***¥ تجمع مواليد فبراير و مارس 2013 ربي يسلم قلبهم ¥***

[لولي غلاي]

مصممة
الطبيعي ان البيبي يتبرز اقل شي مره وحده باليوم
شوفي بنتك لايكون فيها امساك

 

[joorey]

السلام عليكم
شخباركم لكم وحشة
ما يمديني اقرى سوالفكم
وبنتي تعبانة هالايام حايشها امساك بس تبجي حبيبتي وماتنام وبس انام ساعتين مقسمين على طول اليوم
وقدرت اتغلب على الكآبة أول الايام كانت صعبة لاني قيصرية وكنت مصدومة
وكرشتي مسببتلي أزمة نفسية لان ماقدر اسوي تمارين ولا اقدر ألبس كورسيه
تقريبا باقيلي اسبوعين واخلص من النفاس على خير
وحاليا قاعدة افكر شسوي حق طلعتي من الاربعين

 

[Australia girl]

شلونكم بنات انا ولدت اخر مارس وياكم 29-3 يبت بنتين فديتهم عي سؤال بالنسبه للسره اذا طاحت وللحين بارزه ماحط علليها شي

 

[المتميزة دائما]

جوري صاجه القيصرية تسبب ازمة نفسية بسبب الكرشة ما تقدرين تسوين شي لا تلبسين كورسيه ولا رياضة ولا تربطين بطنج بس نصيحة امشي المشي زين صج ما تروح بس شوي تخف بصراحة انا اول مرة اولد قيصرية واول مرة اولد وشكلي يكون للحين حامل بالاشهر الاولى صج احباط وازمة نفسية الله يعين ان شاء الله نقدر بعد 6 شهور نعوض روحنا بالرياضة مالنا حل الحين الا المشي والريجيم علشان تخف شوي
بوبل ياريت تحطين لنا ريجيمج فيني 5 كيلو ابي انزلهم جدامي شهر ودي اوصل للوزن المطلوب ودي لما اداوم ان شاء الله شكلي يكون غير وابي اشتري ملابس يديدة لوزني اليديد

 

[المتميزة دائما]

استرالين جيرل حمد لله عالسلامة ومبروك العروستين الله يحغظهم من العين

 

[joorey]

متميزة الدكتور قالي بعد الاربعين تقدرين تدخلين نادي بس مشي وسباحة
بس ماقدر ادخل النادي إلا بعد 3 شهور
بس بطني متفوخ من الهوى واضح التفخة شكلها مو شحم
بس في بنات اعرفهم يحبطون وقالو القيصرية تسبب كرشة دائمة بس أحس ماله شغل أي وحدة بتهمل نفسها بيطلع لها كرشة
بس احاتي الجرح لان انا متعودة ألبس السليب صوب مكان الجرح ودايما بنطلوناتي لووست ويقولون موزين
امبي قرقت وايد بس هالاشياء احاتيها

 

[المتميزة دائما]

جوري انا السليب يصير على الجرح من كيفه يعني البسه اصعده اهو ينزل يصير عالجرح لان الجرح اصلا مكان خط السليب اعتقد عادي لان الجرح الحمدلله مسكر ونظيف مافي منه خوف وبالنسبة لبنطلونات اللو ويست ما ادري يمكن اذا ضاغط حيل مو زين بس اذا اشوي راخي ومريح يتراوالي عادي بس سألي عن البنطلونات يمكن لان سيرهم اشوي قوي او الصكة مالتها قويه

 

[سماء الاحساء]

هلا فيكم يالغاليات سنفورة انا ودي اسوي لشعري نفس الي قلتي بديل الكراتين يعني معالج بس ماعندي خبره بهالسوالف ومعرف حد مسوي ولو بسال المشغل أكيد مدح ابي خبره لان ودي شعري صاحي ويلمع ومتمغط من غير استشوار او سحب بالسراميك علا طول مابي قايم او ناعم حيل مثل الفبينيات بس هذا شنو يسوي ها لمعالج وكم ساعه يتم بالشعر ياليت تفيدونا اللي معها خبره او سمعت عنه تعرفون الحين البدائل كثيييره ؛؛؛؛؛؛؛؛؛واللي جابت التوام الف الحمدلله على السلامه ومبروك ماجاك السره مع كل غيار تمسحي عليها مسحه طبيه انا كذا لما كنت بالمستشفى وأم زوجي تقول منقوع المره زينه بس ماحطيت والبودره بودره جونسون زينه تجفف كمان

 

[سماء الاحساء]

المتميزة منورره ان شالله تعدي علا خير انا لازم اخس عشره كيلو علشان ارجع لوزني قبل الحمل الله يعين

 

[سماء الاحساء]

بصراحه محتاره في المانع لأني ما افكر احمل أبدا الحبوب أشوف أختي تأخذه وعصبيه ودائم تصرخ علا عيالها ومتنت منه واللولب يخوف مؤ فاضيه للالتهابات وينطر في كبدي شيطلعه لان سمعت وحده كذا افكر اهجره ومانام معه هذا أظن حل هههههههخخخخخ. أنتو شنو مانعكم وهل باستشارة دكتوره ام بكيفكم تاخذونه

 

[نبرمان]

هههههه ضحكتيني سما جان زين نقدر نهاجر بس ما كو فجه الحبيب وراج وراج لووول
بنسبة للمانع انا حبوب مالت الرضاعه ومرتاحه عليها لانها وااايد خفيفه بس مخصوصه حق اللي ترضع

والحلوه ام العروستيبن الف مبروك يا قلبي وحياج الله

بنسبه للوزن ااااااه . انا لمن حمل اصن كان وزني زاايد عن الطبيعي
والحين هم زايد

يبيلي بحدود 15 كيلو يالله اترقع عقب هههههههههههههههههه
تهقون اتروح مع الرضاعه ب شهر؟؟:


سؤال مهم انا صارلي 9 ايام وباجر العاشر . خيوطي اللي برااا طاحوو بقا وحده برا وبقا اللي داخل
بس احس امبجر طاحو حدي توترت .. عاد المكان مايعور بس ينقز وجني ابي احكه بس مو وايد . اخاف ما التم واااي

 

[دلع24]

مساااااااائووووووووووووو

اناا مفكره الحمل بعد 3سنين هاذا اذا موو اكثر

وانا اكل حبووب منع الحمل يااسميين جسمي متعوود عليهم

 

[دلع24]

نبرماان انتي معاي بالضبط


والخيووط ما احس بعووارهاا كلش بس شي ينقز على قوولتج

بس عاادي تطييح هالحيين


والف مبروك البنووتاات الله يحفظهم لج يااربي

 

[M6eria]

بنااات

متى تاكلون حبوب منع الحمل

انا اليوم يصيرلي ٢٩ يوم ..

ودي انطر اخت النفاس لما تنزل بعدين اكلها

واخاف تطول ماتنزل بسرعه

شرايكم

 

[المتميزة دائما]

هلا سما منور بوجودج هههه ضحكتيني عالهجره مافي مفر ماراح تقدرين ههه اخذي حبوب احسن
قولولي شنهي حبوب الرضاعة انا اصلا ما ارضع بس ابي شي خفيف

 

[دلع24]

اناا اباكل حبووب منه الحمل لمن يصير لي 30 يووم

 

[M6eria]

٣٠ ولا ٣٥ ؟؟

متى تطلعون من الاربعين

لما تخلصون الحبوب وتنزل الدوره ؟؟

 

[نبرمان]

والله ياقلبي انا ماعرف لاني كله تكل حبوب مالت الرضاعه
واللي ترضع ما اتيلها اخت النفاس
والحبوب تكلهم علبه ورا علله بجووون فجه .. والدوره ماتيلنا كل شهر مره اي ومره لا وع كيغها الحبيبه لوول

 

[نبرمان]

وييييي كلي بدليات

علبه ورا علبه بدون فجه ●●●***

 

[^-^قطــــــوه^-^]

مطيريه اتوقع تاكلينهم اذا صارلج تقريبا 38يوم.. ومن تخلص حبوبج خمس ايام تقريبا وتنزل عليج الدوره..