آآآخ يالقهر مو قادره اتحمل اكثر من جذي..... بنتي كل يوم ترد تبجي من المدرسه

[أم^تركي]

انا نفسج بنتي كل يوم اول اسبوع تبجي بنات يقولون لي يا دلوعه ولما قامت تلعب مع وحده قالت اختها برابعه ابتدائي حق بنتي اذا عندج اخت تعالي لعبي مع اختي
بطت جبدي وتبجي بنتي مسكينه
رحت اخصائية وعرفتها على بنات وراقبتها والحمدالله
انا اقول روحي وقت الفرصة طيحي عليهم وكلمي اخصائية ما فاد اتكي بالمنطقة اوهدددي ادارتهم لان بنتج مسؤليتهم اثناء الفرصة
اي مدرسة مصخره هاذي

 

[om al ghaleen]

فعلا قهر والله " مثل سالفه بنتي العام لما كانت بآولى ولي الحين
بس رحت عند الاخصائيه وكلمتها لانها اهي حيل انطوائيه وماتعرف تدافع عن نفسها

قبل لما تشتكي كنت اقول بين نفسي خل تعتمد على نفسها
بس مره ياتني قعدت تبجي لي العصر ابله العربي معطيتها هديه والبنات ماخذينها منها
حببيتي انقهرت ومن القهر صخنت !! تخيلي ياهل وتنقهر
موزين ابدا


روحي عند الاخصائيه وكلميها واذا تقدرين الصبح روحي صفها مبجر
وتعرفي على البنات اللي بصفها
انا قبل اوزع عليهم هدايا بس علشان لايطقون بنيتي

اما الصفوف الثانيه حدث ولاحرج يمشون ويدزون في بعض
الحين الحمدالله اختها معاها ومطمنه عليهم شوويه

 

[واثقه خطاي]

المفروض من الاداره يخلون فرصتين حق رابعه وخامس مع بعض والباقي فرصه ثانيه بعدين وين دور الاخصائيه روحي وقولي لها بنتي حاله خاصه خل لى الاقل تاكل عندها انتي دشي عليهم بقوه ,,,,,, ووين المدرسات اللي يراقبون الله يهديهم مااااايصير جذيه اذا دشيتي عليهم وانتي واثقه وشافو عليج هذا بيقفون وياج واذا شافوج تترجين ترى شي ثاني طقوج بالطوفه ولا اهتمو فيج ,,,,,,او اذا عندها من بنات عم اوخال دخليها بنفس مدرستهم وبعين زرعي الثقه في بنتج وترى الاداره والمدرسات يخافون من الريال خلي ابوها يروح وياها

 

[فراشه ورديه]

الله لايحرمني منكم كويتيات ولا يحرمني من وقفتكم معاي وفزعتكم

قريت كل رد وقريت كل سطر وكل كلمه

عطيتوني أمل بعد ماكنت يائسه وحزينه وموعارفه اتصرف


جزاكم الله الف خير .... واسال الله يسهل لكم كل عسير ويحقق لكم اللي بالكم يارب


بعد كلامكم خليت بنتي اداوم بعد ماكنت ناويه اخليها تغيب

اليوم رحت مع بنتي ودخلت صفها ووصيت البنات مايطقونها

ورديت لها بالفرصه وضليت معاها والحمدلله عدى اليوم على خير

 

[Hello_kitty]

واي عورني قلي حيل قسما بالله دمووعي تصب وقلبي انعصر على بنتج حراااااااااااام

واي تخيلتها بنتي والله اشب بالمدرسه واللي فيها ولا يضيع حق بنتي

ترى هذي امانه عندج وانتي مسؤله عنها قبل اي احد ثاني
عسى الله يخليها لج ويحميها

 

[بنت باباتي]

اسمحيلي اقولج الظاهر ان الخوف وراثه ليش شلون تعلمين بنتج على عدم المواجهه امي اتذكر وانا صغيره اذا جيتها مطقوقه تقولي اللي يطقج طقيه والله اني بأ؟ولى وثانيه كنت دجاجه بعدين فجأه صرت نسره
ما اخلي حقي

اللي عليج انج تسوينه ان تشرشحين الاداره تشرشح وتلعنين ابو اسلافهم وتزفين بنتج قولي لها شلون يطقونج وماتعرفين اشكالهم
وخليها تروح كل يوم غصب لو تنطق
عشان تعرف تواجه مشاكلها
رفيجتي اخصائيه قول المديره تخاف من الام الملسونه تسوي لها اللي تبيه عشان تفتك من لسانها
يعني قولي احنا بغابه ترضين تكونين دجاجه وتدمرين شخصيت بنتج

 

[ام خالد 78]

ياحياتي انتي هدديهم وقوليلهم انج راح تسوين لها تقرير طبي وتودين البنت الطب الشرعي ترى شكثر اولياءامور يجيبون عيالهم عندنا والطب الشرعي يشوف تقاريرهم ويكشف عليهم وبعدين تقدرين ترفعين قضيه عليهم

 

[حلم الطفولة]

وافينا بالتفاصيل فراشه لاتنسين

 

[مــ_ــا مــ_ــي]

والله مشكلت بنتج نفس مشكلة ولدي بالضبط .. واللي اصعب ان مدرسة ولدي مدرسينها رجال مو حريم .. المهم راح زوجي اكثر من مره للاخصائي وما نفع .... والله العظيم يا اختي اخر شي اضطريت اني اعلم ولدي العنف :dddds:.. قلت اذا جاك النفيخه على قولته عطه بقس على بطنه وقبل ما يسوي لك اي شي انت طقه ولا تبجي ان بجيت ترا يتسلطون عليك... والله قمت اتمرن معاااه على الطق :j013: خخخخخخخخخخخخخخخ شسوي والله يجيني قميصه مشقوق ومخباته او مشخبطين على ملابسه ... بس من علمته ان اللي يجيك من غير سبب لازم ترد عليه وما تسكت .. وانا اجي بالهده اقوله وين اللي يطقك كل يوم يقولي هذاا .... اجي اكلمه بهدووء اقول انتو خوان واعطيه هديه ستكراات مثلاا اكسبه بالطيب واخليهم يسلمون على بعض ومنهاا اشواا افتكيت من صيحته واذا جوووه اللي اكبر منه مثل ما علمته بقس ونحشـــــــــــه :RoadRunner: للاخصائي... واشواا افتكيت من الشكوى

 

[مليومه]

لوول كله منج قمنا نتناقش انا مع ريلي على هالسالفه بس وناسه خوش مناقشه ههههههه

وافينا بالتفاصيل والله قلبي عورني على بنتج لاني كنت مثلها و اكثر من جذي ماعليه تكبر انشالله و كل هالشغلات راح تتعلمها اذا اكبرت