،."~^•**تجمع كشيخات عباية الرأس **•^~".،

[أم فهووود]

عباية الراس ماتلبسها الا الكشيخه رزه واذا كعب عالي تعالي وشوفي واحلى عبي راس السعيد في المباركيه

 

[الرقة]

يعطيج عافية يا راعية اتجمع اطيب


الحمد لله انا لبست الراس عن قناعة في اول سنة بالجامعة
السبب: كنت احس الكل يطالع جسمي و انا اغار على نفسي مو رخيصة قسما هالشعور جاني لما دعيت ربي يستر علي و يثبتني و كل مانويت البس كتف احس اني مفسخة
فادعوا من الله الستر و الله كريم سبحانه
مو قاعده اتفلسف بس كنت استحي من نفسي و خاصة انه عندي خوات صغار انا قدوتهم
بالرغم انه خواتي الكبار مرات راس و مرات كتف يعني السالفة اقتناع و فضل من الله
الله يحفظ و يستر على خواتي
وكل بنات الكويتو المسلمات( قلبت داعية)....... لا بس تحمست شوي. خخخخخ

 

[الرقة]

و الله اني لا لبست عباة الراس الكل يقول لي رزة
والحمد لله خواتي يقولون لامي اشتري لنا نفسها و غيرت رفيجتي الجتف
تقول لي حسستيني انج مرتاحة فيها و شكلج مرتب مع اني جربتها و كان شكلي مبهذل

دايما نقول المشكلة مو فينا المشكلة في اللبس و اختيارنا للي يناسبنا

 

[الرقة]

اول شي
١- لازم تلبسين تحت الملفع طاقية و انا ارتاح على خامة .. تعرفين شيلة العجايز ( الخرقة) دوريها تلاقينها قطنية احسن من اللي معروفة تقطع شعر قذلتج و تصلعين من قدام .... خخخخ
والله صج مع الراس تتحرك و انتي شادة الطاقية علشان الملفع لايخترب

٢- الملفع بدون جلاب .. انا لا البس غير الناعمة اللي تثبت مع القطن مو الكريب اللي تطيح و تعفس شكلج لا
مثال لشيلة خفيفة: اللي عند الهنود ميد ان امارات او مثال: انا البسها الحين: من محل المشعل شيلة مربعات بخمسةخفيفة و ثابتةمع الصيف

٣- نقاب سير: اللي يريحج خخخخ

٤- تحت العباية: اي شي مريح انا اخلي علي دراعة البيت من بو دينار و نص قطنية خفيفة او اليجامة
او بدي قطني و جينز

٥- عباية الراس:
اللي هابين فيه الحين حلو و رزة و الله شكله حلو
-- تقولين للهندي: عطني عباية راس مسكرة (اسلامية يسميها) بدون قصة يعني الايد سيدة مو ضيق و الكم زم
-- الخام : فطومة او بنت الديرة اللي يريحج هابين فيه بالصيف مريح و خفيف و شكله عاللبس عجييييييب. شوي عليه صج كشخة
او-- تقولين للهندي عطني عباية راس اسلامية بقصة خفيفة قبل الكوع و الكم بزمة
-- الخام : بدر هم هابين فيه عملي حلو كشخا مال كد و مد

المهم انا عندي ٥ عبايات راس لاني امل و على حسب الطلعة و اسعارها حلوة في حدود العشرة و انتي و مكاسرتج مع الهندي

امحلات بلاك سي الدبوس و الهنود مو كلهم عندي و تاكدي الخام مو بو طقة تقليد و بدر فيه نوعين خفيف و ثقيل سميك كلهم حلوين اختاري اللي يناسبج

/:؛/:؛/:؛ عباياتي مو نفس الشي طبعا
انا احب البس كعب طبعا فلين مو اللي بصوت مثل الدبابة فلازم عبايتي تكون طويلة فاخذ وحدة اكبر من قياسي مرتين
و اذا طلعت مشوار عادي شحاطه صيفية ذربة مع عباية قياسي
و للعزايم وحدة مو اسلامية مفتوحة و فيها شريطة ستان تحت الركبة بشوي و على الاكمام ناعمة و ذربة و شوية شوارفسكي اسود شاريتها جاهزة من محل بو كنان
يعني ٢ بدر طويلة قصيرة
٢ خام فطومة طويلة قصيرة
١ كشخا حسب ذوقج قابلة للتجديد و التغيير لانها يشوفونج فيها بالعزايم

و سلمنا لا هنا

شرايكم فني
كفيت ووفيت

تستاهل ام عباية عالراس

جربي و شوفي الفرق بين الخامات و انتي صاجة تفرق و القصة

*

 

[رقيقه وناعمه]

صرااااحة حلاتى عباة الرااااس ساده ويس <<حلاتها في خامها وسوادها

اي شغل فيها أسميه هيلق <<اسمحولي هذا رايي

 

[لف ليدي]

عبايع الراس حلاتها مسكره ومافيها موديل حق الطبيب والسوق اما الزيارات خليها مفتوحه وفيها موديل ناعم على الجم عشان اما تزورين الناس تكون سهله لما تقطينها وتكونين ذربه بنفس الوقتواتمنى اني افدتج حبيبتي

 

[• JoJo •]

انا مع رقيقه وناعمه نفس الرأي

 

[الأميرة جوري]

الله يهدينا يارب الموضوع حلووو

 

[أم ليلى 2008]

ياحلات الستر وياحلات عبية الراس

الله لا يغير علينا انشالله

آنا كلشي البس تحتها ما يهمني لما اوصل المكان افصخها >>> اقصد مكان الزواره

 

[فلافل الكويت]

انا البس عباية جتف



آب آب آب

 

[q8ya sh8ra]

مالبببس عبايه

آب
آب
آب

 

[آنآقه~]

آحلآ شي السعيد ..

 

[ديمـه]

مالبس الا عبايه رااااس بس

وتكون ساده العبايه اللي احنا نعرفها مافيها شغل واخذها من السعيد ب18


اما عبي الكتف اللي اشوفه لا تزعلون بنات احس دراريع تمشي مو عبايه تايقر وتطريز والوان ليش جذي وبالسوق والدوامات المختلطه والطبيب صراحة الله يهدي الجميع

 

[ديمـه]

يعطيج عافية يا راعية اتجمع اطيب


الحمد لله انا لبست الراس عن قناعة في اول سنة بالجامعة
السبب: كنت احس الكل يطالع جسمي و انا اغار على نفسي مو رخيصة قسما هالشعور جاني لما دعيت ربي يستر علي و يثبتني و كل مانويت البس كتف احس اني مفسخة
فادعوا من الله الستر و الله كريم سبحانه
مو قاعده اتفلسف بس كنت استحي من نفسي و خاصة انه عندي خوات صغار انا قدوتهم
بالرغم انه خواتي الكبار مرات راس و مرات كتف يعني السالفة اقتناع و فضل من الله
الله يحفظ و يستر على خواتي
وكل بنات الكويتو المسلمات( قلبت داعية)....... لا بس تحمست شوي. خخخخخ

سبحان الله نفسي :eh_s(7):

بدايتها من الجامعه ووويه الحين صارلي اكثر من 12 سنه مالبست كتف واذا لبست فوقها عبايه راس مسكره واقطها اذا دخلت البيت للزواره

 

[شذر44]

لا اله الا الله ومحمد رسول الله
استغفر الله للمؤمنين والمؤمنات والمسلمين والمسلمات الاحياء منهم والاموات

 

[Sap green]

أناقة بعباءة الكتف
موضوع جدا رائع , الشكر لصاحبة الموضوع وجميع من أفادنا بالردود:eh_s(17):
مو مقتنعه بموديل عبايتي الراس (الموديل الحجازي) ودي أغيرها والثانية الإسلامية ,
أتمنى منكم إضافة صور لعباياتكم حتى نستفيد من الموديلات
ونفهم فيها الخياط :eh_s(10):

فكرت بعباية تكون من غير قصة للأكمام يعني بس فتحة تطلع منها اليد يصير شكل العباية مربع بدون لبس , مادري اذا وضحت الصورة أو لا المهم شكلها أنيق ومحتشم باللبس ومشكلتها اذا رفعنا ايدنا ترتفع العباية على الجوانب .. والشنطة لازم باليد مو على الكتف

ورأيكم؟

:eh_s(17):

 

[رحاب النعيمي]

مالبس عباية راس بس عجبني الموضووع

 

[لاندري كالسيوم]

التراث الخليجي مليئ من الملابس الجميلة

 

[mnaur]

عباية الراس وقــــــــــــــــار وحفظ للمرأة وكذالك فــــــــــــــرض احترام اللهم ثبتنا على دينك واسترنا برحمتك يارب

بالنسبه الانواع العبايات (الدلوعة والشيخه والبدر.........الخ ولاسماء كثيرة بس الاهم نوعيه القماش فيه الاسماء تتشابه بس الخامات تختلف

والمحلات المعروفه تكون خاماتها جيدة

بالنسبة لي توني طايحة في خامه حلوة وخفيفة وهي الشيخة

 

[بسمتي]

الحمد لله ألبس عباية راس 00وما أحب الجم الضيج000للسوق عباية مصكرة من جدام 00وللمسايير عباية مبطلة من جدااام





رفيجتي الله يبارك فيها كل بناتها من عمر 14سنه واهما يلبسون عبي راس 000أمهم حيل شديدة بالموضوع 000الله يثبتها ويبارك فيها000​