رد: مشكله للمناقشه - موضوع متجدد
السلام عليكم انا حبيت اشارك معاكم واقولكم على مشكلتي بعد ما قريت بعض مشاكل خواتي الي ذاكرينها قبلي بس اتمنى الي تقرا مشكلتي تدعي لي ولزوجي بالهدايه والله انا قريت بعض مشاكل البنات بس احس الي يشوف مصيبة غيره تهون عليه مصيبته والله لو سمعتو مشكلتي بتعرفون معنى كلامي مابي اطول عليكم وابدأ بمشكلتي.......
انا صارلي 3 سنوات ونص متزوجه وعندي بنتين واموت علي ريلي احبه اكثر من روحي حتى ساعات احس انه مو ريلي احسس انه ولدي مع انه اهو اكبر مني بسنه
اول ماخذاني لاحضت عليه شي مو طبيعي مرات يكلمني على انه ما يشوف بالدنيا غيري وماهمه بالدنيا الا رضاي وفجأه الاقي يصارخ ويمد ايده ويعفس البيت واهله يوخرونه عني من كثر ما يطقني وجم مره رحت بيتنا لما لاعت جبدي ماااااااصرات كل يوم والثاني شايله اغراضي واغراض بناتي ورايحه بيتنا حتى اهلي نفسيتهم تعبت من هالمشاكل الي على غير سنع وفجأه اشوف مسجاته الي يقولي انه ما يقدر يعيش بدوني وتكفين ردي وانا اسفه والحين باخذج وانا من كثر ما احبه انسى كل شي يسوي وارد له ويتم جم يوم على هالحاله كله لازق فيني وفجأه تيله الحاله ويصارخ ويطق ويعفس الدنيا حتى على امه يصارخ ورد بيتنا وييني يراضيني بغرفتي وانزل اضحك وابوي يقول انتو يهال على هالسوالف بسكم مشاكل كبرو عقلكم وارد معاه البيت ولا فينا شي ويطلعني وسينمات ومركز سلطان ومرات يحجزلي بخيران وهدايه ويرد مره ثانيه يعفس الدنيا عاد انا لاحظت عليه لما يكون زين معاي اشوفه 24 ساعه سهران على النت ولا التلفزيون وبس يبي ينام معاي وهالسوالف وما ياكل شي بس يشرب زقاير وعصير تخيلو يتم جذي بالايام وويها يصير اصفر ومايروح الدوام ولما يعصب ويعفس الدنيا اشوفه ياكل نفس المفجوع يطلب وجبتين حقه بروحه عليه بالعافيه بس شي غريب المهم انقطع عن العمل ثلاث اشهر وطردوه والحين صارله سنه ونص لا شغله ولا مشغله وطبعا امه وابوه مأيدينه بهالشغله ولما يشوفونه هلا حبيبي هلا حياتي ولما يشوفوني بروحي تعالو سمعو الحجي انتي ليش ما تغيرينه انتي ليش تسوين فيه جذي اكيد انتي تبينه يتهور ويطقج ويسولج عاها عشان تطلقين ومن هالحجي الي ما ينبلع المهم الحين يتني بنتي الثانيه صار عمرها 3 اشهر والعوده سنتين ونص وللعلم ريلي مطلق وعنده بنت وطلق امها واهي حامل بس قعد معاها 4 اشهر المهم قعدتله قعده بعرف ليش هالتغير نطرته لما يصير بحالته الي يحبني ويموت علي وسألته اشفيك يافلان ليش تتغير فجأه تهقون شنو قال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قالي ياخذ حبوب اسمهم (كبتي) اكيد قريتو عنهم بالجرايد واهي حبوب منشطه تنشط العقل تخلي الي ياخذها يسهر بالايام ويتكلم وايد ويصير حبوب وطيب وبعد فتره تلحس المخ يصير مايدري منو طقاقه.....
وانا الحين مادري شسوي احبه والله ادري انه وده يتغير ورحنا عمره عقب ما طلعت روحي وانا اقنع فيه بس هم رد ياخذ والحين حالف ماياخذ من موت ابوه الله يرحمه بس اشلون اتفاهم مع واحد بس يصارخ ويعصب واهو الصح وهالشي مو منه من الي كان ياخذه وانا الحين فبيت اهلي صارلي 3 اسابيع ولي الحين ما دق ولا دز حتى مسج والدليل انه ماراح خذا هالحبوب لي الحين لانه لو خذاهم اول شي يفكر فيه انا مو عشان سواد عيوني عشان الفراش وادري انه ما يكلم وما يحب الخراابيط لانه حده وسواسي من هالسوالف ...........
اتمنى تقرون مشكلتي ادري طولت عليكم بس ابي كل وحده مشكلتها تكون هينه مع ريلها تشوف مشكلتي وتروح تحب راس ريلها والله يهدي الجميع يارب وتكون مشكلتي حل لوايد مشاكل مرتو فيها والله ياجرنا على صبرنا وياجركم....
