؟؟عادي تلبس ألوان؟؟؟؟ ولا الناس راح تنقد؟؟؟

[kuwaitya_zoGaa]

لا والله البس عادي بعيد الشر بس مو اللى فول ميكب والوان فسفوريه جني مستانسه لا الوان هاديه ومحترمه وعاديه حتى لبسي يكون العادي اللى معودة الناس عليه ومالا داعي ميكب

 

[al-musk]

لاتبالغ باللبس ويكون بسيط وممكن اول فترة عبايه ..يعني حسب طبايعهم

 

[[[ عيون جابر ]]]

الوحده الي متوفيه امها وين لها قلب تفكر باللبس والمكياج الله يهديكم بس

 

[مسك العطور]

يا اختي ابعدي عن البدع

جيبو حديث عن الرسول ان اذا مات لكم احد البسو اسود ؟
ترا العزا ثلاث ايام لاستقبال المعزين
والحزن بالقلب
يعني لو قلنا البسي اسود او الوان غامقه لمده سنه مثلا عشان تحسس الناس انها حزينه ومانست امها ولا
همتها الدنيا من عقب عين امها وبعدها تلبس عادي كانها سوت الي عليها وحزن سنه وكافي لازم تعيش حياتها
الحين بسأل الحزن باللبس ولا بالقلب ؟؟؟؟؟

طيب لو كانت متزوجه بتقول لرجلها انطر شهر شهرين ثلاث ؟
ولو جا عيد او رمضان مراح تطلع تبارك او تهني عشان حزينه ؟؟؟
طيب المفروض بعد ما تروح تشتري مقاضي البيت ولا اللي ناقصها من السوق عشانها ان طلعت لهالاماكن
مو حزينه علي اهلها ؟؟؟؟؟؟؟
ولا تسافر باول سنه ولا تطلع لانها المفروض حزينه ؟؟
غريب امركم جت عالملابس ؟ الاولي اشياء اللي قلتها فوق ما تسويها ؟

يختي انا امي متوفيه من سبع سنين وابوي من سنتين ادفن روحي بالحيا مثلا ؟؟؟
عسا الله يرحمهم برحمته ويسكنهم فسيح جناته ويلحقني فيهم بجنات النعيم

هل مفروض شهر شهرين سنه وعقب خلاص انساهم والله اني ما نسيتهم يوم واحد واني علي طول
افكر فيهم وادعيلهم بكل وقت وفي القلب غصه بس هم عايشه حياتي هذا درب كلنا بنمشي عليه واللي بتلبس اسود
هل تقصد تلبسه بس يا طلعت وفي بيتها تلبس اي شي يعني ؟؟ ملابس البيت والبجامات كلها بتصير
اسود وملابس غامجه ؟؟

ليه ترا كل بدعه ظلاله عمر اللبس ما يبين مدي حزننا علي احبابنا
خليها تلبس اللي تلبسه

 

[خوخة 90]

اختي بقولج شي انه يوم امي توفت الله يرحمها كنت صغيره معني اكبر بنت
و كنت احط كحل عقب ما توفت بـ 3 شهور تقريبا او اكثر بشوي
و بما اني صغيره ما كان عندي احد ينصحني و يقولي لا تحطين و لا تسوين
و الناس كلوو ويهي
فنصيحة لج لا تلبسين الالوان
الله يرحم امج و يغفر لها