°●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

يوم زواج نجوى )


قالت ام بندر بعصبيه – جود خير ماتجين بيزعل اخوك انتي من يهمك اخوك ولا الحريم


جودبتأنيب ضمير – اخوي يمه بس ماني رايحه مابي برسل باقة ورد أي شي بس روحي مابي يمه انا متاكده مدبره لي شي يضيق خلقي مابي مشاكل


ام بندر بعصبيه – جود ان مارحتي العرس والله لازعل منك


وطلعت من غرفتها بعصبيه ..دقت جود على ريووف – الو


ريووف – هلا وغلا ..


جود – ريووف بتحضرين زواج نجيو


ريووف – مدري للان محتاره وانتي


جود بعصبيه – امي هزئتني مره وشكلي بروح


ريووف – الله يعينك


جود – بليز ريوف احضري مافيني حيل اقابلها بلحالي ابيكم كلكم تحضرون


ريووف – يوووووه مصره


جود – بليـز


ريووف بكره – طيب يا جود عشانك بس ولا من له مزاج يقابل بنات اخوك وامهن ..


جود- الله يعين يالله بروح ادور شي بدرجي البسه


ريووف – انا عني بلبس جلابيه فخمه


جود – بدور لي تنوره وبدي كشخه والبسه .. يالله سلام


ريووف – سلام


زينت جود شعرها وحطت ميك اب حلو ولبست تنوره جنز فخمه وبدي ذهبي كشخه وصارت جاهزه وتنتظر امها تخلص


دخلت امها الغرفه وشافتها ضاربه بوز ونص .. تعرف انها قسـت عليها بس اهم شي علاقتها بأخوها ما تتزعزع ...


وقفت جود واخذت عبايتها ...وحمدت ربها ان ام ماجد وريووف وندى سبقوهم لبيت ابو طارق وصلوا البيت بوقت تحسه ثواني ونزلت مع امها


دخلت الصاله بعد مانزلت عبايتها واشوا الحفل كان عائلي ومافيه اغراب .. ونجوى صديقاتها مو ذيك العلاقه ..سلمت على ام طارق وبناتها الصغار وجلست جنب ريووف – وش هالكشـــــــخه لبسك روعه


جود بدون نفس – الساعه تسع يا طول الوقت الي بجلسه هنا


ريوف – ههههههههههههههه الله يقطع ابليسك لا تسمعك ام طارق وتاكلنا


جود وباين انها طفشانه – تجهزي للمصيبه الي محضراتها لليوم


ريووف – اسكتي تراي اتحرى من اليوم لحركه من حركاتهن


جود- ههههههههههه والله وتعودنا عليهن


بعد شويات جت نجوى وجلست بعد ماباركوا لها بالزواج كانت لابسه فستان سهره سكري وله ذيل ورافعه شعرها شنيون حلو ميك ابها كانت يجنن ..


توزع الحلا وريووف وجود يناظرن في بعض وينتظرن حركه من حركاتهن


قالت نجوى – اقول جود صدق الاخبار الي سمعناها


دفت جود ريووف بشويش وكأنها تقول بدن حركاتهن ...


جود بدلع – أي اخبار


نجوى – انك متهاوشه مع زوجك


مافيه غيرها الملسونه نويف ...


جود بابتسامه بارده – كلها اشاعات لاتشيلين هم


دقه بالصمـيم ...طاح وجه نجوى لكنها كملت – ويقولون ماد يده عليك


ضحكت جود – بعد انقلب فلم هندي ...


تفشلـت نجوى وسكتت بس جود ناظرت في امها وعاتبتها بنظراتها زين يمه هذا الي تحصلت عليه بجيتي هنا ..


عدت السهره بسرعه وحمدت جود ربها ان ابوها مايحب السهر كثير ورجعوا بيتهم بدري قالت جود لامها يوم دخلن البيت – شفتي يمه شفتي ماعزمتنا الا عشان تحرني وتحرق قلبي


ام بندر – يمه انسي كل شي وتذكري فرحه اخوك يوم شاف خواته كلهن حاضرات اخوك هو سندك وعزوتك بهالدنيا لازم تراعين خاطره وما تتاخرين عنه وانتي ماقصرتي هجدتي نجيو بنتي واعرفك محد يدوس لك على طرف


قالت بصوت فيه بكيه – لو محد يدوس لي على طرف ما تجرأ فيصل وضربني قدام امه وخواته ..


ام بندر – يمه الكف الي ضربك ياها راح يدفع ثمنه يكفي انه جا بيتنا ورديناه خايب بعد ماعطاه ابوك محاضره طويلـه ..


جود بألم – اقول يمه قفلي على هالسيره تصبحيـن على خيـر ...


ودخلت غرفتها بعصبيه .. لسى ماتخطت الي صار لها وجروحها ماتحتاج احد يصحيهـا الله ينتقم منك يانجيو اذيتيني بحياتي بدون سبب بدون ذنب ارتكبته كل هذا من الغيـره كل ذا لان امك انسانه تغذي كرهك لي جعلك تتعذبين نفسيآ زي ما انتي تستهزئيـن على حالتي ووضعي مع زوجي ..


*


ببيت نجوى الجديد...>>


قال زوجها لها – بناتي الثلاث بيسكنن معنا


ناظرته نجوى كملت بعد بناته هنا ...!


كمل – ابيك تعتبرينهن مثل خواتك او بناتك الي تحبين ..


بناتي يا سلام من جد كملـت ..!


سالته نجوى – ورى ماحضرن العرس


زوجها – رفضن يحضرن


بعد !


كمل – ماينلامن لانهن يبغني ارجع امهن


مابقي الا هي !


-......... بس الي بينا انتهى من سنين وهي متزوجتني غصب ويوم توفى ابوها ماصدقت خبر وتركتني


ناظرته نجوى صدق غريبه وغبيه تتركه وهي عندها بنات كبار ياخوفي بس لا ترجع له والله لاموت


دق الجوال حق زوجها – نعم .... هاه وشو متى هالكلام ..انا جاي الحيـن


وقف – بنتي مدخلينها المستشفى بروح اشوفها


وقفت نجوى بعصبيه – الليله ليله زواجنا وتطلع تتركني


عصب – هذي بنتي ..


نجوى بعصبيه – بنتك عندها خوالها امها وزي ماعرف انها دايم يغمى عليها وتدخل المستشفى ساعه وتطلع ..معقوله تطلع وتروح مشوار مدته ساعه عشان شي يصير دايم وانت تعرف ان مامنه خطر


طلع من عندها بسرعه ..انهارت في مكانها وجلست تبكي – خييييييييييييييييير يتركني ليله زواجي ..


بعد خمس دقايق دخل الغرفه .. اه يعني ماراح وغير رايـه


شافها تمسح دموعها ..قال – كلمني خالها ويقول انها بخير وبتطلع الحين ..


ناظرته نجوى وماردت


قال – بناتي حياتي كلها يا بنت الناس هذا شي حطيه في بالك هن اغلى ما املك بـ هالوجود


ناظرته بجرح – وانا وش اكون


سالم – انتي زوجتي وشريكه حياتي ..


كملت وهي تحس من جد بالجرح – ومتى اكون اغلى ماتملك


سالم – هذا شي بيدك انتي والوقت راح يثبته لي ...



/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بعـد كم يـوم)


كانت جود بالدوام كالعاده ...اخذت جوالها ودقت على اريـج ...


جود – صباح الخيـر


اريج – صباح النور


جود – انتي نايمه


اريج – وين نايمه الناس داخله على الظهر ولا تنسين ملكتي اليوم


جود – هههههههههههه انسى تستهبلين انتي تراك ماخذه اخوي يا آنسه ..


اريج – هههههههه طيب لا يطق بك عرق على اني حاقده ليش ماقلتي لي ان عمر بيخطبني


جود – انا مالي دخل هذا كلام بين الرجال يصيـر وقدرك كبير عندي عشان كذا مسكت لساني بصعـوبه لا اكلمك واعلمك لاني ابي كل شي يكون عام ورسمـي


اريج بخوف – الله يتممها على خير عندي احساس يقول انه ولد عمي مو معديها على خير وسكوته هالايام نحس ..


جود – يووووه يا اريج لاتصيرين مثل الي يدور شي ينكد عليه فرحته تزيني واكشخـي بس ..


اريـج – يختي قهر كنت ابي اسوي عزيمه بس اخوي النذل مقنع ابوي على قولته ان الزواج قريب ف وشهوله نسوي حفله , صدق ماعنده سالفه يبي ينكد علي بأي طريقـه


جود – بنت اليوم ملكتك لا تطفشيني وتطفشيـن عمرك .. خليك رايقه واستانسي اخيرا بتودعين وجيه النحس ..


اريج بغصه – على اني مبسوطه اني بفتك الا اني بشتاق لامي وابوي وجمعات اخواني ببيتنا...


جود – هذي سنه الحياه


اريج – الا على طاري سنه الحياه ماتلاحظين ان لك شهريـن عند اهلك ومافي جديد في موضوعك


جود بضيق وخوف من انكشـاف سرهـا الي تخبيه عن الكل – احسـن فكه منه ..


اريج – جود خلي قلبك كبيـر


جود – قلبي كبير دايم بس الي سواه جرحني بقوه خلينا من سيرته ..تلقينه ماصدق خبر يفتك مني


اريج – جود يكفي انك مقفله جوالك طول هالمده كيف بيتصل بك او يتطمن عليك


جود بدا صدرها يضيق – اريج اذا تعزيني قفلي هالسيره الي تغم


اريج – عشاني اعزك مصلحتك تهمني مو معقوله كذا فكري وشوفي وش قرارك الوضع هذا مو زين لامتزوجه ولا مطلقه ماينفع كذا ...


جود بغصه – طلاق


اريج – وش رايك يعني تجلسين على ذمته وانتم متفارقين هو ماعليه يقدر يتزوج بدالك مو وحده ثلاث انتي الي بتضيعين فكري وقرري


جود – يصير خير يالله امي تناديني ..


سكرت جوالها بعد ما صرفت اريج بحجة ان امها تناديها والغصه خانقتها لمتى بتخبي هالسـر عن اهلها وعن فيصل بنفسـه ياشينه من توقيـت لازم تتعقد المسائل لازم يصير شي يضعف موقفها ويخليها تتنازل عن اشياء كثيره كلام اريج يعذبها كانه صوت المنطق الي مزعجها نفسيآ فتحت جوالها بيد ترتجف دفنت وجهها في مخدتها مامرت نص ساعه الا جوالها يدق رفعت وجهه عن مخدتها ومسحت دموعها بقفا يدها .. فيصل المتصل حست برجفـه قويه تهز جسمها هز ... – نعـم


فيصل بعصبيه – خير قافله جوالك لايكون طلعتي رقم ثاني ...


انا وين وهو وين !


جود – انت مكلمني تهينني صايره ذي عاده عندك ...


فيصل – استغفر الله ياربي ماودك ترجعين بيتك


جود وهي تبكي – البيت الي انهات كرامتي فيـه


فيصل – انتي السبب وبعدين كلكم اخذتم الي فيه النصيب جا نوف الي تستاهل وزياده


جود – ضربك لاختك ماينفي واقع اني انهت لا واختك داقه على بنت اخوي الي تكرهني ومعلمتها بكل الي صار وماقصرت نشرته على الخلق ...


فيصل – وبعديـن يعني الي صار صار منتي براجعه بيتك ..


جود – هالبيت ماراح ارجع له


فيصل – والمعنى ؟


جود – المعنى ابي بيت لي بلحالي ..


فيصل بعصبيه – نعم


جود – الي سمعته ابي بيت لي وهذا شرطي


فيصل وصوته يعلا – تبيني اترك اهلي مجنونه انتي


جود – كيفك تبيني ارجع جبلي بيت لو شقه من غرفتين اهم شي اكون بلحالي


فيصل – هذا اخر كلام عندك


جود – ايه


فيصـل – متأكده


جود – ايه متأكـده


فيصل – سلام


وسكــــــــــــــر الخط بوجهها .. رجعت جود تبكي هذي نصيحتك يا اريج فتحت الجوال وش استفدت ..عطاني كلمتين تغم النفـس ..دقت البتول عليها غرفتها وش مصحيها البتول هالوقـت ...


البتول وهي تشوف حالتها ..- جود شفيك


جود وهي تقوم عن سريرها عشان تغسل وجهها – الرجاجيل محد ياخذ منهم الا النكـد


البتول – فيصل تقصدين وين جاي ولا مكلم


جود – تو كلمني


البتول – و ...


جود – ولاشي كلم يستعرض قوته علي وسكر وهو معصب وماتفاهمنا


البتول – وبعدين ياجود بالله ناظري في شكلك عيونك مورمه من الصياح انتي تبينه ولا لا


ناظرتها جود بحـزن – فات الاوان على هالسؤال


ناظرتها البتول – وشلون فات .. مافات شي اذا ماتبيه قلعته قولي لعمي وانتي تعرفينه انتي بالذات مايقدر يغصبك على شي ماتبينه


جود وهي تصد عن البتول لاتشوف سرها بوجهها – انا قلت له يجيب لي بيت بلحالي ومستعده ساعتها ارجع واذا ماجاب لي بكيفه ولو مايبي يطلقني ماتفرق عندي عاد تصدقين انا مليت من قلب من الفشل والخيبه والوجع والحمد لله اني على الاقل موظفه و لي استقلاليتي ...


البتول – الحب مايجي الا بعد معاناه ووجع .اسأليني انا كنت اكره بندر وكان هو من محبته لي صابر علي وفجأه انقلبت الادوار وامتلت نفسه بالشكوك علي حتى كرهه غلب هالحب الي كان مصبره على عصبيتي ودلعي الزايد ..وصرت انا الي ادور حبه وذقت الي هو ذاقه من وراي وفي وقت ما استسلمت وحسبت حياتنا انتهت بدينا بدايه جديده وبعز ماكنا نتهاوش جا الصلح من الله فجأه والحمد لله لي فتره مرتاحه وانا كل يوم اهزء نفسي على الشهور الي ضيعتها وانا اتهاوش مع حبيب قلبي فيها واحرق دمه


ابتسمت جود – سبحان مغير الاحوال بس صدقيني يا البتول نفسي طابت من كل شي انا احس اني ضايعه بالفراغ الي بصدري احس اني مخدوعه مقهوره ومتألمــــــــــــــــــــه كل الي احبهم مالي منهم الا الذكريات الي تحزني وتشيل البسمه عن حياتي ..احس اني اكرههم .


دمعت عيون البتول – يوه ياجود انتي الوحيده الي كنت متوقعه تاخذ الحياه بحلوها ومرها بكل بساطه كل ذا بقلبك


جود وهي تحارب الانهيار الي جايها في الطريق احيانآ احزاننا لما تفيـض نخاف تتفجـر وتكشف الخافي لناس مانبيهم يعرفون عنها سواء كانو احباب حتى ما نألمهم بألمنا وهم مابيدهم حل ولا ربط او حاقدين وعذال حتى ما نعطيهم سلاح يدمروننا فيه ...- الي بقلبي مايشفيه انسان ..


نزلت دموع البتول غصـب وهي جالسه عند جود ...ناظرت وشافت علب ادويه على الطاوله – جود وش ذا


رفعت عيونها وانصدمت قالت بهدوء – ادويه ..


البتول – عارفه لايش اول مره اشوف هالاشكال


جود – فيتامين ومقويات عندي فقر دم


البتول – ياحياتي لازم تتغذين (وقالت بتلطف الجو) عاد العريس اليوم الغدا بيجيبه من برا كاشخ عمر


ابتسمت جود – الله يوفقـه عموري ويعدي هاليوم على خـير


البتول – اللهم اميـن ,يالله بروح اصحي بندر للصلاه


ابتسمت جود – زين


طلعت البتول من غرفتها وقامت ووزت الادويه بدرج ملابسها ماتبي تتلقف وحده من خواتها عليها وتكشف المستخبي ...سكرت درجها بقوه ..وجلست وراسها بين يدينها ..على الاقل ماتحس باعراض الكل يلاحظها شهرين وهي مخبيه شهرين وهي تشيل داخلها حياه ثانيه خحطت ينها الثنتين بشعرها اه من حظـي الشين الي كنت خايفه منه صار والفراق الي كنت اتوقعه صار يوم حملت .. سلاح بيد فيصل حتى ترجع له وتعيش معه العمـر كله بس راح تقاوم عشان راحتها واستقرارها النفسي .


قامت عشان تصلي وتدعي ربها يهونها عليها ...


:


:

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

على وقت الغداء ...


دق باب البيت والعايله متجمعه عشان يتغدون ..


قام يزيد عشان يفتح الباب وطلع برا ..فتح الباب طلع له رجال شكله مو مريـح – نعم


الرجال – هذا بيت صالح ال .........


يزيد – ايه بيته من تبي


الرجال – ابي عمر موجود


يزيد – من اقوله


الرجال – قل له واحد يبيك با


ناظه يزيد ببرود – طيب بناديه الحيـن ...


دخل يزيد البيت قال ابوه – من الي يدق الجرس ..


يزيد – واحد يبي عمر


رفع عمر نظره – واحد ماعرفته مو من اخوياي


يزيد – اول مره بحياتي اشوفه وبصراحه شكله مو مريـح


عمر يفكر بنفسه شكله الي ببالي قام عن سفره الاكل ونادى يزيد ..لما صاروا بعيد عن مسمع اهله قال لاخوه – اذكر العام كان عندك عجرا (عصا عريضه ) وينها


يزيد – من تبي تضرب


عمر –هي عندك ولا لا


يزيد – الا عندي


عمر – اجل هاتها وانت ساكت


يزيد وهو يهز كتوفه – طيب


جلس عمر ينتظره لين رجع والعصا معه – خلاص رح اجلس وخل فمك مسكر


يزيد – زين


راح يزيد وجلس جنب بندر قال له بهمس – عمر اخذ العجرا حقتي وطلع


ناظر فيه بندر بصدمه وقام عن السفره بسرعه ..


قال ابوه بعصبيه – شفيكم انتم من الي عند الباب ...


قام الوليد ولحق اخوانه ....


طلع عمر برا ولقى الرجال واقف برا يدخن اول ماشاف عمر رمى السيقاره


عمر بعصبيه بعد ماحط العصا قريب من الباب وبعيد عن عيون هالرجال – نعم


الرجال وهو يناظره من فوق لتحت – انت عمر


عمر ببرود – وش تبي .؟


الرجال بثقه – انا عمر ولد عم اريـج


عصب عمر ونزل عنده – لاتجيب سيره زوجتي على لسانك


الرجال بعصبيه – ماصارت زوجه لك هي بنت عمي وانا ابيها


عمر – بعصبيه وهي ماتبيك ماتفهم


الرجال – مو بكيفها ...


عمر بعصبيه – انت جايني بيتي تهددني ارجع لسيارتك لاخلي اليوم اخر يوم بعمرك


خاف منه وهو يشوف ان عمر ما قال كلامه عبـث ..


تراجع لسيارته بعد ماطلعوا بندر والوليد وكل واحد الشر بعيونه ناظر فيهم هو نحيف وطويل وهم طوال وعراض والله ليفرمونه ما عاشت حرمه يموت عشانها


قال وهو يركب سيارته – بروح لعمي الحين واخليه يكنسل الملكه تشوف


عمر بعصبيه – اعلى مافي خيلك اركبـه


وركب سيارته وماعاد ينشاف الا غبــــــــــــــــارهـ ...


قال بندر بعصبيه – من ذا وش يبي ..


عمر – واحد مريض ...


الوليد – كان مسكته بعصاك ذي وهشمت راسه


عمر – شوي وافقد اعصابي معه ..


قال لاخوانه وهو يمسح العرق عن وجهه – دخلنا البيت حرقتنا الشمس ...


قال عمر – هذا ولد عم زوجتي


الوليد – الي محجرها الحمد لله والشكر هذا من يزوجه باين عليه رجال مو سنع


عمر – قلعته صادقه جود يوم قالت ماعنده سالفه


بندر – اشوى انه ذلف وماصار شي بينك وبينه مو ناقصين مصايب


عمر – الحمد لله شكل ابوي معصب


ابوهم ماعطاهم فرصه حتى يجلسون – خير من ضربتم انا ماصدقت كبرتم وصرتم رجاجيل ماتتركون عنكم التهور


ابتسمـوا العيال يوم تذكروا تهورهم وهوشاتهم يوم كانوا مراهقيـن ...قال عمر لابوه السالفه لانه بيدري بنهايه الامر من ابو اريـج ...


رجعوا يكملون غداهم ولاكن شي صــــــار ...


مرت فتره العصـر بسرعه ... وثم المغرب ... وجا وقت العشا والملكه بتكون بعد صلاه العشا وبيجلسون الرجال للعشاء وعمر بيشوف زوجتـه ...


خلص عمر ملابسـه وكشخ ... واخذ الهديه الي شراها لاريج ونزل ...


صفرت جود يوم شــــــــــــــــافته – وش هالزيـن وش هالرزه


عمر – انا دايم كشخه اصلا ...


جود تمزح معه – ايه اكيد لازم تكون انت اخوي ولازم تطلع علي ..


عمر – ضفي وجهك بالله


جود – لاتنسى اني صديقه اريـج


عمر يتمصلح – ايه طبعـا (ناظرها يقال عصبي) ياويلك ان طلعت شينه


جود بخبث – شفها واحكم


عمر – بشوفها ... يو يو ابوي معصب يالله سلام


جود – بحفظ الرحمن ..


ثال ابو متعب بعصبـيه – اخوك الثاني وينه


تلفت عمر الوليد موجود ويزيد اجل المختفي بندر قطيعه ياعمر هذا وقتك تتأخر دق على جوال بندر ولقاه مقفل لا مو معقوله .... راح للداخل معصب كانت جود طالعه من المطبخ تاكل قال عمر – انتي يالمشفوحه روحي لبيت بندر وناديه


طلعت عيون جود – مابقي الا هي تبيه رح انت ناده


عمر – جويده روحي ناديه تاخرنا اشوا ان مشاري هو الي بيجيب الشيخ الي بيملك لي ...


جود – عمر لاتحاول دق عليه عيب اروح ازعجه


عمر وصلت معه للشيطان الرجيـم ..قال- بدق على البتول اصرف


/


دق جوال البتول وشافت رقم عمـر واخزياه ....


-بندر حبيبي يالله اخوانك تحت ينتظرونك


بندر – قولي شكثر تحبيني ولا ماراح انزل


البتول حمر وجهها – بندر يالله عاد عمر اليوم ملكته


بندر وهو جالس بكل برود – قولي شكثر تحبيني ...


البتول شوي ويغمى عليها من الضغط بسبب الفشيله وعمر يدق وماردت عليه ومازال يدق وبين بندر واحراجه لها


قالت بخبث – لارجعت اقول لك


ناظرها وهو ساكت ..


جرته مع يده لين وقف وعطته شماغه وعقاله – يالله اطلع ...


وصلته عند الباب وقبل لايطلع وهو ماسك يدها قال – الوعد لارجعت


وغمـز وطلع حست البتول وجهها شوي ويحترق الله يقطع سواليفك يابندر


*


نزل بندر بسرعه وقلبه يدق بيعطيه ابوه محاضره طويله وعمر بياكله وهو حـي ...


نزل ولقى عمر واقف تحت – بدري كان مانزلت ...


ناظر بندر في ساعته – تونا شفي بصلتك محروقه


عمر وهو حاقد – ابدا مافي سبب عشان تحترق بصلتي


ضحك بندر من اخوه المعصب وطلعوا طبعا بعد ما اخذ له محاضره من ابوه على التأخيــــــــــــــــــر


ببيت ابو اريج لقوا المجلس مليان اخوانها وعمانها وعيال اخوانها المكان كان مليان رجاجيل جلس عمر جنب الشيخ الي بيملك لهم وتمت الملكه على خـير باركوله ابوه واخوانه وعيال عمه وطارق وتركي


دخل ابو اريج على بنته قبل عشا الرجال بساعه وناداها ... كانت اريج كاشخه لابسه فستان ناعم ومسيحه شعرها وحاطه ميك اب خفيف ..دخلت المجلس ورى امها وهي تنافض .. وقف عمر وسلم على عمته ام زوجته


ام اريج وهي تجلس بصعوبه واريج ماسكتها تجلسها – مبروك وانا امك


جلست اريج جنبها وعيونها بالارض ...- الله يبارك فيك ياعمه ..


شكثر كبرت بعينه بسبب حنيتها الي لمسها على امها الكبيره بالسن!


ناظر في اريـج وقال – شخبارك يا اريج


قالت بهمس وعيونها بالارض – طيبه ..


قال في نفسه شلون بشوفها زين ووجهها بالارض .. والمشكله امها موجوده مقدر اتجرأ بالحيل ...


وقفت ام اريج وناظرت اريج فيها كأنها تقول لاتطلعين وتتركيني بس امها سفهتها وطلعت ...


قال عمر بهدوء – ليش بعيده كذا تعالي قريب مني او انا جيت قربت منك


طلعت عيونها من الصدمه وقالت – كذا زين


ابتسم – لا مو زين احس الكلام يجلس ساعه على بال مايوصل لك


وكان المجلس كبير وهي جالسه قدامه وبينهم مسافه كبيره ... قام من مكانه وجلس قريب منها ..عطاها علبه الهديه وقال – ذي هديه بسيطه مني ان شاء الله تعجبك


اريج – ليش تتعب نفسك


عمر – لا تعب ولاشي قولي لي انتي تشتغلين ولا لا ...


ابتسمت غصب لما تذكرت مناقشاتها هي وجود لانها كسوله وماتحب تتعب وتشتغل – لا ما اشتغل


عمر لاحظ ابتسامتها الحلوه – ليش طيب ابتسمتي اكيد تذكرتي شي


اخو جود مايفوتك شي!


اريج وهي ترفع راسها لاول مره – لا بس ماصدقت خلصت الجامعه بروح اشتغل


ابتسم هو بعد وقال لماجت فرصه يفتح موضوع سكنهم بجده – هنا يمكن ماتحتاجين للشغل لان ماعندك وقت فراغ ولان حولك اهلك ومشغلينك بس لا سافرنا لجده بيكون فيه وقت فراغ كثير ..


ناظرته اريج –كيف نظام شغلك


عمر – من الصبح للظهر .. واحيانا من المغرب لين 12 بالليل


اريج – الله يكتب الي فيه الخير


عمر – بس حبيت اوضح لك انه ماعندي مانع اذا حبيتي تشتغلين وتملين وقت فراغك ..لي هناك اصدقاء وساكنين بنفس العماره ومتزوجين جدد وفيه الي عنده ولد او ولدين تقدرين تسوين علاقات مع زوجاتهم ..


ياحليله يحاول يخفف علي غربتي عن اهلي وعن الرياض !


ابتسمت الا بدخول اخوها المنحوس وهو يناظرها بإنتـقاد قال لعمر على باله يمزح – لكم ساعه تسولفون ماشبعتوا ...


عمر على باله الثاني يمزح بس كان متقصد – زوجتي وحلالي انت وش تبي


كشر اخوها لان الرساله وصلت له – ابد قلت اناديك تجلس مع الرجال


عمر – انا مستانس هنا لاجا العشا بطلع


سكت اخوها وعطاها نظره يعني قومي اطلعي من الغـرفه بس سفهته اذا امها وابوها ماتكلموا يحشر نفسه ليه في الي مايخصه اخر شي طلع وهو مقهور ونفسه يضرب احد صدق اخته ماتربت ويبيلها سنـع


حس عمر ان اريج تنكدت لما شافت اخوها والجو بينهم كان متوتر ...لكنه ماحب يحرجها ويستفسـر وخصوصا انها ماتعودت عليه للحيـن ...


قال عمـر – يناسبك الزواج بعد ثلاث اسابيع


ناظرته اريج بارتباك – بس


عمر – غصب عني لاني تو متعين هناك جديد صعب اخذ اجازه اكثر من اسبوع انتي اشتري الاساسيات والباقي كمليه لاجيتي معي جده ..


حمر وجهها وش هوله تأجل الزواج وتزيد في ضيقه صدرها خصوصا ان اخوها بدال مايهجد زايد وشاب عليها نار باخلاقه الشينه ...


هزت راسها علامه على الموافقه ...ناظر عمر في ساعته لهم مده طويله جالسين سوا ..


طلع جواله وقال لاريج – عطيني رقمك ..


عطته رقمها بعد ماغلطت من الارتباك مرتيـن ...ابتسم وهو يشوفها بتموت من الحياء وقف وقال – يالله اشوف ان شاء الله على خير انا اعطيتك نغمه الحين هذا رقمي خزنيه وبيننا اتصال قريب ان شاء الله وقفت معه ..


وقبل لايطلع مسك يدها وباسهـا وطلع من المجلس انهارت اريج على في مكانها الي جالسه فيها وقلبهاااااااا يدق بقوه ... يالله دخل قلبـــــــــــها بسرعه قياسيه بذوقه بطيبته باحترامه لها بشخصيته الي يفرضها حضوره ...


بتبدا بكره تجهز لزواجها بسرعه قياسيه ...


دقت على جود – هااااااااااااي


جود – الف الف مبروووووووووووووك ملكتوا صح


اريج – ههههههههههههههههه لا لسى شرايك يعني


جود – قولي الله يبارك بعمرك طيب ...


اريج- الله يبارك بعمرك اليوم اسعد يوم بحياتي


جود بخبث – هاه شرايك بأخوي عمور ..


اريج برومانسيـه – اااااااه


جود – ههههههههههههههههههههههه خير ان شاء الله


اريج شوي وتبكي من فرحتها – ماتوقعته كذا مره رهيب


جود – عمر عسل ويجنن ..عاد اخوي لازم امدحه ههههههههههه


اريج –ههههههههههه يستاهل المدح بصراحه ... جود زواجنا بعد ثلاث اسابيع


جود – يوه ماكأنه مستعجل بس ماينلام تعب وهو رايح وجاي من جده للرياض


اريج – بكره ببدا اطلع اتسوق واتجهز للعرس تطلعين معي ..


جود – انا مافيني حيل تعبانه


اريج – جود بلا دلع ذوق خواتي مايجوز لي انا وانتي ذوقنا واحد بليز اطلعي معي


جود ووهي تعرف ريج لابغت شي محد يردها – اوكي اختاري سوق وبخلي السواق يوصلني ونتقابل هناك


اريج بفرحه وتمصلح – اوكي يا صديقتي الغاليه والحبيبه والرائعه


جود – ههههههههههههههههههه ياشين التمصلـح يالله على الاقل ادور لي فستان للزواج معك


اريج – دوري الي تبين اهم شي وافقتي تروحين معي يالله سلامو


جود – مع السلامـه ...


انسدحت جود على فراشـها تحس بملل وفراغ ووحده كلن لاهي بحياته ندى اختها الغاليه تزوجت وصارت ملتهيه بزوجها وبيتها ريووف ماتقدر تروح بيت عمها تخاف لا تشوف ماجد بالصدفه وطارق مشغول بسفرياته وشغله ولها مده ماشافته ...


والحين اريج بتتزوج وتسافر .. جلست تبكي ودموعها تسيل يالله من جد من جد صايره صياحـه ..خير ان شاء الله ... وكله كوم وفيصل ومكالمته الي تنكد يا الله صدق ان فيه ناس مهما كانو زينين من جوا اخلاقهم الضيقه وقله صبرهم تفسد هالطيبه الي فيهم وتخليهم منفريـن ..يالله كله مكتوب ومقدر ومحد ياخذ الا نصيـبه في هالحياه ...


حطت يدها على بطنها وابتسمت وقالت تكلم ولدها – انت بهجه حياتي ونورها اعد الايام حتى اشوفك قدامي ...


طفت نور غرفتها وحطت راسها على المخده ونامت ..



/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

اليوم الثاني ...


قامت نجوى على صوت زوجها ناظرت في الساعه لقتها سبع الصبح - نعم


زوجها – وين الفطور وراي دوام ترى


دفنت وجهها في المخده – افففففففف الساعه سبعه الصبح ابي انام


عصب عليها – قومي حطي لي فطور ونامي عقبها لين تشبعين


قامت من النوم معصبه قالها قبل لا تطلع – البسي ملابس بتطلعين كذا قدام بناتي


ناظرت نجوى في قميصها الابيض الطويل – شفيها ملابسي


-قلت لك غيريها والبسي شي ساتر


شوي وتضحك الحين هذا شي مو ساتر عنده , اخذت غطا القميص ولبسته وهي تناظره بحقد وطلعت المطبخ ... حطت الفطور وهي معصبه وطفشانه انه خرب نومتها وكله كوم وبناته الي ساكنات معهم كوم ثاني اصلن من يوم ماجت بيتها وهن مو طايقاتها وجالسات بغرفهن ومايطلعن الا اذا حزه اكل وهي الي تكرف ... حتى شغاله مافيـه ...


نزلت الفطور ودخلت غرفتها تنام ... ما ان حطت راسها على المخده الا باب غرفتها يدق بقوه .. قامت وهي معصبه رجعت شعرها ورى وقالت بعصبيه – من


قالت بنت زوجها الوسطى – انا نجلاء


نجوى بعصبيه – نعم وش تبين


نجلاء – نجوى تعالي اختي ما تتحرك اهزها وما تجاوب


بردت عظام نجوى وطلعت من الغرفه تركض – خير شفيه


نجلاء وهي مصدومه – مدري علامها ..


دخلت نجوى الغرفه وشافت البنت طايحه ومغمى عليها جلست جنبها تهزها والبنت بارده ماتتحرك دقت على زوجها وجواله طلع ناسيه بالبيت يا الله وش الدبره ..دقت على زوج اسماء نايف على الاقل ساكن جنبهم يمكن يكون موجود بعد عشر دقايق رد –نعم


نجوى – نايف انا نجوى ...


نايف انصدم زوجه عمه وش تبي اول مره تدق عليه – خير ان شاء الله


نجوى بارتباك – وحده من البنات طايحه مغمى عليها ومدري علامها وعمك مو موجود


نايف وهو يفز من مكانه – يالله طلعيها انا بجيب سيارتي عند الباب


نجوى – طيب ...


قالت للبنات يطلعون عبايه اختهم وراحت هي ركض لغرفتها وبدلت ملابسها واخذت عبايتها .. بمساعده البنات شالن البنت المغمى عليها ودخلوها سياره نايف وجلسن كلهن ورى ...


دخلوها المستشفى وطلع معها فقر دم حاد جلست نجوى هلكانه طول الصبح ولين العصـر والبيت مافيه احد .. وزوجها جاي بالطريق ..لانه توه عرف بالي صار


.سمعت وحده من البنات تقول – امي


رفعت عيونها وشافت مره متوسطه العمر جايه تمشي معها رجال غطت عيونها ... طبعا زوجه سالم سفهت نجوى والبنات سفهنها وجلسن بمقاعد ثانيه ...


قالت الممرضه لنجوى – وقعي على اوراقها


قام الرجال الي مع زوجه سالم الاولى بياخذ الاوراق لكن نجوى سفهته ووقعتها وعطتها للممرضه


قال باحتقار – امها موجوده ليش توقعين


قالت ترد احتقار بوجهه – ليه اجل هي تعرف تقرا او تكتب


ناظرها من فوق لحت وراح يجلس مع اخته وبناتها ...رفعت عيونها وشافت زوجها جاي سرعه


وقف مع بناته .. وزوجته تكلمه وهو يرد عليها حسـت بالغيره والقهر يعني تتعب وتنكرف واخر شي يسفهها ويكلم زوجته ...


بعد شوي جا لنجوى الي جالسه .. – شكلك تعبانه .. بتطمن على البنت وبنرجع بيتنا


ماردت عليه اصلا ما امداها لانه على طول دخل غرفه بنته ...


بعد ماخلصوا و طلعوها من المستشفى راحن البنات مع امهن ورجعت نجوى مع زوجها وهيساكته ماتكلمت سالها – تغديتي


نجوى – لا مو مشتهيه الاكل


سكت ورجع البيت وكان حاس ان زوجته معصبه ...قال لها – بعدين شيكي على اشيائي لاجيت اطلع الدوام


نجوى فاض فيها صبرها من يوم ماتزوجت متحمله نظرات الاحتقار من بناته المراهقات وتعليقاتهم وتأمره هو – الحين انا ملطوعه من الصبح مع بنتك بالمستشفى وتكمل بجية امهن لا وبعد انت واقف معها تكلمها وانا محد معتبرلي وجود ..


زوجها ارتبك من هجومها – لاتنسين انها ام بناتي ومو عشاني كلمتها يعني برجعها لي


ناظرته نجوى وهي مدمعه وراحت غرفتها عشان تاخذ شاور وتنعش نفسها لاتنهار ...طلعت وبدلت ملابسـها ..ودخلت المطبخ تسوي قهوه على الاقل تهدي اعصابها وتخليها تروق لقت زوجها جالس بالصاله وشكله مهموم حست بتأنيب الضمـير


قال وهو يشوفها كاشخه وشكل اعصابها هاديـه – جت بوقتها القهوه ...


صبت له فنجان وعطته له ..


- قالت له – اشوفك مهموم اذا على بنتك ف مافيها الا العافيه


سالم – فقر دم حاد


نجوى – مع الفيتامين والاكل المناسب بيزول


سالم بحزن – احيانا احس بتأنيب الضمير لاني فرقهتن عن امهن


ناظرته نجوى بنص عين


..كمل -............ افكر اشتري الارض الي جنب بيتنا وابنيها لهن ولامهن


ياسلام يقربها اكثـر مني !


ناظرها - شرايك ؟


نجوى بغيره – تقرب زوجتك منا ؟


ناظرها وهو عاقد حواجبه – انا لو ابي ارجعها ماراح تمنعني المسافات عنها لو بيني وبينها بحور ..


تفشلت وحمر وجهها ..


قال وهو ناقد عليها – الواحد يكون فكره واسع وقلبه اوسع ترى بالنوايا الشينه ماراح يوصل لمكان ..ولا يدخل قلب احد ولا راح يوفقه ربه اشوف احيانآ فيك حنان على بناتي واحيانا اشوف برود حتى بديت اشك اذا عندك مشاعر ولا لا.


ناظرته نجوى وهي شوي وتبكـي – بناتك مايواطنني بعيشة الله مايطيقني


سالم – تزوجتيني وانتي عارفه ان عندي بنات وانك راح تواجهين صعوبه في كسب محبتهن بس حتى ماحاولتي تتقربين منهن ولامره شفتك تسالين وحده عن دروسها او اذا تحتاج بشي ترى المحبه للغير مو صعبه ...


حست بضيق لانه ينتقدها وبضيق اكـبر لانه صادق بكل شي قاله وهذا الي مضيق خلقها ..بس هذا طبعها وماتقدر تغيـره ..حست بالكون يطبق عليها من يوم ماتزوجت وهي تحس بشي يخنقها يخنقها لدرجه شوي وماتقدر تتنفس ...شي داخلي وكأنه طابق على ضلوعها ..ااااااااااه وين الراحه يوم كانت داخله دار لتحفيظ القرآن كانت من اسعد ايام حياتها ...لكن الدنيا والي معاشرتهم قسوا قلبها بقووووووه ..دمعت عيونها وهي تتذكر ام انـس ..صديقتها الطيبه الي كانت تنصحها .


ناظرت في زوجها تتمنى لو يعطيها ربع من حنيته على بناته لكنه متباعد معها صحيح مو قاسي ولا ظالم بس الفرق شاسع بين معاملته لها ومعاملته لبناته ...رمت هالافكار الي تضعفها في حريقه بناته كلهن مايهمنها ولو بمثقال ذرهـ ...



:


:


:

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

مضت الايام بسرعه وجاء زواج اريجو عمـر ..


كانت يوم زواجها ملكه


..فستانها كان ضيق ونافش من تحت وله ذيل طويل وشعرها كيرلي ولابسه معه تاج صغـير ...وميك ابها كان ناعم وحلو ...اما جود فكانت لابسه ساري هندي لونه احمـر مع ذهبي على الاقل مو بين التغير البسيط على جسمها بسبب حملها بالشهر الثالث ...قضن الايام يتسوقن وبسرعه خلصن جهاز اريج


قالت اريج لجود – امي معصبه لاني ما شريت طرحه للفستان


جود – لا كذا حلو وانتي ماتحبين الطرح مع فساتين الزواج


اريج – احسها غبيه بعدين انا مفصله شال كبير فخم عشان لاصورت البسه ويعطي للفستان جو


جود – خلاص اجل فليها .


دق باب غرفه اريج وقبل لاتروح جود سالتها – جود فيه شي مخبيته ومعرفه


صار وجه جود اصفر – شي ايش


اريج – مثل انك حامل


طلعت عيون جود وتسمرت في مكانها وراحت اريج تفتح الباب الي يدق له فتره ..طلعت المصـوره جايه تنهي التحضيرات الخاصه بالزفـه ...


قالت اريج وهي تناظر في جود – تحسبيني غبيه ما عرفت انك حامل ومخبيه عن الكل انا استغرب كيف خالتي مانتبهت انك حامل


انهارت جود على الكرسي وبان الهم على وجهها – اااااه يا اريج احس هالكلمه لا عرف بها الكل بتقلب موازين حياتي ... زوجي اليرافض يجيب لي بيت والي ماسمعت عنه خبر لي 3 اسابيع لو درا بيزيد بعناده او بيخليني عند اهلي يا معلقه او حتى مطلقه وبالنهايه ياخذ ظناي مني الي خفت منه وحاربته هالشهور تحقق وحملت في هالزواج الي متزعزع والحين انا بين نارين ...


خنقت اريج لغصه ومسكت يد صديقتها – كل شي مقدر ومكتوب ومحد ماخذ اكثر من نصيبه مو هذي كلمتنا الي نرددها دايم لاضاقت فينا الوسيعه وسبحان الله يمكن مقدم هالبيبي خير عليك..


ابتسمت جود – بهجة حياتي هالبيبي ..


جلست الفلبينيه ترطن يعني لازم تطلع اريج عشان الزفـه ...ابتسـمت جود وتجهزت اريج للزفه وانزفـت ..جلست جود جنب خواتها وبنات عمها ..وكانت نجوى مع امها وخواتها قالت ريووف – ماتلاحظين ان نجوى نحفاااااااااانه صايره عود


جود – لايق عليها النحف ..


ريووف – سبحان الي يغير ومايتغير البنت متغيره بعد زواجها ..


جود – يالله شعلينا من الناس ..


ريووف - على قولتك


جود – الا شخبااااااااار نوره


ريووف بابتسامه – البنت ذي تجنن ومتفائله مره وهذانا كل يوم بالدوام الفطور مره علي ومره عليها ومكاتبنا جنب بعض


جود – هههههههههههههههه والله وناسه


ريووف – ايه والله شوفيها جت بروح اسلم واناديها..


راحت ريووف تمشي وطالعه رزه في فستانها الملون وتسريحتها المرفوعه فوق ..- هلا وغلا


ام وافي – هلا فيك يابنتي شخبارك


ريووف – بخير ياخاله انتي شخبارك


ام وافي – بخير الحمد لله


ريووف – تعالي ياخاله امي وعمتي ام بندر وجدتي هناك بالطاوله الاولى ...


قالت نوره تمزح – سلمي يا مال الي موب قايله


ريووف – هههههههههههههههه خير ان شاء الله ترى امس كنا مداومات سوا..


نوره تستهبل – بس حنا خارج نطاق العمل الحين


ريووف – الي يسمعك يقول وزيره تعالي بس نجلس مع البنات شوفيهن هناك الا خواتك وين


نوره – بالبيت مستحيات يجن


ريووف – هههههههههه ماطلعن على اختهن


نوره – يالله بس انا مالي شبيه


ريووف – اعصابك طيب ...


نوره – طيب لاتدفيـن ...


ريووف – ههههههههههههههه الله يقطع سواليفك ..


سلمن على البنات وجلسن ...يسولفن بوناسه ..انقبض قلب جود وهي تشوف ام فيصل وبناتها حاضرات ناظرت في البنات بس التوتر باين على وجهها ...


قالت ندى بهمس – شفيك


جود – ام فيصل هنا هي وبناتها


ندى بدون ماترفع عيونها – طيب واذا ابوي اكيد بيعزم ابو فيصل وبيجن وش تتوقعين يعني ..


جود – ولاشي ولها عين جايه نويفوه ..


ندى – ناظري فيها البنت مو المغروره الي دايم فيه شي مو مضبوط بالموضوع ..


جود ببرود – خليها تولي ..ربي انتقم لي منها ابوها بيزوجها ولد عمها غصب


ندى بصدمه – تمزحين


جود – بالله ذي خشة وحده تمزح ..


ندى – طيب اللهم لاشماته


سكتت جود وناظرت في البتول ..الي مبتسمه


قالت جود لندى – هههههههه كلن على همه سرا ..


ندى – ههههههههههههه أي والله


ابتسمت البتول مره ثانيه بندر يرسل كلمه احبك حرف حرف ياحبيله سبحان الي يغير ومايتغير !


ارسلت له بنفس طريقته حرف حرف ... ا م و ت ف ي ك


وابتسمـت بقوهـ ...


*

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بقسم الرجال


قال ابو متعب لبندر الي طول الوقت يطقطق بجواله – قم شف لك شغله بدال منت جالس وخشتك بـ هالجهاز


ماجد – ههههههههههههههههه خل احبك وحبيني تنفعك وقم اشتغل


حقد بندر عليـه – بردها لك يومآ ما ويارب مايكون بعيد لاشفتك تراسل حبيبة القلب


ماجد وهو مازال مبتسم – ايه يصير خير ان شاء الله


قام بندر وسوا لفه عشان يوري ابوه انه يشتغل ورجع جلـس ...


ماجد – لا تعبت من جد


بندر – بسك عني يكفي ابوي ياخي ماتخلون الواحد يستانس ويصير رومنسي


ماجد – ههههههههههه صر رومنسي محد رادك .


بندر – بصير ماني مشاورك ...


ماجد وهو يشوف ابو فيصل وعياله موجودين الا فيصل – اقول نسيبك وينه ماله اثر


بندر – أي نسيب


ماجد – فيصل


بندر – بحقد وله وجه يجي


ناظره ماجد – شفيك حاقد على الرجال


بندر – مافيه خير ياخساره اختي فيـه !


وش السالفه ماجد مو فاهم شي من كلام بندر ...!


ناظره بندر وعرف انه ماعنده خبر – متهاوش مع اختي لهم مده طويله جا مره وكرشته جود وعقبها ماعاد شفناه ..


انقبض صدرهـ - لا عاد تصدق ماحد قال لي .


بندر – سالفه ماتفرح يوه ابوي يخزني بقوم استعرض عنده شوي وبرجع لك احجز مكاني(قالها يستهبل)


ماجد – هههههههههههههههههههه خير ترانا متخرجين من الابتدائي لنا عشرين سنه


بندر وهو يقوم – عشرين يالظالم طلعتنا شياب ...


ووقف يستعرض زي ماقال عند ابوه ...



معقـوله تجمعهم الاقدار مره ثانيه ..!



بس هل يبقيل فيها بعد ماكانت لغيـره !


في وقت كان يتمناها له وحده !



لا تتعشم واجد يا ماجد كم الخيبات حصلت بحياتك !


هالمره مو لازم تكون استثناء.


*

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بقسم الحريـم ...


اضطرت جود تسلم على عمتها وبناتها بعد مده من جيتهن الحفل وشافت نوف ماتحط عينها بعيونها صدق الواحد لا انكسرت نفسه يبان عليه اللهم لاشماته


قالت ام فيصل – كيفك يا جود ماعندك نيه ترجعين لبيتك


قالت جود – انا بخير ياعمه انتي شخبارك


وتجنبت الرد على السؤال لانها ان ردت بتكون وقحـه وهي ماتحب تجرح احد !


سلمت على مها الي واضح انها تحبها – جود اشتقتتتتتتتتت لك


جود – وانا بعد شخبارك مهاوي


مها – بخير الحمد لله ..


وجتها من الله .. وحده من العاملات تناديها عشان شغله بتسأل عنها وراحت لها


بعد شوي دق عمر عشان بيدخل على زوجتـه ..


دخل عمر مع ابوه وابو اريج واخوها الكبير وسلموا عليها كلهم ...


بعدين طلعوا الرجاجيل ماعدا المعرس وسلمن عليه خواته وجدته ام صالح وبعد التصوير ..


طلعوا ..


بالسياره قال عمر لاريـج – بدال ما احجز لنا بفندق مسوي لك مفاجأه


اريج الي اخذت على عمر كثير خصوصا انه كان يكلمها كل ليله ..- وين المفاجأه


عمر وهو يغمـز – اصبري وشوفي ...


بعد مده ... وصلوا للمكان الي يقصده كانت مزرعــــــه كبيره خضراء وفيها فيلا باين ان توها جديده ..


المكان كان روووووووعه ناظرتها بصدمه – مزرعه


عمر – ههههههههههه ايه ابوي تعبان عليها


اريج بفرحه – المزرعه لنا


عمر – ايه ابوي اكتشف انه ماعنده مزرعه وشرا ذي من فتره قليله وقلت تغيير نقضي كم يوم فيها قبل لا نسافر جده ..


دمعت اريج – بصراحه عمري مافكرت اني اشوف مكان خيالي زي كذا .


عمر برقه – لو بيدي اقدم لك العالم بالي فيه ماقصرت ..


اريج – انت عندي تسوى العالم ومافيـه !


/


بعد شهـر ونص...


قالت ام بندر لبنتها – حامل وتوك تقولين لي


جود تحاول تخفف الصدمه عن امها – يمه مادريت الا قبل كم يوم


جود – تلعبين علي معقوله توك تعرفين


جود تحاول ماتبين انها تكذب – يمه ما العب عليـك ...


ام بندر بحزن – يالله حامل وانتي بـ هالظروف


خنقت الغصه جود حتى امها فكرت نفس تفكيرهــــــــــا – يمه عساه مقدم خير علي


امها – يابعد قلبي بصير جده


ضحكت جود ضحكه فيها بكيه مكبوته – احلى جده بعد ...


امها – لازم نقول لابوك ..


جود انقبض قلبها – وابوي بيقول لفيصل لا يمه انا مابيه يرجع عشان ولده ابيه يرجع عشاني


مسكتها امها وجلستها جنبها – يمه اسمعيني زيـن


قالت جود بغصه – نعم يمـه !


ام بندر – يمه ولدك الي ببطنك يستحق انك تعطين ابوه فرصـه اخيره انتي عاقبتيه شهور وهو اكيد بيكون مشتاق لك مهما انكر


ايه بالحيـل !


-..... جربي هالمره عشان هالنفس البريئه ..عشان ماتندمين بعدين وتقوليـن ليتني وليتني ...


جا كلام امها على الوتــــــــــــــر الحساس .. من بنت لاخت لزوجه لام عرفت ان احساس الامومـه ماينوصف احساس التملك والحمايه والاهم التضحيه وش بتخـسر هي مستعده تسوي كل شي عشان ماتفترق عن ظناها ابد ولو على حساب سعادتها ناظرت في امها وقالت – خلاص يمه انا ماعندي مانع بس شرط اكون ببيت بلحالي


امها – مايصير الا الي تبغينـه


ابتسمت بحزن وخلت مهمـة نقل لخبر لابوها على امهــــــــــــا ...


امتلا البيت بالفرح يوم دروا ا جود بتصيـر ام ...وصاروا يعلقون عليها طول الوقـت


قال بندر – مو مستوعب للحين انتي بتصيرين ام


جود – هههههههههههههههه لا والله وش الي منقصني لاكون ام


بندر – ههههههههه مو راكب الوضع عليك


البتول – عاد انا اقول جود وراها تاكل ولايبين عليها طلعت تاكل عن اثنين


جود – ههههههههههههه مالت عليكم بس ..


قاطعهم ابوها ... – يبه فيصل يبي يقابلك برا


ماتت البسمـه الي على وجهها وعلاه الشحوب .. قامت ببطء الحين هي بشهرها الخامس وتوه يفكر يسأل عنها صدق الي مافيه خير مافيه خير ..


دخلت المجلس وهي تحاول تسيطـر على اعصابها لا تتنافض ..وجلست تطمن نفسها ابوك قالك انه موافق يحطك في بيت بلحالك ...بس يبي يقابلك


جلست قدامه بعد مارمت السلام بهدوء ..


ناظرها شقـد تغيـرت ..وبطنها واضح قال لها – حامل بخمسه شهور وتوني ادري


جود بنفس لهجته – بلا اخباري تهمك مره عشان كذا توك تدري


فيصل – يعني تتعمديـن تعاقبيـني


جود بالم – لا اعاقبك ولاتعاقبني اول مادريت اني حامل ققلت لك ..


فيصل – انا استأجرت لنا شقه وفرشتها


يالله هالرجال ملغي وجودي من حياته !


سكتت ..يالله لازم تمشي الامور بينهم على الاقل عشان تاخذ الاجـر مادامنه انهم في شهر رمضان ..


ناظرته – زين


فيصل – يالله خذي اغراضك بنمشي


جود – زين


وقفت وخلت غرفتها وجعت اغراضها راحت تنادي الشغاله تنزلها لانها ثقيلـه عليهـــــــا


تذكر فيصل وهو جالس ينتظرها كلام ابوه انه يتزوج عليها عشان يأدبها ناقص هو عله جديده


نزلت جود وودعت اهلها ودمعتها بعينـها قال بندر – جود اذا ماودك ترجعين علميني


قالت بحزن – برجع عشان ولدي مو عشانه يالله فمـان الله


طلعت بسـرعه لا تنهار بترجع لحياتها القديمه للضيق بس لاجل عين تكرم مدينـه ...


اخذ اغراضها وحطها في السياره وراحوا بيتهم الجديد ..


قال فيصل – بصراحه ابوي ماتوقعها منك


ناظرته – وش الي ماتوقعه مني


فيصل – انك يابنت الاصل والفصل تتركين بيتك وزوجك كم خمس شهور


جود بسخريه – بس عادي ماستغرب انك تمد يدك علي


حشرته في زاويه وناظرها وسكـت ..


وقفوا عند مبني عماره قريبه من ابيت اهله يعني هم وراها وراها بكل مكان ...نزلت ودخلت البيت كان صغير وعلى قدهم ابتسمت وهي تنزل عبايتها ..


قال فيصل – من بعد فيلا كامله هذا الي اخترتيه


قالت ببرود – اهم شي راحـة البال ..؟


ودخلت ترتب اغراضها ....قال فيصل وهو جالس على السرير - على فكره بكره بسافر مكه


جود – ليه


فيصل – بروح اخذ عمـره ...


جود – بروح معك ..


فيصل – انتي حامل وين تروحين


جود – واذا حامل بروح اصلي مابي اعتمر اذا كان مافي مجال


فيصل قلبها في راسـه – اوكي بس قبل نمر على الدكتوره ونشوف رايـها .. جود- اوكي اصلا لي موعد بكره عند طبيبتي


فيصل – موعد ايش


جود – متابعه الحمـل ..؟


فيصل – اااها


،،،


اليوم الثاني >>


سمحت الطبيبه لجود تسافر بعد ماعطتها اللازم من الادويه..


دخلوا البيت واخذوا الاغراض الي يبونها ... قال فيصـل – عجلي شتسوين


جود – هذاني خلصت


وطلعوا من البيـت ..ركبوا السياره وبدت رحلتهم لمكه ...


كانت المسافه بعيده جلست جود تقرا قرآن وفيصل يسـوق بسرعه


جود – ممكن تهدي السرعه


فيصل – وين اهدي مايمدينا نوصل قبل المغرب


جود – حتى لو انا مسويه لنا فطور خفيف


بس تحذيرها راح هباء منثورآ ..بعد ما انفجرت كفرة السياره الي قدامهم وخر فيصل عنها بسرعه لانها بدت تتقلب لكنه صدم بسياره كانت جايه يمهم على السيد الثاني .. مر الحادث بسرعه قياسيه حتى العقل ما استوعبها ...وبعد صدمه قويـه ...استقرت السيارات جنب بعض الدخان الاسود يعم الجو ..كان فيصل في نص وعيـه على وشك يغمى عليه شاف جود جايه على قدام وماتتحرك همس – جود جود


لكنها ماترد ..لايكـون !!!!!!!!!!!!!!


وغـــــــــــاب عن الوعـي ....!


جت الشرطه والاسعاف والدفاع المدني ونقلوا المصابين للمستشفى بمن فيهم فيصل وجود


ودقوا على ابو فيصل ...


طلع ابو فيصل من بيته يحس بالدنيا تدور فيـه ولدي وزوجته مسوين حادث كبير ركب سيارته وهو يرتجف ودق على ابو متعب ..


ناظر ابو متعب الرقم – خير اللهم اجعله خير


رفع الوليد راسـه لانه كان جالس مع ابوه ...


ابو متعب – وشو حادث متى هالكلام وهم كيف حالهم


وصار لو وجهه ابيض طاح الجوال من يده فز الوليد بسرعه – يبه خير شفيك


ابو متعب مصدوم – اخت ورجلها صار عليهم حادث


حس بقلبه يزيد النبض فيه – اختي أي وحده


ابو متعب – جود


الوليد – لاااااا وكيفها


اخذ الجوال الطايح – الووو ...كيف حالتهم


ابو فيصل – حرجه بالحيل


الوليـد - هم باي مستشفى يالله جايين


وركبوا السياره هو وابوه وطاروا للمستشفى لقوا ابو فيصل وعياله هناك ..قال ابو متعب – كيف حالهم طمنوني


ابو فيصل وهو يهز راسه بغم – مدري محد يعطيك علم بيـن


جلسوا وقت طويل على بال ماطلع الدكتور وقال لهم ....


جلس ابو متعب بعد ماسنده الوليد – جود مات الي في بطنها وجتها ضربه قويه على الراس...


الدكتور يحاول يهون الامـور – اهم شي سلامتها والحمل يتعوض ان شاء الله وحنا للان مو متأكدين من مدى الضرر الي اصابها بسبب الضربه والجروح الي براسها ...


مسك الوليد يد ابوه البارده بقوه ...


كمل الطبيب – فيصل تكسر عنده كم ظلع وفيه كم رضـه والحمد لله ان اعضاءه الداخليـه سليمه وماجاه نزيف او شي خطير !


*


نزل ماجد على حزة الفطور عشان يفطر شاف ريووف تمسح دموعها وامه مهمومه والفطور زي ماهو محد ذاقه ...


ناظرهن – خير ان شاء الله شفيه


مسحت ريووف دموعها كانت مو قادره تتكلكم تو كلمتهم البتول وعلمتهم عن الي صار


عصب ماجد – شفيه


امه – جود وزوجها صار عليهم حادث كبير


حس نفسـه بينهار همس – حادث


امه – ايه قبل العصـر ...


ماجد – وكيف حالهم


امه – فيصل طيب بس جود مات ولدها وفي غيبوبه مايدرون الضرر الي جاها


وقف مكانه جامد مايتحرك ... قالت له امه – تعال افطـر


تراجع وطلع من الصاله بدون شعـور وطلع لغرفته وسكر الباب ظل بمكانه واقف مصدوم والصدمه شالته من الى !!


جود مريـضـه ...بين الحيا والمـوت ..!!


جلس يهزء نفسـه ...


اعقل البنت متزوجه ..


بس هي بنت عمي مني وفيني ..


ان ماكانت الي تمنيتها من كل قلبي فهي على الاقـل عزيزه علي بكل الاحوال ..!


دق باب غرفتها ودخلت امه معها صينيه – يمه افطر حراام عليك تجوع نفسـك


ماجد – مو مشتهيه


امه باصرار – عشاني طيب كل تمره واشرب كاس مويه


عششانها بس ..اخذ حبة تمره وشرب مويـه ..


اخذ شماغه ومفتاح سيارته وطلع من الغـرفه ....دق على بندر – وينك


بندر – بالمستشفى


ماجد – مافي شي جديد


بندر بهم واضح من صوته الكئيب – لا جديد


ماجد – انا جايك بالطريق


بندر – زين لاوصلت تلقاني بقسم الطورائ


وصل ماجد بسرعه ودخل شاف بندر والوليد موجودين ...ووجيههم ما تنتفـسر ..


قال بندر بغصه – بنت جود الي ماتت لازم ندفنها


قال ماجد بغصه مثله – كم عمرها خمس شهور صح ...


هز بندر راسه – بنتظر لين بكره ان ماطلع فيصل او صحى بندفنها بدونـه ..


هز ماجد راسـه – هاه ماقال الطبيب شي حالتها حرجه مره


بندر وصوته مخنوق – مايدرون الاضرار بالضبط وش عددها ينتظرونها لا صحت ...


ماجد – يعيـن ....


*


اخذ عمر اجازه من شغله اول ما درا دخل بيته وكانت اريج تنظف بالمطبخ – اهلين حبيبي


قال وكأنه ضايع او مصدوم – جهزي اغراضك بنرجع الرياض


انصدمت اريج – الرياض الحين


عمر – ايه ايه بسرعه


رمت اسفنجة المواعيـن من يدها – عمر وش صاير شكلك مو مطمني


قال بحزن – جود وفيصل صار عليهم حادث وحالتها حرجه بالمستشفى


اغمى عليها ومسكها عمـر لا تطيح جلس يحاول فيها لين صحت وجلست تبكي ضاق صدر عمر مو ناقص ... قالت اريج – لاااا يالله نرجع بسرعه الرياض


عمر – يالله مشينا قومي جهزي الاغراض


قامت وبسـرعه الصاروخ جمعت كم غرض حتى ماتدري وش الي اخذت معها ومشوا للرياض ...


*


*



وهذي هي الايام يدور رحاها..القاكم بآخر بارت قريبآ

 

[مشاعل]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

حلووووه

متى التكمله؟؟

لطولين علينا

 

[مشاعل]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

عاشقه

القصه لها تكمله والا مثل سلطان الحب

 

[بنت رجــــآل]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

يالله ناطرينها على نااااااار

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

عاشقه

القصه لها تكمله والا مثل سلطان الحب

هلآ فـيـج حـبـيـبـتـي
لآ آلـرؤآيـه كـآآآمـلـه

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

يالله ناطرينها على نااااااار

حـيـآإآج الله
ألحين أنزل آلجزء آلأخير

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

!! والله ما كان الفرآق اختيـاري !!


الى الان مو مستوعبـه ان الوقت سرقنـي على عجالـه ..


وان السنين تتبخـر


ومن خلالها عزفت لكم ثلاث معزوفات من صميم قلبي..


وعلى لحن الفراق انثر بقايا اخر معزوفاتي .. على أمل يكون ختامها مسك ..


على امل تتذكروني بالخـير .. كل ماطرا اسمي او شي من كتاباتي المتواضعه


اليوم اقدم اخر بارت لاخر كتاباتي ...


احمد ربي اني كنت على قد كلمتي


وانهيت القصه وبدل ما نستهلك عشرين سنه ونعجز خلصناها وحنا شباب


قلت لكم لو الشكر بحـر كان نضب وانا ما حسيت انه قلت شي يوفيكم حقكم ...


كنت ومازلت كبيره فيكم ..مميزه فيكم ... وفخوره فيكم


كنتم وراح تظلون نعم القراء .. نعم الاخوات .. بوقت الشده كنتم سند وعون ..


والحين دقت اجراس النهايه ..وآن الاوان للرحيـل ..ومن بعد كل لقاء لازم فراق ..


احس من جد من جد الكلمات تخذلني ماتسعفني ومو قادره توصل الي بقلبي ..


لكن المحبه والامتنان شعور مرهف ما ينخط على السطور ..رباط روحي ومن القلب للقلب ...


انا مو محتـرفه ولا اطلب شهـره ولا كامله لان الكمال لله وحدهـ ..


سامحوني على كل قصـور .. وكل خذلان لو بدر مني بدون قصـد ..

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

(الفصل الخامس والعشرون )


(الأخــير)





ضجيـج ..طنين .. والم مثل وخـز الابـر بالراس ..روح حره طليقه في جسد مسجى عاجز


نادت بصوت خافت اول من طرا في بالها واكثر شخص تحتاجه له روحها – يمـه ...


التفتت الممرضه وعلى وجهها ابتسامه واخيرآ صحت .. طلعت بسرعه تنادي الطبيب يالله ورى الغرفه ظلمه وين انا فيه الحين ... حست برعده تهزها من اولها لاخرهـا ..


دخل الطبيب سمعت جود اصوات رجال عندها وخافت وش السالفه ظلمه ورجاجيل ..حست بخوف كبير وقهر من عجزها ... قال الطبيب – الحمد لله على السلامه يابنتي ...


رمشت بعيونها مره ومرتين وثلاث .. قال الطبيب – انتي صار لك حادث مع زوجك قبل كم اسبوع وظليتي بالعنايه المركزه في غيبوبه والحمد لله انك صحيتي ...


همست بصوت متقطع – حادث ....


الطبيب – ايه حادث والحمد لله انتي سليمه ماعدا ضربه براسك


جود – طيب ليش الغرفه مظلمه


ناظر الطبيب في الممرضه وفي الاطباء الي معه ..فحص عيونها تكلم مع الممرضه بالانقلش بسرعه ..ما استشفت جود خير من سكوته المفاجئ ...


– دكتور الغرفه مظلمه


تلعثم الدكتور وقال – احنا ماعرفنا مدى الاضرار الي اصابتك ومتنبئين باشياء ع العموم الفحوصات والاشاعات بتبين كل شي ...


متنبئين ... واشعات ...ونبره مصدومه ..!!!


قالت وهي ترتجف وصوتها فيه بكيه – دكتور انا عمياء


لفت وجهها عنهم ونزلت دموعها وكأنها طوفان تفجر بعد طول كبـت ... حطت يدها على بطنها وبردت عظامها اكثر واكثر سألت بهستيريا – دكتور وين الي في بطني


الدكتور – اجهضتي


جود – لاااااااااااااااا


وجلست تصارخ وتبكي بهستيريا وبسرعه ضربتها الممرضه بأبره مهدئه وبدت تخف مقاومتها وبكاها الي كان يتناقص تدريجيآ ونامت بفعل المخدر ....


.


:



>> بيت ابو فيصل


جلس فيصل مع امه وابوه وهو توه داخل من الشغل ...


قال ابوهـ - ما زرت جود اليوم


فيصل – بزورها بعد المغرب


ام فيصل – لو صاير شي جديد كان درينـا


فيصل بتنهيده – الله يعين مادري تصحى ولا ماتصحى ابدا ....


ابوهـ :- تفاءلوا بالخير تجدونه لاتنسى زواج اختك بكره ان كان عيد


ناظره فيصل – زين يبه


امه – ماكان ودي عرس اختك يكون بـ هالظروف بس زوجها مستعجل


ابو فيصل – التأجيل مو مغير شي .. خلي البنت تتزوج وتنستر حنا مو عايشين لها دايم


فيصل – الله يطول بعمرك يبه ....


ابو فيصل –وين الفطور مابقى شي على الاذان


ام فيصل وهي تقوم – الحين اقوم احطه ...


فيصل – مو منتظرين اخواني


امه – اخوانك كلن لاهي بشغله الي بيفطر هناك والي معزوم


فيصل – زين انا بطلع اغير ملابـسي


وطلع بيتـه ...!!


دخل وسكر الباب ... طلعته من هالبيت كانت مشؤومه نزل جواله ومفتاحه بلا مبالاه ... كره شقتهم الجديدهـ وسلم مفتاحها لصاحبها لو رفضت جود تغير رايها وترجع بيتهم هنا بيدور لهم شقه غير المهم الشقه ذيك مايرجع لها يكرهها ... دخل يبدل ملابسه عشان ينزل يفطـر بدال هالافكار الي تراوده كل مادخل هالبيت وحس بالضيق للي صار بنته وماتت وزوجته وبغيبوبه ...


/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بيت ماجد


قالت ام ماجد لولدها – يمه علامك ماتاكل


ناظرها ماجد بتشتت – هاه


امه – اكل


ماجد تو استوعب – ايه طيب هذاني باكل


ناظرت امه في ريووف الي عيونها على ماجد ...


اكل لقمتيـن وقام ناظرته امه بتتكلم بس طلع وما امداها تفتح فمها بكلمه ... قال فارس – يمه ماجد علامه


امه بحزن – مافيه شي يمكن مشاكل بالشغل


فارس مو مصدق – شغل


ناظرته امه نظرة قويه يعني اسكت مو رايقه لك ابدآ


دق جوال ريووف وكان رقم البتول اختها ..- خير اللهم اجعله خير وش عندها البتول داقه الحين


البتول وصوتها فيه صياح ورجه – ريووف ابشرك جود صحت وهي بخير وعافيه


وقفت ريووف من صدمتها بالخبر الحلو واخيـرآ .. – قولي ولله


البتول شوي تصيح – قسم بالله صحت صحت وعمتي وعمي بيزورونها بالمستشفى الحين يمديهم وصلوا


ريووف وهي ماسكه دموعها لاتنزل – ياربي لك الحمد والشكر وش دراكم انها صحت


البتول – فيصل دق عليهم علمهم وهو بطريقه للمستشفى الحيـن


ريووف – يالله ببشر الجماعه وببشر ندوش سلام


البتول – هههههه سلام


سكرت ريووف الجوال وهي شوي وتطير من الوناسه – يمـــــــــه ابشرررررررك ابشررررررررررك جود صحت صحت من الغيبوبه


نزلت دموع ام ماجد – ياربي لك الحمد والشكر


ريووف – سبحان الله قادر كريم


فارس متفاجأ – بصراحه خبر حلو الحمد لله على سلامتها عمي من يوم ماصار لها الحادث وهو مو الأولي ...


ام ماجد – هذا الظنا وانا امك مو رخيص الله يجعلني اشوف عيالك انت واخوانك وخواتك قبل لا اموت ..


فارس – بسم الله عليك يمه جعله عمرك طويل ...


جلس يكلم نفسـه ماعاد لي عذر عشان ما اتقدم لبنت ابو طارق والله الوهقه ...


طبت ريوف من مكانها – بروح ابشر ندى


امها – يمكن واصلها


ريووف بثقه – مستحيل ولا جت تبشرنا بنت عمي واعرفـها


وراحت ركض لبيت اخوها .....


،


كانت جالسه ساهيه وضايقه فيها الدنيا قال مشاري – ندى حبيبتي


ما انتبهت انه يحاكيها !مسك يدها برقه – ندى


التفتت يمه بنظرات شارده – هلا


مشاري يحاول يستخف دمه عشان يرجع الابتسامه الصادقه الي اشتاق لها – المهلي مايولي


ابتسمت ببرود ماقصدته وحاولت تبث الحياه في بسـمه ميته – امر قلبي وش بغيت


قال بغصه – ابي ندوشتي ..؟


ناظرته بعيون غايمه – احاول يامشاري احاول


مسك يدها بقوه – عارف انك تحاولين ومالومك ومقدر الي تمرين فيه بس خليني اشاركك همومك لاتحسبيني غبي انخدع بتصرفاتك الي تبين انه كل شي بيننا وبحياتنا اوكي عارف انك تعبانه نفسيا ومتضايقه بسبب الي صار لجود وانا بعد متضايق جود معزتها من معزة خواتي ..حبيبتي في المشاركه تخفيف وانا احبك ومعك في الرخا والشده ...


ارتمت في حضنه تطلع كل الحزن الي كبتته في صدرها من يوم ما صار الحادث لاختها كيف ابخسته حقه بـ هالشكل كيف شكت لحظه انه راح يوقف معها ويكون سند لها يقويها مادرت انها بـ هالشكل تبعده عنها وتجعل بينه وبينها هوه كبيره مالها قـرار مسح على راسها لين هدت ناظر في عيونها ومسحها بيده قال بقوه وثقه – ان شاء الله مايصير الا كل الخير تفاءلي بس وربك كريم وخليك قويـه لاتضعفين وين ندى حبيبتي الي اعرفها هذا هو الوقت الي فعلا لازم تكونين فيه اقوى واقوى يالله قومي غسلي وجهك عشان بعد الصلاه اوديك امك سمعت ان عمر على وصول ...


قالت بصوت متقطع من الصياح .. جفون حمر .. وشفه ترتجف ..- صدق


ابتسم وهو يبوس جبينها – ايه صدق


باست جبينه ووقفت – الله لايحرمني منك


وقبل لا تروح تغسل وجهها وتلبس دق باب البيت رجعت بتفتحه قال مشاري وهو يوقف – روحي البسي وانا بشوف من الي عند الباب ..


دخلت ندى غرفتـــــــــها وراح مشاري يفتح الباب ...


ناظر في اخته الي مرتبكه ووجهها احمـــــــــر شوي ويغمى عليـها من الحمـاس ...- خير ريوف شصاير


ريووف – وين ندى ابيها


مشاري – وش فيه وش صاير


ريووف وهي شوي وترقص – عندي لها بشـارهـ


مشاري – بشاره


ريووف – يوه مشاري مو وقتك الحين وين زوجتك


سمعت ندى صوت ريووف وطلعت من غرفتها – اهلين ريووف


ريووف – البشاااااااااااره


ندى – ابشري بالبشاره بس على ايش


ريووف شوي وتصيح – جووود صحت من الغيبوبه


صرخت ندى – وشووووووووووو


ريووف – قسم صحت كلمتني البتول تبشرني


التفتت ندى لمشاري – مشااااااااري اختي صحت صحت


ابتسم مشاري في وجهها – الحمد لله على سلامتها .


اخذت ندى جوالها بسرعه ودقت على امها .... – الووووو يمه وينك


امها – بالمستشفى


خافت ندى من صوت امها المغموم – يمه شفيك جود فيها شي


امها- لا طيبه الحمد لله


ندى – اكيد


امها – ايه اكيد


ندى – طيب نقدر نزورهـــــــــا ..


امها – اجليها بكره الحين الدكاتره طالعين داخلين


ندى – الله يصبرني لبكره يالله سلام


سكرت ندى جوالها وقالت لريوف ومشاري – امي صوتــــــــها مو عاجبني


مشاري – اكيد بتكون مصدومه تلومينها


ندى بضعف – تتوقع كذا


مشاري – اكيـــــــد مافيه الا كذا ...


ريووف – يوووو ماصدقنا فرحتي ترجعين تبوزين الحمد لله انها صحت وانها بخــــــير يا بعد قلبي يا جود من جد من جد اشتقت لهـــــــــــا .


ندى – كلنا اشتقنا لها ياربي لا تحرمني منها ...


ريووف – اللهم اميـن ...



:


:


:

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

دخل فيصل بيت اهلـــــه ... ضايقه فيه الوسيعه ,,,


قالت مها – اهلين فيصل طلع بكرا مو عيد


فيصل بذهن شارد – زيـن


مها وهي تتذكر – كيف جود


فيصل – زينه الحمد لله فيه قهوه راسي مصدع


مهـا – ايه ابوي وامي بالصاله يتقهوون ويمكن تجي عمتي الكبيره


فيصل – زين


وراح للصاله اول ماجلس ...


سأله ابوه – بشــــــر كيف حال زوجتك


فيصل وهو يتنهد – جود انعمـت ...


طاحت الفناجيل من يد مهـا – انعمــــــــــــــــت


فيصل – ايه انعمـت للابد


امه – لاحول ولاقوة الا بالله وجود كيفها


فيصل – ابد انهارت مرتين زي مافهمت من كلام الدكاتره لسى مو متقبله الي صار ..


مها طلعت من الصاله تبكي ...


وامه تكدرت بالحيــــــــــــل ..قال ابوه – لا اله الا الله الله يعينكم ويصبركم ويعوضكم عن ضناكم الي خسرتوه


فيصل بغصه – الحادث سبب لها اضرار واحتمال ماتحمل اظنها صـــــــــــــــارت عقيم


ناظر ابوه في زوجته وكلهم مذهوليــــــــن


قال فيصل ونظره بنفجاله – انا الي كنت اسوق وانا الي كنت متهور وانا الي تسببت لها بكل هالدمـــــــــــار مدري بتسامحني يوم ولا لا ... النظر وراح وانها تفرح بضنا لها وراح حرمتها من كل شي بسبب تهوري وعصبيتي ...


قال ابوه بقوه – لا تقول كذا انت ما سويت شي كل ذا مقدره رب العالمــــــــــين ..وعيالك هم عيالها ماخسرت باذن الله شي


فيصل – أي عيال يبه ماسمعت الي قلته


ابوه – الا سمعت والشرع حلل اربـــــــــــــــــــــــع جود زوجتك وبنت رجال من ظهر رجال ونسبهم شي يشرف بس ما تتخيل انك بتجلس بدون ضنا بدون خلف لذكرك يذكرونك الناس فيه


ام فيصل – مو وقته يبو فيصل


ابو فيصل – انا ماقلت باخذه وبخطب له الحين انا قصدي لايضيق خلقــــــــــــه والحزن مايستمر على حاله ..


هز فيصل راسـه وهو ساكت ...


امه – متى بيطلعونها من المستشفى .؟؟


فيصل – بتجلس كم يوم ماراح تطلع الحيـن ... لسى باقي فحوصات وحتى بعد تستعيد نشاطها عشان تقدر تتحرك بدون مساعدهـ


امه – بكره لازم نزورهــــــا


ابو فيصل – حق وواجب ... تعال علمت ابوها وامها


فيصل – ايه هم بالمستشفى معهــــــــــــا الله يصبرهم


ابو فيصل – اللهم اميـن .


،


دخلت مها غرفتها وحالتها حاله رمت نوف فستان زواجها على السرير حقها ورحت لمها بخوف – بنت شفيك


مها – جود


تروعت نوف – شفيهــــــــــا


مها – انعمت انعمت


نوف – هااااااه وش تقولين انتي تتكلمين جد


مها – فيصل توه جا من عندها تخيلي يا نوف عميا عميا ... ماعاد تشوف


حطت نوف يدها على خدها بحركه متوتره مسحت وجهها تحاول تبين انها ما تأثرت بالي صار لجود لكن دموعها خذلتها ناظرتها مها – واخيرا يا نوف تركتي عنك الحركات الي مالها داعي وحسيتي


نوف وهي تمسح دموعـــــــــها – انا ما اتمنى الشر لاحد يا مها ابدآ وجود مو استثناء الله يعينها على ما بلاهــــــــــــا .


مها – اللهم اميـن .


طلعت مها من الغرفه تشوف الاوضاع بالبيــــــــــــت ....دقت نوف على نجوى الي علاقتها فيها قويـــــــــــــــه


نوف – الووو السلام عليكم


نجوى – وعليكم السلام اهلين نوف


نوف – هلا نجوى


نجوى – خير صوتك علامــــــــــــه ...


نوف بغصه – جود


نجوى ببرود – شفيها


نوف – صحت من الغيبوبه


نجوى ببرود اكبـــــــر – طيب حلو شفيك صوتك شين


نوف بعصبيه – جود صارت عمياء ...


نجوى انصدمت انعمت شكلها ماسمعت زين – وش تقولين ؟


نوف – اقولك صارت عمياء ماعاد تشوف فيصل تو جا من عندهــــــا ...


انتبهت نجوى لنظرات صديقتهـا الي مسيره عليها بالبيت – نوف اكلمك بعدين


نوف – زين


ناظرت ام انس في نجوى – بسم الله عليك وجهك وراه اصفـر ؟


نجوى وهي مشوشه ماتوقعت ان الي صار يصيب منها وتر حساس – عمتي جود


ولاول مره تقولها بـــــــدون استهزاء !


ام انس – علامــــــــــــــها الي بغيبوبه


نجوى – صحت وانعمـت


ام انس – لاحول ولاقوة الا بالله العلي العظيـم ...الله يصبركم ...


تماسكت نجوى وابتسمت ابتسامه متوترهـ – اللهم لا شماته ...


ناظرتهـــــــــا ام انس بقوه واحتقار – وشو


نجوى ببرود ولا كأن الي صار أثر فيها او يمسها من قريب او بعيد وكأن التأثر الي بدا عليها قبل شوي ومضآت خيآل – قلت اللهم لاشماته


ام انس وهي تنزل فنجال قهوتها ..- ماتوقعتها منك يا نجوى


نجوى وهي تهز كتوفـــــــها – شتبيني اسوي انتي تعرفين اني انا وياها مانحب بعض وانا مو فرحانه ولا متشمته فيها الي هي فيه بسبب حوبتي وتدميرها لحياتي مع ماجد الي كنت اعشقه اكثر من حياتي


ام انس بقوه – انتي الي دمرتي حياتك بيدك لا تلومين احد جود عمرها ماتعرضت لك لا بشين او زيـن لا تحطين العيب عليها ...


نجوى بقوه – لا تنسين انك في بيتي ... وبعدين انتي صديقتي انا مو صديقتها ..


وقفت ام انس واخذت طرحتها – يا للاسف يا نجوى تمنيتك تتغيرين تمنيت اشوفك طيبه حنونه على جود الي ماأخطت بحقك ابدآ لكنك بقسوه الحجر او اقسى ..تحملت تجاهلك لي وتمسكت في صداقتك وكلي امل بس تدرين خلاص انسي اني صديقتك انسي ...


وطلعت قبل لا تقول شي تندم عليه ... ناظرتها نجوى بعناد ام انس وتعرفهـــا تزعل شهر شهرين وترجع تكلمها ...نزلت فنجالها من يدها الي ترتجف ...


،، سمع كل شي كل شي قالته ... وفي وقت كان يخنق حنينه لزوجته ام بناته عشان مايجرحها ويخلف بكلمته معها سمعها تقول ماجد الي اعشقه ..تعشقه وهي زوجته على ذمته ..تعشقه هالكلمه الي ماعمره سمعها منها ... تملك الجمال الشكل الحسن السنع بالبيت بس ماتملك الدفء والحنان بقلبها .. رغم كل عيوبها ماقصرت معه او مع بناته كانت رسميه معهن صحيح هالشي يضايقه بس ع الاقل ماسمع شكاوي او مشاكل بينهن .. صحيح ما ينافس زوجها الاولي بالشكل والهيئه بس هو زوجها الي ماقصر معها والي يراعي خاطرها ومايرد لها طلب...ضرب يده في قبضة يده ،،


وطلع من البيت ... ليه اظلم نفسي معها وهي ظالمتني ..ليش احرم نفسي من حق شرعي لي ،،


وراحت سيارتــــــــــه تطوي المسافات لزوجته الي شاركته في الحلوه والمرهـ زوجته ام بناته حبيباته ...


لازم يرجعهـــــــــــا .. لازم يرمم علاقتهم .. اشتاق لها لوجودهـــــــــا ,, اخذه العناد عنها والتكبر لكنه بيترجاها بيقدم لها العالم كله بين يدينها بس ترضى ترجع له ... اخذ جواله ودق على بنته الكبيره وعلمها بخطته كلها ... وقبل لاتسكر جوالها سمع صياحها هي وخواتها وضحكهن وبهجتهن من متى ماسمع نبره الفرح هذي بينهن ... اتفق مع بناته يوقفن بصفه ويضغطن على امهن ترجع لو بإبتزاز عاطفي ... راجع بفكره الكلام الي كانت بنته الصغيره تقوله له انه كل ماجت سيرته امهن تبكي وما تملك نفســـــــــها وانها ماتبي زوج غيره عشان كذا ماتبي الطلاق وان ماكانت له فماراح تكون لغـيرهـ ..


كيف كان قاســـــــــي لـ هالمدى وكيف تناسى سنين العشره ووقفاتها معه وصبرها عليه لازم لازم يستسمح منها ويترجاها لازم ... شي يضحك برودة مشاعر زوجته الثانيه نبهته لحجم خسارته لام بناته والفرررررق الكبير بينهن ...


نجوى بتكون معززه مكرمه وهو بيستاجر بيت لزوجته وبناتها لين يخلص بناء الفيلا الجديده لهن والي ناويها جنب بيته الثاني ...


/


/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

طلع من بيت اعمامه والفرحه مو سايعته كيف رضخت ووافقت ترجع له بعد عنادها الي كنت متمسكه فيه راح يستاجر لهن بيت قريب منه ... وبعد ماخلص دخل بيته ...


كانت نجوى تبخر البيت .. ابتسمت – اهلين جيـت ,,,


قال ببرود – تعالي اجلسي ابيك بموضوع


نزلت المبخره وهي تناظر مو بالعه ملامحـــــــه – خير


سالم – خير وكل الخير انا رجعت زوجتي واستاجرت لهم البيت الي على راس الشارع لين ماتخلص فيلتها الي ابنيها لها وللبنات


وقفت بعصبيه – رجعتـــــــــــــها


وقف وهو يناظرها بقوه – ايه رجعتــــــــــــها هذي ام بناتي عشره عمري


نجوى تتريق – عشره عمرك هذي قلت لي انك مو مرجعها


مسكها بقوه – غيرت رايي وشفت انك ماتستاهلين من يراعي خاطرك ضغطت على نفسـي عشان ما ازعلك بس طلعتي ما تستاهلين ماتستاهلين


ارتبكت وصرخت – انت وش تقول


قال ببرود – اجل ماجد تعشقينه ... هاه


برد وجهها وصاحت فيه – تتسمع في كلامي انت


ضحك بدون نفس - تعترفين بعد ... كلنا متساوين انتي تعشقينه وانا اعشقها انتهينا تبين تعيشين معي معززه مكرمه بيكون لك بيتك وحياتك ومالك شغل فيهن واذا ماتبين علميني ...


ناظرته فيه وراحت غرفتها تصيـــــــح ..دقت على ابوها بيد ترتجف – الو يبه


ابو طارق – خير ان شاء الله شفيك


نجوى علمته بالسالفه كلها – يبه مو قادره اعيش معه تعال اخذني


ابو طارق - انتي تزوجتيه وانتي عارفه انه متزوج وعنده بنات وش الي تغير


نجوى بهستيريا – الي صار انه صار عندي ضــــــــره ضــــــره تشاركني فيه ...


ابو طارق – انتي كبيره اعقلي وفكري كيف تكسبين زوجك لانك بـ هالشكل وهالتصرف تنفرينه وتخلينه يروح لزوجته ام بناته ..احمدي ربك غيرك مالقن من يتزوجهن ..زوجك رجال والنعم فيــــــــه وماراح تلقين مثله


قاطعته – بس يبه


عصب – نجوى اسمعي الكلام وان شفتك ضافه قشك وجايه لبيتي برجعك وانتي تحملي نتايج عملك


وسكر الجوال في وجههـــــــــا ...


رمت جوالها على الارض حطت راسها بين يدينها وجلست تبكي من قلب ... يالله وش هالمشاكل الي ما تنتهي في كل مره تتزوج فيهـــــــا تطلع لها وحده لازم تعكر صفو حياتها اول شي جود والحين زوج زوجها الاولى ...ضحكت بدون نفس لما تذكرت كلام امها انها متعلمه وحلوه وانه مو مناظر في زوجته ام عياله ما دام هي قدامه ...صح يمه صح والدليل انه راح يركض يراضيها ولا بيبني لها بيت جنب بيتي ..ضربت بطنها بيدهــــــــا وكله كوم والي تشيله ببطنها كوم ثاني ياربي ... ليه كل شي تكاتف ضدهـــــــــــا ليه ليـه .. زوج تركها وطفل بالطريق ...


ماحست الا بيدين تمسك يدها ... رفعت نظرها – تعوذي من ابليس


نفضت يده عنها – ترجع زوجتك وتقول تعوذي من ابليس تخطي بحقي وتبيني اسكت اه بس انا وش سويت وش نقصت عنك صرت عبده تحت رجولك عشان ترضى ومارضيت


وقف يناظرها – اسالي نفســــــــــك فكري وشوفي وش الي منقصته


نجوى بهستيريا – قل لي نورني علمني وين اخطيت فيـه


حط يدها على قلبها – هذا مايشيل احد يا نجوى مايشيل احد


قالت بهمس – هـاه


سالم – قلبك مقفل بوجيه الكل هذا النقص


ارتبكت – هذي انا وهذا طبعي


سالم – وانا للاسف ما يرضيني القليل اظن اننا وصلنا لنهايه المشوار..


رنت كلمات ابوها براسها ليش تعرض نفسها للمذله ...حط يده على قبضه الباب بيطلع – انا حامل


تصلب مكانه والتفت يمها – وش تقولين


نجوى – انا حامل


سالم – حامل ..


نجوى – ايه حامل اظن ولدنا يستحق انك تعطيني فرصه ثانيه .. فيني عيوبي عارفه وطبعي صعب اغيره بس هذي انا شسوي ...


هز راسـه وقال قبل لا يطلع – محد كامل حتى انا ...


وطلع..!!


اخذت جوالهــــــــا لازم تكلم خواتها ولا بتموت من الحرهـ ... ردت عليها اسماء – الو


اسماء – اهلين نجيو


نجوى – اهلين انتي عروس الغفله ولا الاخت عايشه ...


اسماء – لا عروس الغفله هههههههه


نجوى – زين


اسماء – نجوى شفيك ..؟


نجوى – زوجي رجع ال****ه زوجته


اسماء – يا مال الطاعون متى هالكلام


نجوى – سمعني اتكلم مع ام انس عن ماجد ومن زعلته راح لها وراضها


اسماء – وجع يختي ذا الرجال مالهم آمان


نجوى –هه اسأليني جعله الي موب قايله ماقصرته عنه بشي واخرتها يرجع زوجته ياقهري قهراه ...بيطق فيني عرق


اسماء – اعصابك تراك حامل


مسحت نجوى جبهتها بيدها – حامل ولا لاء الرجال طفش مني


اسماء – يوه ياخوفي لايكون ولد اخوه مثله


نجوى بعصبيه – ياربيه انا وين وانتي وين


اسماء – يختي قمت اوسوس


نجوى – اقول اهجدي بس لا والبلا كلمت ابوي وهزئني وقال ان جيته بقشي بيطردني تخيلي


اسماء – يووووووه معقوله


نجوى – تخيلي شكله ماصدق يفتك مني ماعاد يبيني ارجع له مره ثانيه


اسماء – ماعليه اهم شي لاتسكن معك


نجوى بعصبيه – عشان اوريها شغلها والله مابقي الا هي


اسماء – اشوا


نجوى – هو قال لي بيستاجر لها بيت لين تخلص فيلتهم الجديده جعلها تطيح على روسهم .


قالت اسماء بتغير مود اختها – خلاص هونيها يختي وش رايك تجين لنا اليوم عشان تساعديني في ترتيب ملابسي بالشنط


نجوى – مالي خلق يختي اليوم كئيب من هوشتي مع ام انس لسالفه زوجي


اسماء بصدمه – ياربي ماتطفشن من الهوشات شصاير هالمرهـ


نجوى – عشاني ابتسمت وقلت اللهم لاشماته يوم دريت عن جود


اسماء – جود عمتنا


نجوى – ماغيرها


اسماء – ليه وش صـــــــــــاير لها ؟


نجوى – مادريتي ؟


اسمــــــاء – وش يدريني قولي


نجوى – ههه استغفر الله ياربي جود انعمت


انصدمت اسماء بقووووووه – انعمت ..


نجوى – صح النوووووووم لي كم ساعه داريه


اسماء بصوت متقطع – يالله


نجوى – هذا الي كاتبه الله لها لا تقلبينها مناحه


اسماء – صدمتيني جد


نجوى – يووه انا بوادي وانتي بوادي ...


اسماء – حرام عليك يانجوى لا تتشمتين يبلاك ربي


نجوى بعصبيه - ما تشمتت شفيكم بتطلعوني اتشمت غصب


اسماء – طيب طيب بسكر الحين تنكدت مو قادره اتكلم


سكرت الجوال بدون ماتعطي اختها فرصه تقول شي سكرت نجوى جوالها ورمته على السرير ياصبره هالجوال على كثر ماترميه لسى متمسك بالحياه ..


جلست اسماء على سريرها تبلع غصتها اخر شي تعوذت من ابليس وطلعت برا لامها واختها ...


ناظرت ولقت طارق موجود


سلمت عليه من اول رمضان وهو مسافر ...قالت لامها – يمه وين ابوي


امها بنبره عاديه – اظنه ببيت جدك ياخذ اخبار جود


طارق – الحمد لله انها صحت وانها متعافيـه ...


اسماء – الله يعينها ويصبرها


امها – البنت بدالها عشر اهم شي انها حيه


اسماء – وش فايده حياتها اذا دايم ظلام


ناظروا العايله فيها بوجيـــــه مصدومه وش تقولين ...


ردت اسماء بصدمه – ماتدرون عن الي صار


امها – لا ماندري خير وش قصدك


اسماء – يمه جود عمياء ..


فز طارق من مكانه ومسكها يهزها – وش تقولين انتي


اسماء – عمياء والله ماعاد تشوف


طلع من البيت بسرعه حتى ما اخذ لا شماغه ولا شي ..


ركب السياره وحرك لبيت جده لازم يعرف وش صار بالتفصيل الممل وش قاعده تقول اخته وش تهبب ...


دق جواله لينه ماجد عطه مشغـول مو رايق لاحد .... مرت الدقايق ثواني بسبب سرعته الجنونيه وصل بيت جده ودخل لقى ابوه موجوده وعمامه بندر وعمر والوليد وحتى يزيد


بدون مقدمـات – جدي عمتي جود انعمت صدق الي سمعته ...


جده بصوت مبحوح متألم مجروح –ايه وانا جدك


طارق – لااااااا


هزءه ابوه – اذكر ربك ...


طارق – لا ما انعمت اكيد تمزحون ..


وقف بندر واخذه مع يده ... وطلعه – هدي اعصابك والحمد لله على سلامتها جلس طارق على الدرج وهو ساكت متألم مايقدر يعبر عن الي يحس فيه


قال لبندر – انت تعرف من جود بالنسبه لي تعرف معزتها تعرف غلاتها


بندر – عارف والله عارف بس الله يعينها ويعيننا ...


دخل ماجد مصدوم – خير يا عيال علامكم عمي فيه شي


وضـرب قلبه بقوهـ ...


بندر – لا سلامتك مافيه شي وابوي طيب ومتعافي ...


ماجد – علامكم فيه شي مو مضبوط بالموضوع ...


طارق – جود صحت من الغيبوبه واكتشفوا انها عمياء ..


شعاع النور الي ملا حياته اختفى بلمـــــــــح البصـر – ج جود عمياء


بندر – ايه ايه تعبت ترى من كثر ما كرر هالكلمه ...


ودخل لبيت بسرعه متضايق ...وقف ماجد بمكانه متصنم ما يدري وش يسوي وش يقول وكيف يفصـح عن الي بقلبه انعمـت .. انعمت ..


وطلع راجع لسيارته مشاعره بحاله صدمه وفوضى ومايقدر يقابل او يكلـم احد !!



قالت ندى للبتول الي جالسه وساهيه – بندر طلع فوق وشكلها واصله معه


وقفت البتول ولحقته ... لقته بالصاله واقف وعيونه وياللصدمـــــــــــــه مليانه دموع ... عيون بندر مدمعه ..رمش بسرعه وقال – جيتي


ابتسمت – لا لسى تحت


ابتسم وجلس مكانه ..جت جلست جنبه ومسكت يده ...


-اسمع بندر عارفه انك متضايق مو متضايق بس الا حزين وقلبك يتألم كلنا كذا مو انت بس بس تذكر شي واحد ان ربنا رحمته توسع الدنيا وانه معها وان الي صار حكمه وانه مقدر لها وهي في بطن امها وصدقني ماتدري انه خيره لها كلنا بنمر بظروف صعبه هالفتره لكن لو اتحدنا ومابخلنا بمحبتنا على بعض راح نتخطاها ونكون اقوياء بالشي الي يجمعنا سبحان الله انا لو مااجهضت ماكنا يمكن رجعنا لبعض كان زادت مشاكلنا وراح تنتهي بشي يا تذبحني او نتطلق


ضحك من قلب على كلماتها الاخيره ..- ربك كريم يا البتول وحنا بنكون معها قلبآ وقالبآ وهي بتجي عندنا لا طلعت من المستشفى على كلام امي ...


البتول وهي تبتسم بحنان – اجل ابعد عنك التشاؤم وابتهج وتفاءل بالخــــــير واعرف انه الي صار له حكمه مايعلمها الا رب العباد


وقفـــــت وجرته معها لين وقف ,, - يالله حبيبي انزل اجلس مع عمتي والبنات ترى اخلاقهن مره مقفله ..


وقف وهمس باذنها وهم ينزلون – لا خلا ولا عدم


ابتسمت في وجهه ويدها بيده


..


* اليوم وبكره وبعده .. بالرخا والشدهـ*



،


،

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

دخل ماجد بيته وهو ضايع هايم ... جلس بالصاله مع امه


قالت امه – دريت عن الي صار لجود


قال من قلبه – ياليت العمى فيني ولافيـــــــــــها ...


تراجعت ريوف قبل لا تدخل ...


قالت امه – بسم الله عليك الرحمن الرحيم لا تقول كذا


ماجد – اقول ولا ماقول الي صار صار من يوم ماتزوجت وهي في حاله مايعلم بها الا الله


ناظرته امه بصدمه ابتسم بدون نفس – يمه على بالك مدري عن الي يصير لها كل شي اعرفه بس لاني ماتكلم على بالك مدري ...


ناظرته امه – لو ماتزوجت بنت شيخه كانت جود زوجتك وام عيالك


ناظرها بحسره – من الي يقلب المواجع الحين يمه ..


امه – عمري ماقدرت استوعب سبب زواجك من وحده ماتبيها


ماجد – السبب اكبر من كل شي يمه غصب علي


ناظرته امه بعدم تصديق – مو ماجد ولد سلمان الي ينجبر على شي مايبيه


ماجد - مو ماجد ولد سلمان الي تنخاه حرمه ويدير ظهره لها


شهقت ريووف بقوه وجمدت مكانها ناظرته امه – شتقول ...


ماجد – الي صار صار يمـه ... وانتهينا الله يستر على بنات المسلمين .


ناظرته امه وشوي وتموت من الي قاله مسكته مع ذراعه – ليه تخبي كل ذا بصدرك ليه ما قلت لي تعرف ان السر لاجاني يموت ليه يمه ليه تخلينا نلومك ليه تخلينا نزعل بسبب زواجك وانت بنفسك مو راضي


حط يده على يدها الحنونه – انا رجال كبير يمه


ناظر فيها وعلى وجهه ابتسامه .. ابتسمت امه بدورهـا ونست الضيق لوهله ...


ناظرته ... – رح يمه عسا الله لايحرمك من شي يسعدك عساه يحميك ويخليك لي ويرضى عليك


ماجد – اللهم اميـن ...


يالله بروح انام لا تصحوني للسحور مو مشتهيـه ..


امه – زين يمه الي تشوفه ...


وطلع ولقى ريووف بطريقه – سلام


وكمل مشواره لغرفتـه ....دخل ورمى شماغه وجلس على سريره وهو يتنهد ...لمتى يا ماجد لمتى بتكون متعلق بحلم مو لك حلم لغيــــــــــــــــــــرك ارضى بالنصيب ارضى ...


طيب انا رضيـت بالنصيب لكن الي يخفق بقلبي وش اسوي به .. شعوري الي اكنه لها والي وصل لحد الالـم ... عشقي لها من وهي صغيـره ....مسح وجهه بيده وكأنه بيمسح كل شي يعكر صفو مزاجه بـ هالحركه لكن هيهات ...يا ماجد هيهات تنسى !



،


،


،



مرت ايام العيد بفرحها ونفحات الحزن الي كانت تتخللها ...


واليوم هو اليوم الي بتطلع فيه جود من المستشفى ...اخذت عبايتها بعناد من الممرضه وقالت بعصبيه – انا عمياء بس مو معاقه اعرف البس عبايتي هاتيها ...


اخذتها منها ولبستها بترتيب تلمست الطرحه ولبستها قالت امها – يمه خليها تساعدك مافيها شي


ابوها – ليه تساعدها جود بنتي مو محتاجه لمعونة احد ..


ابتسمت جود ترفه عن امها وابوهـا همهم – قالها ابوي انا مو محتاجه لمعونة احد


قالت امها برجا – يمه حبيبتي غيري رايك وتعالي معاي البيت كم يوم لين تتعافين ناظري بالله كانك هيكل عظمي ...


ما انتهبت للغلطه الي غلطتها بكلامها ابتسمت جود بالم اه لو اناظـــــــــر لكن مو كل شي يتمناه الانسان يقدر يحصله ...


التفتت ومسكت يد امها – ماعليه يمه انا قويه وفيصل عندي وبجيب شغاله تساعدني لا تخافين ..


سكتت امها بعد ماغمز لها زوجها ما تعترض اكثـر وتسبب لجود مشكله نفسيه هي بغنا عنها ...


قالت جود – وين فيصل


امها – راح يخلص اوراق وبيرجع الحين


جود – زين ..


مرت عشر دقايق ودخل فيصل – يالله جود جاهزه الممرضه تنتظر برا


رفعت حاجب صدمه وكأنها مازالت تشوف وهالعيون الصافيه سليمه معافاه ...قال ابوها – ما يحتاج امسك يدها وخلاص


فيصل ارتبك – بس


ناظره ابوها بتحذيــــــــــر ... نقل فيصل الاوراق ليده اليسار ومسك جود باليد الثانيه ومشوا كانت ماشيه بثقه على توجيهاته ...سبحان الله الي عطاها من القوه الي خلاها واثقه ومتحديه لاعاقتها ...


وصلوا بيتها هي وزوجها بلحالهم بعد ما اقنعت امها ترجع بيتها وتتطمن ...حس فيصل بارتباكها ..


-هدي اعصابك ...يالله شوفينا الحين بالمدخل الرئيسي وامي وابوي واخواني والعايله كلها موجوده ,,,


زاد تورترها ضمتها ام زوجها بمحبه – الحمد لله ع سلامتك يا بنيتي اجر وعافيه


جود – الله يسلمك عمتي


سلم عليها ابو زوجها – الحمد لله على السلامه وانا ابوك وحياك ببيتك


جود – تسلم عمي ماقصرت


ضمتها مها بعاطفه قويه على الاقل اصدقهم شعور مهـا وهذا الشي مافيه شك ...


مها – نووووورتي البيت قلبي


جود – تسلمين مهاوي


سلموا اخوان زوجها عليها وتحمدوا لها ع السلامه ... بدت تتعب خصوصآ انها مو متعوده على الجلسه وقت طويل قالت ام فيصل – يمه خذ زوجتك لبيتها عشان ترتاح


قال عمها – اذا تبون غرفه تحت قولوا نفضي لكم غرفه تستخدمونها بدال طلعه الدرج


قالت جود وهي ماسكه اعصابها ..- مشكور عمي الاحسن اعتمد على نفسي ويكون كل شي طبيعي ..


ابو فيصل – الي تشوفينه يبه ...


مسكها فيصل وقال – يالله نطلع بيتنا


طلعوا الدرج فكت يدها منه – اقدر اعتمد على نفسي انا اتذكر المكان ...


مارد عليها فتح الباب ودخلوا .


سكر الباب وقال – المفروض ماتردين على ابوي بـ هالطريقه


بدينـــــــــــــــا


نزلت عبايتها وقالت – ما قلت لعمي شي فيصل لا تبدا حركاتك انا تعبانه وهلكانه واعرف شي واحد ماراح اسمح لاحد يعاملني كمعاقه فاهم ...


شغل فيصل الانوار ولقاها ماتشتغل –افففففف النور طافي واوراق الشغل مدري وين حطيتها


التفتت يمه – فكر عاد لو انه هالظلام ابدي و احمد ربك على النعمه ...


فيصل بضيق – ترى ضميري حامل الشي الكثير لاتزيدينه


جود – ما الومك على شي فيصل شايفني ضعيفه ايمان ... بس لا تتكبر على النعمه ...


وراحت تمشي ببطء لغرفتها ....


/


/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بعد شهريـن ...


قال طارق لابوه وهم جالسين – يبه ابي اخطب


ابوه وهو يضحك – اخيـــــــرا بتصك الثلاثين وانت مافكرت تعرس


طارق يمزح – لاحد يسمعك يبه انا كاذب عليهم وقايل اني ابن 25 سنه


ابوه – ههههههههههه بالحيل في بالك بنت معينه ولا ندور لك


طارق – في بالي يبه


ابوه – منهي سعيدة الحــــــظ


طارق – ريوف


ناظره ابوه – ريوف


تدخل صوت حاد بالموضوع – تتزوج ارمله مابقي الا هي


ناظر طارق في امه ياربي مو وقت تدخلها ...


قال ابوه – متاكد انك تبيها خلنا نخطب لك بكر


طارق – ابي ريوف مابي غيرها


امه شوي ويغمى عليهـــــــــا – بنت سلمان لا لا


ابو طارق بعصبيه – علامها بنت سلمان تراها بنت عمي احترمي نفسك يا حرمه


ام طارق – ماقلت ببنت عمك شي بس ولدي ما ياخذ حرمه كانت متزوجه قبله لعنبو ابليسك انت ماقد تزوجت كيف ترضى تاخذ وحده عرفها قبلك واحد


صرخ فيها ابو طارق – علي الطلاق ان ماسكتي لاكسر رقبتك


خافت وسكتت


قال طارق – ابي ريووف يمه اقبلي هالواقع ..شقلت يبه


ابوه – انت رجال كبير وتعرف مصلحتك اليوم نروح نخطبها من ماجد


طارق – زين يبه تكلم جدي ولا اكلمه انا ...


ابوه – بكلمه انا ...


طارق – زين


وقام وطلع وهو يناظر بأمه بعتــــــــــــــــاب


قالت زوجته – انت موافق


ابو طارق – قلت لك هو رجال ويعرف مصلحته وريوف بنت مالها مثيل ...


ناظرته زوجته بقهر وطلعت دخلت غرفه البنات وقالت لعايشه خذي جوالي طلعي لي رقم ريووف بنت عمك


عايشه متفاجأه – ليه طيب


امها بصراخ - طلعيه وانتي ساكته


تخرعت عايشه وطلعت رقم ريووف .... دق جوالها


ناظرت ريوف بالرقم ... قالت لبنات عمها - ام طارق تتصل غريبـــــــــــــــــــه وش عندها


قالت جود – ردي وشوفي وش عندها هالحيه ...


ردت ريوف – نعم


ام طارق بدون مقدمات – اسمعي زين يابنت سلمان ...


فتحت ريوف السبيكر حست فيه شي كايد بتقوله ..- ولدي بيخطيك وانا مو راضيه ياخذ وحده كانت لغيره فاهمه ولا لا انا مابيه يضيع حياته ويتزوجك ولدي يستاهل وحده احســــــــن منك


ناظرت ام ماجد في ملامحها الشاحبه اخذت جوالها وقالت – الحريم ما يتدخلن في الي مالهن فيه اقضبي ارضك يا حرمه لا والله لاكلم ابو طارق وهو يعرف يربيك ...


صرخت – مانبي نسبكم مانبيه ...فكيني من بنتك وجزاك الله خير ...


قالت ام ماجد بقوه – بنتي الف من يتمناها لا تخلين ولدك يتعب نفسه ويتعنا ويخطبها ....


ضحكت ام طارق بدون نفس – الف ياكبرها عند الله


قالت ام ماجد وهي ماعاد تحس بنفسها .. – حياك الله اجل على ملكه بنتي بعد اسبوعين


شهقت ريووف واشرت لها امها تسكت ...وسكرت الجوال بوجه ام طارق .


كل الي بالصاله تجمد وماسمعوا الا شهقت ريووف – يمـــــــــــــــــه أي ملكه وش تقولين ...


ناظرتها امها بعصبيه امها الهاديه منفعله بـ هالشكل – بتتزوجين وافي وبتدقين على اخوك وتعلمينه بالموافقه الناس لهم اسبوعين خطابين وانتي ماعطيتيهم رد


ريووف وهي تصيح – يمه مابي اتـــــــــــــــــزوج مابي


امها – بتتزوجين ياريووف وكلمتي ماثنيها كلمي اخوك الحين


ترجتها ريوف – يمه تكفين


قامت البتول الي مصدومه من القلبه الي صارت على راس اختها – يمه حبيبتي هدي اعصابك انتي اكيد ماتقصدين الي قلتيه انتي عارفه ان ريوف ماتبي تتزوج وبعدين زوجها ماله مده متوفي ..


امها بعصبيه – بتكسرين كلمتي ياريووف يابنت بطني


مسكت ريوف يدها برجا – يمه لاتجبريني عشان مشكله بينك وبين شيخه


ام بندر – هدي اعصابك يا ام ماجد ...


ام ماجد – انا قلت الي عندي والقرار بيدك ياريووف ..


جلست ريوف جنب ندى وجود ...ناظرت في امها بحزن قست امها قلبها بسبب نظراتها المتألمه ..اخذت ريوف جوالها ودقت على ماجد ... – ماجد


ماجد وهو يشوف طارق انتظار بجواله – هلا ريووف دقيقه معي مكالمه ثانيه


ريوف – انا موافقه اتزوج وافي


ماجد مو مصدق - متاكده


ريووف – ايه انا فكرت وقررت اوافق بس بشرط العرس يكون عائلي ومو الحين بالاجازه السنه الجايه


ابتسم من كل قلبه – عساه مباررررررك ...ومايصير الا الخير


ريووف – عقبالك مجود سلام ...


رجع ماجد يرد على طارق – هلا


طارق – السلام عليكم


ماجد – وعليكم السلام والرحمه ...


طارق – اليوم فاضي بعد العشاء


ماجد – ايه فاضي خير


طارق – بنجيك نخطب ...


ماجد - تخطبون ..؟ من ..؟


طارق – ههههههه من الي يحييك فارس يعني


ماجد – ههههههه جايز


طارق بجديه – بنخطب ريوف لي ..


ماجد مو مستوعب – ريووف


طارق مستغرب رد ماجد- ايه ريوف


ماجد – والله يا طارق مدري شقول لك بس ريووف انخطبت وموافقه


انصدم طارق – متـــــــى هالكلام


ماجد - من اسبوعين وانا اخوك الله يعوضك ويرزقك ببنت الحلال الي تسعدك


طارق بخيبه كبيـــــــــــره – ربك كريم ..


ماجد – الخيره فيما اختاره الله .


طارق – ونعم بالله يالله سلام .


سكر طارق جواله بقوه وده يصــــــــــرخ سامحني ياخالد سامحني مو قد الوصيه مو انا رجل الموقف سامحني لهيت بشغلي لين جا نصيبها ... سامحني مو قصدي ولا في نيتي ولا تمنيت تتزوج غيري ياليت اقدر اغير شي ياليت ياليت ...


نزل للصاله تحت ولقى ابوه جالس وامه – يبه كلم جدي وقل له الخطبه انلغت


ابوه – ليه


طارق – ريووف مخطوبه وموافقه


انقهــــــــــــرت امه بنفس الوقت الي كانت فرحانه فيه اجل ام ماجد صادقه والي قالته مو عشان تحرها وترفع لها ضغطها..


ناظرها طارق – اتمنى ترتاحين يمه بعد الي عرفتيه


وطلع من البيت زعلان ...



***


قالت جود لريووف – خلاص ريوف هدي


ريووف وهي شوي وتبكي – جود ماتوقعتها من امــــــــــــــــي امي تسوي فيني كذا امي الي وقفت جنبي وكانت لي سند وعون تقلب هالقلبــــــــــه ..


جود – حطي نفسك محلها ريووف والله ما تنلام بعد الاستفزاز الي صار لها ولا تنسين انها كانت تبيك تتزوجين وافي وانتي معنده


ريووف وهي ضامه وجهها بين يدينها – وخالد


جود – خالد الله يرحمــــــــــه يا ريووف الحياه ماتوقفت ... الله بيعوضك ان شاء الله بوافي وتسعدين معه


ريووف – يالله يا جود موقفي صعب مره


جود – لا صعب ولاشي ريووف الحياه قدامك وانتي صغيره وحلوه والف من يتمناك لا تدفنين نفسك في اليأس الحين يمدي الخبر وصل لوافي فرفشي يالله وخلينا نستانس وانتي شرطتي عليه سنه ينتظر ووافق يالله وش تبين بعد لو مايبيك ما وافق ...


ريووف – والله كلامك بلسم للقلب يا جود


جود تمزح – ايه عارفه


ريووف – ههههههه بدت الاخت الغرور


جود – يالله بس شوفيلي بالله شعري ضابط


ناظرت ريوف في بنت عمها بحب – يجنن يخبل ...


جود – جد


ريووف – ايه


جود – الحمد لله يالله نروح للصاله ترى عمتي مره متضايقه ..


قالت ريووف وهي ماسكه جود ورايحات للصاله – جود شخبار اهل زوجك معك


جود بابتسامه حزن – عادي يحاولون يبينون كل شي زين بس هم معتبريني عاجزه كأني كسيحه ...


ريوف – صدق


جود – ايه ..بس يالله ع الاقل ماصار فيه مشاكل زي اول ...اوووووه مو وقته جواله يرن وهذي نغمه فيصل طلعت جوالها من جيب تنورتها – هلا


فيصل – يالله انا جاي ...


جود – منت بمخليني اتعشى ..


فيصل – عندي دوام بكره وابي انام بدري مره ثانيه تتعشين عندهم


جود – طيب ما يخالف


ريووف – لا مو وقته


جود – الشكوى لله مره ثانيه


ريووف – اجل عندنا المره الجايه


جود – ههههههههه اوكي كم رفرف عندي


ريووف – وحده طبعآ ...


اخذت جود عبايتها قالت امها – جا زوجك


جود- ايوه يمه يالله اشوفكم على خير


وطلعت يدها بيد ندى لين وصلت باب الشارع ونزلها فيصل ...



/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

اليوم الثاني


راح فيصل الدوام ..


وجلست جود زهقانه .


.امتلت عيونها بالدموع لا تقدر تقرا او تكتب او تتفرج على التلفزيون او تنظف بيتها زي قبل اعتمادها الكلي على الشغاله .. ملت من تأففات عمتها الخفيفيه بسبب استحواذها الكلي عليها


دخلت الشغاله وقالت جود – انزلي مو محتاجه لك


الشغاله بارتباك – ماما والغداء


جود بعصبيه – انا بطبخ


الشغاله – ايش


جود بعصبيه – قلت لك اطلعي انا بطبخ خلاص مابي شي منك


نزلت الشغاله تحت قالت لها ام فيصل – ليش نزلتي ماقلت لك شوفي جود وش تبي


الشغاله – ماما يقول مايحتاج شي ...


ناظرتها ام فيصل وهزت كتوفها - بكيفهــــــا


راحت وجلست مع زوجها قالت بعصبيه – زوجة ولدك بتجيب لي الضغط


ابو فيصل – خير اللهم اجعله خير


ام فيصل – شايفه نفسها وتكابر ارسلت لها الشغاله وطردتها


ابو فيصل – الله يعين بس ...


قالت ام فيصل – شفت مرام بنت اختك ماشاء الله عليهـــــــا


ابو فيصل – أي والله جمال ودلال وسنع بس الحظ ماخدمها في زواجها الي ما دام شهر


ام فيصل بنبره لها معنى – ان شاء الله يخدمها الحظ هالمره


ابو فيصل – انتي تفكرين بالي افكر فيه


ام فيصل – من يوم ماشفتك تسال اختك عنها وانا عارفـه الي براسك


ابو فيصل – على الله ولدك يوافق ..


ام فيصل – مو قايل شي امس يسولف معي ومتضايق من عجز زوجته مو نافعه لشي صح مالها ذنب بس ولدنا بعد ماله ذنب يظلم نفسه ...


دخل فيصل بعد اذان الظهـر البيت وسلم على ابوه وامـه ...جلس معهم قال ابوه – يبه شرايك بمرام بنت عمتك


فيصل – من أي ناحيه


ابوه بدون مقدمات – انت معجبتك حياتك كذا مع زوجه لا تطبخ ولا تجيب عيال ولا شي


فيصل – لا يبه بس لاننسى انا سبب الي هي فيه


ابوه بعصبيه – لاتحمل نفسك شي انت مالك ذنب فيه اسمع البنت مزيونه وسنعه والي يخطبونها واجد تبيها ولا لا ...


فيصل – الا مو معقوله اجلس بدون زواج طبيعي بس


ابوه – لابس ولاشي خير البر عاجله


فيصل – طيب بقول لها وباخذ منها الاذن عشان تسمح لي


ابوه – شف ان شاورتها بتجلس صياح وزعل انت ملك على مرام ولا ملكت حطها امام الامـر الواقع وعلمهــــــــا


فيصل بتردد وطول تفكير – تـم ...


قام وطلع بيته لقى جود تحوس في المطبخ وهي معصبه دخل – شفيك جود وش تسوين


جود – وش شايف اسوي الغداء


جرها مع يدها وطلعها مجنونه انتي بتحرقين نفسك قلت لك ما ابيك تطبخين ولا تسوين شي خطر ...


جود بعصبيه – انا مابي اكون عاله على احد


فيصل - من قال انك عاله يابنت الحلال


جود – انس الي قلته


وراحت غرفتها بخطوات مو ثابته رمت نفسها على فراشها وجلست تبكي ...


جلس فيصل عندها يتنهد -ياجوووود مو حياه ذي تماسكي لاتضعفين


جود – عمرك ماراح تفهمني يا فيصل


فيصل – امي تنادي للغداء


جود – مو جوعانه ...


وقف فيصل – انا هلكان وجوعان بنزل اتغدا ...


ونزل وتركهــــــــــــــــــا مو حاله ذي ياربي تعوذت من الشيطان لاتنهار او تجيها حاله نفسيه ...صعب صعب ان الواحد يتخبط في الظلام طول عمرهـ ...صعب انه يتحمل عدم تفهم الناس من حوله القريبين منه والي يهتمون له ...صعب صعب ...


مر على هالوضــــــع ايام .... حتى حلة كارثه على راســــــــــــــــــــــــــــها ...


كانت عند مها بغرفتهــــــا يسولفن وقررن يطلعن للحوش لان لجو حلو وصلن الصاله قالت جود – هههههه ريحه عود بالبيت اكيد فيه مناسبه خطيره


مها تستهبل – لايكون جاني عريس ومحد قال لي


جود – ههههههههههه تخيلي


وفجأه تجمدن لما سمعن ام فيصل تبارك له – مبروووووووووووووووووك يمه الف الف مبروك


فقدت توازنها من الصدمه قالت لمها الي جمدت حولها – مـ مبروك على ايش


قالت مها بخوف – يمكن مترقي و...


قال فيصل – الله يبارك فيك يمه ...


ابو فيصل – العرس ترى اخر الشهــــــــر


انفتحت عيون جود على اخرها ... همست – فيصل تزوج


قال فيصل لامه – والله مدري كيف اقول لجود


امه – تحمد ربها بعد عمياء وعقيم وانت كامل بسم الله عليك


اهتـــــــــز شي بوجدانها ..شي بقلبها تحطــــــــــم لاشلاء مايقدر احد يلمهـــــــــــــــا ...


قالت مها وهي تحس بجسمها ثلج من المصيبه الي سمعتها والبلا من رد امها الي ماكان فيه لاشعور ومراعاه يمكن لو جود قدامها ما قالته بس بالنهايه هي سمعتها ...


قالت جود بهدوء – طلعيني بيتي مها


مها – جود حبيبتي لا تتضايقين ورب الكعبه ماكان عندي خبر عن كل الي سمعتيه الحين ...


جود – ماعندي شك بس وديني بيتي اذا تعزيني ومن الباب الثاني مابي اقابلهم الحيـن


مها بصوت مخنوق – الي تامرين به ابشري ...


كانت تمشي وما تحس برجولها بس مو مستوعبه الي حولها نهائيآ ...كأنها فقدت الشعور او تخدرت او لسى بطور الصدمه ..


دخلت البيت وقالت لمها – ارسلي الشغاله لي


مها بريبه – ليه


جود – ارسليها يامها انتي عارفه ليه


مها – مالومك يا جود اذا تبين الصدق بس ممكن اطلب طلب


جود وهي منهاره والم الخيانه والخيبه بوجهها – اطلبي يامها


همست مها بصوت متقطع – لاتقاطعيني تراك اختي وعزيزه علي


بكت جود وبكت مها وضمــــــــن بعض ... مسحت جود عيونها وهدت مها المنهاره


طلعت مها وارسلت الشغاله لجود ...قالت لها جود تجمع كل اغراضها ماتخلي ولا شي ..دخل فيصل الغرفه وانصدم لما شافها جالسه تنتظره قال بتقرير واقع – دريتي ...


جود – ولاكلمه وددني بيت اهلي


فيصل – بس ....


جود – اليوم عرفت معزتي بقلبك عرفتها زين


وقفت واخذت عبايتها ...قال برجا – خلينا نتفاهم ...


هبت في وجهه - نتفــــــــــــاهم بقي فيها تفاهم تتزوج علي ومن وراي ... انا عقيم وماتعلمني قل لي يافيصل ليه تجرحني ليه وش سويت لك ؟.وش اذنبت قل لي ..؟فقدت البصر فقدت القدره على اني اكون ام تزوجتك وصرت سراب ونصف انثى ...خلاص يا فيصل انتهى المشــــــوار ..انتهى الي يربطنا لو سمحت لا تتكلم او تحتج نزل اغراضي بهدوء ودني بيت اهلي وارسل لي ورقه طلاقي وانتهينا


تنهد – آاخر كلام عندك


جود – ايه آخر كلام لاتجي ابوي ولا يجيك الموضوع بيني وبينك انت تزوجت الحين ومنت بحاجتي ارسل لي ورقتي وحررني منك ...


نزل اغراضها بمساعده الشغاله ..ضمت نفسها بقوه كانت تنتفض كأنها محمومه كانت تبكي من قلب على خسارتها بكل اتجاه ... وقف يناظرها وقلبه يتقطع ... خياراتنا بـ هالدنيا احيانا تكون قاسيـه او تألم ناس ماتمنينا لهم الالــــــم والوجـع ..والقهر لما نحاول نعتذر ويكون اعتذارنا همهمـــــــــات مو مفهمومه ..؟


مسك يدها ونفضتها بقرف وتكبر – لا تلمسنـــــي ...


تراجعت قبضته بخيبه وقال وهو يتنهد – يالله مشينا ...


نادت الشغاله وخلتها تنزلهـا ...قابلتها ام فيصل وهي محتاره ماتدري وش السالفه – خير يمه شفيكم


قالت جود وهي رافعه راسها بكبرياء – بيت اهلي ياعمه .. بيت اهلي الي عشت طول عمري فيه معززه مكرمه بيت اهلي الي تقبلوني بالي انا فيه وماعتبروا عماي نقص يعايروني فيه اهلي الي مايشوفوني قليله على محبه احد فيهم ... هذا ولدك زوجيه الي تبين عساه بس يلقى الرضى والامـان .. الي متزعزع بصدرهـ ..رغم اني اشك


ومشت بسرعه ... ناظر فيصل في وجه امه الاسود وطلع ومانطق لاول مره بكلمه تأنيب او اعتراض وكأنه خلاص فقد الحق في هالشي ...


وصلوا بيت اهلها ودخلت داخل قالت لفيصل وهي معطيته ظهرها ارم علي يمين الطلاق ...


همس – انتي طالق طالق طالق ...


وطلع من البيت ماحست بنفسها الا بين احضان دافيه – عمــــــر


ضمها عمر بقوه – قلعته الله لايرده


جود وهي تصيح وتتمسك في اخوها بقوه – تزوج علي ياعمر تخيل


عمر – ماعليه ياجود الله يعوضك باحسن منه


جود – ومن يبي وحده عميا وعقيـم


انصدم عمر – عقيـم


جود وهي تصيح –ايه عقيم امي قالت لي انه بيكون عندي مشاكل موقته والي سمعته اليوم اني عقيــــــــــــم خلاص ماراح اكون ام ابدآ ,,,


عمر – اطوي هالصفحه من حياتك للابد وطلاقك منه خيره ان شاء الله تعالي اريج قالبه المطبخ فوق تحت هي والبتول


ابتسمت جود وهي في حالتها ذي – يالله ...


دخلت البيت واشر عمر للبنات يسكتن ومايقولن أي كلمه او يسألن عن شي ...


مر الوضع طبيعي ... وعلى العشا قالت جود لاهلها المترقبين –فيصل تزوج علي اليوم


جت ردات فعلهم مختلفه بس الشي المتشابه انهم كانوا حاقدين على فيصل بشكل ماتوقعته جود منهم ..توقعت يكونون منحازين له بحكم وضعهـــــــــا ..وبحكم انهم رجال وبيكونون بصفه لكنهم خيبوا توقعاتها المتشائمه وكانوا سند وعزوه لها قالت في نفسها الله لايحرمني منكم يا اخواني انتم وابوي ياااااارب ...


قال ابوهــــــــا – الي راح راح وحنا عيال اليوم والحمد لله انها جت على كذا .. من طول عمري وانا اعرف ابو فيصل واعرف وش نظرته للحرمه لكن عمري ماتوقعت ان هالعدوى تنتقل لعياله ...الله بيرزقك وانا ابوك بالاخيـر منه


قالت بغصه – مابي يبه اتزوج اخذت كفايتي منه ...


ابوها – كل شي بأوانه وبيتنا انور برجوعك له ...


وجلسـوا اخوانهــــــا يستخفون دمهم عليها بحركات الغيره الي مو لايقه لسنهم وعمرهم ...


بعد العشاء كل واحد اخذ زوجته وراح لبيته ... وراحت جود لغرفتها الغاليـــــه وذكرياتها لو بس ندوش موجوده ماتزوجت كان هانت امور كثيرهـ ...


الله يسعد اختها حبيبتها بزواجهـــــــــا ويطول بعمـر مشاري ويخليه لها مالي حياتها ومو مقصر عليها بشي ...ضمت مخدتها وهي تبكي تبي تطلع الكبت الي بصدرهـــا تبي ترتاح لما تتخلص من هالالام المبرحه الي تعذبها وتحرمهـــــــا الراحه ... من كان يتخيل ان هالامور بتوصل لـ هالحد تتزوج تحمل تنعمي يموت البيبي واخر شي تتطلق وترجع لنقطة الصفــــــر بخســـــــاير وبلا أي اربـاح ..


سراب روح .. وظل أمرأه


وجروح تنــــــــــــــــزف ..



/