~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ردود

من من .. مازلت الساعه البيولوجيه على رمضان .. الحاله وحده .. افكر باجر اقعد الضحى و اكمل لي الليل .. اسهل حق وقت الداوم شوي .

بطبط .. اهلا و سهلا .. يومج ما شاء الله حافل .. بالعافيه المشتروات .

اثمان .. مبروك مبروك .. تستاهلين كل الخير .. استمري .

شوشو .. الف مبروك انجاز هالنزول برمضان ..ربي يثبتج و يتمم عليج .. ما قلتي لي .. جم في بالج تبين توصلين ؟

جسوت .. اين انتي ؟ ؟ ؟
كلمه و لو جبر خاطر .. و الا سلام من بعيد .. و الا رساله يا هاجر .. بيد ساعي البريد ..---> شخباري؟!؟

عنيد ..ردي الزيااارااا عليناااا ..يا حلو الاطباااااع .


صبوحه .. عليكم بالعافيه الطلعه .. و ديري بالج انتي عروس لين اتيبين البيبي .. يععني على طول خلج كااااشخه .. و الفطاير تشوق .. مأكول العافيه .

 

[بطة رشيقة]

هلا زيووونه حبيتبى شلوونج وعوافى روحه الشاليه وان شالله كلنا نرد حق الرجيم

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

آلسسسسسسسسلآم عليـكم ..~
ششششششلـونكم بنـآآت ..~
وعيدكم مبااارك ..
بصـرآحـه آنـآ بنظم لكم وآتمنى تقـبلـوووني =)

فديتكم =)

عليكم السلالام
هلا اختي غلا
احنا الحمد الله بخير .. وايامج سعيدة وحياج الله معانا بالدوانية تفضلي اقلطي :eh_s(9):وعطينا سيرتج الذاتية

العمر
الوزن
الطول
متزوجة و لا آنسة
وكم عدد اولادج اذا متزوجة
موظفة ولا تدرسن

لوووول ( شنو تحقيق) :nocommint:
وحياج الله مره ثانية

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ام فجور سلامتج وما تشوفين شر

صبوحه على اللى مضيق خلقج عاااااااادى حبيبتى الانسان ياااااااااما يشوف من هالسوالف

جسوت بالعافيه عليكم النيو لوك للريوق

ميزو ان شاء الله اليوم الزواره تكون حلوه وسلامتها الوالده ما تشوف شر

منمن الوعد بعد العيد شدى حيلج

زيون لا تنسين نبى نرجع لطريج الرجيم ونوقف (التبربس)وسلامته كمبيوترج

بطه ان شاء الله تفرحينا باخبار حلوه بهالعيد

هلا وغلا هلا حبيتي اثمان اشلونج وعساج بخير وعيدج مبارك وعساكم تعودونه وكل سنة تصومونه .. الله يسلمج حبيبتي والشر ما اييج اي الحمد الله اليوم وناسة يووا عندنا بنات عمتي وخالتي ليش ابوي اهو العود فالكل اييي له يزوره وعمتي بعد يات والحمد الله وتعدلت نومتي نمت 7
( دياية) لوووول COLOR][/B الحمد الله احس براحة وراي دوام الله يعينيي على طلبات الناظرة والوكيلة وطلباتهم حق يوم اسبوع التهيئة واستقبال الاطفال وما ادري بيخلوني اولى ولا ثانية الله يعين ..
والحين ال6الا ربع الصبح بنطلع نتمشى انا وزوجي وعيالي مع اعيال عمهم ونتريق

ومبررررررررررررررررررررررررررررررررررررررررررروك​

[/

عاشوووا عاشوووا عاشووواSIZE​

]:lolo::stars::stars::stars::stars::stars::stars::stars::stars::nbvppw::nbvppw::nbvppw::nbvppw::nbvppw::nbvppw::nbvppw::eh_s(9)::eh_s(9)::eh_s(9)::eh_s(9):

الف الف الف الف مبروك حبيبتي اثمان والله فرحت لج تستاهلين كل خير والله يتمم عليج وانا ترى قبل لا اسجل بالمنتدى كنت ادخل زايره حق المنتدى وكنت اشوف دوانية طفولية ومشاركاتكم حت كنت حاطه الصفحة بالمفضلة وعلى اطول اطل واشوف اخباركم

 

[المتميزة دائما]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا هلا بنات عيدكم مبارك حبيباتي

نسيت اقولكم نتيجة ارمضان ببدايته كنت 69.700واخر يوم فيه وزنت صار 68.150 صج نزول بطئ بس هم الحمد لله مو زايده او ثابته ..وطبعا هذا اول رمضان بحياتي ينزل وزني العاده يزيد بس لله الحمد هالرمضان غير:eh_s(9):



وطبعا بدعت بالعيد لوووووول بس عادي العيد بونس روحي وعقبها برجع التزم بإذن الله وربي يسهل لي ولكم وللجميع..

احبكم بنات كلكم:eh_s(17):

هلا هلا وغلا هلا شوشو اشلونج وعساج من العايديين والفايززين مبروك النزول وللامام سررر :nbvppw::nbvppw:نزول قليل احسن من الزيادة وان شاء الله تنزلين اكثر بصحة وعافيه :eh_s(15):

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم
هلا والله بكل الرشيقات فديتكن ..

ميزو .. صباح الخيرات يا حلوة :eh_s(17):

-------

زيون .. يا سلامي أنا أكشخ بس مو ذيج الكشخة يعني لأن حماتي مثل ما قالوا لي اتحب الـ simple فما أروح و أنا over و هي ما شاء الله عليها أم عيال بس ضعيفة حيــــــــل و بيضاء و كل شي حلو عليها !!

و أصلاً أنا نسيـــــــــــــــت ألبس هاللبس لما أروح لها !! و الدليل إني حاطة الاحتياطات .. لوول
و نصيحتج ع العين و الراس :eh_s(22): .. ان شاااء الله و ناوية أضعف و أمشي على ريجيم فاكهي و لبني "صحي" و أسوي رياضة والله يقدرنا و إياكم عليه ..
و الله يعافيج أنا لما شفت الفطاير على طول رحت المطبخ سألت هذا شو بالضبط على بالي حلو :nocommint:
الله يقدرج على الريجيم و يقوي إرادتج مثل قبل و أحسن ان شاء الله .. و يرزقج الرزق الحلال
أنا بعد ان شاء الله بعد ما أخلص صيامي 6 أيام قضاءً ، راح أبدى بالريجيم
و الله يعينكم على الدوام

-------

شوشو .. :eh_s(22): مشكورة حبيبتي و اللي سويته أحسه واجب عليّ من بعد الزواج :friends:مثل ما يقولون الدنيا بصوب و زوقو بصوب :eh_s(22): إلّا زوقو ما أرضى أحد يقلل من شأنه عشان تصرّف أنا أسويه فلازم أقوم قدّها و قدود جدام العالم علشان أخلّي قدره بالسما :fun:

-------

بطبط .. ام الكشخة الحمدلله إنها عدّت على خير و يا رب يجمعكم بمحبته
يالله نبي النفس الحلوة حق الريجيم تالي القضاء ان شاء الله ..
:eh_s(22): تدرين أحب لما يقولو لي العروس أطير من الوناسة كأني أول مرة أسمعها
ان شااء الله من عنوني الثنتين حبيبتي أم كارز الله يخليج له و يخليه لج و يرزقج النونو الكتكوتي تتونسين فيهم :sfg: ..

-------

منمن .. هلا والله الله يعافيج و يخليج لأهلج
تدرين ما اعرف اذا عندنا هالعصير اسمه رهيب " عوار قلب " .. لول بالعافية عليج
الناس عيد و الزحمة أكيدة والله يعينج عليها

-------

ما شاء الله اليوم نمت نووووم العوافي و ما طاع اييني رقاد فقمت و استلمت اللابتوب + الأكل و اللي كان عبارة عن حليب بالكاكاو و فطاير و كريما اللحمة و البطاط المهروس << ع الصبح اشتهيت ما اعرف شفيني :23_asmilies-com:
لأني ما كليت وايد البارحة .. لما كنت في بيت حماتي كلت 5 حبات فطاير و لما رديت البيت كلت قطعتين ويا زوقو و بعدين في الليل طلبت لي اسكريم من "باسكن روبنز" و كلت تاليها فطاير 5

و اليووم قال زوقو بنروح حديقة الحيواان .. حِلوووووووووو
بحط لكم إذا صوّرت فيديو أو صور عادية ^^

أنا الصراحة خاطري في الكيك اللي من وافي سنتر رهيب .. اسمه كيك البسكويت و مع الشاي الابيض تحسين انج في عالم ثااااني !!
بسأل زوقو إذا يقدر يمر يشتريها حتى هو يحبها .. بعد كان خاطري أشتري من اكسسوريز اكسسوارات روووعة لونها وردي << أموت في هاللون من يوم زوقو قال احبه عليج :eh_s(22):
و بعد خاطري أشتري حيوان أليف و حُمراات لوونها وردي غير اللي عندي لون واحد وردي بس ما عندي غيره .. و أبي أشتري أثقال مال قوم كيلو علشان أسوي رياضتي مع jillian
و أبي شريط قياس المحيط علشان أقيس قبل لا أبدي رياضة
و أنتظر متى ينزل فلم Harry Potter << شو يخصه :nocommint:
و بعد أبي أشتري نظّارة حق أشعة الكمبيوتر
و أبي أسجل في النادي علشان ماا أغير رايي و أغير جوو برع البيت و هو مو بس نادي هو spa فيه كل شي jym , aerobics , massage تدليك , salon صالون ، حمام مغربي ، و كل ما يخص المرأة << دعاية .. لوول و حتى فيه نظام تخفيف الوزن بس لازم تنامين عندهم يمتد مدة ثلاث او اربع ليالي على حسب الدفع
و بث :eh_s(22):

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

الله يبارك فيكم حبيباتى

امس تغدينا بميس الغانم فوق اللى تحت ززززززززززززززززحمه فظيعه

وكان اكلهم حلو والضحى كنت موديه اليهال حولى بارك

واليوم بوديهم سنتر بوينت يشترون الالعاب اللى يبونها ويفكونى من الحنه

وصبوحه العيد عيدهم فعلا والفرحه ما نشوفها الا اذا كانوا مستانسين

بطه البي اس بى عندى تكسرت وانقطت من زمان اخذتها من الغانم اللى فيها اشرطه

والحين هوايتهم العاب الاب توب وانا اقول الاب احسن وممكن يستفيدون منه باشياء وايد

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

:ada:بااااك

السلام عليكم مرة ثانية وعيدكم مبارك

ياطويلات العمر رخنا انا وزوجي وعيالي وتريقنا بالابراج ( زحمة حيل)
واكلت على راحتي من كل شي تقريبا وقبلها طبعا تمشينا بالسيارة على شارع الخليج لمدة ساعة على ما يفتح المطعم
وناية ان شاء الله اصوم ديني 5 ايام وبصوم يوم واحد ما في الضمة احتياط كنت ببلش من اليوم نفس كل سنة بس زوجي يتحلطم علي لما اصوم بالعيد فقلت خلاص اخليها مع الدوام يوم الثلاثا او ابلش الاربعا وشبكهم لين اخلص وبعدين بحاول اسوي كنترول على روحي

وزني زايد تقريبا كيلو ونص بس قياساتي زايده اكثر شكل جسمي متغير عن قبل .. انا ودي 47 وايد جسمي يصير حلو انا حبتي صغيره ( بوتيت ) وانا اصلا قصيرة فلما يصير وزني 47 يصير وايد حلو .. الله كريم واوصل حق الهدف المنشود

صبوحة : بالعافية عليج الطلعات والفطاير والكيكة اللي تحبينها والاشياء اللي ناوية تشترينها مقدما

اثمان بالعافية عليج المطعم والطلعات

وشوشو- منمن-زيونه - زاجل -عنيد - همبوشة-تمتومة -ريومة - جسوت شنهي الاخبار ما طليتوا علينا ؟؟
اشتقنا لكم وريومة ان شاء الله تكونين مستانسة بالسفرة واشتقنالج:hjy5jewf:​

 

[بطة رشيقة]

قوه بنات شلونكم ... حياكم الله كلكم .. والله يعينا ويثبتنا انا اليوم الصبح يتنى الدوره وعفست مزاجى فوق تحت وصكت فينى الدنيا الحمدلله على كل حال اللهم لا اعتراااض ... انا والله مو معترضه على شى بس خايفه من عمليه المنظار وكنت اتمنى ان يصير شى من ربى بدون ما احتاج حق هالعمليه وايد خايفه منها الحمدلله الحمدلله على كل حال الله كريم .. اليوم بروح اودى كارز يلعب ويشتى البى اس بى وان شالله بتغدى بره واليوم مو رجيم وان شالله ناويه ارد على الرجيم هاليومين .. انا كنت ناويه اصوم بس يت الدوره وخربت كل شى ... الله كريم ان شالله الحمدلله على كل حال ..

ميزو واثمان وصبوووحه شلونكم حبيباتى ..

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

اليوم متضايجة :eh_s(11):
ثاني و ثالث يوم العيد ما طلعت مكان و اليوم أزفت يوم مرّ عليّ
و زوقو الله يهديه رايح الكراج يبي يخلّص سيّارة الجيب اللي شراها تخيلوا من الصبح الساعة 8 و ما رجع غير على وحدة و نص و بعدين رجع و راح على الساعة 3 و ما رد للحين
و أنا منحشرة بالفراش ما في شي أسويه بالبيت و الله فيني بجية ليش يعني ما حصّل يوم ثاني غير هذا ؟!! استغفر الله العظيم
:eh_s(2)::eh_s(2)::eh_s(2):

أبي أطلع .. وناسة العيد غير عن وناسة باجي الايام :eh_s(2):

 

[بطة رشيقة]

حبيبتى صبوووحه لا تتكدرين ان شالله ربى يفرج همج ماعليه ان شالله الحين يرد من القراج ويقووولج امشى نتعشى بره ماعليه لا تتضايقين حبيبتى .. الله يعينج انا رحت تغديت بره رحت جونى كارينووز صديقى الصدوووق وتالى رحنا الرحاب خذت حق كارز بى اس بى ومشالله عليه حايسنى حوس بروحى انا ما اعرف لها كيفه خل يعابل فيها ويا ابوه والا اخوى خخخخخ ... والحمدلله على كل حال رديت وكانى قاعده مجابلتكم واحس انى متضااايقه ومتكدره بس الحمدلله على كل حال ...

 

[mn.mn]

مسااااااااااااااااء الخير

شلونكم و شخباركم ؟

الله يتمم على الكل الطلعات والوناسة وعليكم بالعافية وين ما رحتوا وشنو ما كليتوا

اليوم كان افنيوزي >>> يعني ناقعة بالافنيوز من الضحى لي المغرب لعبوا الياهال في بروي وحلينا احنا قبل الغدا في باول العجيب

وتالي حسنا وتسوقنا وتغدينا ورحنا السينما فيلم cats and dogs واستانسوا عليه الياهال وعقب الفبلم طلعنا وبس

ولي الحين ما خلص برنامج ثالث يوم العيد تالي الليل أكمل لكم

----------------------------------------

زيون عليكم بالعافية روحة الشالية وموفقة بخطة الصيام والرجيم أنا ديني بصومه على الاسبوع الياي لان ريلي بيسافر ففرصة

سفرته 4 ايام وديني 4 ايام ولا بتكون بداية الصيام الاثنين ونهايته الخميس يعني شغلي ان شاء الله مزبووووووط

----------------------------------------

بطبط حسافة أمس لو أدري بتطلين جان نطرت وشنو سالفة المنظار ؟؟؟؟ وعليكم بالعافية الطلعة والغدا وكارز عليه بالعافية

البي اس بي عاد غميضة لو ماخذته ipod جنه أونس وأيدد ونفس السعر إذا ما كان ارخص وترى عوار قلب عاااادي الامبراطور أحلى

---------------------------------------

أثمان عليكم بالعافية روحة ميس الغانم وعليهم بالعافية العيال الألعاب أنا هالعيد عشتو ما يبون ألعاب بيمعون العيدية عشان السوني 3

وهم قلت أوديهم يلعبون وأحجز لهم سينما أونس اليوم كيفوا بالافنيوز وباجر في 360 بس بعد استانسوا ولعبوا عدل

--------------------------------------

صبوحة عوار قلب سوالف كويتيين ما أعتقد عندكم منه ان شاء الله لي زرتي الكويت جربيه وما عليه حبيبتي لا تضيقين خلقج

وان شاء الله تطلعين مع ريلج تغيرين جو وتكسرين الملل اللي حاسة فيه

----------------------------------------

شوشو الله يعافيج يا قلبي

جسوت وعنيد شدعوة وينكم ؟؟؟؟؟؟؟؟؟؟؟؟؟؟؟؟؟؟؟؟

 

[ام فجور 2008]

من من عليج بالعافيه
ومشوارج كان معاي اليوم ومن عقب فترة اليوم طلعت رحت الافينيوز مع البنات من الساعه 2 لي 4ونص طولت وايد صح هههههههههه
رحت تغديت مع البنات وبعدين رحت شريت من ماك فونديشن وطلعت كان ودي اشتري لي ملابس بس ما قدرت شوي كان زحمة وصايرة ما اتحمل الازعاج
وديت بنتي معاي اكسرت خاطري هي بعد من زمان مو طالعه احسها استانست مسكينة من شافت النوافير تقولي الله يما وناسه قلت عساها دوم تستانسين

بطبط حبيبتي الله يعوضج خير يارب

 

[بطة رشيقة]

هلا فيكم وغلا منمن حبيبتى وماقصرتى على المعلومات الحلوووه كنت باخذ له ايبود بس قال لى اخوى انه وايد حساس وباى حركه منه بيخترب واو يطيح منه وينكسر عرفتى عاد قلت خلينى اخذ له البى اس بى عشان يتعلم عليها وما يخربها ان شالله وعليج بالعافيه روحه الافنيوووز انا بعد ناويه اوديه يلعب لان ما ابى تى الروضه واهو ما سوا كل اللى بخاطره يمكن باجر اوديه وعلى الفلم انا بعد شفت دعايته وتشوووقت هم ودى اروح له والله كريم ... وقصه المنظار قصه ادعيلى بس ادعيلى ...

ام فجووور عليج بالعافيه الطلعه وماعليه ان شالله تروحين مره ثانيه وتاخذين لج هدوم اهم شىى ديرى بالج على روحج الحين ...

 

[just-me]

امواه امواه امواه

ولهانه عليكم واااااااااااااااااااايد

شلونكم بنات سامحوني بعد قلبي شوي و اسولف لكم سر غيابي عنكم ولو اني ترا اطلطل بين فترة

والثانية اشوف اخباركم من صجكم يطوف يوم ما اطل عليكم اصلا ما اقدر بس الظروف

عموما..... عيدكم مبارك و تقبل الله طاعتكم وعلينا جميعا بالعافية الاجازة و الطلعة و البلعة

ردرد تالي اخباري

زيون عليكم بالعافية الشالية وزين سويتي خل يلعبون و يراكضون الابطال عن الحكرة بالبيت

يالله عاد نبدي صيامنا سوا انا بلشت اسبوع المرور ورا صلاة العصر اول يوم العيد

بطه حبيبتي قطي همج على ربج و اهوه اللي بيفرجها صحيح اسعى يا عبد بس لا تحرين عمرج

وعليه بالعافية كارز البي اس بي و اهلا بكم بعالم الكمبيوترات والالعاب و المخاسير تزهبي لللاب توب

حقه السنة الياية

منمن انا اليوم بعد بالافنيوز حسافة ماشفنا بعض يالله باقي باجر بس الله يعينج قلبي عندج وماعليه عسى الله يخلي

لج هالدوام على الاقل يوسع الصدر و المعاش يونس شنسوي الله كريم كلنا طبقة كادحة مو ألمعية لوووووول

أثمان حبيبتي الف الف مبروك و الله فرحت لج وتستاهلين و عسى الله يفرحج ويبلغج بعيالج

عاد انا نفسج كله اقول اليهال بس اسم الله عليهم ابي اعود نفسي و اقول عنهم العيال احسن

عليكم بالعافية العيد و طلعاته و المطاعم زين سويتي الله يخليج لهم

صبوحة بعد عمري توج عروسه تهني مع ريلج واستانسي و كشخي بره البيت و بالبيت و بكل حزة ووخري

الحزن و الغلقة عنج و استانسوا توه ما يوكم يهال يدوخونكم الله يجعل ايامكم كلها عسل

شوشو ياغاليتي شلونج.. شلون قوزو المستقبل متى العرس باذن الله؟؟؟ عسى الله يهنيج ويتمم على خير

ويبعد عنكم كل مكروه بسج ريجيم و بلشي محافظة لا يتلقف ويهج من اللوية و التعب يبيلج فيتامينات وراحة

ام فجر شلونج ياقلبي شلون فجورة ما سولفتي لنا شصار و شلون والله كنا نحاتيج ... شلونج الحين حطي بالج على عمرج

ومالج شر

ميزو يالغالية شلونج و شلون العيد معاج و مع العيال الله يخليج لهم و يبلغج فيهم .. شلون الريجيم .. بلشتي و الا بعد

شلون الطلعات وين رحتو..؟؟

عبورة كل عام وانتي بالف خير حبيبتنا شلونج... ولهنا عليج ياقمر و عيدج مبارك و السنة الياية عيدج في بيت ريلج

اللهم امين

زاجل ... مصختها يا شيبوب اخو عنتر...وينج ولهنا عليج.. شلون الشباب بالعيد شلون الريجيم و الطلعات

شاخباركم بنات وايد و لهانه عليكم

وين عنيد شتو سر هالاختفاء ..؟؟؟

شموسة وينج ولهنا عليج

 

[المتميزة دائما]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

امواه امواه امواه

ولهانه عليكم واااااااااااااااااااايد

شلونكم بنات سامحوني بعد قلبي شوي و اسولف لكم سر غيابي عنكم ولو اني ترا اطلطل بين فترة

والثانية اشوف اخباركم من صجكم يطوف يوم ما اطل عليكم اصلا ما اقدر بس الظروف

عموما..... عيدكم مبارك و تقبل الله طاعتكم وعلينا جميعا بالعافية الاجازة و الطلعة و البلعة

ردرد تالي اخباري

زيون عليكم بالعافية الشالية وزين سويتي خل يلعبون و يراكضون الابطال عن الحكرة بالبيت

يالله عاد نبدي صيامنا سوا انا بلشت اسبوع المرور ورا صلاة العصر اول يوم العيد

بطه حبيبتي قطي همج على ربج و اهوه اللي بيفرجها صحيح اسعى يا عبد بس لا تحرين عمرج

وعليه بالعافية كارز البي اس بي و اهلا بكم بعالم الكمبيوترات والالعاب و المخاسير تزهبي لللاب توب

حقه السنة الياية

منمن انا اليوم بعد بالافنيوز حسافة ماشفنا بعض يالله باقي باجر بس الله يعينج قلبي عندج وماعليه عسى الله يخلي

لج هالدوام على الاقل يوسع الصدر و المعاش يونس شنسوي الله كريم كلنا طبقة كادحة مو ألمعية لوووووول

أثمان حبيبتي الف الف مبروك و الله فرحت لج وتستاهلين و عسى الله يفرحج ويبلغج بعيالج

عاد انا نفسج كله اقول اليهال بس اسم الله عليهم ابي اعود نفسي و اقول عنهم العيال احسن

عليكم بالعافية العيد و طلعاته و المطاعم زين سويتي الله يخليج لهم

صبوحة بعد عمري توج عروسه تهني مع ريلج واستانسي و كشخي بره البيت و بالبيت و بكل حزة ووخري

الحزن و الغلقة عنج و استانسوا توه ما يوكم يهال يدوخونكم الله يجعل ايامكم كلها عسل

شوشو ياغاليتي شلونج.. شلون قوزو المستقبل متى العرس باذن الله؟؟؟ عسى الله يهنيج ويتمم على خير

ويبعد عنكم كل مكروه بسج ريجيم و بلشي محافظة لا يتلقف ويهج من اللوية و التعب يبيلج فيتامينات وراحة

ام فجر شلونج ياقلبي شلون فجورة ما سولفتي لنا شصار و شلون والله كنا نحاتيج ... شلونج الحين حطي بالج على عمرج

ومالج شر

ميزو يالغالية شلونج و شلون العيد معاج و مع العيال الله يخليج لهم و يبلغج فيهم .. شلون الريجيم .. بلشتي و الا بعد

شلون الطلعات وين رحتو..؟؟

عبورة كل عام وانتي بالف خير حبيبتنا شلونج... ولهنا عليج ياقمر و عيدج مبارك و السنة الياية عيدج في بيت ريلج

اللهم امين

زاجل ... مصختها يا شيبوب اخو عنتر...وينج ولهنا عليج.. شلون الشباب بالعيد شلون الريجيم و الطلعات

شاخباركم بنات وايد و لهانه عليكم

وين عنيد شتو سر هالاختفاء ..؟؟؟

شموسة وينج ولهنا عليج

هلا هلا جسوت هلا وغلا اشرقت وانورت واستهلت وامطرت وينج يالغالية يا حلو كلامج وطلتج ما شاء الله ما تنمل :aha:عليج بالعافية الافنيووز والطلعات والعيد وبالنسبة للريجيم ان شاء الله ببلش مع الدوام اول شي بقضي ديني 5 ايام وبعدين خلاص بربط الحزام الريجيمي باذن الله

وبطوطة حبيبتي ما تشوفين شر ولا يضيق خلقج والله يرزقج بنين وبنات بصحة وعافيه وانتي ديري بالج على روحج وخلج متفائله دايما وتقبلي مني هذه الوروود:aha: :aha:وعقبال ما نيب لج ورود الولادة وانتي قايمة بالسلامة حبيبتي

صبوحة : حبيبتي اضحك للدنيا تضحك لك .. وابتسم تبستم لك الحياة .. ولا تضيقين خلق حبيبتي الايام وايده جدامكم بتطلعون وبتروحون وبتييون والله يديم المحبه والسعادة بينج وبين زوجج يارب

منمن: بالعافية عليكم الافنيوز والسينما والحلو والعيد وعسى ايامكم كلها اعياد

ام فجورة : عليج بالعافية الافنيوز اي والله طلعي واستانسي الحمد الله انج قمتي بالسلامة وغدى الشر عاد الحين غيري جو وفرحي وونسي بيتج الله يخليها لج يارب ويعوضج يارب

والله يحفظ لنا الكويت ويحفظ شعبها من كل مكروه

وعاشت لنا الكويت ... وعاشوا اهلها :q8:​

 

[mn.mn]

هلا هلا جسوت ما شاء الله الطيب عند ذكره

عاد أنا قلت اليوم الله يا كثر الناس اللي أعرفهم موجودين اليوم بالأفنيوز بس من الزحمة ياروح ما بعدك روح

والله يعافيكم كلكم وانتوا بعد عليكم بالعافية بطبط وميزو وجسوت وأم فجور

نهاية اليوم الثالث كانت عشوة بدون الياهال بجاوتشو قريل في منتجع النخيل

والحمد الله كان عشا خفيف لطيف غيرنا جو وجربنا شي يديد بدون لوية الياهال

وتصبحووووون على خير

 

[ام فجور 2008]

جسوت بعد عمري ما قصرتي والحمدلله الحين احسن بس نفسيا تعبانة صايرة ما امشي عدل من الحادث

جسوت اعذريني بمسح الي كتبته من اذكره يضيق خلقي

ام فجورة : عليج بالعافية الافنيوز اي والله طلعي واستانسي الحمد الله انج قمتي بالسلامة وغدى الشر عاد الحين غيري جو وفرحي وونسي بيتج الله يخليها لج يارب ويعوضج يارب

الله يعافيج ياقلبي ماقصرتي اليوم كلنا كنا بالافينيوز لو مواعدين

 

[ام فجور 2008]

من من بالعافيه عليكم
وزين سويتي طلعتي من غير الاعيال

بنات ابي اطلب ماعون حلو من وين ابي حلو بارد شرايكم بالخباز

 

[ام فجور 2008]

بنات انا لاب توبي خربان والحين شابكة من لاب توب اختي سلمو على عنيد
وادعو لي ان ربي يعوضني خير يارب