرفاته.. تذكر كيف كان يحن عليها يوم خبر وفاة طلال.. نظراته صوبها.. تصرفاته..

ثاني وهو يطلع قطعه من مخباته: واتشوفيه هالقطعه الي لفيتي فيها ريلي.. لين احين محتفظ فيها.. احس بريحتج فيها.. مااتفارقني ابد.. سلامه اسمحي لي على هالكلمه الي قلته.. بس والله غصبن عني.. فهمي شعوري.. انتي في يوم من الأيام حبيتي.. اظني تفهمين شعور الواحد يوم يحب كيف

سلامه: بس بس..

ثاني: ادري.. بتقولين لي طلال المرحوم.. ادري ومقدر.. واحسده على هالحب.. صدقيني بتم اترياج لين ما تحبيني..

سلامه تمت ساكته ومنزله راسها ما تعرف شو اتقول له.. صح انها ما تحبه .. بس في قلبها غير جيه.. يعني ترتاح له.. مب انها اتحبه.. نظراته لها خلتها اتحس بحنيه صوبه.. تمت ساكته ما تعرف شو اترد عليه.. ولطيفه بعيده عنهم مشغوله في المحل..

ثاني: سلامه.. فكري الله يخليج.. لو ما بتحبيني برايج.. بس المهم انج ااتكونين من نصيبي.. بسوي المستحيل عشان اكسب قلبج.. وصدقيني راح اقدر.. وسلامه عشان خاطرج فتحت محل في بوظبي .. محل ورود.. اسمه ازهار طلال.. والله عشانج يا سلامه..

استغربت اكثر واكثر سلامه من تصرفه هذا.. ليش يسوي جيه.. مع اني دومي احقره واكرهه .. لا ياربي.. مابا احب غير طلال.. شو اسوي ياربي... مابا اخون طلال.. ما اقدر..

مشت عنه وراحت تتشرى وذهنها وعقلها مشغول في الكلام الي سمعته.. ما عرفت شو اتسوي.. شو اتقول له.. انها ترتاح له وفي امل.. ولا تحقره.. قررت انها تستشير الدكتور ناصر... لأنه تعرف انه محد بيقنعها للصح غيره..

مر اليوم والكل ساكت.. ولاحد فيهم يرمس غير لطوف.. ولغه الحوار ما بين سلامه وثاني كانت العيون بس.. والصمت كان مخيم عليهم...

وخلصوا شرواتهم وقررت انها تروح المستشغى عند العنود تنام عندها.. وصلها ثاني وخبر عبيد ورد لطوف البيت وهو محتار وحزين مب عارف شو يسوي.. حس بندم ليش رمس وقال لها..

..


سلامه من دخلت المستشفى تمت اتدور على الدكتور ناصر وشافته قاعد في غرفه التلفزيون..

سلامه: دكتور ناصر ممكن اكلمك شوي..

ناصر: افاعليج .. تعالي محد هني..

دخلت سلامه عنده وقعدت شوي قريب منه..

ناصر:خير .. شو الموضوع؟؟

سلامه: ناصر انا ارتحت لك .. واثق في رايك وكلامك.. بغيت اكلمك في شي.. بس بشرط يتم بيني وبينك.. مابا العنود حتى تعرف..

ناصر: خير شغلتي بالي.. خبريني شو الموضوع..

سلامه: ما تقول لحد..

ناصر: افا عليج.. متى اتحيديني قلت لحد شي انتي قلتيه لي.. قولي..

سلامه نزلت راسها ومستحيه ما تعرف شو اترد عليه واتقول له..

ناصر: اشوف عيونج.. (رفع راسها شوي وتم يطالع عيونها .. وشافها غرقانه بالدموع .. وخدودها محمره.. )

ناصر: لا السالفه جايده.. شكلج محتاره في شي..

سلامه: مابا اخونه.. مابا ..

ناصر: ليش اتخونينه؟؟ .. خايفه من شو..

سلامه: ناصر.. ثاني يحبني .. ويباني.. وانا بديت أميل له لأنه وايد يهتم فيني وحنون علي..

ناصر: وين الخيانه قولي لي..

سلامه: ننناصر.. طلال.. كيف احب غيره وهو في حياته ما حب غيري..

ناصر: طلال يوم حبج.. حبج وحب لج الخير.. ويبا يشوف سعادتج.. كيف بتحرمينه من شوفه هالشي فيج..

سلامه: بس..

ناصر: لا بس ولا شي.. ثاني ريال وايد زين.. وانا لاحظت عليه من نظراته انه يميل لج وايد...

سلامه:ادريبه ريال ما ينعاب بشي.. بس طلال المرحوم.. كيف انساه واخونه

ناصر وهو متنرفز: شو فيج انتي.. اخونه واخونه.. قلت لج ما بتخونينه.. ترا من حقج اتكملين مشوار حياتج..

سلامه: تدري .. فاتح محل ورود بإسم طلال بس عشان خاطري..

ناصر: شوفي كيف يحبج.. هالإنسان هو الي بيحي لج ذكراه مثل ما قلت لج..

سلامه: مادري مادري.. محتاره والله

ناصر: سلامه.. ثاني يستاهل.. تبين شوري.. والله ما بتلقين احسن عنه.. ما تقولين لي شو الي بيخليه يودور الإمارات وايي وياكم؟؟

سلامه: مادري..

ناصر: عشانج.. لا تتحرين انه ما يقدر يفارق عبيد وعشان جيه يا وياكم..

تمت سلامه تدمع وساكته..

ناصر: يعني ريال شو كبره عنده اشغال والخ.. يدورهم وايي هني عشان عبيد ..

سلامه: بس..

ناصر: بس انا الي بقول لج بس.. بسج صياح.. مااحب اشوف دموعج

سلامه: ناصر مادري لولاك انا شو بسوي..

ناصر: المهم انتي فكري وخذي راحتج.. وراج ثانويه فكري كيف اتخلصين الثانويه بجداره وعقب فكري في ثاني..

سلامه: ان شاء الله..

ناصر: يلا الوقت تأخر روحي رقدي عند العنود وباجر يصير خير..

..

طلعت من عنده وسارت ترقد في غرفتها..

.. ..

دبي..

فيصل: ها فطيم.. شو يبتي لي؟؟

فطوم: انت قول شو يايب لي.. ساير روما..

فيصل: فايج لج انا .. رايح استانس ويا حرمتي اتقولين لي هدايا..

ريم: ما عليج منه... يايبين لج لبس.. وشويه اغراض بعطيج اياهم.ز

فطوم: مالت على اخوي ولا يذكرني..

فيصل انسدح وحط راسه على ريول ريم.. : وافديت حرمتي.. اقول شو رايج انرد انسافر نفتك من حشره بعض الناس..

فطوم:انا حشره..

فيصل: ههههههه.. لا انتي باعوضه

فطوم: سخيف.. عيل ما بعطيك هديتك..

نش فيصل من مكانه وسار حذال فطوم ويحط راسه على جتفها: افا .. انا اخوج حبيبج.. تزعلين مني..

فطوم: خوز عني.. القمل الي في راسك بيي علي.. وعععععع

فيصل: يلا عاد.. فطوووومه

فطوم: ماشي شريت شنطه حق ريماني.. وانت خذت لك طقم عطور..

فيصل: فديت اختي ما تنساني ادري بها..

...

وتم الكل يسولف.. ومريم اتفكر في ابراهيم معقوله انه يحبني.. ياترى يعرف اني انا بعد احبه.. اااااه يا ابراهيم.. انت ما تدري بحالي.. مشكلتي ساكته ما انطق ولا اقول.. بس ليتك تذكر يوم نحن صغار .. كل ايامي وياك.. كل ذكرياتي.. كل شي مر بطفولتي كان لك دور فيه.. ابراااهيم

.. ..

ومرت الأيام وردت سلامه البلاد ويا اهلها .. وتمت العنود هناك مع امها وجواهر عشان اتكمل علاجها.. كانت حالتها وايد متقدمه لأن العلاج كان مكثف عليها.. تمت اتحاول كثر ما تقدر اتساعد عمرها.. وقدرت تمشي خطواتها بس مع عكاز.. والكل مستانس لهالتقدم.. وناصر طوول الوقت يقعد عندها ويساعدها بكل علاجها.. بدت العنود اتميل له.. واتلاحظ اهتمامه فيها.. وبدت اتحس بالحب.. كان يتعكر مزاجها اذا مر يوم وما شافته..

ونفس الشي ناصر.. جواهر كانت ملاحظه هالحب الي بينهم ومستانسه في قلبها .. بس ما قالت شي.. لين ما تتأكد..

..

في الإمارات كان يوم ميلاد سلامه.. عبيد طبعا ما قصر سوى لها حفله صغيره بينها وبين اخوانها..

وفي هاليوم كان مقرر جاسم يعطيها الجيس الي فيه هديه لسلامه..

جاسم: انا عندي لج هديتين..

سلامه: هديتين!!!.. اشمعنى..

جاسم: وحده فيهم مني.. (سكت شوي ونزل راسه).. الثانيه من المرحوم طلال..

سلامه من سمعت اسم طلال سحبت الجيس الي كان أشر عليه انه منه.. وفتحته وتمت تتطالع الي فيه.. كانت فيه علبه مغلفه بورود صناعيه بس بشكل وااايد حلو.. فتحته وشافت فيه مجموعه عطور.. ودهن عود.. وشافت فيها رساله ..ما طاعت تفتحه احين غير يوم اتكون روحها.. وشافت البوم منسق بشكل رائع .. تمت تتطالع الصور الي فيها واتصيح.. كانت كل الصور لسلامه وياه يوم كانوا صغار.. صور يوم يتضاربون.. وصور يوم يلعبون في الرمل مع بعض.. وصور يوم ميلاد سلامه لما كان عمرها 8 سنين.. وصور واايده حلوه.. تمت اتصيح وقعد عندها عبيد وتم يحضنها.. ويبوس راسها..

سلامه: الله يرحمك يا طلال..

عذاري: ادعي له سلامه ..

سلامه: انا دومي ادعي له.. ودومي اقرا على روحه القرآن..

عذاري: زين اتسوي..

عبيد: فتحي الرساله اقريها..

سلامه: لا اخاف..

عبيد: لازم تقرينها.. فتحيها حبيبتي..

سلامه وهي ترتجف .. فتحت الرساله وشلت الرساله من الظرف وفتحته وهي ترتجف..

سلامه وهي تقرا الرساله: حبيبتي سلامه.. انا ساير عندي دوره.. ومادري في هالدوره شو ممكن يصير.. بس اباج اتعرفين شي واحد مستحيل يصير اني ما احبج وافكر فيج.. بالعكس هالشي ملازمني طول الوقت.. دومج على بالي.. ادري الظروف ضدنا ومب معانا وما تجمعنا.. بس امنيتي اليوم اللي اجتمع فيه وياج.. وابا اقول لج شي.. اذا في يوم من الأيام ما قدرت اخذج.. وفي شي فرقنا.. ما ابج اتصيحين ولا تزعلين.. يكفي اني عارف انج اتحبيني .. وحبج لي مكنون في قلبج لا يمكن انه يزول.. بس الي اباه منج شي واحد.. عيشي حياتج.. حتى لو ويا ريال غيري.. بس وصيه فيج.. قولي له انه يتم وياج.. ويحبج مثل ما احبج.. حبيبتي..

يمكن انتي اتقولين كيف يرضى اني اخذ غيره.. طبعا انا ما برضى اني اكون عايش وتاخذين غيري مستحيل.. انا اقصد اذا فرقني الموت عنج يا سلامه..

هذا الجيس هديه بسيطه مني لج.. لني متعود دوم اهدي لج شي.. بس مادري احس بشي غريب غير عن كل مره مادري ليش.. احبج لا تنسين

طلال.

سلامه ما قدرت تتحمل اكثر من جيه.. ولا قدرت تمسك عمرها من الصياح.. تمت اتصيح من خاطرها.. والكل حولها يهون عليها..

عبيد: شفتي حتى هو يباج اتعيشين حياتج..

سلامه وهي تحضن الرساله: حبيبي يا طلال..

عذاري: سلامه.. انتي احين بديتي دراستج.. يعني ثانويه.. الي نباه منج... واكيد المرحوم يبا منج.. اتبيضين الويه بدرجات تفتح النفس..

سلامه: ان شاء الله..

 

[meen_ana]

خلص اليوم والكل راح صوب غرفته الا سلامه الي ما نامت.. تمت طول الليل تتطالع هداياه واتصيح.. وعلى اخر الليل تمت تقرا عليه قرآن كعادتها.. وثاني كان موجود في الحديقه يبا يسمع تلاوتها .. لأنه عارف انها في هالوقت راح تقرا.. تم يطالع صوب بلكونتها.. ويسمع..

حست سلامه بإن في حد مراقبها.. قامت .. وتمت تتطالع تحت.. شافت ثاني واقف.. التقت نظراتهم لوهله وكل واحد يفكر في الثاني..

سلامه: شو اتسوي هني..

ثاني وهو مفتشل: ماشي.. بس قلت اشم هوا..

سلامه: والهوا ما ينشم الا تحت بلكونتي..

ثاني: اسف.. بروح ذاك الصوب.. صح.. كل عام وانتي بخير.. هديتج ما تبينها..

سلامه وهي مب حاسه بعمرها : هيه اباها..

ثاني: خلاص تعالي خذيها.. بحطها عند المطبخ

سلامه ركضت تنزل عشان تاخذ الهديه شافته واقف عند المطبخ: شو فيك واقف..

ثاني: والله انج حلوه..

سلامه استحت من كلامه ونزلت راسها:..

ثاني: متى بتحبيني..

سلامه: وين الهديه.. ؟

ثاني وهو مستانس.. ومبتسم لها: هذي..

سلامه: شكرا

سحبته عنه.. وراحت صوب غرفتها عشان تفتح الهديه.. وشافت ساعه كريستيان ديور وااايد حلوه.. على طول خشت الساعه في الكبت وراحت ترقد.. لأنها حاسه بتعب شديد.. ..



..

اليوم الثاني الصبح..

عبيد: امي.. اباج تخطبين لي وحده؟

ام عبيد: واخييييرا قررت اتعرس.. هاي الساعه المباركه الي اترياها..

جاسم من سمع رمسه عبيد على طول نزل راسه وزاد حزنه.. مب قادر يمنعه او يقول له شي..

ام عبيد: بس منو البنت ما قلت لي.. من بنته.؟؟

عذاري: انا بقولها.. انت اسكت.. سلمج الله امي هاي عواش.. من اهل دبي..

ام عبيد: اي وحده فيهن؟؟

عذاري: ذيج الي حضرت العزا.. بنت خالهم..

ام عبيد: هيييييييييه.. والله خوش بنت.. والنعم فيها وفي اهلها.. انت مقتنع فيها عبيد..

عبيد: هي امي .. شفتها وعيبتني بنت رزينه وحلوه.. ما تنعاب..

ام عبيد: خلاص افا عليك..

عبيد وهو مستااانس: والله صدق.. متى ؟؟

ام عبيد: هونك .. هونك.. شفيك مستعيل؟؟؟

عبيد: اخاف البنت اتطيرمن ايدي..

جاسم وهو مغيض: جيه حمام.. انت احين ودرت بنات بوظبي وتبا وحده من دبي..

عبيد: المهم بنت زينه ما يهمني من وين.. البنيه ما تنعاب بشي

عذاري: صدقه عبيد.. انا وايد احبها الصراحه.. حبوبه ماشاء الله عليها..

عبيد: امي.. اليوم رمسيهم وخذي منهم موعد..

بو عبيد: هههههه.. مستعيل دومك..

عبيد: ولا ترا بهون..

جاسم وبصوت واطي: يارييت

عذاري: شو حبيبي..

جاسم: اقول.. الله يهنيك..

عبيد: ويهني الجميع..

ام عبيد: اتريا اشوي.. مب اليوم..

عبيد: واذا قلت لج احين.. مالي شغل..

جاسم: اشفيك مستعيل.

عبيد: ما يخصني.. اليوم يعني اليوم..

قامت عذاري ويابت التليفون عن يحتشر عليهم عبيد زود عن جيه.. : هاج امي اتصلي..

ام عبيد: عيب .. على ويه الصبح.. خل العصر بدق

عبيد: شو الصبح... احين الساعه 11 الكل واعي.. يلا امي عاد....

ام عبيد: ههههه.. هاتي..

اتصلت على رقم عواش وطلبت منها امها.. عواش تمت اتحاتي ما عرفت شو الموضوع... عذاري متصله.. شو السالفه...

جاسم قاعد على نار.. مب عارف شو يسوي .. قرر انه يطلع لأنه مب قادر يتحمل زود...

ام ريم: هاي الساعه المباركه.. يا حياج انتي وابو عبيد في اي وقت

ام عبيد: الله يحييج.. خلاص الخميس ان شاء الله نتشاوف

ام ريم: على خير.. ان شاء الله

بندت الخط وبشرت عبيد الي طار من الفرحه.. واما عواش يوم سمعت الخبر انصدمت.. كيف بترفضه.. كيف بتمانع.. لا ياربي.. كيف اخذ عبيد.. وجاسم وياهم في البيت.. لا ياربي.. ما اقدر اوافق..
الفصل الثاني من الجـ 25 ـزء



عبيد كان طاير من الفرحه ومب عارف شو المفاجأة الي تنتظره.. واما جاسم فكان عايش في عالم من الحزن.. كيف يرضى ان عواش تاخذ غيره.. ولا مب اي انسان بعد.. عبيد..

آه يا زمن يا مفرق الأحباب..

آه يا زمن يالي تعيشني مع حبيبي كننا أغراب..

احبه وكل يوم احلم بطيفه..

يجيني ويسليني...

مابي افقده يا ناس..

هذا حبيبي وابيه يصير من نصيبي..

كيف ارضى بعاذل يفرقك مني..

مالي حيله مع الأقدار..

وماني قادر اتحمل الي صار..

آه يا زمن يا مفرق الأحباب..

تم يحاتي .. ياربي كيف راح اترد عليهم عواش.. بتوافق عليه.. وبترضى فيه.. وانا .. كيف .. وين رحت؟؟ وين مكاني من حياتها.ز آآآآه والله مب قادر..

 

[meen_ana]

في دبي .. في بيت بو الريم..

ريم كانت يايه عند امها اتزورهم.. وعرفت السالفه من عواش.. وفيصل يوم عرف استانس لأنه يعرف عبيد ريال ما ينعاب..

ريم: عواش.. انتي شو رايج؟؟

عواش: مادري ياريم.. مادري..

ريم: لا تنسين ان الراي الأول والأخير لج انتي..

دخل عليهم بو الريم وشاف عواش قاعده..

بو الريم: السلام عليكم... اشحالكم بناتي؟؟

ريم+عواش: بخير ابوي..

بو الريم: شوفيها عواش قاعده فوق .. ؟؟ شو فيها بنتي..

عواش: ماشي ابويه..

راشد: شوفي عواش.. انا تدرين منى عيني اشوفج معرسه واشوف عيالج.. مثل ما تمنيت هالشي لريم .. وصار.. اباه لج.. وعبيد ريال والنعم فيه.. سألت عنه والكل يمدح فيه.. ريال يشتغل.. ومتعلم ماشاء الله عليه.. يعني ما عليه قصور.. في نظري مااشوف فيه شي يخليج ترفضينه.. وغير جيه ماشاء الله عليه.. مملوح.. يعني حلو...

عواش: بس ابوي.. انا بعدني ادرس..

بوالريم(راشد): شو المانع ياما بنات عرسن وهن يدرسن.. يعني مب شي يديد.. وانتي قدها ابوي..

ريم تمت تتطالع في عواش الي كانت مب قادره اتقول لا واترد ابوها..

عواش نزلت راسها والدمعه على خدها: الي اتشوفه ابوي..

راشد: وانا هذا الي احيده منج.. بالبركه

وظهر ابوهم من الغرفه وتمت عواش اتصيح.. وريم اتهون عليها..

ريم: يوم ما تبينه ليش ما قلتي..

عواش: شو ارد عليه.. ما عندي سبب مقنع..

ريم: بس انتي كيف بتتحملين هالوضع انج اتكونين ويا عبيد.. واتشوفين جاسم تقريبا كل يوم..

عواش: مادري يا ريم مادري.. الله يعين

ريم: على قولتج الله يعين.. بس عندج فرصه ردي فكري..

عواش: بس انا رديت على ابوي ومب راده بكلامي وياه..

ريم: الله يهنيج..

عواش: تسلمين..

.. ..

من عرفت فطوم بالسالفه الا وطارت من الوناسه...

فطوم: الللللللله كشخه.. بعد عرس في العايله.. ولا بعد مب اي عرس.. عرس عواشي..

ريم: شفتي عاد كبرت وبتصير عروس.. عقبالج..

فطوم: آميييييين الله يسمع منج..

فيصل: بل بل بل.. لا على ذيج الأيام الي حاشرتنا فيها ما تبين طاري غانم ولا على احين مستعيله علىالزواج..

فطوم: فديت غنوومي انا..

فيصل: وينك يا غانم تعال اسمع.

خوله: انزين ريم ما سألتي عن حاله العنود شو اخبارها؟؟

فيصل من سمع عنود كأنه حد صب عليه ماي بارد.. تم مبهت .. وسرحان.. ويتريا الرد من ريم عن حالتها.. لأنه بذاته متلوم..

ريم: مادري والله انا ما كلمتهم من زمااان

مريم: لا انا اتصلت من فتره لعذاري وقالت لي انها بخير.. وماشيه زين في العلاج.. وصارت تقدر تمشي شوي شوي..

فيصل من سمع هالخبر استانس في قلبه.. وتم يحمد ربه ويشكره

خوله: زين يحليلها ما تستاهل..

خالد: الا صدق الي سمعته يعني.. عبيد الي خاطب عواش..

فيصل: هيه.

خالد: والله من عقب اعراسنا بالدور قاموا البنات يعرسون.. صدق يوم يقولون ان الحريم ينخطبون من عقب الأعراس.. كل وحده اتشوف لها مزيونه وتتنقاها لولدها.. ها شغل الحريم معرووووف..

مريم: ليش بعد منو بيعرس؟؟ لا يكون نواري.. ؟

خالد ويهو يطالع مريم بنظرات خبيثه: ليش ما تكونين انتي؟؟

استحت مريم من رمسته ونزلت راسها وتمت اتأ تأ في الرمسه: لا شو انا..

خالد: واذا قلت لج هيه..

خوله: صدق.. ومنو سعيد الحظ..

خالد: ناااس..

فيصل: منو هالناس يا خالد..

خالد: اسأل مريم اتعرفهم..

مريم: حشى علي ما اعرف شي.. شو تقول انت عن شو ترمس؟؟

خالد: عن المعرس..

فطوم: ومنو هذا عريس الغفله الي ياينا...

خالد: ابراهيم.. ولد جيرانكم خوله ..

خوله: اخو عواطف.. والله.. زييييين ريال واايد زين

مريم يوم سمعت اسم ابراهيم انصدمت تمت تتطالع خالد الي كان بدوره يطالعها ويبتسم.. لنه يعرف عن علاقه الطفوله الي كانت تربطهم.. وكان يحس ان في شي يربط بينهم.. الكل تفاجأ واكثر وحده طبعا مريم.. كيف ومتى وشلون؟؟

فيصل: الصراحه.. والنعم.. ابراهيم زين الرياييل

خالد: وانا هذا رايي فيه..

خوله: بس متى كلمك ؟؟

خالد: امس كنت في بيتهم.. فتح السالفه وياي.. وانا قلت له اتريا اشاور البنت..

فيصل: ها مريوم شو رايج..

مريم ما قدرت تتحمل اكثر.. كان الخجل مسيطر على تصرفاتها وماكل خدودها.. قامت وظهرت من بيت خالد وفيصل وراحت بيتهم ولحقتها فطوم..

فطوم: مريوووم.. اتريي..

مريم: شو,.

فطوم وبخبث: هاااااااا.. شو رايج.. تصرفج يقول موافقه..

مريم وهي اتفر فطوم بشيلتها.. : جب جب..

فطوم: هههههههه والله اول مره اشوفج جيه محمره من الخجل..

مريم: لا والله شو قالو لج.. عيني قويه شرواج..

فطوم: حرااااام عليج.. انا امووت من المستحى اذا قالو شي عن غانم..

مريم: لا بااااين.. واااايد اتصدقين..

مريم قامت ودخلت البيت وتوها فطوم بترد بيت خالد الا اتحس بكوره صغيره تضرب في راسها:اااااي.. مريووووووم

يوم صدت شافت مريوم محد.. شافت غانم واقف ويضحك عليها..

فطوم: انا اراويك.. (ردت شلت الكوره وفرته عليه)... يالحمااااار..

ما يت الكوره عليه قدر يمسكها: وييييييو .. ما تعرفين اتفرين كور..

فطوم: ماعليه وين بتشرد عني..

غانم وبجديه وخوف: لا تتحركين نصيحه..

فطوم وهي مصدومه وخايفه: ها.. ليش شو؟

غانم: فااااااااار تحتج.. هههههههههههههههه

فطوم ماتت خوف غطت بإيديها على ويهها وتمت اتصارخ.. الكل من سمع صريخها طلع وشافو غانم ميت من الضحك وهي في هالحاله..

فيصل: شو السالفه..

غانم: هههههههه... اختك الهبله قصيت عليها اونه فار تحتها.. ومن وقتها وهي ميته خوف ما تتحرك..

فطوم من عرفت انه قاص عليها عصبت وغيضت.. : ما احبك انزين.. وياويلك لو كلمتني مره ثانيه.. ما اااااااااااااحبببببك... ماااااااااااااااااااااااااااا احبك..

وركضت وهي مغيضه ودخلت البيت.. غانم استغرب ما توقع انها اتعصب لهالدرجه.. بس هي لأنها حست بإحراج عشان جيه..

خوله: غنووم.. حرام عليك.. احرجتها جدامنا..

غانم: هههههه.. مب قصدي والله.. بس ما توقعت اتخاف لهالدرجه..

فيصل: هاي تخاف من ابسط شي..

خالد: عاد يالنسيب.. هالله هالله بإختي.. هاي دلوعتنا..

غانم: ههههه.. ماعليكم انتوا.. خل اخذها بس.. شوفوا شو بسوي.. بشيب راسها..

ريم: حرااااااااام

غانم: شو حرام.. لو اتشوفين.. شو سويت فيها في ماليزيا.. ههههه.. والله ضحك.. شيبت راسها..

فيصل: مب هين بعد..

خالد: انزين شو يايبك هالوقت غريبه .. الأهل صاير فيهم شي..

غانم: لا بسم الله عليهم.. ماشي بس ناس مطرشيني اتخبر عنكم شو الأوضاع..

فيصل: شو سالفه هالناس الي قاموا يطلعون.. شو السالفه

خوله: لا تقول ابراهيم يبا يعرف راي مريوم..

غانم: والله ذكيه اختي.. اقول خالد.. اهنيك على هالحرمه الصراحه..

كانت فطوم تتطالعه من فوق البلكونه وميييته ضحك حتى قبل لا تنتقم منه.. جهزت كل شي عشان تبدا انتقامها.. (شوفو شو سوت.. ذكيه),,

ريم: الظاهر هو عاشق ولهااان..

فيصل: شراتنا يعني..

فجأه الكل سمع صوت استغربوا..

اليده: غنوووووم.. ويهد ان شاء الله.. ليش اتلعوز دلوعتي.. انت ما يمشي عليك غير هالعصا..

غانم من سمع صوت يدته فز ونقز ورا خوله اخته.. والكل ناقع عليه من الضحك.. وفطوم ارتفع صوت ضحكها زوود..

غانم: بسم الله الرحمن الرحيم.. صدق الي سمعته ولا يتهيأ لي..

فيصل: لا شو سمعت.. نحن ما سمعنا شي.. (ههههه وهو ميت من الضحك ماسك عمره عشان يخبل فيه زود.. وغمز للكل عشان يسوون نفس الشي)..

خوله: اشفيك الي يشوفك يقول شايف يني..

خالد: المسكين متعقد من عصاة يدوو.. من كثر ما انضرب منها قام يحس انها 24 ساعه وياه..

غانم: هي والله.. بس صدق ما سمعتوا.. انا متأكد اني سمعتها.. والله متأكد..

ريم: لا ما سمعنا شي.. انت خرعتنا بحركاتك..

اليده: غنوووووووم.. والله ان وطيت خطوه في البيت بس شوف شبسوي فيك.. بمرغك بالعصا..

غانم: خولوووووووو .. هالمره اكيد سمعتوا..

خوله وهي ميته ضحك: لا شو.. ما سمعت شي..

خالد: ولا انا..

غانم: لا حوووووول..ز خوله انا بنام عندكم اليوم تكفين.. يدو متحلفه فيني..

خوله: وحليلها يدو.. لا تظلمها.. اشفيك انت.. يتهيأ لك.. وبعدين اسفه ماشي مكان في بيتي

غانم: فيصل..

فيصل: اسف لا تتطالعني ماشي..

غانم: ماشي غير فطوم.. حبيبتي.. بتنقذني...

فطوم من فوق: ماشي.. ولا تحلم.. انا قايله لك ما اكلمك.ز

غانم: بسم الله من وين طلعتي انتي.. والله انا اليوم بتخبل.. شو ناوين علي انتوا.. بس ابا افهم شي واحد صدق ما سمعتوا صوت يدوو..

الكل: لا..

غانم: والله بتخبل.. اعوذ بالله من كل شيطان رجيم.. لا إله إلا الله.. محمد رسول الله..

فطوم: هي زين .. اتشهد على عمرك.. عن تجتلك يدوو وانت بعدك مب متشهد..

غانم: حبيبه قلبي فطوم.. انا اسف اسولف وياج..

فطوم وهي منزله ايدها من على البلكونه: بوسها..

غانم: والله بييب دري وببوسها.ز

فيصل: شو اتبوسها .. تخبلت..

خالد: يبانا انقص راسه؟..

غانم: دخيلك فيصل.. انت وايد اتحبك فطم بتسمع كلامك.. قولها خل اتسامحني.. ولا تراني اليوم بنام في الشارع.. او بروح مستشفى الأمل .. بننتوني.. (مستشفى الأمل مستشفى امراض نفسيه)..

الكل ميت من الضحك.. وفطوم اكثر وحده.. جان اترد اتسمعه صوت يدته.. وهني الكل ما قدر يزخ عمره من الضحك يوم شافو غانم كيف متخبل وزايغ..

فيصل: والله انت محد يعرف لك غير فطوم ويدوو..

غانم يوم استوعب السالفه.. وعرف ان فطوم مسجله صوت يدتها من علىالتليفون عشان اتزيغه تم يتحلف انه ينتقم منها..

فطوم: وحده بوحده..

غانم: وين بتشردين عني.. اليوم ولا باجر اذاما رمت اجكج.. تراج بتين بين ايديي يوم بنعرس.. والله اراويج..

 

[meen_ana]

الفصل الثالث من الجزء 25.



يوم الخميس..

الكل كان مشغول.. طبعا عبيد وهله كانوا في الفندق في دبي.. وطالبين بوفيه من مطعم صدف.. مع خدمات فندقيه لبيت راشد (بو الريم).. الكل مستانس ومندمج.. الا اثنين .. عواش وجاسم.. كل واحد حاس بطعنات في قلبه ومب قادر يسوي شي..

عواش كانت في الصالون تتزهب.. كانت ايه من الجمال.. والكل وياها مستانس وهي ما تبين حزنها لأحد.. غير ريم لنها عارفه بالموضوع.. وكان مقرر ان كل شي يكون جاهز على الساعه 8.00 يتواجدون في بيت راشد.. عشان يكلمون مراسم الخطوبه.. ويلبسها الدبله..

عواش: ريم... خيفانه..

ريم: انتي هدي عمرج.. عشان محد يحس..

عواش: هو بيكون موجود اكيد.. كيف بتحمل..

ريم: ماعليج.. الله كريم.. انتي لا تهتمين فيه.. فكري في عذاري المسكينه.. شوفي كيف مستانسه لأنج بتصيرين لأخوها..

عواش: هي والله.. ما تستاهل الي سواه فيها جاسم..

ريم: خلاص عيل..انتي هدي.. وهاي فطوم يايه صوبنا..

فطوم: يلا.. خالد يتريانا برع..

ريم: يلا نشي عواش..

عواش: شكلي طالع اوكي..

فطوم: القمر لو يشوفج بيغار..

مريم: شو تتريون.. فرش احمر.. يلا بسرعه متأخرين الساعه احين 7.30 يعني يادوب نوصل وانلبسها عشان التصوير.. والضيوف بيون

عواش: يلا.. هاتو عباتي..

الحريم ظهروا وركبوا الموتر عشان يروحون البيت..

يوم وصلوا البيت كان الكل مرتبش في الحوش يجهز الطاولات.. كانوا مسوين قسمين.. قسم للحريم وقسم للرياييل.. بينهم حاجز.. غير صوب البوفيه كان مشترك ما بين الحريم والرياييل ما قدروا يفصلونه عن بعض..

طبعا اول ما وصلوا دخلوها الغرفه بسرعه لأن المصوره كانت تنتظر عواش عشان اتصورها كم صوره بروحها وعقب اتصور لحظات الخطوبه..

لبسوها اللبس والذهب كانت طالعه في قمه الجمال.. ملامح عربيه حلوه.. الخشم كأنه سيف مسلول.. والعين.. عيون عربيه وسيعه السواد فيها.. والشعر حرير متدلدل على ظهرها.. ويوم لبست الذهب البحريني.. مع هاللبس وحطت الشيله بالطريقه العربيه على راسها كانت ايه من الجمال.. الكل تم يسبح ويقرا عليها.. الكل نزل عشان يتعشى وهي تتصور على راحتها..

مريم: انا الصراحه ميته يوووع..

فطوم: حتى انا من الصبح ما كلت.. اويه نواري حبيبي هني.. بروح ازقرها عشان اتيي ويانا

مريم: يلا بسرعه انا سايره..

راحت مريم صوب البوفيه وشلت الصحن وتمت اترس لعمرها.. وانتبهت ان في ريال ياي صوب البوفيه تحجبت عدل.. ياها فضول تتطالع من هالريال.. يوم رفعت راسها.. انصدم منها.. وهي بعد انصدمت حست بفشله تذكرت الموقف ..كان ودها تضحك بس من الفشيله صخت.. واحمرت خدودها.. عبيد من شافها يود عمره من الصدمه.. كيف جيه.. هاي عواش يعني.. بس شو الي بييبها هني صوب البوفيه.. ما احيد العرايس ايون يتعشون ويا المعازيم.. لا.لا لا.. يارب الي افكر فيه مب صح.. معقوووله.. انا اكون مغلط فيهم.. لا مستحيل..

يت فطوم صوب البوفيه وشافت مريوم اتحط لعمرها وتمت تزقرها: مريووووم..شو حطيتي حق عمرج خل احط شراتج..

مريم: صخي الله يغربل ابليسج ريال هني..

فطوم: اوه سوري..

عبيد يوم سمع اسمها حس ان راسه مفتر... مب قادر يجمع الي يسمعه مع الي فاعد يصير.. لا .. مستحيل.. انا مغلط.. كيف جيه؟؟ حراااااام.. ااااه والله مب قادر اوقف على حيلي.. كيف جيه.. مريم.. وانا اخطب غيرها.. كيف غلطت هالغلطه.. لا حرام.. عبيد ما كان قادر يتحمل الصدمه اغمى عليه وطاح انكسر الصحن الي كان ماسكه.. فطوم من شافته شهقت.. وتمت اتصيح خافت.. وراحت مريم اتنادي على فيصل..

فيصل: خلاص هدوا.. لا تخلون حد يدري.. ترا هالمعرس مب زين عليه..

ام عبيد يوم عرفت ارتبكت تمت اتحاتي.. دخلوا عبيد غرفه ريم.. طبعا مريم لأنها دكتوره عارفه كيف تتصرف.. سوت كل شي وكانت واقفه على راسهقاعده اتحاول اتقومه.. يوم فتح عينه وشاف مريم واقفه على راسه.. :لا مستحيل.. كيف جيه..

ام عبيد: يما عبيد.. بسم الله عليك شفيك..

عبيد حس بإحراج يوم شاف فيصل .. حس عمره مب قادر يسوي شي.. كيف ينسحب ويقول انا ابا هاي.. مب عواش.. انا مغلط.. قام من مكانه وراح عند فيصل..

عبيد: لا تحاتي مافيني شي.. بس لأني من الصبح مب ماكل شي.. ومن الربشه كم يوم مب راقد عدل..

فيصل: لاما عليك.. ما تشوف شر... كلنا مرينا بهالموقف..

عبيد: مشكوره اختي ما قصرتي..

مريم: افا عليك.. ما تشوف شر ان شاء الله.. روح اشرب لك عصير وبيعتدل حالك..

عبيد: ان شاء الله.. مشكوره..

طلع عبيد الي كان مهمووم.. اختربت كل فرحته.. كل امل كان راسمه انسمح.. كيف؟؟ ليش؟؟ ااااااه يا قلبي مب قادر اتحمل.. ااااااه يا زمن والله مب قادر اتحمل آهاتك.. آآآه يا زمن متى بتخف علي بزلاتك.. والله اني مب قادر اتحمل كل لحظاتك.. ابا ارتاح.. ابا اتنفس .. عونك ياربي من هالزمن .. القاسي علي.. ارحمني يا زمن من زلاتك

رد عبيد صوب الرياييل وما بين لهم الي صار احتراما لفيصل وخالد.. والكل.. وخاصه ابوه ما يبا يبين انه مغلط عشان ما يفشله .. ويطيح من عينه.. والناس يعتبرون ان ماله كلمه.. قرر انه يمرر الليله على خير.. ويتحمل مصيبته.. عل الله يساعده عليها..

..

ومرت الساعات كأنها دقايق على عبيد وقرروا يدخلونه عند عواش عشان يلبسها الدبله.. كان يمشي ويحس خطواته اتثجل عليه.. اما جاسم فراح وقعد في الموتر وتم يطلع الي في خاطره من صياح.. ويصيح على الي صار.. مب قادر انه يقتنع من الي صار ويصير.. كيف جيه.. عواش مب لي خلاص.. يعني انا فقدتها.. في لحظه بتصير لغيري.. لالا مب قادر اتحمل ..

عواش الربكه والخوف كان باين عليها.. كل ما تسمع اليباب يزداد خوفها.. وتمت تذكر جاسم.. اااه ياقلبي.. كنت اتمناك بداله.. ليش ياربي ليش..

احبه هالإنسام والله احبه.. كيف.. ؟؟ هاليوم كان مفروض انت اتكون بداله مب عبيد.. بس شو اقول غير الله المستعان.. وليش افكر فيه.. خلاص انا بصير في ذمه غيره.. وعبيد من الصوب الثاني اول ما دخل الصاله الي فيها عواش الي كانوا مغطين ويهها .. تمت عيونه تدور على مريم.. وشافها واتنهد.. انتي الي كان لازم اتكونين هناك.. كيف غلطت هالغلطه وفقدتج.. لا .. مب قادر.. مستحيل الي قاعد يصير.ز انا في حلم انا متأكد

جرب وقف عند عواش.. وطلعوا باقي الرياييل... وشلوا الغطا من على ويه عواش عشان يشوفها.. من شافها انبهر من جمالها واعجب فيه.. بس مع ذلك ما قدر يمحي مريم من باله.. بعدها الي مالكه قلبه.. احبج يا مريم..

كان الكل مستانس وعبيد يصطنع البسمه على شفاته وعواش نفس الشي.. وكل واحد فيهم مب عارف ان الثاني يفكر في غيره ويباه غيره..

كانت اللحظات تمر على عبيد كأنها سنين.. ويعد الساعات متى يطلع من هالمكان ويرد البيت .. يبا يقعد بروحه شوي.. ويعاتب نفسه على هالغلطه..

ولبسوا بعض الدبل.. يعني الإرتباط صار رسمي لا محال.. عواش كل ما كانت تشوف عذاري تذكر جاسم.. وتشوف البسمه والفرحه على شفاتها اتعاهد نفسها اكثر انها تنساه..

وعبيد كل ما كانت نظراته تلتقي مع مريم.. يزداد حسافه..وألم..



وانتهت الليله على خير.. وعواش عطته رقمها.. عشان يتصل فيها ويكون بينهم اتصال..

ماقدر ينكر جمال عواش الي جذبه.. ومب قادر يجذب على نفسه انه ما يحب مريم.. بس هذا الي صار ولازم يتحمله ويصبر عليه.. لا مفر..
تابع/الفصل الثالث من الجــ25ـزء



عواش وريم قاعدين روحهم من بعد ما راح الكل..

عواش: ماا اقدر والله ما اقدر.. كل شي يذكرني فيه..

ريم: اتحملي.. خلاص انتي انخطبتي له احين رسمي..

عواش: كيف ؟؟ مرته.. ولده.. حتى هو .. كل شي يذكرني فيه..

ريم: ما شفتي الفرحه الي كانوا فيها لأنج صرتي خطيبه ولدهم..

نفس الوقت وصل مسج لعواش ركضت اتشوف المسج.. شافته من عبيد .. يخبرها ان ها رقمه.. عشان ترد عليه اذا اتصل ولا شي..

ورد طرش لها مسج ثاني..

وحشتوني..



كثر حلاكم..



وكثر غلاكم..



وكثر حبي للجلسه معاكم..

عواش: والله مب قادره اتحمل خلاص.. ريم.. دخيلج زخيني.. احس عمري بطيح عالأرض..

مسكتها ريم وفعلا بغت اتدوخ.. ودتها صوب السرير عشان ترتاح شوي.. وطلعت عنها لأنه فيصل كان يترياها.. طلعت ويهها كان متغير.. مهمومه اتفكر بحال عواش.. ما ودها اتخليها بروحها وما تروم تقعد عن حد يحس ان في شي..

فيصل: ريم فيج شي.. انا متأكد..

ريم:لا مافي شي حبيبي..

فيصل: ريم لا تخشين عني.. عبيد .. عواش .. و لاانتي.. شو السالفه..

ريم :والله مب قادره اكتم في روحي لازم اخبرك.. بس لا تفهمنا غلط

فيصل: قولي..

ريم: عواش ما تحب عبيد.. خذته عشان ما ترد كلمه ابوي.. بس هي تحب شخص ثاني

فيصل: افاااا.. وليش ما تقول..

ريم: المشكله انها حتى لو قالت ما تقدر انها ترتبط فيه

فيصل: ممكن اعرف منو هو.. ولا ما يحتاي..

ريم: بس يتم بيني وبينك..

فيصل: افا عليج حبيبي.. قولي.

ريم: كانت اترمس جاسم نسيبهم في التليفون من سنين.. جريب 4 سنين من عمرها.. بس تركته .. لأنها عرفت انه معرس يوم العزيمه .. يوم ما تعرفنا عليهم.. وهي متحسره.. وفي نفس الوقت صعب عليها اتجابله في نفس البيت

فيصل: الخسيس.. يرمسها وهو معرس.. ليش جيه..

ريم: مادري.. بس بغاها.. تم يحاول يرجع لها بس هي صدته

فيصل: الله يعينها .. والله حاس بمعاناتها..

ريم: هي والله.. خايفه عليها..

فيصل: جان تميتي عندها..

ريم: مابا حد يشك في شي.. عشان جيه

فيصل: الله يهنيها ان شاء الله عبيد يعوض عليها..

ريم: امين..

 

[meen_ana]

فيصل تم سرحان ويفكر طول الدرب,.. اه من الحب.. كم يعذب القلوب.. انا .. وعواش.. ومريم.. كلنا تايهين في دائره الحب الي انأسرنا فيها فتره وما طلعنا منها الا بعد عذاب.. مب بس لعمرنا.. عذاب شمل.. حتى احبابنا والي حولنا.. الله يكون في عونج يا عايشه .. ومريم..

ريم: اقول.. شو صار على سالفه مريوم..

فيصل: ااه ياريم.. مريوم سالفتها سالفه بعد.. الله يعينها والله

ريم: خير شو صاير..

فيصل: اتخيلي عرفنا السبب الي خلا ابوي يرفضه.. والله حرام عليه..

ريم: شو السالفه؟..

فيصل: عشان غلطه ارتكبها ابو ابراهيم في اللاوعي بعد.. احين لازم يدفع ثمنها ابراهيم.. ونسى ان مريم بعد لازم تاكلها.. ماعرف كيف افتح الموضوع لمريم ولا لإبراهيم.. والله راسي افتر..

ريم: الله يكون في عونك حبيبي.. شكلك وايد تعبان

فيصل: الا قولي هلكان.. والله ماعرف شو اسوي.. انا وخالد راسنا مفروور فر.. مانعرف من وين ولا وين انييبها.. الله المستعان

ريم: الله يهديك يا عمي.. حرام يفرق قلوب عشان سالفه جديمه

فيصل: شفتي كيف.. بس منو يقدر يقنع ابوي احين..

ريم: ماشي غير يدوو تقدر عليه...

فيصل: لا دخيلج.. السالفه يدو روحها ما تعرف عنها.. ولا عمي خليفه .. لو دروا بالخلاف القديم هذا راح يجدد وايد اشيا... ويزداد العناد

ريم: والله حاله.. انييبها من وين ولا وين..

..

فطوم طبعا كانت مستانسه وفي نفس الوقت اتحاتي مريم.. ما تعرف شو اتسوي.. فقررت اتروح عند ابوها واتشوف شو رده..

دقت عليه الباب في المكتب.. بوخالد: منوو؟؟

فطوم: انا ابويه.. ادخل..

بوخالد: تعالي دلوعتي الغاليه تعالي..

دخلت فطوم عند ابوها وشافته مشغول بهالأوراق اترددت تكلمه بس صممت انها تفتح السالفه.. فطوم: ابويه.. بغيت ارمسك في حايه..

بوخالد: خير.. قولي لي.. امريني؟.

فطوم: ماعاش من يأمر عليك.. بس لا تحرج علي اوكي..

بوخالد: ان شاء الله.. رمسي قولي الي في خاطرج..

فطوم: ابويه.. موضوع مريم وابراهيم.. لين متى بتم جيه يعني رافض.. حرام والله رابين ويا بعض.. وبــ

قاطعها ابوها بصوت عالي: انا قلت رايي.. وخلاص.. لا يعني لا.. ومابا حد يناقشني.. قولي حق اختج هاي.. خل تتأدب ولا انا براويها شغلها.. ماشي.. خل تنسى شي اسمه ابراهيم..

فطوم والدموع في عينها: ابويه انت وايد قاسي.. عمري ما تخيلتك بهالقسوه علينا.. نحن عيالك ما قمنا نهمك.. تجرح فينا.. الله واعلم يوم بكبر انا شو بتسوي فيني..

وطلعت من المكتب وهي اتصيح.. شافها غانم وهي اتصيح.. لأنه كان مقرر يبات عندهم..

غانم: فطوم.. حبيبي.. شو فيج..

فطوم ما عبرت غانم ودخلت غرفتها وصكت الباب على عمرها وتمت اتصيح من خاطرها..

غانم حس ان ابوها قال لها شي ضايج فيها.. عشان جيه اتصيح.. دخل عند عمه الي كان قاعد ومهموم.. عمره ما حب يزعل فطوم بالذات.. واايد يحبها ودوم يدلعها لأنها الصغيره

غانم: عمي.. كافي والله يكفيك الي اتسويه في مريم.. وهالدور في فطوم..

بوخالد: لا والله.. انت بتعلمني على عيالي..

غانم: محشوم عمي.. نحن نتعلم منك ما نعلمك.. بس حرام والله..

بوخالد: انا ما كان ودي ازعلها انا قلت لها رايي عن زواج مريم .. وهي تمت اتصيح واتقول كلام ماله معنى..

غانم: عمي انت زرعت الخوف بقلبها من قرارك عن زواج مريم.. وهي مستحيل اتشل هالخوف من قلبها لو شو ما يصير..

بوخالد: انا.. ليش؟؟

غانم: هي كله خايفه.. اتقول ابراهيم ريال ما بلاه شي ابوي رفضه والسبب مجهول.. اكيد بيسويها فيني انا .. يعني قصدها يوم انا بخطبها رسمي..

بوخالد: لا شو هالكلام.. مستحيل.. انت ولد اخوي وين بلقى احسن عنك..

غانم: شو الي بيشل هالخوف من قلبها احين.. ؟؟!!!

بوخالد: حبيبتي يا بنتي.. ازقرها خل اكلمها..

غانم استانس.. وطلع من المكتب وراح صوب غرفتها يزقرها بس محد يرد عليه.. خاف.. تم يدق الباب بقو.. طلعت مريم وبوخالد .. تموا يتطالعون غانم الي يحاول يدق الباب ومحد يرد عليه.. كلهم خافوا عليها.. وتموا يفكرون.. ويحاتون..

مريم: اختي حبيبتي.. فطووم.. ردي علي انا مريوم

بوخالد: وانا ابوج بنتي ردي علي..

طلعت ام خالد من غرفتها عشان تشوف شو السالفه من الصوت الي تسمعه.. مريم ماتت زياغ.. كانت اتدق على تليفون فيصل.. رد عليها..

مريم: فيصل تعال.. فطوم في الغرفه قاعدين اندق عليها الباب وما ترد علينا..

فيصل: شووو.. فطوم بلاها..

مريم وهي باديه اتصيح: مادري تعال بسرعه؟

فيصل: خلاص بزقر خالد وبيي..

وماصاروا خمس دقايق الا خالد وفيصل بعد موجودين.. تموا يحاولون بس ماشي فايده.. الكل زاد خوفهم.. قرروا يكسرون الباب..

وفعلا فيصل كسر الباب.. ودخلوا الغرفه شافوها قاعده على زاويه بعييده.. وملتمه حول نفسها.. واتصيح .. اول ماشافها ابوها جيه جرب منها.. وتوه بيمسح على راسها جان اتصارخ عليه فطوم..

فطوم: قووووووووم.. خوز عني.. مابا .. لا اتجرب مني..

استغرب بوخالد من تصرفه .. ومريم وام خالد كانوا ميتين صياح على حاله فطوم اول مره يشوفونها بهالمنظر.. شعرها مب مرتب.. وترتجف.. وتعرق.. ونظرات عيونها كيف غريبه.. الخوف الي تحس فيه يوم ابوها يقرب منها.. وكيف ملتمه حول عمرها ..

مريم قربت منها.. : فطوم.. انا مريم اختج.. حبيبتي.. هدي..

فطوم: لا لا .. انا ما عندي خوات.. ماعندي حد. شو تبون مني..

الكل زاد حزنه وحيرته على حاله فطوم.. على طول خالد طلع واتصل حق دكتور يعرفه عشان يسأله عن حالتها.. والدكتور فهمه ان هاي حاله نفسيه ممكن تمر فيها اي بنت او شاب في عمر المراهقه.. لأنهم في هالعمر ما يتحملون اي صدمه.. او اي تصرف.. ولازم يتعاملون معاها بهدوء عشان تهدأ وترجع لطبيعتها.. وقاله انه راح ايي في الدرب عشان يشوف حالتها..

غانم كان ميت من الخوف عليها.. وكل شوي يطالع عمه وكل نظراته اتهام وعتاب.. : فطوم.. انا غانم .. هدي عمرج..

بدت فطوم اشوي تهدأ يوم كانت تتطالع الصور حوالينها واتشوف عمرها مع اخوانها وخواتها فيهم.. قامت تهدأ شوي.. وتتقبل الي يقربون منها..

فطوم: مريوووووووم.. تعالي..

مريوم من سمعتها تزقرها ركضت صوبها وحضنتها .. وتموا يصيحون..

فطوم: مريوم لا تروحين.. خلج وياي.. احبج فطوم.. لا تزعلين مني.. انا بكلم ابوي..

مريم مب عارفه عن شو ترمس فطوم بس تمت اتسايرها.. : لا حبيبتي ما اقدر ازعل منج.. انتي اختي حبيبتي..

ام خالد جربت من فطوم: فطوم.. حبيبتي.. انا امج..

فطوم من شافت امها لوت عليها وتمت اتصيح.. وحطت راسها على ريلها .. وتمت امها تمسح على راسها.. وفجأة ردت قامت .. وتنادي على غانم..

غانم: لبيه.. انا يمج.. آمري..

فطوم: ابوي بيفرقنا غانم.. الله يخليك لا تودرني..

بوخالد يوم سمع هالكلمه رد جرب منها: لا حبيبتي ما بفرقج عنه.. انتي وغانم لبعض ان شاء الله..

فطوم: انزين وابراهيم.. ومريم..

بوخالد ما كان عارف شو يقول بس شاف ما بيده حيله.. ما بغى ان حالتها اتزيد عن الي هي فيه: هي حبيبتي.. ابراهيم ومريم بعد بياخذون بعض..

فطوم حضنت ابوها وتمت اتصيح: ابوي حبيبي.. انااحبك..

بوخالد: وانا بعد احبج..

خالد : وصل الدكتور..

دخلوا الدكتور وتمت مريم ويا خالد والدكتور عند فطوم.. تم الدكتور يرمس وياها اشوي.. وعطاها حبه مهدأه.. ووصف لها على شويه مهدئات.. عشان تهدأ نفسيتها شوي..

الدكتور: حاولو تبعدونها عن جو الإنفعالات والضرايب.. عشان تهدأ..

خالد: ان شاء الله دكتور..

من طلع الدكتور من عندها الكل رد دخل عندها.. وطبعا فطوم لأنها وااايد اتحب اخوها فيصل فهو قرر يبات عندها وريم راحت غرفه مريم تنام وياها..

فطوم طول الليل وهي ترمس ويا فيصل.. : فيصل.. الله يخليك لا تخليني بروحي..

فيصل: لا انا يمج حبيبتي..

فطوم: فيصل.. مريوم بتروح الجامعه بعدين انا بتم روحي..

فيصل: لا مب روحج.. انا وريم وغانم وخالد وخوله ..كلنا وياج..

فطوم: خلاص احين ابوي وافق على زواج مريم وابراهيم..

فيصل: هي الحمد لله..

وتمت ترمس وياه لين ما نامت.. ونام فيصل عندها..

..

خالد راح عند ابوه عشان يتخبره .. يشوف من صدق وافق.. ولا بس عشان يهديها..

بوخالد: انا مب موافق ولا عمري بوافق من قلبي.. بس شو اسوي.. مابا بنتي تنضر.. فراح اوافق عشانها.. بس مب حاضر عرسهم.. ولا ابا اشوف رقعه ويهم من بعد العرس

خالد: ابوي حرام عليك.. مريم شو ذنبها.ز

بوخالد: ذنبها انها تبا ابراهيم.. وموافقه عليه.. وكلمتي مب ماشيه عليها

خالد: لك كلمتك ابوي.. بس الحق ينقال.. ابراهيم ما ينعاب بشي.. ابوه غلط هو ليش يدفع ثمن غلطته..

بوخالد: انت ما بتفهم احساس ان واحد يجتل ابوي.. بتكرهه وبتكره كل طوايفه.. حرمني من ابوي.. وحرم هنادي وكلثم عماتك.. كانوا صغار محتاجين لأبوهم شرات ما فطوم تعتازني..

خالد: ربي يطول بعمرك ابوي.. بس يدي الله كتب له ان يموت جيه.. وكل ها قضاء وقدر..

بوخالد: لو ما طعنه سلطان.. جان يمكن بيعيش بعد شوي..

خالد: ابوي.. سامحه.. المسامح كريم.. ادعي له بالمغفره..

بوخالد: انا ابا ارقد.. اظهر خالد ..

طلع خالد من الغرفه وهو مب عارف كيف يقنع ابوه.. وراح عند مريم وخبرها عن كلام ابوها بس ما قال لها السبب..

مريم: ابوي ليش جيه كاره ابراهيم بالذات؟؟ شو مسوي له

خالد: مادري.. المهم شو رايج عشان ارد على الريال واقول له القرار

مريم: لا.. كيف تباني اعرس وابوي ما يحضر عرسي .. تراها ليله في العمر ما تنعاد

خالد: يلا عاد انتي لا تعاندين.. مصيره ابوي بيوافق..

ريم: صدقه.. انتوا املجوا ويمكن سبحان الله عمي يغير رايه..

مريم: لا..

خالد: احين انتي الي ممشكله الموضوع.. عشان فطوم..

مريم: دخيلكم لا تضغطون علي.. والله الي فيني يكفيني..

خالد: انتي لا تردين علي اليوم.. فكري هالإسبوع.. واتريا ردج.. يلا تصبحون على خير..

ريم: فكري مريوم.. والله صدقه خالد..

مريم: مادري بفكر..

ريم: ابراهيم يحبج لا تنسين.. ونادر مافي في هالوقت ناس يحبون من قلبهم .. ويسوون المستحيل عشان الي يحبونه

مريم: الله كريم..

 

[meen_ana]

الجــ26ــزء

مر اليوم على خير.. والكل كان يترقب باجر.. والكل خايف.. كيف راح تكون حاله فطوم.. هل راح تتحسن.. ولا راح ترد حالتها تتدهور.. ومريم كان لازم اترد الجامعه لأن عندها دوام على السبت.. ونفس الشي الباقي..
ريم: ها فطوم.. مستعده.. ثاني ثانوي ان شاء الله..
فطوم: هي مستعده.. ومتحمسه.. ياليتني ثالث..
فيصل: ليش يعني...؟؟ اكيد الإخت مستعيله عشان غانم..
فطوم استحت وتمت تضحك.. : لا والله
فيصل: وافديت هالضحكه.. ربي لا يحرمني منها..
ريم: حلوه عليج الضحكه تدرين.. احلى يوم تبتسمين..
فطوم: لا والله بشوف عمري احين ترا.. حاسبوا..
ريم: من حقج..
مريم: ها فيصل جاهز.. انا جاهزه..
فطوم: مريامي.. بتروحين وبتودريني.. والله اكره الجامعه ما احبها..
مريم: شو اسوي.. لازم ترا..
فطوم: افففففف
مريم: يلا ماعليه اتحملي حبيبي..
فطوم: افف .. شو اسوي بعد.. ما باليد حيله..
فيصل: اقول فطوم شو رايج اتين انتي وريم ويانا .. بنوصل مريم.. وبنحوط في العين.. بنسير صوب جبل حفيت... وبنسير صوب الهيلي جان تبين بعد.. يقولون في العاب يديده
فطوم: والله صدق.. وناااسه .. عيل خل اقول حق نوار اتيي بعد..
مريم: هي انتوا طلعوا واستانسو.. وانا حليلي في السكن..
ريم: ماترومين اتيين..
مريم: تبين يطردوني.. لا روحوا.. الله يحفظكم.. انا طالبه علم ما احب هالسوالف..
فيصل: هههههه اونه..
فطوم: انا كلمت نوروو.. وعمتي ما عندها مانع.. بتتلبس خل انمر عليها.. شو رايك فيصل؟؟
فيصل: خلاص اوكي.. وانتي ريم ما تبين اتقولين حق عواش..
ريم: بقولها وبشوف..
فيصل: خل تغير جو.. زين لها..
ريم اتصلت في عواش بس ما طاعت اتيي لأنها ملتزمه بعزيمه عرس وحده من رباعتها.. والكل اتزهب واستأذنوا وظهروا من البيت عالساعه 3.30 عشان يروحون صوب العين ينزلون مريم السكن.. وهم عاد يتحوطون براحتهم..
فيصل: والله ياني مستانس.. من زمااااان ما تحوطت في العين..
ريم: حتى انا .. احيد اخر مره ييت العين كنت سنه ثانيه كليه..
فيصل: هي والله .. العين شي.. جوها حلو.. وخصوصا فليل.. وطبيعه
فطوم: انا ما احيد متى ييتها اصلا.. احس عمري اول مره اشوفها..
نوره: انا ما ييتها موليه..
فطوم: عيل زين يبناج ويانا عشان اتشوفينها..
نوره: هي والله سويتوا خير؟؟
فيصل: زين عيل بكسب فيكم اجر.. هههههه
فطوم: لا والله.. جيه مساكين نحن ..
ريم: محد مسكين غيري هني..
فيصل: فديت مسكيتني انا..
وصلوا صوب الهيلي.. لأنهم قرروا يروحون الهيلي.. وعقبها يروحون جبل حفيت لأن المنظر احلى فيه فليل.. دخلوا الهيلي وفيصل عطاهم البيزات.. وكل شي.. وعطوا تليفون ريم حق فطوم.. عشان بعد ساعه يتجمعون وياهم وما يضيعون..
نوره وفطوم تموا يطالعون الألعاب ويضحكون على اشكال اليهال كيف زايغين.. وطبعا فطوم ونوره ما كانوا حاطين شي في ويوهم عشان محد يتحرش فيهم.. ولأن طبيعه هل العين ما يتمكيجون بناتهم.. يادوب الجحال.. واغلبيتهم يتغشون ولا يتنقبون..
نوره كانت مستانسه.. لأنها اول مره تزور العين.. وتشوف طبيعتها..
تعبوا من المشي قرروا انهم يقعدون شوي.. شافوا شله اولاد ماشيه صوبهم .. خافوا.. فقاموا من مكانهم.. كان من بين هالشله مبارك وحمدان ربيعه من شاف مبارك نوره عرفها من طريقه لفها للشيله.. كان معجب بطريقه لفتها .. تحلو فيها.. على طول سحب مبارك حمدان ربيعه ومشوا بعيد عن ربعهم.. عشان ما يسوون مشاكل لهم لأنهم عارفين طينه ربعهم..
مبارك: حمدان شوف شوف .. والله ان لاعت جبدي.. مب كافي في ماليزيا اجابلها.. واليوم ياي اتنفس هني اجابلها بعد..
نوره من سمعت صوته عرفته.. صدت صوبه تمت امبهته من الصدفه الغريبه الي جمعتها فيه.. : انت شو يايبك هني.. ما حصلت مكان تتنفس فيه غير هني؟؟
حمدان: والله لو ادري انكم هني.. جان ما ييت بالأساس وانا اقول مبارك ليش يبا ايي هني..
مبارك: انا قالو لي هالحديقه مال الكبار.. ما احيد هالصوب في العاب مال صغاريه..
فطوم: اكرمنا بسكوتك..
حمدان: اوه... اخيرا نطقت..
نوره: ايه اخبرك شو تتحرى عمرك.. من الصبح وترمس.. ميتين عليك نحن..
مبارك: ههههه.. لا دخيلج انا الي ميت عليج.. شكلج مب مال العين.. من وين يايين؟
فطوم: وانت شو حاشرنك تبا اتعرف.. يايين من افريقيا زين..
حمدان: هههه.. اكيد من افريقيا .. عمري ما احيد شفت غوريلا في الإمارات.. احيدها في هالغابات الأفريقيه..
فطوم: سخيف تدري ..
مبارك: مب اسخف عنكم..
نوره: وبعدين.. شو تبون احين ملاحقينا.. مانبا مشاكل بليز...
مبارك حس بالخوف من نظرات عيونها وماحب يضايقها زود لأن مب من طبعه يلعوز بنات: خلاص اسف.. بس يوم شفتج حبيت اسلم.. السموحه منكم خواتي
فطوم+نوره: مسموح
وروح مبارك ويا حمدان.. وتم كل شوي يصد على ورى يطالعها.. ويبتسم .. حلوه فديتها.. ماشاء الله عليها.. ربي يحفظها لأهلها
حمدان: في شو سرحان؟؟
مبارك: في القمر..
حمدان: لابالله ضاع الولد ..
مبارك: حمدان.. انت اتعرفني اكثر من اي شخص.. انا مب راعي حب.. بس جيه عايبتني شرات اختي اعتبرها.. لو كنت راعي سوالف جان خليت حموود وشلته يلعوزونها..
حمدان: عليناااااااا
مبارك: حمدااان.. امش امش.. واكرمني بسكوتك..
حمدان: ههههه..دومك جيه.. حزه الحق تشرد..
..
فطوم ونوره من خوفهم راحوا عند فيصل ونوره.. وتموا يلعبون لين ما شبعوا وقرروا يروحون صوب جبل حفيت..
نوره: الصراحه.. العين وايد حلوه.. القعده فيها ما تملل..
ريم: هي والله.. انا بعد عيبتني .. احلى شي فيها الجو..
فيصل: اسمي مشتاق للجو الحلو هذا..
ريم: فطوم ليش ساكته؟؟
فطوم وبحزن: افكر في مريوم.. شو بتقرر.. بتوافق عليه ولا لا..؟؟
فيصل: مريوم اتحبه اكيد بتوافق..
فطوم: بس ما يهون عليها ابوي ما يحضر العرس.. تدرون هي اشكثر حساسه
ريم: ماعليج من عمي.. مصيره بيهدأ .. وصدقوووني راح يحضر العرس.. قلبه ما بيطاوعه يكسر بخاطر بنته في ليله زواجه..
نوره: فطوم.. تعالي بقولج شي.. ؟
فيصل: هاااااا شو عندكم تتساسرون؟؟
فطوم: اسرار بنات..
ريم: اللللللله عيل انا بعرف..
فطوم: قلت بنات مب حريم.. يلا نورو خبريني وماعليج منهم..
نوره بصوت واطي: شوفي شو لقيت في شنطتي..
فطوم: هاتي اشوف.. ههههههههه.. والله انه اهبل..
نوره: ههه.. صدقج.. بس متى حطاه في شنطتي.. ها ساحر ولا شو؟؟
فطوم: مادري.. يمكن يوم نسيتي شنطتج على الكرسي ورديتي اتشيلينه.
نوره: يجوز.. بس والله رسمه يضحك.. اونه يبا يتمصخر علينا..
فطوم: اهبل.. هو الياهل مب نحن
نوره: بس تدرين احسه طيب.. والله.. عايبني رغم انه يقهرني بحركاته..
فطوم: هي انا بعد حسيت نفس الشي.. بس عن تكونيييين؟.
قاطعتها نوره: لا.. شو مينونه انتي..
فطوم: نورووووه..
نوره: شوفيج..
فطوم: ماشي .. نزلي وصلنا القمه..
الفصل الثاني من الجزء26

العنود: ناصر.. تعبت.. متى برد البلاد..
ناصر وبحزن: حرام عليج.. ليش جيه مستعيله تروحين عنا؟؟
العنود: مليت والله.. ودي اشوف اهلي.. رباعتي.. الناس الي اعرفهم كله.. ملل هني.. اخوي خطب وانا هني بعيده انا..
ناصر: ربعج واهلج؟؟ بس.. وانا
العنود مستغربه شو الي خلاه يقول هالشي.. تمت ساكته
ناصر: انا وين رحت من حياتج.. خلاص انتهى دوري مع انتهاء علاجج.. مالي مكانه يعني.. ؟؟
العنود: انت شو اتقول؟؟
ناصر: يعني ما حسيتي ولا بتحسين.. افهمي يا العنود.. كم صار لج وياي.. كملنا شهرين ونص ونحن كل يوم نقعد ويا بعض.. كل يووووم..
العنود فاهمه حبه وتمت امنزله راسها.. لأنها هي بعد اتحبه بس ما تتجرأ تعترف له.. اتخاف من شي هي مب عارفه شو هو .. فضلت السكوت..
ناصر: ليش ساكته يا العنود.. ارمسي.. قولي.. حاسه فيني ولا لا..
العنود: ناصر..
ناصر: انتي امري بس.. وناصر بين ايديج..
العنود افتشلت من كلامه وتمت تتطالع الصوب الثاني.. والدمعه في عينها.. الفرق كبير.. ها دوومه وياي.. وحنانه مغرقني.. اما هو فماكان يحس.. مع اني تجرأت واعترفت له.. والكلام ما هز فيه شي.. حتى ما قدر يهون علي ويصبرني.. اما ناصر فما مل.. تم بكل خطواتي وياي.. وساهم في نسيانه.. الوحيد الي قدر يخليني اضحك وانا نفسي في الضحك.. اااااه والله احبك.. بس كيف انطقها ماعرف..
ناصر: ممكن افهم سبب سكوتج..
العنود: ناصر.. أنــا..
وما قدرت اتكمل كلامها لأن جواهر كانت داخله ويا عادل ريلها.. وناصر تضايق من خاطره وقتها لأن العنود كانت بتنطق وبتقول الي في خاطرها.. بس دخول جواهر خرب عليها..
ناصر: اشحالك عادل؟؟ وانتي اشحالج اختي جواهر؟؟
عادل+جواهر: بخير الله يعافيك..
ناصر: يالله عن اذنكم.. بسير لأن عندي جوله تشييك على الغرف..
جواهر: روح الله وياك..
العنود: هلا والله.. تعالي حبيييبتي.. قعدي عندي..
جواهر قعدت حذال العنود ولاحظت الدمعه الي في عيون العنود.. استغربت.. حست ان في شي صاير..
جواهر: شوفيج عنوود..
العنود: مافيني شي..
جواهر: شقايل ماشي والدمعه في عينج.. ؟
العنود: مشتاقه للبلاد وريحتها..
عادل: هي والله صدقج.. الواحد ما يرتاح إلا في أرض بلاده.. والإمارات شي عجيب الواحد من يظهر منها يحس عمره مخنوق من كل صوب.ز
جواهر: حالنا من حالج العنود.. عيل نحن شو نقول لا انيس ولا ونيس.. للحين صار لنا سنتين ونحن هني.. الحمد لله هاي اخر سنه وبنفتك وبنرجع البلاد
العنود: ااااااااااااااه ... متى برجع ..
عادل: جريب بتفتكين منا وبتروحين.. ياسين نحن انرتب كل امورج عشان اتروحين متى ما تبين
العنود: افاااا شو هالرمسه عادل.. مستحيل انا امل منكم.. بالعكس.ز ودي ارجع.. واشلكم وياي ونكمل شمل العايله.. والله بلياكم هب شي..
جواهر: الله كريم ياختي...

في الإمارات(بوظبي)..
كان جاسم حزين.. ومن يوم الخطوبه زاد حزنه.. قام يحكر عمره في المكتب وما يظهر منه الا حزه الرقاد.. وعذاري متخبله ما تعرف شو اتسوي وياه.. خايفه عليه.. واتحاتيه..
مره كان قاعد على النت.. كعادته يسجل شله عشان ينزلها.. وكانت عذاري قاعده في الصاله الي عند باب مكتبه.. تسمعه وهو يشل هالكلمات
ماهو بسهل الفؤاد ينساك.. ماهو بسهل الفراق يا خل..
والله احبك حب وأهواك.. وحبك غزا الفواد واحتل..
ماتخيل الدنيا بلياك.. كنت الغلا والكل في الكل..
يانجم يا بين الأفـلاك.. تسفر على هالكون واطل..
ياليت اذوق النوم شرواك.. اسهر ودمع العين ينهل..
ماتدري ان الحب هـلاّك.. يدعي صحيح الحال معتل..
تبغيني اتعذب بمفلاك.. ولاّ أغادر عنك وأرحل..
راضي أعيش الحب وياك.. هذا سؤالي وأرقب الحل؟؟
(ملاحظه كلمات الشله من شله موجوده في دبي مون بعنوان (ماهو سهل))
من سمعت العذاري هالكلام تمت مصدومه.. شو الي يخليه من عقب ما كان يشل شلات حب.. وغزل يقوم يشل شله عن الفراق.. تمت اتدق عليه الباب.. بس هو ما كان منتبه لصوت الباب هي فتحت الباب ودخلت لقته حاط راسه على الطاوله .. يوم جربت منه ورفع راسه انصدمت.. شافته يدمع ويصيح..
عذاري: جاسم حبيبي.. شو فيك.. !!!؟؟
جاسم ما عرف شو يرد عليها.. يا ترى يقول لها انه يحب غيرها.. بس حرام ما تستاهل عذاري الصدمه.. تم يطالعها وعيونه غرقانه بالدموع.. ومسوده من السهر المتواصل..
عذاري: رد علي.. ليش ساكت.. ممكن اترد علي .. ؟؟؟ جاااااااسم..
جاسم: عذاري ابا اصارحج بشي.. ممكن؟؟
عذاري وهي خايفه اتحس ان هالشي بيصدمها.. : قول.. افا عليك بس.. اكيد ممكن
جاسم: عذاري.. انتي بنت خالتي صح.. وانا خذتج بسبه هلي.. لأنهم كانوا حاجزينا لبعض من نحن وصغار وانتي كنتي متعلقه فيني.. عشان جيه انا ما قدرت اني ارفض طلبهم.. ولا قدرت اكسر بخاطرج.. خذتج يا عذاري وانا اعزج شروات خواتي.. بس انجبرت اتعود على الحال.. وما انكر اني مع الوقت قمت احبج صدق.. بس مب الحب الي لازم يكون.. اسف اني اقول لج هالرمسه.. بس والله يا عذاري انا اسف.. للأسف.. ولو انج تستاهلين اكثر من جيه.. بس غصبن عني مب بيدي(بدت عذاري تدمع واتصيح وجاسم لاوي عليها ويكمل كلامه).. عذاري عقب انا تعرفت على وحده.. بتقولين خنتج.. بس صدقيني حاولت كثر ما اقدر اني ما احرمج من الحب وما احسسج بالنقص.. ولا افارقج.. كل علاقتي وياها كانت على التليفون لا اكثر.. بس انا حبيتها يا عذاري.. ويوم قررت انساها.. اخوج عبيد بياخذها..
من سمعت عذاري طاري انها مرت عبيد انصدمت وتمت تتطالع في عيون جاسم : شوووووووووو.. انت كنت تبا عوااااااااش.. ااااااه لا ياربي..
جااسم: هدي عمرج.. حبيبي.. دخليج عشان ولدي.. انا خلاص بنساها.. صدقيني.. والبنت ما كانت تدري اني معرس يوم كلمتني.. ويوم اكتشفت وعرفت انج انتي بالذات حرمتي والله ودرتني وغيرت ارقامها عشان ما اقدر اوصل لها.. وانا ما عرفت انها بنت خاله فيصل غير يوم شفتها يوم زارونا في عزا طلال الله يرحمه..
عذاري وهي مب قادره اتلوم جاسم.. لأنه الغلط غلط امها وامه يوم من هم وصغار حجزوهم لبعض ولا ادركوا ان الريال لا كبر بيغير رايه.. ولا تقدر تتهمه بشي لأنه ما قصر عليها فعلا.. كل يوم كانت تقضيه وياه كان مثل حلم ألف ليله وليله.. حنان وحب وكلام غزل.. يعني كل الي تتمناه اي انسانه من ريلها.. معززها ومكرمها.. ولو كان ما يبالي بإحساسها جان من يوم ما حب هالإنسانه خذاها علي.. بس بعد انا اغار لني احبه.. : ببببس جاسم.. انا احبك.. انا قصرت عليك بشي؟؟
جاسم: لا .. لا ياعذاري لا تقولين جيه.. بالعكس.. انا الي احس عمري مقصر في حقج.. بس والله ما فكرت اني اتزوجها رغم اني كنت اباها وتباني والله عشان ما اجرحج.. وعشان هالعشره الي بينا... ومطر ولدنا.. تفهمين يعني شو ولدنا..
عذاري: بس انت ما تحبني جاسم..
جاسم: منو قااااال.. انا احبج والله احبج.. بس افهيميني شوي.. قدري هالإحساس الي يمتلكني..
عذاري : احين فهمت سبب رفضك ومحاولاتك ويا عبيد عشان يهون..
جاسم: بليز.. خلاص انسي.. خل نفتح صفحه يديده ما يكون فيها الا عذاري وبس ومطر والي في الدرب.. ياحبي.. بس انتي امسحي هالدمعه ما احب اشوفها في عيونج.. انا صارحتج لأني ما تعودت اغبي عنج شي..
عذاري: احبك..
جاسم: وعد اني ما اقصر في حقج ابد بعد..
عذاري: انت عمرك ما قصرت في حقي ذره شي.. ماقدر اكون ناكره للجميل..
جاسم: حبيبتي والله.. .

 

[meen_ana]

عبيد كان مهموم بعد .. وهمه مب اقل من هم جاسم.. حاس عمره مخنوق مب عارف شو يسوي.. هي بنت ما عليها كلام.. حلوه.. وزينه ومتدينه.. يعني ماتنعاب بشي.. بس ما احبها ما احبها.. يارب ساعدني.. ولين قلبي لها.. يارب..
فقرر انه يتصل فيها لأنه مر يومين على خطوبتهم ولهاليوم مكتفي بالمسجات.. اتصل فيها وردت عليه
عبيد: السلام عليكم
عواش وبخجل وحزن: وعليكم السلام
عبيد: اشحالج؟؟ عساج الا بخير..
عواش: بخير ربي يعافيك.. انت اشحالك؟؟ واشحال الأهل..
عبيد: بخير.. يسلمون عليج..
عواش: الله يسلمهم من كل شي...
عبيد: الله يسلم غاليج..
عواش: ---
عبيد:----
عواش:----
عبيد: ليش ساكته ما ترمسين؟؟
عواش: شو اقول.. ؟
عبيد: ما تبين تسألين عني .. اتعرفين عني؟؟ يعني جيه..
عواش: مادري..
عبيد: بسألج سؤال ممكن اتجاوبيني؟؟
عواش: اتفضل
عبيد: انتي هلج جبروج علي.. ولا برضاج؟؟
عواش: لا شو.. برضاي طبعا..
عبيد: اها..
عواش: ليش يعني؟؟
عبيد: لا ماشي.. بس لأني اشوفج ساكته.. حتى يوم الخطوبه موول ما تنطقين
عواش: بعدني مب متعوده عالوضع يديد علي.. (كانت اتقول له بإسلوب ساخر)
عبيد: انزين ليش جيه اترمسيني؟؟(شوي معصب)
عواش وهي ندمانه .. ياربي شو بلاني انا .. ها شو ذنبه اعق حرتي فيه: ها.. لا ماشي.. اسفه. المهم متى تاريخ ميلادك..
عبيد: امممم.. انا 3/5.. وانتي؟
عواش: انا .. 4/3..
عبيد: اوه.. يوم ميلادج نفس يوم ميلاد نسيبي جاسم..
عواش من سمعت اسم جاسم تمت ساكته.. ياربي.. كيف بقدر انساه ودام انه بسوالفه بس ياب طاريه.. فما بالي اشوفه؟؟ : والله.. اها زين
عبيد: وعذاري بعد لو بتربي معطينها موعد شهر 3..
عواش: شي حلو..
عبيد: الله يسهل عليها.. هاي يوم كانت اتربي على مطر.. الله ستر عليها صدق.. تعبت من خاطر..
عواش: الله يعينها.. قالت لي؟؟ ان شاء الثاني مب جيه.. وبعدين لا تنسى انها تعبت لأنه كان بجرها وهي كانت صغيره بعدها..
عبيد: هي صح.. يالله ان شاء الله انتي ما تتعبين شراتها..
عواش من سمعت هالكلام ماتت من الحيا والمستحى.. صخت موووليه..
عبيد.. اوف انا شو قلت.. الله يغربل هاللسان: انا اسف.. ما كان قصدي..
عواش: لا عادي..
عبيد: انزين عواش ما بطول عليج.. بخليج احين لأن ربيعي ثاني ياي عندنا..
عواش: خلاص اوكي.. سلم على عمتي.. بتصل فيها فليل اسلم عليها..
عبيد: يبلغ... وانتي بعد بلغيهم سلامي.. يلا مع السلامه
بندت عنه الخط وفرت عمرها على السرير وتمت اتفكر.. كيف بعيش وياه.. ماقدر.. انا في التليفون مب رايمه ارمس.. كيف بعيش وياه.. يارب ساعدني..



ناصر كان فعلا طفران من حالته ويا العنود حس عمره ما يقدر يصبر عنها اكثر.. قرر انه يكلم جواهر في الموضوع عشان تاخذ راي العنود..
ناصر: جواهر ابا اكلمج في موضوع؟؟
جواهر: قول تفضل..
ناصر: عن العنود
جواهر وبخوف: عنوود.. شوفيها.. شو بلاها.. طمني
ناصر: هدي ما بلاها شي.. بس الموضوع عني وعنها..
جواهر بعد ما تنهدت من الراحه: اشوه.. انزين.. شو الموضوع قول لي.. انا فضوليه ابا اعرف بسرعه
ناصر: ابا اخطب العنود.. والي اباه منج تاخذين رايها .. اذا موافقه عشان ارمس اهلي عشان هالنزله يخطبونها لي..
جواهر وهي فعلا مستانسه... كانت تتمنى ان واحد مثل ناصر ياخذ العنود.. لأنها عارفه طبع عنود وحساسيتها.. وقلبها الرهيف.. يبالها واحد مثل ناصر بحنانه ورقته وحبه ودفا قلبه: والله ياناصر.. جد ترمس..
ناصر: اذا ما عندكم مانع طبعا؟؟
جواهر: اي مانع اي سيف.. ما عنا حد.. افاعليك بس.. هههههههه .. غالي والطلب رخيص.. اكيد برمسها اليوم وبشاورها
ناصر: بس ماباج تضغطين عليها.. خليها تقول رايها الي هي مرتاحه له..
جواهر: يعني انت يالعمي مب ملاحظ ميلها لك..
ناصر: مادري.. ما اقدر اتأكد من هالشي.. ما عندي الجرأه اني اقولها..
جواهر: عمي.. شو اسوي بك.. بس لا تحاتي برمسها وبرد عليك.. انت لا تحاتي..
ناصر: تسلمين لي والله اختي
جواهر: افا عليك بس.. الله يسلمك..
..
في بوظبي..
سلامه كانت قاعده ويا مطر ولد اختها عذاري في الحديقه.. وقاعده اتذاكر له.. طبعا هو صف اول..
سلامه: يالأثول.. شوف عدل..
مطر: اوهووو.. شوها كله تضربيني.. اقولج بدرسيني عدل ولا شقايل..
سلامه: طاع طاع .. مطول لسانك.. يباله قص.. هات المقص اشوف..
مطر: هههههه.. لا خلاص اسف.. بس انتي لا تكشرين بعدين خالي ثاني بيكرهج..
سلامه: شو يخص ثاني احين عشان اتييب طاريه هااااا.. (مسكته من اذنه وتمت تلوي راسه على الدفتر).. خلك هني ابرك لك..
عبيد: هههههه.. شوفيج على الولد.. ذبحتيه .. انتي الله يعين عيالج بتجتلينهم.
سلامه: دخليك عبيد حبيبي انت.. درسه بدالي.. يرفع الضغط ما يفهم..
عبيد: لازم.. شو ذنبه يوم طلع على خالته..
سلامه: اونننننننه.. انا دومي من الأوائل... وانا الحين ثانويه شوف كيف بييب النسبه الحلوه..
عبيد: مصريه دحيحه.. من كثر ما مرابعه هالمصاروه صرتي مثلهم
سلامه: ههههه.. صدقك
مطر: احين شو بدرسوني ولا اروح العب..
سلامه: لا شو تلعب.. خلص الي عليك عقب.. يلا اكتب وياي..
توه كان ثاني داخل البيت.. ومن شاف سلامه كيف مندمجه وادرس مطر ومن الصوب الثاني تتطالع في كتابها وتذاكر.. تم يتأملها وشوي يضحك.. عبيد طبعا عرف عن هالحب الي في قلب ثاني.. ولأنه ثاني رابي وياه وشروات ولد عمهم صاير.. يعني منهم وفيهم.. فما كان يمنع شوفتهم لبعض .. لأنه شاف عذاب سلامه من حرمانه من شوفه طلال .. وهو يبا انه ثاني ياخذ سلامه.. فكان دايما يحاول يقرب من بينهم.. عشان اتحبه وتتعلق فيه وتنسى طلال..
ثاني: دحيحه اختك ماشاء الله..
عبيد: زين عيالك بيطلعون من الأوائل..
ثاني من سمع كلمه عيالك زادت فرحته زود وزود.. اااااااااه متى بيي هاليوم.. : امين.. خل اتوافق علي بالأول..
عبيد: اصبر عليها.. خل اتخلص ثانويه وتعقل شوي.. شوف شوف.. والله ياهل..
ثاني: انت اشعليك البنت عايبتني بتصرفاتها..
عبيد: اشوفك وايد قمت تاخذ عليها ونسيت انها اختي
ثاني وهو مفتشل.. : اوه سوري.. والله اسف.. ما كنت حاس بعمري..
عبيد: مابا هالشي ينعاد.. يلا ادخل داخل..
ثاني: شوي بس عبيد..
عبيد: لا ماشي.. يلا ادخل..
مطر: اووووووووص.. خلوني افهم الدرس..
ثاني: خوش مدرسه عندك ها..
كان عبيد يدز ثاني على ورى وثاني مجابل سلامه ومب طايع يروح .. ويتم يطالع ويرمس بصوت عالي..
مطر: تعال ادرس ويانا خالي.. كله بتضربك..
ثاني: هههههه.. سمعوا اونه تضربني.. انا الي بضرب مب هي
سلامه: قصورك تضربني.. روح يلا خلني ادرس الولد.. بيسقط والسبه انت.. يلا مناك..
ثاني وهو كان داخل الميلس معصب من عبيد ليش دخله داخل: اوووووف.. جان خليتني ارفع ضغطها شوي.. والله كشخه يستوي شكلها..
عبيد: لا والله تتحراني بسكت لك يعني.. بصطعك طراق..
ثاني: انزين بوالشباب قول لي.. ؟؟ شو اخبار الحب والغراااام
عبيد: اسكت يا ثاني.. انت من فتره غايب عني ما حصلت فرصه اقول لك.. شو اقول وشو اشكي,..
ثاني: لاه لاه لاه.. شو صاير.. الظاهر السالفه وايد عوده
عبيد: انا فقدتها يا ثاني.. وللأبد.. خلاص ضاعت من ايدي
ثاني: شوفيك.. شو اتخربط.. كيف ضاعت؟؟ توكم مخطوبين يادوب.ز
عبيد: انا خربطت.. خذت بنت خالها.. تخيل يا ثاني.
ثاني وهو مفجج عيونه ومصدووم: شوووووو.. لا لا.. اكيد تمزح
عبيد: والله هذا الي صار.. مادري كيف غلطت هالغلطه.. خذت بنت خالها..
ثاني: يعني الي بغيتها طلعت اخت فيصل..
عبيد: هيه ..
ثاني: والله مادري شو اقول لك.. انزين يمكن تطلع زينه وتستانس وياها..
عبيد: بس كيف.. مب قادر اتحمل الوضع.. يعني انت مثلا تبا سلامه.. بترضى تاخذ ناعمه اخت المرحوم.. ؟؟!َ!
ثاني: لا.. مابا غير الي انا احبها
عبيد: انا بعد نفس الشي.. اقولك ماعرف شو اسوي.. ما اتصل فيها.. ما اكلمها.. مب قادر اجمع الوضع في راسي..
ثاني: يالله شو بتسوي..
عبيد: تدري.. انا ابا اعترف لها من الحين.. واشوف شو بترد علي؟؟
ثاني: لا حرااام.. شو ذنب هالبنت تصدمها من اول خطوبه لها.. لا والله حرام.. ان سويتها لا انا ربيعك ولا اعرفك ولا اتعرفني
عبيد: شورك انزين؟؟ علمني شو اسوي..
ثاني: والله تبا رايي.. تم وياها.. احس والله بتستانس وياها.. اهل فيصل كلهم زينين..
عبيد: ادري وعذاري اختي وايد اتحبها..
ثاني: خلاص تم وياها.. وحاول انك تنسى ذيج..
عبيد: الله كريم..
ثاني: وانتوا متى مقررين العرس..
عبيد: الصيف.. عشان نتريا جواهر
ثاني: اها زين والله.. عقبالي..
عبيد: هههههه.. الله يعينك انت بس.. عن يرفضونك؟؟
ثاني: لا اتخرعني عبيد.. انت ما بتقصر بتقنعها فيني.. كله امدح فيني.. اوكي
عبيد: ههههههه.. لا ان شاء الله خير..
ثاني: امين..
..
في بيت العم خليفه..
فطوم: والله يا يدوو لو اتشوفين كيف اتخبل غانم.. صدق صدق انتي مسويه له رعب المسكين.. يغمضني.. !!ههههههههههه
اليده: احسن.. عشان اذا فكر يسوي شي غلط يذكر عصاتي ويهون..
فطوم: لا عاد .. غانم ادريبه ما بيغلط ان شاء الله.. بس شيطان شوي..
غانم: تسلمين والله على هالشهاده.. اعتز فيها..
فطوم: انت منو كلمك عشان اترز ويهك..
غانم: افا والله.. عيل منو غانم؟؟
فطوم: مال مسلسل عيال بوجاسم.
غانم: اها... وانا يحليلي اتحراج تمدحين فيني.. قلت فديتها بنت العم ما قصرت..
فطوم: خوز لاااااااااه.. انزين يدو.. شو اقول لج العين خباااااال صدق والله.. وايد حلوه
اليده: رحتوا الفايضه.؟.
فطوم: لا ما لحقنا,, بس الحفيت سرنا..
غانم: شوفي يدو... فطوم تظهر من غير شوري..
فطوم: لاوالله.. رحت بشور ابوي وامي.. واخوي الي كان موديني
اليده وهي تبا تضربه بالعصا وهو يشرد عنها: قصوورك بعد تامر على بنتي.. يوم اتصير على ذمتك بتشاورك.. تعال هني.. كسر الله ضلوعك ..
غانم: والله ظلم هالبيت كل شي فيه ظلم..
حصه: اقول فطوم.. عبدالله قال لي ان ابراهيم خاطب مريوم من خالد وفيصل؟؟ صح
فطوم: هيه..
حصه: والله ريال زين.. ما يتفوت.. شو اكيد وافقت مريوم
فطوم: مادري.. بس ابوي مب موافق..
اليده: والله وخرف هالشيبه.. ويدي.. وليش مب موافق.. الولد ما ينعاب
غانم: انا هذا الي ودي اعرفه يدو.. رافض بشكل ما تتصورين.. واحين وافق بس قال ما بحضر العرس..
اليده: ويديييييي.. واخزياااااه.. عيب.. منقود.. كيف ما يحضر عرس بنته.. والله وشوب ابوج يا فطيم.. ليش يرفض ريال مثل هذا..
فطوم: هي والله رافض.. لو اتشوفينه ابوي كيف رافض.. ما تصورين والله.
اليده: ما عليكن. انا برمسه.. وان شاء الله ما بيقول لا..
غانم: والله ودي..
وهني توه دخل فيصل.. وسمع كلام غانم: ها في شو ودك..
غانم: شيئين.. فطوم.. وسبب رفض عمي لإبراهيم؟
فطوم: وافيديتك حبيبي..
فيصل: ههههههه...... عيب مب جدامنا
غانم: منو قال اني ابج لشي.. الي اباه وحده اتخم واتغسل واتشل واتحط.. وبعد شي ثاني ودي ازغدج
اليده نشت وضربته على كتفه بالعصا..: قصورك..
غانم وهو يصرخ: بس بس.... والله تعقدت بتخبل.. رحمووووووووووووني
الكل: هههههههه
اليده: انزين وابوك ها ليش رافض..؟؟
فيصل ارتبك ما عرف شو يرد.. : مادري..
اليده: شوفيه ويهم تغير يوم سألتك عن السبب في شي مغبيه عني..
فطوم: هي في .. مبين من عيونه.. اخوي واعرفه
غانم: وانا بعد حاس ان في سبب.. قول لا تستحي
فيصل: شوفيكم انتوا .. مافي شي..
اليده: تعال وياي الميلس وقول لي.. ؟؟
فيصل: ماعرف صدقوني..
اليده: قلت لك تعال ولا ترا والله بهالعصا..
فيصل: لا الا العصا.. ييت..
وراح وياها الميلس عشان يقولها .. وهو يمشي.. يفكر شو يقول لها.. كيف يفاتحها بالموضوع وهو طبعه ما يعرف يجذب.. ينكشف بسرعه..
..

جواهر: ها ما قلتي لي.. موافقه..
العنود وهي موخيه راسها: مادري.. شو رايج انتي؟؟
جواهر: لا والله.. صدق.. احلفي انتي بس.. جي شوو انا الي بعرس والا انتي؟؟
العنود: ههههه.. صدق ارمس شو رايج..
جواهر: تبين شوري.. الصراحه ما يتعوض..
العنود: ههههه.. جيه شو
جواهر: لا تستهبلين.. شو رايج بتقولين ولا شو؟؟
العنود: موافقه.. ارتحتي احين..
جواهر وهي ميته من الفرح: كلولولولووووووووش.. فديتج مبروووك ..
العنود: ايه خفي.. نحن في المستشفى مب في البيت.. صوتج.. فضحتينا .. بيقولون العرب ميانين
جواهر : برايهم المهم اعبر عن فرحتي..
العنود: فديتج والله

 

[meen_ana]

الفصل الثالث من الجزء 26
في بيت العم خليفه (دبي)
اليده: تعالي اقعد هني وخبرني..
فيصل: بس خلي عصاتج هناك بعيده..
اليده: شفيكم يا عيال اتخافون من عصاتي.. وما تخافون ربكم اظني كثر عصاتي
فيصل: لا يدوو.. نحن لأننا نخاف ربنا نخاف من عصاتج.. لأنج ما تضربين حد الا وانتي زعلانه عليه.. فجيه يعني انتي مب راضيه عليه .. وجيه يعني ربنا بيغضب علينا
اليده وعينها تدمع:ربي لا يحرمني منكم من عيال.. شوعندي احسن من جيه.. عيال يحبوني ويداروني.. منو قدي
فيصل: يدوو.. لا تخلينا نجلبها مناحه احين
اليده: ههههه .. تعال يلا لا تخليني انسى.. خبرني السبب
قبل لا يرمس فيصل دخل خالد .. لأنه من وصل وعرف ان فيصل عند يدته عرف ان فيصل ما بيقدر يسكت وما ينطق..
خالد: السلام عليكم.. (يطالع فيصل بنص عين ويبوس راس يدته).. اشحالج يدوو عساج بخير؟؟
اليده: هلا والله بولدي خالد.. بخير ربي يعافيك..
فيصل وهو وده يضحك من نظرات خالد له: متى ييت؟؟
خالد: توني من دقايق.. يوم عرفت يدو هني قلت لازم ابوس راسها
اليده: ربي لا يحرمني منك.. وان شاء الله تبوس الكعبه يا رب
خالد: الله يسمع منج
اليده: زين يوم ييت يا خالد عشان انتوا الإثنين اتخبروني سبب رفض ابوكم لإبراهيم
خالد: مافي شي. نحن ما نعرف السبب
اليده: خالد.. فيصل.. تراني مربتنكم واعرفكم ما تعرفون تجذبون
فيصل: نحن ما نعرف السبب..
خالد: مثل ما قالج فيصل.. نحن ما نعرف السبب..
اليده: مو علي انا هالكلام.. اذا ما قلتوا لي بغضب عليكم.. وبسأل ابوكم..
خالد: يدوو.. دخليج.. نحن ما نعرف..
اليده: لا اتعرفون.. وهالشي باين من عيونكم..
فيصل بصوت واطي: خالد لازم انقول لها عشان تتصرف ما بيرضيها هالشي انا متأكد
اليده وهي تضربه بعصاتها: شو قاعد اتساسر فيه اخوك.. بتقول ولا شو؟؟
فيصل: انا برمس وبقول.. بس الي اباه منج يدوو تساعدينا.. لأنه ابراهيم مظلوم.. ماله ذنب بالموضوع..
اليده: افا عليك.. وانا ما ارضى بالظلم..
خالد: شوفي يدوو.. السالفه ومافيها تخص ابو ابراهيم..
اليده: اشفيه.. كان ربيع يدكم المرحوم..
فيصل: ويدي مات مجتول صح..
اليده: اااااااه.. الله يرحمك يا محمد.. هيه..
فيصل: وابوي يقول ان ابو ابراهيم جتل يدي المرحوم.. وعشان جيه ابوي رافض.. وهو قدر يطلع من الموضوع بطريقه ما بمعارفه.. مع انه بو ابراهيم اعتذر من ابوي قبل وفاته بس ابوي بعد ما رضى عليه.. وابراهيم شو ذنبه يوم ابوه جتل يدي ولا بعد في حاله سكر..
اليده وهي تدمع : بس.. لا تكمل دخيل امك لا تكمل.. الله يرحمك يا محمد.. كيف جيه؟؟ نحن ما عرفنا.. ليش غبا علينا هالموضوع؟
خالد: ما بغا يرد يعيش فيكم جرح مر عليه زمان..
اليده: وصدقكم شو ذنب ابراهيم..
فيصل: وحرام.. مريم تباه .. ليش جيه يسوون يفرقون بين اثنين بسبب غلطه ابوه.. وما كان صاحي بعد.. سكران.. والسكران يسوي وايد اشيا..
خالد: يدوو.. دخليج لا تزعلين عمرج.. احنا خبرناج لأن نعرف قلبج غير عن قلب ابوي وعمي.. لأنهم رياييل وقاسين شوي.. فما بيرضون.. صح ان نحن بعد صعب علينا ما انكر هالشي.. بس انا افكر في مريم.. مريم اتحبه.. وهو يحبها.. وريال نحن رابين وياه وعارفين كل طباعه.. شايل بيته شل بروحه ويا اخته عواطف من بعد وفاة امه وابوه.. ويدو لا تنسين ان ربنا هو الي بيحاسبه على الي سواه
اليده وهي اتحس بتعب من التفكير.. وقلبها يدق بقو.. وايدها ترجف.. فيصل من شاف حالتها ركض اييب لها دواها عشان اتخلي الحبه الي تحت اللسان.. ويوديها المستشفى بحكم ان فيها مرض القلب..
خالد بعد خاف بدوره وراح زقر على خوله.. وبسرعه ودوها المستشفى..
فطوم وهي اتصيح: شو صار في يدووو.. ودوني المستشفى ابا اروووح
غانم: شوفيج.. هدي انتي حبيبي.. بنروح احين...
وصل ابو خالد ومن سمع الخبر رد هو وام خالد وفطوم وخوله وريم ركبوا الموتر وراحوا صوب المستشفى عشان يطمنون على اليده..
حصه: شو قالو لها خلاها تتعب جيه.. ؟؟
ام عبدالله: مادري يا حصه.. وين حمدوو..
حصه: نامت..
ام عبدالله: عساه خير يا رب..
حصه: ما تستاهل يدووه.. ان شاء الله مافيها الا العافيه..
ام عبدالله: اللع يسمع منج.. والله البيت من غيرها مب شي نور البيت كله..
حصه: صدقج والله.. البركه
..
لندن
العنود: whrer is Dr.Nasser??
الممرضه: may be in the waiting whole
العنود: ok.. can you tell him to come here please?
الممرضهk, I will call him for you..
العنود: Thank You
راحت الممرضه ونادت على الدكتور ناصر .. وراح هو غرفتها دق الباب..
العنود: تفضل..
ناصر: السلام عليكم..
العنود: وعليكم السلام.. وينك ما شفناك.. ؟؟ ما تسأل علينا؟
ناصر: ماشي اسمحيلي ادري مقصر بس شوي مشغول..
العنود:يعني الحين بعد في الصاله الي قاعد فيها كنت مشغول بعد.. باجر انا بظهر وان شاء الله عقب يومين برد البلاد.. وما ييت حتى تقعد عندي.. يعني ما بوحشك؟
ناصر وهو لاف عنها: كيف ما بتوحشيني.. بالعكس والله
العنود: عيل ليش؟؟
ناصر: ماشي يا العنود.. كنت اتريا الرد من اختج جواهر..
العنود: الرد على شو(تستهبل عليه)؟
ناصر وهو منصدم: كيف؟؟ ليش هي ما كلمتج؟
العنود: لا ... عن شو اتكلمني؟
ناصر: الله يسامحج يا جواهر.. صدق ما قالت لج شي؟
العنود: لا ماقالت شي.. شو السالفه؟
ناصر:اسأليها وبتقول لج.. المهم انا بترخص.. تصبحين على خير..
العنود: شوفيك زعلت وتضايقت.. وليش تبا اتروح؟؟ اانا ما برقد الحين
ناصر: ماشي مشغول يا العنود..
وتوره ناصر بيفتح الباب عشان يظهرمن الغرفه.. جان ترمس العنود واتثول: انا موافقه.. ما قالت لك انت بعد هالجواب؟
ناصر مب عارف شو يسوي.. يرقص.. ولا يركض ولا ينط من الفرحه الي هو فيها.. صد وتم يناطرها وهي منزله راسها ميته من المستحى..
ناصر: صصصصدق الي اتقولينه.. ولا انا سمعت غلط..
العنود: هيه .. صدق
ناصر: اه يا قلبي.. زخوني لحقوا علي.. بموت.. بيغمى علي..
العنود: شوفيك.. بسم الله عليك..
ناصر: شوفيني.. شوشوفيني.. احبج.. ما تفهمين.. احببببببببببببببببببببببج..
العنود: يلا اطلع ابا ارقد
ناصر: وانا ما بييني رقاد اليوم..
العنود: هههه.. ليش؟
ناصر: ماشي انا برجع وياكم البلاد.. وماشي لازم اخطبج.. واملج مافيني صبر..
العنود: ههههه
ناصر: فديت هالضحكه والله.. اقول.. ممكن طلب؟
العنود: تامر امر..
ناصر: اقرصيني.. مب مصدق.. انا في حلم اكيد..
العنود: لا في علم..
ناصر: ااااااااه يا فرحتي.. ما يستوي اليوم انعرس..؟؟ !!
العنود: ههه.. اطلع برع
ناصر: خلاص خلاص على امرج بطلع.. اخاف اتغيرين رايج.. اطلع خلاص..
العنود: هههه.. ناااااصر..
ناصر: لبيييييييه.. عيون ناصر.. قلب ناصر.ز خشم ناصر..
العنود: شو ابا في خشمك.ز
ناصر: مادري ..
العنود: يلا برع بلا كلام زايد.
طلع ناصر من الغرفه وهو ميت من الوناسه والفرح.. وتم يرقص.. والممرضات يطالعونه ويضحكون عليه.. شو صابه.. ليش جيه يرقص ومستانس؟؟
ناصر: تسهر عليك عيوني.. ياراحتي وشجوني.. والقلب بك مفتوني.. وانا صدق الوفا معطنك.. لو يسألوني عنك.. شلي جرالي منك.. في حبنا يا غالي.. قلب العنا معطنك.. طيب طيب.. عاشووو
تم ايوول والممرضات مندمجات وياه ويصفقون له.. والعنود ميته من الضحك من الي تسمعه ودها تطلع اتشوف شكله وهو يرقص كيف..
ناصر: يابس.. يابس.. فوق فوق.. عاشوو..
وتم الدكتور جيسن ربيعه الي يشتغل وياه يحاول يقلد حركاته والكل يضحك.. وهو ولا على باله.. والعنود ما رامت تتحمل زود.. طلعت من الغرفه ومن شافته ماتت من الضحك.. وهو من شافها تم يأشر عليها ويكمل..
ناصر: ولا تحط في تفكيرك (ويأشر بإيده لا.. ويحط ايده على راسه..).. انا ما اهوى عشير غيرك (ويأشر عليها).. فكر واسأل ضميرك .. (يأشر عليها بعدين على راسه وعلى قلبه).. ماباع من شارنك (ويأشر علىعمره).. عاشوو.. يلا ..
العنود وهي اتكلم الممرضه : Crazy man
الممرضه: I know he love you so much
العنود:هههههههههه.. I love him also
..
عواش كانت اتحاول انها تتقرب من عبيد.. بس هو كان يحاول يبتعد.. غصبن عنه .. لأنه لين احين مب قادر يكف من تفكيره في مريم.. كيف يتحمل فراقها .. او كيف يتحمل انه يشوفها ويتحسر انه ما خذاها.. وعواش تبا تنسى جاسم وتقنع عمرها انها خلاص صارت خطيبه عبيد النابوده.. ومالها اي صله في جاسم..
فكانت ملاحظه ابتعاد عبيد عنها.. وصده عنها.. وتهربه منها.. فاتصلت فيه بس كان محول على المسج قررت اتحطي له هالإغنيه.. وسجلته كرساله صوتيه
ما ترتضي نفسي مذله وحقران.. اردها عن من سعالي بذلي
نفسي عزيزه ساميه فوق يا فلان.. وابعد من نجوم الثريا محلي..
وبندت الخط.. وعبيد يوم فتح التليفون.. وجيك سمع الإغنيه وعرف انها هي الي مطرشه له من الرقم.. حس بنفسه مقصر في حقها.. وضميرع انبه.. وقرر يتصل فيها..
عبيد: السلام عليكم..
عواش: وعليكم السلام
عبيد: اشحالج
عواش من غير نفس: بخير.. وانت؟
عبيد:يسرج حالي.. شو هالمسج؟
عواش: شو بلاه ما عيبك.. تبا غيره...
عبيد: ليش عندج غيره بعد..
عواش: هيه.. وتوني بعد كنت افكر ارسله لك..
عبيد: لا ترسلين .. سمعيني اياه احين..
عواش: اسمع
مهما صار.. مهما قدمت اعتذار.. مهما صار.. مهما قدمت اعتذار
ماامد ايدي لواحد.. ما يحط لي اعتبار..
للأسف انت نسيت.. النار تبدي من شرار..
مهما صااار ومهما صاااااار..
مهما شدني الشوق صوبك.. راح اقاوم..
انت تدري أنا بالكرامه.. ما اساوام..
هذا طبعي ما تغير.. وهذا انا..
لكن انت.. من خيانه لخيانه
عواش: على فكره.. ما اقصد شي بالخيانه.. بس المهم يعني معنى الكلمات..وصل..
عبيد: عواش.. ادري اني مقصر.. و وايد بعد.. وادري اني مهما قدمت لج اعذار واعتذرت ماراح اقدر اشبع غرورج.. بس اطلب منج السموحه.. هاي اول غلطه لي.. بليز سامحيني عليها..
عواش: ----
عبيد: لا تسكتين يا عواش.. خلاص والله اني ما بقصر عليج.. وبسوي كل الي يريحج ويرضيج.. ويفرح قلبج.. هذا عهد مني..
عواش .. ااه لو تدري شو الي بيفرحني.. وشو الي يريحني.. جان عرفت..: اوكي يا عبيد..بس بشرط ماترجع وتعاملني جيه
عبيد: خلاص.. صافي يالبن
عواش : هههههه.. هيه.. مشكلتي طيبه ماعرف ازعل
عبيد: ان شاء الله اكون قد هالطيبه
عواش: بس اذا استويت شريره.. مافي العن عني.. ولا شرشبيل رايم علي..
عبيد: ههههه.. شرشبيل عاد..
عواش: هيه..
عبيد: خلاص يا شرشبيله انا اسف..
عواش: خلاص هالمره سماح.. المره اليايه.. بعرف كيف ادبك
عبيد: هههههه مشكوره على هالقلب الحنون..
..
في المستشفى(اليده)
فيصل كان طالع من غرفه الطبيب والكل كان يتريا يسمع الي بيقوله..
فيصل: ابشركم.. اليده مرت عليها الأزمه على خير.. زين وصلناها بسرعه..
الكل: الحمد لله
بوخالد: ليش شو صار فيها عشان تتعب؟
خالد: عرفت سبب رفضك لإبراهيم..
بوخالد وبعصبيه: انا قايل لكم ما تنطقون .. ليش انتوا جيه..
فيصل: مارمنا نسكت.. لأنك تظلم الولد الصراحه.ز
بوعبدالله: حرام عليك يا منصور.. بعدك حاط في خاطرك من هالسالفه الجديمه..
بوخالد: شو اتقول انت.. نسيت رفاة ابونا.. خلاص..
بوعبدالله: مانسيت.. بس شو ذنب هالعيال..
بوخالد: تعال وانت بعد خبروك..
بو عبدالله: لا ما خبروني.. بس انا ما كنت اصغير.. يوم صار الموضوع لا تنسى اني كنت اكبر عنك.. وعرفت السالفه.. بو ابراهيم روحه الله يرحمه كلمني.. وتم يطلب السموحه مني قبل سفره للحج..
بوخالد: بس ها ابونا .. يا خليفه
بوعبدالله: منصور. ادري.. ابونا.. بس انت لا تكون جيه حساس.. تحرم بنتك من الإنسان الي تباه واتحبه.. ادري انك كنت وايد قريب من الوالد الله يرحمه.. وانك كنت اصغير وانحرمت من حبه.. بس شو بتقول.. غلطه سكارى
خالد: صدقه عمي ..
بوخالد: يعني كلكم انجلبتو ضدي اشوف.. ووقفتوا وياه
بو عبدالله: بس يا منصور.. ترا ابراهيم رابي ويا اعيالي.. وانا خليته يتمشى ويروح وايي وياهم وانا عارف موضوع ابوه.. لأني ادريبه ريال زين.. والله يشهد ما بتلقى احسن منه لبنتك
بو خالد: ليش بنتي طايحه على ايدي عشان ما القى احسن عنه.. بنتي 100 من يتنماها
فطوم: بس مب كل واحد يتمناها يحبها مثل ماابراهيم يحبها.. ابوي الله يخليك.. يعني لو انت كنت مكانه.. ما بتحس بالظلم..
بوخالد تم ساكت حاس ان كلامهم صح.. بس فكره انه ولد قاتل ابوه مب راضيه تنمحي من راسه.. واخر شي سكت ونزل راسه.. ومن شافته ام خالد لأنها اتعرف انه في هالحاله يعني استسلم ووافق.. يببت وهي ناسيه انها مب في البيت.. وجدامها خلق من الناس..
بوخالد: فضحتينا يا حرمه.. شو بيقولن عنا..
الكل: هههههههه
فيصل: وحليلها امي.ز من فرحتها تبا تستانس بمريوووم
ام خالد: هي والله .. ودي اشوفها عروس واشوف عيالها.. ومتى ايي اليوم واشوف فيه فطوم عروس..
فطوم من سمعت هالكلام استحت ونزلت راسها..
غانم: يلعن ابو المستحى الي عذبني..
فيصل: عدال.. شو نسيتوا اعماركم وين.. في المستشفى.. يدو داخل تترياكم وانتوا كل واحد في عالم.
خوله: هي والله؟؟ الفرحه نستنا..
والكل دخل عند اليده وخبروها السالفه ومن سمعت استانست من خاطر وشلت عصاها وتمت ترقص فيها وتنعش.. والكل يضحك عليها.. اول مره يشوفونها مستانسه جيه
بو عبدالله: شو مونسنج هالكثر امايه
اليده: شو اقول لكم.. ابراهيم ها انا ربيته بإيدي .. وكبرته عشان جيه ما اتمناه غير لعيالي...
وفي هالوقت دخلت كلثم وهنادي وياهم نوره وعلي.. واستانسوا يوم شافوا اليده بخير..
هنادي: فديتج يميييي.. ماتشوفين شر..
اليده: فديت روحج والله..الشر ما اييج..
كلثم باست راس امها: ربي يعافيج ويخليج لنا..
اليده: فديتج والله.. اوه عيالي هني.. نواري .. نور عيوني .. وعلووو
نوره: يدوووو... قلبي طاح يوم سمعت انج في المستشفى.. سلاماااااااااات
اليده وهي حاضنتها: فديت قلبج والله..
علي: جلبت لنا السياره مناحه.. جتلتنا..
اليده: اتحبني وا فديتها..
فطوم: وانا شو..
اليده: انتي الشيخه فطامي..
فطوم: احم احم
غانم: ياربي.. لا تقولون لها جيه.. هاي على طول تبطر علينا..
فطوم: من حقي.. ولا شو رايج يدوو..
اليده: اكيد من حقج.. وعقبال ما افرح بعلي ونوره..
من سمع علي اسم نوره تضايق.. لأنه ما يباها.. يبا وحده ثانيه هو على علاقه وياها.. ودوم يكلمها.. نوره بعد نفس الشي ما تبا علي لأنها تحس به شرات اخوها مب ازود..
غانم يدري انه علي ما يباها وعرف من فطوم انها ما تبا علي جان يغطي علىالموضوع ووعد فطوم انه يكلم اليده: يدو.. خلج احين على زواج مريوم وزواجي..
علي: اوه.. مريوم بتعرس متى؟؟
هنادي: خلك انت على النت مالك.. ولا تعرف عن الدنيا شي..
نوره: هي والله؟.. كل ماادخل المسنجر اشوفه اون لاين.. بس حاط بزي اونه.. في شو بزي مادري..
علي: رجل اعمال.. تدرون بعد.. ثانويه وحالتي حاله.. يعني ..
غانم: الي يسمعك يقول فاتح شركات واتديرهم عن طريق النت
علي: شي جيه..
فطوم: اخاف اسم الشركه .. شركه المغازل والجاتينج العالميه..
الكل: ههههههههه
اليده: شو هالمنكر بعد.. اول مره اسمع بهالشركه مال شو هاي.. ؟؟
غانم: ههههههه,, وحليلج يدوو.. هاي شركه صنع براقع
اليده: لا زين زين.. عشان تحيي تراثنا.. والنعم بولدنا
الكل: ههههههههه
اليده: اشفيكم تضحكون.. ؟
فطوم: يدوو يحليلج والله.. ما تدرين.. لو تدرين شو بتقولين
نوره: انا بقول وبفهمج.. انتي بس طلعي من المستشفى.. وبعلمج كيف تدخلين المسنجر.. عشان كل ما ادخل اسولف وياج
اليده: وشو ها الجنجر بعد.. لا يكون سندويجات زنجر مال المطعم .. والله بالكمبيوتر بعد اتسوين جنجر.. صدق تطور..
غانم: ههههه.. ولا بعد.. ترومين اتحطين فيه مايونيز زياده.. وكاتجاب.. الي تبينه
فطوم: ههههههه.. حرام عليكم دوختوا راس يدو..
اليده: يبالي ارد البيت واجربه
بوعبدالله: خلج من هالخبايل .. ما وراهم فايده
اليده: بالعكس.. هاييل الفايده كلها.. القعده وياهم كم تسوى بس..

 

[meen_ana]

.. ..
ومرت الأيام طبعا.. ومريم انخطبت لإبراهيم وكانت عايشه بأحلى لحظاتها.. والعنود ردت البلاد وطبعا انخطبت رسمي لناصر.. وكانت كل يوم اتكلمه وتتصل فيه.. وكلمت فيصل واعتذرت منه عن الي صار.. وطلبت يسامحها على قله عقلها.. وفيصل كان مستانس لها انها لقت انسان والنعم فيه بيحطها في عيونها.. وسلامه على حالها.. كله تقرض بثاني.. واتصده.. وهو يوم عن يوم يموت فيها زود ويعشقها اكثر واكثر.. وهي مب طايعه تقول لأحد عن حبها.. وجاسم بعده مب قادر ينسى عواش.. بس لأنه وعد عذاري بدا يتقرب من عذاري زود وزود ويحبها اكثر واكثر .. وما يفارقها ابد..
يوم الخميس.. الساعه 8.45 الليل..
كانت عذاري في بيت اهلها قاعده وياهم وجاسم وياهم طبعا.. والكل سوالف.. وكانت عذاري في شهرها الثامن.. واتحس بآلام شديده..
العنود: لازم انوديج المستشفى مب زين عليج جيه..
عذاري: لا ما عليج.. عادي.. بعدني .. الثامن
ام عبيد: شو يعني.. ترا انتي ولدتي مطر على الثامن بعد..
عذاري: لا امي كنت داخله فأول اسبوع من التاسع يوم يبته
العنود: مب شرط كل عيالج نفس الشي.. انتي قومي .. انا سايره ازقر على جاسم
عذاري: لا .. مافيني شي
جاسم كان توه داش وشاف ويه عذاري وهو متغير ويبين عليه التعب.. على طول راح عندها..
جاسم: عذاري حبيبي اشفيج..
عذاري: ماشي حبيبي..
جاسم: كيف ماشي.. شوفي كيف صاير ويهج..
عذاري: ماشي قلت لكم.. بقوم امشي شوي..
جاسم بيي وياج.. هاتي ايدج
مسكها من ايدها وقام يمشي وياها شوي في الحديقه.. والا اتزيد الامها.. واتصارخ.. طلع عبيد وثاني وشافوها اتصارخ.. طبعا ثاني رد دخل داخل.. ما قدر يتم واقف مب حلوه.. وعبيد تم يساعد جاسم عشان يوصلونها الموتر ويودونها.. والعنود من شافت هالمنظر نادت على امها وابوها وطلعوا وياها.. ما خلوا سلامه طبعا اتيي لأنها بعدها صغيره مب زين عليها اتشوف هالمواقف.. وترتعب منها..
سلامه وهي واقفه في الحوي وتتحرطم: شوها.. ليش جيه.. ابا اسير وياهم.. انا مب صغيره انزين
ثاني كان توه طالع من الميلس وسمعها ويضحك عليها: جنج عيوز تتحرطمين..
سلامه: بس بس.. اكرمنا بسكوتك..
ثاني: هههه.. اعصابج.. كل ها عشان ما ودوج.. ان شاء الله بتربي بالسلامه وبتروحين لها..
سلامه ما نتبهت على كلامه عدل واتحسبته يقول بتربي سلامه: شو فيك مخرف.. مب انا الي بربي.. هههههه.. مخرف انت.. عذاري الي بتربي مب انا
ثاني: هههههههههههههههههههه.. محد مخرف غيرج.. سمعي عدل اشفيج.. قلت لج بتربي بالسلامه.. باللللللللسلامه..
سلامه افتشلت : انزين وانا شودراني ما سمعت..
ثاني: تراج عيوز وتتحرطمين.. كيف بتسمعيني..
سلامه: ويا هالويه..
ثاني: شو بلاه ويهي.. مب عايبنج؟
سلامه: لا مب عايبني..؟
ثاني: افا.. لا والله.. ما هقيتها منج.. انزين.. هاتي لي قرآن..
سلامه: ليش تبا تقرا على روحك قبل لا اجتلك؟
ثاني: تجتليني اونه.. بالعكس خافي على روحج عن انا اجتلج بروحي وياج في البيت.. خخخخخ.. يلا هاتي قرآن
سلامه: اول قول لي شو تبا فيه عقب..
ثاني: ابا احلف عليه اني احبج..
سلامه استحت ونزلت راسها.. وثاني ميت ضحك: فديت المستحى انا.. يلا روحي هاتي.. ابا اقرا عشان الله يهون على عذاري في ولادتها.. واقرا على روح المرحوم طلال..
سلامه من سمعت اسم طلال وسمعت انه يبا يقرا قرآن على روحه استغربت.. ونفس الوقت حز في خاطرها طاريه تمت اتدمع ..
ثاني: افا.. مابا اشوف هالدموع.. سلامه.. والله اني احبج.. وابا اسوي كل الي يرضيج.. ولأني ادري اشكثر اتحبين طلال.. انا اسوي هالشي.. لأني انا بعد احبج
سلامه: بس ما توقعت منك.. قلت يمكن تغار منه
ثاني: اغار من طلال.. اغار من ميت . اسمحي لي على كلمه ميت.. بس هاي الصراحه.. ما اغار منه.. بالعكس ابا اشكره انه بهالطريقه قدر يخليج لي..
سلامه قعدت على الدري ونزلت راسها على ريولها وتمت اتصيح.. اخر شي اتوقعته انها تلقى واحد يفكر فيها بهالطريقه.. وتذكرت كلام ناصر يوم قال لها انها لازم تحيي ذكرى طلال في واحد تتزوجه واتييب منه ولد اتسميه طلال.. وان اي واحد بياخذها يكون عارف حبها الجديم ويحترمه.. وتذكرت الي سواه ثاني عشانها.. المحل الي فتحه بإسمه.. واحين يطلب منها القرآن عشان يقراه على روحه.. ااااااااااه.. والله اني احبك يا ثاني.
ثاني: سلامه.. انا ماباج تذرفين هالدموع.. انا ابا اخذج عشان انسيج الدموع.. واخليج تنسين الحزن..
سلامه: فديتك يا ثاني(طلعت منها هالكلمه من غير لا تحس.. بس كانت ظاهره من قلبها.. وثاني طبعا استانس من الي سمعه .. وتم يهون عليها.. )..
وقامت سلامه ويابت القرآن وعطته له.. وتموا اثنيناتهم قاعدين في الحديقه كل واحد فيهم يقرا قرآن على روح المرحوم.. وعلى عذاري عشان الله يسهل عليها..
..
في مستشفى الكورنيش (بوظبي)
عبيد: اشفيها عذاري؟؟
جاسم: مادري اسكت انا روحي ميت من الخوف.. انت اتعرف كيف تتعب في الولاده. عشان جيه انا وقفت ومنعتها من العيال طول هالخمس سنين.. بس هي اصرت تبا ياهل..
عبيد: الله يقومها بالسلامه.. ان شاء الله مافي الا كل خير.
بوعبيد: لا تحاتي.. انت بس ادعي لها.. واقرا قرآن عشان الله يهون عليها..
طلعت الممرضه وهي تركض.. تطلب الدكتوره المناوبه عشان يدخلونها غرفه العمليات.. وجاسم من شاف الممرضه في هالحال. ما قدر يقعد .. تم واقف وهو يركض من مكان لمكان ويدور حول عمره وده يصيح وده يسوي اي شي.. حا عمره ضايع
عبيد: اقعد هدي.. مافي الا كل خير..
يت الممرضه صوبهم .. وتمت تسأل منو ريلها.. جاسم قال انا.. على طول عطته اوراق عشان يوقعها عشان يدخلونها غرفه العمليات..
جاسم: انزين شو بلاها فهموني؟؟
الممرضه: تحتاج لعمليه بسرعه.. لأنها في خطر ويا الجنين.. موعد ولادتها حان.. وهي عندها نزيف..
جاسم: الله يهداج يا عذاري. يعني نفس على ولاده مطر..
وقع الأوراق بسرعه وعلى طول الممرضه راحت وطلعوها عشان تدخل غرفه العمليات .. وجاسم لاصق بسريرها ويبوسها على راسها.. ويهون عليها.. وهي مب حاسه بعمرها لأنها تحت تأثير المخدر..
عبيد وهو يسحب جاسم: تعال.. انت هدي عمرك.. خل ندعي لها..
طلعت العنود وام عبيد من غرفه الولاده وهم يصيحون وخايفين على حالتها..

الجـــ27ــزء
كان جاسم يحاتي وايد على حاله عذاري.. والكل شراته.. مب طايع يهدا لهم بال.. الا ودكاتره داخلين ودكاتره طالعين.. ومب قادرين يعرفون اي خبر منهم.. يسرعون.. وعبيد حالته لله يحاتي.. اتصل في عواش عشان يخبرها..
عبيد: اشحالج؟
عواش: بخير ربي يعافيك.. اشفيك.. احس بك مب على بعضك؟
عبيد: شو اقول لج.. عذاري المسكينه ياينها الطلق وهي في الثامن.. واحين هي في غرفه العمليات..
عواش:مسكيييييينه.. الله يعينها ان شاء الله ويسهل عليها.. ويعافيها..
عبيد:تسلمين.. بس بغيت اخبرج عشان ما تحاتين اذا شفتي تليفوني مغلق.. لأن هني ماشي ارسال..
عواش: لا ما عليك .. بس انت طمني على حالها..
عبيد: ان شاء الله..
..
جاسم بعصبيه: وبعدين يعني.. ما بيطمنونا على حالها..
العنود: انت هدي بس..
ام عبيد: واعليه يا بنتي.. الله يعينج..
عبيد: ها شو ماشي خبر.. ؟؟
جاسم: وين بيكون عندنا خبر دام ان محد طايع ينطق بكلمه..
..
عواش كانت اتحاتي بعد على طول اتصلت لريم تخبرها عن الي صار..
ريم: وحليلها.. الله يكون في عونها..
عواش: هي والله .. احاتيها وايد
ريم: لا ان شاء الله مافي الا كل خير.. طمنيني على حالها اول بأول
عواش: خل انا اطمن بالأول ..
ريم: ادعي لها.. عسى ربي يسهل عليها
عواش: ان شاء الله..
..
في المستشفى
طلعت الممرضه من الغرفه : مبرووك جابت بنوته حلوه..
جاسم وبعصبيه: ما يخصني في البنوته.. ابا اعرف حرمتي شو صاير فيها.. ؟؟
الممرضه اتغير ويهها ما عرفت كيف اتفهمه: هدي بالك.. مافي شي ان شاء الله..
جاسم: اقول.. بلا لف ودوران.. عذاري وينها..
الممرضه: هذي الدكتوره راح اتفهمكم كل الموضوع..
عبيد: دكتوره طمنينا..
الدكتوره: خلوا ايمانكم بالله قوي.. ما اقدر اقول غير اننا سوينا الي علينا والباقي على الله.. ما راح اجذب عليكم.. حالتها ما تسر.. هي في خطر.. نحن بنسوي كل الي علينا..
جاسم: شوووووووو
العنود وام عبيد بدوا يصيحون .. وعبيد زادت ربكته ونفس الشي جاسم وبو عبيد..
جاسم: اااانتي شو اتقولين..
الدكتوره: الولاده كانت صعبه وايد عليها.. وللأسف فقدت كميه من الدم كبيره.. لأنه كان صايبنها نزيف.. فجسمها ما تحمل التعب هذا.. ؟
عبيد: والحل.. ؟
الدكتوره: والله مادري شو اقول لكم.. هي لازم تكون في العنايه المشدده.. والياهل مافيها شي لله الحمد صحتها اوكي.. ونحن راح انراقب حاله عذاري.. بإذن الله ما تشوف شر..
جاسم: ابا ادخل عندها ابا اشوفها..
الدكتوره: ممنوع.. اذا تبون كل اثنين يدخلون عندها.. ولكن لا تضغطون عليها ولا ترمسون وياها.. تحتاج للهدوء..
جاسم: تعال عبيد خل ندخل عليها..
العنود: لا انا بدخل..
عبيد: انتوا خلكم هني.. شوفوا اشكالكم كيف.. تبونها اتشوفكم اتصيحون واتزيد حالتها..
ابو عبيد: صدقه عبيد.. انتوا هدوا اعماركم
دخل جاسم وهو ماسك ايد عبيد وحاس عمره بينشل.. مب قادر يمشي.. خايف.. مرتبك.. ويحاتيها.. من شافها كيف مزرقه .. والوايرات عليها.. والأكسجين.. والحاله الي هي فيها .. غصبن عنه تم يصيح.. وعبيد يهدي فيه.. قعد جاسم في الكرسي الي حذالها ومسك ايدها وتم يبوسها ويمسح على راسها ويقرا عليها.. شوي شوي قامت تفتح عيونها يوم حست فيه..
جاسم: حبيبتي عذاري..
عذاري تمت تتطالعه واتحس ان لسانها ثجيل.. ماتروم ترمس ولا تنطق.. وردت غمضت عيونها من تأثير البنج.. طلع عبيد وخبر الكل.. وراح الحضانه ويا ابوه عشان يشوفون البنوته..
عبيد: ماشاء الله عليها.. نسخه من عذاري..
بوعبيد: هي والله.. وايد تشبهها.. ربي يحفط لها امها ويحفطها لأمها..
عبيد: آمين..
بوعبيد: شو حالتها .. طمني
عبيد: والله شو اقول لك ابوي.. انا المنظر الي شفته خرعني.. والله اني خايف عليها.. مب مطمن
بوعبيد: شو هالرمسه بعد.. مافيها الا العافيه.. كله يوم ولا يومين وبترد شرات قبل واحسن..
عبيد: او نسيت بسير اتصل في عواش اطمنها,
راح عبيد واتصل في عواش.. وبو عبيد رد وشاف الكل عندها في الغرفه.. طلعت ام عبيد من الغرفه لأنها حست عمرها ما تروم تتحمل المنظر الي جدامها زود.. وتمت اتصيح.. وبو عبيد يهديها.. وخذاها الحضانه عشان اتشوف الصغيرونه..
العنود تمت في الغرفه ويا جاسم..
جاسم والدموع مازره عيونه: اول مره اشوفها بهالحاله.. خايف عليها عنود..
العنود: عيل انا شو اقول.. خايفه عليها اكثر عنك..
جاسم: ماشي انا اليوم بسهر حذالها ومب طالع لو اييبون لي مدير المستشفى..
العنود: مب من حقهم يمنعونك.. وانا بتم وياك
جاسم: هي دخليج احس عمري بضيع بروحي ما بعرف اتصرف..
العنود: انا بسير اشوف عبيد عشان يرد امي وابوي البيت وباجر الصبح خل ايون.. مافيني امي تتعب علي..
جاسم: هي زين اتسوين..
العنود: وانت مب ناوي اتشوف الصغيرونه.. ؟
جاسم: بلا .. بيي احين اشوفها..
العنود: خلاص اوكي..
..
طلعت عنود من الغرفه وشافت عبيد واقف ويا امه وابوه وتمت اتهدي امها.. وقالت لهم يردون وانها بتم ويا جاسم عندها..
عبيد: صدقها العنود.. لأن ما بيخلون اكثرمن اثنين عندها.. وعنود بطمنا عليها
بوعبيد: يلا يا حرمه استهدي بالله خل انرد البيت.. الصباح رباح..
عبيد: امي باجر الصبح عواش وفيصل وريم راح ايون..
جاسم من سمع اسم عواش وانها بتيي.. زاد ارتباكه بس بسرعه شلها من باله لأن كل تفكيره على عذاري. وراح ويا العنود عشان يشوفون النونو
جاسم: فديتها.. تشبه امها
العنود: هي والله .. شو بتسمونها؟؟؟
جاسم: بتريا حبيبي لين ما تقوم بالسلامه وانسميها سوى
العنود: ان شاء الله اتقوم بالسلامه..
جاسم: الله يسمع منج.. خل نرجع عندها مابا اودرها روحها..
ردوا ودخلوا الغرفه عندها.. شافوها بعدها على حالها قعد جاسم على الكرسي الي حذالها وعنود قعدت شوي بعيد.. وغفلها النوم ورقدت.. وجاسم نفس الشي نام على ايدها..
..
فطوم: وحليلها عذاري.. صدق الولاده اتزيغ.. انا مابا عيال خلاص..
فيصل: ايه انتوا الإثنين لا تعقدون رواحكم احين عشان وحده.. ترا مب كل الحريم سوى..
ريم: لا ويه.. انا اخاف..
فطوم: والله الحريم يتعبون صدق..
فيصل: يعني الرياييل ما يتعبون.. ؟
فطوم: لا وين.. الحريم تسع شهور حمل.. وولاده.. وسهر.. ومادري شو.. انتوا ماشي رقاد واكل..
فيصل: وما تقولين نطلع من الصبح لليل ندور لكم لقمه اكل..
ريم: مابا هونت.. مانبا لقمه.. بس انت ييب العيال وانا بدور..
فيصل: هههههههه.. احلفي انتي بس..
فطوم: انا بقول حق غانم مابا عيال.. ما بيرفض لأنه يحبني
فيصل: وايد متفائله غانم اصلا كان يقول لي.. ابا 10.. وبعدين هو وايد يحب اليهال
فطوم: لا حوووول.. شو مكينه عيال انا.. قطوه قطوه صح..
ريم:هههههه.. المهم فيصل باجر الصبح خل نطلع من وقت عشان نكون عندهم
فيصل: ان شاء الله
فطوم: انا بيي؟
فيصل: شو اتيين وراج مدرسه .. قري مكانج
فطوم: اففففف
.. ..
اليوم الثاني.. الساعه 8.00 الصبح..
نش عبيد وشاف امه وابوه واعين قبله.. واتصل في عواش.. قالت له انها في الدرب كلها ربع ساعه وبيوصلون..
عبيد: امي عواش بتوصل احين ويا اختها وفيصل..
ام عبيد: يا حياهم الله.. والله انهم ناس والنعم فيهم يعرفون الأصول..
بوعبيد: هي ماشاء الله عليهم..
ام عبيد: اتصلت في العنود تتخبر عن عذاري..
عبيد: ترانا بنروح لهم احين وبنشوفها..
ومرت ثلث ساعه ووصلت عواش ويا ريم وفيصل.. علىطول كلهم ركبوا الموتر وراحوا صوب المستشفى.. اول ناس دخلوا كان عبيد ويا عواش.. وتمت ريم ويا ام عبيد الي كانت اتصيح.. وقاعدين مهما يحاولون فيها انها اتهدي عمرها مب طايعه... لأنهم تخبروا من الدكتوره قالت لهم ان حالتها على حالها في خطر..
ريم: هدي عمرج عموو
ام عبيد: واي علي يا بنتي.. ما تستاهلين..
بوعبيد: هدي .. نشي خل نتطمن على الصغيرونه..
وكلهم نشوا وراحوا صوب الحضانه.. عشان يشوفون الصغيرونه..
عواش دخلت وشافت جاسم جمدت مكانها.. ما كان ودها اتشوف جاسم منهار في هالحاله.. اول ما نش والتقت عينه في عيون عواش نزلت الدمعه من غير لا يحس.. وصد عنها.. العنود نشت وسلمت عليها..
عواش: شو حالها؟؟؟
العنود: مثل ما اتشوفين.. بعدها على حالها؟
جاسم: خايف عليها.. عبيد.. والله بموت.. قلبي بيوقف من امس ما فجت عيونها..
عبيد: هدي..مافيها الا كل خير..
وعلى طول تمت عواش والعنود يقرون قرآن على راسها.. ودخلت ام عبيد ويا ابو عبيد الغرفه .. تطمن عليها ابوعبيد وما هان عليه يشوف بنته زود على هالحاله.. ظهر وراح المكتب.. عشان ياخذ اجازه.. وام عبيد تمت اتصيح لين ما حست بتعب.. قلبها تم يألمها .. وتمت تعرق.. طلعوها على طول ودخلوها غرفه الممرضات عشان يراقبون حالتها.. كانت شبه فاقده الوعي..
جاسم من شاف عواش ما كان قادر يشل عينه من عليها .. كل شوي يحاول يختلس النظرات ويشوفها .. هاي اول مره يجتمع وياها في غرفه وحده.. بس عمره ما تمنى انه يشوف عواش في مثل هالموقف.. بدت عذاري تفتح عيونها شوي شوي..
جاسم: عذاري.. حبيبتي.. الحمد لله على السلامه.. اشحالج؟؟
عذاري تمت ساكته تتطالع الي حواليها.. من شافت عواش ابتسمت لعواش بالذات.. ورصت على ايد عواش.. وعواش نفس الشي بادلتها البسمه..
عذاري وبصوت فيه ألم ومبحوح.. : مممطر.. ابا اشوفه..
جاسم:مطر في بيت امي.. تبيني اييبه لج..
عذاري هوت راسها هيه.. وعلى طول طلع جاسم واتصل في الدريول عشان اييب مطر المستشفى.. ويمر على سلامه بعد..
عذاري: ععععبيد.. عواش.. تعالو عندي..
جربت عواش منها ونفس الشي عبيد.. والعنود وريم واقفين على صوب ويصيحن..
عبيد: لبيه.. امري.. بس لا تضغطين على روحج..
دخل جاسم ومن شافته عذاري اشرت عليه ايي.. وقفوا كلهم حولها.. تمت عذاري تتطالع جاسم وعينها تدمع .. واترص على ايده..
جاسم: انا يمج.. هدي روحج مب زين عليج..
عذاري:.. جججاسم.. انا بموت.. ما بتم لعيالي..
جاسم وهو متنرفز: اسكتي.. لا تقولين هالرمسه الله يخليج.. بتعيشين وبتربينهم.. وبتربين عيالهم بعد..
عذاري:خلني اااارمس.. انا اعرف.. واحس بعمري.. جاسم.. انا يبت لك بنت.. اباك اتربيها واتكبرها شرات ما انا ابا.. وماظني بلقى ام اتحن على عيالي احسن من عواش
الكل انصدم من رمسه عذاري.. واولهم جاسم.. تم يتطالعها.. وعواش من سمعت هالكلام صدت عالصوب الثاني تحاول تجمع الي سمعته.. معقوله يابت اسمي.. ليش انا بالذات.. لا..
جاسم: لا تقولين هالكلام.. بتعيشين وبتربينهم..
عذاري واهي اتحط صبوعها على فم جاسم وتطلب منه يسكت.. وتمت ترص على عواش عشان اتصد صوبها.. وزقرت على ريم والعنود اول ما شافتهم..
العنود: آمريني ياختي..
عذاري: اباكم شاهدين على رمستي.. قبل لا اموت..
عبيد حاس عمره بيختنق من الصياح.. يتم يطالع عيونها.. لا دخليج.. مابا اشوفج بهالحاله اسكتي.. ماروم اتحمل.. مارووووووم
عذاري: عبيد.. خل جاسم ياخذ عواش.. حرام.. يحبون بعض.. ومافي انسانه احن على مطر والبنت من عواش..
عبيد: كككيف.. انتي شو اتقولين؟؟
عذاري: خلوني ارمس.. عقب انتوا نطقوا.. سمعوني.. جاسم هات ايدك(ومد جاسم ايده.. ومسكته عذاري).. وانتي عواش هاتي ايدج.. (ومدت عواش ايدها وهي ترتجف).. شوفوا امانه وصيتي لكم.. تاخذون بعض من عقب عيني (وضمت ايدهم لبعض).. ريم.. عنود.. خلكم شاهدين على هالشي.. عواش وجاسم يحبون بعض ولازم يكونون لبعض.. عبيد.. دخيلك لا تزعل من وصيتي.. بس ها خاطري.
عبيد: ان شاء الله بتعيشين وبتمين لعيالج
عذاري: لا تقصون على اعماركم انا عارفه نفسي.. جاسم.. انا احبك.. وادري بك تحب عواش ونفس الشي عواش صوبك.. وعبيد يحب مريم مب انتي يا عواش.. صارت لخبطه في السالفه.. هالحقيقه الي الكل كان غايب عنها.. كشفتها لكم قبل وفاتي.. ابا انام في قبري وانا مرتاحه (وتمت تدمع واتصيح وتتطالع الي حواليها).. هاتوا لي الصغيره ودي اضمها.. ومطر.. وامي وابوي.. ابا اشوفهم.. وجواهر.. وسلامه.. ولطوف.. وساره.. خواتي ابا اشوفهم..
جاسم: انتي هدي..مب زين عليج. كلهم بيون.. وجواهر بتي على اول رحله.. امس كلمتها..
عذاري: جاسم انا احبك..
جاسم: وانا بعد احبج والله..
وعواش ما راكت تتحمل الوضع اكثر ظهرت هي ويا ريم من الغرفه .. ونادوا على ام عبيد تدخل عندها ودخلت .. ونفس الوقت وصلوا الباجي ودخلوا عندها.. اما جواهر فكانت طيارتها راح توصل الساعه 11 الصبح.. فطلع عبيد عشان يستقبلها واييبها المستشفى.. عذاري كانت محاوطه الكل وتتطالعهم وعيونها تدمع وتبتسم لهم.. واتحس بآلام في كل جسمها.. من شافت مطر تمت تحضنه بالقو ونفس الشي الصغيره .. وسلامه ولطوف وساره كانوا ميتين صياح.. مب مصدقين الي يشوفونه.. فطلعهم جاسم برع لأن مب زين عليهم يشوفون هالمنظر .. من بعد ما باسوا عذاري وشافتهم وشافوها..
سلامه: خلووووووني.. ابا اقعد عندها..
عواش: سلامه حبيبتي.. هدي روحج.. دخليج .. ان شاء الله بتقوم بالسلامه
لطوف وساره: نحن خايفين..
عواش: تعالو عندي..
تمت عواش تحضنهم وهم يصيحون وتهديهم..
..
في الغرفه
عذاري: ابوي.. تذكر يوم كنت صغيره.. كنت اشبهها صح..
بو عبيد وعيونه منتفخه من الصياح: هي يا بنتي..
عذاري: امي.. ابوي.. سامحوني.. سامحوني جان قصرت عليكم بشي..
ام عبيد: راضين عليج يا بنتي.. عمرج ما قصرتي علينا بشي..
عذاري: جاسم.. سامحني لأني حرمتك من حبك.. بس احين انا الي اطلب منك واترجاك تاخذ الإنسانه الي تمنيتها..
جاسم: انتي هي الي اباها
عذاري: جاسم.. وصيتي قوم فيها دخيلك..
ام عبيد: لا تقولين هالرمسه.. بتمين ويانا وبتعيشين..
عذاري: قلبي دومه بيكون وياكم..خلوني اروح وانا مرتاحه.. لا ترفضون طلبي.. مب صعب..
العنود: ان شاء الله.. بس انتي هدي..
عالساعه 11.30
وصل عبيد ويا جواهر المستشفى.. على طول دخلوا عندها.. كانت تلفظ انفاسها الأخيره.. كان جسمها ينتفض بقو.. وترتجف.. طلعوا اليهال كلهم عشان ما يشوفون هالمنظر.. وام عبيد ما قدرت تتحمل.. اغمى عليها ودوها العنايه على طول.. وجاسم ماسك ايدها ويقرا عليها.. والحريم برع كلهم يقرون عليها.. وجواهر لأنها دكتوره وهالحالات ماره عليها عرفت انها في سكرات موتها.. ما حبت انها في حياتها اتشوف شخص عزيز عليها في هالمنظر.. الكل يصيح.. وعذاري تتطالعهم وتحاول اتقاوم الألم وتبتسم لهم وتقول كلام مو واضح.. والممرضه كانت واقفه على راسها تذكرها انها تتشهد وتذكر الله.. وكانت اتحاول عذاري بكل قوتها انها اتقول الي ينقال لها.. وبلحظه ساد الصمت على عذاري واتجمدت عن الحركه.. جواهر من شافت هالحاله ركضت وطلعت من الغرفه وتمت اتصيح في حضن عادل.. والكل فهم من موقفها ان عذاري اسلمت روحها للباري.. وجاسم صابته حاله هستيريه مب مصدق الي يشوفه .. تم يصفع عذاري بس ما لقى منها اي رد.. وتمت الممرضه تسحبه ونفس الشي عبيد.. وطلعوه من الغرفه.. والكل طلع.. وغطوها وراحت الممرضه تكلم الدكتوره عشان يكملون باقي الإجراءات..

جاسم: لاااااااااااااا.. انتوا جذابين.. مافيها شي.. انا ادري مافيها شي..
عبيد وهو يحضن جاسم: هدي عمرك بو مطر..
جاسم: لا اتييب لي طاري العيال.. ماباهم.. بسبتهم فقدتها..
عواش ما قدرت اتم اكثر من جيه طلبت من فيصل انهم ينسحبون.. كيف تتحمل اتشوف جاسم في هالحاله وماتروم اتسوي شي.. راحوا صوب بيت عبيد عشان يتريونهم هناك..
وشلوا سلامه وساره ولطوف ودوهم عشان ما يشوفون هالمنظر..

 

[meen_ana]

الفصل الثاني من الجزء27

ومرت الأيام والحزن كان مخيم على عايله عبيد النابوده.. وجاسم كان حابس عمره في غرفه ويا بنته الصغيره (عذاري على اسم امها المرحومه).. وما يبا يشوف اي حد.. مكرس كل وقته للصغيره .. يقوم بدور الأم لها.. خذا اجازه بس عشان يسهر على تربيتها.. ومن يوم وفاة عذاري وهو معلق كل صورها حواليه في الغرفه.. ويطالعهم ويصيح.. ويهون غيابها بوجود الصغيره.. آآه .. رحتي عني يا عذاري الله يسامحج.. وخليتي هالحمل الثقيل علي.. وينج؟؟ والله اني مشتاق لوجودج.. مشتاق لضحكتج.. مشتاق اسمع مطر ينادي عليج اذا لعوزته.. (بدت تدمع عيونه).. بس كله يهون دام عذاري الصغيره موجوده.. اوعدج اني ما اودرها واكرس كل وقتي لها ولمطر.. مطر.. مطر.. انا كيف اهملته طول هالثلاث شهور.. ماشفته ولا سألت عنه.. ولدي حبيبي.. دلوع امه.. انا كيف سهيت عنه؟؟ .. (تذكر الوصيه وزاد صياحه).. حرام عليج رحتي وصيتيني بشي صعب اسويه.. ليش انتي جيه تبين اتعذبيني.. والله اني احبج.. ما ظني ان في حرمه شراتج رغم انها اتعرف اني احب غيرها ما تضايقت ولا ضايقتني.. تحملت وصبرت.. واخر شي وصتني عليها.. والله مب قادر يا ناس.. كيف بتحمل فرقاها..
..
في بيت عبيد كان الجو يغلب عليه الحزن والصمت طول الوقت.. سلامه كعادتها تروح المدرسه واترد البيت تقعد في الغرفه تذاكر.. وعقبها تقضي وقتها بقرايه القرآن واذا لطوف ولا ساره بغوها في شي يخص دراستهم اتساعدهم .. وشوي تقعد عند امها وعنود وتنام.. واما العنود فكل وقتها عند امها في الغرفه... لأن امها تعبت حالتها من بعد وفاة عذاري.. تمضي ايامها بالصياح والعنود ما تفارق امها عشان اتداريها.. وعبيد هو الحزن فإمتلك كل كيانه.. لأنه حاس من كل صوب مظلوم والظروف ضده.. فسخ خطوبته من عواش عشان وصيه عذاري.. وفقد مريم لأنها انخطبت لغيره.. وخسر اخته الحبيبه.. فهو ما بين غرفه امه .. والميلس عند ثاني الي ما كان يفارقهم في اي لحظه.. ودومه كالعاده يقعد مجابل بلكونه سلامه... لكنها للأسف ما تفتحها ابد.. لأنها تدري انه ينتظرها.. وهي ما تبا.. رغم الحب الي تشعره صوبه.. لأنه ما كان مفارقها في كل لحظه حزن مرت عليها.. وكان دووم يسعى لفرحتها ورضاها بكل السبل وهي عارفه هالشي.. لكن حزنها على اختها وعلى طلال ودراستها خصوصا انها اخر سنه هو الي شاغل بالها اكثر.. وجواهر طبعا ردت بريطانيا وقلبها في بوظبي.. واما ناصر فكان باقي له اخر كورس والمفروض يرجع عشان يعرس ويا العنود.. بس كل شي تأجل لهالضروف الي طرت عليهم.. فقرر انه يصبر.. ويتحمل كل شي عشان خاطر عنود.. لأنه ما رضى بقرارها بإنها اتسوي عرس سكاتي.. كل حلمه انه يسوي لها عرس لا صار ولا استوى ويفرحها..
..
في دبي..
فطوم طبعا مشغوله بقصه حبها(غانم).. ودراستها.. وسوالفهم ويا اليده الي ما تخلص.. وريم حامل في شهرها الأول.. وخوله نفس الشي.. حامل في شهرها الثاني..
خالد: ادريبك انت اتغار مني.. دووم جيه.. من عرفت اني بصير ابو ييت وقلدتني..
فيصل: شو اسوي.. مابا ابوي يصير يد لعيالك وبس.. اباه يدلع عيالي بعد..
بوخالد: ربي يفرحني بعيالكم ويبلغني فيهم..
الكل: آمييين..
فطوم: انزين خوله اذا يبتي بنت سميها فطوم.. وانتي بعد ريم.. فاهميييييين
غانم: وشو رايج بعد اذا يابو ولد لازم يكون اسمه غانم..
ريم: لا والله.. كملت عشان يخبلوني شراتكم.. مابا..
خوله: صدقج والله.. عقب بيلعوزون امي وعمتي.. شرات ما يلعوزون يدتهم..
غانم: حرام والله وين انا الحين العوز يدوو.. هي الي اتلعوزي.. دووم تضربني بعصاتها السحريه.
اليده توها داخله: جني الا سمعت طاريي..
فطوم: لا حشى ابد .. محد ياب طاريج
فيصل: خييييييبه.. طاع الجذب انتوا.. صدق لايقين على بعض.. كل واحد يغطي على الثاني..
اليده: ايه انتوا الإثنين(وتضربهم بعصاتها).. نشوا يلا
فطوم: على وين؟
غانم: ما اقدر .. زرار بنطلوني انسحب ويا الأرض.. ماشي ثابت ماروم اتحرك..
اليده وقوت ضربتها عليهم: يلا نشن بلا هذره زايده.. يلا كل واحد يروح السياره وينزل الأغراض..
فطوم: شو اغراضه؟
اليده: اقول.. لا ترمسين زود ترا والله الي خذته لج ما بعطيج اياه..
فطوم من سمعت طاري شي يايبينه لها نشت من مكانها.. : والله.. صدق .. فديييييييتج.. وين وين وين.. خل اييبه..
غانم: وانا مب ناش.. دام انج يايبه للسحالي ومب يايبه للضب مابا..
اليده: منو قال ما يبت لك.. يايبه للكل..
غانم: اوه.. سبحان الله انفج الزرار... (ربع من مكانه وظهر برع عشان اييب الأجياس من السياره)..
فطوم وغانم دخلوا الميلس وكل واحد في ايده كومه اجياس.. فطوم من وناستها شاله الأجياس وزاخه جيس بضروسها بعد..
فطوم: انن.. عن.. ان غننميب ي..
حصه: هههههه.. شو اتقولين.. شو هالرمسه المب واضحه..
ام خالد: كيف تبينها ترمس رمسه واضحه وهي زاخه الجيس بثمها جنها بعير ياكل اي خرابيط
فطوم من سمعت اسم بعير جان اتفج حلجها ونست ان الجيس معلق به.. فطاح..
فطوم: احين انا بعير.. الله يسامحج امي.. انا ارمس واضح انتوا ما تفهمون لي..
اليده: غربلاتج من بنت.. كسرتي الأغراض.. شوها احين فريتي الجيس شليه.. شلج يني بهفه ريح
غانم وهو يحط الأغراض على الأرض ورفع ايديه: آآآآآآمييييييييين
فطوم ضربته على جتفه: آمين ها.. ما عليه انا اراويك..
غانم:هههههه.. ويه خوفتيني.. بسير انخش ورا امي..
الكل: ههههه
غانم: يدووو.. شو السالفه اليوم مب الكريسمس.. اشوفج مستويه مامانويل.. شو السالفه؟
اليده: شو هالمنكر بعد ماما نويل.. وكريسمس.. هات الأجياس وتم ساكت..
فطوم: وين الهديه الي يبتيها لي..
اليده:منو قال اني يبت لج شي.. قصيت عليج عشان اتيبين الأغراض..
فطوم: لا والله.. مقصه انا .. مره ثانيه مب يايبه شي..
غانم: ويييييييييو.. اكيد ما بتييب لج.. اكيد يابت لي انا.. الفارس المغوار غانم..
اليده: حاسب لا ينطر بوزك.. ولا انت يبت لك شي.. انا يايبه حق احفادي الي في الدرب.. حق سلطاااااااان وفهد .. الله يقومكن بالسلامه وياهن..
خلود: وحليلج يدوووه.. تسلمين والله ما قصرتي.. بس تو الناس عليهم..
اليده وهي معصبه وكل شوي تضرب على ايد غانم وفطوم الي يحاولون يفجون الأجياس: جب يلا ماشي.. لا فديتج.. شو تو الناس.. كلها كم شهر وايون.. لازم انزهب لهم.. بجركم هاييل.. فطوم.. قري.. والله بصلخج فيها..
غانم: هي هي .. عاشت يدوو.. يبالها ..
اليده: وانت بعد اسكت.. ولا تراني ما برحمك..
غانم: لاحوووول.. نشي نشي فطوم.. بنظهر روحنا بنتشرى اغراض حق اعمارنا.. خلاص يو الي ياخذون مكانا احين..
اليده: فراقكم عييييييد..
فطوم: لا والله.. عيد ها.. عناد مب سايره..
فيصل: يالملقوفه.. انتي ادريبج جي ولا جي ما كنتي بتسيرين بس فيج فضول تبين اتشوفين الهدايا..
غانم: افا يا بعلتي.. كيف تعملين ذلك وتخزليني..
فطوم: شو تخزليني هاي بعد.ز ههههههههه .. بطران
ريم: تسلم يدج يدوه ما قصرتي.. بس شو دراج يمكن اييب بنت..
غانم: ماعليه انحلت.. فهده.. أو سلطانه..
الكل: هههههههههه
اليده: لا حاسبه حساب هالشي.. والي اييه من الله حياه الله.. شو المانع البنات تراهم حلاوه الدنيا.. نتريا ظبيه.. وجواهر.
خالد: الله يسلمج يدوو.. جواهر اوكي ممكن.. عاد ظبيه.. مال اول..
اليده: جب انت جب.. مالك شغل..
خالد: لا خلاص سكت.. اخاف تغضبين علينا شرات غنووم ما فينا. .
غانم: انا من يوم ما انولدت انكتب على جبيني المغضوب عليه..
الكل: ههههههه..
..
عواش كانت حزينه على موت عذاري.. بس تأقلمت مع الوضع.. والي فرحها وصية عذاري.. بس معقوله بيرضى جاسم؟؟ .. اااااااه لو اني اقدر اضم عياله.. والله لخليهم في عيوني.. هم امانه من عذاري المرحومه.. ما قدرت اتقاوم رغبتها انها تسمع صوت جاسم.. اتصلت عليه لقته مغلق .. ردت تتصل وبعد فتره رن.. جاسم ما يعرف رقم عواش لأنه يديد.. ورد على التليفون.. في البدايه تمت عواش ساكته..
جاسم: وبعدين يعني.. نحن مب فاضين.. ممكن ترمسون ولا ابند..
عواش: جاسم.
جاسم من سمع هالحس.. قلبه تم يدق بقو.. ياربي الصوت نفس الصوت.. والرقم مختلف.. معقوله .. لا .. ما اصدق.. عوااااش .. : من وياي؟
عواش: انا عايشه يا جاسم..
جاسم من تأكد من الإسم ونبره الصوت.. ما قدر يقاوم رغبة في الصياح.. تم يصيح.. وعواش قلبها يقطعها.. ما ودها اتشوف جاسم الريال القوي.. الي له هيبته بين الكل.. الي اذا تكلم الكل يسكت ويسمع له.. كيف كيف يكون بهالضعف.. حبيبي يا جاسم: جاسم هدي عمرك.. ترا هاي اعمار.. محد يدري كم بيعيش ولا اشكثر بيتم ويا الي حواليه.. لا تكدر روحك.. خلك اقوى عن جيه.. خلك مثل ما اذكرك دووم.. جاسم.. اليوم انا موجوده باجر مب موجوده..
قاطعها جاسم: بسسسسس.. بسسسس.. لا تقولين هالكلام.. عواش.. انا يكفيني الي تعذبته بفراقج قبل.. واحين فراق عذاري الي مقطعني.. وانتي اتيين اتقولين لي هالكلام.. بسسس دخليج بس.. والله ما اقدر اتحمل
عواش تمت اتصيح: جاسم انا اسفه مب قصدي... بس اقول لك الواقع.
جاسم: مافي واقع اصعب من الي انا فيه.. تيتمت بنتي الصغيره وبعدها ما فتحت عيونها على الدنيا وما شافت امها حتى .. وراحت عني وتركت علي حمل ثجيييييييل وايد ما اقدر اتحمل بروحي...
عواش: وانا وين رحت يا جاسم.. اخدمك بعيوني..
جاسم: انتي؟؟ كيف..
عواش حست بخاطرها يوم سمعت كلمه كيف.. معقوله يعني ما يبا ينفذ وصيتها.. بعده يباني اتم بعيده عنه.. لا تقول جيه يا جاسم.. حرااااااااام والله احبك..
تمت ساكته فتره وجاسم يحاول يجمع الكلام الي قاله ويستوعب.. انا شو سويت.. شو الي اقوله.. شو كيف.. محد غيرها بيكون احسن وياي منها.. هي.. عواش هي العون هي السند الوحيد الي اقدر الجأ له..
جاسم: عواش.. شو رايج بوصية المرحومه؟؟ موافقه عليها..
تمت عواش ساكته ما تعرف شو اترد عليه.. وشو اتقول له..
جاسم: عواش.. صدق ارمس.. انا ما بلقى احسن منج لمطر وعذاري كأم.. وما بلقى قلب حنون علي اكثر منج كزوجه.. شو رايج.. ؟؟ لا تسكتين..
عواش: انت اتعرف رايي من قبل.. وعيالك في عيوني.. وعلى راسي..
جاسم حي بفرحه دخلت قلبه من كلامها.. : ريحتيني ربي يريحج دنيا واخره..
عواش: الله يقدرني على راحتك وراحه عيالك يا جاسم..
جاسم: قدها وقدود ادري بج..
التكملة

في بيت بو خالد(دبي)

ام خالد: فطوم.. تعالي .. فطووووووووووم

فطوم: ها امي هااااا ييت

ام خالد: ها في عينج.. شو ها بعد.. قولي نعم..

فطوم: نعم با احلى ام في الدنيا

ام خالد: هههه.. هي جيه اباج.. سيري المطبخ لأن انا مادري كارتيني شو سوت بالدونات سيري شوفي اذا اوكي ولا لا.. لأني انا ما اعرف له هالدونات..

فطوم: امييييي.. ابا اتعدل اميي.. احين بيوصلون رباعتي وانا بعدني ما خلصت..

ام خالد: انا ما قلت اطبخي .. قلت روحي وايجي..

فطوم: ان شاء الله..

طلعت فطوم من الصاله وراحت المطبخ الي برع.. طبعا لافه الشيله على راسها بحكم وجود الطباخ..

فطوم: كارتيني.. وين الدونات..

كارتيني: هكوو..

فطوم: لا اوكي شكله. خلاص عيل جهزي كل شي. عشان احين جيه نص ساعه وبيوصلون.. لا تنسين 4 بنات يعني يوم بتييبين العصير هاتي 5 قلاصات..

كارتيني: ليش يريد خمسه.. انت صديق في 4

فطوم: يالهبله انا بعد ابا اشرب..

كاتريني كعادتها بعد ما استوعب هزت راسها: اها.. اوكي..

فطوم اتقلدها واتهز راسها وتضحك: هههههههه

غانم كان توه ياي .. يوم عرف ان فطوم في المطبخ على طول راح صوبه.. فشافها يوم كانت اتكلم الخدامه.. وفي ايدها صحن الدونات قاعده اترتبهم ..

غانم: الللللللللله.. شو هالريحه..

فطوم: بسم الله.. انت من وين طلعت..

غانم: شو من وين.. من بيتنا.. اقول شو هالزين.. الللللله دونات.. هاتي اشوف..

فطوم تضربه على ايده وتسحب الصحن عنه.. : مب لك.. حق رباعتي..

غانم: رباعتج؟؟ليش عازمتنهم اليوم؟؟

فطوم: هيه..

غانم: خلاص عيل بترياهم عشان اكل وياهم؟؟

فطوم: نعم نعم.. وياهم؟؟ كيف يعني وياهم.؟؟

غانم: هههههه.. بقعد وياج ويا رباعتج اشفييييج.. بسليكم

فطوم: لا والله.. اتهبي.. اكسر رقبتك..

غانم: بل بل بل.. ليش عاد؟؟

فطوم: اونه بيقعد عند ربيعاتي.. وين تبا انت..؟؟

غانم: اباج انتي..

فطوم استحت شوي وغيرت الموضوع: خل عنك.. يلا اظهر برع..

غانم: مب ظاهر الا بعد ما تعطيني دونات..

فطوم: ما بعطيك..

غانم: يلا عاد لا تستوين بخيله..

فطوم: انا بخيله وكيفي.. يلا اطلع ترا والله بتصل في يدو عشان اتييج..

غانم: لا خلاص دام ان السالفه فيها ام خليفه(اليده).. مابا خلاص..

فطوم: ههههه انت ما ايوز لك غير يدو اتعرف لك..

 

[meen_ana]

طبعا صارت خطبه رسميه لعواش من قبل جاسم.. من بعد ما عرفوا الباقي وصيه عذاري ما قدروا انهم ينطقون ولا يرفضون هالشي.. تنفيذا لوصيتها.. وحددوا العرس في الصيف بعد امتحانات سلامه (لأنها ثانويه عامه).. وبعد عرس العنود طبعا..

جاسم: حبيبي مطر..

مطر: نعم بابا..

جاسم: احين انت عندك ماما ثانيه اسمها ماما عايشه.. هي تحبك واااايد .. وكل يوم بتلعب وياك وبتدرسك وبتوديك المدرسه

مطر والدمعه في عينه: بس انا ماباها.. ابا ماما

جاسم والحزن باين على ويهه انه يشوف ولده يصيح ومشتاق لأمه وهو مب قادر يسوي شي..: بس بابا ماما راحت.. الله خذاها.. قبل لا تروح قالت حقي وحق عواش عشان انربيك وانربي عذاري..

مطر بعصبيه: ماباااااااااااااا.. ماباها.. ماحبها.. اما امي بس مابا غيرها..

وطلع من عند ابوه وصعد غرفته وقفل الباب بقو على عمره.. وجاسم تم حزين .. كيف اقنعه يا ربي.. مستحيل ماباه يكره عواش.. ما تستاهل الكره.. مباا اخليها في لحظه اتحس بندم لأنها بتاخذني.. ابا اشوفها مستانسه ومرتاحه وياي.. ابا انكون اسره حلوه مثل ما كنت ويا عذاري.. يارب ساعدني ولين قلب هالولد ناحيه عواش..

في هالأثناء انقطع حبل افكار جاسم على رنه تليفونه.. كانت عواش الي متصله

عواش: مساء الخير الغالي.. اشحالك؟

جاسم: مساء النور.. بخير انتي اشحالج؟

عواش حست بنبره الحزن الي طالعه منه:خير شو فيك جاسم.. خبرني؟

جاسم: شو اقول لج يا عواش.. مطر.. لين احين مب طايع يقتنع بفكره انج بتكونين امه

عواش:افا عليك انت بس.. ليش تزعل عمرك.. شي طبيعي بيزعل.. لأنه مافي حرمه فيالدنيا تقدر تاخذ مكان امه.. وبعدين انا مب مستعيله الصراحه .. كل شي مع الوقت بيصير

جاسم: بس انا ماباج تتعذبين.. عواش.. اباج اتعيشين وياي وانتي مرتاحه

عواش: جاسم اكيد بكون مرتاحه ومستانسه لأني انفذ وصيه المرحومه وعندي احلى ولد وبنت في الدنيا.. والأهم من ها كله اني بكون عايشه وياك

جاسم: صدق من قلبج هالكلام؟

عواش: هيه يا جاسم

جاسم: ريحتي قلبي .. فديت قلبج..

..

دبي

فطوم: هههههههه.. هندوو تذكرين يوم يابو لنا مدرسه انجليزي يديده شو سوينا فيها.. هههههه

هندو: هي والله .. مسكينه شردناها من اول يوم درستنا فيه..

نوال: هههههه.. لا احلى شي يوم شردنا كلنا من الصف في حصه العربي.. اتخبلت ابله مروه ..

فطوم: هيييه.. بس تدرين لو ناديه.. ونسرين وساميه شردوا ويانا جان افتكينا من شرها.. بس تدرين هاييل مصاروه ما يفارقون الصف..

هندو:اتقولين سمجه اذا طلعت من البحر اتموت

الكل: ههههههههه

نوال: تدرين .. خيطبج وااااايد حلو.,. يا حيج

فطوم وهي مستغربه: شوووووو.. وين شفتوه؟؟ متى؟

نوال: ماشي كنت اوايج من الدريشه شفته واقف برع يرمس تليفون..

فطوم: اهااااااا..

هندو: شو فيج قلتي لها ما تدرين انها اتغار..

نوال: اويه.. سوري..

فطوم: لا عادي شو بلاكن على شو اغار..يلا كلو الفواله..

ريم: هيه كلو الفواله عشان تطلعون من بيتنا بسرعه..

فطوم: ههههههههههه.. لا والله ساحره كيف عرفتي؟؟ !!.. حرام عليج والله..

هندو: عاد الي يسمعج يقول ان نحن صدقناها.. اصلا انتي مالج غناة عنا..

فطوم:هييييييييه.. هاي هيه؟

تموا رباعتها قاعدين وياها لين الساعه 9 فليل وظهروا كلهم.. اول ما ساروه طلع غانم ودخل الميلس..

غانم: الللللللللله.. ريحه وايد حلوه الصراحه

فطوم: لازم.. هالعود الي انا احبه..

غانم: وانا بعد احبه.. واحب الي تستخدمه

فطوم: لا والله.. تعال.. انت ليش تتمشى في الحوي مجابل دريشه الميلس..

غانم: ليش حرام؟؟

فطوم: مب حرام.. بس رباعتي هني.. اغاااار ما احب يشوفونك

غانم: ليش شافوني.. شو قالو عني.. (قعد على الأرض وحط ايده تحت خده يتريا الإجابه)..

فطوم: لا والله .. ما تباني اقول لك بعد شو سوينا بالتفصيل؟...

غانم: ليش لا كشخه..

فطوم عصبت جان اتفر عليه كرتون الكلينكس.. : برررررررررررررررررع

غانم: خييييييبه كشرت عن انيباها.. هالمره سلمت بكرتون كلينكس.. عقب شوي بتييب المسبجه مال عمي وبتجتلني فيه.. خل افل احسن لي..

فطوم: شو قلت خير ما سمعت..

غانم: قلت ماشي بروح بيتنا تذكرت ربيعي بييني اليوم..

فطوم: يكون احسن..



نوال ربيعه فطوم.. انسانه بسيطه اجتماعيا.. ما عندهم الإمكانيات الموجوده عند فطوم.. يعني حالتهم الماديه اقل من فطوم.. ودايما تتطلع انها تاخذ واحد غني عنده بيزات.. عشان اتعيش الحياة الي في نظرها انها محرومه من كل شي.. مع انها وحيده امها وابوها من بعد زواج اخوانها الإثنين.. وامها وابوها عايشين على راتب التقاعد الي ثلاث ارباعه ينصرف عليها.. ومع ذلك ناكره للجميل واتقول انه شويه.. دايما تطمع تبا اكثر وتبا زود

من غير ما انها تراعي.. هل امها وابوها قادرين على هالشي.. !!! المهم عندها يتنفذ طلبها وبس.. دايما كانت اتغار من فطوم خصوصا لأنها احلى عنها.. وعايشه في بيت كبير واسع.. ودلوعه كل الي تباه موجود عندها.. تسافر كل سنه تقريبا.. ملابسها دوم من الماركات.. وما تلبس الا الأشيا الحلوه.. والبنات كلهم يحبونها بما فيهم المدرسات.. بعكس نوال الي الكل يبتعد عنها لكبرها وغرورها على رغم انها ما تملك شي.. نوال لبسها بعد من افضل الماركات ليش لأنها تجبر ابوها المسكين على الدفع عشان تاخذ لها لبس يضاعف سعر لبس فطوم ولا غيرها..بس عشان تتفاخر فيه.. ومهما يقولون لها ويفهمونها عن حالهم ما تسمع لهم المهم الي تباه تاخذه..



كانت قاعده روحها في الغرفه وتتطالع حوالينها: وييييين بيتها وين بيتنا.. فرق.. بيتهم على اطراف اليدار كله جبس.. وثريات كبار.. والا الفرش.. احسن من الي عندنا.. وغرفه نومها .. اتقولين غرفه نوم اميره.. مب انا لين احين ما عندي سرير.. وفوق كل هذا حصلت ريل حلو وغني بعد.. مالت علي.. كل الي حصلته واحد قص علي وراح عني.. فطوم في كل شي لازم اتكون الأحسن في كل شي.. ليييييييييييييييييييييييييش؟؟

وبدت الأفكار السودا تدخل لراسها.. وتخطط انها لازم تعيش حياة افضل من فطوم.. وتبا بأي طريقه اتحسس فطوم بشوي من النقص الي فيها: لازم اتحس.. عيل كله عايشه بهنا وما تحس بغيرها.. فالحه بس تتفشخر جدامنا..



في بيت فطوم..

فطوم وهي ترمس في التليفون ويا نوره: والله وناسه.. قلت لج تعالي.. تدرين شكثر هالشله حلوه

نوره: انا قلت لج.. مكان تكون فيه نوالووو موجوده مابا

فطوم: حرام عليج ليش حاطه دوبج بدوبها.. طيبه

نوره: انتي ما تدرين اشكثر ترمس من ورانا.. خصوصا من وراج انتي.. لأني انا ما اعطيها ويه وايد .. اما انتي ماشاء الله مب مقصره

فطوم: بس هاي ربيعتي من ايام الإبتدائي.. ولين احين بنفس الصف..

نوره: انتي مادري متى بتلاحظين غيرتها..

فطوم: أي غيره.. يحليلها تدرين حالتهم كيف؟؟

نوره: ندري ومحد عيب عليها.. بالعكس والله نحترمها شو يعني .. بس انتي تدرين اشكثر تتقعد تتفشخر وترمس انا وانا .. وهي من الصوب الثاني ولا شي.. واتعذب امها ابوها عشان قلم مثلا الا تباه اغلى واحد.. ليش مب راضيه بحالها مادري..

فطوم: ما عليج.. انتي ما تدرين .. المهم عيدميلاها جريب وابا اخذ لها هديه ماعرف شو

نوره: سم فيران..

فطوم: هههههههه..حرام عليج.. صدق ارمس

ام خالد: فطووم اترمسين منو؟؟

فطوم: نورو بنت عمتي..

ام خالد: قوليلها اتسلم على امها..

فطوم: نوروو. امي اتقول لج سلمي على عموو

نوره: يبلغ وانتي بعد سلمي..

فطوم: اتسلم عليج امي.. انزين كملي.. شو اخذ لها

نوره: مادري والله.؟؟... ما عندج سالفه هاي في ولا عيدميلاد ذكرتج بس لو بكلمه مبروك

فطوم: يمكن نست انتي شو فيج.. المهم بتقولين لي ولا شو

نوره: مادري والله..

فطوم: انا فكرت اخذ لها طقم لبس واخذ لنفسي مثله عشان انطقم.. واخذ لها عطر.. وووو.. وبعد شووو .. بعد شووو

نوره: شو رايج تاخذين لها فيلا طابقين.. وسياره اخر موديل..

فطوم: هههه خس الله ابليسج.. شو فيج انتي تستهبلين

نوره: مادري وايد انتي مسويه لها سالفه..

فطوم: كيفي انتي اشعليج.. المهم.. وباخذ لها دبدوب كبير.. وبعد بروح لايف استايل بشوف فيه اشيا جيه صغيره.. عندهم اشيا حلوه حق الهدايا تنفع

نوره: خذي لها سحليه وحطيه في غرشه مسافي ووديه..

فطوم: اليوم صاير دمج خفيف بس زياده شوي.. هههههه

نوره: لا والله.. ويا هالويه..

فطوم: يلا بخليج.. بسير اتعشى يعت..

نوره: هني وعافيه.. اشوفج في المدرسه..

فطوم: اوكيك .. باااااااي..

 

[meen_ana]

في بيت عبيد..

عبيد على حزنه الدائم مافي شي تغير.. كان قاعد ويا ثاني في الميلس..

ثاني: عبيد وبعدين يعني؟؟ ترا مب زين الي اتسويه في عمرك.. امك روحها تعبانه وانت اتسوي في عمرك جيه بتتعب زود..

عبيد: ثاني لو تدري بالنار الي في قلبي..

ثاني: حاس فيك صدقني.. بس شو بتسوي هالقدر.. ما منه مفر..

عبيد: اااااااه من هالقدر الي معذبني لييييييش جيه..

ثاني: تبا شوري..

عبيد: دخيلك..

ثاني: عرس؟؟ والله بترتاح نفسيتك شوي بتنشغل

عبيد: شووووو.. اخذ منو قولي.. بالله عليك..

ثاني: مادري اسأل هلك عن وحده زينه..

عبيد: الله كريم..

ثاني: جد ارمس.. اذا اتعزني اترمس هلك واتخليهم يدورون لك حرمه.. فرحهم شوي..

عبيد: يبالي اتصدق.. خاطري اشوفهم يبتسمون شرات اول..

ثاني: عيل خذ بشوري والله بتشوف ان كلامي صح

عبيد: بنشوووف.. انزين وانت شو اخبارك قول لي..؟؟

ثاني: اسمحلي اقول لك هالكلام.. بس انا بنسى انك اخوها.. بعتبرك اخوي.. فلا تزعل من رمستي..

عبيد: اااااااااااوووووووف.. ردينا.. قول خلصني بحاول اتحمل..

ثاني: اذا بتتضايق صدق ما بقول..

عبيد: لا قول قول..

ثاني: شوف .. انا الصراحه تعبت... وبعدين يعني لين متى بتم سلامه تحقرني جيه.. خل اتقول لي اتريحني تباني ولا لا.. والله اباها.. لو رفضتني بترياها ليييييين ما توافق..

عبيد: هههههه.. حالتك صعبه.. انت ما تعرف سلووم.. عنيده

ثاني: بس مب علي انا

عبيد: مادري برمسها وبشوف رايها..

ثاني نزل من الكرسي وقعد على الأرض وزخ ايد عبيد: هي دخييييلك والله..

عبيد: ههههههه.. خيييبه كل ها مسويتنه فيك سلوم وانا مادري.. ؟؟؟

ثاني: وزووووود بعد.. انت شو عرفك بحالي.. خاطري بس بنظره منها.. موووول صاير لي فتره طويله ما شفتها الصبح اقول لك اوايج يوم بتروح المدرسه.. القهر تدري اني بطالعها تتغشى..

عبيد: البنت كبرت يا ثاني.. قامت اتحس عمرها مب صغيره شرات اول.. اتحس عمرها مسؤوله من عقب مرض امي.. ما اقول غير الله يسهل عليها السنه واتييب النسبه الحلوه.. وايد شاده حيلها واتذاكر دووم..

ثاني: اييب لها مدرسين؟؟ اعرف مدرسين اوكي..

عبيد: مادري بشوف شو من مدرسين تحتاج وبخبرك..

ثاني: افا عليك انت بس.. تامر امر..

عبيد: لو انا الي طالب جان ما بتسوي.. بس ها عشان سلووم ادري..

ثاني: ههههه.. لا والله اخو وعزيز وغالي.. افديك بروحي والله..

عبيد: سلمت روحك..



الفصل الثالث من الجزء27
=-=-=-=-=-=
يوم الأربعاء.. آخر يوم دوام في المدارس والدخول في الإجازه الي قبل امتحانات الفصل الثاني بالنسبه لصفوف النقل.. أما الثانويه العامه طبعا في شهر سته راح اتكون امتحاناتهم..
فطوم: الللللله.. واخير بنخلص.. ما بقى غير الإمتحانات ونفتك..
هند: هي والله صدقج.. ما بغينا.. بس بشتاق لرباعتي..
فطوم: من هالناحيه هيه اكيد بنشتاق.. بس انا خايفه من امتحان الفيزيا اما باقي المواد مب لهناك.. صح شوي خايفه من الأحيا بس اهون من الفيزبا
هند: هي والله .. الله يستر من الفيزيا.. انا بسير اسجل في معهد قلت..
فطوم: خلاص وياج بسجل.. خل نراجع شوي.. عفان الله هالأبله ما تعرف تفهم
هند: صدقج.. الا اخبرج فطوم؟؟ شو هالصندوق الي وياج.. اتقولين صندوق زهبتج؟ هههه
فطوم: ههههههه.. ويا ويهج اتنكتين اونج.. سلمج الله هالبوكس هديه حق نوالوو عشان اليوم عيدميلادها..
هند: ابيييييي.. انا نسيييييت.. ما يبت لها شي..
فطوم: انتي دومج تنسين .. عادي
هند: لا بييب لها الهديه جريب.. بس انا احسها متغيره علينا مادري ليش
فطوم: ها طبع نوالو من يوم ما عرفتها .. دوم على هالحال يوم اوكي ويوم لا..
هند: هاي يوم اوكي وعشره لا..
فطوم:لا حرام عليج مب لهالدرجه عاد,..
دخلت نوال الصف وكعادتها مكشره في ويه الكل وما اتسلم.. وفجأه شافت بلونات اتطيح على راسها اول ما فتحت الباب..
نوال: بسم الله شو ها بعد..
الكل: happy birth day to nawaaal
نوال: هههه.. تسلمون لي..
وتجدمت منها فطوم وباستها وعطتها البكس: كل عام وانتي بخير..
نوال وهي تتطالع فطوم بنظرات فيها كبر كأنها تقول لها غصبن عنج اتيبين لي هديه: وانتي بخير.. مشكوره
شلت البكس وراحت صوب طاولتها وحطت اغراضها وطلعت من الصف وراحت عند رباعتها الي من الصف الثاني
هند: طاااااااع ويا ويهها.. والله ما تستاهل.. عفان الله.. من دخلت سلام ما سلمت.. ولا بعد.. شقايل تتطالعج.. اتقولين جنج ملزومه عليها
فطوم: انتي اشفيج كارهه البنت.. يمكن هي متضايجه من شي..
خلود: لا صدقها هند.. هاي البنت مب صاحيه ولا شو.. والله انا لو ربيعتيه اتسوي لي الي انتي سويتيه من فرحتيه بصيح..
دخلت عليه الأبله وهم كلهم كانوا متيمعين من شافوها انتشروا في الصف وكل وحده قعدت مكانها ويتساسرون ويضحكون..
الأبله: إيه .. بتضحكو على ايه.. في حاجه؟؟
غاليه: لا مافيش.. ااااقصد مافي.. شي
الكل: ههههههه
الأبله: يا هبله انتي وهيه.. اسكتوا بأه..
هند: مس.. شو اعراب كلمه هبله في الجمله الي قلتيها؟؟
الأبله: ايه الأسئله الهبله دي
خلود: الظاهر ترومين تقدرين تستخدمين كلمه هبله في عدة جمل..
الأبله: ههههههه.. جتكم نيله .. وبتعرفوا اتنكتوا كمان.. يلا بلاش لعب.. قولولي.. من موجود وميين غايب..
حصه: ابله الكل موجود.. الا الهبله
الكل: هههههههههههه
الأبله: عيب عليكم انتوا بتقولو إيه..
غاليه: شو انسوي انزين تراج من الصبح اتنادين على هبله.. محد في صفنا..
فطوم: يمكن في الصف الثاني.. اروح ازقرها
الكل: ههههههههه
الأبله: دمكوو شربااااااات والله..
آمنه: ابله.. شو شربات اخيييييي.. يعني زلاغات؟؟
مريم: لا يالذكيه يعني شربت.. عصير يعني..
غاليه: ليش الأبله دراكولا..
الأبله: دراكولا في عينك.. يلا ركزوا معاي بأه ما يصحج كده دنتوا ضيعتوا نص الحصه ورانا درس انكمله عشان نختم الكتاب.. ولا مش ناوين تختموووه
غاليه: الصراحه لا..
الأبله: الله.. وليه بأه؟؟
موزه: لأن بصراحه بنشتاق لسوالفج ابله.. 3 شهور ما بنقعد وياج هالقعده..
الأبله وهي تدمع: خلاص.. اسكتوا.. دنتوا قطعتوا قلبي.. حتت حتت..
..
في بيت عبيد(بوظبي)
سلامه مهلكه عمرها ويا الدراسه.. خصوصا انه ما بقى جدامها غير شهر واحد بس.. وطبعا البيت ما يخلى مدرس داخل ومدرس طالع.. وثاني ما قصر ياب لها احسن المدرسين الي يعرفهم. وعبيد مستانس لإنشغال سمه بالدراسه وانها بدت تتأقلم على الوضع.. وتنسي عمرها الحزن.. فقرر انه يكلم العنود وامه بسالفه الزواج..
عبيد: امي ابا اكلمج في موضوع ممكن؟
ام عبيد: قول وليدي. شو في خاطرك.. قول.. يما
عبيد: اباكم اتدورون لي حرمه زينه.. ابا اعرس..
ام عبيد: بشرك الله بالخير.. فرحت قلبي.. ربي يفرح لك قلبك قول امين.. واخيرا قررت .. والله انك فرحتني..
عبيد من شاف البسمه على شفاة امه استانس وحمد ربه انه سمع نصيحه ثاني..
العنود: احسن شي سويته يا خوي.. بس انت مافي وحده معينه في بالك مثلا
عبيد: لا مافي.. لو في جان برمس.. انتوا شوفو لي وحده..
ام عبيد: والله مادري.. بشوف.. انتي ما تعرفين حد العنود؟
العنود:لا امي ما عرف بس بفكر..
عبيد: مو مشكله خذوا راحتكم.. انزين اقول عنود ما عندج خبر عن هادف ولد عمي.. من زمان ما شفته...
العنود: لا والله صار لنا فتره طوييييييله ما سرنا بيت عمي عامر..
ام عبيد: هي والله من عقب العزا ما شفنا ام طلال الله يرحمه.. ولا بوطلال..
عبيد: شو رايكم انروح لهم الليله منها انزورهم.. ومنها نسأل عليهم.. ومنها سلامه اتغير جو اشوي
العنود: اناما عندي مانع؟؟ شو رايج امي؟؟
ام عبيد: خلاص تم.. خبروا ابوكم.. وانا بتصل في ام طلال وبخبرها..
..
عبيد طلع من عند امه وسار عند سلامه الي كانت في الميلس ويا الإستاذ..
سلامه: بس استاااااذ كيف جيه ما فهمت.. المفروض الذبابه ايكون المشيج مالها xy كيف جيه ها بعد؟؟ (الإخت داشه علمي)..
الإستاذ: يا بنتي يا سلامه.. لك ركزي معي شوي.. انتي ما عم بتركزي مشان هيك ما بتفهمي..
عبيد: السلام عليكم.. هههههه.. معلوم ما بتفهم عليك استاذ هاي هبله ما تفهم شي اصلا
سلامه: لا والله..
الإستاذ: لا حرام عليك. هي ذكيه بس هي مربوكه شوي.. مشان هيك بتتخلبط في المعلومات.. شويه تركيز وهدوء وراح تفهمي كل شي..
عبيد: ما اعتقد استاذ هاي ميؤوس منها..
وراح شوي شوي عند الإستاذ وتم يساسره..
الإستاذ: عن جد.. والله.. ااااانا طالع هلا.. عندي شغل ضروري.. افهميه وبكره راح سمعك..
وطلع الإستاذ من الميلس وعبيد ناااااااقع من الضحك
سلامه:/ شو السالفه فهمني؟؟ ليش طلع بعده باقي ربع ساعه
عبيد: ماشي.. خرطت عليه شوي مسكين من زيغته شرد..
سلامه: شو قلت له..؟؟
عبيد: ههههههههه.. قلت له هاي مريضه نفسيا فجأه ممكن تهجم عليك وتاكل الكتاب.. فيها حاله نفسيه.. ههههههه
سلامه من سمعته قال جيه جان اتفر عليه القلم: يالحمااااااار.. انا الحين فيني حاله نفسيه ما تشوف عمرك بالأول..
عبيد: ههههه.. بطني والله بمووووت من الضحك...
سلامه: ما يضحك زين..
عبيد: افاااااا.. احين ها جزاتي اني طلعت الإستاذ من عندج عشان اقول لج ان اليوم اجازه ماشي دراسه بنروح بيت عمي عامر..
سلامه من سمعت طاري بيت عمها حطت ايدها على قلبها واشهقت.. تذكرت طلال.. ورغبتها انها تزور غرفته.. واشوف اغراضه.. ودها تحس بريحته.. : بيت منو.. عمي عامر.. احلف؟؟
عبيد: والله صدق.. يلا نشي اتزهبي..
سلامه: ثواني وانا زاهبه..
وربعت من الميلس صعدت غرفتها وميييييته وناسه واتغني كأنها سايره حفله .. واتعدلت واتلبست.. وطلعت على البلكونه عشان اتوايج اذا هم تحت يتريونها ولا بعدهم.. جان اتشوف ثاني في الحديقه قاعد يرمس في التليفون..
ثاني: الله يغربل ابليسج.. وانتي بأي حق تظهرين روحج.. انا قايل لج 100 مره بروحج لا لا لا
سلامه تمت تتطالع في ثاني وتتأمه .. ياربي من هالإنسان.. احبه .. يحليله ما يستاهل الحقران الي قاعده احقره فيه.. كل شي سواه عشاني.. اول شي المحل.. وقرايته للقرآن على روح المرحوم.. المدرسين.. وغيره وغيره.. دوم يدور على الي يرضيني.. ياترى كيف بوفي حقك يا ثاني..
ثاني: والله مشتاق لج صدقيني مشتااااااااق وايد بعد.. متى بشوفج يالهبله.. ابا اقعد وياج اسولف لج.. واقولج اخباري.. واحط راسي على ريولج مثل ما انا متعود..
سلامه تمت تتسمع كلامه ومستغربه.. ياربي يرمس منو.. معقوله يرمس غيري .. ولا نساني ويحب غيري.. لا.. بليز ياربي لا.. مابا انصدم.. خل اسمع يمكن انا اسمع غلط.. ما ظني يرمس وحده.. لا لالا اكيد واحد من ربعه.. مستحيل.. بس ثاني يحبني..
ثاني بند الخط وكعادته لازم يطلع بلكونه سلامه.. ويوم رفع راسه شافها واقفه.. اااه يا قلبي.. معقوله اشوف القمر .. لا ما اصدق.. واخير القمر جدامي.. اخيرا شفتها.. سلامه حبيبه قلبي..
تمت سلامه اتبادله بنظرات لوب وعتاب.. وتساؤلات.. وحيره.. نظره غير مفهومه عند ثاني.. يحاول يوصل للشي الي تقصده بس مب قادر..
ثاني: غريييييبه.. شو ياب القمر اليوم .. اخيرا تواضع وقرر يظهر..
سلامه تمت ساكته وتتطالعه بنفس النظره ولا تنطق بكلمه..
ثاني وهو يكلم عمره: معقوله يمكن انا اتخيلها واقفه.. عيل ليش ما ترد علي (بصوت عالي).. هيه انتي اشحالج؟؟
سلامه: بخير.. (من غير نفس)..
ثاني: اشتقت لج يالجلبه.. شو الدراسه.. ان شاء الله المدرسين كلهم اوكي وياج؟
سلامه: مو شغلك..
ثاني: خيييييبه.. بعدج كارهتني لهالدرجه.. رحمي حال قلبي الي يحبج ومتعلق فيج...
سلامه والدموع منحبسه في عيونها وبعصبيه: روح .. تترياك عشان اتحط راسك على ريولها.. روح شو تتريا..
وطلعت عنه وبندت باب البلكونه وفرت عمرها على السرير واتصيح.. ليش ياربي ليش خنت طلال وحبيت غيره.. محد يستاهل حبي غيرك انت يا طلال .. محد يسواك.. ليش رحت عني.. كل يوم اشوف شي يعذبني من هالدنيا الي اعيش فيها بروحي من غيرك.. طلااااااااااااال احبك ليش رحت عني..؟؟ ليش خليتني للعذاب لييييييييييييييييش؟؟؟ رد علي..
ثاني تم مصدوم من كلامها وما قدر يوضح أي شي لها لأنها بكل بساطه ما عطته فرصه حقرته .. معقوله انها اتغار علي واتحبني؟؟ .. عيل ليش اتقول هالمرسه اكيد اتحبني ولا ما بتقول هالكلام.. اااااااه.. لا دخيلج لا تكرهيني احين عقب ما حسيت بحبج.. احين كيف اقدر افهمها اني كنت ارمس اختي مب مثل ما هي كانت متوقعه.. ياربي انا شو سويت.. ليش ما اطالعت فوق وانا ارمس ويا هالهبله.. وبعدين يعني انا ما لقيت ارمس وياها غير هني في بيت عبيد.. انزين عقب رمسها صدق انك حمار يا ثاني.. احين شو الحل.. شو اسوي احين؟؟
افففففففف.. انا غبي غبي غبي.. ماشي غير عبيد اقول له الي صار وخله يحل السالفه..
..

 

[meen_ana]

الشارجه.. في بيت مبارك.. (للتذكير بمبارك: الي قابلوه في ماليزيا والعين)..
مبارك كان قاعد في الكوفي الي في سيتي سنتر عيمان ويا ربيعه حمدان.. وسرحان .. يطالع كوب الكابيتشينو الي جدامه ويحرك فيه وسرحان..
حمدان: برووووووك.. حووو.. السلام عليكم.. وين وصلت؟؟
مبارك: ها.. ماشي.. بس تذكرت هاييج الي مال ماليزيا..
حمدان: عاشوووووو.. القلب ينبض ها ..
مبارك: لا شو.. انت راح بالك بعيد..
حمدان: وين بعيد الله يهداك.. توك اتقول لي تذكرتها وسرحان وحالتك حاله..
مبارك: مادري .. بس جيه مشتاق اشوفها .. واسمع لسانها الطويل ها...
حمدان: اسميك انت.. متفيج الصراحه.. شو تبا في اليهال.. شوف شوف هالبنات الي في ريد ايرث اشحلاتهم..
مبارك: انتي تدري بي حمدان انا مب راعي هالسوالف..عندي خوات واخاف عليهم ماداني العب على البنات.. بس مادري احس اني ندمان ليش حطيت لها الرسمه ذيج في شنطتها.. احسها بتكرهني.. ولا بتفكر فيني اني واحد من هاللوث
حمدان: لا والله .. بتفكر كل ها التفكير بس عشان هالرسمه.. صدق ما عندك سالفه.. قم قم .. بيبدأ عرض الفلم وحضرتك اتفكر بالياهل.. ماعندك سالفه..
مبارك: اصلا تدري انا ما عندي سالفه بس تدري في شو.. اني قاعد اقول لك الي في قلبي.. يلا نش
حمدان: خلاص عيل مره ثانيه لا تقول..
مبارك: غصبن عنك اصلا بقول..
.....
مبارك.. الولد العود في البيت..من بعد وفاة ابوه انجبر انه يتولى مسؤوليه اخوانه الصغار.. ويعيلهم بحكم انه مافي شي يكون مصدر دخل بالنسبه لهم.. غير راتب التقاعد الي كان ينزل لأبوه.. ودر دراسته والتحق بالجيش وهو كان توه ثاني ثانوي.. عشان يصرف على اخوانه.. عنده اخت وحده وبعدها ايي ولدين.. اخته احين عرست.. وما تم له غير مسؤوليه اخوانه الثانين الي بعدهم يدرسون.. وامه المسكينه حرمه عوده ما تقدر انها تشتغل عشان اتساعد ولدها..
يعني مبارك من عايله بسيطه بس قناعتهم.. وطريقتهم في العيش.. هو الي خلاهم ما يعتازون لحد أي شي.. مدبرين امورهم.. مستانسين ومرتاحين.. من بعد زواج اخته تفرغ للتعليم .. ودرس منازل لين ما خذ الثانويه.. وهو احين يدرس في السنه القبل الأخيره من دراسته في جامعه الشارجه تخصص قانون.. انسان متدين نوعا ما.. خلوق.. الكل يمدح فيه ويحبه..
ربيعه حمدان.. ولد عز.. كان ويا مبارك من صغره.. يعني علاقتهم قويه.. طلعاتهم روحاتهم سفراتهم كلها لازم يكونون فيها سوى.. حمدان دوم كان يحاول انه يساعد مبارك.. بس مبارك نفسه ما كانت اتطاوعه ..
..
(بوظبي)
عبيد: يلا تأخرنا وين سلووم ما جهزت..
العنود: دقيت على باب حجرتها قالت انها يايه..
نزلت سلامه والحزن على ويهها مبين.. طلعوا من البيت وكان ثاني واقف عند موتره يتريا عبيد عشان يشل موتره لأنه موقف وراه وما يقدر يطلع.. ومن طاحت عيونه على سلامه وشاف الحزن حس بطعنه في قلبه.. لا سلامه دخيلج.. مابا اشوف الحزن عليج .. لا لا .. احبج انتي والله
عبيد: هههههه.. مسكين محبوس اليوم ماشي طلعه
ثاني: ترا انت حابسني.. يلا خوز موترك عن ادعمه
عبيد: اتهبي..
والكل ركب الموتر وعبيد طلع من البيت وساروا صوب بيت عمهم عامر.. العنود لاحظت حزن سلامه بس فسرت الموضوع على اساس انها راح تدخل بيت المرحوم عبيد وتذكرته عشان جيه..
وصلوا بيت عمهم عامر من نزلت سلامه وشافت مرت عمها وعمها ربعت صوبهم وسلمت عليهم وباست راسهم.. وشافت هادف اخو طلال وسلمت عليه.. ودخلت البيت.. وصعدت عشان اتسير صوب جناح طلال.. راحت صوب باب غرفته وتمت واقفه عند الباب لدقايق متردده انها تدخل.. وتوها بتفتح الباب سمعت صوت حد وراها ينادي عليها.. اتخرعت لأنها ما كانت منتبهه ..


التكمله


كانت ناعمه اتنادي على سلامه.. : سلامه .. اشحالج؟؟
سلامه: خرعتيني.. تمام انتي اشحالج؟؟
ناعمه: وينك.. ماعاد تنشافي مررره..
سلامه: شو اسوي تدرين الثانويه وعبالتها .. يبالها مجابل..
ناعمه: صدقتي.. ودك تدخل غرفته ..
سلامه: ياريت والله..
ناعمه: انا اسفه.. بس نحنا نقلنا غرفه حمد مكان غرفته..
سلامه: شووووووووووو.. حرام عليكم.. المكان الوحيد الي فيه ريحته غيرتوووه.. ليش.. حرام عليكم.. والله حرااااام(وتمت تصيح)
ناعمه جربت من سلامه وهي مقدره حالتها.. تمت تمسح على راسها: سلامه.. مجبورين انسوي كذا.. عشان امي ما تتذكره وتتعب زود وتمرض.. لا اتخافين اغراضه ما شليناها.. بس جمعنا دفاتره ومذكراته في صندوق حطيته عندي في الغرفه..
سلامه: صدق(تمسح بإيدها دموعها).. ابا اشوفهم .. دخيلج..
ناعمه: تامرين امر.. تعالي معي..
راحت سلامه غرفه ناعمه وطلعت لها ناعمه الصندوق وتمت تتطالع الدفاتر وتقراهم.. واتشوف الألبوم الي فيه صورهم يوم صغار.. وتمت اتصيح ونفس الشي ناعمه..
ناعمه: خلاص يكفي.. قومي نقعد معاهم تحت.. طلال بيزعل عليك لو شافك بتبكي..
سلامه: ان شاء الله
نشت سلامه وظهرت من الغرفه ويا ناعمه ونزلوا صوب الميلس عشان يقعدون وياهم.. كان الكل قاعد ومجتمع حول بعض... (عبيد عمره ما شاف ناعمه غير يوم كانت صغيره.. لكن يوم كبرت ما رد شافها.. ولا التقى فيها .. لأنها دوم في البيت ما تطلع مكان).. كانت سلامه تمشي ومنزله راسها وحزينه.. وهي نازله من الدري توه كان هادف داش البيت فشافها.. على طول تذكر طلال.. يوم شافها حزينه حزن معاها..
هادف: السلام عليكم.. هلا والله سلامه اشحالج؟؟ عاش من شاف هالويه
سلامه: عاشت ايامك.. شكرا..
هادف: شو نسيتي ان عندج بيت عم .. ولا عيال عم.. افا والله..
سلامه: اسفه.. بس شو اسوي ثانويه
هادف: يلا ربي يوفقج.. ببدل ثيابي وبقعد وياكم.. روحو في الميلس..
ناعمه: لا تتأخر ترا القعده من غيرك مرره مو حلوه
هادف: فديت اختي انا الي تتمدحني.. دقايق وانا عندكم..
سلامه تمت تتطالع في اللوحه الي جدامها.. تمت تتذكر يوم راحوا القريه العالميه كلهم سوا وكان موجود.. وهو خذا هاللوحه هديه حق امه

شريط الذكريات..
طلال: شو رايج.. حلوه صح..
سلامه: امممممم.. هيه .. بس هاييج الثانيه احلى..
طلال وهو يطالع في المنظره وصوره سلامه معكوسه فيها: بس هاي احلى(ويأشر صوبها)
سلامه ماتت من الحيا ولفت راسها..
طلال: فديتهم يستحون بعد.. منو قدهم..
سلامه: احين شو بتاخذ لوحه ولا شو؟؟
طلال: بل بل بل.. كشرت على طول.. بتاكلني احين.. هي باخذها..
....
واما ناعمه فخلتها سرحانه ما حبت اتخرب عليها.. وراحت صوب الميلس.. توها بتدخل.. بس لاحظت حد يغسل ايده في المغسله.. ماركزت منو يكون.. تحسبته اخوها حمد..
ناعمه: حماده.. منو في الميلس غير عمي وعمتي (وهي توايج صوب باب الميلس تحاول تتطالع يعني مب منتبهه للي في المغسله)
ناعمه وهي معصبه وتقرص الي حذالها على جتفه: اييييييه حمد.. منو جوا عندهم؟؟
عبيد: احم احم..
ناعمه من سمت الصوت حست ان النبره غير. نبره واحد اكبر من حمد.. يوم لفت صوبه شافته حمد.. من الفشله ما عرفت شو اتسوي.. ربعت عشان تظهر من الممر وتوها بتطلع جان تدعم اخوها هادف...
هادف: شو فيج بسم الله.. جنج الا شايفه يني..
ناعمه: عطني طريق.. بصعد غرفتي..
هادف: ههه.. ماشي.. بس جيه عناد..
ناعمه: هااااادف.. (بصوت واطي).. دخيلك ماروم مفتشله كيف اقعد وياهم
هادف: ليش شو صار.. ؟؟
ناعمه: عبيد كان يغسل ايده وانا مب منتبه إنه عبيد تحسبته حمد.. وتمت اضرب على كتفه واكلمه يوم ما رد علي.. قرصته.. وانا مادري ان عبيد ياي.. نسيت انه ولد عمي من قله ما اشوفه
هادف: ههههههه.. هاي انتي دوم.. مستعيله وهبله.. دشي دشي.. حصل خير..
ناعمه: فشيييله..
هادف: نعووووووم.. دشي اقول لج.. تراه ولد عمج ماهو غريب..
ناعمه: على قولتك.. (شافت سلامه).. تعالي سلامه ندخل سوى..
سلامه: احم احم .. درب هادف.. ماروم امر..
هادف: انتوا الثنتين محبوسات.. انتي نعووم ماشي طلعه .. وانتي ماشي دخله.. ههههههه
ناعمه وهي تدز هادف وتلزقه باليدار: زول مناك..
هادف: انا مب زول.. يا زوله..
ناعمه: سخييييييف
سلامه: هههههههههه.. اخوج نكته..
ناعمه: ادريبه.. ربي لا يحرمني منه
سلامه: امين
دخلت سلامه وياها ناعمه.. وطبعا ناعمه لأنها مب مسلمه على حد تمت اتسلم عليهم كلهم..
ام عبيد: ماشاء الله ناعمه.. من زمان ما شفتج احلويتي.. تعالي عندي..
ناعمه: عيونج الحلوه عمتي.. تسلمي لي..
لطوف: احم احم.. وانا ما تبيني حذالج..
ام عبيد: بس انتي مليت من ويهج..
لطوف: افااااا.. اصيح اصيح.. خلاص بصيح..
ساره: لا اتصيحين بعدين راسي بيعورني..
لطوف وهي تضرب اختها ساره على راسها: جب انتي..
ام عبيد: عيب عليكم انتوا مب في البيت..
ام طلال: خليهم على راحتهم.. البيت بيتهم
ناعمه طول الوقت منزله راسها ومستحيه.. وترمس سلامه وهي موخيه راسها.. ما تبا تتطالع جدامه وتلتقي عيونها بعيون عبيد من فشلتها.. وتم الكل يسولف.. وتعشوا ويا بعض.. وردوا يسولفون.. الجو كان واااايد حلو.. الكل نسى الهم الي في قلبه.. خصوصا سلامه نست حزنها على طلال في هذه اللحظات ونست ألمها من موقف ثاني..والكل طلع من الميلس قرر انه يقعد في الحديقه لأن الجو كان حلو ليلتها وياكلون الفواله برع
وتمت ناعمه تتمشى شوي بين الشير.. وتتأمل الجو.. كان عاجبها.. ويوم راحت للحديقه من الجهة الي ورى.. يعني بعيد شوي عن اهلها.. شافت عبيد قاعد يتكلم في التليفون.. تمت تتأمله وتتطالعه خصوصا بعد ما قالت لها سلامه عن سالفته.. تمت تفكر وتشوفه .. وهو يوم بند التليفون وصد وراه شافها تتطالعه.. ولاحظ نظراته..وهي بعدها مب منتبهه انه يطالعها.. يوم انتبهت نزلت راسها ولفت عنه.. بس ردت لفت صوبه
ناعمه: عبيد..
عبيد: هلا..
ناعمه: انا اسفه على الموقف الي صار.. بس ما عرفتك
عبيد: مسموحه.. بس حتى انا ما عرفتج ماشاء الله كبرتي.. انا احيد اخر مره شفتج على حياة يدج المرحوم يوم يينا الرياض
ناعمه: ايه.. وانا بعد كذا... ما ذكرتك
عبيد: يلا ماعليه.. اتصير.. وحصل خير لا تحاتين
ناعمه: يعني سامحتني؟؟
عبيد: يابنت الحلال هب زعلان منج انا.. ولا متضايج عشان اسامحكز لا تحاتين
ناعمه: مشكور..
وصدت عنه وردت قعدت ويا الباقي.. وكملوا السهره لين ما تأخر الوقت والكل رد البيت.. وسلامه كل تفكيرها على الدراسه . تتضارب ويا امها لأنها تبا تشرب قهوه والوقت متأخر عشان اتم صاحيه طول الليل..
ام عبيد: قلت لج ماشي.. انا بقفل باب المطبخ.. يلا سيري ارقدي والصبح رباح
سلامه: امييييييي
ام عبيد: شوفيج انتي قلت لج ماشي.. سمعي الرمسه
سلامه مشت صوب الدري وهي تتحرطم: والله اذا رسبت انتوا السبب.. بسقط انا خلااااااااااااااص.. انا سقطت.. مستقبلي ضاع
ام عبيد: هههههه.. الله يهديج يا بنتي
العنود: والله خبله الظاهر مخها خلاص راح من كثر المذاكره.. احين بس عشان الليله ما بتذاكر ضاع مستقبلها
عبيد: ما عليكم منها.ز تستعبط عليكم سلوم ما تعرفون سوالفها.. يلا امي انا ساير بيت ثاني برقد عنده تامريني بشي؟؟
ام عبيد: انت ويا ربيعك ها.. من صغرك ما تعرف ترقد روحك لازم وياه.. لا عرست شو بتسوي؟؟
عبيد: هههههههه.. هي والله مشكله.. يوم عنده ويوم عند الحرمه
العنود: ههههه.. بس على فكره انا حصلت لك بنيه زينه..
عبيد: والله بهالسرعه .. منو
ام عبيد: منو؟
العنود: امي شو رايج بناعمه.. ؟؟ ماشاء الله عليها بنت حلوه .. رزينه.. خلوقه..
ام عبيد: والله خوش بنيه.. عيبتني انا بعد من شفتها اليوم..
عبيد: اقول يوم تتشاورون وتتأكدون.. خلاص روحوا خطبوها انا ما عندي مانع.. المهم باخذ وحده على رضاكم..
ام عبيد: ترا انت اساس الموضوع لازم انعرف رايك..
عبيد: قلت لكم الشور شوركم.. وانا ما عندي مانع.. يلا تأخرت على الريال.. مع السلامه
العنود: اويه تأخر على حرمته.. هههههههه
عبيد: هههههه... بايخه..
العنود: مب ابيخ عنك..
طلع عبيد عشان يروخ بيت ثاني ربيعه..
..
في دبي..
طبعا كان جو الإمتحان مالي كل البيوت.. سلامه ونوره ثاني ثانوي.. علي.. ثانويه عامه.. وطبعا غانم مع امتحانات الكليه.. ومريوم امتحانات الجامعه.. وعواش هاي اخر سنه لها في كليه التقنيه تخصص (جرافيكس),,
اليده: الله يوفقكم يا عيالي وينجحكم واشوفكم عرايس جدامي.. قولو امين..
الكل: امين..
غانم: يدو يدوو.. دخليج ابا دعاء خاص حقي عشان فطوم..
اليده: ماشي..
غانم: افاااا.. ما نستاهل انا وفطوم عشان تدعين لنا..
اليده: هههه.. اكيد تستاهلون ربي يجمعكم على خير.. ويجمع نوره بعلي..
غانم تم يطالع في حصه وحصه تتطالعه الكل عارف عن راي علي ونوره.. بس ساكتين
غانم: يدوو.. انا الحين ابا فطوم.. بس علي يمكن ما يبا نوره.. مب زين لا تجبرينه
اليده: ليش ما يباها.. بنت اشحلاتها.. ماشي احسن عنها له..
غانم: بس حتى نوره ما تباه... ولا علي يباها..
اليده: اشووو هالرمسه بعد ما تباه وما يباها.. مب كيفهم
حصه: يدو.. لا تجبرينهم.. بس علي يبا وحده ثانيه..
اليده: هييييييه قولو جيه.. اذا جيه ما عندي مانع ما بفر بنتي على واحد ما يباها..
غانم: لا تنسين انها هي بعد ما تباه..
اليده: بس من بنته هاي؟؟
حصه: مادري .. بس هو خايف يقول لج عن تزعلين عليه..
اليده: لا افا عليه والله.. ليش ازعل انا ابا وناسته..
غانم: انزين يا جماعه ساير ارقد تامروني بشي؟
اليده: روح الله وياك..
غانم: تصبحون على خير..
نش غانم من عندهم وصعد غرفته وعلى طول اتصل في علي يبشره عن الرمسه الي سمعها..
علي: احللللف..
غانم: والله يدو ما عندها مانع.
علي: ياهي ونااااااااسه.. صدق يعني..
غانم: هي صدق اشبلاك.. مب مصدق..
علي: بس خايف من شي..
غانم: شو هو؟؟
علي: انهم يرفضون البنت.. ؟
غانم: ليش يرفضونها.؟؟ ليش مب زينه؟؟
علي: لا والله بالعكس.. بنت مسكيييييينه وايد زينه.. ومظلومه
غانم: مسكينه ومظلومه؟؟ شو السالفه من هاي
(ملاحظه: السالفه الي راح اتصير مع علي.. حقيقه وصارت على ارض الواقع .. لكن الحوار طبعا من تأليفي.. بس القصه اجمالا.. حقيقه.. صارت لناس اعرفهم شخصيا.. اقولها للعضه والعبره لا غير.. بس الأسامي مب حقيقه شي اكيد.. )

علي: شو اقول لك يا غانم.. بس انا ما يخصني في شي.. انا الي اباه البنت..
غانم: يوم بنت زينه.. وما بلاها شي محد يقدر يرفض..
علي: مثل ما قلت لك يا غانم.. البنت مافيها الشي.. بس العوق في اهلها..
غانم: اهلها؟؟ وضح شو تقصد؟؟
علي: بيني وبينك هالكلام .. دخيلك مابا احد يعرف..
غانم: لا افا عليك.. ارمس..
علي: سلمك الله بنت خالتها تشتغل في الإعلام (اسمحوا لي ما قلت شو المهنه بالضبط عشان ما اوضح الشخصيه اكثر من جيه.. بس توضيح اكثر في مجال الإذاعه والتلفزيون والتمثيل والغناء .. يعني من هالفنون الإعلاميه).. اسمها(*****).. فعشان جيه اخاف ترفضها امي ويدتي
غانم: هي والله مشكله الصراحه.. لأن تدري هالشي منقود عندنا..
علي: بس غانم ها بنت خالتها يعني هي شو يخصها..
غانم: انا وانت انقول هالكلام وكل عاقل بيقول نفس الرمسه.. بس انت تدري بالعيايز..متعصبين وايد
علي: بس انا اباها.. احبها.. وهي اتحبني..
غانم: ماعليك.. انت احين خلص الثانويه بإذن الله مافي الا كل خير..
علي: الله كريم..
غانم: يلا روح روح ذاكر..
علي: ههههههه.. ماعليه اتعيب علي.. انا اراويك خل اخلص بس..
غانم: هههههه.. يلا مع السلامه..
بند الخط عنه ورقد..
..
بوظبي
ثاني: عبيد.. صدقني احسن من بنت عمك ما بتلقى
عبيد: وانا اقول جيه..وانا شفتها ماشاء الله عليها مافيها عيب.. بالعكس عيبتني..
ثاني: خلاص توكل على الله واخطبها..
عبيد: ان شاء الله بقول لها..
ثاني: انزين يا عبيد ما سألت سلامه عن رايها ؟؟
عبيد: لا والله بعدني..
ثاني: بس اظني لو تسألها احين .. بتقول لك اكره ما ادانيه.. وععععع وبتزوع وكل شي بتسوي
عبيد: خيبه ليش ها كله عاد..
ثاني: من نحاسه حظي.. وتعاستي... اني كنت ارمس علايه اختي.. تدري فيني كيف ارمسها.. اتغزل فيها كالعاده.. واختك المصون واقفه على بلكونتها وسمعتني..
عبيد: ههههههههه.. ياك الموت يا تارك الصلاة
ثاني: دخييييلك عبيد فهمها..
عبيد: جب جب .. شو قالو لك عني.. مرسال غرام
ثاني: لا حمام الزاجل..
عبيد: حللللللللللوه حلللللللللوه.. بس لا تعيدها مره ثانيه
ثاني: عبيد صدق ارمس..
عبيد: انت الي وهقت عمرك..
ثاني: وانا شو عرفني انها تشم هوى على البلكونه.؟؟
عبيد: انت من صجك تباها؟
ثاني: افا والله يا عبيد.. شو تتحراني اتمصخر.. ما توقعتك اتشك في نواياي.. انا سلامه اباها.. ومرمس هلي. وبعدين انت اخوها بيي اجذب عليك.. هي اباها.. وراح اخطبها من اتخلص الإمتحانات
عبيد: ههههه.. لا افا عليك والله محشوم.. بس ابشرك..بترفضك
ثاني: لا تقول جيه حرام عليك..
عبيد: خلاص انت مغازلجي جدامها..
ثاني: عبيد... عيل انت شو الفايده منك
عبيد: ما يخصني.. اتغازل وحده من ورى اختي وتباني اقص عليها لا مب زين
ثاني: لا والله .. احين انت من صدقك ترمس.. وين اغازل انا .. انت تدري من زمان ودرت هالسوالف.. غيرت كل ارقامي عشان خاطرها
عبيد: ما يخصني.. روحك طلع عمرك من السالفه
ثاني: نش يلا اطلع برع من بيتي..
عبيد: خيبه اتروغني من بيتك.. ما عليه بظهر بس ما بدخل..
ثاني: تعاال يا ريال امزح وياك جلبتها جد الله يهداك..
عبيد: انزين بس لا تترجاني زود.. وعد مني برمس سلامه.. بس مب الحين بعد الإمتحانات
ثاني: شو بعد الإمتحانات يعني بعد شهرين.. والله حرام عليك..
عبيد: كيفك تبا بعد الإمتحانات ما تبا برايك..
ثاني: خلاص ابا ابا .. موافق.. امري لله.. يلعن ابو المذله.. انت محد يطلب منك شي..
..

الشارجه(بيت مبارك)
مبارك قاعد ويا اخوانه .. ويسولف وياهم.. دخلت عليه اخته.. شيماء
شيماء: السلام عليكم
مبارك: هلا والله اختي اشحالج.. شخبارج؟؟
شيماء: بخير.. وبسلامه.. انت اشحالك؟؟ هالأيام موووول ما عايبني حالك على فكره.. شوفيك خبرني..
مبارك: ماشي الغاليه...
شيماء: مب علي انا هالكلام؟؟ بروووووك شو فيك؟؟
مبارك: في وحده يوم كنا في ماليزيا لعوزناها .. صغيره جيه مبين شكلها ثانويه جيه يعني.. ويوم يينا الإمارات بعد شفناها.. جان ارسمها على ورقه اتمصخر عليها وافره في شنطتها.. لا تفهميني غلط ما رقمتها والله.. تعرفين انا مب جيه.. بس احين ندمان احس بتاخذ عني فكره
شيماء: لا ليش تاخذ.. انت اتقول ما رقمتها؟؟
مبارك: لا والله
شيماء: عيل خلاص.. ليش اتحاتي..
مبارك: مادري..
شيماء.. انت مب اتحاتي انت البنت داشه خاطرك وهي على بالك صح
مبارك سكت ونزل راسه.. ما عرف شو يرد عليها.. هذا السؤال الي يدور في باله.. ليش هو مهتم فيها.. ليش هي دوم تطري على باله..
شيماء: هاااا.. اشوفك سكت؟؟ شو السالفه؟..
مبارك: مادري شو اقول لج..
شيماء: مبارك.. انا اليوم يايه عشان ارمسك في هالموضوع.. انت تعبت من صغرك ويانا ما قصرت علينا بكل شي.. كنت لنا السند والعون,. وحرمت نفسك من وايد اشيا.. احين يالوقت انك اتعيش حياتك واتعوض على عمرك.. اباك اتعرس يا مبارك.. نبا نفرح فيك
مبارك: هههه.. شو اتقولين.. لا مابا اعرس..
شيماء: ليش.. اتكمل نص دينك انزين.. ونبا نفرح فيك.. وانت اتقول هاي عايبتنك.. اتعرفها بنت منو.. شو اسمها.. بنسأل عنها.. اذا زينه بنخطبها لك..
مبارك: الله كريم.. المهم وين عيالج
شيماء: هذا انت .. من يبنا لك طاري الزواج اتغير رايك..
مبارك: ههههه
..


مرت الأيام وعدت الإمتحانات على الكل .. وخلصوا.. والكل استلم نتايجه طبعا ما عدى علي وسلامه الي يتريون نتايجهم..

يوم الأربعا.. 29/6
يوم اعلان ننتايج الثانويه العامه..
سلامه ما خلت راديو .. ولا كمبيوتر ما وصلته على النت.. والتلفزيون.. والجرايد.. وعلي بعد نفس الشي.. وطبعا دخلوا ارقام جلوسهم على النت وعرفوا النتايج..
سلامه: 96%.. علي: 79%..
طبعا سلامه طارت من الفرحه.. وعلي بعد.. ما صدق انه ينجح.. كل تفكيره انه يخطب ليلى من يخلص الثانويه.. سلامه طموحها تدخل كليه الطب.. وتصير دكتوره.. ونسبتها طبعا اتساعد.. واول شخص بارك لها.. كان عبيد.. ومن ثم الكل.. وثاني طبعا وصل لها تهانيه عن طريق عبيد..
سلامه: الله يبارك فيه(من غير نفس طبعا)
عبيد: شوفيج كارهه الريال؟
سلامه: بس ما ادانيه جيه من الله ..
عبيد: شو ما ادانينه.. بس هو يبا يخطبج هالإسبوع..
سلامه:شوووووووووووووو.. ماباه مب موافقه
عبيد: ممكن اعرف السبب؟؟
سلامه: ماباه وخلاص.. ابا ااكمل دراستي..
عبيد: ما عنده مانع اتكملين دراستج.. وين ما تبين
سلامه: شو شكلك تباني اخذه غصب..
عبيد: لا مب جيه .. حرام عليج.. سلامه.. انا اقولج لأني احسه يحبج.. ويباج.. من كل قلبه يباج.. مستعد يترياج العمر كله.. ما بتلقين واحد يداريج مثله.. يعرف كل ضروفج..
سلامه نزلت راسها ما عرفت شو اترد عليه.. فعلا صح كلام عبيد.. بس ها خاين كيف برضى فيه؟؟
عبيد: انا ادري ليش ما تبينه.. انتي حاطه في بالج انه يكلم وحده وعنده هالسوالف.. لا بصحح لج هالمعلومه انا بالذات ما بيي اقص عليج.. انتي اختي كيف بقص عليج.. يعني بقص عليج وادمر حياتج اكيد لا.. سلامه.. حبيبتي.. ترا الي كان يكلمها ذاك اليوم اخته العوده الي في العين.. لأنه ماشافها من زمان. حتى يدامي انا يتغزل فيها.. ربيعي واعرفه مب راعي هالسوالف.. لا تستعيلين.. قعدي ويا عمرج وفكري زين..
طلع عبيد من الغرفه وخلا سلامه غارقه في افكارها ما تعرف شو اتسوي..
..
في بيت علي..
هنادي: علي.. قلت لك لا.. مستحيل.. شو تبا الناس يرمسون عنا.. تبا تفضحنا..
علي: بس امي البنت ما بلاها شي.. زينه
هنادي: حتى لو.. شوف اهلها..
علي: هي شو ذنبها..
هنادي: ذنبها ان هاييل اهلها.. علي قلت لك لا.. يعني لا .. خلاص سد الموضوع
طلع علي من الميلس وهو معصب.. حرام عليهم والله.. احين البنت شو ذنبها .. والله احبها.. بجتلها هاي بنت عمها.. خربت على الكل.. وحده اثرت في عايله بكبرها.. اباها والله مابا غيرها..

 

[meen_ana]

ان شاء الله اكون عجبتكم بالكميه للي حطيتها لكم هالمرة الانه صج قعدت قعده عليها وان شاء الله قريبا اكمل الباجي

 

[غرنوووقه]

تسلم الايادي حبيبتي ما قصرت
يعطيج العافيه
مشكوووووووووووووووووووووووووووووووووووووووره

 

[meen_ana]

الله يسلمج ويخليج ان شاء الله ياحياتي واليوم بنزل لكم اشوي قبل لا اروح العزيمه

 

[meen_ana]

الجـــ28ـــزء

مرت الأيام وعدى عرس ناصر والعنود على خير وراحو لشهر العسل.. وجاسم طبعا عرس مع عواش.. بسي عرس بسيط.. ما حبت انها تتفشخر فيه وايد عشان خاطر مطر..
في بيت جاسم

عواش: مطر.. حبيبي تعال.. وقت الغدا الحين..

مطر: مابا..

عواش: تعال بابا بيزعل منك.. تعال اقعد ويانا واكل..

مطر: انتي شو تبين.. ليش يايه بيتنا.. خلينا بروحنا..

عواش: مطر.. انا هني مثل ماما.. لازم تسمع كلامي.. انا بسوي لك كل الي تباه

مطر: مابااااااااج.:. انا ابا امي ماباج انتي..

جاسم: شو هالصريخ.. شو بلاك ليش اتصرخ على امك..

مطر: ماباها.. هاي مب امي..

جاسم: خلاص هاي صارت امك..

عواش:جاسم خله على راحته.. هو يعرف اني احبه.. انت مالك شغل فينا.. نحن ربع

مطر تم ساكت مستغرب من كلام عواش.. مب فاهم شو قاعده اتقول وشو تقصد.. فراح على سريره ورقد.. وطلعوا من الغرفه وخلوه براحته

جاسم: انا اسف اني حطيتج في هالموقف..

عواش: افا.. جاسم.. لا تقول هالكلام.. ترا انا ام ولازم اتحمل عيالي..

جاسم: ربي لا يحرمني منج..

..

عبيد كان ثاني حاشرنه من الإتصالات والمكالمات يبا يعرف راي سلامه.. لأنه يبا يخطبها.. وعبيد بظروف انشغاله بخطوبته على بنت عمه ناعمه.. قرر انه يفتح الموضوع مع سلامه ويعرف قرارها

عبيد: السلام عليكم.. تسمحين لي ادخل..

سلامه: وعليكم السلام.. حياااااااك

عبيد: اشحال الدكتوره..؟؟

سلامه: الله يسمع منك اكون دكتوره.. بخير..

عبيد: ان شاء الله.. بس الدكتوره ننتظر تشخيصها على مرض ثاني..

سلامه: ههههههه.. ليش هو مريض؟؟ (تستهبل)

عبيد: لا والله.. تستهبلين.. صدق شو قرارج.. حرق تليفوني.. ها 10 تليفون اغيره والسبه هو..

سلامه: هههههههه.. الشور شورك اخوي..

عبيد: اللله ها كلام المسلسلات يوم يوافقون..

سلامه: ههههه.. بس الواقع يمكن يكون العكس..

عبيد: صدق صدق؟؟

سلامه: توكل على الله..

عبيد: كلولولولولش.. ماعرف ايبب بعد

سلامه: هههه..

عبيد: عيل بسير ابشره واكلم ابوي..

سلامه: بل بل ليش مستعيل..

عبيد: ابا افتك منكم.. ابا اتفرغ حق نعومتي..

سلامه: الله الله على نعومه الحلوه

عبيد: يلا عاد لا تحطين على حرمتي عن احط على ريلج

سلامه استحت من سمعت طاري الريل ونزلت راسها..

عبيد: عدال عدال.. عن اتموتين..

..

في دبي..

ليلى: علي؟؟ .. انا اهلي موافقين.. انت ليش اهلك ما يبوني..

علي: ليلى.. الله يخليج لا تعذبيني زود.. بس انتي اتصبري .. بشوف بكلمهم.. بس والله مشتاق لج ابا اشوفج..

ليلى: مادري.. بس انا بعد ودي الصراحه..

علي: دخليج حاولي.. دوري لي طريقه اقدر اشوفج فيها..

ليلى:تدري.. امي اليوم بتسير بيت اهل ريلها (امها مطلقه من ابوها وهذا يصير ريل امها)..يعني بتروح ام القيوين..

علي: احلفي.. صدق

ليلى: هيه.. محد بيتم في البيت بكون روحي.. شو رايك نظهر..

علي: افا عليج انتي بس.. اليوم باخذ موتر امي.. وبمر عليج

ليلى: خلاص عيل.. اول ما يظهرن قوم امي بتصل فيك..

علي: خلاص ترتووووب..

ليلى: يلا عيل .. مع السلامه

علي: مع السلامه.. احبج

..

بند الخط عنها وسار عند امه وطلب منها الموتر لأنه يبا يظهر ويا ربعه مثل ما قال لها.. وطبعا امه وافقت وما رفضت له الطلب.. وسار يركب مخفي ويغسل السياره .. ويرتبها عشان ليلى..

 

[meen_ana]

في بيت بو خالد كان الجو هادي.. فطوم ومريوم كل يوم طلعات اسواق عشان تتزهب حق عرسها مع ابراهيم.. طبعا ممنوع انها تظهر وتتحوط ويا ريلها في ايام الملجه.. قوانين العيله ما تسمح.. كانت هناك حساسيه التعامل ما بين بوخالد وابراهيم.. لأنه بعده مب قادر يقتنع في ابراهيم وينسى موته ابوه المرحوم..

فطوم: مسكين علوو.. والله كاسر خاطري يبا ذيج البنت بس انتي تدري عمو كلثم.. عنيده

مريم: يلا شو بتسوين.. بس ان شاء الله انا برمسها وامي بتقنعها.. ان شاء الله ترضى

فطوم: بس يدوو.. تدرين فيها.. مافي شي يخليها تقتنع

مريم: هي والله.. بس ماعليج.. عشان سعادة علي والله انها بتسوي.. انتي ما تعرفين يدو اشكثر اتحبكم وادور على الي يريحكم.. وهي يوم كانت تجبرج على غانم لأنها كانت ما تشوف منكم رفض للفكره.. وكانت اتحس انكم متقبلين الموضوع

فطوم: هي والله ربي يخليها لنا .. ولا يحرمنا منها..

مريم: آمين.. اقول بسج رمسه خل انسير انخلص.. ترا بيي ابوي ونحن بعدنا مب مخلصين

فطوم: تعالي ندخل عند جينيفر.. منزلين اشيا يديده

مريم: لا لا .. انا ابا اسير نعومي..

فطوم: ههههههههه

مريم: يالماصخه.. اعرف وين سار تفكيرج..

فطوم: انتي اتقولين نعومي.. وين بيروح تفكيري يعني..

مريم: ههههههه

..

طبعا علي كانت ينتظر مكالمه ليلى عشان يروح لها البيت ويمر عليها.. وفعلا اتصلت فيه وكلها 10 دقايق وعلي وصل عند باب بيتهم.. ركبت وياه الموتر.. وانطلقوا..

ليلى: تدرين.. انا واااااايد مستانسه..

علي: انا شو بتقولين عني.. والله الفرحه مب شالتني..

ليلى: علي.. والله ما اتخيل حياتي من غيرك

علي: لا تقولين هالرمسه.. ان شاء الله اهلي بيرضون..

ليلى: اتمنى والله.. ربي يسمعها منك

علي: امين..

ليلى: وين بنسير..

علي: بنروح جراند.. ندخل على الفلم اليديد الي نازل.. وعقب نتعشى ونرد البيت

ليلى: ماودي ارد البيت..

علي: ولا انا ,... بس لازم عشان هلج ما يحسون..

..

طبعا راحوا السينما وحضروا الفلم.. وخلصوا.. وراحوا شارع رقه نزلوا في وحده من المطاعم الشاميه.. وتعشوا فيها.. وانطلقوا صوب بيت ليلى عشان ينزلها ويرد البيت... وهو طالع من اللفه.. واجهته سياره بيكاب كانت واقفه.. ماعرف يتحكم في السياره.. وليلى من خوفها ورعبها فتحت باب السياره وفرت عمرها برع السياره.. وضرب راسها بكتف الشارع.. واما علي.. فدخلت السياره تحت البيكاب الي جدامه.. واتعرض لإصابات خطيره.. ليش إن السكان انكسر ودخل في بطنه.. طبعا ما طولو الا بالإسعاف والشرطه كانوا محاصرين مكان الحادث.. ونقلوا المصابين لمستشفى راشد دبي..

بيت كلثم

كلثم قاعده ويا اهل ريلها.. نشت على رنه التليفون وردت: الووو

.. : السلام عليكم.. هذا بيت سليمان

كلثم: أي نعم.. بغيت من اخوي..

.. : وياج الظابط حمد.. بغيت ابلغكم ان ولدكم علي.. عندنا في المستشفى تعرض لحادث.. ممكن تحضرون عندنا؟؟

كلثم: شووووووووو.. ولدي.. شو بلاه.. شو صاير.. خبرني

.. : مافيه شي تطمني مجرد رضوض بسيطه.. بس بغينا تحضرون عشان الإجراءات

كلثم: ان شاء الله.. بس ولدي.. اكيد فيه شي ما تبون اتقولون

..: تعالي عندنا وبتعرفين كل شي..

الظابط ما قدر يكمل كلامه وياها وبند الخط.. لأنه ما يعرف كيف يوصف لها عن حاله علي.. وكلثم على طول اتصلت في سليمان عشان يروحون المستشفى عند ولدهم.. وطبعا المستشفى اتصلوا في ام ليلى عشان تحضر عندهم..

..

في بيت نوال..

نوال طبعا ما نست خططها.. وغيرتها من فطوم.. لكنها انشغلت في الإمتحانات عشان هالشي هي اجلت الموضوع.. لكن الحين وصلت للوقت الي تبا اتنفذ فيه خطتها

نوال: احمد.. يلا عاااااااد.. come on

احمد: بس نوال السالفه مب هينه.. انتي الي قاعده تطلبينه وايد صعب.

نوال: يلا عاد.. احين هالشي يغلا على نوال..

احمد: ما يغلى عليج شي.. بس مادري

نوال: لا بس ولا شي.. المهم اليوم بلتقي فيك.. عشان اعطيك الأشياء الي لازم انسويها.. ونتفق على كل شي..

احمد: لا حول ولا قوه الا بالله.. يعني ماشي حطيتيني جدام امر الواقع

نوال: ههههههههه.. انت شو فيك.. محد بييب طاريك.. السالفه كلها بتكون مني انا

احمد: اوكي.. امري لله

نوال: فديتك انا.. الي تامرني فيه بسويه عشان ارد لك الجميل..

احمد: انتي تدرين شو ابا

نوال: بس.. افا عليك.. حاضرين


الفصل الثاني من الجزء28
كلثم من سمعت عن حاله ولدها ومب طايع يهدا لها بال .. طول الدرب اتصيح.. مب عارفه شي عن الي صاير.. ونفس الحاله ام ليلى.. وصلت كلثم ويا سليمان ريلها للمستشفى وراحوا صوب الحوادث سألوا الرسبشن دلاهم على الغرفه.. وشافوا شرطه واقفين عند باب غرفته.. ويستجوبون الممرضه عن حالته
سليمان: سستر.. وين ولدي.. وين علي؟؟
الضابط: لو سمحت اخوي.. انت سليمان بوعلي..
سليمان: هي نعم اخوي..
الضابط: ممكن اتقول لي موتر منو الي كان يسوقه الولد.. ؟؟
كلثم: موتري.. انا امه
الضابط: وتدرون كان طالع ويا منو.. وين ساير؟؟
كلثم: قال لي بيسير ويا ربعه السينما
الضابط: اها.. بس اسمح لي اقول لك ان الولد كان ساير ويا بنت.. يعني علاقه غير شرعيه.. واتعرضوا لحادث.. البنت في الإنعاش.. والولد بعد نفس الحاله؟؟
كلثم: شووووووووو..
سليمان: انت متأكد ان الي ترمس عنه ولدي؟؟ ولدي انا
الضابط: هي نعم..والسياره اتكنسلت
سليمان: تفداه السياره وولدي المهم شو حالته
السستر.. : حالته صعبه وايد.. احتمال بقاءه ضئيله مثل ما قال الدكتور.. خلوا ايمانكم بالله قوي.. وادعوا ربكم .. هو في غيبوبه احين..
كلثم من سمعت هالكلام طاحت على الأرض وتمت اتصيح.. : ولديييييييييي.. لا دخيلكم..
سليمان: واحين شو ما نقدر ندخل عليه.. ودي اشوفه.
السستر: بس لا تتأخرون عنده لأنه ممنوع
كلثم تمت تمشي ويا سليمان وحاسه ريولها ثجلانه عليها .. مب قادره تستوعب الحاله الي هي فيها.. كيف بتكون حالته.. دخلت وشافت الدم في كل مكان .. والأجهزه عليه.. وشكله شبه متشوه من الزجاج الي تناثر عليه.. ما قدرت تتحمل واغمى عليها.. وظهروا من الغرفه.. واما ليلى فحالتها مب اقل خطوره من علي.. لأنها بعد تعرضت لضربه في الدماغ اثر عليها.. وكان ويها وارم من الدم الي كان متجمع في دماغها.. واما جسمها تعرض لرضوض بسيطه.. طلعت ام ليلى ما تعرف تصيح من الفضيحه ولا اتصيح من الحزن.. يوم طلعت كلثم من غرفه الممرضات بعد ما قامت شافت ام ليلى اتصيح.. فخمنت انها اتكون هيه..
كلثم والدموع في عيونها: انتي ام ليلى..
ام ليلى: هيه..
كلثم جربت منها وتمسح على راسها واتصيح وياها: اوعدج من يتشافى ولدي بخطبها له.. انا مابا شي خلاص.. بس يقوم ولدي بالسلامه واسوي له كل الي يباه
ام ليلى: حرااام عليج؟؟.. بنتي ليش رفضتيها من البدايه.. جان ما صار الي صار ولا انفضحت.. انا عندي بنت.. وانتي ولد.. يعني ماراح يأثر عليكم كثر ما بيأثر علينا.. كافي مسوده الويه بنت اختي... اتيي بنتي اتكمل.. والله ارحمووني بموووت.. حرام عليكم..
كلثم: ام ليلى.. هدي عمرج.. ان شاء الله ما بيصير شي.. بنقول للناس الغرب انهم مخطوبين.. عشان محد يرمس على بنتج..
ام ليلى: وبنتيييييي.. بنتي منو يعوضني عليها..
كلثم: ان شاء الله بتقوم بالسلامه هي و ولدي علي..
ام ليلى: انا الغلطانه.. كيف اظهر من البيت واخلي بنتي روحها في البيت..
كلثم: ماعليه.. احين ادعي ربج يقومون بالسلامه
ام ليلى: ربي يطمنج على وليدج..
كلثم: امين..
..
طبعا كل العايله عرفوا بالموضوع.. والحزن خيم على جو بيت العم خليفه.. والعم سلطان(بوخالد).. والعمه هنادي.. والعيال.. وخصوصا اليده الي تعبت حالتها اكثر وحده بحكم كبر سنها.. بس كانت تحت مراقبه الطبيب عشان ما تتدهور حالتها.. الحزن الي مثل هالنوع كان بعيد عنهم شوي من فتره طويله.. عشان جيه الصدمه كانت كبيره.. ونوره حزنت اكثر وحده عليه.. لأنها كانت قريبه منه وايد.. كان مثل اخوها العود.. نوره كانت تشتغل صيفي في مستشفى راشد ومن يوم ماصارت السالفه كل فرصه لها تروح عنده الغرفه.. وتروح اتزور ليلى الي كانت اتعرفها عن طريق علي الي عرفها عليها..
اليده: الله يهداج يا كلثم.. يوم الولد يباها انتي ليش جيه معنده.. انتي الي عليج تنصحينه يوم ما يسمع الرمسه خليه يذوق المر اذا كان في مر.. بس انا ماشوف عوق في ام ليلى ولا في ابوها.. العوق في بنت اختهم.. هي شو ذنبها..
كلثم: امي.. خلاص دخيلج الي فيني كافيني.. لا تلوميني زود.. كل همي علي ينش من غيبوبته.. صار له اسبوع على هالحاله..
اليده: دوم عقلكم صغير.. احين لو علي رمس وقال لي.. جان انا بسوي كل شي من غير لا اشاورج حتى.. سعاده ولدي فوق كل شي..
بوخالد: انتو خلاص ماشي فايده من الرمسه احين.. صار الي صار.. ادعوا بس الولد ينش بالسلامه عقب ارمسوا..
دش عندهم غانم ركض.. والدموع في عيونه مب عارف كيف يقول لهم.. كيف يوضح لهم الموضوع.. فطوم من شافه ملامح غانم عرفت الموضوع وتمت اتصيح ونفس الشي الباقي. بس اليده وكلثم مب قادرين يستوعبون الي يصير حولهم..
كلثم وهي تمسك ثوب غانم واتيره : قولي.. شوفيه علي؟؟
اليده: انطق.. عن امرغك بالعصا..
غانم: شو انطق.. شو اقوووول.. امرغيني يدوو.. ودي اني انش من الحلم الي انا فيه.. دخليج ضربيني..
خوله: عموو.. هدي عمرج.. انتي قعدي.. وبيفهمج كل شي..
غانم وهو يحضن اخته خوله: خوله.. علي مااااات.. علي سلم روحه لربه..
كلثم: شوووووو..لا ما اصدق.. انتوا تجذبون علي.. بروح عنده..
توها بتركض تطلع من الغرفه مسكها سليمان وتم يهديها بس هي كانت في حاله هستيريه محد يقدر يوقفها فيه.. الكل حاوط العمه ويهدون العمه واليده الخوف كله منصب عليها من حالتها الصحيه عن يصيبها شي من ورى هالخبر..
نوره ما قدرت تتحمل.. ظهرت عنهم وراحت في الكوريدور(الممر).. قعدت وتمت اتصيح.. ومر واحد شاف نوره بروحها اتصيح.. تم يدقق النظر فيها عرفها .. هي.. والله هي.. اااه يا قلبي.. لا ماباها اتصيح.. مابا اشوف دموعها.. كيف ياربي.. معقوله.. ما اقدر ما اقدر اتحمل.. لازم اجرب منها..
مبارك: حمداااان.. شوف يدامك؟؟
حمدان: شو..
مبارك: شوف البنت الي اتصيح..
حمدان: اتلاقيها بطنها يعورها ولا شي اتصيح..
مبارك: انت متفيج الصراحه.. شوف ويها ما عرفتها..
حمدان: لحظه خل ادقق... بللللل.. الينيه..كل مكان نشوفها.. في العين وماليزيا وهني في دبي.. باقي 6 امارات ما شفناها فيهم
مبارك: صدق متفيج.. بروح عندها..
حمدان: ايه عن المشاكل اذا هلها عندها
مبارك: ما يهمني حد.. بروح اشوف شو فيها..
جرب مبارك منها.. وزقرها من رفعت راسها وشافته انحبست دموعها وتمت تتطالعه .. مستغربه.. كيف اتشوفه هني.. هالويه مب غريب علي.. معقوله صدق الي اشوفه.. هذا مبارك..
مبارك: اشحالج الشيخه؟؟ ماشر ان شاء الله .. اشفيج؟
نوره: مااااااااااااااااااااااااات.. علي ماااااااااات
مبارك يوم سمع كلمه مات ما عرف شو ينطق .. وشو يقول.. حس ان الكلام ضاع بحلقه.. حاس بموقف موت شخص عزيز كيف صعب.. خصوصا انه جرب هالموقف يوم كان في عمرها في وفاة ابوه..
مبارك: من الي مات؟؟
نوره: اخوي.. حبيبي.. علي.. ماااات راح ودرني روحي.. خاين..
حمدان حاس عمره اهبل مب عارف يتصرف.. ولا شو يقول.. ولا شو يسوي.. طلعت فطوم من الغرفه عشان اتدور على نوره الي من ظهرت ما شافوها.. فشافت نوره قاعده واثنين واقفين جدامها ما شافت ويهم .. شافت ظهرهم ما اهتمت حطت في بالها انهم خالد وفيصل.. ما كانت منتبهه عدل من الحزن الي فيها.. راحت صوب نوره ولا حتى اطالعت ويوهم .. ومسكت راسها تمت تمسح دموعها واتهون عليها..
فطوم: نواري حبيبتي.. هدي عمرج.. كلنا زعلانين.. فراقه مب شي سهل علينا.. بس هاي كتبت ربج.. شو بتسوين... بيينا يوم ونحن بعد بنموت.. انتي نشي... وخذي لج مصحف خل نقرا على روحه لعل الله يغفر له على الموته الي مات عليها.. ويرحمه برحمته.. فيصل ييب لها كوب ماي.. عشان اتهدي عمرها..
ما تدري ان الي وراها مب فيصل ولا خالد.. ومبارك وحمدان يطالعون الموقف وجامدين مكانهم نسوا انهم يايين يزورون واحد من ربعهم.. تموا ابهتين.. ضايعين مب عارفين كيف يتصرفون.. مبارك من سمع طاري الماي.. راح وياب كوب الماي وعطاه لفطوم
مبارك: هاج.. اتفضلي..
فطوم حست ان نبره الصوت غير.. هالحس مو حس فيصل ولا خالد.. صدت عشان اتشوف ويهم وهي ماسكه كوب الماي من المفاجأة طاح من ايدها كوب الماي وانصب على الأرض..
فطوم: انتوا هني؟؟
حمدان: عظم الله اجركم..
فطوم: اجرنا واجرك.. بس انتوا كيف ييتوا هني..
مبارك: ماشي يايين انزور واحد من ربعنا شفناها اتصيح.. ونحن انعرفها من قبل .. ما قدرت اني ما اجرب من عندها
فطوم: مشكورين..
مبارك: منو الي متوفي اخوها..
فطوم ناسيه عمرها وانها كيف قاعده اتسولف وياهم لأن كل همها نوره وحالتها الي مب طايعه تسكت من الصياح..:لا ولد خالتها.. وهو ولد عمتي في نفس الوقت.. هي وايد كانت وياه.. كان مثل اخوها واتحبه شرات اخوها عشان جيه هي زعلانه عليه
مبارك: هيه الله يرحمه..
فطوم: نشي نواار.. امج اتحاتيج.. خل انروح عندهم..
مبارك: عظم الله اجرج نوره..
نوره تمت تتطالعه وعيونها كلها دموع.. مب عارفه شو اتقول حاسه عمرها ضايعه..
مبارك..دخليج مابا ااشوف هالنظره في عيونج.. والله أني فعلا تأكدت اني احبج.. دخيلج.. لا تذبحيني.. والله ما اقدر..
راحت فطوم ويا نوره وتوهم بيدخلون الغرفه كان غانم طالع من الغرفه يدور عليهم..
غانم: وينكم.. الكل يحاتي..
فطوم: شو اسوي.. كنت اهديها.. فاعده لنا في الممر..
غانم: نوره.. هدي عمرج.. ترا علي ما بيكون مرتاح جيه.. فكري فيه.. ادعي له..
نوره: بس ها علي.. تعرفون يعني شو علي..
غانم: اعرف.. واكثر منج اعرف.. علي من انولد كان يحطونه على ريلي.. كبرنا سوا.. كل ايامنا سوى.. ماكنت اطلع الا وياه.. ولا هو يطلع الا وياي.. بس هالمره طلع من غير لا اعرف ومن غيري اول مره يسويها
نوره: كله من خالو كلثم.. ليش ما تخطب له البنت الي يباها حرام بنت زينه. وفي عمرها احين مفروره على سرير ما ينعرف حالها..
حمدان ومبارك من شافوا غانم عرفوه لأنهم تلاقوا معاه في ماليزيا.. وقضوا وياه شوي من طلعاتهم .. مبارك ما قدر يتمالك رغبته في إنه يجرب من غانم ويعرف الموضوع.. وانه يكون جريب منهم
مبارك: حمدان انت روح عند حامد.. وانا بسير عند غانم.. بسأله عن السالفه
حمدان: عن اللقافه وتعال.. ربيعنا يتريانا
مبارك: قلت لك روح..
حمدان: اف منك عنيد.. يلا اشوفك.. عاد مو ما تزور الريال عيب.ز
مبارك: ماعليه بخاويكم عقب انا..
وراح مبارك صوب غانم الي كان منزل راسه وحاط ايده على ويهه مب عارف شو يسوي ضايع وتايه ..
مبارك: السلام عليك غانم.. اشحالك؟؟
غانم رفع راسه تم يطالع في مبارك لين ما تذكره: وعليك السلام.. مممبارك صح..
مبارك: هي نعم مبارك.. شحالك.. عسى ما شر.. اشوفك متضايج؟؟
غانم: شو حالي.. حالي مب حال يا مبارك.. ولد عمتي متوفي في حادث.. والعايله كلها منجلبه كيانها فووووق تحت..
مبارك: لا حول ولا قوه الا بالله.. عظم الله اجركم..
غانم: اجرنا واجرك.. والله ضايع يا ريال مب عارف شو اسوي.. احس عمري مخنوق.. بنت عمي من صوب.. وبنت عمتي من صوب.. ويدتي المسكينه.. وعمتي الي ما يعلم بحالها غير الله.. غير البنت الي كان وياه الله يشافيها.. والله دايخ راسنا
مبارك: تعين من الله خير.. كل هذا ابتلاء واختبار من ربك..
غانم: والنعم بالله.. وانت شو يايبك هني؟
مبارك: والله ماشي.. واحد من الربع مسوي حادث .. ياي اسلم عليه
غانم: يا كثر الحوادث هالأيام.. الله يعين بس..
فطوم طلعت من الغرفه وتصرخ تنادي على غانم.. : غاااااااااااااانم.. تعال بسرعه
غانم: شوووو..
نسى ان مبارك واقف عنده ودره وسار.. ومبارك من شاف عبدالله اخوه العود راح سلم عليه وعزاه.. وطلب منه رقم تليفون غانم لأنه ما لحق يطلبه من غانم وعبدالله عطاه الرقم وسار غرفه ربيعه حامد..
..
نوال...قاعده واتكمل تخطيطاتها ويا احمد عشان تخرب حياة فطوم..
نوال: شوف انت اتحيد ان فطوم خسست فيك جدام الكل وفشلتك جدام ربعك يوم هزبتك انت كيف بتفوتها لها هالشي..
احمد: اصلا انا ما نسيت هالشي عشان افوته
نوال: خلاص ترا احين فرصتك تنتقم وانا بطلع حرتي في هالخقاقه
احمد: بس انا فعلا حبيتها ما قدرت هالحب..
نوال: خلها اتولي.. هاي ما تتطالع الي مثلي ومثلك.. كل الي تباه واحد غني وعنده بيزات هذا همها الأول والأخير..
احمد: ليش انا مالي رب.. ما احب. مالي قلب!!!!
نوال: وانا ادري.. نحن الفقارى ما عندنا شي غير اعمارنا,.. المهم بتنفذ الخطه ولا شو؟؟
احمد: هيه.. اكيد
(ملاحظه احداث هالموقف حقيقه فعلا وصارت لوحده من رباعتي بعد..)
نوال: هاك.. هاي صورتها الي تصورت فيها وياها يوم عرس اخت نجووول ربيعتي.. المهم انت عاد اتصرف.. زينه الصوره
احمد: لو كان عندج غيرها كان احسن.. بس يلا تنفع ما بلاها شي.. المهم متى تبيني اجهز الصوره..
نوال: بأسرع وقت ممكن.. واحين يلا وصلني المستشفى ابا اكون في قرب الحزينه المسكينه.. هههههههههه
احمد: ههههه.. كسرت خاطري... وحليلها..
نوال: ههههههه.. ما تعرف شو ينطرها هالمغروره..
احمد: جاك الموت يا تارك الصلاة.. ههههه
نوال: بس خلاص قطعت البنت.. خل الباقي حق عقب..
احمد: والي ياي العن يا نوال..
نوال: يلا بنزل.. المهم انا بنفذ الخطه من صوبي وانت نفذ من صوبك..
احمد: اوكي.. بس بتنزلين جيه من عندي حاف.. من غير شي..
نوال: اففففف منك.. ماتنسى
احمد: لا ما انسى

 

[meen_ana]

الجـــ 29 ـــزء
نزلت نوال من السياره ودخلت المستشفى.. واتظاهرا انها اتصيح .. دموع التماسيح يعني.. ومن شافت فطوم واقفه في الممر.. ربعت صوبها وحضنتها..
نوال: فديتج والله.. ما تستاهلون الي صابكم.. عظم الله اجركم..
فطوم: اجرنا واجرج.. انتي شقايل عرفتي...
نوال: اتصلت بيتكم ردت علي ريم وخبرتني الخبر الحزين.. وقلت لازم اوقف يم ربيعتي ما يصير..
فطوم: فديتج.. ادري بج هالشي مب غريب عليج..
نوال: وين نواري.. خل اعزيها فديتها..
فطوم: هذي يايه صوبنا.. نواري.. تعالي عندنا.. نوال يايه
نوره مستغربه.. هاي شو يايبنها هني يكفيني الي فيني.. وهاي اتيي هني واجابل رقعه ويهها والله بنفجر وبطلع كل الي فيني فيها.. ما احبها ما اطيقها والله .. بس هي مب يايه مني والدرب.. اكيد ورى هالييه شي وانا لازم اعرفه.. هاي حقوده وحسوده.. ما من وراها غير المشاكل.. وغريبه اول مره اتسويها واتحاتينا.. هاي حزه الفرح والعرس ما يتنا احين على حزة العزا تذكرت توقف ويانا.. انا شاكه فيها..
فطوم: شو بلاج تتطالعينها جيه بسم الله.. سلمي انزين
نوال: وحليلها مصدومه.. (ومسكت نوره وحضنتها الي تمت جامده على حالها وما بادلتها الأحضان).. جسمج حااار.. حرارتج مرتفعه لازم اتردين البيت ترتاحين مب زين عليج
فطوم: صدقها انتي من الصبح تشتغلين هني .. واحين هالصياح هلكنا وما كليتي شي
نوره: ما اشتهي أي شي..
نوال: ما يصييير افا ..
نوره: والله مابا شي اكله.. مب يوعانه
فطوم: عشان خاطري نواري.. لقمه وحده بس..
نوره: بس..
فطوم: لا بس ولا شي.. تعالي انسير الكافتريا نطلب لنا عصير ولا شي.. وانت بعد نوال تعالي..
نوال: لا انا ييت اطمن عليج.. بس بغيت تليفون عشان اتصل في هلي ايوني..
فطوم: هيه.. ان شاااء الله.. خلوود.. خلووود.. عطيني تليفونج شوي.. ربيعتي تبا تتصل حق اهلها..
نوال: مشكووووره ما قصرتي.. المهم انتوا روحوا اتريقوا وانا بتصل وبروح
نوره: يلا فطوم يوعانه..
فطوم تمت تتطالع نوره باستغراب.. بس نوره ما عطتها مجال ترمس سحبتها بسرعه وساروا على طرف تمت تتطالع نوال.. :فطوم.. انا هالبنت مب مرتاحه لتصرفاتها شاكه فيها..
فطوم: ليش.. حرام عليج البنت ما سوت شي.. انتي متى بتودرين عنج هالظن..
نوره: يوم اتأكد ان مافي في نيتها شي.. بس كل الدلائل ضدها
فطوم: اوووووه.. كلامج عوار راس.. انا بسير اطلب.. اترياج..
نوره: روحي.. وبيي يوم بيثبت كلامي..
نوره تمت اتراقب حركات نوال.. الي كانت تحاول تختلس الأنظار واتدور على شي في التليفون.. مثل ما لاحظت وفسرت نوره انها اتدور على رقم تليفون.. وفعلا ثبت هالشي لأنه بعد ثواني طلعت من شنطتها تليفون.. وهذا الي زاد من تعجبها هي عندها تليفون ليش تطلب من خلود.. وتنقل رقم من على تليفون خلود..
بس رقم منو.. ؟؟ .. شو تبا في رقم خالد.. لا لا لا ما ظني.. اموت واعرف رقم منو شاله.. انا يوم حسيت انها ناويه على شي.. ما خاب احساسي.. اخ.. بس لو اعرف رقم منو.. للأسف ردت التليفون.. بس انا وراج يا نوالووو.. والله ما بخلي فيج عظم صاحي لو انج جربتي ولا حاولتي انج تسوين مشاكل لنا..
وراحت نوره صوب الكافتريا الي كانت تترياها فطوم فيها.. وقعدت تكلم فطوم عادي وما قالت لها عن الشي الي شافته.. لأنه فطوم على طول بدافع عنها.. وقرروا انهم يزورون ليلى ويسألون عن حالها.. يوم راحوا صوب الغرفه الي فيها.. شافوا بنت خالتها واقفه عند الباب..
نوره: هههه.. طاعيها جنها ناطور..
فطوم: عيب عليج بتسمعج..
نوره: خل اتولي.. مسوده الويه بسبتها انحرم علي من سعادته
فطوم: يلتقي وياها في الجنه ان شاء الله
نوره: امين..
توهم بيدخلون جان تسحبهم بنت خاله ليلى: وين وين سايرين.؟؟ شو تتحرون اعماركم في سوق..
نوره: لو سمحتي احترمي نفسج.. ونحن هب هوش عشان تسحبينا جيه.. يلا خوزي.. مسوده الويه
بنت الخاله: لا والله.. مسوده ويه محد غيرج داشه على غرف الناس وتتفلسفين يلا برع.. امثالج مالهم مكان هني..
فطوم: طاعوا ههاي انتوا.. يايه تتفلسف علينا.. شو تتحرين عمرج مشهوره خلاص بترومين علينا.. يلا مناك..
دزوها ودخلوا الغرفه.. ويوم شافوا منظر ليلى تذكروا علي المرحوم.. وتموا يصيحون زود.. وام ليلي اتعرف نوره.. تمت تحضنها واتعزيها .. وتهون عليها..
فطوم: شو حالتها احين عموو؟
ام ليلى: على حالها يا بنتي.. بعدها في غيبوبه من اسبوع..
وفجأة سمعوا دقت الباب.. فتحوه كانت مريم يايه اتزور ليلى.. : السلام عليكم
الكل: وعليكم السلام..
ام ليلى: من الشيخه؟؟
مريم: انا اختها (اشرت على فطوم).. وبنت خال المرحوم..
ام ليلى: يا هلا بكم والله
مريم: ما تشوف شر.. شو حالها احين
ام ليلى: والله شو اقول لج يا بنتي.. حالتي مب حاله.. كل يومي مجابلتها.. بنتي حشاشه يوفي..
مريم: الله يبلغكم سلامتها يارب..
ام ليلى: الله يسلمج..
مريم: شو قالوا الدكاتره عن حالتها؟؟
ام ليلى: شو بيقولون.. كل الي قالوه انها متعرضه لصدمه وهالشي الي خلاها في الغيبوبه.. والأعمار بيد الله..
مريم:لا والله.. وما سوا اشعه ولا شي؟؟
ام ليلى: طلبت منهم قالو مافي شي..
مريم: شقايل ماشي.. شوفوا راسها كيف وارم,.. اكيد في دم متجلط؟؟
ام ليلى: بسم الله عليها.. ويدي وشو ها؟؟
مريم: مادري بس برايي لو اتودونها مستشفى خاص ابرك.. ولا حتى مستشفى خليفه بوظبي خدماتهم زينه..
ام ليلى: طلبت منهم بس ما طاعوا..
مريم: مب كيفهم.. يوم هني محد مهتم في حالتها لازم تنقلونها.. لا تحاتين برمس اخوي وهو عنده معارف بيدبر الموضوع
ام ليلى: يزاج الله الف خير.. وربي يخليج بصحتج وعافيتج
مريم: تسلمين لي والله.. مابا غير دعائج ها لا تحرمينا منه.. السموحه منج بروح اشوف اخوي..
وطلعت مرم وياها نوره وفطوم.. وفعلا مريوم رمست خالد اخوها.. وما قصر كلم ربيعه الي دبر لهم هليكوبتر يوصلهم لبوظبي لظروف حالتها الي ما تسمح بركوب السياره.. ودوها مستشفى خليفه في بوظبي.. اول ما وصل المستشفى بعد الفحوصات اثبت انه هناك فعلا دم متجلط في الدماغ فتحتاج عمليه عشان ينشال هالدم لأنه بيكون له تأثير سلبي عليها اذا تم.. ونجحت العمليه وطلعوا الدم.. ولكنها كانت باقيه على غيبوبتها..
ومرت الأيام .. ومرت على عمليه نوال مده اسبوعين.. وبدت شوي شوي.. تفتح عيونها لكنها غير مدركه للي حواليها ابدا.. شبه فاقده الذاكره.. اعصابها غير طبيعيه.. مشتته.. الضغط النفسي الكبير مأثر عليها.. وغير جيه في شلل بسيط في الجزء الأيسر من جسمها ما تقدر اتحركه بسهوله.. ما تقدر تمشي بالأساس..
(ملاحظه بس عشان اتعرفون نهايه حاله ليلى .. البنت الحقيقه الي صار لها هالحادث.. هي الآن ردت طبيعيه نوعا ما.. وقدرتها على المشي قامت تزداد مع استمرار العلاج الطبيعي وياها.. ولكن ذاكرتها ضعيفه نوعا ما .. ما تذكر شي حدث لها من شهور قليله.. كل الي في بالها اشياء تتعلق بطفولتها وايام الصغر.. ولليوم ما تعرف انها تعرضت لحادث سياره وانه الولد مات.. عشان ما تنصدم.. وكل الي اتعرفه وقايلين لها انها طايحه من فوق سطح بيتهم.. )
..
نوال: ها احمد .. اشوف الصوره..
احمد: لا والله .. شو اتشوفين يلا مناك..
نوال: احمد عاد.. ليش انت جيه..
احمد: اعصابج اعصابج. هاج شوفي..
نوال: هاااااااااااااااااا.. شغل بيرفكت الصراحه اهنيك احمد على هالشغل المرتب.. انت بارع في الكمبيوتر..وخصوصا الصور..
احمد: هههههه.. عيل.. عشان اتعرفين اني مب شوي.ز
نوال: مب انا الي بس لازم اعرف.. صاحبه الصوره البريئه المسكينه.. هههههه لازم اتعرف..
احمد: وحليلها؟... كسرت خاطري..
نوال: احين بنشوف منو الي بياخذها.. منو هالريال الي بياخذها..
احمد: لا تتطالعيني .. مستحيل اخذها..
نوال: اصلا انا ما بخليك تاخذها..
احمد: فديتج اتغارين..
نوال: شو.. اغار من من؟؟ من فطيم.. خسي..
احمد: ههههه.. امبين.. انزين.. متى بتنفذين؟؟
نوال: الحين بتصل جدامك في غانم..
احمد: يالهبله.. من أي رقم بتتصلين لا يكون من رقمج بس؟؟
نوال: شو من رقمي ينيت.. لا حبيبي.. بتصل من رقم دريولنا.. والرقم بإسمه..
احمد: ودريولكم وين؟؟
نوال: مسافر يعني بعد ما اخلص مهمتي راح ينام التليفون في حاله الإغلاق الى اشعار اخر..
احمد: ههههههه.. ذكيه طالعه علي..
نوال: احنا اذكيا بمخنا.. مب بفلوسنا مثل هالأشكال..
احمد: صدقج.. اشكال فطوم وغيرهم.. كل حياتهم سهله الشهاده مع الدرجه الي يبونها جدامهم..
نوال: اااااخ يا القهر ..
احمد: اتصلي ولا تضيعين الوقت..
نوال : اوكي..
...
في بيت العم خليفه كان الكل قاعد ويا بعض.. ما عدى نوره وفطوم وغانم قاعدين على جهة روحهم.. مفتقدين لوجود العنصر الرابع.. علي.. وفي هالأثناء رن تليفون غانم..
غانم: اوه رقم غريب اول مره اشوفه..
نوره: وين اشوف اشوف..
غانم: شو اتشوفين .. صدق هبله.. خل ارد.. الووو
نوال: الوو..
غانم: منوو
نوال: اسمعني ولا تتكلم لين ما اخلص كلامي.. اذا قاعد وحد حذالك نصيحه نش.. وروح بعيد عنهم.. لأن عندي كلام ضروري بقوله لك يخص شخص قريب منك وايد..
غانم: عن شو تتكلمين..
نش غانم من مكانه.. وفطوم ما انتبهت له ونشت سارت عند الحريم.. لكن نوره ما هدا لها بال.. تم قلبها ينغزها خصوصا من بعد كلام غانم الي قاله اخر شي.. حس انه الي متصل شخص يبا يسوي شي.. لأن ملامح غانم كانت متغيره توحي بشي صاير.. تمت قاعده تتطالع صوب غانم.. واتحاااااول انها اتلقط أي كلمه من كلامه بس ما قدرت..
نوال: المهم.. طرش لي بمسج عنوان ايميلك.. وراح توصل لك مفاجأة انتي غافل عنها من زماااااان
مسكين على نياتك يا غانم... ههههههههه
وبندت الخط بويهه قبل لا ينطق غانم.. الي تمت الدنيا تدور في راسه.. عن منو يرمسون.. شو تقول هالبنت.. ومن هالشخص الي بنصدم منه.. ومن الي قريب مني..فطوم.. لا لا لا لا .. معقوله في شي يخصها.. بس هاي منو.. ومن وين يابت رقمي.. وشو تبا.. برد اتصل..
رد اتصل بس ما ردت عليه كانت اتبند في ويهه.. زاد اكتئابه.. جان يطرش لها عنوان الإميل الخاص فيه.. ورد اتصل شاف التليفون مغلق..
نوره: غانم.. شوفيك.؟؟ منو الي متصل..
غانم: ها.. لا ماشي.. واحد من الربع يلعوزني..
نوره: يلعوزك وويهك متغير بهالطريقه؟؟
غانم: ماشي.. المهم انا طالع مواعد ربيعي.. يلا مع السلامه

 

[meen_ana]

الفصل الثاني من الجزء29

طلع غانم من البيت والأفكار تشرق وتغرب في باله.. يا ترى شو الموضوع.. وعن من.. ؟؟ قرر يروح الكوفي نت عشان يشوف الإيميل.. يوم وصل شاف مجموعه من ربعه قاعدين..
محمد: يا هلا والله بغانم.. اقرب اقرب..
غانم رد عليهم السلام وهو منزل راسه والهم الي مثجل على ظهره..
محمد: خير يا اخوي.. اشفيك؟؟ شو صاير عسى ما شر؟؟
عبدالله: افا يا غانم.. ما عاش من يكدرك واحنا حواليك..
غانم: شو اقول لكم.. مافي شي.. المهم انا ساير اقعد على النت
محمد: افا والله.. ما هقيت القعده على النت اهم مناا؟
غانم: افا عليك بو جاسم لا تقول هالرمسه.. بس بجيك على ايميلي اتريا شي لأني وبرد..
محمد: خلاص دام انه جيه عيل بسرعه لأنا نبا نلعب هاند.. ونباك ويانا فيه..
غانم: خلاص.. دقايق..
راح غانم صوب الكمبيوترات وقعد على وحده فيهن وفتح الإيميل.. وشاف انه في ايميل يديد واصل له.. تم قلبه ينغزه.. وخايف انه يفتحه.. حاس انه الموضوع بيكون كبير عليه.. تم يطالع عنوان الرساله(مفاجأة ساره).. وهو ما بين انه يفتح الإيميل ولا ما يفتحه.. بس في النهايه قرر انه يفتح الإيميل ويتوكل على الله ويشوف الي فيه..
وتمت تفتح الصفحه عنده ببطء ولاحظ انه فيه بدايه صوره.. تم ينتظر انها تفتح عنده.. بس فاجئه ربيعه محمد وراه فنزل الصفحه عشان ما يشوف الصوره..
محمد: هاااااااا.. شو هالصوره.. اثريها هاي سوالفك يا غانم؟
غانم: ههههه.. أي سوالف أي خرابيط.. لا والله فاهمني غلط..
محمد: لا غلط ولا صح.. يلا راوني عشان اصدق..
غانم: شو اراويك؟؟ خوز مناك
محمد: مب متحرك من مكاني.. اذا تعزني شروات اخوك راوني.. عشان اصدق.. انت اتعرف انا ماداني انك تتعلم على سوالف الشباب هاي.. غانم انا ما عندي اخوان في هالدنيا ربي ما رزق امي بعيال من عقبي.. فانت اخوي.. راوني..
غانم: انت ماروم عليك.. ها شوف..
من رفع الصفحه فج عيونه مب مصدق الي يشوفه.. فعلا الصدمه كانت قويه عليه.. شاف صوره فطووم وحذالها واحد.. حاط ايده على جتفها..
غانم: شووووووووووووووووووو؟؟ ما اصدق..
وبند الصفحه ونش من مكانه وتوه بيظهر مسكه ربيعه محمد.. : وين ساير.. ممكن اعرف؟
غانم: ساير اجتلها.. ساير ادفنها..
محمد: منو هي.. اتعرف هالبنت..
غانم: وليتني ما اعرفها.. اااااااااااه يالقهر وانا شو الي قاصرني.. بذمتك قول لي.. خيف لهالدرجه؟؟ اخلاقي شو بلاها.؟؟ سمعتي.؟؟ شو تباني اسوي لها اكثر من جيه
محمد: ممكن اتي وياي الموتر واتفهمني الموضوع.. ؟
غانم: شو افهمك سواد ويهي..
محمد: ماعاش من يسود بيوهك.. ادوسه والله
غانم: شو اقول لك.. اقول لك ان الي في الصوره وحده من هلي.. وحده احبها..
محمد: ممكن اتهدي لي هالنار الي طالعه من عيونك.. هدي شوي.. وخبرني.. منو الي مطرشنها لك؟
غانم: وحده اتصلت فيني وقالت لي عندي لك مفاجأه.. وخذت ايميلي..
محمد: وانزين.. سألتها هي من؟
غانم: ما طاعت اتقول شي.. ؟
محمد: عندك رقمها .. اتصل فيها.. اعرف منها مصدر الصوره؟؟
غانم اتصل: .. مغلق..
محمد: هات اشوف الرقم..
غانم: هاك شوف..
محمد خذا تليفون غانم وسجل عنده الرقم.. : شوف انا بسأل وبشوف منو راعي التليفون.. وبعدين السالفه مب شوي.. لازم الكل يتدخل فيها.. وانت لا تحكم على البنت.. انت اتعرفها؟؟ هي راعيه هالسوالف .. السموحه على هالكلمه بس اقصد يعني شفت منها شي من قبل
غانم: لا والله..بالعكس.. ما تظهر من البيت من غير شوري..
محمد: وانت اسمح لي اقول عنك غبي.. كيف بتحكم على البنت من مجرد صوره.. اتريا اشوي اسأل تأكد شوف منو راعي الصوره .. اتعرفه ما تعرفه.. ووين اتصورت هالصوره.. عقب احكم..
غانم: بس كيف.. انا اذا واجهتها .. مادري شو بيصير فيني ست وستين يني بيركب راسي..
محمد: اسأل أي احد هي دوم وياه.. وواثق فيه..
غانم: كان عندي بس احين راح.. توفى الله يرحمه احين صدق مفتقدنه
محمد: يعني موووووول ماشي.. اختك مثلا.. اختها.. شي جيه..
غانم: ماشي غير بنت عمتي.. هاي دوم وياها.. وبخليها تعترف بطريقتي الخاصه.. وهي تعرف كل اسرار بنت عمي..
محمد: خلاص .. عشان خاطري لا تتصرف تصرف تندم عليه.. اول شي شوف السالفه.. وعقب اتصرف التصرف الي تباه..
غانم: خلاص ان شاء الله..
وطلع غانم وعلى طول اتصل في البيت .. وسأل عن نوره فعرف انها بعدها في البيت والكل بعد موجود.. من وصل البيت زقر على نوره عشان اتيي غرفه الكمبيوتر..
نوره: خير.. شغلت بالي..
غانم: ماشي.. اول شي زخي هالقرآن الي جدامج واحلفي عليه انج تقولين الصدق وماتقولين غيره
نوره: ههههههه.. شو في المحكمه نحن..
غانم بصوت عالي: نوووووووورووووو.. اتكلم جد..يلا اشوف
نوره خافت اول مره يصرخ عليها على طول شلت القرآن: والله العظيم اني ما بجذب وبقول الصدق..
وفتح غانم الكمبوتر ودخل على ايميله.. : تعالي هني..
نوره: شو السالفه..
غانم: تعالي.. براويج شي .. وقولي لي.. شو ها؟
نوره: اوكي..
واول ما فتحت الصوره نوره اتفاجئت.. : هييييييييه.. بنت اللذين سوت شغلها ..
غانم: منو هاي؟؟ فطوم؟
نوره: لا وين.. فطوم ما يخصها هالصوره اتصورتها فطوم في عرس اخو وحده من رباعتنا الي سرنا له.. كانت لابسه هالفستان ومسويه هالميك آب.. اذكر عدل.. كنت وياها وامي بعد كانت ويانا.. تذكر.. بس ها منو؟؟
غانم: انا ها الي ياي اسألج عنه؟؟ منوو ها؟
نوره: والله اول مره اشوفه ما عرفه..
غانم شل تليفون وكلم ربيعه.. : محمد اخبرك.. بنت عمتي اتقول ان الصوره اتصورتها في عرس.. والي وياها ما نعرفه..
محمد: عيل ماشي.. مثل ما شكيت.. مركبه الصوره..
غانم: انزين.. شو اسوي احين..
محمد: المشكله لو اني اقدر كنت بطلب اتطرش لي الصوره وبكشف اذا مركبه ولا لا.. بس ماروم .. لو انه حد من اخوانها ولا شي يعرف..
غانم: هيه.. ماشي غير اخوها.. ها يعرف سوالف الكمبيوتر..
محمد: خلاص.. وانا احين كلمت واحد من ربعي الي مناوبين في اتصالات يجيكون على راعي الرقم..
غانم: والله ما تقصر..
محمد: افاعليك.. تراها شروات اختي..
غانم: تسلم.. يلا في امان الله..
بند عن محمد.. وطرش نوره تنادي على فيصل.. راحت نوره تحت تنادي على فيصل..
فطوم: شو السالفه..؟؟ امساعه انتي.. واحين فيصل.. ممكن اعرف الموضوع؟؟
نوره: بتعرفين.... وبتذكرين كلامي احين..
فطوم: نواااار..
نوره ما عبرتها وردت طلعت فوق وكان وراها فيصل.. دشوا وكان غانم يرمس في التليفون..
غانم: افا والله .. اتيي دبي وما تتصل.. عاد خلنا انشوفك.. ذاك اليوم ما قعدنا عدل وياك.. تدري الحال عاد..
مبارك: لا افا عليك.. ياينكم جريب.. جريب وايد بعد ويا هلي..
غانم: يا هلا بكم والله البيت بيتكم.. نترياكم..
مبارك: يلا عيل.. بكلمك خلاف..
فيصل: خير مبارك شو السالفه؟؟
غانم: شوف هالصوره..
فيصل انصدم.. ودز كرسي غانم بعيد: شو ها.. نوروووووو
نوره: فيصل. . هدي. خل افهمك.. مب مثل ما تشك.. لا .. والله ان هالصوره اتصورتها فطوم في عرس الزعابي الي رحنا له.. تحيد.. وحتى امي كانت ويانا واتصورنا هالصوره جدام امي.. انا اتذكر هالقعده الي قاعدتها فطوم.. والنجاتيف عندها حتى..
غانم: الصوره جنها تركيب.. تروم اتعرف؟؟
فيصل: هي.. هات الكرسي.. احين بعرف اذا تركيب ولا لا..
ومرت ثلث ساعه وفيصل يتعبث بالكمبيوتر ونوره وغانم واقفين بعيد يتريون.. وكل واحد سرحان.. سمعوا صوت الباب ...
فطوم: فتحوا الباب..
نوره: لا خلها .. ما نباها اتعرف احين..
فيصل: هي صدقها نوروو.. خلها لا تعطونها سالفه.. بتحاتي المسكينه.. بس والله الي مسوي فيها هالشي ما بمررها له
نوره: انا شاكه في شخص.. ومحد غيره بيكون مسوي هالشي..
غانم: بس نحن لازم انعرف شي من فطوم لا تنسون.. هي عطت لمنو هالصوره؟
نوره: محد غير حبيبه قلبها الي يسمونها نوال..
غانم: هيه هاي الي انا مب مرتاح لها.. عرفتها.. كم مره قايل حق فطوم لا ترمسها.. وايد عليها حركااات.. دوم اتحاول تغريني..
نوره: هاي وحده حقوده.. بس فطوم مب طايعه اتغير هالفكره في بالها..
فيصل: اقول نادوا فطوم.. لازم انعرف منها.ز
غانم: وانا اقول جيه..
نادت نوره على فطوم.. ودخلت عندهم الغرفه وهي خايفه.. حاسه انه في شي صاير..
فطوم: شو فيكم..
نوره: اتحيدين فطوم يوم اتصورنا في عرس اخو هندوو؟
فطوم: هيه..
نوره: انتي عطيتي حد صورتج؟؟
فطوم: محد غير نوال خذت الصوره الي انا متصوره فيها وياها..
نوره: ماقلت لكم..
فطوم: شو السالفه..
فيصل: تعالي شوفي شو السالفه؟؟
فطوم جربت من الكمبيوتر ويوم شافت الصوره انصدمت.. : لا مستحييييييييل
وتمت اتصيح وتم فيصل يهدي فيها.. ونوره اتلومها على ثقتها فيها..
فطوم: احين هاي غلطتي اني اعتبرتها ربيعتي ووثقت فيها..
غانم: وانا بعد كم مره قلت لج هالبنت ما تعيبني لا ترابعينيها..
فطوم: بس هاي من الإبتدائيه وياي..
غانم: بس هاي حقوده.. شوفي شو سوت.. وانا متأكد انها هي الي اتصلت فيني..
نوره: شو قلت.. اتصلت؟؟ عيل ماشي غيرها.. لأنها كانت تتعبث في تليفون خوله في المستشفى ذاك اليوم واشوفها نقلت منه رقم..
فطوم مب قادره تستوعب الموقف.. وفي هالأثناء ياه اتصال من نفس الرقم.. على طول حطه على الإسبيكر.. وفيصل يته فكره انه يسجل صوتها بالمايك مال الكمبيوتر..
غانم: الوو
نوال: ها شو.. شفت المفاجأة..
غانم: هيه.. بس انتي من وين يايبه الصوره؟
نوال: انا .. فاعله خير.. ماباك تنخدع.. لأني بإختصار احبك.. وهي ما تحبك.. عشان اتعرف الي يباك من الي ما يباك..
غانم: هي والله اتصدقين احين عرفت زييييين ما زين من الي يباني ومن الي ما يبا.. ابا اشوفج..دخيلج..
نوال: لا شو اتشوفني .. مينونه قالو لك.. المهم روح احين ادبها هاي الي وطت راسك للطين..
غانم: ان شاء الله.. بس اقول.. تراني عرفت كل شي عنج.. وعرفت انتي من.. وعرفت اللعبه.. وعرفت ان الصوره تركيب.. يعني ملعوب عليها.. ويا نوااااااااااااااال ما بتفوت السالفه على خير صدقيني.. بتعرفين احين منو غانم بن خليفه..
نوال: هههههههههه.. منو نوال.. من كثر البنات قمت اتخربط..
غانم: هههههه.. اقول نوال.. ترا فطوم.. ونوره .. واخو فطوم كلهم هني يسمعونج.. وصوتج اتسجل.. ابسط شي انروم انسويه انودي الشرطع تسجيل صوتج وهم يقولون اذا صوتج ولا لا.. واذا ما تبين هالفضيحه اتمنى انج اتقولين من الي لاعب في الصوره..
نوال يوم سمعت هالكلام حست الخوف تملكها.. تمت ساكته مب عارفه شو اتسوي.. وتمت اتصيح ما تعرف شو تسوي.. وكيف تتصرف..
فطوم سحبت التليفون: نوال.. لا تصيحين.. بس قولي لي من الي لعب في الصوره.؟؟ وليش جيه سويتي فيني.. ؟؟ بشو اذيتج انا؟؟
نوال يوم سمعت كلام فطوم زادت بصياحها.. : انا اسفه.. والله اسفه.. سامحوني..
غانم: ماشي سامحوني ما سامحوني.. هاي فيها لعب بسمعه عايله بكبرها .. ما تنفع كلمه سامحوني.. احين جان تبين اتساعدين عمرج شوووووي.. قولي من الي مسوي الصوره..
نوال: احمد.. ؟
فطوم: لا والله.. وانتي بأي حق تعطينه صورتي يالخاينه.. ربي لا يسامحج..
نوال: دخيلكم.. لا تسوون لي مشاكل.. الله يخليكم..
غانم: الدنيا فوضى انسامحج وما نسوي لج مشاكل.. كل واحد بيي يسوي سواتج انقول سامحنا شو الفايده.. ماشي.. هالي صار كله بيوصل هلج.. والتسجيل بيسمعونه عشان يصدقون.. وهم خل يتصرفون وياج..
نوال: لا .. هلي لا.. الله يخليك..
فيصل: اقول.. اول شي قولي لي من هذا الي اسمه احمد نبا رقمه.. نبا أي شي.. واهلج بيعرفون بيعرفون ..
نوال اتصيح وتترجاهم بس ماشي فايده فعطتهم كل المعلومات الي تعرفها عن احمد عشان ما تتورط اكثر من جيه.. وطبعا فيصل على طول سوى نسخه من التسجيل وظهر من الغرفه وكلم خالد لأنه يعرف اخو نوال.. عشان يروحون ويتفاهمون وياه.. ويشتكون على احمد.. وطبعا عشان ما ايي اسم نوال في السالفه عند الشرطه فاتفق ويا ربيعه الي يشتغل هناك حمايه لسمعتها لأنها ياهل ما تعي الي اتسويه..
..
غانم: مادري انا كيف كنت لمجرد لحظه بشك فيج.. سامحيني يا فطوم.. والله احبج.. ومستحيل اشك فيج من اليوم وساير ولو شو ما صار.. اشكر محمد والله ربيعي لولاه جان انتي ميته احين
فطوم: بسم الله علي.. يهون عليك
غانم: لا ما يهون علي.. ولو انج انتي الي ذابحتني بحبج..
نوره: احم احم.. اغار انا هني..
فطوم: هههههههه .. خلج يا ماما تريزا.. ولا اقول.. ابله منشن..
نوره: سخيفه شو تقصدين..
فطوم: الرسمه؟؟ ههههههه
نوره: شلت دفتر وفرته على فطوم: سخيفه تدرين..
غانم: أي رسمه.. لوحه موناليزا.. ههههههههههه
فطوم: وانت الصادق.. نوراليزا..
غانم: هههههههه... حلوه منج..
..
طبعا انتهى الموضوع على خير.. وعدى على وفاة علي 40 يوم.. واتقرر انه يزفون مريم وابراهيم لبعض.. والعنود طبعا عرست قبلهم .. ومطر تعود على امه اليديده عواش.. وتمت خطبه سلامه على ثاني.. لكنها رفضت موضوع الملجه لين ما تخلص اول سميستر لها في الجامعه
..
يوم زواج مريم..

الكل كان مستعد لهاليوم.. الي كان الكل يترياه سواء من اهل ابراهيم ولا من اهل مريم.. الا طبعا ابو مريم الي بعده ما غير موقفه لهاليوم عن ابراهيم.. والله اعلم هل راح يغير ولا لا؟؟

فطوم: اففففف واخيرا.. عرس ديفرنت شوي.. عرس الإخت اول مره بجربه
ريم: مستانسه حضرتج لازم بتكشخين تراج مب انا وحليلي من كرشتي ماروم
خوله: لا تنسين انا وياج..
نوره: والله محد قالكم عرسوا؟
حصه: ولا حد قالكم ترسوا بطونكم قبل عرس مريوم.. حنا الرشيقات.. ولا بعد لا تنسون عواش بعد ويانا..
ريم: اخبرج.. عواش بعد حامل.. بس توه اول شهر,
الكل: والله...
حصه: مبرووووووك
فطوم: وحليلكم عيزتوا..
خوله: لا تستانسين وايد.. ياينج الدور... وين شارده.. عاد اتعرفين غانم موته حياته اليهال.. يبا توم من اول مره...
فطوم: لا والله.. شو شايفني قطوه.. توم مره وحده
نوره: جان ما يقول لج.. 4
فطوم: ويه ويه .. بسم الله علي..
حصه: اقول يالشابات.. مب جنه تأخرنا.. خل ننزل..
خوله: ماعليه انا براويكم.. يوم نحن بنربي.. انتوا بتكونون عيايز..
نوره: لو سمحتي قولي فطوم وحصه بس.. انا بعدني..
ريم: ياينج الدور.. رحتي فوق ولا نزلتي تحت بتعرسين لا محال..
نوره: انزين لا تستعيلون.. شو عرفكم انتوا..