الللللللله ياسما
يارب بحفضج ويرضى عليج ويحققلج امتياتج ويهديلج زوجج يااااارب ياحنان يامنتن يابديع السماوات والارض
امبيه بجيتيني احسج حسيتي فيني انه محد راضي يحس بلي احس فيه تصوري حتا اهلي لما اشكي لاحد منهم يتطنزون علي يقولون اييييه قانالج لا تسوينها ماطعتي وبعد يامالج من التعب والدوخه وايقولون انج جذي بتظلين مو طبيعيه طول عمرج
والاه كلامج ربحني جان زين اسمع هالكلام علا طول
يارب بحفضج ويعطيج علا نيتج
انتب ريحتيني بكلامج صعب الانسان يلاقي كل الي حوالينه ايحبطونه اهل وزوج وكل الناس
احبااااط والله
بس كلامج ماشالله رفع من معنوياتي وعطاني حافز ولازم اجرب الي قلتيه عن الزوج لان هالموضوع امتعبني وايد اهو اساسا من زمان طبعه صعب صعب اصلا قبل ما ادخل العمليات قالي حطي في بالج اذا بتسوين العمليه وجسمج ينزل ويبقا صدرج ومؤخرتج كبار يعني انتي امسويتها متعمده عشان جذي راح اطلقج
تخيلي شنو حسيت وقتها
ساعات ايقط الحجي من غير ما يثمنه وما يدري ان هالحجي ذبحني وطعني فيه
المشكله بحياتي اني حساااااااسه زياااااده عن اللزوم انه تعبانه من هالشي
بس علا قولتج والله راح اسفه او بالاحرا احاول اني اسفه واخلبه ايولي هاليومين قاعده اعود نفسي اني ما اهتم فيه ولا ابي اغار عليه ولا حتا ابي اظحك بويهه
والزواره انه مابي اروح كل ما يشوفوني يرددون نفس الكلام وكل واحد ووحده يضرب مثل عن واحد عمليته افشلت وواحد مات وواحد صارتله مظاعفات وراح يعالج بره و. و. و. وتعالي سمعي الحجي انه مستغربه شنو صار ليش يسوون جذي هذول واهم اهلي امي وابوي واخواني مو غرب انه هالشي كاسرني وزوجي جم مره يكلمونه يقولونله انت غلطان سويتلها العمليه هاذي مو صاحيه ومن هالحجي واهو يعايرني بهالشي كل يوم يقول هذيل اهل
بس لا لا لا خلاق مالي شغل باحد وراح استانس وافرح حتا لو زوجي طلقني بعيش حيات يديده ما ابي اتعب خلاص
ابي اضعب والبس واكشخ ونفسيتي تتعدل اهم كلهم ايحاربوني نفسيه كل واحد فيهم يبي يأكدلي ان رايه كان صح وانه بينهم الي غلط بي لا خلاص مابي اسمع او اهتم لكلام احد
مادري مايد قرقت يمكن قلت كلام مو لازم اقوله بس تكفون كلكم ادعولي وخصوصا احنر الحين بالايام العشر ذي الحجه الله يعودها علينا بالصحت والعافيه والستر يااارب العالمين
ومره ثانيه سما حبيبتي مشكوره وعسى كلامج في ميزان حسناتج
حبيبتي انتي ام عيالي
جزاج الله خير على دعواتج الطيبة ولج مثلها يا رب
خليني اقول لج شغله ,
ترى الاهل من خوفهم عليج قالوا لج لا تسوين العملية
ولانهم متضايقين من حالتج اللي الحين انتي فيها واتشكين لهم
قاموا يلومون نفسهم وحتى زوجج لانهم ما قدروا يمنعونج عنها
اولا هم وحتى زوجج ,
ما يعرفون العملية كثر ما انتي تعرفين عنها
يسمعون فقط الاخبار السيئة اللي تتناقل بالاحاديث
وماعندهم احد قريب ويعرفونه شخصيا سواها ونجحت ,
عشان جذي هم خايفين لان معلوماتهم بسيطه
اما انتي ف ما شاء الله عليج اخذتي معلومات عن العلمية
وقررتي انج تسوينها .. لا تلومينهم هم ما يملكون معلوماتج
يعني ما راح يفكرون مثل تفكيرج
انتي خليج واثقة من نفسج وتأكدي ان هالقرار أهم قرار
اتخذتيه في حياتج
وترى هالقرار يدل على انج قوية الشخصية
لا تخلينهم يأثرون عليج , ويشككونج بنفسج
خليج مثل ما انتي عارفه وفاهمة طبيعة الوضع اللي انتي فيه
ومتاكدة ان هالشي لصالحج بالنهاية
هم ما راح يبذلون جهد عشان يعرفون ويبحثون عن العملية
لانها ما تعنيهم ولا تهمهم .. لانهم ما شالوا العشرات من الكيلوات
على جبودهم وقلوبهم ولا ثقلت عليهم هالدهون وتعبتهم
وتعبت صحتهم من الداخل والخارج
فـ مثل ما قلت لج ,
خليج انتي القوية .. ودافعي عن قرارج اللي اخذتيه
وهو الصح باذن الله ... لان 99% من اللي سوى العملية نجحت
ولا ندموا على هالقرار
انتي الحين فهمتي طبيعة الجسم وطريقة تخلص الدهون
منه .. وانه يبي له وقت بسيط نوعا ما , بالكثير شهرين - 3
يعني عقلج الحين ارتاح من فكرة فشل العملية , ممتاز
ارتاحي وافرحي انج ولله الحمد عديتي اهم مرحلة
من العملية واللي هي الشهر الاول وباذن الله تعدين الثاني
وتنتهين من الخطورة بالكامل
وونسي نفسج اذا تحبين تقرين روحي معرض الكتاب اشتري لج
كم كتاب
واذا تحبين تسوقين روحي وشوفي الملابس وتخيلي نفسج
لما تضعفين , وروحي سوي لج جلسه سبا مساج واسترخي
بس قولي لهم لا يمسجون صوب بطنج عشان العلمية
الدكتور قال فوق الشهرين اعتقد مادري الثلاث شهور مساج البطن
والله ترى المساج يريح الاعصاب
واهلج لا تشكين لهم ترى تزيدين خوفهم عليج وطريقتهم الجافة بلومج
ولا حتى زوجج لا تشكين لاحد
اصلا انتي من الحين فهمتي وعرفتي الوضع
يعني باذن الله ما راح يكون عندج تعب او ضيقة .. مثل ما اتفقنا
و باذن الله ما راح اصلا اتشكين لانج طيبة وبخير ومستمتعة
وناطرة ولادتج على احر من الجمر
طبعا مثل ما قلنا .. ولادتج لنفسج بالانسانة الجديدة الرشيقة
القوية اللي اتخذت اهم قرار واشجع قرار
لو غيرها من اهلها او زوجها ما كانوا اتخذوه وخافوا
الحمل 9 شهور صح ؟
انتي بتحملين بنفسج 3 شهور شرايج؟ مو شوية؟
اي ابتسمي وافرحي :eh_s(7):
طنشيهم كلهم وانتظري بفرح ولادتج
نامي بكير واصحي بكير عشان الوقت يمر بسرعة
انا اسوي جذي بس صار لي يومين اسهر
وهالله هالله بالطلعة .. ترى تضيع الوقت ,
ولو تروحين للزواره هالاسبوع وتبينين انج مستانسة لانج نزلتي
واتكشخين ترى حيل بيتغير الوضع بالنسبة لهم
خلج قوية وواثقة وفرحانة وخليهم يسكتون .. اصدميهم
