***¥ تجمع مواليد فبراير و مارس 2013 ربي يسلم قلبهم ¥***

[لولي غلاي]

بالاضافه الى الحف والنقش والحمام المغربي 

 

[دلع24]

متى والده لولي

 

[المتميزة دائما]

السلام عليكم شلونكم امهات شخباركم
امس طعمت ولدي يكسر الخاطر يعور القلب تخيلو 3 ابر بالفخذين حرااام بجى وايد وحتى عقب قام يصرخ من ريله مسكين نصيحة مني اول ما تطعمونه وانتي بالسيارة للحين ما وصلتي البيت حطي له كمادات حرام الابرة تعور وادول كل 4 ساعات حتى لو ما صخن عطيه يهدي الالم

 

[لولي غلاي]

دلع انا صارلي ١٦ يوم

متميزة ؛ ليش ثلاث ابر؟؟

 

[دلع24]

ويييه لوولي تووج يااقلبي اغتسلي بمااي وملح وشويه مره والله باذن الله رااح تطييح الخيااطه


متميييزه تطعييم موو جنه تو الناس علييه كم عمره ولدج؟؟

 

[جعفرية و أفتخر]

يا قلبي ولديدج متميزة عاد أول تطعيم لويه أكثر من مكان يطعمون في اليهال يا عيني عليهم ان شاء الله يخف بسرعه انا جنه بعد اسبوع أو اسبوعين تطعيمها حياتي الله يعينه ويسهل متميزة بقيت أسألج ما تدرين متى نقدر نسوي حمام مغربي خصوصا احنا قيصري ودي أعرف متى أقدر اسوي.

 

[سماء الاحساء]

هلا فيكم يالغاليات دلع انا جهزت لي ملابس قبل مااولد وعندي ميك اب وعندي عطور جديده خبرج مامدى شريتها الا وحملت وتنسيت وماستخدمتها وغير عندي من قبل يعني همي اللي بسويه بس شغل المشغل صبغ وحف وشيره وحمام مغربي وهذا كله في سبوع طلوعي من الأربعين وناويه على تنظيف بشره وأكيد بدكير ومنكير والبرازيلين ودي اسويه بس ماظن موجود بمشاغلنه

 

[سنفورة زرقة]

انا الحين صارلي شهر واليوم خلصت تحهيزي باقيلي اروح الصالون اصبغ واحف واشبل شيره
الي مضيق خلثي بيطهرون ولدي وانا مو عند امي بلييز عطوني معلومات عن التطهير متي يصير زين ويطيح الشاش وشنو اسويله ؟؟

 

[سماء الاحساء]

الله يعينك عالتطهير بتشوفينه بس يصيح فجأه ويصرخ لان اذا أكرمكم الله بول يحس بحراره لانه مجروح ولازم مع كل غيار تبديل الشاش الملفوف عليها ويعطونك مطهر تحطي عليه بعد وكلها سبوع ويلتأم الجرح ويصير أحسن

 

[سماء الاحساء]

بنات بسالكم بتنظفون المنطقه الحساسه تحت بالشيره او بالموس

 

[Withered flower]

سنفورة زرقه
المفروض مطهرته مبجر عشان على طلعتج تكونين مرتاحة وتتعطرين وما تحاتين الياهل
طهريه خلال هاليومين اذا تقدرين

انا طهرت عند دكتور رحت له على مدح رفيجاتي بالدوام
اسمه كاظم معرفي بالفحيحيل واخذ منا ٤٠
وعطاني كرت في نصايح
اغسل ولدي بماي بارد وبالحنفية والصابون ما يحوش الجرح واحسن شي صايون غار او دالان التركي وتحصلينه بسوق هنود بالفحيحيل اسمه هاي وي ورخيص بنص دينار جنه ٥ حبات كبار
وقالي حطي نشا مع زيت زيتون واخلطيهم وحطيهم على الجرح مدة ٤ ايام
ويفضل استعمل النشا بدلا من بودرة جونسن كل ما غيرت حفاظة البيبي
وماشاءالله تبارك الله الشاش طاح من ثاني يوم وكل شي تمام

 

[Withered flower]

سماء الاحساء

انا شلت بشيره انظف لي صراحة لان الموس سبب لي سواد فظيع وحبوب غير هذا الملمس جنه لحية ريال
مفكرة اسوي ليزر ان شاءالله

 

[دلع24]

وين صااير كااظم معرفي اي صووب

 

[دلع24]

ونظاام تطهيره حلقه او شااش او ليزر ؟؟

 

[دلع24]

اذاا ممكن ابي عنواانه فديتج

 

[Withered flower]

بنات

متى ابدا اسوي حمام مغربي

انا اليوم صارلي 30 يوم

حيل يمدحون سبا اند هيلث بالمهبوله

افكر اسوي عندهم ..

شرايك متى ابدأ ؟؟

لا لا لا هالمكان اكبر حراميه وحطيت اكس عليه عقب ما نصبوا علي
وراعيته بياعة كلام الله لا يحللها ولا يبيحها ولا يحلل الفلوس اللي خذتها مني ان شاءالله
انا سالتكم بهالتجمع عن كولاجين الشعر ومحد جاوبني وقلت بغامر وبسوي عندهم
تخيلي عي راعية السبا لما كنت قاعده اسويه يتني وقالت اي حبيبتي بتستانسين من النتيجة وشعرج بيضير توب وناعم
وورتني شعرها وقالت شوفي انا مسويه بعد ورب الكعبه ما بغيت افشلعا واقولها شعرج جنه باروكة ومبين مو طبيعي
المهم يت اللي تسوي شعري وقلت لها ان شاءالله اذا عجبتني النتيجة بسويلج دعاية بالنت واشوف ويها بالمنظرة انقلب ونغزني قلبي والله بس قلت لا هالمكان له سمعته وما ظنتي شغلهم اي شي
المهم بدا تحط المادة علي مثل صبغ الشعر وريحته خفيفة وحلوة وخلتها ساعة وغسلت شعري ونشفته شوي ولمته لي وقالت لي ب80 وانا شعري تحت جتفي بشوي
وقالت لا تتسبحين لمدة يوم ولا تحطين شي على شعرج مثل دهن وحنا لمدة اسبوع

المهم مو هني الكلام كله
عقب 3 ايام ورب الكعبه شعري ردت نفشته وكلمتها عالانستجرام وهذا تعليقي وربي شاهد ما زدت ولا نقصت كلمة وانا نسخت ردي لان توقعت انها بتهاجمني وتقول كلام ما قلته

اختي انا مسويته واليوم لي 3 ايام ولا كاني مسويته!!!احس شعري بدا ينفش وفوق هذا دافعه 80 ؟ وما غسلت شعري الا مره والاخت اللي سوته تقول ان يستمر شهرين وانا ما صار لي اسبوع وصار جذي. انا شايفه بصالونات ثانيه الجلسه ب30 بس ما سويته الا عندكم لان صراحه ابي اصير زبونه لكن والله غيرت رايي وقسم الشعر عندكم يحتاج له تطوير وخبيرات اكثر عشان ما تخسرين زباين. اتمنى هالكلام ما يزعلج. صراحه تضايقت اني قاطه هالمبلغ على نتيجة ما ارضتني الا يومين بس.

تدرين شنو سوت؟؟
مسحت التعليق

ولما كتبت ليش تمسحينه صكتني بلوك وهني انا عرفت انها اكبر نصابه وبياعة كلام
دشيت من حساب اختي واشوف البنات يكتبون من مجربه وقلت لهم انا وما شفت نتيجة
وصكتني بلوك بعد!!!

هي لو فيها خير جان واجهتني ولا ردت رد محترم عالاقل لكن ضعيفه ومالها حجه
الله لا يحللها ولا يحلل هالثمانين اللي خذتها

المفروض النتيجه تتم شهر الى شهرين او 3 عالاقل لكن انا خلال اسبوع رد شعري ينفش مع ان الحمدلله شعرتي ناعمه

هذي تجربتي وعقب مرقفها هذا دريت انها خرطي ونصابه
وعلى فكرة قبل لا تسألين كنت بكتب موضوع عن هالتجربة الفاشله عشان محد ينغش مثل ما انغشيت

وكل اللي كتبته فوق ربي سبحانه شاهد علي يوم القيامه انه صار لي وما زدت ولا كلمة ولا نقصتها وماني من قطاعين الارزاق بس هذي باسلوبها خلتني اكتب هالتجربه


وترا على فكره حمامهم المغربي على 40 !!!!! مادري على شنو استغفر الله. ليش هالسعر؟؟ قلنا صيري غاليه بس نصب جذي ما شفت!! النعمه زوالة استغفر الله


تبين حمام مغربي نظيف وسعره فيه عندج لافندر سبا بالبيرق
العادي ب15 والملكي ب20 وفيه بالفراولة والجاي الاخضر
سوي اللي بالفراولة عجييييب وريحته فواحه والله تتم بالجسم يوم
وخليه بيوم طلعتج احسن
والعادي جربته بعرسي نفس التفريك بس خلطات ثانيه هم يسوونها فيها مسمار وريحتهم حلوة
بس لا تسوينه عند ريبيكا لان ما عجبني شغلها
سويته قبل سنة ونص عند وحده اذا ما خاب ظني اسمها جريس
امي قالت لها ديري بالج عليها لان صدري يتعب من البخار ويغمى علي وعطتها 5 صدقة عنها
وحطتني بعيونها

جربيه وعطيني رايج

 

[Withered flower]

دلع٢٤
شفتي البرج الاخضر ؟؟ اللي على شارع المنشر
هو وراه في سوق اسمه الهجان .. هو يصير فوق الهجان
والعيادة حدها قديمة بس والله خوش دكتور وشغله نظيف ماشاءالله
وتطهيره شاش

 

[Withered flower]

مطيرية
اذا انتي والده طبيعي ونظفتي
سويه الحين مرة وقبل طلعتج بيوم مره
او بيوم طلعتج سوي الملكي اللي بالفراولة وادعيلي

 

[Withered flower]

الحين بسألكم منو مسويه كولاجين ونتيجته استمرت معاها عالاقل شهر وسعره زين؟؟
ودي اسويه بصالون غلوس مال نورة البحر

 

[^-^قطــــــوه^-^]

سنفوره انتي مثلي لي الحين ماطهرته.. ان شاء الله اذا قدرت باجر اوديه..

يمكن اوديه المواساة يطهرونه ويمدحون مستوصف الامل بالفحيحيل..