Ξღ سمعتي قصة خطبة او زواج غريبة؟؟ تعالي ღΞ

[noorq8]

آنا بقولكم قصتي آنا اشتغلت بمؤسسة موظفة إدارية وكان في مدير إدارة بالمؤسسة اللي آنا فيها عزوبي وشخصيته قويه وحبوب بنفس الوقت وكان حديث البنات بدوامي لأنه مدير ومو متزوج والعين عليه .. كنت أحس إنه يعاملني معامله مميزة غير عن باجي الموظفات مع إنه مو مديري كنت أقول بقلبي يمكن يبي يتقرب لأني اشتغل بمكتب رئيس مجلس الإدارة يعني عشان يمشي شغلة .. لأني كنت عادية مقارنه بالبنات اللي بداوامي ماشالله لبس وتزقرت وماركات وشعور ويتلزقون فيه أشكره كنت أقول بقلبي : شيبي فيني آناا أكيد آنا مو عاجبته مع إني كنت أحس تجاهه بمشاعر يمكن أول مره أكتب أو أقول حق أحد عنها ( غيير أمي ) وما طلع من هالريال شي لما يه الوقت وتقدملي ولد الحلال وانخطبت وملجت وقعدت بمشاكل مالها أول من تالي لأنه اللي خطبني طلع مغصوب على الزواج !!! وانفصلت منه بهدوء وانتشر الخبر بدوامي إني انفصلت وضعفت وايد وتغير شكلي وكنت بحاله يرثى لها بس ما كنت أبين رافعه راسي وما اشتكيت حق أحد عقب اسبوع من انفصالي مر فيه المدير عندنا وسلم علي وعلى ويهها ابتاسمه غريبه وأشكره قطها بويهي قالي آنا آسف إني أتكلم بهالموضوع بالدوام بس آنا أبي رقم الوالد وأبي أتقدم اذا ما عندج مانع !!! حسيت جني بفلم هندي أو مسلسل مدبلج طلع الأخ معجب فيني من أول ما تعينت بس كان مو عارف يفاتحني بالموضوع ووايد مطط السالفه لين طرت من ايده .. وقالي ألحين مابي أضيع الفرصة وبتقدم لأنه مابي تضيع الفرصة مني مرة ثانيه ( أخاف خاطب أليسا ) ههههههه الظاهر عباله خطاطيبي طابور عن باب البيت لووووووول
بس سبحان الله كان اعجابنا متبادل من أول ما تلاقينا بس كل واحد فينا كان داق الثقل والكبرياء وناطر المبادرة من الثاني بس النصيب مع إني تزوجت غيره بس ما استمريت شهور وانفصلت وارتبط مع الانسان اللي كتمت حبه بقلبي وخلصت وملصت ويت الديايه وعنفصت

امبي نفس قصة وحده تصيرلي ههههههههههههههههههههههههه
باجر الصبح بتصل عليها و بشووووووف:dddds:

 

[eng.q8]

للرفع تستاهل ام فيصل

 

[noorq8]

ذكرت سالفتين
وحدة صارت قبل 5 سنين تقريبا او 6 سنين


بالجامعة
في بنت مترصرة بالبنطلون ... كانت الموضة ترصرص ههههه
المهم
واهي تمشي انشق بنطلونها
شافها صبي
فقام فصخ غترته و عطاها اياها
و ما مر الشهر الا و اهم مالجين :ggdw:
الله يوفقهم



و في وحده ام عيال عندها 4 او 5 مو ذاكره
سافرت اهيا و عيالها و ريلها و رفيجتها يدرسون بره
و بالغربة الشخص البعيد يصير اقرب قريب
فطول الوقت مع رفيجتها
و فجأة
والا زوجها ماخذ رفيجتها على راسها
بس لكن الزوجة الاولى شنو ذهبة
انسانه تينن رووعة
زعلت و رضت و الحين عادي اذا شافت حماتها تسلم و تسولف
قلبها طيب



و مره على الرحلات الاوروبية ... الرحلات طويلة
قعد وايد يمه وحده اثنينهم رادين الديرة اهو من دراسة و اهي من سياحة
المهم
قعدوا و سولفوا
و اهو لقط اسمها و عايلتها
من نزل من الطيارة
راح عند امه و قال لها ابي فلانه الفلاني
كانت معاي بالرحلة و عجبتني ههههههههه
وناااااسة

 

[soo_soo]

ؤااااااااااااااااي قص لانا تضحكككك
عشان ريلها هههههههههههههههههههههه فشله لؤؤل :krkrkr:


قصة الرحلااات حده ؤناااااااااسه رايحه استمتع بالسفره ؤارد ؤانخبط لؤؤل

 

[ليالي الكويت]

ااااااااااااااااالله يعطيج العافيه ام فيصل صج خووش موضوع يوونس

يا كثر ما سمعت قصص غريبه بس باحاول اتذكر والله ناسية ولي رجعه ان شاءالله

 

[ام حسوني]

لا يوقف

و

up


up

للموضوع

 

[غربــــة اِحساس]

الله يعطيكم العافيه بنات ويعطي ام فيصل الي تتمناه

خوش قصص : )


بقولكم قصه اخت رفيجتي

كانت بالجامعه وكانوا مسوين لقاء مع بعض الطلبه وحاطين صورتها بالجريده

ثاني يوم خطبها واحد من اهلهم شافها بالجريده وقال ابيها

ماشاء الله الحين عندهم ست اطفال : )

يلا بنات خل نحط صورنا بالجراايد هههههههههههه

 

[ج ن ا ن]

خوووش قصص حده تووونس..


يعطيكم العافيه

 

[لؤلؤية]

مشكورين يابنات على تفاعلكم...
وانا سعيدة انه الموضوووع عجبكم..وباكمل عشان خاطركم
و..........سامحوني على التأخير

وحده كانت مسافرة ويا اهلها لامريكا...اهي البنت الوحيدة بين صبيان
امها كانت رايحة ويا الابو للسووق..والبنت زهقااانه وماااااله...طلعت ويا اخوها الاصغر منها..يتمشون قريب من البيت..يم الالعاب لامه اخوها وده يلعب...واهي قاعدة تطالعه والا بنات من نفس ديرتها متواجدين هناك
تعرفت عليهم من الملل ...وقعدت تسولف وياهم..مع انهم مو من عمرها..فيه وحده اكبر منها بواايد ..وثنتين اصغر منها بجم سنه..المهم مع السوالف قالولها تعالي لنا خلي اخونا واخوج يلعبون مع بعض..واهم بعد بيزورونهم...بدت العلاقة بينهم...والهدف اهو انه الصبيان الصغار يلعبون مع بعض
والامهات تعرفوا على بعض..ولما ردوا الديرة...استمرت العلاقة
وبعد ...اقل من سنتين..ام البنات خطبت البنت مو لولدها...لولد اختها
وكانت البنت مترددة...بس لانه البنت مرتاحه لهم وافقت...وخذت ولد خالتهم..وارتاحت له..وصارت ام البنات (اللي اهي خالة الولد) اغلى عندها من ام زوجها :dddds:

يعني السفرة كانت بداية النصيب

 

[لؤلؤية]

وحده قدمت على وظيفة
ودشت مقابلة مع لجنة..وبعد مدة دقوا عليها يبلغون بقبولها للوظيفة
بعد ما داومت لاحظت اهتمام واحد من مسئولينها فيها >>>>كان مع اللجنة
اسبوع والا اهو متقدم لها...بعدها بشهر ملجوا
:ggdw:

 

[لؤلؤية]

وحده متزوجة حلوة وذربة..شافوها ناس بمناسبة استخفوا عليها
والا المفاجأة تطلع متزوجة....قالولها نبي وحده من خواتج >>>>يبون وحده تشبهها
قالت لهم خواتي متزوجات...بس عندي بنت اختي خوووش بنية وحلوووة
تواعدوا وراحوا شافوا البنت والا مو قاصرها شي من الزين
وعجبتهم وخطبوها لولدهم...وسلامتكم

 

[لؤلؤية]

رب ضارة كانت نافعة

هالمقولة تنطبق على صاحبة قصتنا

اللي شافوها ناس بعزاء ابوها ...وعجبتهم :dddds:
رغم انه ام المعرس شايفتها من قبل بس كانت البنت صغيرة بالمتوسط...
ولا شافتها الا بالعزاء
وحطت البنت في بالها>>>>بعد فشلة تخطبها بالعزاء
وبعدها بشهوور خطبوها...المهم انه خطبتها وملجتها ...صارت قبل ما يتم على وفاة ابوها سنة

 

[لؤلؤية]

كتبت قصة وراااحت...:cxxxp:
المنتدى ما ادري شفيه يعلق

ارجع اكتبها مرة ثانية


وحده اخوها مجننهم يبي عرووس...ولما يروحووون يشوفون العرووس
يطلع روحها بالاسئلة عن البنت...طويلة..؟؟قصيرة..؟؟؟متينة..؟؟ضعيفة..؟؟؟شعرها..؟؟

ملت البنية..من اخوها..وطلباته

وفي يوم بيروحون يشوفوون وحده..اهو قايل لهم عنها
الام لابسه وزاهبه للخطبة..والبنت مطنشه....راح لها اخوها وعيونه يتطاير فيها الشرار
ليش منتي رايحه..؟؟اذا ماخدمتيني الحين متى تخدميني..؟؟؟انا ماعندي غيرج انتي وامي..و......:cxxxp:
ويله جدامي بسررعه..راحت وياهم واهي مو كاااشخه

وامها تراقب العرووس وتطالعها...بنفس الوقت ام العرووس كانت تراقب بطلة قصتنا (اخت الخطيب)..
وتسألها تدرسين والا موظفة ..؟؟
و........امها قالت لهم ابصرااحه احنا بنخطب بنتكم لولدنا...قامت ام العرووس وقالت حتى احنا نبي بنتكم لولدنا :dddds: تواعدوا يزورونهم....وفعلا زارووهم
و.......بعد مدة اتصلت الام عليهم تعتذر...لانه ولدها تردد ..ومايبي يتزوج الحين:eh_s(14):
لكن الاخو خطب وتزوج عاااااااادي
وظلت اخته تتحاشى مرته..لانهم جرحوا كرامتها
وبعد سنه من زواج اخوها..........طلعوا طلعة عائلية مع نسااايبهم
والولد اللي سبق اخطبوها له شافها...وعجبته
كلم اخوها..وقاله ابي اتقدم لاختك..ابصراحه مالاقي مثل اخلاقها و......
الاخو كلم اخته..لكن اخته رفضت وزعلت اشلون اخوها يرضالها بالاهانه...و...اقنعها اخوها انه خوووش ولد...ومتدين الحين و........اهي كانت شاكة انه موافقة اخوها على نسيبه..سببها المعزبة
خاصة انه اخوها كان يرد كل اللي يتقدموون لها>>>>ابوها متوفي
...... الولد تقدم
وشاااااافته....وتغيرت نظرتها لما شافته..وسمعت اسلوبه...ووافقت عليه
وتزوجوا....وعندهم ولد تبارك الرحمن
الله يهنيهم

 

[LuLiTa]

لا يوقف لا يوقف

 

[LuLiTa]

مشكورين يابنات على تفاعلكم...
وانا سعيدة انه الموضوووع عجبكم..وباكمل عشان خاطركم
و..........سامحوني على التأخير

وحده كانت مسافرة ويا اهلها لامريكا...اهي البنت الوحيدة بين صبيان
امها كانت رايحة ويا الابو للسووق..والبنت زهقااانه وماااااله...طلعت ويا اخوها الاصغر منها..يتمشون قريب من البيت..يم الالعاب لامه اخوها وده يلعب...واهي قاعدة تطالعه والا بنات من نفس ديرتها متواجدين هناك
تعرفت عليهم من الملل ...وقعدت تسولف وياهم..مع انهم مو من عمرها..فيه وحده اكبر منها بواايد ..وثنتين اصغر منها بجم سنه..المهم مع السوالف قالولها تعالي لنا خلي اخونا واخوج يلعبون مع بعض..واهم بعد بيزورونهم...بدت العلاقة بينهم...والهدف اهو انه الصبيان الصغار يلعبون مع بعض
والامهات تعرفوا على بعض..ولما ردوا الديرة...استمرت العلاقة
وبعد ...اقل من سنتين..ام البنات خطبت البنت مو لولدها...لولد اختها
وكانت البنت مترددة...بس لانه البنت مرتاحه لهم وافقت...وخذت ولد خالتهم..وارتاحت له..وصارت ام البنات (اللي اهي خالة الولد) اغلى عندها من ام زوجها :dddds:

يعني السفرة كانت بداية النصيب

ام فيصل انا من كثر سفراااتي المفرووض الخطاطيب صافين طابوور من اول الشارع لي اخره

وحده قدمت على وظيفة
ودشت مقابلة مع لجنة..وبعد مدة دقوا عليها يبلغون بقبولها للوظيفة
بعد ما داومت لاحظت اهتمام واحد من مسئولينها فيها >>>>كان مع اللجنة
اسبوع والا اهو متقدم لها...بعدها بشهر ملجوا
:ggdw:

ان شالله ببتدي اوفر فلووس من الحين عشااان بس اتخرج و اقدم على وظيفة الإ انا على سنجة عشررررة

 

[لؤلؤية]

وحده تدرس بالثانوية عمرها تقريبا 16 سنه...عندها رفيجة تبي عروووس لخالها وربعه >>>>اثنين
من ضمن شروطهم انها تكون جامعية..وعمرها لايقل عن 21 سنه ...واخلاق ومحترمة وملكة جمال
قالت الرفيجة لرفيجتها تسأل امها اذا يعرفوون بنات بهالمواصفات
والبنت بلغت امها...وفعلا رشحولهم بنات...ولكن سبحان الله مايصير لهم نصيب

واحد منهم تزوج واخذ وحده عن طريق الاهل>>>>تعب ماحصل وحده توافق عليه و... بنفس المواصفات اللي يبيها

بقى خال البنت وواحد من ربعه

قعدوا على هالحال سنتين...وفي يووم كلمت رفيجتها بالماسنجر وكانت تقولها خالي تعقد
>>>>>لبنات يتشرطون (حلال عليه اهو بس يتشرط؟؟؟!!! )
البنت تعاطفت معاها...وقالت لها..مسكين يكسر الخااطر
امها كانت يمها..قالت لها الام قوليلهم عن بنت جيراننا..حلوة وجامعية..واخلاق بس>>>عمرها 19 سنه

وانتهت المحادثة بينهم....وبعدها بنص ساعة
والا رفيجتها اتدق عليها...بنزووركم بعد ساعه نشووف بنت جيرانكم
وفعلا بعد نص ساعه وصلوا عندهم...على اساس ام البنت...والبنت يروحون معاهم للجيران
و..........اهل الولد شافوا صاحبة قصتنا...وعجبتهم

وسألوا الام اذا يزوجونها...قالت لهم بس بنتي صغيرة لاتشوفونها طويلة عمرها 18 سنه..واتصور ابوها مايرضى و...
وبعدين انتوا جايين تخطبوون بنت جيراننا ....!!!!!!

قالولها انتي بس شاوري ابوها وردي لنا خبر
و.....عقب كلامهم...ماراحت معاهم البنت للجيران >>>مستحيه
راحت الام معاهم..والاخت الثانية..لكن ماااا عجبتهم بنت الجيران او..ما اتفقوا
المهم

الرفيجة ظلت اتدق على رفيجتها تبي تعرف راااي ابوها..والبنت ماااترد عليها>>>مستحية
والا فجأة يطبون عليهم يخطبوون...الابو كان رافض الزواج..لكن بعد الخطبة الرسمية سأل عن الولد ولقاه انسان زين...كلم بنته..وقالها الراي راايج..انا سألت عنه وشايف انه زين...الباجي عليج

و....بعد تردد..وافقت عقب ماشااافته..كان طويل :dddds:..واهي كانت خايفة تتزوج واحد طوله مو مناسب لطولها....والسبب الثاني انه شخصية مرحة وخاصة انه لما كان بيطلع ضيع الباب..قال طار عقلي وقعد يضحك...البنت انجبرت فيه...ووافقت بكل قوووووووة
والله يوفقهم

 

[لؤلؤية]

LuLiTa

قولي آآآمين
ان شاء الله مايمر شهر الا انتي سااادحه قصة خطبتج لنا....هنيه بهالموضوع
لاتنسين

 

[3тħвţ άĻα6вα3]

مشكوووره ام فيصل .. والله يعطيج العاافيه ..

عسااج ع القوووه دووم ..

كل قصه احلى من الثااانيه ..

^^"

 

[Toffeeya]

ونااااااااااااااااااااااااااااااسه

يالله بنات شدو حيلكم نبي قصص بعد

 

[نظـــرات حـــائرة]

ما شاء الله تبارك الرحمن

أم فيصل يعطيييييييج العافية .. والله وايد استانست وأنا أقرا الموضوع