¨°•√♥ مشكله للمناقشه - موضوع متجدد¨°•√

[للحين ناطره]

رد: مشكله للمناقشه - موضوع متجدد

السلام عليكم بنات شلونكم؟؟؟

انا عندي مشكله وياريت تساعدوني

الله يسلمكم انا صالي سنيتن ونص متزوجه بس مشكلتي مالي خلق اذا قام ريلي يتحرش ويبي حقوقه مع اني قبل ماكنت جذي

الحين كلش مالي خلق وساعات اذا رجع باليل اسوي نفسي نايمه عشان مايصير شي

واحيانا اقول بجبر نفسي لاني مصختها وعيب وحرام واستعد بس اذا قربت ييته للبيت اهون مادري ليش

تكفون قولولي شسوي تعبت من هالوضع

حبيبتي
هالوضع اللي انتي فيه مؤقت لانج قلتي ماكنت جذي
شوفي الاسباب احيانا الوحده اتكون ماخذه موقف من ريلها وهي ماتدري واحيانا اهمال الزوج او الحياه الروتينيه
او او او وااااااايد في اشباء
وبعد حبوب منع الحمل لها تاثير واااااااايد
انتي لازم اتشوفين التغيير اللي بحياتج واثر عليج شنو
اتكنى اكون فدتج لو بالقليل

 

[عمشه المنتفشه]

رد: مشكله للمناقشه - موضوع متجدد

بعد عمري مشكوره عالرد

الله يسمع منج ويكون شي مؤقت يارب

تصدقين نبهتيني لشغله وهي حبوب المانع انا صارلي 3 اشهر استعم نوع يديد يمكن يكون هو السبب



يزاج الله كل خير

 

[غلا امي]

رد: مشكله للمناقشه - موضوع متجدد

انا بعد عندي مشكله اني احب زوجي موووت وهو بعد بس بينا فرق شاسع بالفكر يعني عمرنا مافهمنا بعض
واذا زعلت زعل وياي وماندري منو الغلطان
وهو عصبي مووت وشراره ولايعطيني مجال لتعبير عن مشاعري
ويحب ربعه والسهر مدري شسوي:0bee2e8d89:

 

[عمشه المنتفشه]

رد: مشكله للمناقشه - موضوع متجدد

علا امي انا بعد ريلي نفس ريلج يحب ربعه بشكل موطبيعي وتعالي شوفي اذادق عليه واحد ربعه شوي وياكله بالسلام والحجي الحلو

وبعد كله نزعل معبعض ماندري منوالغلطان


بس الصراحه سالفةربعه بديت اتاقلم معاها واطنش بس لي متى خلاص ماكوفايده ليش اعور قلبي واسوي مشاكل واتحلطم والصراحه ارتحت

احاول ماافكر ودايما اواس نفسي اقول ربعه وسهر القهوه ولا شاليهات ومجمعات

 

[غلا امي]

رد: مشكله للمناقشه - موضوع متجدد

مالنا غير الصبر :nbvppw:

 

[الريادة]

رد: مشكله للمناقشه - موضوع متجدد

هذي دنيا واجد مشكل ..
محد مرتاح بالهدنيا..
الحمدلله على كل حال ..

 

[@انترلاكن@]

رد: مشكله للمناقشه - موضوع متجدد

انا بعد عندي مشكلة وابي مساعدتكم بلييييز .....

انا متزاعلة مع زوجي صار لنا أكثر من شهر والسبب مشكلة عائلية مع وحدة من أهله .......
المشكلة انه مو قاعد يحاول انه يصلح الموقف ... واحس اني خلاص تعبت ما فيني اتحمل هالعيشة اكثر ...... تصدقون انه يتجنب حتى انه يشوفني او انه يمر بدربي !!!!!

شنو الحل ؟؟؟؟؟

لا تقولون لي حاولي تتفاهمين معاه لأني مستحيل انا اللي أبدء !!!!

 

[عمشه المنتفشه]

رد: مشكله للمناقشه - موضوع متجدد

والله ياشاديه مادري شقولج نكج حلو ذكرتيني بالفلم صج روووووووعه

شوفي المفروض اقولج ابدي وخلي كرامتج على صوب بس اللي ايده بالماي غير الي ايده بالنار

انا لومكانج بقول مستحيل ابدا

صلي وادعي وصدقيني الله بيهديه ان شالله

 

[@انترلاكن@]

رد: مشكله للمناقشه - موضوع متجدد

والله ياشاديه مادري شقولج نكج حلو ذكرتيني بالفلم صج روووووووعه

شوفي المفروض اقولج ابدي وخلي كرامتج على صوب بس اللي ايده بالماي غير الي ايده بالنار

انا لومكانج بقول مستحيل ابدا

صلي وادعي وصدقيني الله بيهديه ان شالله

تسلمين .... الله يسمع منج :0bee2e8d89:

 

[أم الأقمار]

رد: مشكله للمناقشه - موضوع متجدد

حبيبتي انا ماادري وش اقول لكن اكثري من الاستغفاروالله مارح تندمين وثانياًاتمنى اذاتعرفين الدعاء اللي فيه ياودود ياودود ياذاالعرش المجيد يافعال لماتريد اسالك بنور وجهك العضيم ولااتذكر الى الاخر لكن والله جربته والحمد لله رب العالمين تحسنت اموري 80%

 

[أم الأقمار]

رد: مشكله للمناقشه - موضوع متجدد

ماعليش لواقول مشكلتي وتساعدوني اذاممكن ارجوالرد لان والله محتاره احبه

 

[أم الأقمار]

رد: مشكله للمناقشه - موضوع متجدد

اسمعي عمشة والله ان ها الحبوب والله تسبب كل شي لدرجة احياناًتحسين انك تتوحمين لكن والله هذا كله منها والله ابعدي عنها وبتشوفين اذافي تحسن وانصحش بالاستخاره والله ان بعد الله هي الحل يعني استخيري اذاتستخدمين الحبوب اولا جربي اتركي اسبوع وشوفي

 

[panadool]

رد: مشكله للمناقشه - موضوع متجدد

انا عندي مشكلة يابنات وتكفون أبي حل بأقرب وقت ..
أنا عمري 20 سنة ويتقدمون لي ريايل بس أبوي مو راضي ما ادري شفيه موراضي إزوجني .. أمس دقت علي رفيجتي وقالتلي في ناس شايفينج ويبون يخطبونج .. والولد طلع إصيرلنا والكل يمدح فيه مشاءالله ... شنو أسوي ؟؟ انا مو ميته على الريل بس الزواج ستر بهالزمن وبنات خالتي وخوالي كلهم اتزوجو .. إلا أنا أدري بعدي صغيرة بس مستغربة ليش ابوي معارض الفكرة

 

[أم الأقمار]

رد: مشكله للمناقشه - موضوع متجدد

هلا أتختي بندوووووووووووووووول يمكن شافيش صغيره على الزواج

 

[أم الأقمار]

رد: مشكله للمناقشه - موضوع متجدد

انا انصحش
بالدعاء ثم بنصيحة الاخت سمار شمس والله مجربتهها وزياده كم دمعة فوقها والله يهدي سركم ولا للاستسلام:eh_s(1):

 

[للحين ناطره]

رد: مشكله للمناقشه - موضوع متجدد

انا عندي مشكلة يابنات وتكفون أبي حل بأقرب وقت ..
أنا عمري 20 سنة ويتقدمون لي ريايل بس أبوي مو راضي ما ادري شفيه موراضي إزوجني .. أمس دقت علي رفيجتي وقالتلي في ناس شايفينج ويبون يخطبونج .. والولد طلع إصيرلنا والكل يمدح فيه مشاءالله ... شنو أسوي ؟؟ انا مو ميته على الريل بس الزواج ستر بهالزمن وبنات خالتي وخوالي كلهم اتزوجو .. إلا أنا أدري بعدي صغيرة بس مستغربة ليش ابوي معارض الفكرة

حبيبتي لازم اتحاجين ابوج واتعرفين اسبابه
او اتخلين امج تسأله
يمكن يقنعج ابوجه نظره
ويمكن تقنعينه
صدقيني المصارحه احسن شي
والاهل دايم ايشوفون شي عيالهم مايشوفونه

 

[أم الأقمار]

رد: مشكله للمناقشه - موضوع متجدد

اذا مابيزعل زوجك انصحك انك تستمرين في الدوام لان ماحد يضمن الدنيا ييتغير اهو او تسو الحاله

 

[رشروش]

رد: مشكله للمناقشه - موضوع متجدد

حبايبى انا راح اقول مشكلتى وهى صراحه مو مشكله كبيره بس تضايقنى ريلى حبوب وحنون بس فيه عيب واحد غيور بدرجه مو طبيعيه لا تلفتين لاتلبسين هاللبس لا تروحين هالمكان مع خواتج اول شى لبسنى النقاب العادى ورضيت وبعدين لبسنى نقاب الى ما اقدر اشوف منه شى والله لدرجه انى طحت فى السوق ادرى راح تضحكون على بس شسوى ابى رايكم فى الموضوع لو شكيت ولا تكلمت قالى من حبى فيج وما ابى احد يشوف جمالج غيرى انا ولله الحمد على قدر كبير من الجمال كرهنى بنفسى يتدخل بالبس وبكل شى حتى اذا ابى اروح عرس البسى الثوب الستير الى ما يطلع جسمج ولا الحين طلعلى بالعبايه الراس المسكره من جدام ولو تشوفون عرضها يدخلون فيا خمسه معاى ساعات استانس على غيرته ومرات اضايق نفسى اخذ راحتى بالبس بالطلعات شوروا على انا الصح ولا اهو الصح

 

[تروبيكانا]

رد: مشكله للمناقشه - موضوع متجدد

رشروش عندج وعندنا خير
اكيداهو يحبج وفعلا يغار عليج ومايبي احد يتمتع فيج غيره ومن حقه والحمدلله ان الله رزقج فيه ادري بتتضايقين شوي بس راح تتاقلمين بعدين
انا ريلي نفس الشي انا مع عباية الراس المفتوحه تحتها عباية اسلاميه عشان ما يبين شي من لبسي وجسمي اول شي تضايقت بس الحمدلله تاقلمت وصار عادي عندي حتى العبي مالت الاستقبال لازم فوقها عباة الراس وما افصخها الا لما اوصل المكان فعادي ما اعتقد هالشي بينقص والا بيزيد شي منج طاعة الزوج واجبه وزتمنياتي لج بحياة سعيدة

 

[الجوري74]

رد: مشكله للمناقشه - موضوع متجدد

رشروش عندج وعندنا خير
اكيداهو يحبج وفعلا يغار عليج ومايبي احد يتمتع فيج غيره ومن حقه والحمدلله ان الله رزقج فيه ادري بتتضايقين شوي بس راح تتاقلمين بعدين
انا ريلي نفس الشي انا مع عباية الراس المفتوحه تحتها عباية اسلاميه عشان ما يبين شي من لبسي وجسمي اول شي تضايقت بس الحمدلله تاقلمت وصار عادي عندي حتى العبي مالت الاستقبال لازم فوقها عباة الراس وما افصخها الا لما اوصل المكان فعادي ما اعتقد هالشي بينقص والا بيزيد شي منج طاعة الزوج واجبه وزتمنياتي لج بحياة سعيدة

ما شاء الله علييج والله يكملج بعقلج ويهديج ويثبتج يارب
مآجور ان شاء الله:33_1185028183: