Ξღ سمعتي قصة خطبة او زواج غريبة؟؟ تعالي ღΞ

[لؤلؤية]

فيه عائله عندهم 3 بنات
البنتين الصغار دايما ينخطبون اما الكبيره مسكينه ما تقدم لها احد

الابو يوم جاء نصيب بنته الوسطى وشاف انه خوووش واحد...وافق عليه و... زوجها

وبعد سنه تقدم واحد ثاني لبنته الصغيره كانت بالثانوية والحمد الله تزوجت

اما الكبيره فدرست وتخرحت والا جاااااها نصيب !!

وبعد كم سنه تقدم واحد للبنت الكبيره سبحان الله
جاااااااها واحد
ولا عمرهااااااااا حلمت فيها
اخلاق ومال ومنصب وعايلة وكل شي

وسكنت في بيت كبير مو شقة بروووووحها ويا زوجها
وسافرت برا وزوجها ماخلت مكان ماراحت له
وزوووجها ميت فيها ومدلعها آآخر دلع
كل شي يوفره لها ماشاء الله..


اما....
خواتها اللي تزوجوا قبلها كله مشاكل مع ازوااااااجهم
وعايشين على قد حااالهم يا اما مع الحمولة او في شقة
لا يسافروا ولا شي


والحمد الله على كل حال
بس سبحان الله الصبر للبنت الكبيره صار فيه خيره وعوضها الله
وربي يوفقها ....

 

[سنا الفضه]

هذي قصه صجيييه مرت علي وشووف عيني محد قالي

شابين ملتزمين رايحين العمره

وبالطريج المحوا جمس فيه عايله وابوهم ريال كبير قاعد يعاابل بالسياره ومبين انه متلعوز مسكين

نزلوا له

ياعم تحتاج شي اي والله التاير مبنشر وما اقدر امشي واخلي السياره الاهل فيهاا

قالوا له ابشر

وراحوا يابوا له بنجرجي من مساافه طووووووووووووووووويله طوويله فووق ال30 كيلووو

وردوا له وصلحوا سيارته وردوا البنجرجي وطلب منهم الابو ارقامهم بالكويت وذبح ذبيحتين ووداهم لاهالي هالشباب وتشكر من اهلهم

قوموا ياا اهل واحد منهم وسيروا على عايله هالشايب شافوا عندهم بنيه حلوه اسألوا عنها وواخطبوها

الغريب والصدفه انهم من نفس القبيله ومن نفس المنطقه تقريبا باختلاف القطع طبعاا بس محد يعرف الثاني والولد صااااااار له فتره طوووويله يدوور وموو لاقين له بنيه على المواصفات الي يبيها وهذي يت ريييت

سبحان الله

طلع هالبنشر سبب لبخت ونصيب بنيتهم وماشاء الله كاهم تزوجوا وعيلوا ومن ابدع مايمكن الله يتمم عليهم اللهم امين

 

[سنا الفضه]

السالفه الثانيه مضحكه وغريبه بنفس الوقت

شاب وحيد امه وابوه

الولد مهندس ومعاه ماستر من امريكا وماينقصه شي امه متغليه فييه وحييل ماايقه فييه

مهندس وعايلته زينه وماعليه قاصر مملوح ماشاء الله وهم ملتزم وخلوووووووق وبشوور اهله

والام حييل حيل متغليه واتدور له بنت مطلع الشمس

سأله مديره ليش ماتزوجت

قاله امي مو محصله لي للحينها

قاله تعال شووف اخت مرتي وعطاه الرقم بورقه

خذاه وقال لامه
شافت الام الاسم وماياز لها الاسم ليش انهم مو من مواخيذهم

بس الولد يحب المدير ويحترمه

رد وقالها علشان خاطري يمااه شوفييها

وحن على امه وامه كسر خاطرها دقت وقالت بشوف البنيه

دخلت الام وانصدددددمت البنت مافيها من الزين شعره وحده سميييينه لدرجه انه زنودها اترطرط بس قططنه

طلعت الام قالت له ميتينه وماتصلح لنا

قال بشوفها

قالت الام خووش ماراح تلووق له

دخل شافها

طلع والام كلها ثقه انها ماااراح تعجبه لاخير ولا شر لاانها حسب كلام الام بوقت الشوفه موو حلوه شعرها مو ناعم ماجنها من عايله تشتهر بالشعور الحرير والكتكته

ومتيييييييييييييييييييييييييييينه جنها مريم الغضبان الله يرحمها ويغفر لها

وملامحها عاديه مع المتن متقلفصه

بس صدمها لمن قالها

عجبتني وابيها

ردت قالت له دش شوفها

قالها مقتنع

والولد مابذنه مااااي

دقت الام على اهل البنيه طبعا وافقوا بدون تردد بتزكيه من نسيبهم بعد

كلما دقت عليهم الام قالوا لها باجر

اي صج

لمن دقت قالت لهم متى اقدر ايي واتعرف عليكم

قالوا لها باجر ولمن ردت دقت متى يقدر الولد يشوف قالوا لها باجر

ولمن دقت قالت لهم متى اييون الرياييل قالوا لها باجر

دقت متى اييب الدزه قالوا لها باجر

متى الملجه قالوا لها باجر

انزين والعرس قالوا لها حجزنا الاسبوع اليااي لقينا حجز بصاله الجمعيه<- - اشووه انها مو باجر

لدرجه انه الام بالعرس قاعده واتصييح

وماتدري جم عطاها مهرررر

خالته ساسرته جم عطيتها قالها 12 الف

وصار عند خالته الصغيره هبووط شربوها سفن اب

طالعه بالصوور وهي تشرب سفن اب والكحل نازل من عيوونها من كثر ماداخت وعيونها صارت اتدمع من غير شعوور

وسبحان الله الولد يموووت على مرته وهم الام حبت بنت النااس حييل ودخلت قلووبهم

صج لاتنظر قدم ولاساق وربك قسام الارزاق

 

[لؤلؤية]

لاااااااااااا اله الا الله

سبحان الله.... القسمة والنصيب مهما يتدخل فيها الاهل..لكن المقسوووم لااازم يصيييير
شاءوا ام ابوااااااا

مشكووووره حبيبة قلبي وفي انتظار قصص ثاانية مثل روعة تواجدج
>>>>>تكفين ساعديني :dddds:

 

[JaDeL]

سبحان الله نصيب

 

[سنا الفضه]

لاااااااااااا اله الا الله

سبحان الله.... القسمة والنصيب مهما يتدخل فيها الاهل..لكن المقسوووم لااازم يصيييير
شاءوا ام ابوااااااا

مشكووووره حبيبة قلبي وفي انتظار قصص ثاانية مثل روعة تواجدج
>>>>>تكفين ساعديني :dddds:

افا عليج حاااضرين لسوالف القرقه حطيني على يمنااج اويلاه عليج بس

في جعبتني جم اقصيصه بحطهم لج بحيل الله:ggdw:

 

[سبائك]

خالته ساسرته جم عطيتها قالها 12 الف

وصار عند خالته الصغيره هبووط شربوها سفن اب

طالعه بالصوور وهي تشرب سفن اب والكحل نازل من عيوونها من كثر ماداخت وعيونها صارت اتدمع من غير شعوور

هههههههههههههههههههههههههههههههههههههههههههههههههههههههههههههه

امبيييييييييييييه مت من الضحك سنوووووووووووووووووي ياخف طينتج ياربي

 

[Miss_Moon]

يعطييج العافية ام فيصل صراحة خوووش قصص للرفففففففففع

 

[يابختي]

وناسة قصيصكم....................رومانسية

شوفوا عندي قصة يقولها مثل ما سمعتها...............لا تهاجموني


تقول وحدة انها كانت توها متزوجة..ويت وحدة تصير لها وعلى غشمرة تقول لها بقرى كفج..............على غشمرة

المهم... قعدت البنية تقولها لصاحبة القصة....ريلج قصير وابيض............ ردت المتزوجة تقول لا...ريلي طويل واسمر............صج انج خوارة

ما مر شهرين الا صاحبة القصة تطلقت بسرعة بسرعة

وبس خلصت عدتها......... خطبها واحد وتزوحت بسرعة.......وطلع ريلها....قصير وابيض

 

[3тħвţ άĻα6вα3]

هذي القصه سامعتها من زمان ..

القصه ف [ السعوديه ]




يقول لكم ..

في وحده كانت تشوف التي في او تقرا مجله ..

المهم

شافت وااااحد عجبها حيييييييييييييييييييييييييييييييييل ..

وتمت تدعي ف صلاتها وكل وقت انه يكوون من نصيبها هالريااااال بالذاات ..

وتخيلو السعوديه شكبرها ..

واهيه من الجنوب واهوه من الشمال << او العكس ..

وسبحااان الله


صاااار من نصيبها هالرياااال ..



السالفه قديييمه وماتذكرها عدل ..

 

[اشواق2008]

الله يونسكم بالعافيه ونستوني بالقصص الحلوه

 

[لؤلؤية]

سنا الفضه >>>>بعد جبدي والله
عساج ذخر



سبائك
يسلم لي هالمرور العطر


Miss_Moon
حياج الله حبوووبه


يابختي
ليش ياقلبي نعصب..؟؟
انتي ماقلتي شي غلط..قصة سمعتيها وكتبتيهاااا


3тħвţ άĻα6вα3
غريبة القصة...
معقووله ما قابلها او شافها..او اهله شافوها...قبل مايخطبها..؟؟؟
سبحان الله كلشي نصيب..واكيد الدعاء بنية مخلصة وباصرار له دووور كبييير



اشواق2008حبيبة قلبي سعيدة بمتااابعتج...ورفعج للموضووع
عاد تدرين انا للحين اقرا مواقفكم اللي مع الحمووووله..وما خلصت الموضوع للحين
امبيه حتى زوجي وعيالي يستغربوون مني وانا مجابلة النت ميته ضحححححححك بروووحي
طلعتي عجيييبة يا اشواق...

 

[ليت]

up

up

up

 

[لؤلؤية]

فطوم فطيم فطامي

الله يرفع قدرج


*
*
*

قصتنا عن واحد

مضرب عن الزواج...حتى امه كانت تسميه>>>> العانس:dddds:
وبدووون مقدمات..صرح لامه انه يبي يتزوج !!!!!

فرحت الام وقامت تدور اجمل بنت في العايلة...ولقت ضالتها
وتمت الخطوبة والزواج الاسطوري اللي كان حديث الناس من فخااامته و جمال العروس وشهر العسل المتعوب عليه

ولكن بعد قترة قصيرة
تم الطلاق لاسباب مجهووووله
لدرجة انه الناس قالوا عين..او حسد
وبعضهم قال من البذخ والفلوس اللي انصرفت الله مابارك لهم فيه و....:cxxxp:

المهم الام خطبت لولدها
وحده مطلقة ومايعرفونها...تدرون وين شافتها...؟؟؟؟
بعرس ولدها الاولي..وكانت هي نجمة العرس الاسطوري
كانت في كامل اناقتها...ورقصت..ولفتت انظار الناس كافة
حتى انه ام المعرس استخفت عليها...وسألت عنها

على فكرة اهي من معازيم اهل العروس

سبحان الله...كأن الله قسم لهم الزواج..بعد طلاقها وطلاااقه
عشان يكونون اثنينهم مطلقين
وشافوها بعرسه لاول مرة

لو انه اعزب ماكانوا بيفكرون فيها

 

[ام حسوني]

يا رب ارزقني و ارزق خواتي

الزوج الصالح

الذي نكون نحن قره عينه و هو يكون قره اعيننا

 

[لؤلؤية]

اللهم آآآآآمين يا ام حسوني
انتي وكل البنات
يعوض صبركم بالخير
ويرزقكم بازواج صااالحين يسعدووووونكم ويخافون الله فيكم

 

[bental7bayeb]

يعطيج العافيه حبيبتي وماقصرتي على الرد الي رديتيه
والله يا ام فيصل حبيتج ودخلتي قلبي
اتمنى انج ماتوقفين وتكتبيلنا عشان نستفيد وصير عندنا امل
مشكوره وماقصرتي


يالله يارب توفقج وتهنيج وسهل عليج وسخرلج ريلج وعيالج ويسعدكم وخليلج ريلج وعيالج وتشوفين عيالج متزوجين وعندهم كوكش عيال
والسامع يقول امين
​

 

[لؤلؤية]

bental7bayeb

ياااانور عيني انتي...آآآآآمين آآآآآآآآآمين
والقلوب عند بعضها انا بعد حبيييييتج...ويشهد ربي اني اتمنى لكل بنت نصيييب طيب
وولد حلااااال يفرح فيها وتفرح فيه
>>>>> ترى حتى انا عندي بناااااااااات

والله ماني عااارفه شاقووول...

*
*
*


وهالقصة عشان خاااطر عيون bental7bayeb

7

7

سمعتها من ابو فيصل..

يقوول

اول ما اشتغلنااااا كان معانا في الدوام واااحد ولد عايلة من عوايل الكويت
ولد شباب ما شاء الله عليه..كامل والكامل الله ومحترم محافظ على فرووضه وسيم وماينقصه شي...
طبعا يشتغل ضابط
كان توه متخرج من الكلية ماصار له سنه
المهم انه
راااح لمنطقة من مناطق الكويت الراااقية جدا...بيزور احد...او عنده مراجعة او...
ماني عارفه سبب الزيارة..
المهم راااح عنده شغلة معينة

واذن الأذان للصلاة..
ودش اقرب مسجد يصلي
ووقف يصلي والا يمه واحد من اشهر شخصيات الكويت...مابي اذكر اسامي العوايل
وعقب ماسلم وخلص صلاااة..سلم على هالشخصية
استانس عليه وقاله ياولدي انت من ولده...؟؟؟
قال له انا ولد (.......) قال انت ساكن هنيه (يقصد المنطقة) ..؟؟؟
قال لاااا بس عندي شغل...ومريت اصلي وطاالع
قال الابو ماشاء الله عليك...ايه جذيه نبي عيال الكويت

تعال تعااال عندي بالبيت اشرب معاي استكانة جاي...حياك الله

وطلع معاه مر عليه للبيت...وشرب وياه الجاي...ومع السوالف قاله بهالزمن يقولون اخطب لبنتك ولاتخطب لولدك
انا معجب فيك وباخلاقك ويشرفني اني اناسب واحد مثل اخلاقك

((الكلاام احتمال ماكان جذيه بالحرف...بس المختصر انه ابو البنت اهو اللي عرض على الولد بنته))

الولد ماصدق...وقاله والله ياعمي انا اللي اتشرف بنسبكم
...الولد مو مصدق نفسه..وحاس انه قاعد يحلم

وفعلا جاب اهله وخطب وتزوج بنت هالريال اللي اسمه اشهر من نار على علم بالكويت
وصار عنده عيال...والبنت سعييييدة مع زوجها...واهو بعد سعيييد معاها

وابوها قاله اترك شغلك الحكومي...وتعال معاي بشركاتي..وفعلا طلع من وظيفته
والحين من كبار رجال الاعمال

للعلم القصة هذي صار لها اكثر من 20 سنه

 

[Om_Ksha]

مشالللللللللللله نصييييبه انكتب بهالمسيد

 

[music_teacher88]

واااااااااااااااااااااااااااي وناااااااااااااسه في اكششششششششششششن ......حلاته جذي الزواج مو ناس يطرشون وملجه وجك بوم يابو يهاااال اخييييييييييييييه توني اطيح على الموضوع سهرانه اقرى كل الصفحات لووووووول