؟؟عادي تلبس ألوان؟؟؟؟ ولا الناس راح تنقد؟؟؟

[(*ام عهــــد *)]

ماقصرو البنات​

 

[!! شوق !!]

انا من رايي مو شرط تلبس اسود

لكن تلبس ملون هادي والاهم بدون ميك اب

 

[قلبي وينك]

انا يوم توفى المرحوم ابوي الله يغمد روحه الجنه كان عندي لبس اسود بس على الصدر لون امممم وقعدة على هذا الحال شهرتقريبا ما طلعت مكان ابدااا ت وبعدين يوم كنت اروح دوامي السابق كنت احط مكياج جدددا جدا خفيف ما يبين واللبس عباه بس من تحت كنت احب اللبس اسود ما ادري يمكن انا بالفتره ذيج كنت احس بحزن وتعاسه وكنت احس الاسود انه يزيد تعاستي وحزني
انتي اللبسي الي عندج بس ما تكون اللوان صارخه وملفته للنظر واحسن الله عزاكم

 

[shak!shoka]

الله يرحمها و يغفر لها


لبس الاسود في احترام و تقدير حق الشخص المتوفي

لبسي الاسود ع الاقل لي الاربعين و بعدين كيفج

خاصتا الي متوفيه امج مو احد بعيد

 

[حولة مركزة]

حبيبتي لما تلبسين بدله
حاولي انها تكون مو شرط اسود المهم انهاتكون الوانها
مو فاقعه
لو مثلا كحلي
او اي شي ثاني فهمتيني
ولا تحطين مكيااج بس

 

[Patcholli]

مادري بس بصراحه لو وحده عزيزه علي تموت وين لي خلق البس الوان واكشخ ..؟؟

 

[ام جي جي الحلوه]

الله يرحم موتى المسلمين ويسكنهم فسيح جناته

 

[فطوم 84]

شوفي الوحده مفروض ماتكشخ وتلبس اسود فتره معينه بس ماتطول بالاسود يعني فتره طويله لانه بنظري المبالغه بالحزن ونلبس اسود فترات طويله مايجوز خاصة انا اشوف في عندنا للاسف ببعض البيوت العزا مناحه عند بعض الناس من جماعتنا والله يطولون لابسين اسود يعني للاسف كانه اعتراض اوعدم تقبل لامر الله عز وجل ترا الله عطي والله اخذ وهذا مصير الحياه والمفروض ندعي ونتصدق لهم ونعمر عنهم ونبني مسجد اوصدقه لهم والله اللي يموت بحاجه هالاشيا موعندنا الوحده للاسف تلبس اسود وتسوي مناحه ووين الصبر و حب الله اللي يخلينا نتقبل كل شي يجي من الله عز وجل والله يرحم جميع موتي المسلمين

 

[هداااويــ]

مشكورين يا بنات على ردودكم.. الموضوع مو لي انا الله يخليلي أمي

المهم ان المتوفيه صارلها شهرين الله يرحمها و الحين بنتها تسأل لانها اول مره تمر بالموقف هذا

ما تعرف ! هل عادي تلبس ولا لازم مده معينه للبس الاسود؟ عشان جذي انا حطيت الموضوع

مو عشان تحددون اذا هي حزينه ولا لا مثل ما قالت وحده الله يهديها

معقوله في احد ما يحزن على امه!

 

[هداااويــ]

شوفي الوحده مفروض ماتكشخ وتلبس اسود فتره معينه بس ماتطول بالاسود يعني فتره طويله لانه بنظري المبالغه بالحزن ونلبس اسود فترات طويله مايجوز خاصة انا اشوف في عندنا للاسف ببعض البيوت العزا مناحه عند بعض الناس من جماعتنا والله يطولون لابسين اسود يعني للاسف كانه اعتراض اوعدم تقبل لامر الله عز وجل ترا الله عطي والله اخذ وهذا مصير الحياه والمفروض ندعي ونتصدق لهم ونعمر عنهم ونبني مسجد اوصدقه لهم والله اللي يموت بحاجه هالاشيا موعندنا الوحده للاسف تلبس اسود وتسوي مناحه ووين الصبر و حب الله اللي يخلينا نتقبل كل شي يجي من الله عز وجل والله يرحم جميع موتي المسلمين

ما شاء الله ردك حكيم و راقي ربي يفرج همك و يرزقك

 

[عادت ذكرياتي]

الله يرحمها ...

واللي حزين على شخص مايكون له نفس يكشخ وخاصة طاري الموت حييييل إحساس صعب الله يعين بس ...

 

[دلوعة الحلوين]

شوفي حبيبتي اهو عادي تلبسين من 4 يوم بس الحزن بالقلب يعني لو قلبج حزنان اي خلق يكون عندج عشان تلبسين

 

[Pinky -cat]

والله حبيبتي الحزن بيتم بالقلب بكل الحالات بس احنا هم عايشين بين ناس ولازم نفهم تصرفاتنا شنو اهيا وشنو رده فعل

الناس اذا مو قاعدة تسوي شي غلط خلاص لا تحاتي بس هم لو تفك عمرها وتلبس اسود فترة معينة تلعن فيها انها

في فترة عزا يكون افضل

 

[رجفة وهم]

بنات عمتي أبوهم توفى الله يرحمه ويغمد روحه الجنه عادي لبسهم ألوان بس مو فاقعه أبدا

المكياج

صارلهم سنه مايحطونه ولا يروحون الاأعرس بالحييييييل كانوا حزنانين عليه والدمعه بطرف عيونهم ماتفارقهم

لدرجه بنت عمتي وجهها تنفخ من كثر البكي ياحياتي الله يصبرها ويصبرهم

 

[Danger_Beauty]

انا برايي خل تسوي اللي اهي تبي تسويه

اهي شنو تحس؟ تبي تلبس ولا لا؟

الحزن بالقلب .. و لمن اهي تلبس لبس عادي و اهي حزينه راح يبين لاشعوريا عليها

خل تسوي اللي يريحها .. و اللي اهي تحس انه صح .. مالها شغل بالناس

 

[ترانيم القصيم]

بمآ أني سعوديه وأحنآ نلبس عبآيآت بس بآللبس عآدي نلبس ألوآن ! ( بآلعزآ ) وحتى بعده ...
آلحزن بآلقلب وآلحسره عليه ولو لبسنآ 100 يوم أسود مآبتكفي فقدنآ .
أقرأي رأي آلشرع فهآلموضوع ومآعليك من آلنآس ... آلله يجبّر كسر آلقلوب ويسكن غآلينهآ آلفردوس الأعلى من آلجنه .

بارك الله فيك حبيبة قلبي ,,

بس ملاحظة يا عسل ,, خطأ نقول ( رأي الشرع ) و إنما ( حكم الشرع ) ,,

لأن الشرع معصوم عن الخطأ ,,

و كلمة رأي تحتمل الصواب و الخطأ ,, و الشرع المطهّر يتنزّهـ عن ذلك

بورك فيك حبيبة قلبي ,, :eh_s(17):

 

[noynoy]

لبسي عبايه هالفتره
احتراما لامج
و الله يرحمها

 

[حجيه هيونه]

الله يرحمها ويغفرلها يارب ويسكنها جنات النعيم
..
حبيبتي مادري الموضوع لج او لوحده تعرفينها
لكن اللي بقوله راعية هالسالفه شتحس فيه؟
يهمها كلام الناس؟
او بالاصح هامها ان الناس تنقد والا لأ؟
وهي لها نفس تلبس وتكشخ؟
انا بقول شغله تعليق عالبنات اللي يقولون بالعزا عادي نلبس الوان
وان هذي عادات دخيله علينا..لا مو عادات دخيله علينا اللي اعرفه ان بالعزا الكل يلبس عبايه
او دراعه وتكون الوانها غامجه ما تكون الوان فرايحيه
بعزا امي الله يرحمها ويغفرلها ويدخلها الجنه من غير حساب.. شفت العجب للي يقولون عادي الالوان
حز بخاطري يابنات لي درجه ان دموعي نشفت لما شفت بنات جايين نسمع كعبهم من باب الشارع والشال عالجنطه والاكسسوارات والعبايه كشخه والا اللي جايه وبعينها بقايا كحل وحمره ما عرفت تمسحهم وتستحي على وجهها خصوصا لا صارو ناس قراب بالدرجه الاولى
انتي جايه تعزين والا جايه تورينا كشختج؟
يوم توفت امي كنت ناقشه ايدي قبل وفاتها ب5 ايام
قطعت ايدي وانا امسح الحنه مو خوفا ان الناس تنقد علي
لا ما يهموني الناس..من حزني بس
انا امي صارلها تقريبا فوق الشهرين
للحين ما كشخت..للحين ما حفيت لا وجهي ولا جسمي
للحين البس عبايه ما البس بدل
بس هذا مو اثبات للناس او دليل اني حزينه لألأ الله يعلم شاللي فيني..هذا شي انا احس فيه انا من داخلي مو قادره اسوي شي
انا صارلي شهرين ما مشطت شعري الا مرتين!!
اتسبح وعادي بس انسى امشط شعري..
عباتي وشيلتي اللي يوم غسلت امي الله يرحمها ما غسلتهم للحين معلقين ولا راح اغسلهم لان ريحة امي فيهم

فا بالاخير كل انسان واللي يحس فيه..الكلام واجد

اللهم ارحم موتانا واغفر لهم ووسع قبرهم وقهم عذاب النار وعذاب القبر
وانس وحشتهم وانس وحدتهم وانس غربتهم وادخلهم جنات الفردوس من غير حساب
اللهم امين

الله يرحم امج عورتي قلبي

 

[غربه الروح]

بالنسبه للمكياج انا افضل سنه ما تحط وخاصه اذا كانت مو متزوجه
مجمعنا ينقد وايد
اما انها تقعد بدون حف هذي نظافه شخصيه مالها شغل بالحزن
والله يرحم جميع امواتنا

 

[عود ومسك]

الله يرحم امج عورتي قلبي

الله يجزاج خير