©«-.¸¸.-»© ¶ *رابطة المتكممات* ¶© «-.¸¸.-»© الجزء الرابع

[فنجان من الحب]

بنات انا تو انتبه علي شي انا صج توني مسويه العمليه بس قبلي وحده اعرفها حيل سوتها وكانوا حاطين لها بربيش والماي لا شربته عزكم الله ترجعه
بس انا والحمدالله كنت احاتيه صراحه ماحطو لي بربيش والماي قاعد اشربه عادي ما ارجع بس اللبن احس معدتي اطلع اصوات من اشربه وما اكثر منه صايره وعصير التفاح كرهته بس مرات اتغصب عليه عشان اغير للحين مابديت بالشوربات اخاف تكون ثقيله او تتوسع معدتي

 

[ســكــر]

"يارب اضعف" موضوع ثبات الوزن عادي جدا والكل مر فيه وانا سويت العملية ب 22/11 اول اسبوعين تقريبا ضعفت 14 كيلو ووزني ثابت للحين طبيعة الجسم لما ينزل مره وحده يبتدي يقاوم فيثبت لكن لما تستمرين على النظام الغذائي والرياضه برجع بنزل بس بتفرق من جسم للتاني ناس بيوقف اسبوع وناس شهر وفي اكثر حسب كل جسم بس خليكي بنفس حماسك واستمري

اختي " فنجان من الحب " موضوع البربيش ما اله علاقه بشرب المي او الترجيع انا حطولي البربيش وتوهقت فيه وقعدت اسبوع بالمستشفى البربيش يحطونه علشان يطلع السوائل والدم الي بتجمع بتجويف البطن وانا كان يجمع عندي دم وايد والمفروض يوم عن يوم يقل انا كان يزيد والدكتور قالي ان عندي شحوم وايد ع البطن ممكن تكون قاعده تذوب وتطلع من البربيش ، وبالنسبة لشرب المي مو الكل يتقبله وفي ناس تقعد فتره اشهر ما تتقبل المي وفعلا انا كنت احسها ثقيله على المعده مو متل العصير ، يعني لا تقارني حالك بغيرك كل جسم يختلف خلي المي بايدك كل 5 دقايق او 10 خذي رشفه صغيرة وشوي شوي بتصير عادي ، والاصوات الي تطلع من معدتك هاي كلها غازات وطبيعي لا تحاتي ولما تبتدي بمرحلة السوائل الاثقل شوي اولها بتتعبي طبيعي وبعدين بيصير عادي بس حاولي تقللي الكمية انا بالبداية كنت يا دوب 3-4 ملاعق الحين اقدر اكل اكتر وصارلي يومين مخربطه بس بحاول اني ارجع التزم اخاف معدتي تتوسع زي ما قلتي بس افضل شي تكثري من شرب الماي لانها تملى المعده وقت ما تيجي تاكلين ما تقدرين حتى لو اشتهيتي الاكل ، وان شاء الله فالنا كلنا الرشاقه والمنتدى فرصه كبيرة انه انشجع بعض ونوصل للوزن المثالي ان شاء الله

 

[يارب اضعف]

تسلميلي يا سكر
بس غريبه هالثبات يعني توني قلت بسم الله ببتدي يثبت والقهر حتي الغرام وربي مايتحرك تخيلي ثابت على الصفر

 

[فنجان من الحب]

حبيبتي سكر ماتقصرين شكرا علي ردج

 

[ســكــر]

ربي يسلمكم ان شاء الله الكل بستفيد ونضعف على خير


معاكي حق بموضوع ثبات الوزن انا انقهرت حدي لما ثبت وزني وصرت كل يوم اوقف ع الميزان بعدين فكرت ان بهالطريقه نفسيتي حتتعب وما حسوي شي حق روحي والي سويناه بنفسنا بسنين ما حيروح بشهر و 2 وبديت امشي كل يوم ساعه صارلي تقريبا اسبوع والوزن بعده ثابت ان شاء الله حشترك بنادي الاسبوع الجاي وما حتوزن غير كل شهر او اسبوعين على الاقل
الدكتور قالي النزول تدريجي بمعدل 5-7 كيلو بالشهر

ويا رب خير :yaaaaaarb:

 

[صاحبة الاميرات]

السلام عليكم رجاء ابي منكم مساعده انا وزني 136 طلبت تكميم الدكتور صار يخرع فيني يقول التسرب يعني الموت فشل العمليه والموت وارد ونا تراها بتندمين وبتكوني كلا مريضه ودايخه وكلا حبوب وحياتك بتكون ناقصه ونا تعبت من وزنييييييييييييييييييي حاولت الف محاوله افشلللللللللللللل تكفون طمنوني

 

[ســكــر]

حبيبتي " صاحبة الأميرات " كلام الدكتور صح وهو لازم يقول هالكلام ويوضحلك كل المخاطر عشان يبرئ ذمته وانا دكتوري قالي نفس الكلام وقالي انه ما يحب يسوي هالعمليات بس لما يشوف اقبال الناس عليها والنتيجه الي بوصلولها والكل كسب صحته ووزنه بتشجع انه يعملها

حبيبتي القرار بالاول وبالاخر الك ما بيصير غير الي ربنا كاتبه النا سواء كان بسبب العملية او لا ، العملية الحين صارت سهله وكتير بيسووها بس بالنسبة لأوزاننا مافي حل غير موضوع العملية خاصة ان الواحد تعب مع الرجيمات والأدوية انا بنصحك فيها ، فكري بكل سلبيات السمنه صعوبة الحركه والامراض المصاحبة للسمنه ، وانك ما تقدرين تلبسين الي نفسك فيك ، حتى الشكل السمنه تعطي عمر اكبر ب 10 سنين ، الضغط النفسي والالم الي تحسين فيه لو فكرتي بكل هاي المواضيع وحطيتي مخاطر العملية الي ممكن تصير بنسبة 1% حتلاقي ان الم العملية اخف بكتير من الالم الي تحسين فيه الحين ، بس لازم تحطين ببالك ان بعد العملية لازم تمشي على النظام الغذائي وتلتزمين فيه ورياضه بعد يعني كانك مسوية رجيم بس الفرق انه لو فكرتي تاكلي المعده ما تتحمل وترجعين ومو كل الناس شذي كل جسم يفرق انا اقدر اكل عادي والحمد لله مافي تعب او ترجيع بس بحاول اني التزم لان فرصه كبيرة الواحد ينزل وزنه ويكسب صحته توكلي على الله واستخيري وربنا يقدملك الي فيه الخير وان شاء الله بنباركلك لما تنضمي لقائمة المتكممات

 

[يارب اضعف]

مشكوره حبيبتي سكر على تعاونج والله يوفقج ويوقنا ونوصل للوزن اللى نبيه بصحه وعافيه يارب

 

[جيّوريّن]

مساء الخير ع الجميع

وعساكم توصولون للوزن اللي تبون وانتو بصحه وسلامه


توني جديده بِالمنتدى وشجعني هالموضوع اسجل
محتاااااااااااره حيل بموضوع العملية

بس من شفت طلع عندي مشاكل بركبتي وانا بهالعمر خفت
سويت دايت اكثر من مره اخرها نزلت من 118 لـ 94 تقريبا
ورديت فوق وزني 120

ومافي بالي الا العملية .. بس الخوف وارد

 

[يارب اضعف]

جيورين حبيبي استخيري هذا اهم شي
واذا تبين تعرفين شعورى مع العمليه بصراحه اذا حلمج الرشاقه سويها لنها بصراحه وايد زينه للى مايرومون يقاومون الاكل مثلي تخيلي الحين ناسيه كيف كنت اكل قبل هي بصراحه بتجبرج تنسين الاكل بهمجيه
بس ترى بتتعبين ف البدايه من ناحية النفسيه يوم يكون فخاطرج تاكلين شي وماترومين تاكلينه انا بعدني ماكملت شهر بس احس اني بديت اتعود على هالشعور

 

[النوالنو]

كنت متحمسه اسويه بس الالم لي اشوفه بخالتي كرهت اني اسويه حتي الصلاه ماتقدر والغازات لو تشرب ماي تقعد عشر دقايق غازات مدري كم يوم وتروح الالم ابسال بنات ابر السيوله كم يوم يعطونكم والخروج عادي بنات لونه اخضر قلت لخالتي مالي الا الله ثم انتم

 

[جيّوريّن]

جيورين حبيبي استخيري هذا اهم شي
واذا تبين تعرفين شعورى مع العمليه بصراحه اذا حلمج الرشاقه سويها لنها بصراحه وايد زينه للى مايرومون يقاومون الاكل مثلي تخيلي الحين ناسيه كيف كنت اكل قبل هي بصراحه بتجبرج تنسين الاكل بهمجيه
بس ترى بتتعبين ف البدايه من ناحية النفسيه يوم يكون فخاطرج تاكلين شي وماترومين تاكلينه انا بعدني ماكملت شهر بس احس اني بديت اتعود على هالشعور

الحمد لله استخرت .. بس بعد يقولون كل يوم صلي لين يحددون الموعد
قدمت اوراقي وقالو بيتصلون فيني هالاسبوع ع اساس التحاليل وكذا

انا مو بس افكر بالرشاقة مع انه حلم ..
بس ركبتي هي خلتني افكر في هالحل ..

وان شاء الله من يتحدد الموعد بخبركم
متابعه لكم وبقوووه

وانتِ كيف ويآ العملية
وشنو التسريب اللي اقرا عنه ؟!

 

[ســكــر]

ان شاء الله حبيبتي " جيورين " يحطولك موعد قريب وتساويها وترتاحي راح تكسبي صحتك ورشاقتك وانا مثلك بالنسبة لموضوع الم الركبة بس الحمد لله وايد افرق معي مع ان لسه وزني كبير 118 بس حاسه جسمي اخف وصرت اقدر اسوي تمرينات ما كنت اقدر اسويها قبل لان اقدر احمل شوي على ركبي وانتي بعد ان شاء الله راح تحسين من اول شهر بفرق بكل شي

موضوع التسريب ممكن حدوثه بنسبة 1% لا قدر الله في تسريب بسيط وتسريب يكون اكبر في الحالتين انه بيكون الدكتور مو مدبس المعده عدل او في مكان مفتوح فأي شي تاكلينه يتطلع بره المعدة في حالة البسيط بيسوون منظار وبيسكرون مكان العملية بس لا قدر الله في حالة التسريب الأكبر يدخلون بايب من الفم علشان يسحب السوائل الي بتتسرب وهاد ياخذ وقت طويل ونوم بالمستشفى من اسبوعين ل 3 حسب الحالة ادري الموضوع حده يخوف بس الحمد لله الحين صار في خبرة بالعملية وفي حماية الدباسات يستخدمونها وقت العملية وهي مثل اللزق القوي بتحط عليه الدبابيس فتكون المعدة مدبسة وتلتصق بنفس الوقت وفي احيانا كتير لو جدار المعدة سميك الدكاتره يستغنون عنها ويخيطون المعدة بعد التدبيس ،،، وراح يسوون لك اشعة تسريب تاني يوم العملية .

والتسريب يبين من اول يوم لشهر ( الاعراض : ارتفاع بدرجة الحراره ، ارتفاع الضغط ، تسارع نبضات القلب ) يعني بعد العملية لازم تلتزمين بكلام دكتور التغذية ولا تزيدين بكمية السوائل وتوقفين اكل مجرد ما تحسين بالشبع ، ان شاء الله اكون وضحتلك الصورة ولو اي حد من البنات عنده معلومات اكثر ان شاء الله بفيدونك ، وفالك الصحة والرشاقه حبيبتي

 

[ســكــر]

النوالنو

حبيبتي موضوع الغازات هاد طبيعي جدا ومافي اي مشاكل بس بعد فترة يروح لكن تختلف من جسم للتاني موضوع العملية مو قرار سهل وفيه تعب ودام اخذت القرار وسوتها لازم شوي خالتك تتحمل وان شاء الله سهالات وتعدي المرحله هاي على خير وبعدها راح ترتاح ولما تحس بفرق بصحتها راح تنسى كل التعب ان شاء الله

وبالنسبة لابرة السيولة انا قعدت بالمستشفى اسبوع كل يوم كانوا يعطوني ابرة السيولة ولما طلعت من المستشفى اعطوني 4 ابر كمان ، وموضوع الخروج ايه يكون لونه اخضر كم يوم وبعدين يصير عادي طبيعي

حبيبتي اذا ما قدرتي تسوي رجيم توكلي على الله وسويها انا بشجعك على العملية كتيــــــــــــــــــــــــــر

 

[يارب اضعف]

بنات كم معدل مزولكم ف الاسبوع وشو الاكل اللى تاكلونه
انا نزلت كيلوين بعد ثبات مميت اخاف انه اكلى اللى يأثر على نزولى

 

[ســكــر]

" يا رب أضعف " كيف حالك يا قمر

تقريبا انا صار معي مثلك وقف وزني والحين تحرك الميزان والحمد لله بعد ما بلشت العب رياضه

انا دكتورة التغذيه قالتلي اول شهر ممكن تنزلين معدل 15 كيلو وبعدها الوزن يوقف طبيعي وعادي جدا وبعدها يرد ينزل اكيد الاكل يأثر على معدل النزول وعلى ان المعده ممكن تتوسع فديري بالك والتزمي بنظامك

بالنسبة لنظامي اول اسبوعين كان سوائل صافية بدون ملح او بهار والكمية كانت 125 ملل وعصير بس اخففه بالمي واعشاب من الساعه 8 الصبح ل 10 بالليل كل ساعتين وجبه والعصير كمان بعد تخفيفه 125 ملل

انا الحين بالمرحلة التانية اسبوعين الشوربات الاتقل انا بصراحه قعدت يومين خربطت شوي وبعدها رجعت التزمت ومركزه اكثر شي على الماي ،،،، الصبح اشرب استكانة حليب قليل الدسم وبعدها بساعتين او 3 كوب عصير وبعدها بساعتين شوربة ( عدس ، خضار ، جريش ، مرق لحم او دجاج ) والكمية ماتزيد عن 6 معالق وبعدها رياضه ولما اروح البيت ممكن كوب عصير واحيانا ملعقة او 2 كريم كراميل اذا حبيت اكل شي حلو وهو مسموحلي والكاسترد والمهلبية كمان واللبن بس ما احبه ،، والمي طبعا على طول و احس حالي شبعت والحمد لله صارلي اسبوع كتير ومرتاحه كتير والميزان بس شفت انه بدا يتحرك شوي خلص شلته من بالي راح اتوزن كل شهر على الاقل بتشوفين نفسك نازل وبتتشجعي انا دكتوري قال معدل النزول بيكون تدريجي يعني من 5-7 كيلو بالشهر

 

[يارب اضعف]

مشكوره فديتج يا احلا سكره
ادرى تعبتج بأسألتى بس بعد عندي سؤال محرج شوي
يعني بديت الاحظ ان فيه ريحه
مب حلوه ف حلجى مع اني ماغيرت في تنضيفهم هالشي مع الكل ولا يبالي روحه للدكتوره

 

[ســكــر]

ولا يهمك حبيبتي اي شي تبينه انا حاضره ،،، احنا هني حتى نشجع بعض ونرد ع بعض

انا ما صار معي هالشي للأسف حبيبتي ما اقدر افيدج بس ممكن من طبيعة الاكل يعني انا لما اشرب حليب احس في ريحة لحلجي بس مو دايما ان شاء الله الي مرت بشي مثلك تفيدك

 

[ســكــر]

بنات وينكم شخباركم ، وشلون التكميم معاكم أشوف في كتير بنات غابوا عن الساحه خلنا نشوف ارائكم وتجاربكم ونرجع نتواصل اكثر بعد

 

[توحه1]

السلام عليكم
حابه اعرف عند منو تنصحون اسويها ((دكتور بمستشفى الحكومه ))
وكم تكلف بالحكومه
انا وزني ٩٣ وطولي ١٥٩
وكثافة جسمي ٣٩
وشكثر يطول المواعيد