¨°•√♥ مشكله للمناقشه - موضوع متجدد¨°•√

[سكره]

مشاركة: مشكله للمناقشه - موضوع متجدد

كيفكم بنات انا عضوه جديده فاارجومنكم المساعده ................
بقولكم على مشكله وحده من ريفيجاتي تبيله حل وتمنامنكم المساعده
تقول زوجه على طووول يدقق في شكله الخارجي قبل ماتطلع مايبي عيونه اوملابسه تبان وطبعا هي تلبس العباءوالشيله واذااحد ناظره ياويله ويعصب بدون داعي وهي ماكانت في بيت اهله تغطي عيونه وهي مدلعه في بيت اهله
تقول زوجه طيب لكن مشكلة الغيره كيف تتعامل معاه؟ ساعدوه..........

 

[همسات ليالي]

مشاركة: مشكله للمناقشه - موضوع متجدد

والله يا اختي اهم شي رضا زوجها لو اتغطي من راسي لي ريولي ما عندي مانع علشان اكسب رضاه
شعلي من الناس انا زينتي وجمالي لزوجي بس
واهي اساسا قطعه خام يخلي المشكلة على قطعة خام سوده لا تودي ولا تييب
نصيحه تحمد ربه ان عندها زوج يغار عليها وهذا دليل الحب
شوفي اللي متزوجين يمشي مع زوجتها واهي بكامل كشختها يتفاخر فيها
بذمتك هذا يحبها.؟؟؟؟؟؟؟؟؟؟؟؟؟؟؟

 

[شهدQ]

مشاركة: مشكله للمناقشه - موضوع متجدد

حلوووه الغيره بحدود اللبس اهم شي يكون محتشم واحنا الكويتيتات معروفات باللبس المحتشم بس للاسف بعض الريايل يدققون على اتفه الاشياء اشياء ماتلفت انتباه احد غيرهم لدرجة انهم يدخلون حنى بالنعال الي تلبسها المره يعني معقوووله هذي حاله ؟؟

انا اقول الي حابه تحتشم تحتشم لنفسها وباقناع مو باجبار لان الشي اذا الوحده مقنعه فيه راح تستمر عليه واذا كانت كارهته عمرررها ماراح تحبه او تطبقهطبعا هذا شي والشي الثاني الي احب اقوله ان في بنات عقلياتهم مريضه الله يهداهم يمصخونها مره وحده البسي لبس محترم بس عاد مالا داعي الميك اب انتي بمكان مختلط والريايل عيونهم عليك عيب الوحده لازم تحترم نفسها وتكون عندها قناعه شخصيه باللبس الي يبين طبعها واحترامها لنفسها من غير اجبار او اكراه وهذا رايي

 

[lolly]

مشاركة: مشكله للمناقشه - موضوع متجدد

بنات مره كنت قاعده عند يمعه حريم .. وكانو يسولفون ووحده كانت تشكي واهيا كبيره اعتقد فوق 38 ويمكن 40 .. هذا اللي انا اعطيه لها .. تقول انها تزوجت قبل3 سنين وتطلقت بعد اسبوع .. ليش؟؟ الحين اكمل سالفتها...
انخطبت مثل كل البنات وسوا لها عرس .. تقول ان اهل المعرس يطالعونها ويضحكون عليها .. حتى اهيا استغربت ليش النظرات والضحك؟؟؟؟
المهم لما راحت مع ريلها البيت .. والا ريلها يخليها وينام يالصاله .. وطناش فيها ..... ثاني يوم نفس الشي .. تقول اهيا هني فكرت ليش؟ يمكن مغصوب؟؟ يمكن يحب وحده من اللي تزوجهم من قبل؟؟؟ يمكن مسحور؟؟
المهم مادري نسيت السالفه بس اخر شي عرفت ان مو ريال .. يعني مااييب عيال.. وهذي سالفتها ...
اهيا الحين ما اعرف عنها شي بس اخر مره شفتها هم كانت مو متزوجه عشانها مطلقه وهم اهيا مو وايد حلوه والعمر له دور هم بعد.

 

[همسات ليالي]

مشاركة: مشكله للمناقشه - موضوع متجدد

المفروض يسال عدل قبل لا تتزوج
لان باين ان الكل يدري انه مو ريال والدليل ضحكهم ليله العرس

على العموم هي تجربه وراحت المهم في المره الياي يسال عدل قبل لا تتزوج

مو علشان اهي كبيره وعاديه موحلوه تستعيل

لا لا لا لازم تفكر

والله يوفقها

 

[بنت الغالي]

مشاركة: مشكله للمناقشه - موضوع متجدد

هلا حبيبتي سكره انا اضم صوتي مع همسات ليالي انا بعد لو ريلي يقولي تغطي من راسج لي ريولج عادي اتغطى عشانه صج الكشخه والتسنع كله حقه ليش الناس يشوفونها اي والله عيل هذا اللي يمشي مع زوجته اهوا بنطلون واهيا لابسه نفسه اتعدينه ريال لاغيره ولاشي انصحها انها تقنع نفسها ان ريلها يحبها ويغار عليها صدقيني راح تقتنع وترضى اذا اهيا تحبه وتحياااااااااااااتي

 

[توته الكتكوته]

مشاركة: مشكله للمناقشه - موضوع متجدد

الله يعينج واقولج من وحده مجربه ان الصبر متاح الفرج وان المراه الشاطره اللي تتكيف مع الوضع اللي إهي فيه وتتعاونمع زوجها وتشاركه الحلوة والمرةفلازم تتحملين وتتعودين على روحة الجمعية وتشترين كل طلباتك بس تاخذين منه فلوس لان قال الله تعالى الرجال قوامون على النساء )ويقصد بالقوامه ان الزوج مسؤول مسؤوليه كامله عن مصاريف البيت ولوازمه ونفقة الزوجة والزوجه مخيره في مساعدتة أم لا وهذا نص صريح شرعا وقانونا اما بالنسبه للمشكلة الاخرى فلابد من تخصيص يوم واحد في الاسبوع للخروج معل انت والاببناء سواء للمطعم أو للتنزة في أحد الاماكن الترفيهيه وهنا لابد منك اتباع الاحاديث الجميله والمحببه إلى قلبة والإبتسامه العريضه حتى تملكين قلبه ويكررالخروج معك والله يوفقك إنشاء الله ويسعدك

 

[leza_q8]

مشاركة: مشكله للمناقشه - موضوع متجدد

بصراحه ومن وجهة نظري ما البس النقاب علشان ريلي طلب شنو هالتحكم

انا البسه بقناعه وحب وقرار مني مو لانه اهو طلب

ما البسه لعبد انا البسه لرب العباد

النقاب حلو بس الاحلى لو يلبس من بعد هدايه واقتناع حك رب العالمين مو حك رضى الريل

 

[الجوري70]

مشاركة: مشكله للمناقشه - موضوع متجدد

وحده من البنات زوجها لعنها قدام أهله اعتقد لانه كان يكلمها بالتلفون ومعصب وتقوول سمعت صوت امه جنبه اهي موجوده عند اهلها يوم لعنها ولا ااتصل يعتذر عطاها طاف وش السوات

 

[همسات ليالي]

مشاركة: مشكله للمناقشه - موضوع متجدد

اولا حبيبتي شنو الغلط اللي سوته اول يستحق هالصيحه والنجره

اذا يستاهل تنزل روحه شوي وتعتذر وتطيب خاطره وصدقيني راح يسامحها اذا كان يحبها

واهله اذا شافوها مستانسه وتضحك وهي طالعه وراده معاه راح يموتون من الحره

ويقولون هذا اللي امس زفها وخانقها صج ما عنده سالفه بسرعه طخ

 

[الجوري70]

مشاركة: مشكله للمناقشه - موضوع متجدد

مشكوره اختي همسات بس اهو ماعنده سالفه بس اامرها بش وهي ماتقدر تسويه فاعتذرت وهو حس انها عناد فيه

 

[همسات ليالي]

مشاركة: مشكله للمناقشه - موضوع متجدد

ميخالف المره لازم تتنازل وما تصغر عقلها تسامحي منه ودلعي بالكلام وقولي له الدنيا كلها تزعل مني الا انت وما عرفت انام البارحه امس من كثر ما متضايقه ومن هالكلام وصدقيني اذا محرش من اهله ترى راح تنبط جبودهم اذا شافوه بسرعه طخ

يعني ميليه صوبج بالكلام لحلو وانت الربحانه بالاخير

لا تاخذين المساله كرامه وخل ويلي

لا ببدايه الزواج تدلعي عليه تالي راح تتمكنين وذيج الساعه اذا عصب كبري المخده وطنشي ةتلقينه اهو اللي يركض وراج

 

[ام خالد33]

مشاركة: مشكله للمناقشه - موضوع متجدد

بسم الله الرحمن الرحيم اولا احب اشكرك ياهمسات الليالي على الموضوع الهام واحب اذكر موقف صار بوحده قريبه مني الا وهو زوجها دائما يبيها له يعني مايقدر ظروفها من ناحية انها ام وعيالها مساكين يبون الاهتمام بالله شتسوي

 

[anwary]

مشاركة: مشكله للمناقشه - موضوع متجدد

السلام عليكم انا عضوه يديده واتمنى اني اكون خفيفة عليكم ,,,
ودي اتكلم عن مشكلة وحده عزيزه علي ومو عارفه شلون تتصرف هذي البنت متزوجه صارلها 9 اشهر زوجها حرمها من اهم شي واللي اهيا نعمة اليهال لأن لي الحين ما دخل عليها اهوا ريلها وايد ملتزم اللي 24 ساعه بالمسجد بس هذا مو معناته مايعرف لان كل شي بالفطره بس للاسف مو قادر يدخل عليها او بالاحرى مايعرف شلون او مايحس حاله حال الرياييل والله مادري شنو سالفته بالضبط المهم عالج عند دكاتره وايد يقولوله مافيك شي بس مشكلتك يمكن نفسيه لان كل واحد فيكم حاط في باله لازم يصير هالشي وتصير مشاكل اذا ماصر هالشي فمن جذي ما يقدر يدخل والمشكله بعد ان زوجته ملت من الموضوع وطاح من عينها لان حسته غير عن باجي الرياييل وتفكر بالطلاق .
لو وحده فيكم يصير فيها هالشي شنو بتكون ردة فعلها وشلون تتصرف؟

 

[anwary]

مشاركة: مشكله للمناقشه - موضوع متجدد

السلام عليكم
انا عضوه يديده واول مره اشارك
ودي اتكلم عن مشكله تخص بنت خالتي؛؛؛
اهيا متزوجه صارلها 9 أشهر وزوجها لي الحين مادخل عليها ومابقى طبيب ماراحله يقوله مافيك شي ويعطيه حبوب علشان تزيد الشهوه؛ وهم مايصير شي بينهم والبنت ملت من حياتها وطاح من عينها هالريال حست انه غير عن الرياييل وودها تطلق لان مو قادره تصبر اكثر من جذي بس اهوا يقولها صبري علي بعد شويه.

أنا اسفه لان اول مره اشارك واشارك بموضوع جرىء جذي, واتمنى انكم تعطونها الحل ؟

 

[نفيشه]

مشاركة: مشكله للمناقشه - موضوع متجدد

اختي انا اشوف انها تصبر عليه اذا زين ترى هذا مو كل شي بالدنيا ومدام قالوا لها مافيه شي حرام لاتظلمه يمكن مرتبك ولا متخوف وكلها مسالة وقت
بس اذا مو قادرة تنطر وتبي تتطلق كيفها والله انا ما احس ان الجنس كلشي بالدنيا

 

[حلم السنين]

مشاركة: مشكله للمناقشه - موضوع متجدد

اوكي الجنس مو كل شئ بالدنيا بس اكيد تبي عيال !!!


اذا عادي سالفة العيال عندها واهي تحبه ليش تتطلق يمكن تاخذ واحد موذئ يغربلها

 

[omneyaty]

مشاركة: مشكله للمناقشه - موضوع متجدد

يا حرام كسر خاطري تصبر عليه وتحتسب الاجر يمكن مسحور ترى وايد منتشر


هالشىء يعني مربوط عنها وعليه


ليش ما تصير عون له وتقرأ ايات فك السحر وايات الشفاء موجوده بكتاب الرقيه الشرعيه


شرعا يجوز لها الطلاق بس تفكر انها زوجته وله حق عليها تصبر شويه وان شاء الله


الله يفرجها عليهم

 

[anwary]

مشاركة: مشكله للمناقشه - موضوع متجدد

مشكورين وماقصرتوا عالردود
اهيا البنت ودها بياهل وتشوف اللي تزوجوا عقبها احملوا واهيا حتى مادخل عليها ريلها
مسكينه حالتها صعبه ونفسيتها تعبت من هالشي ,,,,

 

[omneyaty]

مشاركة: مشكله للمناقشه - موضوع متجدد

ليش هي ضامنه تتطلق منه وبتزوج على طول واللي بتاخذه بتييب عيال منه


الضامن الله سبحانه انا قلت لج شوية صبر ما صار لها الا9 شهور وجذي حالها ناس صبروا سنين


هي حره تبي تتطلق ما راح يردها شي بس مسكين هو يقولها صبري قلت لج يمكن مسحور


باجر لا طلقها ينفج السحر عنه ويتزوج غيرها ما راح تحتر هي وتقول ياليتني صبرت


خل يتعالجون بالرقيه يا رب تفك عوقه وتستر على عيالنا وتحميهم