Ξღ سمعتي قصة خطبة او زواج غريبة؟؟ تعالي ღΞ

[LuLiTa]

LuLiTa

قولي آآآمين
ان شاء الله مايمر شهر الا انتي سااادحه قصة خطبتج لنا....هنيه بهالموضوع
لاتنسين

آآآآآآآآآآمين

 

[BlackRose]

وحدة اعرفها...الله يهنيها كانت مطلقة وعندها عيال وجمالها جدا عادي

وكله كانت تقول انا راح تشوفون انا من راح آخذ..وتكمشي وتقول هالجملة

وجك بم

خذت نائب مجلس أمة سابق على زوجته :eh_s(14):اشلون ومتى مايندرى

 

[BlackRose]

وحدة كانت معانا بالجامعة توها متزوجة وكان زوجها مطلع عينها

المهم

بغت تطلق منه قالهم عطوني 5 آلاف دينار

وطبعا كانت زعلانة قاعدة عند بيت اهلها ومالهم غير هالسالفة

كان عندهم رفيج اخوها على طول يجي عندهم ويقعد معاهم يعني عايش الوضع

جان يقول حق ابوها خلاص عمي انا اعطيك 5 آلاف وطلقوها ومن تطلقت تزوجها

 

[bint_looda]

أنا كنت أبغا أسمي أول و لد لي على اسم جدي الله يرحمه
جاء زوجي اسمه زي اسم جدي
و زوجي كان يبغا يجيب بنت و يسميها على اسم جدته الله يرحمها طلعت أنا على اسم جددددددددددددددته..سبحان الله..

ههههههههههههههههههههههههههههه زين يعني متعادلين:dddds:

 

[bint_looda]

الله يسلمكم كان في واحد شاب شاطر وفلته بالجامعة البنات كانوا يتقربون منه لشطارته وعشتو كان وسيم بعد، حتى الشباب كل من كان يرافجه علشان وقت الامتحانات يدرسهم ويراجع معاهم، كانت في بنت معاه بنفس التخصص يمكن خذت معاه 7 مواد او اكثر كانت ما تحبه لانه على قولتها شايف نفسه وكان وايد يتفلسف، وما بقى احد بالكويت كويته ما درا ان البنت هاذي تكره هالصبي من كثر ما حشت فيه عند اهلها خصوصا انها كانت شطوره وكان يصك عليها بالدرجات
المهم تخرج الولد و اول ما تخرج تدرون شنو سوا؟؟ خطب هالبنت اللي ما تحبه طبعا اهوا ما كان يدري بكلامها هاذا كله وانها ما تحبه....... البنت طبعا رفضت على ابو انها تكرهه حاولت امها فيها بس عقب ما صلت صلاة استخارة كل شي تغير والحمد لله تزوجوا واللحين تموووووووت عليه وكل من سمع عن قصتها قال: (ما من محبة الا من بعد عداوة)


بنات ترى هاذي قصتي مع ريلي حبيبي ترى والله كنت اكرهه كان كله يصك الcarve علينا

سبحاان الله !! صج ساعات في ناس ماتحبينهم والمشكله كل من يدري ههههههههههههه بعدين فجأه ترضين تعيشين العمر معاهم .. الله يوفقكم ويحفظكم ويرزقكم الذريه الصالحه انشالله

 

[bint_looda]

الله يعطييييج العافيه يا ام فيصل على هالقصص الروعه
ويااارب ترزق كل بنت بالنصيب الزين


سمعو هالقصه ...للامانه سامعتها من وحده

كان في اصبي على طول يفرفر بسيارته بالشوارع يغازل ويتحرش ابنات خلق الله
ويوم من الايام مثل عادته قام يفتر ويحووس بسيارته ويشوف له بنت ماشيه بحالها قال خووش صيده وقام يلحقها بسيارته يبي يرقمها
مني مناك البنت ملت تبي تروح بيتهم مووو عارفه خافت اتدق على اخوها اتصير سالفه
والصبي يحاول فيها يبي يرقمها ...شوي والا عند الاشاره قبل بيتهم وقف الصبي يمها بالسياره
جان تقوله : انت ماتستحي على ويهك ماعندك خوات اصلا لو عندك ذرة احساس ماتسوي ابنات خلق الله جذي آآآآآآآتفو عليك ...
لوووووووووووووووووول (عفيه عليييج)
الصبي استانس عليها كمل وراها لين وصلت بيتهم
بعد فتره تقدم لها الصبي ووافقت عليه وبيوم الملجه جان يقولها ماتذكريني انا الي تفلتي بويهي والصراحه عرفت انج بنت ولا كل البنات انتي على راااااسي والله

يالله يا بنووتااااات زهبووو سعبولتكم يمكن اهي الي تييب النصيب مثل ماصار حق البنت لوووووووووووووول

امبيييييه لا لا متتتتتتتتتتتتتتتتتتت من الضحكككككككككككك عفيه عليها والله الظاهر اهي الوحيده الي ردت عليه عشان جذي انجبر الولد :dddds:

 

[bint_looda]

سالفه ثالثه
وحده كانت كله تتهاوش معه واحد وياها بالدوام كل يوم هوشه واهو يزفها زف لانها تتأخر بالشغل وكل يوم لازم يبجيها واهي تشتكي عليه عند المدير وبعد فتره قدم استقالته وراح مكان ثاني مادارت سنه الا اهو خاطبهااا _03ba:

يخرعووووون هالرياييل ماتدرين شنو الي يدور براسهم لوووووووول

اخاف ولهه عالهواش وياها لووووووووول

 

[bint_looda]

خووووووووووووووووووووووووووووووووش قصص ام فيصل والله عجبتني لووووول لا يوقف .. متابعينج

 

[سبائك]

خووووووووووش قصص يا ام فيصل عيشتينا الجو

عندي قصة وحده من أهلنا شلون صار زواجها

اهي الله يسلمكم واقفه بالمطار بتروح العمره ويا اهلها

وماسكه جوازها وفاتحه صفحة الاسم والصوره وواقفه تنطر موظف الجوازات بالدور

شافها واحد اعجب فيها

الحين شلون بيعرفها!!!!

قام ماشاءالله عليه وطل من بعيد بصفحة الاسم ونقش اسمها كامل هههههههههه

وراح طبعا عطى الأسم حق خواته ووكل المهمه لهم

والحين تبارك الرحمن صار لهم فوق ال20 سنه زواج مدد مو عدد أن شاءالله

 

[معلمة العاصمة]

خووش مواضيع حلوة الله يوفق الكل ويجبر خاطر الجميع

 

[Artya 【ツ】●]

خوووووووووش قصص

 

[yam_yam]

يالله بنات لا يوقف لا يوقف هههههههههههههه

 

[TeAcHeR_BeZaRiN]

تونى اشوف الموضوع عاد عندى قصص واقعية وايد
اول قصة .... واحد يشتغل مضيف فى الكويتية جميل جدا زهق الولد من البنات اللى يتطايحون عليه فى الطيارة كل ماسافر يقول لاعت جبدى من بنات الكويت اعيونهم مشفوحة بس يخززون ويتبوسمون بالطيارة واهلهم يمهم ولايستحون ويتحرشون بالمضيفين (( ماالومهم الشخص هذا انا اعرفه شخصيا جميل جدا جدا ماشاء الله )) وقعد يكلمهم ويلعب عليهم .................. فتعقد من البنات المهم بسفرة من سفراته كانت وحدة مع ابوها وامها رادة من لندن و7ساعات بالطيارة نايمة المهم هذا المضيف يقول كل ماقدمت للبنت الاكل ارفعت راسها وقالت ماابى وردت نامت ولاهزها جمالى اصلا المهم بطريقته قعد يسولف مع ابو البنت وعطلع يعرف عايلة الابو من بعيد ولما وصلوا الكويت خله امه تخطب له البنت وكانت الام مترددة لان مافيها جمال البنت ولزم على امه وخطبتها والحين زوجته وعندها عيال منه
الغريب بالموضوع ان البنت مابقى واحد بلندن ماكلمته ((الله يستر على بناتنا )) ولعبت دور بهذى السفرة لان اخوانها مومعاها بس الام والابو وهم كبار بالسن وهى بغرفة وامها وابوها بغرفة
وكانت نايمة بالطيارة تقول كنت مواصلة من امس اكلم واحد بالتلفون الى موعد روحتنا للمطار فمانمت ونمت بالطيارة ................. يعنى البنت اصلا موتكانه .

لووووووووووووووول

فنن يبا الطيبون للطيبات والخبيثون للخبيثات .. يعني واحد لاف على بنات الطيارات كلها شنو تتوقعين بيتزوج !

 

[هوفه]

سوالف حلو

لا يوقف

 

[قلب حساس]

قصص حلوه

ان شاءالله انخطب واكتب سالفه خطبتي

وبعد تذكرت سالفه
رفيج ريل اختي كل يلحق بنات ويغازل ويعطونه ويه والوضع طبيعي عنده
بيوم رايح الجمعيه واهو طالع شاف وحده راكبه سيارتها ومثل كل مره راح يلحقها علشان يرقمها بس البنت تكانه وماعطته ويه وتم لاحقها لي بيتهم ولين اصفطت البنت حاول يكلمها جان ترد عليه وتقوله اذا تبيني هذا الباب طق الجرس وكلم اخوي
من باجر يه مع اهله وخطبها وتزوجها

 

[فساتين فخمه]

طالبة بوحدة من كليات جامعة الكويت العلمية
تقووول انها طالعه من كليتها متأخر والا واااحد ناطرها عند سيارتها
قالها لو سمحتي...انا ابي اخطبج ...!!!!

انصدمت البنت...وحقرته...((توقعت انه مينوووون))
والا اللي يقولها والله العظيم انا باخطبج
ابي رقم ابوووج
وركبت سيارتها ومشت
وكانت خاايفه منه..لانه كان يلاحقها
ووصلت لبيتهم...واهو شاف البيت ومشى
وثاني يووووم والا اهله عندهم يخطبونها...وطلع الولد مراقبها من 3 شهووور ومعجب فيها
واهل البنت سألوا عنه...لقوا انه خوووش واحد ومايعيبه شي...والبنت وافقت عليه...
و..........الله يهنيهم:hearting:

هههههههههههههههه مسلسل جرح الزمن

 

[ام حسوني]

up


up


لا يوقف ولا يوقف

 

[glow 'n' show]

مره وحده كله تكشخ و اهيا رايحه الثانويه و حالتها حاله و تسوي الشعر يعني اسكت ولا احد يطل اب ويها .. المهم مره احترق شعرها فراحت المدرسه كشتها كشه مع ان شعرها ناعم .. و الهاليوم شافها اخو رفيجتها واقفه مع اخته بالهده و قال ابيها..مني مناك و اهيا ماسكه عمرها >>مزيون
.. بس خلصت امتحاناتها و خطبها >> الضاهر انعجب اب كشتها .. و تزوجو و عاشو حياة عاديه >>مابي اجذب و اقوووووول سعيييييييده

المهم البطله بهالقصه يا طويلات العمر انا>> ام كشه محروقه

 

[لؤلؤية]

:dddds:

بناااااااااات قصصكم اتييييينن
بس اليوووم حدي تعبانه وما اقدر اسهر...
باصلي الفير وانااااااااام

لي رجعة لكم..باجر ان شاااء الله

تحياااتي للجميع​

 

[meen_ana]

ناطرين جديدج