آآآخ يالقهر مو قادره اتحمل اكثر من جذي..... بنتي كل يوم ترد تبجي من المدرسه

[فراشه ورديه]

السلام عليكم



مقهووره وابي افضفض :eh_s(2)::eh_s(2)::eh_s(2):


والله يا بنات ان بنتي كل يوم ترجع من المدرسه تبجي المسكينه ........اتمنى لو يوم واحد بس ترجع ماتبجي فيه


لو يوم بس ........ آآآآآآخ يا ربي ليش يصير معاها جذي



تدرون ليش ترجع تبجي ؟؟؟؟؟؟؟؟؟؟؟؟؟؟



تدون منو السبب في انها تبجي كل يوم ؟؟؟؟؟؟


البنات .....


ايه البنات ...


بنات المدرسه ......... للاسف هم السبب في عذابها وعذابي


مدري العيب من بنتي ولامنهم


اعوذ بالله جنا عايشين بغابه والبقاء للاقوى


بنتي كل يوم ترد مكفوخه من بنات المدرسه يوميا والله يوميا ويمجعون شعرها ويا خذون اكلها


والله يابنات اني مت قهر اليوم تخيلو لما جيت آخذ بنتي من المدرسه كان راح يغمى عليها من الجوع واهي ماترضى

تاكل الصبح يعني معتمده على الكرواسانه اللي تاكلها بالفرصه اهي ريوقها لين ترد البيت

وجت بنت وخذت اكلها .... وبنتي المسكينه ظلت صايمه لين ردت البيت وماكفاها الكرواسان اخذت الككاو والبطاط

يعني ماخلت لها شي

غير جذي تخيلو يجونها بنات كبار بخامس ماتعرفهم ولاتعرف اساميهم ولالها علاقه فيهم ياخذون جنطتها وينحاشون

وتقول انها ظلت تفتر بالمدرسه كلها ادور جنطتها وضاعت عليها الفرصه والحصه والابله وقفتها عقاب لها واخيرا لقت جنطتها محذوفه بصف من الصفوف


غير التكفخ والترفس كل يوم والله العظيم انها ردت لي رجلها لونها اخضر من الرفس يعني اذى جسدي واذى نفسي

والله انها ترد شعرها ممجع قدامي ولما قلت للبنت ليش اطقينها والبنت امها كانت موجوده بالهده قلت لها ليش اتسوين فيها

جذي الام قبت علي اتهاوشني اشفيكم اشفيكم قلت لها شوفي شعر بنتي واحكمي البنت طبعا انكرت قالت انا ماطقيتها


بنتي الاسبوع هذا كله ماداومت الا يوم واحد من الجحيم اللي اتشوفه بالمدرسه وانا بعد ماقدرت اغصبها على المدرسه

ومادري شنو اسوي

رحت انا اول يوم مع بنتي وقعدتها قدام اول وحده وبنفس اليوم ردها ابلة العربي وقعدتها وورا


ولما رحت للاخصائيه الاجتماعيه والناظره قلت لهم عن مشكله بنتي ماتعاونو معاي للاسف وخلوها قاعده ورى

اتقول بنتي والله انها ماتتكلم نهائي والبنات اللي جنبها يسولفون وان الابله كل يوم اتوقفها مع المشاغبات ورا

كل ذنب بنتي انها طويله ويقعدونها ورا مع المشاغبات والكسالى واللي يسولوفن بعد ماكانت بنتي تقعد قدام وكانت متفوقه

الاداره من يشوفون ولية أمر جايه جنهم شايفين شيطان

مافي تعاون نهائي بين اولياء الامور و الاداره


المصيبه ان اشلون اشتكي كل يوم يعني اروح واشتكي عالبنات لو يوم او مره بالسبوع او مره بالشهر

بس كل يوم ...

تخيلو شكلي وانا رازه روحي عند الاداره كل يوم اشتكي

والمصيبه الاكبر ان بنتي ماتعرف البنات اللي يطقونها وموب صفها اصلا ولاتعرف اساميهم

مدري العيب من بنتي عشانها خواافه والكل طمع فيها


مدري شنو اسوي عشان اخليها قويه وادافع عن نفسها

فكرت ادخلها نادي اتعلم كاراتيه .... بس اخاف اضيع وقتها عالفاضي


بنتي خواااااافه حيــــــــــــــــــل يعني بالعربي دجاااااااااااااجه

حتى البنات يعايرونها الدجاجه وكل المدرسه يعرفون هالشي

ليش البشر صارو جذي ليش جنا وحوش عايشين بغابه

ومستقبل بنتي انتهى واكرهت المدرسه والسبب معاملة البنات لها

كل ذنبها انها رقيقه وخوافه وحساسه

كل يوم ادعي لها ......... بس


لاحول ولاقوه الا بالله

الله يخليكم ساعودني قولولي شنو اسوي

شنو الحل

اشلون اوقف حرب الشوارع اللي بمدرسه بنتي

احنا حطينا بناتنا أمانه بالمدرسه...... وللاسف ماصانو الامانه


اذا اهم مو قد المسؤوليه ليش يمنعونا ندخل المدرسه


انا حاولت اكثر من مره ادخل المدرسه مع بنتي بس الابلات واقفين مترصدين لنا

المسموح لي اني ادخل الاداره بس والاداره مو متعاونه نهائي معاي

لو يسمحون لي ادخل عند بنتي بالمدرسه او عالاقل اكون معها بالفرصه

بس هالشي من سابع المستحيلات

ياليت احد يسمع ندائي ويسمح لي ادخل مع بنتي للمدرسه واحميها

البنات من يشوفون البنت بروحها بدون امها يستقوون عليها

لو عالاقل احضر مع بنتي الفرصه بس لان كل الطق والهواش بالفرصه

الحل الوحيد اللي لقيته وريحني وريح بنتي هو الغياب

لما تغيب عن المدرسه اكون مرتاحه واتطمن عليها واثق ان مافي احد بيكفخها ولا احد بيضايقها ولاترجع ميته جووع

واختي قالت لي هالحل اني ادرسها بالبيت واخليها تروح مره بالاسبوع للمدرسه عالاقل تنطق مره بالاسبوع يعني اربع مرات بالشهر على ماتخلص المدرسه


آآآخ ادري اني طولت عليكم بس حبيت افضفض

واللي عندها راي او حل لاتبخل علي فيه تراني بامس الحاجه لحل مشكلتي

 

[أسيرة_أحزاني]

اخ قهرتيني

والله لو انا منج لا اروح واشرششششحهم تشرشح

روحي بالفرصه وقوليلها وين البنات

دشي غصبن عنهم وقولي حق الناظرة لو بنتج ماترضين عليها ودشي غصبن عليهم

بطوووو جبدي والله !!!!!!!!!!!

 

[شووكولاته]

الله يعينج شنوهذول وحوش

ومستقصدينها مسكينه يدرون انها ضعيفه :eh_s(2):

مالومج والله مقهوره

يا انج تنقلينها والأحسن استشيري اخصائيه للاطفال وخليها تعلمج شلون تقوين شخصيتها

 

[AL-BaNDry]

احسن حل تكلمين الاخصائية عن بنتج وتطلبين منها تاكل اكلها عندج

وتقولين لبنتج كل فرصه تروح للاخصائيه
مايخالف ياما انطقينا وانسرق اكلنا ومصروفنا وهذا احنا كبرنا ونسينا
وكل يوم اجي البيت ابجي واهدد اني بغيب وامي تغصبني ثاني يوم اداوم
وتعلمنا نعتمد على نفسنا
حبيبتي انتي عالجتي مشكلة بنتج خطأ ، المفروض ماتغيبينها لأن في انذارات وماراح يكون لصالحكم
علميها كل يوم انها قويه وتقدر تعتمد على نفسها لاتبينين لها انج راح اتدخلين بموضوعها وخليها قويه
واذا صارلها شي تروح للاخصائيه على طول وتشتكي وتهدد البنات انها بتروح الاخصائيه ترى البنات يخافون من شي اسمه اخصائية او ناظره

 

[الفنانه79]

اولا الله يخليلج بنتج

ثانياااا غلط ان انتي ماعلمتي بنتج من البدااايه ان ماتاخذ حقها لان ماتعرفين الاشكال والانواع والبيئات اللي ايوون منها الطلبه

ثالثااا لا حبيبتي مووووحل انج اتقعدينها بالبيت ومااتودينهااا يعني لما اتروح متوسط بعد بتسوين معاها نفس الشي ؟؟؟؟

عيل على البنت السلاااام

لاياقلبي

اول شي مسكي بنتج ونفظييييييييييها وزفيها وعلميها اللي يطقج طقييييييييييييييييييييييه ولاتخافين من احد

ثانيا حبيبتي مافي مجل اتروحين الاداره لا حبيبتي مووووووووووجذي انا مدرسه واعرف

روحي الاداره ولعلعي وزفيييييييييييييييييييهم وقوليلهم ان بنتي فيها وفيها ويبوقووون وين مشرفاااتكم بالفرص مايشوفون اليهال لما يطقون البنت وين مدرساااتكم مايشوفون البنت لما تنطق

وقوليلهم اذا انطقت بنتي مره ثانيه انا باخذ تقرقر طبي ان البنت منطقه وبشتكي عليكم والله انهم راح يخااااااااااااااااافون من الشكوى انتي من صجج اصلا يرتعبوووووون لان هالشي مومنصالحهم ان ولية امر تشتكي بالوزاره ولا يكتبون عنهم بالجرايد

ولية الامر اذا راحت وتكلمت اشوي اشوي مايحطون احسااااااااااااااب حق بنتج بس اذا شافووووج اتلاسنين واتصارخين وخايفه على بنتج يعملووون لج الف احساب

لاحبيبتي لاتنطرين تعاون موووووبكييييييييفهم غصبن علييييييييييييييييييييييهم هذي البنت مسؤوليتهم وطلبي مشرفة الصف الاول وينها ؟؟ نايمه ماتدري عن اليهال

لاتخلينم بنتج تكره الدراسه حراااااااااااام​

 

[MSA]

روحى انتى ودوسى ببطزنهم ودخلى وشوفيهم بنفسك واسئلىى بنتك والعنى خيرهم حلوة يضربون البنت وتسكتين عسى ماشر ولادرسيها بمدرسه خاصه بلاهم شى يعقد تنهبل بنتك على الفاضى جايبتها مجانا انتى ولاامسح واربح الضنا غالى يالغاليه دافعى عنها بكل قوه المؤمن القوى خيرعند الله من المؤمن الضعيف

 

[frfr197]

من صجج مخليه بنتج بروحها والله لا اروح معاها وادش على الإداره ....واقولهم انى ابى اقعد مع بنتى بالفرصه والى فيه خير يكلمنى ......واذا اهم ما يقدرون يحلون مشكله بنتج اوحى امبجر فبل جرس الهده وقولى لبنتج وين البنات الى يهاوشونج وهاوشيهم واخذى حق بنتج بذراعج.....ان يت على الإداره ترى ما راح يسون للبنت اى شى لان انا صارلى نفس موقفج لا وازيدج من الشعر بيت ان بنتى قامت اتأتأ بالمدرسه وما قامت اتشارك مع اى ابله.....واحب اقولج شغله ان بناتنا مو دياى لا بناتنا متربيين وما يحبون يتعدون على احد ولا شرايج؟؟؟؟بس احب اقولج لا تخلين بنتج

 

[فراشه ورديه]

جزاكم الله خير

اشكر كل اللي ردو على الموضوع

قريت كل رد وكل سطر والله كلمة شكرا قليله بحقكم


عطيتوني أمل بعد ماكنت فاقدته

وكنت ولله ناويه اغيب بنتي باجر بس بعد كلامكم بخليها اداوم وبروح للاداره وبشتكي وبروح كل يوم وماني طالعه من المدرسه

الا ويشوفون لي حل

الغياب مو حل لها بالعكس يضرها مادري اشلون فكرت فيه انه اهو الحل

ضيعت عليها هالاسبوع بسبب يئسي

مشكورين كويتيات كلماتكم ساعدتني كثيررر

اسأ ل الله يسهل لكم كل عسير

.....واحب اقولج شغله ان بناتنا مو دياى لا بناتنا متربيين وما يحبون يتعدون على احد ولا شرايج؟؟؟

صاجه ......... صاجه حبيبتي بناتنا متربيات الحمدلله

 

[حجيه هيونه]

حبيبتي

روحي مع ريلج

المدرسات مايخافون من الحريم بس من يجي ريال ينعفسون

روحي معاه وخليه يصارخ عليهم شوي وشوفي شلون بيعزون بنتج

 

[عهود الحب]

الله يعينج

اشتكي عليهم شتسوين ؟ والبنات الي يطقون بنتج انطريهم بالهدة اذا حقها ماتقدر تاخذه بالمدرسة
اوقفي بالهدة واعرفيهم حتى لو كل يوم
الين تمسكينهم وتكلمينهم عالاقل


حاسة فيج

انا بنتي الصغيرة كانت مطقاقة المدرسة كل من فيه حرة فش خلقه فيها

اخر شي الله لايوريج صارت تخرع تطق وترفس وتعض

شتسوي تعلمت تدافع عن روحها

هم انتي حاولي تعلمين بنتج لأنه الدنيا غابة

 

[سارة_kw]

والله نصيحه روحي كلمي الناظرة شنو المدرسة وين قاعدين ارهاااب

الله يكون بعوونج وبعوون بنتج مسكينه

 

[حلم الطفولة]

الله يعينج بمشكلتج ,, حبوبه طلب ماتردّيني فيه !!؟؟ .. اقري الموضوع اللي بتوقيعي كله بالتفصيل... ان شالله راح يفيدج وبنسبه كبيره بعد .

الله المستعان سبحانه .

 

[الغاليه نونو]

وين دورج انتي كأم؟؟؟؟؟؟؟؟

اشلون ترضين بنتج تصير ديايه علي قولتج؟؟؟

مستغربه من كلامج والله انا خابره الياهل لي صار عمره 4 سنوات اهني تعلمينه الصح والغلط والحلال والحرام وتصقلين فيه شخصيته وتعرؤفين شنهي ميوله وين الجوانب الايجابيه فيه وتعززينها والجوانب السلبيه تلغينها من حياته

يعني بنتج اقطعت شووووووووووووط كبير من 4 سنوات والحين مادري جم عمرها بس تقولين انه يطقونها بنات بخامس يعني بنتج بالبتدائيه
شوفي اشلون البنات اللي يطقونها امبلتعين ومايخافون وثقتهم زايده بنفسهم وبنتج خنت حيلي حتي ريوقها يبوقونه منها واهيا ياغافلين لكم الله



نصيحتي لج تروحين وتوقفين هالمهزله عند حدها وقولي حق الناظره والوكيله والاخصائيه والله ان يت بنتي تشتكي عقب اليوم مااااايردني عنكم الا المنطقه التعليميه واشرشحكم بالجرايد

الناظره اللي ماتقدر علي طالبات مدرستها خل تستريح تقعد بالبيت
وانتي سنعي بنتج وعلميها اشلون تواجه المشاكل والمجتمع من الحين ترا ان اكبرت علي هالوضع بتصير مطقاقه للرايح والراد

 

[مليومه]

صج صج اه يالقهر والله ذكرتيني بنفسي يوم كنت صغيره بالابتدائي نفس حالة بنتج
والحين اختي الصغيره بالابتدائي نفس حالة بنتج بالضبط امي اعيزت واهي تروح عند الناظره وتكلم الاخصائيه بس ماكو تفاعل مالت عليهم لمن طقت جبدها وراحت بنفسها بالهده وشرشحت البنات بس هم ماكو فايده لانه امي كانت تنصحهم لانهم بنات صغار لمن قالت حق ابوي جان يروح ابوي ودخل على الناظره وشرشحها و عاد الحريم من يشوفون ريال خلاص يخترعوووون والله لو انا بدال امي جان طقيت هالبنات بالهده ولو بدال ابوي جان تفلت بويه الناظره لوووووول والله قطيعه شهالبنات مالت على اهاليهم الي ماربوهم من يشوفون بنيه مؤدبه يتحرشون فيها لاتعورين قلبج وتكلمي وروحي عند الناظره حتى لو كل يوم خل يعرفونج انج مهتمه بالسالفه علشان يخترعون ويقولون شسالفت هالمره كل يوم يايتلنه اكيد في شي جايد صاير حق بنتها ولاتسكتين كل يوم روحيلهم خل يحفظووونج وكلمي البنات بالهده هاوشيييييهم صرخي عليهم قوليلهم الي يمد ايده على بنتي ياويله صرخي عليهم هذيله وحوش شلون اذا اكبروا قطيعه و عليج بالدعاء تره صج تنرفزت لووووووووول :rgewrg:

 

[النوالنو]

مافيه تعاون صراحه بنتي في اول ابتدائي ويهوشونه بنات الصف ورحت معاها
المدرسه ودخلت معاها واكلتني الاخصائيه اف منكم ياامهات وتلحقني تعالي تعالي بصرخ علي باله اني طالبه عنده مسخره صراحه مافيه تعاون كلش

 

[tmtmt]

اذا انتي مو قادره تحطيلهم حد .. وين ابوها ؟؟ شلون ساكت والله يروح يشرشحهم وحده وحده

بس مستغربه اشمعنه بنتج من بد البنات ؟؟

ونقليها مدرسه ثانيه وبلا هاللويه وعوار الراس

 

[مــلائكيه]

إختي جذي ,,

لاتشوفينها الصبح رععععب وخووف موطبيعي ودموعهاا عشر عشر
قبل أمس راحت غصب للمدرسه وقبل لاتنزل السياره مع اخووي رجعععت من الخووف
عاد ردها البيت ,, وصارلها يومين غاايبه ,,

نسألها ليش أحد يطقج ؟ المدرساات يطقوونج تقوول لاا بس انا ماحبهاا اخاااااف
بنت خالتي وياها بنفس الصف وتقول كل شي يصير ,,
في وحده دبه بالصف متسلطه عليهم كل يوم طايحه فيهم تكفخ ,,
تخيلي وحده من المدرساات ((بنت خالتي تقول)) مجعت شعر إختي لانها موحاله الواجب
والله انقهرت لما سمعت السالفه وقلت حق امي ليش ماتروحين ؟ قالت اختج ماتعلم وتقول محد يطقها
واذا رحت شيسوون يعني ؟ بعدين امي تعباانه ومالها خلق سوالف المدرساات ,, << أرقع حق امي لوول


انا اقترحت على امي من اول السنه لانها تعاني من اولى ابتدائي انها ادرسهاا بالبيت قامت تضحك
لان والله عايشه برعب ,, وكل يووم والثاني غاايبه ,,



عاد تدرين شنو الشي اللي يقهر انها عندنا غيير ,, شخصييتها قويه
وماتقولين هذي هي اللي بلمدرسه مادري شسالفتهاا

يالله طولت علييج ,, بس اذا لقيتي حلل علميني ,,

والله يخليها لج ويوفقهاا إن شاء الله ^^

 

[choclatecho]

غلطااااااااااااااااااااااااااااااااااااااااااااااااااااااااااااااانة

موتيني قهر والله ان عييني دمعت تخيلت بنيت يمه انا بنتي ترجع كل يوم تبجي ليش انشاءالله

ارووح و اقعد مع الناظرة و اقص القصة كلها بدون ماالبنت تكون موجوده و اخلي الناضرة تكلم كل ابلاتها

و اقول لبنيت شوفي ماما اي اح\ يسوييلج اي شيء بس تعالي هني عند الناضرة او الوكيلة او الاخصائية و قوليلهم عن البنت و ربي ادش اشرشحهم

و اذا الناضرة ما تصرفت اوصل للوزارة ورببي باجر بنتج تتعقد عشان بنات صج انهم يهال بس لازم يتادبون

ت\رين خلي الناضرة بالطابور توقف بنتج يمها و تقول من اليوم الي يتعرض حق فلانة او يمسها بشيء او اذا شفت اي احد يتصرف تصرف اوقفه بالساحه و افشله جدام كل البنات
اخخخخخخخخخخخخخخخخخخخ موتين قهر


والله ايدي ترجف و انا اكتب

 

[زوزو الحلوه]

واااا ي الله يعينج ويعين بنتج بس لا تسكتين شالمدرسه الي مايدرون عن طالباتهم شيساوون ببعض روحي اشتكي بالمنطقه اي شي سوي شي لا تسكتين جذيه بنتج راح تكره المدرسه حتى لو كبرت راح تتعقد احنا احنا اذا حبينا ماده معينه ويتلج مدرسه تلوع الجبد ماتكرهين الماده واحنا كبار لازم تسوين شي.

 

[أم عبووووود]

الله يعينج حبيبتي ويعين بنتج

صراحه حرام عليج اللي يصير فيها مخليتها كل هالفترة تنطق وماتاكل والله حرام

تابعي مع الادارة لو انج تداومين عندهم كل يوم

عيل ليش المدارس حاطين الاخصائية الاجتماعية والنفسية مو علشان تعالج المشاكل

توكلي على الله ولا تخلين حقها ينهضم وهي صغيرة لازم تعلمينها وروحي المدرسة