،."~^•**تجمع كشيخات عباية الرأس **•^~".،

[قـــمـــرهم]

صبااح الخير ...

اول شي .. مبروووك حبيبتي عباة الراس

وصج عباة الراس رزززه وحلووه ...

الحمدلله انا البس عبايه راس ..

وامي حبيبتي دايما تقولي اللي تلبس عباة الراس ( ملكه )..



واحلى عبايه وخامه عجبتني عند محل ( السعيد ) بالديره ..

انا اطلب عبايه مسكره ( خامة فراري ) ويكون الكم فيه قصه بس قصته حلوه وبسيطه مايكون الكم ضيج ..

وانا احب العباايه ساااده سواء لطلعات عاديه او مناسبات ..

و الله الخامه حلوه وناعمه وخفييفه ومرييحه ومافيها لمعه ولا تشف ..

وسعرها يا 18 او 19 دك..

واذا ع اللبس تحت العبايه ..

احسن شي اللبس العملي ..

تنانير خفيفه وبلايز او بديات ..

و اذا في مناسبات ..

اذا كانت البدله حيل منفووشه او تضايق اخذيها معاج للمكان اللي بتروحيله والبسيها هناك ..

واذا ماتقدرين البسي البدله عادي .. يعني انتي بتركبين السياره و ع طوول للحفله .. محد بيشوفج ...



ومشكوووره ع الموضوع الحلوو

 

[غضى]

ما البس عباة راس البس جتف وتكون حييل واسعه

واللي يضايقني بالبنات اللي لبسوون عباة راس والجم ضييييييييييج شكلها يفشل موحلوو جنها مزنوطه ولا الذيل 10 امتار وراها
حرررااام مووحلو شكلها جذي

 

[بحر الذكريات]

الله يعطيكم العافيه بنات

 

[العنود البلوشي]

عباتي قماشها كريب

اكمامها واسعة لاني ما اطيق اشوف وحدة مضيقة كم عباتها

طول عباتي على حد القدم لا تسحب ولاهي قصيرة

ومن قدام فيها طقطق

لا لبستها قفلت الطقطق وامشي براحتي محتشمة ومتسترة وكأني ملكة

ولو امشي بالطريق الرجال يغير طريقه ولا يرفع عيونه فيني وذا من فضل ربي علي

اما بالنسبة للبس تحت العباية فيعتمد على المشوار

لو كنا في زوارة اتكشخ واذا وصلنا البيت فصخنا عبينا وجلسنا لانه مجتمع نسائي بحت

وان شاء الله اكون افدتك

 

[(المباركيه)]

حلو الموضوع
اب

 

[شذونه الحربي]

حيآآآآكم منتديآآآت حيرني غلاك

www.7yarne.com/vb


آختكم شذي الحربي

 

[وحيدة امى]

الله يثبتنا بالعباية الراس لستر

 

[يَ رب يخق معي]

كيف مافهمتت

 

[راعية الطويلة]

وناسه
أول مرة اشوف هالتجمع
اللهم بارك في عباية الراس و اللي تلبسها
آمين
عن نفسي في جمعاتنا سواءا أهلي /أهل زوجي
/أقاربنا/و معظم اللي تعرفهم
نفصخ العباية و الشيلة
ما نقعد فيها قدام الحريم
و هذا طبعنا كلنا جذي من زمان
و الحمد لله تصميم بيوتنا
و صالاتنا ما تكشف على باقي البيت
و باب المحرم منعزل
بصراحة التجمع عجبني
و يا ليت تفيدوني وين أحصل دراريع حلوة
بأسعار مناسبة <<ما نبي الصلخ و الغلا خلوا الغالي يطيح بكبد اللي يغلون


الله يوفقكم بنات ​

 

[ملكة الغيد]

لا اله الا الله​

 

[روان الفهد]

الله يثبتنا ويااااكم يالغواااالي
انا البس عباية راس فضفاااااضه مره وقفازات
ونقابي مستحيل افتحه
وزوجي شيخ كمان يشد من ازري بهالموضوع الله يثبت الجميع ياااارب

 

[استبـــرق**]

بصراحه عجبني التجمع ..يعطيج العافيه

الحمد لله والله يثبتنا على لبس عباة الراس
انا افصل عباياتي عند محل نور القمر .
والخامه اسمها خامت البدر حلوة وخفيفه ولا تشف ولا تجمع التراب والغبار
وبالنسبه حق خام الملافع انا اشتري من السعوديه من محل الشرقيه حيل حلوة الخامه وخفيفه وثابته ولا تتحرك
واما البس الي تحت العبات على حسب المكان الي بروحله .




ان شاء الله بروح حق الديره واشوف محل السعيد الي الكل يمدح العبي الي عنده
بس اي صوب بالديره ؟

 

[عاشقه ومتكحله]

هلا حبيبتي انا البس عباية راس من كان عمري 17 سنه يعني من لبست لبست عباية راس

انا احب البس خامة البدر روعه وخفيفه كانج مو لابسه عباية راس وانا البس المسكره استر واحسن

 

[راعية الطويلة]

الله يثبتكم بنات ع الخير
استبرق
وين محل نور القمر ؟؟؟!!!

 

[aṕriliå]

خاطري البسهاا

بس مااعرف شنو احسن خامة واحسن موديل لها ؟؟

 

[سكرة هانم]

ماشالله عليكم

عسا الله يهديني والبسها

 

[حرم عبدالله]

حلات عباة الراس تكون ستر رزه وذربة شلون؟؟؟

تكون قدج حدج او طول الارض.
تكون مسكرة من جدام.
جمها يكون من تحت سير او بزمة خفيفة يعني موفرنسي ضيييييييييييق.
طبعا الكبة كلش ماتلوق فوق ما انها حرام شكلها بايخ.
وتحتها عادي لاي مكان ما عدا اليمعات:
جنز وقميص| ترينينق وتي شيرت|اي شي يريحج عادي
اما باليمعات تاخذين عباية مبطلة مو مسكرة من جدام وتلبسين انواع واشكال اللبس واذا وصلتي
تفصخين العباة وتقعدين بكامل زينتج مع البنات..
وبالنسبة للجناط كلش ماتنفع الجناط السبورت والي يكون سيرها طويل لا حلاتها ياتمسكينها باليد او عالجتف بس
بشرط تكون مرتبة وحجمها حلو وللاسف الجناط لازم تكونين حريصة باختيارهم ازوم الكشخة. وبس
لا في شي سوالف حركات ودانتيل وكشاكش وهلاقة ترى كلش ملش ما تصلح لعباة الراس
وعسى ربي يثبتج واتمنى اكون فدت..

 

[الغيثيه]

يعطيك العافيه ياقلبي بس انا ماعندي خبره بنواع العبي

 

[مانجا80]

انه لابسه عباية راس بس دايما احس اني مو مرتبه يعني اشتري عباية راس والبس فلات تكون طولي بس لما البس كعب تصير قصيره ومو عارفه شنو الطول المناسب انه طولي 156وعبايتي خامته تلم غبار وايد
شنو خامة البدر وين احصلهه وبجم العبايه وفي نفس الخامه عبايه مسكره وشغله ثانيه اقدر البس الحجاب والجنطه والجوتي ملون ولالون معين

 

[جنـــى]

رفع لعيوونكم,,,