°●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

نتلاقى حتى نخفف عن بعـض
تجمعنا دروب الحياه ونعمق علاقاتنا .. نكون صداقات روابطها اقوى من الدم ...
غريب!
كيف ان السعاده يا تـعم ..على الكل ...يا تعطينا ظهرها ...
صديقتي ...
اديـن لك بكل مافي حياتي من صبر ... من بريق امل ... كنتي شمعه بدربي المظلم المهجور ..
صديقتي ...
يابلسم جروحي ... احس بالامتنان للخالق بنعمه وجودك قربي ...هالروح هالمشاعر
هالرابط الي يربطنا ببعض ..
*
جاها الصوت الحقود نفسه – افففف شكلك ناويه تستقعدين لي هنا للابد
رفعت اريج عيونها في وجه زوجه اخوها الخبيثه – خير بدال ما ترمين كلامك المسموم تعالي حطي لزوجك عشاه ...
- وانتي وش فايدتك ...
كانت واقفه عند باب المطبخ بطنها قدامها متر ياليت اخلاقها مثل جمالها كان عشت بخير وافتكيت من لسانها ...
اريج وهي ترمي الصحن من يدها وتمسح يدينها عن المويه – انا مو شغاله يا حلوه زوجك يبي اكل شوفي القدور هناك حللي المصاريف الي يصرفها عليك بشي يستفيد منه ..
وطلعت من المطبخ بعد مادفتها عنها لانها واقفه عند باب المطـبخ بكل وقاحه وساده المدخل ...انقهرت زوجه اخوها منها يا انها تكرهها كره ...تكره غرورها بشهادتها الجامعيه بجذابيتها رغم انها هي نفسها اجمل منها ..
طيب يا اريجوووووه ؟
راحت لغرفتها وهي قالبه بوزها ...
زوجها – خير شفيك
- انا ماعاد اتحمل اختك ذي تلسن علي كل ماشافتني شف لك دبره خلاص تعبت نفسيا
قال بعصبيه – شسوت بعد اف من مشاكلكم الي ماتخلص
قالت بخبث – ماسوت شي بس تعايرني اني ما اشتغل تعايرني لاني تركت الدراسه بعد الثنوي وان مامني فايده خلاص مو قادره اتحمل شف لك دبره طلعني ببيت بلحالي...
- تعرفين ان الظروف الماديه ماتساعد اطلعك بشقه ولا تنسين حنا ساكنين بمكان وسيع وزين اللهم مشاكلك مع اريج هي الي مكرهتك فيه
قالت تصارخ – انا حامل قدر هالشي في بيت ابوي كانت هالشقه بكبر غرفة نومي شف ان مالقيت لها صرفه بترك لك البيت
قال بخوف – ليش تتركيني انا مقدر اعيش بدونك ...
ابتسمت بخباثه..
كمل – بس ذي اختي شسوي فيها؟
قالت وهي تجلس جنبه ويدها على كتفه – خلها تتزوج عمـر ولد عمك
قال بعصبيه – هي رافضه تتزوجه عجزت معها
قالت تهمس – طين عيشتها كرهها فيها ..؟ هذا كله لمصلحتها عشان تتزوج اختك ترى داخله 24 سنه وماتزوجت الناس وش بيقولون ...........
وبدت تزرع الوساوس والشكوك براســـــــــــــــــــه ....

/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

/
فتح باب الغرفه بقوة لدرجه انه انصفق بالجدار ... قامت من سريرها متخرعه – خير ان شاء الله
- ورى ماحطيتي لي عشاي
اريج بعصبيه – انا مو شغاله زوجتك وش فايدتها لو والده ما قلت شي بس انها تتامر علي كني اشتغل عند ابوها لا ومية لا
جا لها ومسكها من شعرها من ورى ويده الثانيه ماسكه ذراعها ومحجره فيه الدم ...- انا قلت انتي الي تحطين لي العشا مو زوجتي انتي ماتحسين البنت حامل وتعبانه
صرخت اريج بين قبضته الظالمه – تعبانه وين التعب عند الفر بالاسواق ولا فالحه تجي تحوس المطبخ وتطلع ماتكلف عمرها تنظف وراها ...ااااااااااي اتركني انت مريض نفسيا اتركني
شدد قبضته على شعرها شوي ويجتثه من جذوره ...- لا تتكلمين عن زوجتي كذا فاهمه ولا لا على الاقل هي متزوجه مو مثلك رافضه الزواج ومخليه القيل والقال شغال علينا
بكت غصب عنها بكت من ضعفها من خضوعها وقلة حيلتها .. – انا اشرف منك ومنها ...
جا بيضربها كف ومسكة قبضته وضربته برجلها على بطـنه ضربه قويه وركضت طالعه من غرفتها تدور ملجأ ومخبأ ..كان هو وراها يركض بيضربها ودخلت الحمام على طول وقفلت الباب ...سندت ظهرها للجدار وهي ترتجف وتبكي شعرها مشعث يدها متورمه من قبضته وحالتها النفسيه منهاره ..ماقدرت رجلينها تشيلها وجلست على الارض بكل ضعف وهو يصارخ ويزمجـر كانه حيوان برا .
حطت يدينها على اذانها لا تسمع شتايمه وهيجانه برا تعرفه بيجلس برا ينتظرها لو تقعد شهر ماتطلع ..
تعبت من الوضع ذا تعبت من تسلطـه ..من اخلاقه السيئه .. تعبت لان الحظ ماخدمها والاخ الي ما تمنت انه يبقى معهم بقى وسكن هنا ولو انه تزوج بنت خلوقه طيبه تلطف طباعه القشرا كان ارحم لانه تزوج وحده ند له بالشر واللعانه ...
سمعت صوت ابوها برا يساله وش فيه وش موقفه هنا ...وصرف كالعاده وراح غرفته ..
كتمت شهقاتها لايسمعها ابوها ..بين ابوها الي عنده الضغط والسكري وبين امها الضعيفه الشخصيه ضاعت ماتدري شتسوي مده طوووووووويله وولد عمها الغبي ذا لا سمع انها انخطبت يجي يسوي فضيحه ببيتهم مرتين وخلاص الناس حطوها انه محجره له ... الله ياخذهم ويريحني منهم ...
طلعت من الحمام وركضت لغرفتها وقلبها يضرب بقوه مالها مثيل ...قفلت الباب ورجعت تنهار الضغط اهلكها اضعف من موقفها ...مسكت جوالها بيدها الوقت متاخر تمنت تكلم جود تشكي لها همها مرتين تجي بتضغط call وتغير رايها وش هوله تحملها على همومها هموم ... صحيح جود ما افصحت عن كل شي بس صوتها ما يشجع مو جود الي تعرفها ....ومن متى هي ولا جود نفسهن ...من بعد ماخلصن الدراسه كل شي تغير والحياه الوانها صايره رماديه ..اه ياليت الزمن يرجع وترجع الجمعه واللمه ..مشتاقه للقلوب الي تجمعت على المحبه والمؤازره والمواساه ...
/
/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بنفـس الوقت ...
كانت جود معطيه ظهرها لفيصل وتحاول تكتم همس العبرات ... صعبه ان فهمها صعب انه يجلس يناقشها ويتفاهمون بدال ما يستقوي عليها ويوريها انه بمركزه كرجل يقدر يجبرها على أي شي حتى لو خاص فيها يتعلق بحياتها بصحتها بمستقبلها ... تعرف زين انها ان كانت ام لطفل من سابع سابع المستحيلات تتخلى عنه مستعده تضحي بحياتها بسعادتها بكيانها باحلامها عشان عيالها ... اجبرتنـي يا فيصل ومدري بقدر اسامحك يوم ما على الي سويته ولا الي فرضته علي ....
قامت من مكانها مو قادره تتظاهر انها نايمه ... صلت الفجـر وجلست تناظر في الفراغ قدامها تحس بنفسها جثه هامده مافي روح ..كانت تحس بتورم حول عيونها وحمار بكت بكا ماتظن انها بحياتها بكت مثله ...ابتسم بحزن عظيم ااااه ياليتني جلست بحسرتي في بيت ابوي ابكي على الاطلال اصرف من اني ابكي من العذاب والالم الي احس فيه ...اكرهكم كلكم دمرتوني نفسيآ ... ( قلوب صديقات تتخاطر بحزن .. وكلمات يتيمه تتكرر بالسـر ...ياليت فيه قوه حتى يفصحن عنها ..حتى يكونن شي له استقلاله ..لكن الخضوع كسر هالشموخ ..وللاسف الخضوع كان محبب في وقت كان الاحترام يسود بين شريكي الحياه اما الحيـن الزمن تغير والنفوس تغيرت وصارت الحياه حرب ارادات .. وراحه ماعاد فيه راحـه ..!!!!)
نامت على الصوفا .....ماتدري كم مضى وقت بس صحت على نور الشمس بالصاله يعميها ...جلست وهي مو مستوعبه أي شي من احداث امـس .. وفجاه رجع كل شي لذاكرتها ..خنقتها الغصـه ووقفت تصرف نفسها بشي لا تموت من الاحباط ...
غسلت وجهها الي كله بقايا دموع ومشطت شعرها ودخلت تسوي لها كابتشينو يمكن يمكن يبدد برد الفراغ بصدرهــــا ووجدانها ... جلست على الطاوله تقنع نفسها ... فكرة طفل مو شينه ياجود بيتحقق حلمك ماجد واليوم الي وقعتي فيه على صك الزواج نسيتيه ووقعتي على مسحه من ذاكرتك لانه ببساطه مايستاهلك لانه ببساطه خلا قلبك مليان جروح ..الم ..شقى ..واحساس المنبوذ بعد ماكان مرغوب ..مايستاهلك ولولا الخوف من الله ولا كان تشفيتي فيه زواجه السريع لحقه طلاق اسـرع يعني مو انا الي تحطمت باسبابك يا ولد عمي !
... وفيصل الحياه معه بتستمر رضيتي ولا مارضيتي وتجيبين طفل تفرغين فيه عواطفك وحنيتك الي محد يبيها شي مو شين...
تحاول بكل ماعندها من منطق ترغب نفسها في تقبل الشي المفروض عليها ...مسحت دموعها بقفا يدها لمتى بتجلسين تبكين خلاص تقبلي هالواقع عندك حلين يا تتقبلينه يا الطلاق ...
حركت الكابتشينو وهي تفكر حتى تتخذ قرارها ...
- وش مصحيـك من صباح ربي ...
رفعت عيونها لزوجها الي ماتغير مزاجه من امس لليوم وكانها مرتكبه خيانه عظمى ...فجأه عافت الي تشربه ونزلته على الطاوله ...مرت من جنبها ومسكها من ذراعها ...
- لا تنسين الاسبوع الجاي نبي نبدا جلسات العلاج ...
تعرفون لما الواحد يوصل لمرحلـة اللامبالاة لو ترميه بالمهالك ما اهتم لو تذبحه بالحيا ما يبالي لو تعذبه ليل نهار ما يتأثر ... هذا هو شعورها الي تحس فيه ..
.- متاكده اني لو نسيت انت بتذكرني
- تستهزئيـن ؟؟
ناظرته بعيون مدمعه – بعد كل الي عانيته امس بعد الالـم الي عرضتني له الطبيبه الغبيه عشان تكبر قيمـة الفاتوره تظن فيني حيل استهزء لا ياشريك حياتي ما استهزء انت قررت تعاملني كدميه لك وانا ماعندي مانع ولاني معارضتك عند شي الي تبيه بسويه ...
- هذا الي ناخذه من الدراسه يحشون روسكم بكلام فاضي ماله معنى ..المره مالها الا رجلها
ناظرته باستسلام – ماراح اناقشك بشي انا تعبت
تنهد وقال – يوجعك شي تحسين بشي ...
ناظرته – ابي الراحه بس ، النفسيه والجسديه
وراحـــــــــــــت لغرفتها منهاره نفسيا وجسديـا ...لحقها غرفتها شافت ظله من تحت الباب يالله وراي وراي اليوم ...
كانت جالسه على السرير ... قال لها – اليوم عندنا عزيمـه غداء بمناسبه طلوعي من المستشفى .
يحاول يستفزني ولا يحاول يمتحن صبري!!
سحبت نفس طويل وخلت ملامح وجهها محايده .. – زين
فيصل – يزين فالك انزلي ساعدي امي والبنات
جود وش هوله ارجع واقول نفس الموال – زين ..
فيصل – الحين انزلـي !
رفعت عيونها فيه وقامت من على السرير وفتحت درج ملابسها وطلعت لها لبس كشخـه اكيد عماته وخالته وحريم اعمامه والجماعه كلها بتشرف ما يفوتون العزايـم ...اخذ شماغه يلبسه وهي جلست تلبس مشطت شعرها وسوت ميك أب خفيف وحلو ...ونزلت لقت فيصل سابقها تحت وواقف يسولف مع ابوه ... سلمت جود عليه
قال عمها – وينك فيه شهر ماشفناك
ابتسمت مجامله – اسبوعين ياعمي صارت شهر
ناظر فيها فيصل بقوه .. وماعطته وجه
كمل عمها – ايه بس الحرمه السنعه ما تترك بيت رجلها
كمــــــــــــــــــلت كمـــــــلت كمـلت ناقصتكم انا مليـت منكم مليت من هالعايله الغبيه الي كلن يحشر نفسه في الي ماله فيه دعوه .. ماعاد فيني صبر ولا طاقه ولا تحمل ...
ناظرته ببرود – بيت ابوي وبيت رجلي واحد يا عمي .. استريح ياعمي بالصاله بروح اجيب قهوه ..
_ تصريفه حلوه_
عمها – خلي فيصل يلحقني فيها للمجلس
جود – ابشر
وراحت المطبخ تدعي ربها ما تشوف مواجهه جديده ... وربها استجاب دعائها لانها مالقت الا مها
مها – اهليييييييييييييين
ابتسمت جود ابتسامه حقيقيه لاول مره هاليوم – هلا فيك مهاوي شعلومك
مها وهي تضمها – بخير الحمد لله يالقاطعه ماتكلمين ماتسالين عني
جود بعتب – ادق عليك زي ذيك المره وترد نوف تعكنن مزاجي
استحت مها من سوايا اختها وقالت – ماعليك منها ماعندها سالفه انتي شخبارك شفيك شكلك تعبانه
ابتسمت غصب –لا ابد كنت سهرانه امس
غمزت مها – سهرانه هاه
حمر وجه جود – هههههههههه انقلعي
مها – هههههههه ماقلت شي ...
جود – يالله بس .. اجهز القهوه اصرف لي
مها – هههههههه طيب لا تعصبين ... على طاري السهر اسمع صوت فيصل شكله جاي لنا
تغير لون وجه جود وحست مها ب هالشي وصار الجو بالمطبخ ثقيل جهزت جود القهوه
فيصل – ساعه عشان تجهزين قهوه
خزته بنظره قويه – القهوه جاهزه .. خذها
ناظرها بقوه ومها طاح وجهها تمنت الارض تنشق وتبلعها ولا تكون حاضره هالجو الي يغم النفـس ...ويحرج بقوه ...
دخلت نوف المطبخ على طلعه فيصل – اوه شرفتي ..
خزتها جود وما ردت عليها قالت نوف تبي تقهرها – مها ترى نجوى تسلم عليك
زي الضربه جت ببطن جود نجوى لاحقتها هنا ..مامنها فكه ذي سكتت مها شوي – ماحب هالبنت اف احسها خبيثه ولعت عيونها قدام لما تذكرت انها تقرب لجود ... شافت جود الاحراج عليها وابتسمت مسحت يدينها – بطلع اشوف عمتي تبي شي
وطلعت من المطبـخ ..
قالت مها تهزء اختها – مالك داعي من جد انتي سخيفه
قالت نوف وهي رافعه – انا سخيفه لو تدرين جويدوه وش تقول عنا عن اهلها
مها – جود ما تتكلم في احد اعرفها
نوف تستهزء – ومن متى هالمعرفه يا اخت مها
مها – البنت ما شفنا منها الا كل خير تقربي منها والله انها رهيبه
نوف بصدمه – والله ما بقي الا هي ...
مها – ليه ما بقي الا هي
نوف – بس كذا تدرين ان جويدوه كانت تبي زوج نجوى الي طلقها
شهقت مها – وجع انطمي لايسمعك فيصل ثم والله ليدفنك بمحلك
نوف وهي تهز كتوفها – انا مالي دخل الي يستاهل الدفن زوجته
مها بعصبيه – من جد انتي انسانه مريضه اشك بعقلك
و طلعت من المطـبخ معصبـه ...جلست نوف بلا مبالاه تناظر في اظافيرها وتحس بنيران الحقد بقلبها شابه معقوله كل ذا يطلع من زوجة اخوهم معقوله تحب غير اخوها معقوله تتكلم عنهم بالسوء عند اهلها ايه معقوله ليه لا يا ما شافت من هالاشكال مانست يوم كانو مع حريم عمانهم وكل يوم طقاق وهواش الوحده تجي منهم بكل حب وبراءه وهي حيه من تحت تبـن ..ماعاد فيه شي اسمه براءه الحين ولا نوايا زينه ...اكرهك يا جويدوه ...
،
,
,

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

>بعد صلاة الظهر <
بدوا الضيوف يجون والصاله تمتلي والبنات لاهيات بالشغل الي يزيد ... قالت وحده من عمات فيصل للي جنبها – وين زوجه فيصل
-شوفيها الي شعرها اسود طويل
عمته – ما تلاحظين شكلها تعبانه
- يمكن تكون حامل
- والله يمكن ليه لا اظنها حامل خلينا نسال ام فيصل لاجت وجلست عندنا
[ياشين اللقافه]
بعد ربع ساعه جت ام فيصل وجلست جنبهن .. قالت عمته الملقوفه – اقول ام فيصل مرة ولدك شكلها تعبانه
رفعت ام فيصل عيونها وشافت الارهاق على جود كملت عمته – شكلها حامل
ام فيصل – حامل
عمته – ماعندك خبر
ام فيصل –انا ما تدخل بخصوصياتهم ولو حامل بشروني
عمته – الجيل هذا غيرنا والوحده ماتدرين انها حامل الا اذا ولدت
بدت الشكوك بصدر ام فيصل وجلست تراقب حركات جود البنت شكلها تعبانه من قلب بس تكابر وقفت ام فيصل وقالت لجود همس – خلي مها تصب القهوه عنك
مسحت جود جبهتها بيدها – مها بالمطبخ تشوف الجريش
ام فيصل – تعالي انتي المطبخ وخليها هي تصب القهوه لك ساعه واقفه تعاونن عشان ما تتعبن
معها حق رجليني مو قادره تشيلني ..ابتسمت جود وراحت للمطبخ لقت مها تشتغل
مها – خخخخخ شكل حيلك منهد
جود – على الاخـر
قاطعتهن نوف – من الدلع شكلها ماتعودت على الشغل ببيت ابوها .
همست مها – فيه ناس هنا وعماتي يحبن القيل والقال انطمي
نوف – اففففففففففف عمتي مشغوله الحين تحسب الاخت حامل ..
طاحت الملعقه الي فيها جريش من يد جود ناظرتها نوف وقالت بخباثه – شكلها صادقه
جود بعصبيه – لا تتدخلين في الي مالك فيه ...
جت نوف بترد وسمعت امها تناديها وطلعت تركض ...
قالت مها – ماعليك منها اختي وماعندها سالفه
جود بحزن – عادي يا مهاوي الوحده لا تزوجت تتعلم الصبر مع الوقت
قالت مها بحزن مماثل – مافي راحه قبل العرس ولا بعده صح
جود تحاول تتفاءل – اصابع ايدك مو سوا تفائلي بالخـير ...
دخلت ام فيصل المطبخ ... – جود فيك شي شكلك اليوم تعبانه ...
جود – مرهقه يا عمه شوي لا تخافيـن ...
سكتت ام فيصل مو وقت تحقيق الحين والضيوف يتوافدون ..
ولازم يخلصـن شغلهن بدري .. وابو فيصل معصب كالعاده اذا كان عندهم عزيـمه ...
تضايقت جود شوي لان محد جا من اهلها للحيـن غريبه توقعت على الاقل امها تجي .. بس يالله اكيد مشغوله .. كانت واقفه بالسيب ودق جوالها
فيصل – قولي لامي تحط الغداء بعد نص ساعه
جود – ان شاء الله
وسكـر الخط ... ناظرت في الجوال ببرود .. وحست بالجو شي يخنقها من قلب رفعت راسها وشافت ام طارق ونجوى داخلات للصاله ... راح وجهها اصـفر نجوى شتسوي هنا !
يا الله الي مانبي نشوفهم نلقاهم بوجيههنا دايم والي نبيهم ما ينشافون .. سحبت نفس ومشت للصاله لازم تسلم ولا بتنفضح في جماعه زوجها وهي مو من محبي قطاعه الرحم بالاسـاس...
- السلام عليكـم ..
خزتها نجوى بنص عيـن وماوقفت الا لما وقفت جود على راسها سلمت ببرود هي وامها ناظرت فيها جود بنص عين كل شي يهون ولا يدرون الاغراب عن أي فتور بين الاهل ...
بس من يسمع ولا ينفذ الحين ماعاد تهم لا قرابات ولا صلة دم العلاقات الحيـن تحكمها المصالح وبس .
طلعت جود من الصاله ودقت على البيت وبعد رابع رنه رد – الووووووو
شهقت جود – عمورررررررررررري
عمر – ههههههههههههه شفيك متروعه ..
جود بحماس وعاطفه صادقه – متى وصلت يالشين مشتاقه لك
ابتسم وقال يمزح – لا عاد شين وتتشره علي
جود 0- هههههههههه يالله عاد متى جيت ..
عمر – امس بالليل انتي شخبارك متى بتجين لنا ترى ما معي الااسبوعين وبرجع
جود – ما صار انتداب ذا ..
عمر – احتمال يكون مقر عملي هناك دايم
انصدمت جود – وشوووووووووووووو
عمر – لا جيتي نسولف انا وانتي مو اهل زوجك عندهم غداء اليوم بمناسبه سلامه فيصل
جود – ايه عندهم
عمر – وجالسه تبربرين بالجوال روحي ساعديهم
جود – امي وين مو جايه
عمر – الا بتجي توهم طالعين من البيت هي وابوي وبندر
جود – البتول معهم
عمر – ايه اظـن !
جود – زين يالله سلام
عمر – باي ...
وسكر التلفون قال له الوليد الي جاي من المطبخ ومعه ابريق شاهي – كم مره قلت لك لا تقول باي
عمر – هههههههههههه بدينا حركات المطاوعه
الوليد – خفيف دم...... باي عباره يستخدمونها المسيحيين تقديس للبابا شي ماهو بشرعنا ولا ديننا لا تجي لمه
عمر – والله انسى ولايهمك بعدين بنتبه
الوليد – النصيحه ذي لنفسك مو لي .. خذ ذق هالشاهي عمايل ايديه
عمر – من يد ما نعدمها صب لي بياله ...
شرب رشفه وجلس يكح شوي ويغمـي عليه ... – وليدووووووه وجع وش حاط بالشاهي
الوليد مصدوم- وش حطيت ماحطيت شي
عمر – الله يحوم كبدك ذق شف وش حاط ناوي تذبحني اليوم
شرب الوليد من بيالته وجلس يكح شوي ويغمى عليه ... عمر بعصبيه وقرف – احد يحط على الشاهي ك[محذوف][محذوف][محذوف][محذوف] انهبلت انت ؟
الوليد – على بالي نعناع وش دراني الحين اروح اسوي غيره
عمر من قلب – لاااااااااااااا ماعاد ابي ياربي بجلس سنه عايف الشاهي
الوليد – ههههههههههههههه احسن
عمر – ياشين النذاله ههههههههههههههههه
الوليد بعد ما هدوا من الضحك بسبب سالفه الشاهي والك[محذوف][محذوف][محذوف][محذوف] – الحين من جدك تبي تخلي مقر عملك هناك بجده
عمر – ان جلست هناك باخذ ترقيه وزياده راتب وسكن وش ابي بعد
الوليد – تقدر تعيش بعيد عن الرياض
عمر – الرياض مافي مدينه تجي محلها بس ترى جده ست ساعات عنها مو بعيد احمد ربك ان مقر عملي فيها مو بتبوك بالشمال اخر الدنيا .
الوليد – والله الي يريحك سوه
عمـر – والله قلبتها براسي ولقيت جده مكان مناسب ابدا فيه حياه جديده وانا احب جده ومكه قريبه منها اقدر اصلي بالحرم متى مابغيت ولي ربع هناك منقولين والي لهم سنين بعد
الوليد – طيب على الاقل تزوج بدال ماتجلس هناك بلحالك
عمر – لاجت جود بقول لها
الوليد - شمعنى جود
عمر – هي الي بتفهم الصفات الي ابيها بزوجتي وبخلي لها الاختيار هي وامي ...
الوليد – انا اايدك على الزواج والله يقدم الي فيه الخيـر ...
عمر – اللهم امين ..
/
/
/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ


.. (بعد الغداء) ..
اذن العصر وقالت لجود لامها والبتول يطلعن بيتها يصلن العصـر ...نزلت البتول شنطتها وعبايتها وقالت باحتقار – شفتي نجيووه وربي ما تستحي
جود – داقه علاقه مع نويفوه هالايام ماتبطل مكالماتهن الله يستر ما ورى اجتماع هالعقربتين خير
البتول – مالت عليهن بس قدر ولقى غطاه
جود – ههههههههههههههه حلوه قدر ولقى غطاه
كملت البتول وهي تغمز – الا شخبار حبيب القلب
تغير لون وجهها بشكل واضح – حبيب القلب مابه الا العافيه رجع مثل اول واحسن بكثير
البتول بجديه – ليه احس انك مو مستانسه
جود – الواحد حياته ماتصير دايم سعيده لازم تمر ايام يتعكنن الجو و مريض واكيد متألم للحيـن من اصابته عاذرته ..
البتول من قلب – الله يسعدك يا جود تستاهلين كل خير وشوفيني انا قبل كم شهر كيف كنت والحين ماني مصدقه ان ربي عطاني فرصه عشان اصلح حياتي والي صار لي بين معزة بندر بقلبي انا مقدر اعيش بدونه
جود – ههههههه سبحان الله يغير ولايتغير
البتول – ههههههههههه أي والله سبحان الله على انه مو الاولي معي يكابر بس قلبه مثل ماهو ابيض
جود وهي تغمز – ماينخاف عليك يابنت عمي حطيتيه براسك خلاص
البتول – هههههههههه السالفه مو بسيطه بس بندر يستاهل وانا استاهل الي يجيني كله من تحت راسي
جود- ههههههههههههه الله يقطع ابليسك ..
ام بندر – البتول يمه كلم بندر يقول اطلعن
جود – يوه يمـه اجلسوا عندي للمغرب
ام بندر – وا خزياه رجلك توه طالع من المستشفى يبي يرتاح مره ثانيه
جود –ان شاء الله
لبست البتول عبايتها – يالله ياعسل تجينا قبل لا يسافر عمر
جود – ان شاء الله ...
وطلعـن ....
شافت جود فيه وقت قبل لايجي فيصل ودقت على جوال اريـج – الو
اريج بصوت كئيب – اهلين
جود تروعت – اريجوه شفيك
اريج – كالعاده
جود بعصبيه – لا اله الا الله وبعديـن معه هالمتخلف
اريج – ماعاد اقدر اتحمل يا جود يستلمني هو مره ومره زوجته تعبت ماعاد فيني
جود بحزن – مالك الا الصبـر يا اريج يعني وش طالع بيدك
سكتت اريج ماردت
صرخت جود بالجوال – اريج احلفك بالله لا تسوينها تكفيــــــــــــــــــــــن هم يبونك توافقين
اريج – ماعاد فيه فرق عله وحده ارحم من علل
جود دمعت وضاق صدرها –كفين يا اريـج طلبتك لا توافقين انتي مو حالتك الطبيعيه لا تتخذين قرار تندمين بعدين عليهـ
اريج – قلت لك ماتفرق
جود – اصبري اريج اذا لي محبه بقلبك اصبري ...
اريج – انتي تعرفين قدرك يا جود
جود بالحاح – عشان كذا اصبـري منتي خسرانه شي .. على الاقل انتي كسبانه للحين حريتك
اريج – زين يا جود الله يلهمني صبر من عنده
جود – اللهم اميـن
اريج – وانتي شفيك بعد
جود تكابر – مافيني شي
اريج – تلعبين علي
جود – خليك بهمك بس
اريج – زوجك ماغيره كنت داريه انك ماراح تكونين مستانسه معه هالجلف
جود – ههههههههه طول عمرنا كنا مرتاحات جا الوقت الي نذوق الويل فيه
اريج – هههههه ماتخلين سواليفك
سمعت اريج صوت زوجة اخوها تتناقش مع امها نقاش حاد قالت من قلب – عساني اشوف فيها يووووووم حسبي الله ونعم الوكيل المتخلفه مرة اخوي رافعه صوتها على امي بروح اشوف وش السالفه
اريج طبعها ناااااار وما تتحمل شي خصوصا على امها وابوها ...
جود – زين بس هدي اعصابك مانبي كوارث وفرج الله باذنه جاي قريب ...
اريج – يصير خير سلام
جود – بحفظ الله
وسكــــــــرت الجوال ...
طلعت اريج من غرفتها بسرعه ... قالت – خييييييير ان شاء الله شفي صوتك واصل للشارع
- اففففففففف جت العانس
جت لها اريج ومسكتها من ذراعها بقوه ودفتها بعيد – اول شي بعدي عن امي ماتستحين على وجهك مره كبر امك ترفعين صوتك عليها
- لا تتدخلين في الشي الي مايعنيك وبعدين خير تدفيني بقوه تراني حامل
قالت اريج من قلب – الله لا يتمم لك على خير قولي امين
ام اريج – لايمه لا تدعين على ضنا اخوك
اريج – ماتشوفين كيف واقفه قدامك وترفع صوتها عليك اذا امها ماعرفت تربيها انا اربيها ...
جاهن صوت من عند الباب – والله الي يبيله تربيه انتي يا قليله الحيا
شافته زوجته من هنا وجلست تتبكبك من هنا وهي ماسكه بطنها – شفت شسوت دفتني بقوه واحس بمغص ببطني
ام اريج – يمه حرام الكذب ماتعورتي
جلست تصارخ – بنتك وش تبيني اتوقع منك لازم تتدافعين عنها انا موب جالسه لكم في هالبيت ولادقيقه وحده
نزل اخوها العقال ورماه عليها وصابها في ساقها وطاحت ومسكها مع شعرها صرخت امهم وطاحت مغمى عليها مسكتها اريج وهي تبكي – يمه يمه شفيك ...
امها بهمس – اكيد السكري مرتفع عندي قومي جيبي الابره ...
قامت تركض لغرفة امها وجابت لها ابره السكري وضربتها فيها بيد ترتجف بعد شويات بدا اللون يرجع لوجه امها اما اخوها بعد ما صحت امه راح يركض يصالح زوجته
امها – يمه وش تبين بالمشاكل معجبك الوضع
اريج مازالت عند عنادها – اجل تصارخ عليك كنك اصغر عيالها واجلس اتفرج تخسي والله
- يمه شتبين بالمشاكل اخوك وتعرفين طبعه ...
اريج وهي تمسح دموعها – والله ان ماتسنع لكلم اخواني الباقين واعلمهم عليه
امها بوجه اصفر – وتكونين السبب في هواش الاخوان وفراقهم
اريج تستهزء – ومن زين علاقته باخواني مايعرفهم الا بالاعياد والمناسبات حتى اخواني اذا تجمعوا عندنا هم وعيالهم كالعاده كل اسبوعين تسحبه هالعرقبه ويطلعون برا البيت
امها – بكيفهم يمه انتي خليك بحالك
ابتسمت اريج بحزن – قومي ياحلوه روحي ارتاحي وانا بجيب لك قهوه وحلا مسويته اليوم الصبح
وصلت امها للصاله وجلستها وراحت المطبخ قالت امها في نفسها – عسى الله يرزقك بابن الحلال الي يطلعك من هالبيت الاقشـر
دخل زوجها الصاله وجلس وجلسوا يسولفون .... جت اريج ونزلت القهوه والحلا وحبت على راس ابوها ...
قال ابوها – اليوم شريت اراضي جنب بعض لي ولعيالي بدال ماحنا متشتتين كلن بوادي
قالت زوجته – اهم شي مايسكن معنا احد
استغرب زوجها – وولدك الي ساكن معنا ماتبينه
- مابي معنا احد اشتر له ارض وخله يبني عليها بيت
زوجها – تعرفين راتبه على قد حاله مو مثل باقي اخوانه
- اجل انت ابن له على حسابك
انحرجت اريج من هالحوار وطلعت من الصاله بسرعه ان كان فعلا ابوها ناوي على هالشي فـ يبيلها تتحمل سنه على الاقل لين ينتهي البناء وهالاشياء ..قالتها جد فرج الله جاي الله لايخيب رجاها ولايطفي شمعه الامل الي اتقدت بصدرها قبل شـوي!
/
/
/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

(بعد اسبوع )
كانت جود تنظف بيتها وتفكر بفرح بعد بكره بتروح اهلها وتقابل عمر الي اشتاقت له موت .. بسرعه ركضت الايام ومر اسبوع كانت فيه لاهيه في بيتها حتى اهل زوجها ماتدري عنهم ماشافتهم الا مرتين خلال هالايام يالله الي كافي خيره وشره الله يجزاه خير والايام ذي فتره دراسـه وحاله محد فاضي لاحد واريج بشرتها ان ابوها شرا لهم اراضي بس ماتدري متى بيبدا يبني يعني لازم تتحمل اخوها وزوجته مده طويله شوي لين يفرجها الله
..دخل فيصل وقطع افكارها – يالله اليوم موعدنا عند الطبيبه
رمت المنشفه من يدها وقالت – كنت داريه انك ماراح تنسى
فيصل – ايه ماراح انسى حنا مو جالسين نلعب
جود برنه حزن – لا ما نلعب عارفه ...
قراري وكنت اعرفه مالي الا الصبـر ان كانت متمسكه بحياتي وزوجي وبيتي ...
دخلت غرفتها ولبست عبايتها وطلعت ... – انا جاهزه
فيصل - مشينا
نزلوا وتحمد ربها البيت هادي رغم انها حزه العصـر شكل عمتها والبنات طالعات مكان
بعد ربع ساعه وصلوا المستشفى الخاص ونزلت وهي كارهه للموضوع كله .. الموانع وبتتركها لكن مافي داعي تتعالج هي مافيها شي كل حاجه في هالزمن صارت التجاره بالمقام الاول من اولوياتها حتى الطب صار تجاره محضه للاسف ونادره الامانه الطبيه سواء كتشخيص وعلاج او كـ تكاليف منصفه .
دخلوا غرفه الطبيبه الي جود مو طايقه خلقتها والي بس سافهتها وتكلم فيصل وهي صاحبه المشكله ولا كأنها موجوده ...بدت طبعا الطبيبه تتكلم مع فيصل كالعاده ومطنشه جود .. وجود ساكته ..
...... وطبعا راح نبتدي بأبر المنشطات "
ناظرتها جود بصدمـه " نعم نعم منشطات صاحيه انتي "
الطبيبه " انتي كنت تاخذي موانع واذا كنتي تبين تحملين الشهر الجاي لازم منشطات "
ناظرت جود في فيصل تبي تشوف رأيه – تسمعها شتقول ابر ومنشطات ... ماتسوى السالفه
همس والقهر باين بصوتـه – كل هذي عمايل يدينك لو ما اخذتي موانع ما احتجنا للشي ذا
انصدمت جود من ردة فعله صحيح همس بـ هالكلام لكن نظرة الرضا بعيون الطبيبه علمتها انها سمعت كلامه زين .
فيصل يكلم الطبيبه – مافي حل ثاني
الطبيبه تحاول تقنعه بموضوع المنشطات – لان المدام خذت موانع لمده طويله ف مستحيل تحمل مباشره بعد تركها راح يكون معها فتره حمايه وهي يا انها بتكون نفس المده الي تتناول فيها الموانع او اكثر وطبعا الموانع تسبب ضعف لها لذا نسبة حصول حمل بتكون قليله لذا انصح بالمنشطات وان وافقت نقدر الحين نعطيها وحده
جود بعصبيه – انا مو لعبه بيدك منشطات لا
الطبيبه عصبت عليها – ماتبين منشطات انتي حره
ووقفت ,, - انا بتركك مع زوجك وتفاهموا
وقف فيصل معها – موافقين على اخذ الابـر
وقفت جود ووجهها اصفر – صاحي انت هذي مو لعبه انا مو لعبه
فيصل – لا تسوين فضيحه بالمستشفى يا جود وتذكري انك انتي السبب في هذا كله
همست وهي مدمعه – ذليتني ترى ماصارت ...!
فيصل بعصبيه – هذي فعايل يدينك لا تجلسين تمثلين دور البريئه كان المفروض تحسبين حساب ان لي وجود ولي رأي ولكنك جحدتيني وصرتي تتعاطين الموانع بالدس عني انتي تصرين انك ماتزوجتيني غصب لكن فعلتك ذي ماتبين انك تبيني ...
وقفت في وجهه بأنفه – انا لو ما ابيك ما تحملت طبعك وتعاملك الجاف معي (دمعت عيونها ) انا احلم اني اوصل لاي طيبه او حنيه ممكن تكون بداخلك وماقد شفتها عندي امل وانا اذا كانت عندي امال اتمسك فيها لين اشوف الطريق قدامي مسدود وان هالامل اضغاث احلام ساعتها بس استسلم للابد .
ناظرها بصدمه وحست فيه لاول مره ما يلقى شي يقوله ..
قاطعتهم الطبيبه – ياليت تجي معاي المدام
وقفت جود تناظر في فيصل والصمت يلفهم والجو متوتر حست بالخذلان وان الكلام الي قالته تو, ماوصل لاعماق نفسه ..
طلعت الطبيبه و جود وراها قالت وهي عند الباب – اذا انا بنظرك غلطت فأنت بعد غلطان لانك ماتعرف تسامـح !
صدمته كلماتها للمره الثانيه ..وقبل لايرد حطت الغطا على وجهها وطلعت مع الطبيبه ...
مرت نص ساعه لا جود بينت ولا الطبيبه ...جلس فيصل يطقطق بالجوال رفع عيونه وشاف
الطبيبه داخله بلحالها – وين زوجتي
الطبيبه ووجهها ماله لون ...- اغمى عليها بعد ماعطيناها الابـره وهي بخير ما تخاف
ناظرها فيصل بنظره قويه وطلع من المكتب للغرفه الي فيها جود لقى الممرضه عندها تشربها مويه بارده وجهها ماله لون وترتجف ..قرب لها وانكمشت على نفسها مو طايقه يقرب منها تورط وده يجي لها وماوده عشان ماتسوي فضيحه بالمستشفى ...
فيصل – خير شصاير
قالت الممرضه – هالابره شوي مؤلمه وهي ماتحملتها اول ماخذتها ..
قالت جود وهي تقوم عن الكرسي – انا بخير بخير
فيصل – متاكده
ماناظرت فيه لبست طرحتها ومشت على مهل طلع معها
>>
وطول الوقت بالسياره ما كلموا بعض وطلعوا البيت بعد ماقابلوا واحد من اخوان فيصل عند سيارته برا وردت عليه السلام بكل هدوء ودخلت البيت وعلى طول لبيتها هي رمت العبايه والشنطه وهي تحس بنفسها مرهقه وتتألم الم جسدي اكثر من النفســـــــي ... شغلت المكيف ودخلت سريرها ومادرت الا وهي نايمه ..
ماصدق فيصل افتك من اخوه ومشاكله الي ما تنتهي وهو داخل البيت قابل ابوه وكملت عليه طلع بيته بعد ساعه وشافه هادي بشكل مو طبيعي وين راحت لايكون اغمي عليها مره ثانيه راح للغرفه وفتح الباب لقاها ظلام وجود نايمه ... حس بتأنيب الضمـير على الي صار بس هي الي حدته على هالقسوه .
سكر باب الغرفه ..طلع من البيت عشان يمر على مقر عمله رغم ان كل شي يوصله بالتفصيل عن طريق الجوال او زملاءه الي يزورونه يوم كان بالمستشفى ..
*
*دخل المركز بعد تقريبا ثلث ساعه *
فيصل – السلام عليكم ...
قال الضابط المناوب عنه – هلااااا والله يالله تحييه
فيصل – الله يسلمك اخبار الشغل والشباب
الضابط – زينه الحمد لله وابشرك الليله بننقل السجين الي عندنا ونفتك منه سمعت انهم بيحاكمونه
انشرح صـدر فيصل – واخيـرا سنين وانا اطارده وكل مره يطلع منها
الضابط بابتسامه كبيره – هالمره ثابتـه مامنها خلاص
فيصل – بحول الله
قام فيصل سأله الضابط – على ويـن تونا ...
فيصل بابتسـامه – ابدا بطل على السجين وبطلع البيت برتاح مادمت بإجازه
الضابط – براحتك اهم شي صحتك مانستغني
فيصل – هههههههه ايه يصير خير
ضحك الضابط – حرام عليك انا صادق
ابتسم فيصل وهز راسـه يعرف انه متطلب في شغله وعصبي وحامي بس اخوياه وربعه هنا بالمركز يعرفونه زين ولا يزعلون منه .. ومايقصرون معه ..والاهـم يحبوونـه ...
دخل فيصل التوقيف ...ناظره الرجال بعيون حمر ووجه كئيب ... وقال جمله ظل صداها يـــــرن بقلبه من الخوف – بتنـدم ... وراح تشوف كل من تحب ينهار وانت واقف تشوف
قال فيصل بثقه رغم غصه الخوف بحلقه – تهديداتك المريضه ماتخووووفني ... وربعك انسجن الي انسجن ومات الي مات منهم ... جيت اقول لك ان الله يمهـل ولايهمـل .. وباذن الله تنال جزا لافعالك الشينه بحـق وطنك وديرتك .
ناظره الرجال نظره فارغـه .. وطلع فيصل من عنده بكل ثقه ...
قال للضابط – يالله اشوفك يوم السبت ان شاء الله
الضابط – ياخي ارحم عمرك توك مريض وبتداوم بعد كم يوم .
فيصل – واجد هالايام الله يصبرني ..سلام
ناظره الضابط بابتسامه فيصل مدمن شغل وماتغير عنه يوم كان عـزوبـي !
>رجـع البيت متأخر<
دخل ونزل شماغه بالصاله البيت فيه هدوء فضيع ... وين راحت جود لايكون صار لها شي ..مشى بسرعه لغرفتهم ولقاها ظلمه اللهم نور خفيف عند السرير خلاه يشوف جود معطيه الباب ظهرها وكانت تبكي ...ضاق صـدره ..جلس جنبها وكلمها برقه – جود ...
مسحت دموعها بقفا يدها – نعـم ..
فيصل – تحسين بشي فيك شي
جود وصوتها يالله ينسمع من الصيـاح – شرايك يعـني ..
تنهد – جود هذي مو حياه شغلي ماخذ كل وقتي والي اتمناه القى الراحه ببيتي وراحه مافيه راحه
جت بتحتج وسكتها – انتي مو مقصره بواجبتك بس ليه دايم نتهاوش انتي تعرفين طبعي ياجود لنا كم شهر متزوجين المفروض ماتسوين شي الا بشوري ...
سحبت نفسها وجلست – يعني انا مالي راي مالي وجود
همس وهو يكبت انفعاله – ماقلت مالك وجود بس انا ولي امرك ومسؤول عنـك ليش تحطين من الحبه قبه .
مو قررت تسلمه زمام امرها وحياتها مو قررت تحاول تنجح زواجهم مهما كانت الظروف والعواقـب ...همست وهي ترجع شعرها ورى – خلاص فيصل الي صار صار انا مابي مشاكل ووجع راس .
سحب نفـس طويل وقال – ما يخالف بروح اجيب لنا عشا من برا وش مشتهيه
جود – على كيفـك انا مو مشتهيه شي محدد .
وقف – زين ربع ساعه وراجـع .
وطلع من البيت ..جلست جود تناظر في الفراغ بعدين وقفت تعدل شكلها احسن من جلستها كذا .

/
/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بعد يوميـن ...
لبس فيصل ملابسه عنده موعد بالمستشفى وقالت له جود وهي تعطيه شماغه – نزلني بدربك ببيت اهلي
اخذ شماغه منها – مصره .
ناظرته – فيصل لي اسبوع قايله لك عن جيت عمر الموقته هنا
فيصل – زين انا مستعجل الحين يالله امشي
- انا جاهزه باخذ عبايتي بس .
قال لها وهو رافع حاجب – واثقه اني بوافق طيب لو عييت وش بتسوين
ابتسمت برقـه –قلبك طيب منت بمعيي
ابتسم وجلس يناظرها مده .. لاول مره يحس بشي يجمعهم شي حسـي !!
نزلوا وبالطريق قابلوا ابوه سلموا عليه قال بلقافه الكبار بالسن – على وين .
فيصل – عندنا مشاوير بنقضيها
ابوه وهو يمشي تاركهم وراه – ياكثر مشاويركم هاليوميـن ...
قالت له وهم بالسياره – ورى ماقلت له وين رايحين
فيصل – مو لازم كلن يدري وين رايحين حتى لو مكان عادي لنا حياتنا حتى لو ساكنين مع اهلي .
نقطه اعجبت جود .. بس سكتت لايفهم انها تحرضه على اهله .
بعد كم دقيقه قال فيصل – بتروحين يدك فاضيه
جود – بطلب لهم عشا على حسـابي الليله
فيصل – على الاقل خذي معك حلا استني في محل اعرفـه قريب من بيتكم حلو شغلهم اسمه .....
قالت جود الاسم بنفس الوقت .. وناظروا في بعض وضحكوا ...
جود بمرح – يوه قبل لا اتزوج كنت مأذيتهم اطلب منهم ياحلوها ذيك الايام ..
قالت كلامها باندفاع عفوي وماحسبت انه ممكن ينفهم غلط ..مست وتر حساس في نفسه وقال وهو يناظرها – والحين وشلون ايامك ...
ناظرته برقـه – الحين وبـ هالساعه احسها حلوه بعد .
ناظرها مايدري شيقول كان محضر نفسه لهواش جديد وحواجز تنبني اكـبر ... وصل محل الحلا في نفس هاللحظه ..ناظرها ثانيه ونزل للمحل ...
جلست جود مصدوم من نفسـها .. لانها لاول مره تحس باهمـيته في حياتها صحيح انه مثل ماهو جدي تقليدي بقوه بس بدت تفهمه صـح وتتقبل طبعه زي ماهو .. مهما كان فهي مهمه بحياته هي زوجتـه وقريب بتكون ام لعياله .. اخيرا بدت تحس بالحياه تبتسم لها بعد سنين كان الفرح فيه تتخلله عبرات
رجع من المحل محمل باكياس انصدمت جود – وش ذا يا فيصل ...
فيصل – مابقي الا تروحين لاهلك بيدين فاضيه ..
قالت بابتسامه – نادرا ماكنا نمر محل حلا .
رفع حاجب وهو مبتسم – لانك كنتي تسوين حلا بالبيت ياذكيه ..
جلست جود تضحـك من قلب ...
قال وهو يشغل سيارته – هذي هي الحياه الي تمنيتها زوجه متفهمه تقوم بواجباتها تهتم فيني وببيتها وتحب اهلي وتقدرهم وتساعد بالمناسبات زوجه لها وجود مو طيف .. ياليت الوضع مايتغير ابدا
همست – ان شاء الله نكون تعدينا كل هالخلافات الي تبعدنا ونكمل حياتنا مع بعض بتفهم واحترام متبادل..
وكملوا المشوار وهم يتكلمون مع بعض صحيح فيصل زي ماهو تفاصيل وتعمقات في شغله امر محرم بس مع كذا كان الكلام معه متعه ومادرت انهم وصلوا بيت ابوها الا لما قال لها – وصلنا
نزل الاغراض ودخل معها يسلم على اهلها ....
دخلت جود البيت ورمت طرحتها وعبايتها لقت امها جالسه مع البتول يسولفن وندى موجوده ..
جود – سلااااااااااااااااااااام ..
شافنها البنات وضم وسلام
جود – ههههههههه خير كان لكم شهر ما شفتوني
ندى – الشرهه مو عليك علينا الي فرحانات فيك
جود وهي تتذكر – يوه يمه فيصل برا بيسلم عليك مستعجل
البتول – خلف الله على الرجال منلطع بالشموس برا
ام بندر – ايه يمه مايجوز تتركينه برا وماتعلميني
جلسن البنات يضحكن عليها وانتظرت لين طلعت امها – احلفي بس يا انسه البتول
البتول – مدام لو سمحتي
جود – هههههههههههه الله يرجك بس
ندى – قولي انك بتنامين الليله هنا ...
جود بتكشيره – ماتوقع بعدين زوجي مريض شلون اتركه
ناظرن البنات في بعض وابتسمن ابتسامه ما ارتاحت لها جود..
حمر وجهها – هههههههههههه خير ان شاء الله ...
ندى والبتول ببراءه – ولاشـي ...
- اطلع اجيب الاغراض من برا اصرف لي
قالت ندى – الشغاله تجيبها ولا بتلقين نظره على البعل
جود –ههههههههههههههه شفيكن اليوم مو صاحيات وليش القي نظره الاشتياق زين
وغمزت وطلعت وهي تسمع اصوات ضحك البنات وتعليقاتهن عليها .
لاقت امها بالطريق والشغاله تدخل الاغراض
ام بندر – راح زوجك وعيا يتقهوى
جود وهي تمسك يد امها بمحبه – ايه مشغول مره وين العيال وابوي
امها – ابوك مسير على اخوك متعب وحده من بناته انخطبت ...
انصدمت جود – من ؟
ام بندر – مدري اظن اسماء او نجوى او الثنتين كلهم
جلست جود تضحك- اما الثنتين كلهم .
ام بندر – الله يرزقهن ويتزوجن ويصيرن حريم سنعات ...
سكتت جود ماعلقت على الموضوع ...وقالت لماتذكرت – يمه عايشه اكبر من اسماء شلون تعدوها ماظنيت اخوي يوافق تتزوج الصغيره قبل الكبيره .
ام بندر – نسيتي ان عايشه لفارس ...
جود وهي تتذكر – يمه الكلام مو زي الفعل ... لو يبيها خطبها من زمان ...
بحنايا الروح جرح الكرامه مازال ينزف !

/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بيت ابو طـارق ...
قال ابو متعب لولده الي يحتريه ينطق برايه ...- الحين سالم خطب نجوى وخطب اسماء لولد اخوه شسمه
ابو طارق - اسمـه نايف ..
ابو متعب – طيب الولد ماقلنا عليه شي بس عمه مو كبير على نجوى ولاتنسى انه متزوج
ابو طارق – لاتنسى يبه البنت مطلقه والرجال مو كبير مره عمره يا اربعين ياواحد واربعيـن وحرمته لها سنين عند اهلها ماطلقها
ابو متعب – اشوفك متحمس له
ابو طارق وهو يتنهد – يبه هم البنات كبير ابي ازوجهن وارتاح بشوفتهن مستقرات انا مدري وش بين نايف وزوجته بس الي اعرفه عنه ان رجال طيب وسيرته زينه بين ربعه ...
ابو متعب – اذا تشوفه مناسب الله يقدم الي فيه الخير انت اخذت شور البنت ...
ابو طارق – قلت لامهن تقول لهن اهم شي نجوى بعد طلاقها من ماجد فرص زواجها قلت وهي الي تهمنـي حاليآ ...
بنفس الوقت... قال تركي لامه بالصاله داخل البيت – يمه خليها توافق بالطيب احسن الرجال طيب وماعليه خلاف لاننسى انها مطلقه ومحد بجايها كل يوم يخطبها ...
ام طارق وهي تهمس – اسكت لاتسمعك وتعاند ونصير بمشكله انا بخليها توافق بطريقتي اختك صح فيها صفات شينه تعرف مصلحتها
تركي – زين زين .. الناس مستعجلين يبون رد ...
- طيب رح انت لابوك وجدك وانا اتفاهم معها ...
دخلت نجوى الصاله معها صحون حلا – اليوم فيه شي غريب صاير وشو..!
امها – تعالي اجلسي واعلمك
نجوى – اوه الموضوع فيه ان لحظه اجيب دله القهوه
رجعت بعد ثواني وصبت لامها فنجال – خير شصاير
امها – كل الخير جاك معرس امس .. وخطبك من ابوك
نجوى – معرس من اعرفـه
امها – من معارف ابوك هو من جماعتنا بس من بعيد
نجوى – اكيد متزوج
امها – ايه بس زوجته تاركته من زمان .........
نجوى – تاركته ولا لا مابي اتزوج واحد متزوج بيصير زي حاله البتول جحدها ورجع بالنهايه رجعها
امها – يمه انتي عارفه ان وضعك الحين غير قبل لا تتزوجين وماراح تنخطبين كل يوم
نجوى بعناد – مابي اتزوج واحد عنده مره ابداااااااااا
امها – بس
نجوى بضيق – يمه قفلي السيره ولارحت لبوي وقلت رايي بوجهه
مجنونه وتسويـها !
امها بخبث وهي تقهوى – سمعت ان ماجد يدور له عـروس ...
نار الحقد على ماجد مازالت بقلبها ماخمدت .. – يتزوج عساه مايتهنا ...
امها- ايه قولي كذا واجلسي عندي لين تعنسين وهو يكمل حياته ولاى كأن شي صـار .
نجوى بتردد لما اصابت امها فيها وتـر حساس – انا مو ضد الزواج انا ضد ان يكون لي ضره .
امها – قلت لك الرجال حرمته تاركته لها سنين بس ماطلقها لو يبيها رجعها يمكن تاركها عشان بناته .
نجوى – مدري ...
امها – الفرصه ما تتفوت والرجال عنده حلال ومال ومركز وهو يبي بنت عاقله متعمله ومزيونه وكل هالصفات فيك بالله بيناظر في زوجته الاولى الي ماتعلمت وانتي على ذمته ..
تعرف امها شلون تخليها تغتـر بنفسها ....والاهم عرفت تستغل ترددها وضغطت عليها لين وافقت .
باقي الحيـن اسماء ...
والي كانت معنده ... اسماء – يمه مابي واحد فقران يعيشني بهم طول عمري
امها – يابنت الناس ذولا تجار ولهم مركز وهيبه
ناظرتها اسماء – جد
امها – أيـه جد العب عليك يعني ...
اسماء بحماس مفاجئ – طيب حلو هو كشخه
عصبت امها عليها – اسموه ..
اسماء بفشله – يوه حرام الواحد يسأل
امها – لا موحرام بس يسأل اسئله سنعه ... شوفي الرجال تارك بنات عمه وراه جيش وجاي يبيك انتي شقلتي موافقه ولا لا .
اسماء – ايه موافقـــــه بس لي شروط ...
امها – وشهي شروطك
اسمـاء – مهري مية الف وابي سواق وشغاله وسياره تحت تصرفي
انصدمت امها – تبين تحطيني بمشكله مع ابوك
اسماء شوي وتبكي – يمه ذي حياتي وانا حره بعدين انتي قلتي انه غني يعني ماراح يعجز
امها بحيره – يمه تعرفين طبع ابوك زين وانتي بـهالشروط كأنك تنباعين مو تتزوجيـن ...
اسماء – هذي شروطي وانا حـره .
امها – انا بقول له وانتي كيفـك .
راحت اسماء طيران لنجوى – ماني مصدقه اننا انخطبنا في يوم واحد بس تعالي وعايشه غريبه ابوي وافق اتزوج قبلها
نجوى وهي تفكر – ابوي ماغير عوايده اكيد انه ضامن لها معرس
اسماء وهي تجلس قدامها – صدق من تتوقعين
نجوى بابتسامه مافيها فرح كلها حقد – اكيد فارس مافيه غيره
اسماء – يو تتوقعين
نجوى – ميه بالميه تشوفيـن ...
/
بالمجلس تحت ...
قال ابو طارق لابوه – البنات وافقن زي ماقالت امهن ..
ابو متعب بابتسامه جعدت وجهه الوقور – اجل على البـركه ...
ابو طارق – عسى بس فارس يتلحلح ويخطب عايشه لاينكسر خاطرها بخطبه خواتها .
ابو متعب – بيخطبها الرجال يبيها اليوم ولابكره مصيره جاي .
ابو طارق – الله يقدم الي فيه الخير الحين بكلم على نايف وابلغه ..
ابو متعب وهو يوقف ... – اجل انا طالع
وقف متعب – على وين يبه بدري
ابو متعب – وراي مشاوير
وطلع من البيت ...
رجع ابو طارق وكلم انسباءه المستقبليين واتفقوا بكره يجتمعون ويناقشون التفاصيـل ....

/
/
/
/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بيت ابو متعـب**
دقت جود على عمر ... لانه تاخر وماجا
عمر – اهليييييييييين جود
جود – ويتك تراني من العصر عند اهلي
عمر – هذاني ادخل سيارتي بالبيت ...
جود – اجل بجيك برا ...
سكرت الجـوال ...
كانت امها تصلي بغرفتها والبتول فوق في بيتها وندى تكلم بالجوال حبيب القلـب الي عنده دوام مده 24 ساعهـ
طلعت برا .. وشافت عمر يقفل سيارته
شافها وابتسم لها سلمت عليه وشبكت يدها بذراعه – ياشينك لي كم ساعه هنا انتظرك
عمر – ههههههههه شسوي كنت مع اخوياي اليوم مسوين لي عزيمه غداء مبطي عنهم
انتي شخبارك شمسويه ..
جود – انا بخير الحمد لله مشتاقه لك وربي لك وحشـه ..
سحبها عمر المجلس البراني – تعالي نسولف هنا قبل لا ندخل ...
ابتسمت جود – طيب ..
دخلوا المجلس ملست تنورتها البيضاء الي ستايلها غجري وفيها تطريزات تدرجات السماوي ولابسه بلوزه سماويه لابقه لها وشعرها مخليته مفكوك على طوله وطالع حلو بالقصـه الي مسويتها فيه ..
جلسوا قال عمر – انا بستقر في جده
ناظرته جود بصدمه – وشو تستقر ليش
عمـر – هناك ببدا حياه جديده وشغلي زين وبترقى والراتب بيزيدونه بصير مرفه بحياتي
جود على قد ماهي فرحانه ضايق صدرها مو متخيله عمر يسافر ويعيش بمدينه ثانيه
جود – امي درت ..
عمر – لمحت لها وشكلها متقبله الموضوع مادام خير لي ...انا بصراحه مرتاح نفسيآ لـ هالتغيير
جود بغصـه – وتسكن هناك بلحالك ماعندك اهل ولاقرايب ...
عمر – لي اصدقاء وزملاء هناك
جود – هالاصدقاء ماراح يخدمونك يطبخون لك يغسلون لك ملابسك ترى الوحده شي مو سهل على الاقل خل امي تخطب لك
ابتسم عمر وقال – ايوه جينا لبيت القصيد انا جبتك هنا ابيك تختارين لي بنت
جود – انا
عمر – جود انتي اقرب خواتي لي وتعرفين الي تصلح لي من الي ماتصلح هاه شقلتـــــــــــــي ..
جود بابتسامه – وذي فيها قول اكيـد موافقـه
عمر – في بالك احد معيـن ...
يااااااااارب يااااااارب توفقني في مسعآي ..ابتسمت بخبث
ناظرها – هههههههههههههه هالابتسامه مو عبث منهي ...
جود – صديقتي اريـج ..
عمر – اريـج
جود – ايه اريـج اسمع يا عمر تبي تعرف اريج تراها نسخه عني انا نتشابه بكل شي .. بنت اخلاق وعلم وجمال ..بس اخاف ابوي مايوافق عليها
عمر – ليـه ؟
جود – لانها مو من جماعتنا
عمر – اذا بنت ناس واصل وفصل مو قايل شي اكيد بيكون له تحفظات بس انا ادرى بمصلحتي ...
كملت جود بتردد – اسمع ياعمر اريج لها ولد عم لك عليه شوي مو صاحي ولاخطبها احد يفركش خطبتها وهي ماتبيه
رفع عمر حاجب – امممم
جود حست بتراجع اخوها – هي ماتبيه الي تحتاجه رجال يقدر يتزوجها غصب عن هالانسان المريـض انسان مصر انه ياخذها رجال بكل معنى الكلمه ترى هو ماعنده الا الدجه صوت عالي وتهديد على الفاضي لو لاقي من يوقفه عند حده ترك الضعيفه تشوف نصيبها طول سنين صداقتنا وهو زي الشوكه ببلعومها ابيك تفكـر بالموضوع زين والله اريج مامثلها واسأل امي وخواتي عنها .
عمر – يصير خير الليله بفكر واقلبها براسـي وبشوف
جود – زيـن
سمعوا صوت سياره تدخل البيت قال عمر – هذا يا بندر او الوليـد ...
بس الي دخل يزيد شاف جود وتوهج وجهه من الوناسه ...
جود – شخبارك يزيدوه واخبار الجامعه ...
يزيد – وناسه الجامعه انتي وش اخبارك من زمان عنك
جود تستهبل – خلاص انا الحين حرمه متزوجه مو فاضيه ابدا
يزيد – هههههههههههههههه تكفين يا حرمه اقولي انقلعي بس
جود – هههههههههههه وجع يوجع عدوك احترمني اكبر منك ..
وجلسوا يتناقرون مثل عوايدهم ...
مـر الوقت الحلو كالعاده بـسرعه الصاروخ....
وبعد العشا طلعوا العيال برا البيت كلن بحاله وندى وجود والبتول جلسن بالصاله يسولفن ...
قالت البتول لجود – شفيك كانك تعبانه ان ملاحظه عليك هالشي من اول مادخلتي علينا شرايك ندى
ندى – أي والله خير
جود بابتسامه فيها لمسات حزن – عندي زوج موسوس يبي عيال
البتول وندى انصدمن قالت ندى وهي شوي ويغمى عليها – درى انك تاكلين موانع
جود – ههههههههههه درى وبغى يذبحني
البتول – يو يو يو وش سويتي
جود – ابد خناق وهواش واخذني غصب لمستشفى وعطوني منشطات عشان احمل
ندى بعصبيه – مجنونه انتي
جود – بلا فيصل مو زوجك ولا شفتي شي عمرك ماشفتيه ..
البتول – ياحياتي ...بس يوم جيتي كنتي مبسوطه
جود – بدينا نتفاهم واليوم كان مره معي متسامح
ندى ماقدرت تمسك نفسها – هههههههههههههههههه متسامح خير ان شاء الله
جود – ههههههههههه يعني مو زي قبل انا ما اقصد انه متكبر بس هو جدي بقوووووه واليوم كان غير احس حياتنا بدت تتعدل وبديت افهم عليه وهذا الي خلاه يتغير .
البتول بلسانها الطويـل والي يسبق تفكيرها –العيال مايجي من وراهم الا تعقيد و......
رفعت عيونها وطاحت بنظرات بندر المحتقـــــــــــره شب وجهها ضو يا الله لااااااااااااااااااا مو للدرجه ذي حظي يكون شيــــــــــــــــــــن مو على ذا الكلمه يسمع الي قلت .. حياتي مو ناقصه حواجز جديده ..
بس الحاجز ارتفع بلمـح البـصر .. !
ولا كأنه سمع شي قلب مسار حياته للاسوء دخل ببشاشه – جود هنا يامرحبا يا مرحبا
ناظرته بمعنويات منهاره ياشينك يا بندر لاصرت تتظاهر ... اعرفك زين.
جود – هلاااااااااا وغلااااااااا باخوي الحبيب اخبارك
جلس بندر جنب البتول متعمد يضايقها زود على الضيق الي هي فيه – انا بخير انتي شخبارك ان شاء الله مرتاحهـ
جود – ايه الحمد لله
جلس جنب البتول مايفصله عنها شي كان حاط يده على كتفها وكان ماسكها بقوه شوي وتتهشـم عظامها مسكت نفسها لا تبكي من الاحباط واليأس
جلس معهن حدود ربع الساعه ويده تنفس عن الي بقلبه على عظام البتول الي متحمله عقابـه بشجاعهـ...!
اخر شي وقف بيطلع من الصاله ... قالت جود قبل لايطلع –على وين اجلس معي ماشبعت منك
بندر – والله قايم من صباح ربي ونعسان .. انتي مو نايمه هنا
جود – ماتوقعت فيصل معزوم وبيجي ياخذني متاخر ...
هز راسه وطلع ....
كانت البتول ترتجف بعنف بالداخل عارفه انه تنتظرها ليله كبيسـه !
ليش تأخر المحتوم .. ابتسمت للبنات وهي توقف
قالت ندى بترفع ضغطها – ههههههههههههههههه الحقيه قبل لاينام
حمر وجه البتول – هههههههههههههههه لا توصين .
وطلعت من الصاله ...
تجر رجلينها جـر طلعت بيتهـــــــــا وفتحت الباب كل شي مظلم ماعدا نور غرفه النوم جلس قلبها يضرب بصدرها شوي وينفجـر من الخوف ...
نزلت جلالها الي بيدها الي ماخذته احتياط عشان تغطي وجهها ان جا احد من اخوان زوجها ..ودخلت الغرفه ...الاسواره مادرت الا بندر ماسكها يفكها لها لما نزلها رماها ويده تشد على يدها بقسـوه همست وهي مدمعه – بندر انت اترك يدي شوي وتكسرها ...
همس – كسر العظام مو اعظم من كسر القلوب
رفعت له عيون مدمعه – هاه
شد على يدها لدرجه حست انها تخدرت وتركها باشمئزاز
رفع غطا السرير بينام وقفت ومسكته مع يده نفضها قالت وهي تحس نفسها بتنهار – بندر انا
قاطعها ببرود – انا تعبان ونعسان ...
دفها عنه وعطاها ظهره ...قال لها – سكري نور الغرفه واطلعي ...؟
طردهـ علنيـه ... سكرت النور زي ماطلب وطلعت ...
جلست بالصاله حالتها صعبه .. ياربي كلما قلت هانت تتعقد الامور زود !!!!!!

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

(الفصل الرابع والعشرون)


_الجزء الاول_
.. بعد اسبوعيـن ..
قالت جود لفيصل وهم يتقهوون قهوة العصر – اليوم جاني قبول للوظيفه الي قدمت عليها
رفع عيونه وناظرها – اصرفي نظر عن الموضوع
حست وكأن مويه بارده انكبت على راسها وخلت اطرافها تتخدر – وشو
فيصل – اصرفي نظر انا مابيك تتوظفيـن
عصبت جود – فيصل مو وقت مزح
ناظرها ببرود – اجل انا اصلآ قد مزحـت معك او مع غيرك
ناظرت بألم ماشاء الله عليك استاذ بالجـرح!
قالت وهي تحاول تمسك اعصابها لاتصارخ – فيصل لاتنسى ان بعقد زواجنا شروط انك ما تحرمني اكمل دراستي لو حبيت اخذ ماجستير او اتوظف وانا قلت لك بتوظف وانت وافقت وش الي استجد
فيصل كل كلمه قالها المجرم ترن براسـه ليومه ذا رغم انه بيتحاكم وبيفتكون المسلمين من شره – لا يعني لا ناسيه انك بديتي تتعالجين عشان تحملين
قالت وهي تحرض نفسها ماتنهار وتبكي – اتعالج بنظرك انت انا مافيني شي ذاك اليوم عند محل الحلا توقعت انه صار بيننا تقارب بديت انسى الي صار وكنت مستعده اكمل حياتي واطوي صفحه الجرح الي سببته لي بجري للمستشفيات كأني حيوان مو أدميـه لكن انت ما ادري وش انت عجزت افهمك بس تدري شلون اكتشفت شي الي يدق بصدرك مو قلب حجر ..
قال بتهديد – لا تخليني اوريك من جد التحجر كيف قايل ترى انتي ماشفتي مني شي بعد
ضحكت بدون نفس – انت الضابط الشديد المعروف من مايعرفك اعرفك زيـن واعرف انك ماتفصل بين شغلك وبيتك زي ما تعيد وتزيد علي .. انا تخليت عن اشياء كثيره بحياتي الفتره الي مضت كان احساس بالذنب لاني سويت شي يخصنا الاثنين من ورى ظهرك وتحملت كل شي لكن انك توقف بيني وبين مستقبلي المهني لا ثم لا انا مو ضعيـفه ولا مكسوره ولا مقطوعه من شجره حتى تعاملني بـهالشكل ..
صرخ فيها - تهدديني بأهلك
جود – انا ماهددك بس لا تصعب حياتي اكثر من صعوبتها الي هي فيه ..
فيصل – اشوف الدلع الي تربيتي عليـه ماهيأك تكونين زوجه و ام (وشدد على كلمـة ام )
ناظرته بقسوه وكمل وهو ياخذ شماغه – شغل مافي شغل شيلي هالفكره من راسـك وهذي كلمتي ومو متراجع عنها
وطلع من البيت وصفق الباب وراه ... هذا هو طبعه لاصارت بينهم مشاده كلاميـه يسفهها ويروح .
يالله ياربي .. اذا في الموت خير لي موتني !!
شسوي الحين وش الدبره ..ضاقت بي الوسيعـه !!
ماتقدر تكلم لاخواتها ولاريوف ولا اريج كل وحده غارقه بحياتها حتى هي يعز عليها تبين ان حياتها مع زوجها صعبه صعبه بالحيـل !
لكنها مازالت على رايها التراجع الي لمسه منها بسبب سالفه الحمل خلاه يتعشم انها بتكون خاضعه لكل شي يقوله ويقرره لكنه مايعرفها زين سالفه الحمل سبب خضوعها فيها تأنيب الضمير والاحساس بالذنب لانها استغفلته لكن هنا وبس يوقف عند حده ولو بيكون هالشي سبب انفصالهم مايهمها .. مرت ساعه وثنتين وهو ماله اثر وين طالع بـ هالقوايل .حست بضيق بصدرهــــــــــــــا عظيم .. ماعاد تقدر تجلس بمكانها والقهر ياكلها من جوا اكل ..وجدران البيت تطبق على انفاسـها ..
اخذت جلالها ونزلـت تحت على الاقل تجلس مع الناس اصرف من الجلسه بلحالها

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بعد ساعه >>
كانت جود جالسـه مع عمتها ام زوجها ونوف ومها جالسه تراجع محاضرات اليوم
قالت نوف وهي تاكل تفـاحه – اقول جود سمعـت ان بنات اخوك بيملكن اخر هالاسبوع .
ناظرتها جود في لهجتها شي ما يطمن – ايه بيملكن .
نوف بخبث – بتحضرين الملكه ...
جود – لا
نوف – ليه مو بنات اخوك وانتي عمتهم لايكون زي ماسمعت العلاقات بينكم موش ولابـد
جود وهي ماسكه نفسها لا تغسل شراعها – من قال هالكلام
نوف – سمعت
جود – الواحد ما يكون أمعه ويصدق كل شي يسمـعه
نوف انقهرت من ت[محذوف][محذوف][محذوف][محذوف]ها لها – الواحد يصدق الي يشوفـه ؟
جود وصلـت حدها – وانتي وش شفتي حتى تصدقين هالاشاعات ..
نوف – انك مو حاضره مثلا الملكه ولا وحده من خواتك وبنات عمك
عصبت جود - ماتلاحظين انك تتدخلين في شي مالك دخل فيه
نوف – والله من شين الاخلاق شفيك ما تتقبلين الحكي
جود – انا ماحب التلميح فيه شي قوليه بلا لف ودوران ...
دخل فيصل البيت وشافهن بالصاله فيه شي متوتر بجلسة البنات خير شفيهن !!
ناظرتها مها – نوف خير ان شاء الله .. يمـه شوفي بنتك
ناظرت ام فيصل نوف – نوف شفيك قابـه ...
ناظرت نوف بحقد – زوجة ولدك يمـه .. هي السبب في طلاق بنت اخوها من رجلها
ناظرتها جود بصدمـه كبيره – خير شقلتي
لم فيصل بصدمه – وشو استحي على وجهك وش هالكلام والله ليذبحك فيصل ان سمعك
نوف بعصبيـه – الله اعلم من الي بينذبـح ... خليه يسأل زوجته عن حبها القديم لولد عمها بس الاهم ليه ماخطبها وهو ولد عمها وكانوا لبعض وش السبب ...
وقفت جود بكل عصبيـه وضربتها كف ... دخل فيصل الصالـه وهو مصدوم جود تمد يدها على اخته والكلام إلي سمعه يحس نفسه مجروح ضايع ومو قادر يجمـع أفكاره قال بصوت راعد – خير ان شاء الله جود وش الي سويتيه
بكت نوف – شفت زوجتك تضربني انا اخر عمري انضـرب ... خذ لي حقي منها طلقها فكنا منها ماتستاهلك
ناظرها فيصل بعيـون حمـر – انتي شغلك بعدين عندي ... وانتي (ناظر في جود) على كيفك تمدين يدك على اختي
صاحت جود فيه – اختك ماتربت سامعني ماتربـت ...
ماقد يمسك نفسـه وضربها كف .. الصدمه بكل الصاله حتى نوف انصدمت ماتوقعت فيصل يمد يده على زوجته قدامهم بس ياحلوه من تصرف برد حرتها فيه .
ناظرته جود بحقـد والم ...طيب يا فيصـل ... ياما عضيت على جرحي وتنازلت عن كرامتي بس توصل تهينني قدام اهلك والله لتندم والقهر ان نوف بتنشر الي صار وبتصير فضيحه وسيرتها على كل لسان .
طلعت من الصاله تركض ودموعها تنزل ... دخلت بيتها وقفلت الباب ..دقت على الوليـد لان عمـر رجع جده له اسبوع ..
الوليـد – هلا وغلا بجويـده
قالت وهي تبكي – الوليد تعال اخذني
تبخر مزاجه المرح وقال بجديه وهو يسمعها تبكي بالجوال – جود شفيـك ..؟
جود وهي تشاهق – فيصل ضربني قدام امه واخواته تخيل
ضاق صدره وعصب من قلب – على كيفه يضربك ليش ان شاء الله ..؟
جود وهي ماسكه خدها الي يعورها من ضـربته – اخته طولت لسانها عنه وجلست تشكك في سمعتي وماقدرت امسك نفسـي وضربتها
الوليد وهو يتنهد – يا جود .....
قاطعته – اقسم بالله ان ماجيتني باخذ ليموزيـن (سياره اجره) واجي ..
الوليد – يالله انا جايك ...
طلعت شنطتها وهي تبكي سمعت باب شقتها يفتح وينهز ويدق بقوه ... – جود افتـحي الباب
مت والله ما افتح لك عقب الي سويتـه !
جلست وقت يدق الباب يهزه مافيـه فايـده ...
نزل تحت ...وقابل امه الي ضايق صدره خصوصا انه ضرب نوف بعد لما زودتها عليه وعقد السالفه زود .. قال لامه – عيت تفتح باب بيتها روحي تفاهمي معها انا تعبت من المشاكل
امه بعصبيه – انت الي ضربتها مو انا
فيصل – تستاهل ولو عادتها بكسـر رقبتها ماعاشت حرمه ترفع حسها علي وتهين اهلي ونويفوه تحمد ربها اني ماكسرت رقبتها والكفين الي جتها تأديب بس .
طلع من البيت ضايق صدره وراح لدوامه على الاقل رجعته للشغل تشغله وتضيع وقته ..
طلعت ام فيصل الدرج ودقت الباب نادت – جود يابنيتي افتحي الباب انا عمتك ام فيصل ..
مسحت جود دموعها وفتحت الباب .. دخلت ام فيصل وشافت جود مطلعه شنطة ملابسها وعبايتها مرميه عليها – يمه تعوذي من ابليس لاتخلين الشيطان يدخل بينكم
جود وهي رافعه راسها بكبرياء ظاهري بعد ما كسر زوجها عنفوانها قدام اهلـه .. – ماعليه ياعمه للصبر اخر وانا ماعاد اتحمل طبعه ولا تصرفاته
ام فيصل – انتي استفزيتيه بكلامك لو جايته بالحسنى
جود بعصبيه – أي حسنى ياعمه ونوف تتهمني في سمعتي ترضينها على وحده من بناتك
ام فيصل – انت بنتي ..
جود وهي ماسكه نفسها لاترجع دموعها – اذا زي بنتك لا تحاولين تقنعيني اجلـس تحملت منه الشي الكثير ياعمه شي ماتتخيلينه بس انه يهيني قدامكم ويمد يده علي لا هذي كبيره ...
ام فيصل ماتدري شتسوي – يمه نوف جاها الي فيه النصيب ضربها كفين صار خشمها ينزف وتغرقت ملابسها والشغاله تنضف الصاله الحين ..
جود بضيق – ردة فعله متأخره ...
دق جوالها – جود زوجك فيه خليه يطلع بتفاهم معه
جود بعصبيه – ورب الكعبه يا الوليد ان كلمته لازعل منك .. انا جايـه ..
سكرت الجوال ورمته بشنطتها حاولت ام فيصل تثنيها عن ترك بيتها بس ماقدرت فيها وكأن الضغط الي مرت فيه الاسابيع الي فاتت تفجـر وخرج عن نطاق السيطره..
نزلت بسرعه وقالت للشغاله تلحقها بالشنطـه طلعت ناظرها الوليد – ياجود ا .........
قاطعته وهي تشاهق – الوليـد الله يخليك اجل الكلام لبعدين انا تعبانه الحين ومافيني حيل ..
تنهد وهو ياخذ الشنطه من الشغاله ويحطها بالسياره " الله يعينني على الدش الي باخذه من ابوي "
ركب السياره وهم بالطريق قال – يا جود خلاص هدي اعصابك ماصار الا الخيـر
جود بعصبيه – أي خير وهو يمد يده علي قدام امه وخواته والله كبيره يا الوليـد
سكت مايدري وش يقول واه لو تدري بالنيـران الي بصدره يمكن من حظ فيصل انه مو موجود ولا كان قامت مذبحه ...وصلوا بيتهم ونزلوا ...
نزلت جود غطا وجهها وكان باين على خدها مكان الكف .. ناظرها الوليـد وصار وجهه احمـر جعل يده الكسـر ان شاء الله ..."جود " التفتت جود هي والوليد وشافوا بندر توه داخل البيت ناظر فيها وكان مبتسم بس لما ركز في وجهها جا يمشـي بسرعه لمس خدها ناظر في الوليد بخوف – خير ان شاء الله صاير لكم حادث "
الوليد – لا مافينا شي ولاصار حادث ولاحاجه
ناظر في جود وفيـه وهو مو فاهم شي – جو وش فيها وش هالكدمـه الي بوجهها
شرح الموضوع ماراح ينفع في هالشمس والسموم (الهواء الحار )
قال الوليد – تعال ندخل اول شي وبعدين نعلمك
سكت بندر والشكوك تلعب براسـه وخصوصا انه جود ماحكت ولا قالت كلمه .. دخلوا داخل وعلى طول على قسم الرجال قال بندر وهو يحس بأعصـابه بتنفجـر- الحين ممكن تتكرمون وتقولون لي وش صايـر وش فيها جود ؟ وش الي بوجهها ؟
الوليـد – فيصل ضاربها
انصدم بندر – نعم
الوليـد – الي سمعته ؟
بندر – ضاربها ليش شسوت ؟؟
ناظر بأخته الي حالتها حاله – جود تكلمي وش صاير ليه ضربك مافيه رجال يمد يده على زوجته الا مسويه شي عظيم
ناظرته جود بقوه – شي عظيـم .. ضربني لاني ضربت اخته
ناظروا اخوانها في بعض – وشو ...؟
جود وهي تمسح دموع الجرح الي صابها في كرامتها – قالت كلام ما ينقال تبوني اسكت تخسـي والله ...
قال بندر بعصبيه – انتي غلطانه ياجود خير تضربينها
ناظرته جود بعصبيه ناقصته هو – تستاهل ولو لا جيت فيصل كان كسرت رقبتها ...
قال بندر بنفس عصبيته – جود بناتنا عمرهن ما سون شي يفشل شي متهور تمدين يدك على اخت رجلك وش بيقولون الناس عنك بيقولون امها ماربتها ...
ناظرته جود بالم – بلاك ماتدري شقالت
بندر بقسوه – انا ماتهمني سوالف الحريم الي سويتيه تستاهلين عليه الي جاك وانت (يناظر بالوليـد) كيف تاخذها من بيتها بدون اذن زوجها ...
وقفت جود بعصبيه وهي تحس بالمهانه قالت لاخوها بعصبيه – وش بتوقع منك يابندر انت رجال مثله ولازم تكون بصفه
وقبل لايرد تركت الصاله وهي تبكي ... قال الوليد له يعاتبه – مالك داعي بصراحه
بندر بعصبيه –مالي داعي والله الي ماله داعي هو الي جايبها من بيتها خلاص حنا مو مسؤولين عنها لها زوج وهو ولي امرها انت تهين كرامته
قال الوليد بعصبيه – جعل اليد الي تنمد على جود بالكسـر الي ماينجبر
بندر – شفيك انت تفكر تفكير حريم ..
ناظره الوليد بقسوه – ماتوقعتها منك هذي جود الغاليه
وطلع من المجلس زعلان ... قابلت جود امها وهي طالعه من المجلس حق الرجال وقالت لها وهي مصدومه وخايفه – جود وش تسوين هنا وشفيك وجهك علامه ..
لكن جود ماعطتها فرصه تتكلم ورمت نفسها في حضن امها ... طلع بندر وراها – ماتشوفين حاله امي لاتخوفينها
ام بندر – بندر اختك علامها
بندر – مافيها شـي دلع بنات
عصبت جود من قلب – بندر فكني من شرك انا مو ناقصتك ..
بندر – اقول ورى ماترجعين لبيتك احسن واقصر للشر
جود بهستيريا – ماني راجعه مابقي الا هي ...
وطلعت غرفتها على طول ... ام بندر مو فاهمه شي بس تشوف بندر معصب وجود عيونها حمر من الصياح شي مايطمن ابدآ ,,جلست بالصاله مهمومه وضايق صدرهـا ..بعد شوي دخل ابو متعب وشاف زوجته ملامحها متغيره .. ابو متعب – السلام عليكـم
ام متعب – وعليكم السلام والرحمـه
ابو متعب – خير ان شاء الله شفيك
ام متعب بتردد – جود
قاطعها ابو متعب – علامهـا جود
ام متعب – مدري زعلاانه من زوجها بينهم مشكله وهي فوق بغرفتها
ابو متعب مصدوم – زعلانه ليه وش صايرر
ام متعب بحزن – ماقدرت اخذ منها لاحـق ولاباطل
ابو متعب – انا طالع لها اشـوف وش السـالـفه !
..بغرفـه جود ..
با ما اخذت لها شاور وغيرت ملابسه حست براحه شوي واعصابها هدت نوعا ما ناظرت في المرايه اثار الكف معلمه على وجهها طيب يا فيصل والله ثم والله لتنـدم ..تضربني تمد يدك علي قدام امك وخواتك عمري ماتوقعت هالشي يجي منك عمري ماخطر ببالي تتجرأ وتسويـها مهما كان ...
دق باب غرفتها – نعم
ابو متعب – جود انا ابوك افتحي الباب
راحت بسرعه وفتحت الباب وامتلت عيونها دموع وهي تسلم على ابوها – شلونك يبه
جود – بخير مادامك بخير يابوي ...
ابو متعب وهو يجلس على الصوفا .. – تعالي اجلسي وعلميني وش فيك وش حصل وجهك علامه
بلعـت غصتـها لا تبكي وتنهار وقالت لابوها السالفه كلها من هوشة رفضه لشغلها لين سالفه الكف الي جاها منه سكت ابوها مارد وهز راسـه يوم خلصت وهي تمسح دموعها ووجهها كله احمر من الصياح – خلاص يبه لاتشيلين بخاطرك
هزت راسها – زين يبـه ...
وقف ابوها وطلع من الغرفـه ...
ناظرت بغرفتها وحست بضيق بصدرهـا اخذت الجوال ودقت على طارق من زمان عنه وهو من سفريه لثانيه مايجلس ابدا يا الله كم شهر مضت وهي ماجلست معه ومشتاقه له ...دق جواله وهي تفكر طارق
-الـو ..
جود – هلا وغلا عموري
عمر – هلا وغلا فيـك يا جويده علومك
جود – بخير الحمد لله
عمر – انا برجع باخر هالاسبوع ان شاء الله عشان اخطب اريج
استانسـت جود - الله احلى خبر سمعته اليوم .. خلاص من عيوني لارجعت نتفاهم بس قلت لابوي وامي
عمر ايه قلت لابوي وحاول اني اخذ من بنات جماعتنا وانا معند واخر شي وافق وامي مستانسه شكلها تحب البنت
جود- ومن مايحبها اهم شي يكون عندك عزيـمه عشان تتزوجها
عمر – خلاص ولايهمك البنت لي ان شاء الله
جود ان شاء الله
عمر – وانتي شخبارك وش مسويه
كتمت عبرتها – بخير الحمد لله
عمر – يستاهل الحمد يا الله انا بسكر الحين خليني اشوفك لاجيت الرياض
مسكت نفسها لاتضحك بهستيريه – اكيد بتشوفني مافيها كلام بحفظ الله ..
عمر – سلام
جود – سلام
وجت بتحط الجوال على السرير ورن رفعته وشافته رقم فيصل .. سفهته وجلس يرن ويرن ويرن شوي وينفجر الجوال .. بعد شوي جاها مسـج – ردي ع الجوال خلينا نتفاهم
مسكت الجوال وقفلته نتفاهم .. فات الاوان على التفاهم ياشريك حياتي
سكرت نور الغرفـه وحاولت تنام وترتاح من الضغط النفسي الي مرت فيه اليوم ...
تحت بالصاله كان جالس ابو متعب وساكت يفكر بمشكله جود قال بندر – يبه ماهي زينه بحقنا بنتنا تطلع من بيت رجلها بدون اذنه ..
ناظره الوليد بحقد وده يصكه بدله القهوه الي قدامه الرجال ذا علامه صاير متبلد مايحس !
قال ابوه – وش تقترح ترجعها لبيت رجلها مثلا !
بندر – مافيـها شي
ابو متعب بنبره بارده مثل الثلج – ترضى نرجع اختك لبيت زوجها وهي زعلانه منه ليه مالها اهل
بندر ارتبك – ماقلت شي يبه بس هي غلطانه والرجال ضربها لانها تعدت حدودها وغلطت على اخته
ناظره ابو متعب بنظره قويه وقال – مادامني حي ماحد يدوس لبناتي على طـرف ! ولا مت سووا الي تبون
بندر بقوه – الله يطول بعمرك يبه ويخليك لنا خلاص ما يصير الا الي يرضيك ان شاء الله
سكت ابو متعب وبكذا يكون حط نهايه للنقاش الي كان بينهم ....
مر الوقت بسرعه وجا موعد العشا ... دخلت ام بندر الغرفه بتنادي جود للعشا لقتها نايمه ومطفيه انوار غرفتها .. رجعت وسكرت الباب ..فتحت جود عيونها وضمت مخدتها بحضنها بقوه شي مؤلم لما تتعرض لمشاكل عائليه وتكون مصدر قلق او ازعاج للناس الي يهتمون لامرك والي هم الاهل .. ماكنت تتمنى في يوم تكون مصدر حزن لاهلها او تسبب لهم أي غم بس للصبـر دايم حدود وكيل التحمل عندها طفح على الاخـير
.
.
.
.
.

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بعد ايام <
مر الوقت بسرعه والايام تمر مرور البرق .. جلست جود مع البتول واثار الكف بدت تتلاشى عن خدها .. البتول من لباقتها وذوقها ما سألت جود وتعمقـت بالي صار لان الجرح بقلبها مازال ينزف صحيح جود مابيت شي بس نظرتها غير وفيها حزن خصوصا انها ماخذه موقف من بندر وزعلانه عليه من قلب لانه مو مأيد طلعتها من بيت زوجها .؟
حست بقلبها يدق وقلبها يدق بعنف بندر هنا تشم ريحه عطره الي يحطه رفعت عيونها وشافته باقساوة قلبك يابندر! اسابيع جاحدني ولا هميتك ولا تعطيني وجه كلما حاولت اشرح الي صار ابرر اطيب خاطرك تناظرني بإحتقار وتتركني! تنام بعدي وتصحى قبلي ..ولاكأن لي وجود بحياتك اقدر اعد على اصابعي كم مره حكينا فيها مع بعض طول هالاسابيع ...ناظرته وهو واقف – احط لك غداء حبيبـ..... حمر وجهها وسكتت يالله لاصارت مو مركزه تطيح بمطبات .. ناظرها من فوق لتحت وفي عيونه نظرة استهزاء ..
بندر ببرود – تغديت بـرا ..
قال برقه – انا طابخه لك الاكل الي تحبه
هز كتوفه بلا مبالاة – كبيه بسيطه السالفه !!
من صباح ربي اكرف واطبخ واخر شي يقول لي اكب الاكل ..دمعت عيونها وماقدر تستحمل وطلعت من الصاله ..ناظرته جود ببرود ياقساوة قلوبهم وش صار بالدنيا كل واحد يستعرض قدراته على جرح غيره !
وقفت بتطلع – على وين !
جود ببرود – بروح اسوي حلا طارق بيسير علينا
بندر ناظرها مو معجبه وضع اخته كذا لاول مره يحس بضيق وانه كسر قلبها بموقفه القاسي عليها مهما كانت غلطانه هي اخته وهو يحبها وباعماق قلبه يتمنى لو يكسر يدين فيصل الي انمدت على جود الغاليـه ..
قبل لا تطلع وقفت بتردد وقالت – كلنا نخطي يا بندر بس الواحد يكون قلبه وسيع ويسامح
ناظرها بندر مو مستوعب قصدها من ورى هالكلام !
ناظرته – البتول قلبها ابيض ماتستاهل الجفا منك !
قال بعصبيه – اجل تناقش مشاكلنا مع الناس
ناظرته جود ببرود – تدري اكتشفت انك ماتعرف البتول زين ولا ماقلت هالكلام !!!
وطلعت ماتبي تدخل بنقاش طويل معه مالها خلـق !
طلع بندر بيته بعصبيـه .. ودخل وصفق الباب وراه التفتت البتول بسرعه ..مسحت دموعها بعجله قال بندر بعصبيه – انتي قايله لجود عن الي بيننا
رفعت حاجب – الي بيننا وش الي بيننا عشان اقوله ؟ طول هالاسابيع عايشين اغراب .. لا على الاقل الاغراب يسلمون يقولون صباح الخير مساء الخير
بندر – اسالي نفسـك من الغلطان من الي يجرح الثاني ..
نزلت عيونها لحظات وقالت ووجهها احمـر –انا ماقصدت الي صار والي سمعته بس انت جالس لي على الوحده
ضحك بدون نفس – جالس على الوحده انتي الي ماتعرفين تحترميني فرحانه انك سقطتي ولدنا فرحانه بكرهك للعيال اذا ماتبين عيال انا مستعد الحين اروح لابوي واخطب وحده تجيب لي عيال تكون زوجه لي بكل معنى الكلمه .
انصدمـت البتول من كلامه – تتزوج علي
بندر – أيـه اتزوج عليـك من بيلومني زوجتي لاحملت تسقط عامده ماتبي مني عيال
البتول لسى بصدمتها – من جدكـ !
ناظرها بنص عين – لا امزح !
البتول بعصبيه وهي تداري دموعها – تزوج عشر اذا تبي .. ماعلي منك
انصدم منها وشاف عيونها تلمع من الدموع
فجـــــــــــــــــــــــــــــــــأه
مايدري وش الي طرا عليه شاف الوضع يضحك عمره مافكر يتزوج غير البتول عمره ماتخيل وجه غير وجهها ولا حياه تمشي على وتيره سريعه زي الحياه معها مافيه حرمه قادره ترفع ضغط دمـه للمليون مثلها وبابتسامه او دمعه تذوب قلبـه ..
قال ببرود وهو نفسـه يضحك بقوه – الشرع ماحلل الا اربع وبما اني متزوجك يبقى عندي 3 اماكن شاغـره
ناظرته بنص عين ودخلت الغرفه وهي تمسـح دموعها ...دخل الغرفه وشافها جالسه بكبرياء تمسح دموعها وهي صاده عنه – وش تبي يالله الحق عمي قبل لايطلع وقل له انك تبي تتزوج
جلس جنبها وهو يتنهد وضايق صدره يتحمل أي شي بس دموعها تعذبـه
همس وهو يمسحها – حنا ليه كذا !
رفعت عيونها الي غرقانه ببحر الدموع وجلست تناظره يزيد حبي لك لاصرت حساس وحنون ... انقبض قلبها وهي تشوف القساوه ترجع لعيـونه مره ثانيه وقف بيطلع ومسكته مع يده مشى وهي مشدده قبضتها عليه ناظرها وهي يستمد من الغضب الي بقلبه عليها القسـوه ناظرته بتوسل وسحبته لين جلس عندها مسكت يده بين يدينها الصغيره قالت له ودموعها تنزل –بندر انا احبـك
حس بطعنه في قلبه وصد عنها وعضلاته متشنجه – ماله داعي نكذب على بعض يا البتول
قالت بصرامه رغم ضعفها – بندر ناظر فيني ...
لكنه كان شاخص النظر قدام ..شدت على يده – ناظر فيني ..
التفت يمها وهي تشوف التأثر بعيونـه رغم قسوته الي يبديها بضمـير
قالت برقه وهي تمسح دموعها – ناظر بعيوني وان كنت كذابه بيبين والله العظيم اجهاضي ماكنت قاصدته ياليتك كنت تدري بالي مريت فيه ......حست جسمه يتصلب – صدقني يا الغالي حياتي عند اهلي وبدونك كانت عذاب كنت تعبانه جسديآ ونفسيـا كنت مشتاقه لوقوفك جنبي وحنيتك الي ماكنت استاهلها بسبب لساني الطويـل عرفت معزتك وان تصرفاتي الطفوليه كانت تغطيه لميلي ماكنت ابي ابين لاهلي اني كنت غلطانه يوم كنت رافضه الزواج بدون ماياخذون شـوري وان ماعندي سالفه ..
كانت ساكت يناظرها بعيون ضيقه حست حياتها بـ هالدقيقه وصلت نقطه حرجـه هي عرت روحها قدامه وكشفت عن مكنونات قلبها عن كل شي تمنت تقوله له وبسبب كبرياءه ماعطاها فرصـه ناظرته وهي ترتجف تنتظر رده المصيري تنهد وضمها لصدره بدون مقدمـات ...
هل هي اشارة
ان
المــــــــــــــــــــــاضـــــــــــــــــــي
ودعوه وانتهى !!!!!!
/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

خلصت جود صينيـة الحلا الي تسويها ..كانت تمسح يدها بمنديل دخلت الشغاله ومعها اغراض وقالت لجود – بابا فيصل برا
تجمدت جود مكانها وناظرت بالشغاله وهي مصدومه - من
الشغاله – بابا فيصل ...
انسدت نفسها عن كل شي والحماس الي كانت تحس فيه تلاشى فجأه ... طلعت من المطبخ وبالطريق قابلها الوليد الي معصب – شرف الاخ وهو جالس مع ابوي برا
قالت جود ببرود – يجلس لين يشبع عقبها يقضب الباب
ناظرها الوليد مصدوم – من جدك
جود – ايه من جدي انا مو قادره اتحمل العيشه معه اكثر بتقول اكيد عشان الكف تقولين كذا وانك معصبه منه الكف سبب مهم بس مو رئيسي انا عجزت اتحمل العيشه معه والاسباب ماتنحصى .
دخل يزيد وقال – جود ابوي يقول تعالي المجلـس
جود – مو جايه
يزيد – بس ابوي.......
جود – انا عارفه ابوي ليه يبيني اجـي بس جيه ماني جايه الي بينا انتهى
ناظر يزيد في الوليد وطلع للمجلس يبلغ ابوه .. بعد خمس دقايق جا ابوها – جود تعالي تفاهمي مع رجلك هو جاي يستسمح وعارف انه غلطان وانا ماخليت عنه شي .. ويبي يرضيك بالي تطلبيـنه
جود بضيق – ماني راجعه
ابو متعب – بس يبه
ناظرته جود بضعف – الله يخليك يبه لاتجبرني انا مالي غيركـ ...
وبكت غصب ابوها مايتحمل دموعها ومايتحمل يجبرها على شي هي ماتبيه ولاول مره بحياته يحس انه لما زوجها لفيصل غلط غلط كبيـر
مسح راسها بيده وقال – ماعاش من يجبرك على شي يابنيتي امسحي دموعك وابشري بالي تبينه
هزت راسها وهي منحرجه انها بكت قدام ابوها واخوانها الي باين الضيق على وجيههم ..
طلع ابو متعب للمجلس وشاف طارق موجود عند فيصل ..
وقف طارق وسلم على جده وحب راسه – شخبارك ياجدي ...
ابو متعب باله مو مع طارق – بخير الله يسلمك
حس طارق بشي مو طبيعي بالجو وقف بيدخل داخل يدور جود اصرف من الوجيه العابسه الي قدامه !
قال ابو متعب يوم طلع فيصل – البنت ماتبي ترجع الي سويته مو هين .. يافيصل انا عطيتك اغلى بناتي امانه وانت ماصنتها ..
فيصل بضيق مايحب احد يأنبه – تعرف ياعم الواحد لافارت اعصابه يسوي اشياء يندم عليها بعدين
ابو متعب بقسوه – اجل المره الجايه ان كان فيها رجعه وش بتسوي لاعصبت تكسر عظامها
ناظره فيصل بقسوه وسكت ثواني ثم قال – طيب وينها بكلمها واحاول اقنعها ترجع بيتها
ابو متعب – انا قلت البنت ماتبي تشوفك
فيصل – طيب والشور
ابو متعب – انا ماني غاصب عليها بشي ماتبيه عطها وقت تهدا وتتخطى الشي الي سويته فيها ساعتها نتفاهم ...
قال فيصل – طيب مايخالف بس بشرط ماتشتغل
ناظره ابو متعب وهو رافع حاجب – مادام بنتي ببيتي انا مسؤول عنها وزي ماقلت لك جود ماتنغصب على شي ماتبيه وانا شارط عليك ما توقف بطريق مستقبلها
فيصل – قلت ياعمي واحد من المجرمين مهددني يأذيها وهو عارف انها بتشتغل وعارف المكان بعد
ابو متعب – (قل لن يصيبنا الا ماكتب الله لنا)
هز راسـه وسكت وش يسوي بعد!
وقف - زين يالله استأذن ...
ابو متعب – حياك الله
.
.
.

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

كان طارق بالداخل بعد ما تنحنح عشان اذا فيه احد مو محرم له يتغطا...
قال لجود – وش السالفه زوجك علامه ضارب بوز ونص
جود – مدري عنه
ناظرها طارق وشاف الحزن بوجهها واضح ومتوتره – افاااااااا تخبين على ولد شيخوه
جود – هههههههههههه الله يقطع عدوك
طارق – ايه اضحكي مشتاق لـ هالضحكه الحلوه ...
ابتسمت جود له .. – خذ تقهو من الظهر وانا بالمطبخ
غمز طارق – ايه مره
جود – ههههههههههه حرام عليك
طارق – اقطع يدي ان ماكنتي شاريه هالحلا من برا
جود – ههههههههههه وربي انك مضيع
طارق – هههههههه من زمان والحين تعلميني وش سالفه فيصل ولا اروح اسأل جدي
جود – اسأل جدك اجل
طارق – يوه قولي عاد ياشينك لاصرتي ثقل
ابتسمت وقالت – متهاوشين هوشه كبيره وجاي يردني بيته
طارق انصدم – ااااها
جود – خلنا منه ابوي الحين معه وبيوريه السنـع ..
طارق – طيب وش بتسوين
جود – بكره علمه عند الي ماتنام عيـنه ..
طارق – الله كريـم ...
جود – هاه خواتك ملكتهم بكره ولا تأجلت مره ثانيـه
طارق – الا بكره وان اجلوا لاوريهم الباب اول مره قلنا مايخالف مشاغل خطيب نجوى ماخلته يسوي الفحوصات بدري اما الحين ماراح نقبل أي اعذار
جود وهي مبتسمه – زين ... ياحظي ولد اخوي قوي
طارق – هههههههههههههه الا تعالي اخوانك وينهم تقولين شايفين سكني اختفوا على طول
جود – يعني مو مالين العين حنا
طارق بابتسامه وهو يتمصلح – الا مالينها ونص !
جود – ايه على بـالي
دخل ابو متعب الصاله عليهم وجلس ... قال لطارق – شلونك ياطارق ماعاد تنشاف لك مده
همس طارق في اذن جود – تو جدي انتبه لوجودي
ضحكت جود ... وقال طارق – بخير ياجدي مادامك بخير والله الشغل كثران وعندي رحلات بعيده عشان كذا من زمان ماشفتوني
ابو متعب – الله يعينك ويوفقك
ناظر في جود وقال – فيصل راح
فهمت جود قصده وسكتت ,, قال ابوها لها – يبه انا اشوف انك تتركين الشغل الي مقدمه عليه
لاااااااااااااااااااا راح بس غسل مخ ابوي قبل !
جود شوي وتبكي – يبه قبلوني وانا ابي اشتغل
ابو متعب – انا موافق تشتغلين وبشوف واحد معرفه وبيشغلك باي مكان تبينه ويكون قريب منا بدال المشوار البعيد
سكتت جود نقطه وجيهه ..- طيب يبه الي تشوفه ماعندي مانع
هز ابو متعب راسـه ووقف وطلع ...قال طارق لجود – وش تبين بالشغل اذا بيجي من وراه مشاكل
جود – الموضوع اكبر من سالفه شغل يا طارق خلها على ربـك ..
طارق بيغير مودها – تدرين زواج نجوى يمكن يكون قبل اسماء
ناظرته جود – جد ليه يعني
طارق – الرجال مستعجل وبما انها ماتشتغل وجالسه بالبيت يقول ليه التاخير
جود – ومتعب شرايه
طارق – ماعنده مانع بتصير زوجته ماعاد له دخل بينهم ..
جود – الله يقدم الي فيـه الخير ..
.
.
.

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

اليوم الثاني....
>> بيت ماجد
قالت ريووف لامها – ماعندها وقت هالمتخلفه على طول بتعرس
ام ماجد – ماحد ياخذ الا نصيبـه في هالدنيا
ريووف – ناس تتهنا وناس لا
بعد شوي دخل ماجد ودخل وراه فارس وكان وجهه اسود ومنقلب 180 درجـه ...
ناظرت ريووف في امها علامهم ذولي دايركت دخلوا المجلس وماعطوهن وجه ولاسلموا حتى ...
-يمه شفيهم اخواني
ام ماجد – مدري بس قلبي مو مرتاح لاشكالهم فيه شي صاير
ريووف – شي ايش
ام ماجد – مدري ياخوفي لاتكون البتول متهاوشه مع زوجها
ريووف – يمه لاتفاولين عليها الي يهدي بالهم يارب
ام ماجد – اللهم اميـن ..
:
بالمجلس ... قال ماجد بعصبيه- قلت لك انا بكلم ابو طارق وبنهي الموضوع ماتبي البنت مو لازم تاخذها
فارس بارتباك وحيره – لاااا يا ماجد لا تروح انت لا
ماجد – وش تقترح يعني
فارس –خلنا نتمم الملكه ونفتك
ماجد بعصبيه – الله يعطيك عقل بس هذا الي اقدر اقوله
فارس – يا ماجد لا تعصب
ماجد – شلون ماتبيني اعصب علمني وانت بتتزوج وحده ماتبيهاااااااااااا
فارس – ماجد انا رجال وقد المسؤوليه كبرت خلاص ارتح بس والدنيا كلها فدا عمي اهم شي مايزعل
ماجد – انا مو راضي ابدآ لو تبيها كان خطبتها لك من بكره بس ماتبيها شلون تبيني استانس علمني !
فارس – ماجد حنا رجال ونقدر نتحمل ونعرف ان الي يتمناه الواحد مايقدر يحصله دايـم
لمس بقلب ماجد وتر حساس ...
ومع الوقت عجز يقنع اخوه يتراجع عن سالفه خطبته لعايشـه
قال ماجد وهو بيطلع من المجلس معصب – كيفك بس طلاق مانبي يكفي اني مطلق بنت من بناته اعلمك من الحين
قال فارس – مايصير الا الخـير لاتضيق صدرك
دخل مشاري وسمع اخر كلامهم – خير شصاير
ماجد وهو يتعداه طالع – اسأل اخـوك
ناظر مشاري في ماجد الي طلع معصب وسال فارس– وش السالفه
فارس – بنروح نخطب عايشـه عمي لمح لي انه ابو طارق يرد الخطاب عنها عشاني انا ابيها وتورطت وماجد يبي يروح لابو طارق وعمي ويقول لهم مابيها
مشاري بصدمه – يوه فشيله
فارس – قل له عجزت فيـه
مشاري – لا من جد فضيحه انت في بالك طيب بنت غيرها
فارس – لا
مشاري – اجل ماجد وراه متأزم
فارس – بصراحه عقب سوايا نجوى في ماجد كرهت اختها
مشاري – لاتاخذها بذنب اختها
فارس – العرق دساس بس يالله مصيري متزوج والي كاتبه الله بيحصل اهم شي ما اعرض اخوي لموقف ماله داعي خصوصآ بعد الي صار مع بنت ابو طارق
مشاري بإستهزاء – ماضيعت وقت شفها بتملك اليوم..
فارس – اهم شي طلقها ماجد وافتك منها الله يرزقه ببنت الحلال الي تسعده
مشاري – اللهم امين تعال ابو طارق كلمني وعزمنا على الملكه بيسوون عشا للرجال بس
فارس – وماجد ماعـزموه ..
مشاري – الا بس ماظنيته بيروح
فارس باستهزاء – من يلومه انت رح انا موب رايح لاحق على الغثاء ..
مشاري – مالك داعي بيزعل طارق ترى
فارس – اصلا عندي دوام
مشاري – انا عندي دوام بس استاذنت عارف انك مو حاضر ولا ماجد على الاقل اروح انا لا ياخذ ولد عمنا ولاعمي على خاطره منا
فارس – زين سويـت ..
طلعوا من المجلس وراحوا للصاله ...
جلس ماجد بالصاله يناظر في الاخبـار مو طايق يكلم احد ولا له خلق احد حرام اخوه يطيح بالخطأ الي طاح فيه هو حرام يعرض نفسه للعذاب الي هو بغنا عنه مستعد يسوي أي شي بس مايتزوج وحده مايبيها
-يمه ماجد
التفت بسرعه لامه الي كنت تكلمه ومو منتبه لها – هلا يمـه ...
-فيك شي تحس بشي
رجع شعره بيده – لا ابد مرهق شوي
ام ماجد – وش عندك انت واخوانك تو بالمجلـــــــــــس
ماجد – ولاشي يمه انا بطلع الحين لا تنتظروني بالعشا
ام ماجد- بتحضر ملكه بنات ابو طارق
ضحك فجأه – لا طبعـا عندي شغل
هزت ام ماجد راسهـا وقالت في نفسها زين ماسويت ...
وطلع برا البيت ضايق صدره مايدري وين يروح

:
:
:

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

الفصل الرابع والعشرون ..


(الجزء الثاني)





قالت اسماء لنجوى وهي تزيـن شعرها – احس بيغمى علي من الحماس والربكه تخيلي بعد خمس دقايق بشوفه وبيشوفني ..


نجوى – ههههههه لا تموتين من الفرحه قبل لا تشوفينه المهم البسي شال على الفستان ..


ناظرتها اسماء – نعم يختي


نجوى – مجنونه انتي بتطلعين له كذا وانتي اول مره تشوفينه الفستان مره كاشـف من فوق


اسماء – يووووه لو داريه ماشريته ياربي


نجوى – انتي حره بيجيك الحين طارق وان شافك كذا تعرفين وش بيسوي فيـك


خافت اسماء من طارق واخذت الشال حقـــــــــــــها ...


قالت نجوى بقهر – حسره علي لاطلب يشوفني ولايحزنون


اسماء وهي تغمـز – ايه بس العرس الاسبوع الجاي وش هوله يشوفك


نجوى – من جد انا مقوره ان ابوي وافق على موعد الزواج احد يتزوج بعد اسبوع لا وعائلي بعد


اسماء – خلاص انتي مره تزوجتي بقاعه والحين سوي تغيير


نجوى – امحقه من عرس الا على الطاري الاخ ماجا شفتي


اسماء – ماله وجه يجي تخيلي بس جاي وراز عمره قدام رجلتس الجديد


نجوى – هههههههه رجلي القديم مع الجديد والله فلـه ...


دخلت عائشـه الغرفه – اسماء يالله طارق ينتظرك تحت عجلي


ناظرت اسماء في خواتها بإرتباك – بنات زيـن شكلي طمنني


عايشـه – تجننين ولون شعرك البني مره حلو وهادي يالله اخلصي ترى كلها نص ساعه وبتطلعين من عنده لا تسنترين


اسماء شوي وتبكي – طيب طيب لا تنافخين


عائشه – ههههههههههه مانافخت وجع ,,


طلعت اسماء مع خواتها لتحت وكان طارق واقف مع امه يكلمها قال لما شاف خواته – مبروك


-الله يبـارك فيك


ناظر في عائشـه – عقبالك ان شاء الله


عائشه ماردت من الحيا ..ناظر في اسماء – يالله زوجك ينتظر بالمجلـس


اسماء بصوت مخنوق –طيب


سمت بالله ودخلت المجلس مع اخوهــــــــــــا كان زوجها ينتظرها جلست بعيد عنه شوي ... وطلع طارق من الغرفه وماكانت تبي تجلس بلحالها لانه غريب عنه وماقد شافته بحياتها حتى لما حاولت تلمحه المره الي جاهم فيها ماقدرت ...


قال – شخبارك يا اسمـاء ..


ناظرته لما استجمعت شجاعتها – الحمد لله بخـير .


كمل يسألها شكلها مو ناويه تتكلم اليوم – متى تبين العرس


بلعت ريقها – على كيفك


زوجها – بالعيد شرايك ..


حمر وجهها – الي تشوفـه ,,


-طيب خلاص بجيب لك المهر بكره ..


اسماء كأنها ببغاء وهي تردد كلامه – طيب


ناظر في ساعته وقال – يالله مابي اطول عطيني رقمك ...


عطته رقمهـا وقال – يالله سلام .


وطلع من المجلـس وين الي بتطلع بعد نص ساعه لهم ساعه الحين مع بعـض ..وقفت – سلام .


ابتسم لها ابتسامه لمسـت قلبها وطلع ..جلست مكانها ترتجف لايكون حبته وهي ماتدري مايمديها بعد شوي دخلن عليها خواتها ومسكنها تحقيق ... قال نجوى – العرس بالعيـد


اسماء – ايه بالعيـد


نجوى تستهبل عليها – ماعندك وقت


اسماء وجهها حمر – شدخلني انا هو الي قال


نجوى وهي رافعه حاجب – وانتي ماعندك شي تقوليـنه


اسماء وهي ترفرف برموشـها – موافقه على كل شي


ناظرت نجوى في عائشـه وجلسن يضحكن عليها يامثبت العقل والديـن


قالت نجوى – حسره علي ماكلف عمره يسال عنـي


عائشـه – بكره بنطلع نجهز لك ومستعجله على شوفته كلها عشره ايام وتشوفينه


نجوى – مو عشره اسبوع


عائشه – طيب لا تاكليني اسبوع ارتحتي كذا


نجوى تستهزء – ايه ارتحت ..


دخلن البنات داخل قالت اسماء لامها – يمه كم مهري .؟


امها – 70 الف


ناظرت اسماء بصدمه – يمه انا قايله مية الف


ناظرتها امها بنص عين – اقول اسكتي لايسمعك ابوك ولا واحد من اخوانك


قالت اسماء وهي شوي وتبكي – وش بتكفي 70 الف علميني


امها – تكفي وتزود وان ماكفت انا ازيدك ارتحتي ..


طلعت غرفتـــــــــها ضاربه بوز ونص ... قالت ام طارق لنجوى – وانتي بكره اطلعي جهزي لعرسك مامعك وقت


نجوى – مايمديني على فستان الزواج مافيه فستان يجهز في سبع أيـام بس بدور لي فستان سهره فخم وخلصنا مادام الزواج عائلي حتى عماتي مابيهن يحضـرن ابدآ مابي احد..


ناظرت ام طارق فيها – من جدك انتي؟


نجوى – ايه مابي اشوفهن من زود المحبه بيني وبينهن


ام طارق – خلاص لاتعصبين ماراح نعزم احد


ابتسمـت وراحت لغرفتها تبدا تفكر وتخطط لجدولها هالاسبيوع عشان تخلص التجهيزات


دق جوالها ..>> نوف تتصل


ابتسمت نجوى – هلا وغلا


نوف – هلااااا فيك شخبارك


نجوى – ابدا الحمد لله زينه


نجوى – الف الف مبروك الملكه


نجوى – يبارك فيك عقبالك


نوف – متى الزواج ..؟


نجوى – اخر الاسبوع ؟


نوف وهي تشـهق – مايمديك تتجهزين او تعزمين احد


نجوى وهس تسكر باب غرفتها وتجلس – ماني عازمه احد والتجهيزات بجيب الاشياء الاساسيه والمهمه ...


نوف – الا شخبار عمتك الي ما تتسمى ..


نجوى – كلهن مايتسمن أي وحده تقصديـن


نوف – العله الي على قلبي جويدوه


نجوى – شدراني عنها المفروض انتي الي تعلميني بأخبارها ...


نوف بخبث – شلون اعلمـك وهي عندكم لها اسابيع


انصدمت نجوى – وشو عندنا وين


نوف – تهاوشت مع فيصل وضربها قدامنا


طلعت عيـون نجوى قداااام – ضربها ضرب جود هههههههههه وليه


نوف بحقد – لانها مدت يدها علي يوم جبت سيره ماجد


نجووى – يوووووووو لا ابي السالفه كلها ...


:

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بعد ساعه طلعت نجوى من غرفتـها وراحت لامها في الصاله


نجوى – يمه


امها – نعـم


نجوى – ابيك تعزمين عماتي الحلوات


ناظرتها امها من فوق لتحت – تستهبلين انتي ساعه موافقه وساعه لا


نجوى – لا اتكلم من جدي طلعت الاخت جود متهاوشه مع زوجها لها فتره وعند اهلها وضاربها بعد ابيها تحضر عرسي ابي احرهـا


امها – خليها تولي هي وزواجها انتي وش تبين فيها ركزي على جهازك اصـرف


نجوى – بركز مافيها شك بس ابيها تحضـر الزواج


امها – اففففف منك لابغيتي شي خلاص بعزمهن الله يعيـن ..


ابتسمت نجوى ابتسامه كلها وعيد وراحت غرفتـها ..



/


/



... بعد ثلاث ايام ...


جا عمـر من جده .. قالت له جود وهي رافعه حاجب – هاه وين الي له مدري كم اسبوع بيجي ويكنسل


عمر – الشغل كلما قلت خلصت تطلع لي سالفه اصلن مامعي الا الخميس والجمعه مقدر اطول لازم ارجـع


جود – طيب خير البر عاجلـه ...


عمر وهو يصد بعيونه عنه جود – اممممم بما اني بدخل حرب طاحنه مع ولد عم صديقتك ابي على الاقل اتاكد انها حلوه


ناظرته جود – هاه


عمر – ابي اشوفها مافيها شي شوفه شرعيـه


جود – هههههههه طيب البنت حلوه انا قلت لك


عمر – ابي اشوفها طيب


جود – طيب لا رحتوا تخطبون قل لابوها بتشوفـها ..


عمر – عادي يعنـي


جود وهي تهز كتوفها – ايه عادي ماطلبت شي حرام


عمر – طيب خلصنا مني ومن عرسي .... ناظرته جود وهي رافعه حاجبها


... وزواجك انتي لكم كم اسبوع منفصلين والحل ..


جود – مافي حل انا مرتاحه كذا


عمر – لا معلقه ولا مطلقـه


جود ببرود – عليـك نور


عمر بعصبيـه – جود بلا هبــــــــــــــل


جود – عمر ما استهبل الي سواه فيني مو قليل وبعدين انا توني باديه في وظيفتي الجديده والحياه قدامي


عمر – الكلام معك ضايق


جود بحزن – يالله اسفهني مثل اخوانك


عمر حن قلبه عليها – كلنا تهمنا مصلحتك ياجود لاتزعليـن


ابتسمت غصب – مو مشكله نعود لمحـور حديثنا ..


عمر – خلاص انا بروح لابوي عشان يكلم ابو البنت ونتفق على موعد


جود – الله يوفقك عموري ..


ابتسم لها وقام يدور ابـوه ...لقاه جالس مع امه والعايله موجوده – السلام عليكـم


-وعليكم السلام


جلس جنب ابوه وبعد مده الكل صار لاهي الي يكلم والي يسولف مع الي جنبه والي يناظر بالتلفزيون قال – يبه


ابو متعب – نعم


عمـر – ابيك تكلم ابو البنت الي بخطبها عشان نحدد موعد ونخطبها


ابو متعب – انت مصـر خلاص تبيها


عمر – ايه يبه


ابو متعب – سمعت انها لولد عمها


عمر – ولد عمها انسان مريض وهي مو له ولا كان ماخطبتها وجود تعرفها وعلمتني انها ماتبيه واهلها مو قادرين يفتكون منه


ابو متعب – اللي يريحك وانا ابوك


عمر – الله يسلمك يبه


ناظر عمر في امه لانها كانت تكلمه طلع ابو متعب جواله ودق على ابو اريـج وبعد السلام عرفه ابوها وجلسوا يسألون عن احوال بعض قال ابو متعب – والله حنا نبي نسبكم وكلمتك عشان تحدد لنا الوقت الي يناسبكم عشان نجيكم


ابو اريـج تفاجا وقال – حياكم الله أي وقت يبو متعـب .. انا موجود ببيتي العصـر ماطلع الا لابرد الجو شوي


ابو متعب – اليوم طيب يناسبكم..


تورط ابو ريج معنى كلامه انهم بيجون بعد ساعتين ... قال – حياكم الله


سكر ابو متعب بعد ماخلص ..قالت ام بندر – هاه اليوم بتروحون .


ابو متعب – خير البر عاجله


عمر شوي ويتشقق من الوناسـه ..دق ابو متعب على ابو طارق عشان يحضر معهم ويجيب عياله ..ودق على ماجد بعد وقال له يجي هو واخوانه عشان يروحون سوا ...


/

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

قبل صلاه العصـر بربع ساعه


نزل ماجد من غرفته وهو كاشخ ومتعطـر شافته ريووف – ياسلااااااااام وش هالكشخه


ابتسم ماجد – بنروح نخطب


طلعت عيون ريووف وفهمت غلط – بتخطـــــــب جد


ماجد – مو انا عمي بيخطب لعمـر وكلمني عشان اروح معهم ...


ريووف تبخرت حماستها وقالت بنبره عاديه – طيب الله يوفقه من بيخطب


ماجد – مدري ما سألت ما امداني الوقت من الدوام لغرفتي غيرت ونزلـت ...يالله متواعدين نصلي بمسجد حارة عمي عشان نروح كلنا سوا ..


ريووف – طيب ..


طلع ماجد من البيت بعد شوي الا مشاري نازل ومعه ندى لابسه عبايتها ... ريووف – ياعيني الحبايب بيتجمعون هونيك


مشاري – عمي بيذبحني تاخرت ماجد راح ولا لا


ريووف – توه طالع ...


ندى – ريووف امشي معنا


ريووف – لا ويـن لاصارت الملكه بنتجمع وننبسط


ندى – ياااااااااااااارب


مشاري – يالله مشينا ...


ندى – سلام


ريووف – مع السلامه ...


وصلوا بيت عمهم على اذان العصـر وسلموا وهم واقفين ..قال ابو متعب – يالله مشينا نصلي عشان نحرك للناس ..


وطلعوا كلهم ... دخلت ندى عند البتول وجود الي مستانسات مره ...


ندى – سلااااااااااااااااااااااااااام


البنات – وعليكم السلام


ندى – ماني مصدقه ان عمر بيتزوج لا ومن اروجه والله وناسه


جود – عسى الله يسهلها ويفكهم من شر ولد عمها


ندى وهي تغمز – عمر ماينخاف عليـه


جود – الله يوفقه يارب ويسعده


البتول – اللهم اميـن ... يالله ندخل داخل نتقهوى ونجلس مع عمتي


ندى – يو نسيت اسلم على امي


جود – هههههههههههههههه الله يخلف بس


ندى – يالله بس تنسون الواحد انتم كل شي


البتول - حطيها على روسنـا


ندى – ايه اكيد بحطها ياراس البلا منك لها


جود – ههههههههههههه الحمد لله والشكر


دخلن البنات عند ام بندر الي الابتسامه ماليه وجهها سلمت ندى على امها وجلست جنبها


ندى – شخبارك يمه


ام بندر – الحمد لله زينه انتي شخبارك واخبار ريوف وام ماجد


ندى – كلهم بخير الحمد لله


دق التلفون جنب ام بندر وردت عليـه – وعليك السلام ... جعله مبروك ان شاء الله ..ايه ان شاء الله ..بقول للبنات زين الله يسلمك هلا فمان الكريم


ناظرن البنات في بعض قالت جود – من ...


ام بندر – ام طارق تعزم على عرس نجوى بيكون عائلي وملزمه تجن


ناظرت جود – ماني رايحه


ام بندر – تبين تزعلين اخوك


جود – اخوي وش يزعلـه زواجها الاول وحضرته مو حلا


ام بندر لندى – عقلي اختك ياندى


ندى – مالك داعي ابو طارق بيزعل


جود طفشت على الاخيـر – والله الي بيزعل يزعل بكيفـه انا روحه ماراح اروح


البتول – من هنا ليوم زواجها يصير خير خلونا نستانس بخطبه عمـر


ندى – عين العقل ...


وقفت جود وشكلها متضايقه ندى – على وين


جود وهي تبلع غصتها – بروح المطبـخ


البتول – ليه


جود – جوعانه وبجيب لي شي أكله ...


وطلعت من الصاله ...


ناظرن البنات في بعض


قالت ندى – جوعانه ورى ماتاكل من الفطـاير الي ماليه الطاوله ..


ام بندر – تاخذ راحتها اهم شي تاكل من يوم ماتركت زوجها وحالتها النفسيه تعبانه ومهمومه


ندى – طيب وش صار على الموضوع ماجا زوجها


ام بندر – عقب جيته ذيك ماعاد ندري عنه


ندى – صدق مافيـه خير


ام بندر – الله يهديهم بس ...


ندى – اللهم اميـن!


دخلت جود المطبخ ومسحت دموعها خير صايره ما تتحمل شي ينقال لها ربطت شعرها عن وجهها وفتحت الثلاجه تحس نفسها ميته جوع ... وبدت تسوي لها ساندوتش ... وقفت الشغاله تناظر فيها وعيـونها شوي وتطلع من محاجرها ناظرتها جود – شفيك


الشغاله – مافي شي ماما


وراحت تشوف اشغالها وهي تناظر في جود بين لحظه والثانيـه حطت جود تونه وعليها خيار مخلل وجبن شيدر وشطه ...والشغاله تناظر مذهولـه ... حطت جود الساندوتش بصحن بعد ماسخنته بالمايكرويف واخذت معها كوب حليب وطلعت للصاله جلست مقابل للبنات ...ناظرن في بعض قالت البتول – وش ذا الي تاكلينه


جود – ساندوتش


البتول - عارفه انه ساندوتش اجل كبسه لحم .. بس اول مره اشوف ساندوتش كذا شكله


ناظرتها جود وهي رافعه حاجب – قطيعه تعالي ذوقي عينك فيه


ندى – ههههههههههههههه


قامت البتول وجلست جنبها عندها فضول تعرف وش مخبصه ... عطتها قطعه واكلتها صارت عيونها طالعه برا وتهف على وجهها وبسرعه قامت تشرب عصيرها الي على الطاوله جنب ندى


البتول وهي تكح ومكشره – جود وجع وش ذا الي تاكلينه وش مسويه انتي


جود – عادي تونه


البتول – مو تونه بس وش حاطه عليها ؟


جود ووجهها احمـر – مخلل خيار ... وشطه .. وجبنة شيدر ..ارتحتي


ناظرن البنات في بعض بقرف ... ندى – اللهم ادمها من نعمه ...


البتول – أي والله الله يديمها من نعمه وش هالخبايص احد ياكل كل هالاشياء سوا


جود وهي تاكل بتلذذ – يمـــــــي والله لذيذ


ندى – اسكتي والي يرحم والدينك ..


جود – انتم الي تتلقفون انا شسوي فيكم ..


ندى – ههههههههههههه من الي نشوفه


البتول – ايه والله ههههههههههه


سفهتهن جود وكملت اكلها ...



،


،


،

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

بيت ابو اريـج ...


بمجلس الرجال /


قال ابو متعب لابوها – حنا جايين نخطب بنتك الصغيره لولدنا عمـر ...


واشر ابو متعب على عمر الي جالس جنب ابو طارق ..


ابو اريج – الله يحييكم وماراح نلاقي نسب احسن من نسبكم بس لازم نشاور البنت .


ابو متعب – ايه طبعا


ابو اريج –عمر ولدنا واعرفه ونعم الرجال وسمعته وسمعت اهله مسك بين الناس انا بقوم اسالها الحين وان شاء الله مايصير الا كل خير


استانس عمر على الاقل ما ماطل وقال بنرد عليكم بعد ايام هو مو قادر يتحمل اربع جدران بلحاله كل ليله ...


كان موجود بالمجلس اخوان اريج وكانوا كثار .. طلع ابوها ياخذ رايها .. كانت اريج بالصاله جالسه مع امها وخواتها المتزوجات قال ابوها – اريج تعالي شوي انتي وامك ابيكم


قالت اختها الكبيره – اوووووه شكل السالفه فيها خطبـه مادام ناداكم بلحالكم


اختها الثانيه – ههههههههههه نفس حالتنا يوم انخطبنا


حمر وجه اريج وطلعت مع امها وبالطريق قابلت زوجه اخوها الغبيه حقرتها بنظره وراحت مع امها ..دخلن المجلس الثاني وماضيع ابوها وقـت


-اريج وانا ابوك اليوم جايك خطيب وش رايك


حمر وجهها – خطيب


وطرا عليها ولد عمها هذاكـ


قال ابوها – ولد صالح ابو صديقتك جود اسمه عمر وهو تو انتقل لجده وصار مقر عمله رجال ماعلى سمعته غبـار


قالت اريج بغصه – وش الفايده من رايي يبه اذا ولد اخوك بيجي يوم الملكه ويقلبها على راسي


ابوها بضيق – يمكن ربي يهديه هالمره ..


اريج – زين يبه انا موافقـه يكفي انه اخو جود ..


ابوها – الله يقدم الي فيه الخيـر ومبروك ..


ابتسمت اريج وطلعت من المجلس بسرعه ... قال لامها – شرايك ماسمعت حسك


ام اريج – الله يوفق هالبنيه ويفكنا من ولد اخوك


هز راسه وطلع ...


قالت زوجه اخوها لها – سمعت انك انخطبتي


اريج بدون نفس – ايه انخطبت


زوجه اخوها – وراك فرحانه طيب تاليتها بيجي عمر ويكنسل السالفه ..


رفعت اريج حاجب وسفهتها.....


طيب يا اريجوه ان ماقلبتها عليك نكد ماكون بنت ابوي قامت من الصاله وهي يالله تتحرك من كرشتها الكبيره دخلت جناحها وسكرت الباب دقت على جوال ام عمـر ولد عم اريج ..


-السلام عليك وش اخبارك


ام عمر – بخير الله يسلمك بشري مانزلتي حمولتك


قالت وهي تتنهد – لا لسى توني داخله الثامن الله يعين بس


ام عمر – الله يقومك بالسلامه


قالت بخبث – اللهم امين ماسمعتي اخر الاخبار اريج انخطبت اليوم وملكتها اكيد بعد كم يوم


ام عمر بصدمه – انخطبت لمن ومتى هالكلام


-تو الحين انخطبت لاخو صديقتها هذا الي اخذناه من الصديقات مو بعيده يكون شافها وعشان كذا جا يخطبها


ام عمر بعصبيه – مو على كيفهم ولدي يبيها وهي بنت عمه واحق فيها من الغريب


قالت تكذب – عاد ياما حاولت فيهم بس محد يطيعني اقول البنت لعمر الي مافيه مثله اثنين ومحد عطاني وجه


ام عمر – بنات هالزمن ماتربن وش فيه ولدي يوم معيه عنه حتى ابوها موافق عليه


-عاد انا سمعت انه الملكه خلال هالايام الرجال مستعجل بيتزوج


ام عمر- ليه عجل الله في اجلـه!


-عايش برا الرياض ويبي يتزوج


ام عمر بوعيـد – ايه يجيب الله مطر


وبعد ما سوت الي تبي – يالله ماطول عليـك فمان الله ...


سكرت الجوال وهي مبتسمه بتشفي والله يوم ملكه الاخت اريج بيكون يوم لاينسى وجلست تضحك!


مسكت ام عمر جوالها وتدق على ولدها ومايرد وين راح ذا ..رمت الجوال على الصوفا بقهر قال ايش تتزوج اريج وهو يبيها مابقي الا هي ....


بمجلس الرجال اتفقوا تكون الملكه بعد ماتطلع نتائج الفحوصات المعتاده للي بيتزوجون , مبــــــاشرة ..



::

 

[عــاشــقــه]

رد: °●დ رؤآيـة سـرقـتـكـ بـآلـزمـن لـحـظـه ؤعـشـتـكـ بـآلـفـرآقـ أؤقـآت °●დ

جاء عمـر مع اخوانه وعيال عمه البيت وشكلهم ناويـن يتعشون قالت جود لعمر اول مادخل – هاه بشر


عمر – وافقت وبكره بنسوي الفحوصات


جود شوي ويغمى عليها من الفرحه – ياااااااااااااااااااااي وناسه اخوي وصديقتي بيتزوجون (بعدين كئبت) يعني بتاخذها بعيد عني وبتسكنون بجده


عمر – ههههههه شرايك اخليها معك هنـا مو احسـن ..


جود – فكره حلـوه ...


عمر – يالله بس وين امي بروح ابشرها ..


جود – بالصاله مع ندوش


عمر – ندوش هنا على بالي مشاري جاي بلحاله


جود – شكلك ماجبت خبرها تفكر بخطبتك


عمر – هههههههه يا لله بس وبعدين لحظه انام القاك تاكليـن .. اقوم القاك تاكلين ..اطلع من البيت تاكلين ..ارجع القاك تاكلين ترى شهر على هالحاله وبتنفجرين


جود وهي تتأفف – ياربي وش هالبخل الي نازل على العايلـه ..وبعدين ترى كله شبس قيمته ريال واحد ..


عمر – هههههههههههه شبس ولا مو شبس ما يلغي هالشي واقع انك صايره ماتشبعين..


عصبت جود – زين كذا ماعاد ابي اكلـه ...


عمر وهو يسحب منها الشبس – هاتي انا اكلـه ...


جت لهم ندى وهم يتناقرون – خير شفيكم


جود – شوفيه ماخذ شبسي ..


ندى – يوه المطبخ مليان روحي خذي لك واحد هذا المعرس لاحد يكلمه


عمر – شفتي الناس الي تقدر


جود – مالت على العدو ..


وراحـت المطبـخ .. بسرعه وهي تتلحطم – وش فيها لاصرت مشفوحه اكل لازم يدققون ياشين البخل بس ..


/


/


/