Ξღ سمعتي قصة خطبة او زواج غريبة؟؟ تعالي ღΞ

[LuLiTa]

للرفع نبي قصص عاااد <<<عزااابية

 

[LuLiTa]

بما اني عزاااابية مواااصلة ف بقولكم قصة رسووم متحركة <<<<اقووول روحي نامي

قصة جوودي ابووت و شلوون نصيبها اهو اللي خلى زوج المستقبل يختارها عشااان تاخذ المنحة الدراسية و يتزوجها في اخر المسلسل يعني جنه كان يختار عروووسه و سلامتكم <<< مو قلنا روحي نامي

لوووول اتغشمر معاكم بس حبيت ارفع الموضوع لعيوون ام فصووول و ناطرين القصص منكم

 

[meen_ana]

عندكم قصه نطرووني لمن افضي اكتبها لكم

 

[لؤلؤية]

بنت الأجواد

يعااافيج ياااااحبيبتي

*
*

LuLiTa

بعد قلبي والله...تسلم عويناااتج
ان شاء الله قريب تحطين لنا قصتج واشلون الخطيب تحطم و انجبر فيج...وجبتيه من قفاااااااه
وجاااااااااا يطلب ايد حبيبتنا وبنيتنا الغالية لوليتا

*
*

meen_ana

ناطرين قصتج

 

[ليت]

للرفع

 

[مسك وعود]

للرفع

 

[LuLiTa]

يالله انا بقول لكم قصة يدي و يدتي شلوون تزوجووو
كااان يدي في ذاك الزمان شااااعر و يرعى الغنم و متزوج من بنت عمه و يحبها واااااايد و يايب منهاا ثلاث صبيان و بنية و يووم كااانوو اليهال صغار توفت الأم
و من عقبها ظل يدي عشر سنين بدوون زواج و كااان رافض انه يتزوج من عقب مرته الأولى لأنه كااان يقووول انه مالها مثيل و باختصااار ما لقى من الحريم كلهم اللي تاخذ مكانها و معزتها في قلبه ............


لين ذاااك اليووم ......




كاااان يرعى في المرعى و لمح وحدة متغطية و ترعى غنيماااتها صووبه
جان اتمر اهي و غنيماتها من يمه و هب الهوااا و طير لفتها و انكشف و يهاااا و اهني صااار السحررر

في لحظة تلاقت عينها بعينه جاااان سهام عيونها تخترق قلبه و اهني خلاااااااااااص انجبر فيهاااااااا و حبها ( وخبركم يدتي عيوونها كانت مكحلة و رسمة عينها جميلة و حلوة) و في هذي اللحظة و بدون شعور بدا يدي يقصد فيها و يقول شعر في جمال عيونها و اهو طووول الوقت ووااقف في مكانه ما تحرك لحد ما رااحت عنه و صارت بعيدة حيييييييييييل و اختفت

و على قولتهم حب من اول نسمة هوااااا و طبعا عرف اهي بنت منو و تزوجهااا و يابوووو بنوتة حلوة اهي الوالدة

هااا شرايكم بالقصة ؟؟؟؟ ​

 

[LuLiTa]

ام فيصل كتبت قصة و ما ادري اذا طلعت و لا لأ
لأنه في شغلة غلط في جهازي و اليوم كل ردودي تطلع في مواضيع غلط :"(

 

[لؤلؤية]

ام فيصل كتبت قصة و ما ادري اذا طلعت و لا لأ
لأنه في شغلة غلط في جهازي و اليوم كل ردودي تطلع في مواضيع غلط :"(

كاهي قصتج (يدج ويدتج) جدامي ياوجه الخير

وجهازج ان شاء الله مافيه الا العااافية

والله يحفظ لج الوالدة...

 

[Betty]

ما شاء الله تبارك الرحمن يا حلو قصتج يا لوليتا عسى الله يخليهم لبعض و عسى الله يرزقج واحد يحبج من اول نظره مثل يدتج و اذا متزوجه عسى الله يسخر لج ريلج مثل يدج و احسن

 

[bental7bayeb]

قريت هالقصه.. وبصراحه
ضحكت عليها واعجبتني وحبيت أنقلها لكم قصه حقيقيه عن

زواج بنت وبقول لكم عن قصه زواجها الغريب المضحكه هذي البنت سلمك الله عندها خوات أكبر منها وأصغر منها وهي توها متخرجه من الثانوي المهم بالبيت ماعندهم خدامه كل يوم الدور على وحدة من البنات تطبخ وبعدين ترمي الزبالة عند الباب المهم جا دورهالبنت اللي أتكلم عنها كانت سهرانه مع اخواتها الين الساعة 2الصبح وبعدها خواتها طلعوا ينامون فوق.. وهي قعدت تنظف المطبخ وتشطب عليه.. وقامت وطلعت الزبالة عند الباب..المهم البنت قالت ليش أحطها عند الباب خليني أتشجع وأرميها بالزبالة أحسن..** وطلعت بره بالشارع وكان الشارع فاضي مرة وكانت الساعة حوالي ثلاث ونص المهـــــــــــــم

يوم جت تطلع ترمي الزبالة قفل باب بيتهم هههههههه وقعدت المسكينه بالشارع...فكرت ترن الجرس خافت أبوها يهاوشها ويسوي ليها شي ( لأن أبوها شديد)... وهي بالشارع ماعليها إلا! قميصها حق البيت ..المهم

سمعت أن فيه صوت يقرب منها .. صوت سيارة !! قامت مسكت الزبالة وقلبتها ودخلت جواتها المهــــــــــم كان اللي جاي ولد الجيران .. كان توه جاي من استراحة..المهــم جا ولد الجيران وقف السيارة وطلع المفتاح علشان بيدخل للبيت إلا يسمع صوت يتحرك بالزبالة !!

وأستغرب إن الزبالة مقلوبة قام وقرب من عندها... وجا بيرفع الزبالة ويا زينها

إلا صرخت وقالت : لالالالا.قال : بسم الله الرحمن الرحيم..أنتي إنس ولا جن

قالت: إنس قال إنتي وش جابك أهنا ؟؟

وقالت له القصة وهي متغطيه بالزبالة وترجت ولد الجيران يساعدها قال خلاص لاتخافين قام قرب سيارته من باب البيت وركب فوق السيارة ونقز وفتح للبنت الباب.. وقالها:ادخلي بسرعة لاحد يشوفك قامت مسكينة ماصدقت رمت الزبالة.. وطلعت كذا قدام ولد جيرانهم المهــــــم

دخلت وقفلت الباب على طووول...وولد الجيران واقف ماتحرك

يناظر فيها... المهم. مامر على هالسالفة يومين إلا جا وخطبها

من أبوها وتزوجه ههههههه والله قصة زواج غريبة وعلى فكرة

ترى هذي السالفه حقيقية وحصلت بالفعل ؟؟؟؟​

 

[لؤلؤية]

مشكورة حبيبتي على الاضافة:ggdw:...سبق وقريتها بالنت

 

[Toffeeya]

up up

 

[ليالي الكويت]

يعطيج العافية ام فيصل على هالقصص ...



خل اقول لكم قصتي
عاد انا قصتي قصة و ليلحين ما خلصت
و الله يستر من نهايتها !!

الله يسلمكم انا و رفيجتي توظفنا بنفس اليوم بنفس الفرع
و كان فرعنا اغلبيته بنات الا اثنين شباب كويتييين و الباجي لبنانيين
المهم
رفيجتي طيحت الميانة ويا العموم
انا امي قبل لا ادش البنك قالت لي ايااااني واياااااج تتغشمرين ويا شباب البنك ترى مو ويه تغشمر !!
المهم كلمة امي معلقتها باذوني
كل ما طلعوا موظفين فرعنا طلعة غدا كلهم ويا بعض انا الوحيدة الي ما اروح
و كل ما تيمعوا عقب الدوام و راحو ستاربكس انا الوحيدة الي ما اروح
مع انه رفيجتي تحن علي تحن علي بس ماكو امي ما ترضى
و هم اذا شفنا احد من شباب البنك برا ولا جني اعرفهم ولا جني اشتغل معاهم !!
المهم
يالنا موظف يديد
هالموظف رفيج واحد من الاثنين الي معانا
لما خلص الدوام العموم رااااحووا ستاربكس الا انا
عاد اهوا سال رفيجه الي معانا من زمان جان يقول اي هاذي كله ما تطلع معانا ولا شي
المهم ولا يسئله عني و هذاك يمدح فيني و سال رفيجتي عني و مدحت فيني
و اهوا كان يبيني بس انا اشتغل بارت تايم و ليلحين ما تخرجت و باجيلي سنة و اتخرج
عاد قال لهم لا اييبون لي سيرة لانه ناوي اييني عقب ما اتخرج
بس رفيحتي زل لسانها
و انا سحبت منها حجي
المهم
انا قلت حق امي
جان تقولي شووووفي هذا لو يبيج جان يااج الحين
هذا بيلعب
و عقب قال حق رفيجتي تجيييس نبضي لانه ناوي اييني الحين و غير رايه
المهم انا على كلام امي قلت لها اوكي
و امي قالت لا لازم تتخرجين بالاول !!
المهم
امه دقت
و امي رضت اييون مادري شلون مع انها كانت رافضة !!
و قبل لا تيي امه بشوي امي قالت لي لا تستانسين ما راح يصيرر شي !!
المهم اول ما طلعت امه من عندنا جان امي تقووولي انا موافقة !!
(اليوم الي يت فيه امه توفى بابا سعد الله يرحمه !! اعلنوا الخبر و اهيا قاعدة عندنا !! )

و لما امه يت بتدق على امي تقول لها متى الولد بيي ولا يدته تدش المستشفى !!
نطرنا اسبوع بعدين قالوا حق امي انه الولد بييني باليوم الفلاني !!
المهم الولد يه وقت امتحانات الفاينل !! وييع بين اصعب امتحانين ياااي الاخ مادري ليش !!

المهم عقب امه دقت و قالت انه يبيني و نفس الشي امي قالت لهم اني راضية و سالنا عن الولد !!

عقب اسبوعين امي دقت قالت اوكي و امه قالت لما يرد اخوه من السفر الرياييل بيون
رد اخوه من السفر
امس دقت امه و قالت حق امي يوم الاثنين بيون !!
عاد الله يسلمكم
اليوم ابوي حبيبي دخلوه المستشفى !! ( حياتي ابوي الله يشافيك انشالله )
و طبعا السالفة تاجلت و ما راح ايون الا لما يرد ابوي انشالله بالسلامة من المستشفى !!


لووووووووووووول
و القصة ما زالت مستمرة احم احم
عاد بالدوام يقولي صج انه الطبيعة ضدنا بس ماخذج ماخذج !!
:tomato2:

و ماكو ناطرين نهاية المسلسل المكسيكي !! ​

اندمجت بسالفتج حييييييييييييييييييل

يارب يارب الله يوفقج وتتزوجين ويشفي ابوج ان شاء الله ويخليه لكم

وبشرينااا عاد مو تنسيييين

 

[ام حسوني]

خووووووووش قصص

الله يعطيكم العافية

ويرزقنا و يرزق كل البنات الزوح الصالح

 

[سويتي الحلوه]

الموضوع ينن




متاااااااااابعه ويااااااكم

 

[ام حسوني]

up


up

 

[مستثمرة بورصوية]

قصة حلوة صارت ايام الغزو ( الله لايعيد الشر )

شبابنا في ايام الغزو ما خلوا شغله ما اشتغلوها

من ضمنها انه كلواحد حطله بسطه يبيع فيها

المهم واحد من هالشباب الحلوين كان مسوي البسطه في مشرف ايام الغزو يبيع فيها

وكان يوميا يمر على هالبسطه ام مع بنتها وكان عمر البنت في ذاك الوقت 14 سنه

و الصبي عمره تقريبا 25 - 27 سنه ... تعرف عليها وظلت علاقته معاها لين دشت الثنوية وتخرجت ودشت الجامعه وتخرجت وتقدم لها و تمت الموافقة بعد جهد جهيد

و اليوم عنده منها ماشاءالله كوكش يهال الله يخليهم حقه

 

[Artya 【ツ】●]

 

[Sandoos]

مشكوووورين على القصص الحلوه
وان شاء الله متى مانخطبت راح اكتب قصتي