يعني الواحد مايرتاح بحياتة توقعين الزواج غير ويطلع شي ثاني انا غلطانة اصلا كان لازم من اول شي اطلع بشقة بروحي ارتاح انا وريلي وعيالي لا عوار راس ولا بطيخ مستقلين بحياتنا لا اشوف ولا اسمع شي يقهرني ويبط جبدي تخيلي الواحد كل يوم كل يوم يسمع شي ولا يشوف شي ومهما صرتي حليوة ومالج شغل بحد ماكو فايدة كل شي تسوينة غلط بغلط كل شي يدخلون فيه حتى بالتربية يدخلون اشوف محد يدخل بتربيتهم قولي حق احد فيهم انت الي قاعد تسوي غلط وييييي تقوم القيامة
والله كل شي يصير قام ياثر بنفسيتي قلبي يعورني 24 ساعة وصدري كلة مقموت واذا قلت حق ريلي ارتحت بس همن ماحب اضيق خلقة واغثة كل يوم من النفاس وانا حالتي حالة والحين ييت اهني حالتي صارت زفت بس يطلع ريلي من البيت ينقمت صدري الواحد يكون في بيتة مرتاح انا لا العكس برة البيت ارتاح يعني شنو كل يوم بطلع مهي حالة
شسوي والله تعبت مشكلتي اني حساسة وماحب المشاكل ولا احب ارد على احد او اضيق خلق احد
