©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[ام عيالي]

مشكوره حبيبتي يزاج الله خير
ماقصرتي والله احرجتوني بردودكم وان شالله هالحجي بميزان حسناتكم
والله شجعتوني بنات الله يوفجكم

 

[الريم30]

ام عيااااالي طنشيً مافيجً غير العافيه انا كابيه روحي بالبيت مالي خلق اطلع ولا امشي ليش مادريً بس اضحك واسولفً وعذاب بالاكلً ولا بروتين وفيتامينات مالي خلق ولا الي خلق الجامعه بس قاعده بالبيت جني بالهولً هههههههههههه حبيبتي انتي تعوذيً من الشيطان

 

[badlya]

السلام عليكم بنااااات

طبعا انا ماسويت العمليه ولا شي ولا افكر اسويها

بس حبيت احذركم من الدكتور جارالله

مرت خالي توها قبل شهرين مسوية العمليه عنده وتوفت قبل اسبوع من بعد ماسوتها تعبت حيل حيل الله يرحمها وكنا نلاحظ هالشي فيها لما ماتت

انا مابي شي بس حبيت احذركم من هالدكتور لانه مرت خالي رابع حاله تموت عنده بعد العمليه والتحاليل وكل شي اثبتت انها توفت الله يرحمها من العمليه الله يرحمها
حبيت اكتب لكم علشان الي تبي تسويها ماتفكر تسويها عنده

الله يوفقكم يارب
وسامحوني على الازعااااااااج
وياريت تحذرون الي بتسويها عنده
ومشكوووورين

اختى شتقولين هذا الدكتور محمدالجارالله مو اى دكتور دخلى عيادته وشوفى المراجعين عنده لو كلامج صج ما يخفى بالكويت
انا سويتها عنده وما تخيلت العمليه بهلسهاله ومراجعتى الدوريه عنده لا وبعد نزول الوزن سويت عملية شد تبارك الرحمان خيال تسلم ايده فنان صج شديت بطنى وايدى كل الاطباءالى راجعتهم لشفط الدهون والحقن وشافو العمليه يمدحونها وخاصه انى كنت 114 كيلو ونزلت بفضل الله ثم االدكتور الى 58 ك
( وطول الفتره هذه وخلال المراجعه نكون المراجعين مثل المنتدى نتناقش عن تجاربنا والمواقف الى مرينا فيها خلال العمليه ) ولا مره اى مريض اشتكى من الدكتور الا بامور عاديه معتاده ممكن لاى مريض يمر فيها
بصراحه الكويت مليانه بالدكاتره لكن مثل الدكتور محمد الجارالله ما يتطوف لانه مبدع وخبره مو انا اقول هذا لكن شهاداته والجوائز العالميه تشهد له والمراجعين فى عيادته وطرق اجراء العمليات عنده محد يسويها غيره وهو اشهر من نار على علم مو محتاج شهادتى

 

[نورة سعد]

سما انا وانت مع بعض ؛)

يللا نشوف من يخس اكثر

بالنسبة لام عيالي تعاطفت معها كثير بس بقولك أشياء عملية ممكن تخفف حدة كلام اهلك وزوجك

اولا : تبلغينهم بلهجة قوية انا عملت العملية وخلاص كلامكم لزوجي ولي هذا تحطيم لا راح يقدم ولا يأخر
ثانيا : خففي زياراتك لأهلك او اي مصدر يضايقك
ثالثاً: زوجك غيري نمط حياتك او حديثك معاه ، بمعنى آخر لهيّه عن العملية حاكيه بمواضيع يحبها وبالنسبة انه يهدد لو صغرت المناطق هذيك عمره ماراح يحس الرجال ما يهتمون بالتفاصيل قد ما يهتمون بالشكل العام ..



وأخيرا : ادعي دائما ان الله يلهمك الصبر والحكمة ..


وفالنا الرشاقة يارب .

 

[badlya]

منو غير الشرهان يسووي حق الأوزان اللي مو أوفر. لأن الشرهان مو مهم عنده المنظار قبل العمليه وآنا وحده أخاف. أجازف

بس مهم المنظار لان يكتشف الدكتور وضع المعده من الداخل ( اعرف وحده اكتشف الدكتور قرحه -او تليف ) حتى يعالجه قبل العمليه
الدكتور محمدالجارالله يحرص على المنظار حتى ما يصير للمريض اى مضاعفات بعد العمليه
انا ماادرى ليش يخافون من المنظار مع انه سهل وبسيط ماياخذ اكثر من 5دقايق ولا يعور وعقب نص ساعه يصحى ويدخل على الدكتو يساله عن النتيجه ويحدد الموعد

 

[تعبت من الرجيم]

بس مهم المنظار لان يكتشف الدكتور وضع المعده من الداخل ( اعرف وحده اكتشف الدكتور قرحه -او تليف ) حتى يعالجه قبل العمليه
الدكتور محمدالجارالله يحرص على المنظار حتى ما يصير للمريض اى مضاعفات بعد العمليه
انا ماادرى ليش يخافون من المنظار مع انه سهل وبسيط ماياخذ اكثر من 5دقايق ولا يعور وعقب نص ساعه يصحى ويدخل على الدكتو يساله عن النتيجه ويحدد الموعد

حتي انا قالي لازم تسوين منظار،،
وانا مسويه منظار قبل وكان معاي قرحه بالمعده وان شالله انها راحت :eh_s(16):

 

[om-3abodey]

ادعو لي اليوم بدخل المستشفى امااانة لاتنسوني بدعائكم

 

[تعبت من الرجيم]

ام عبودي،،
ربي يسهل عليج عملييييييتج وييسرها ان شالله وتنجح ،،
وان شالله تتشافين وتضعفين بالعافيه يارب

 

[badlya]

بعد نجاح الجزء الاول , و الثاني من رابطة المتكممات
الجزء الاول


http://www.q8yat.com/t716397.html

الجزء الثاني

http://www.q8yat.com/t855228.html

يسرنا افتتاج الجزء الثالث من رابطة المتكممات لمشاركة اهم الامور والتساؤلات الخاصة بعملية تكميم المعده وذلك لتعم الفائده للجميع باذن الله




وياريت نبدا بتعبة اهم البيانت مثل:
الاسم:الطول:الوزن قبل العملية:معدل النزول والمدة :تاريخ اجراء العملية :15التكلفة :النتائج الايجابية


ملاحظه هامه
لوحظ بالاجزاء السابقه وجود العديد من الاحاديث الجانبيه والخروج عن محتوى الموضوع والهدف الاساسي من انشائه!!
لذا الرجاء اتباع قوانين المنتدى والالتزام بمحتوى الموضوع حتى لا يتعرض لموضوع للاغلاق
نرجو تعاونكم

والان نترك لكم متعة المشاركه والفائده ان شاءالله

الاسم badlya الطول : 158
الوزن: 90
تاريخ العمليه :15\1\2011
معدل النزول : 32ك
اسم الدكتور :محمدالجارالله
السلبيات : تساقط الشعر - نقص فيتامين
الايجابيات : نزول الوزن والرشاقه

 

[تيناا]

ام عبودي الله يسهل عليج يارب و ان شاء الله تقومين بالسلامه

 

[om-3abodey]

حياتي ماقصرتي الله العالم خايفه الحين بودي اعيالي عند امي عيني ادمع

 

[om-3abodey]

بنات شنو محتارة للحين اسوي الي بفتحه او اربع

 

[تعبت من الرجيم]

الاسم badlya الطول : 158
الوزن: 90
تاريخ العمليه :15\1\2011
معدل النزول : 32ك
اسم الدكتور :محمدالجارالله
السلبيات : تساقط الشعر - نقص فيتامين
الايجابيات : نزول الوزن والرشاقه

مشااااالله نفس وزني وطولي

بس انا ماسويتها وحاجزه عند الجارالله وككنت متردده وبعدين البنك مارضي يعطيني قرض:eh_s(11):

بس شجعتيييييني خلااص

 

[تعبت من الرجيم]

بنات شنو محتارة للحين اسوي الي بفتحه او اربع

سالي دكتورج
اناا دكتوري قالي الي بفتحه وحده اقل الم

 

[ام عيالي]

نوره حبيبتي هلابج
مشكوره علا كلامج وصج لازم اخفف مو رازه ويهي اربع وعشرين ساعه لان كل ما اروح ارجع متحطمه وبجي وهواش مع زوجي يعني عذاب
وبالنسبه ان الرياييل ما بهتمون للتفاصيل ابشرج انه عندي زوج ايفصفصج تفصفص دقييييييييق قبل ما اطلع اول ما اطلع اول شي ايجيك عليه لابسه ستيان فيه خط ولا عادي عل قلبي انه متزوحه واحد عسسسسسسر الله يهديه
يارب ادعولي الله يفرج علي ويرحمني برحمته

 

[om-3abodey]

بنات حدي خايفه اروح المستشفى قاعدة للحيني ابوس باعيالي

 

[om-3abodey]

ام اعيالي حبيبتي هونيها وتهون
كلها فترة وبتعدي وبتضعفين ويتغير جسمج وبتلبسين ملابس وقمصان حق ريلج بتغيره 180درجة
بس تصبري ياقلبي واقري سورة البقرة لاتخلين بيومج وقت فراغ حاولي تشغلين نفسج لا يغير الله مابقوم حتى يغيروا ما بانفسهم اذا تبين ريلج يتغير فغيري من نفسج

 

[صعب*المنال*]

ام عبودي الله يقومج بالسلامه اقري ايات والله يسهل ويسر امرج وتبشرينا بقومتج بالسلامه

 

[صعب*المنال*]

سوي ام اربع فتحات احسن من السر يتروالي انا مسويه ام اربع ماشاالله تبارك الرحمن ولاجني مسويه مع اني ماكملت الشهر جنهم شموخ صغار

 

[om-3abodey]

صج تصدقين احمد الشرهان يقول ان الي 4شكلهم يصير موحلو ويبين انا عادي موفارق معاي معاي الحساب بس ابي الاحسن