°●.» ديوانـية الأبـلات «.●° للسوالف والفضفضة اليومية عن حياتنا المدرسية

[مدرسة المستقبل]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

هلا منولتي

أمين الله يسهل أمورنا يااا رب

حدي مشتاقة حق عطلة عيد الأضحى وعطلة نص السنة وعطلة الصيف >>> جني مصختها ما خليت شي

أكل كالوري كونترول روووووعة اينن

أحلى شي الباستات والشوربات وأطباق الغدا الرئيسية

السلطات أنا مو وايد معاها فـ دقيت اليوم وطلبت يحطولي طبق بديل واخترت شوربة إضافية بدال السلطة

واشتراكي يا محفوظة السلامة لمدة أسبوعين لي نهاية شهر 10 بس بأمدد ن شاء الله

معاملتهم حدها راقية

صراحة أحس روحي مدلعة

ووجباتهم تسوى فلوسها صراحة


منال بأدز لج رسالة خاصة جيكي عليها بليز وردي علي

 

[fri2010]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

قوةةة شلونكم عساكم بخير

بغيت اسأل يصير مثلا تكريم المتميزات بالفصل كبرنامج اذاعي

والا سوالف التكريم له برنامج بروحه خاص؟

 

[jen2n]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

اشلونكم يا حلوين

يوم الاربعا اللي طاف ما عندي الا محاضره وحده والحصه الرابعه المهم بعد ما خلصتها طبعا اقعد لما تصير 1 عشان اطلع

والابلات اللي وياي بالقسم يقولون لي ليش تقعدين فاضيه حضري حق اسبوع كامل

قلت لهم ما اعرف احضر بازعاج

عاد افهموها ان من ازعاجهم!!!

ما ادري تصرفي صح والا غلططططط؟

 

[Miss independent]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

جنان انتي ميداني؟

 

[منال القلب]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

مدرسة المستقبل: ان شالله ألحين أشوفها. وبالعافية عليج الاكل وحلو انج تلغين السلطة وتحطين بدالها شوربة مطرح ما يسري يمري على قولة السوريين..


فري: على حسب مدرستج بلغي رئيسة القسم وقوليلها بكرم جم طالبة بالطابور وتنسقون مع ابلة الاذاعة وعادي..


جنان: هلا حبيبتي. لا عادي انا دايم تصير وياي جذي ومرات اقولهم ماعرف أحضر بازعاج.. عادي لا تشيلين هم هالسالفة العادية..

 

[منال القلب]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

مسا الخير
اليوم الطالبات ذبحونا كل شوي
يقولون ان الثلاثا والاربعا والخميس عطلة!!
والمشكلة مصممين انه عطله بسبب وفاة ولي عهد السعودية!!
مادري في اخبار قالولها لكم؟

 

[كويتيه cool]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

ابلات انا مسويه ورقه a4 تغليف حراري واهيا الورقه فاضيه وكل حصه اكتب عليها اسم الطالبه المجتهده المهم في وحده من الطالبات قالت لي ابله عادي امسح اسم الطالبه المجتهده واحط اسمي ابله تكفين بحط اسمي ((جذي قالت)) عاد انا رديت عليها على غشمرة ياويلج!!!!! جان ترد علي وتقول ابله شنو يعني يا ويلج!!!؟

الكلمه قويه وما تنقال والا عادي والا شنو !!!

 

[what's up]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

قوه ابلات انا مشروع ابلة فنيه ان شاء الله كورس اول ميداني
حدي مستانسه و متخوفه بنفس الوقت
كويتيه كول يا ويلج ما فيها شي بس البنات دلع

 

[منال القلب]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

واتس أب: الله يوفقج يارب ويسهل أمورج ان شالله وحياج ويانا بأي وقت..

=====

كويتية كول: عادي عادي من صجج؟ على قولة واتس أب دلع بنات لا تحطين ببالج

=====

درة أهل الطولات وينج؟؟؟؟؟؟؟؟؟؟؟؟؟؟؟

 

[Blonde B]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

أنأهالاسبوع عندي درس على مستوى المنطقه
بليز بنات ادعولي
لان ودي بامتياز مرتفع هالسنه

 

[المـــــها]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

أنأهالاسبوع عندي درس على مستوى المنطقه
بليز بنات ادعولي
لان ودي بامتياز مرتفع هالسنه

الله يوفقج حبيبتي
يا رب تاخذين امتياز مرتفع موفقه :eh_s(17):

 

[منال القلب]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

^
^

الله يسهل أمورج
ان شالله وتبدعين وانتي ماشالله عليج قدها وقدود ان شالله..
وبشرينا شنو يصير وياج..

 

[ترف بابا]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

السلام عليكم اجمعين

يسعدني انضم للديوانيه اللي فيها حلو.... اقصد الحلوه هذي 

واشارك كل ماسمح لي الوقت

قواج الله يامنال 

 

[منال القلب]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

الله يقويج يا ترف ان شالله نتواصل هني مع بعض على طول..

 

[Blonde B]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

عندي الحصه الاولى والثالثه والخامسه

الحمدلله


شلووونكم ؟؟

 

[منال القلب]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

هلا حبيبتي ايمو الحمدلله
انا اليوم كان عندي خامسة وسادسة وسابعة وفوق هذا مراقبة واجتماع قسم
وااااي مت مت

 

[Blonde B]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

وييع ما احب جذيه يطلع لي يوم في كل شي
وباجي الاسبوع ع حصه والا حصتين
:\
الفاكس بمدرستنا خربان ولازم باجر اروح اوزع الدعوات
حقت درسي ع المدراس حاله والله :\

 

[المؤرخة 2011]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

انا بعد اليوم انضغطت عندي حصه ثانيه ورابعه وسادسه واجتماع فني واشراف على جناح لمدة يوم

 

[منال القلب]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

الله يعطيكم العافية فديتكم..
ويقولون ليش ما تحللون معاشاتكم
المعلمات أكثر ناس يحللون معاشاتهم..

 

[منال القلب]

رد: °●.» ديوانـية الأبـلات «.●° للسوالف والفضفضة اليومية عن حياتنا المدرسية

مسا الخير
سالفة الكادر
اليوم شاغلة المدرسة
وبالأخير تاجل كل شي
ويه احنا مقرودات مو نفس باجي الوزارات