©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[سـما]

:eh_s(9):
مرحباً حبايبي واخيرا انضميت لكم فرحة لاتوصف :eh_s(15):

الاسم : صعب المنال
الوزن قبل العمليه:85
دكتوري الرائع : خالد العنزي
تاريخ العمليه : الخميس
6/10/2011
مستشفي السيف
السعر 2700

بصراحة ولله الحمد التعب مقدور عليه والالام بعد العمليه ماحسيت بولا الم بفضل المسكنات والعنايه

طبعا يمكن تقولون وزني مايحتاج بس رجيم انا تعبت من الرجيم وفيني الالام بالمفاصل واكتئاب من السمنه صارت هاجس عندي لاني كنت ضعيفه قبل وبعد الحمل والولاده كل مانزل وزني يرد كل شي جربت مشي نادي دكاتره رجيم وجبات بس الحل مؤقت ويرد لاني اموت علي الكاكاو


انا حاليا برجيم السوائل واليوم موعدي مع الدكتور يشيل اللزقات

اشجع اللي محتاجه وماثره عليها السمنه تسويهاااا وتصبر بعد العمليه لانه يبيلها صبرررر وجهد عشان نضعف بصحة وعافيه

ترا احس بالالام باللبلع الماي والعصير واصوات البطن الخ بس بسيط بالنسبه لي الام مفاصلي الله لا يوريكم


اخيرا تقبلوني بالرابطه
اختكم صعب المنال

*​

الحمدلله على سلامتج
وغدى الشر ان شاء الله

الله يكتب لج ولنا الرشاقة والصحة والسعادة
طولج جم ؟

 

[سـما]

سما حبيبتي


والله هالدوخه هالجم يوم وحاولي تمشين يصحصحج والله

ولاتدلعين وايد :bbbiu: شدعوه الدواء غمضي عيونج وشربيه ترا اهوا اللي يهدي المعده ونصيحه التزمي بالبروتين يعطيج نشاط صج طعمه قوي شوي انا ازيده ماي واشربه



صدقيني الايام بتركض وننسا هالالام



تصدقين انا عندي الالام الولاده الطبيعه اقوا من هالعمليه طبعا انا وحده اولد من غير كمام ولا ابره ولا خرابيط اقيس الالام العمليه بالولاده والطلق وايد ارحم مخدرين ماندري عن شي



بس انا قعدت من البنج ارجف من البرد ولقيت حاطين تحت منفاخين تدفئه واقول دكتور بردانه جان ارد واخدر جنه عطاني ابره تهدئه ماذكر وبعدها لقين تفسي بغرفتي




جني قعدت من حلم
عموما حمدالله ع سلامة الجميع

حبيبتي الله كريم
ومتوكلين عليه
الله يرحمنا برحمته ويرضى عنا

الله يسلمج

 

[صعب*المنال*]

تعوذي من ابليس وماكو الا العافيه انشاء الله

واكلي شوي شوي تدرين مفروض تخلصين وجبتج خلال ساعه مو ب10 دقايق تكون خالصه اي شي تشربينه او تاكلينه لازم شوي شوي علشان المعده لاتتعب ولا تحسين بالعوار ترا انا مثلج من اكل احس بعوار قمت اكل شوي شوي البطاط المهروس ومن احس بدا يعور على طول اهد الأكل

وطبيعي الوزن واقف حتى أنا وهالشي متوقعته لأنه الدكتور قالي إنه بيوقف وعقب الشهر لما تبتدين نظام الأكل راح ينزل وزنج لا تحاتين

وبالعكس لازم تكونين مستانسه انج سويتي العمليه علشان عمليتج تنجح وعليج بالرياضه والمشي

آنا صارلي جم يوم مارحت النادي والله قاعده احس بكآبه وضيقه خلق ولما ما اروح النادي احس بخمول وكله ابي انام

وانشاء الله فتره وتعدي وتستانسين بالنزول وبصحه وعافية

صح كلامج q8 new style :rerrerek:

انا نفسج كنت احط الايباد يمي واشرب الشوربه او العصير علي ما اقرا مشاركاتكم وردودكم الا مرت ساعه الا ربع وانا مخلصة ما اضايق نفسي واحسس نفسي اني مغصوبه احاول استمتعت



امس طلعت وسقت بسيارتي مع ولدي قلت خل اطلع من المود والله نسيت نفسي واستانست خذيت بجنطتي عصير عنب وبطل ماي وكل شوي اشرب



بنات هونوها وتهون ... ترا الاكل مو كل شي وانا احسكم تعانون لانكم انحرمتوا من الاكل ترا نفسكم اول 4 ايام مريت بجذي بعدين قلت طول عمرنا ناكل شنووو ماشبعنا ذبحنا هالمعده بكل شي ساعات ناكا فوق طاقتها مع انه مو مشتهين الاكل بس نحط حرتنا بالاكل صح ولا لاء


هذي فرصه يصير لنا نظام نتعود عليه شي نحسه حلو بحياتنا مو نحسه عفسنا خلو تفكيركم ايجابي بليزززز لاتفكرون سلبي والله

البدايه تجي من طريقة التفكير ومدى تقبلنا للموضوع



والله يضعفكم بصحة وعافيه وانا وياكم


انا لي سابع وابدا امشي السبت الان الدوره شرفت رابع يوم العمليه


بنات شكثر كنتو تمشون اول اسبوع نص ساعه وازيد يعني بعدين انا سمعت المشي زين وايد بهالفتره وانا اموت عالمشي خاصة الجو الحمدالله تعدل :yaaaaaarb:

 

[صعب*المنال*]

الحمدلله على سلامتج
وغدى الشر ان شاء الله

الله يكتب لج ولنا الرشاقة والصحة والسعادة
طولج جم ؟

157 والله يسلمج يالغاليه

 

[mizyana]

شلونكم بنات انا قاعده احاتي وزني مو قاعد ينزل كلش بلشهر بس ينزل 3 كيلو مع اني صارلي اقل من 3 اشهر شسوي تعبت

 

[ام عيالي]

وانه وزني ثابت من اسبوعين وكليييييي احباط لو يتحرررررك اشوي بس انه الحين بمرحلة المهروس
المشي لازم امشي جم يعني نص ساعه تكفي

 

[Q8 New Style]

بناات المشي يعني مشي الرياضه السريع ولا العادي ؟

المشي العادي وبعدين كل زيدي سرعتج شوي شوي بس اهم شي انج تتحركين

 

[Q8 New Style]

وانه وزني ثابت من اسبوعين وكليييييي احباط لو يتحرررررك اشوي بس انه الحين بمرحلة المهروس
المشي لازم امشي جم يعني نص ساعه تكفي

لا انا الدكتور قالي ساعة وغير السباحه وانا بالنادي العب على الاجهزه تقريبا ساعتين او ساعه اجهزه وساعة سباحه

 

[سـما]

حبيباتي اللي توهم مسوين العملية من اسبوع او اقل من شهر
يمشون المشي العادي .. اول يوم عشر دقايق وبعدين زيدون .. عشر دقايق كل كم ساعة
يعني متفرقات

مو تمشون ساعة مره وحده وتعورون عمليتكم


انا صار لي اربع ايام من العملية
وامشي دقيقتين او ثلاث .. كل كم ساعة

 

[سـما]

وانه وزني ثابت من اسبوعين وكليييييي احباط لو يتحرررررك اشوي بس انه الحين بمرحلة المهروس
المشي لازم امشي جم يعني نص ساعه تكفي

شلونج اليوم ام عيالي ؟
سولفي لنا

وتفائلي

 

[ام عيالي]

والله يا سما انه الحين مابي اكتب وايد لاني متروووووووسه اكتآب ومن كثر ما اكتب حرام لبنات الي بيسوون العمليه ايدشون وينحبطون
انه اصلا قبل ما اسوي العمليه كنت احس بهالضييييجه بس كنت حاطه امل ان تكون هالعمليه مثل الحل لكل شي سلبي احس فيه بس حتا عقب العمليه تعبت واحس بضيجه مضاعفه والله ما ادري شنو يصير فيني انه حاسه ان فيني شي بس مادري شنو بالضبط

 

[سـما]

والله يا سما انه الحين مابي اكتب وايد لاني متروووووووسه اكتآب ومن كثر ما اكتب حرام لبنات الي بيسوون العمليه ايدشون وينحبطون
انه اصلا قبل ما اسوي العمليه كنت احس بهالضييييجه بس كنت حاطه امل ان تكون هالعمليه مثل الحل لكل شي سلبي احس فيه بس حتا عقب العمليه تعبت واحس بضيجه مضاعفه والله ما ادري شنو يصير فيني انه حاسه ان فيني شي بس مادري شنو بالضبط

يعني افهم من كلامج ان مشكلتج مو من العملية
انتي عبالج ان العملية حل سحري لكل مشاكلج

 

[غلاتي الكويت]

:eh_s(9):
مرحباً حبايبي واخيرا انضميت لكم فرحة لاتوصف :eh_s(15):

الاسم : صعب المنال
الوزن قبل العمليه:85
دكتوري الرائع : خالد العنزي
تاريخ العمليه : الخميس
6/10/2011
مستشفي السيف
السعر 2700

بصراحة ولله الحمد التعب مقدور عليه والالام بعد العمليه ماحسيت بولا الم بفضل المسكنات والعنايه

طبعا يمكن تقولون وزني مايحتاج بس رجيم انا تعبت من الرجيم وفيني الالام بالمفاصل واكتئاب من السمنه صارت هاجس عندي لاني كنت ضعيفه قبل وبعد الحمل والولاده كل مانزل وزني يرد كل شي جربت مشي نادي دكاتره رجيم وجبات بس الحل مؤقت ويرد لاني اموت علي الكاكاو


انا حاليا برجيم السوائل واليوم موعدي مع الدكتور يشيل اللزقات

اشجع اللي محتاجه وماثره عليها السمنه تسويهاااا وتصبر بعد العمليه لانه يبيلها صبرررر وجهد عشان نضعف بصحة وعافيه

ترا احس بالالام باللبلع الماي والعصير واصوات البطن الخ بس بسيط بالنسبه لي الام مفاصلي الله لا يوريكم


اخيرا تقبلوني بالرابطه
اختكم صعب المنال

*​

الحمدالله علي سلامتجوياااقلبي انا بعد سويتها الخميس معااج

فالنا الرشااقه يارب

انا موعدي يوم الاحد قالي تعالي عقب 10 ايام

 

[غلاتي الكويت]

سماا انا امووت علي كوكتييل كي ديدي بس مو شفاااف اخاف اشربه هالفتره

 

[ام عيالي]

قبل العمليه كنت احس نفسي متنرفزه تقريبا سنتين قبلهر لاني كنت افكر اسويها ولا لأ لما قررت اسويها وفعلا سويتها مادري ليش هالكآبه مع. ان خلاص الي شاغل بالي كان العمليه وسويتها انه الحين اشفيني مادرد ولما الوزة ثبت احذ اختنقت اكثر والدوخه امخليتني ما اتحرك علشان جذي انه قاعده اقول الي ماتتحرك ماراح تضعف احس اني يااااااءسه من هالشي

 

[love^angel]

فجوره شربيه والله عادي انا كنت اشربه ترى شفاف مو ثقيل واصلا من خامس يوم دكتور خالد خلاني اشرب حليب او لبن و روب والحمدلله ماكو الا العافيه


سما تأثرت بقصتج والله
انا سويتها عشان احمل ان شالله لنه وزني كان ٩٣ بس انا قصيره طولي ١٥٥ و عندي تكيس وضعف تبويض مع العلاج كانت تطلعلي بويضات بس الي يكبر منها ٢ او ٣ و اسوي تلقيح صناعي وماكو حمل مع اني حملت اول زواجي قبل ٣ سنوات ونص بس الله ما كتب و وقف نبض البيبي وعقبها شكثر عالجت وماكو شي .. اخرتها سويت كوي للتكيس وماكو فايده الدكتور قال لااازم تضعفين انتي لو ضعفتي كل شي بيتعدل و بتحملين بدون شي.. الحين افكر ان شالله لما اكمل ٦ شهور من العمليه ابلش اراجع بس ودي هالمره بالحكومه عشان لو احتجت انابيب يسوونها لي بصراحه ماقدر على تكاليفها بالخاص بس مو عارفه شلون الطريقه و وين ابلش وعند منو اروح
الله يزرقني و يرزق كل محرومه يارب بالتوائم الي تعوضنا السنين الي طافت و تفرح قلوبنا

 

[love^angel]

ام عيالي لا تكتأبين ولا شي
سوي تحاليل عشان الدوخه مايصير جذي قلتلج كلمي دكتورج لازم ينابعج مو بس يسوي العمليه وخلاص والله انا كل ما حسيت بشي ادق بس عشان ارتاح
سمعت ان نقص مادري اي فيتامين يسوي كآبه وجنه تاخذين ابر و يتحسن وضعج بس تأكدي احسن

بالنسبه للمشي صح اهوه مفيد و يضعف بس لا تيأسين ولا تعورين قلبج والله ان رفيجتي ما مشت كلللش مالها خلق وكاهي ماشالله بتوصل المثالي بس انتي ريحي نفسيتج مو لازم تمشين وايد الحين الجو حلو اخذي عيالج عالبحر يلعبون و امشي حتى لو ١٠ دقايق و ريحي وكل شوي كملي منها حركه ومنها تتعدل نفسيتج

 

[غلاتي الكويت]

حبيبتي ام عيالي تعوووذي من ابليس مافيج الا العاااافيه فكري بايجابيه وكل امورج بتتحسن

لوف انجل حياتي الله يرزقج يارب بدوون علاج انا وياج بس جنه ٦ شهور مبجرر تهقين حزتها الاكل راح يكون عادي ومناسب حق الحمال؟

غريبه دكتور خالد يخليكم تشربوون حليييب وروووب احسه ثقيل عالمعده

 

[love^angel]

ام عيالي لا تكتأبين ولا شي
سوي تحاليل عشان الدوخه مايصير جذي قلتلج كلمي دكتورج لازم ينابعج مو بس يسوي العمليه وخلاص والله انا كل ما حسيت بشي ادق بس عشان ارتاح
سمعت ان نقص مادري اي فيتامين يسوي كآبه وجنه تاخذين ابر و يتحسن وضعج بس تأكدي احسن

بالنسبه للمشي صح اهوه مفيد و يضعف بس لا تيأسين ولا تعورين قلبج والله ان رفيجتي ما مشت كلللش مالها خلق وكاهي ماشالله بتوصل المثالي بس انتي ريحي نفسيتج مو لازم تمشين وايد الحين الجو حلو اخذي عيالج عالبحر يلعبون و امشي حتى لو 10 دقايق و ريحي وكل شوي كملي منها حركه ومنها تتعدل نفسيتج

 

[غلاتي الكويت]

ام عيالي وين سويتيها عند اي دكتور