~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[mn.mn]

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عيدكم مبارك وعساكم من عواده

وعاشت لنا الكويت .. وعاشواا اهلها

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

كل عام و انتوا بخير و عساكم من عواده كل سنة و كل حول

 

[بطة رشيقة]

رد: رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

تقبل الله طاعتكم وعيدكم مبارك حبيبات قلبى .... ​

 

[ام فجور 2008]

السلام عليكم
شلونكم الله ياني مشتاقة لكم والله اني مشتاقة لكم حييييييييييييييييل وياحلات السوالف معاكم
غطيت عنكم سافرت ورديتي وصارت لي ظروف وسويت حادث وتكسرت فيه
ولا اقول ماله داعي اكمل

 

[ام فجور 2008]

نسيت اقولكم عيدكم مباااااااااااااااااااااااااااااااااااااااااااارك

والله اني فقدتكم حيل كل ما ايي الدوام لازم اكلمكم وبالبيت فجاة اقط عنكم

 

[just-me]

عيدكم مبارك و تقبل الله طاعتكم وينعاد علينا جميعا بصحة و سلامة

ربي لا تحرمنا و لا تفرقنا من بعض

الله يتقبل منا جميعا صيامنا وصلاتنا و دعاءنا و صالح أعمالنا يارب

 

[just-me]

سلامتج ام فجر الف لا باس عليج و خطاج السو الحمدلله على سلامتج

والله عاد زيون كانت تقول عسى ما فيها شي

اشوه انج طمنتيا والحمدلله ربج سلمج و حفظج لبنتج و أميمتج

 

[just-me]

خل أقول لكم شصار اليوم

اليوم الظهر الجمعية اشتري اغراض حق الريوق باجر و الله يا انه الدورعلى ابو الزيتون و الجبن

جنه طابور بينك بيري لوووووووول شريت جبن فرنسي و زيتون و شريت لبنة و مربي و كورن فليكسات

وتوست و سوالف ريوق عاد امس مريت المعلم اخذت خوش ماعون مدرج ينحط فيه المواعين العنونه

ان شاء الله اصوره لكم ... المهم عقب الجمعية مريت لوزام العايلة و شريت مفرش طاولة يديد خشيتهم قومي الهبلة

كريستينوه توها و فرشي المفرش و رززي المواعين واااااااااااي بغيت اذبحها عاد انا قايلة لها حق باجر الصبح

بسرعة شلته قبل لا يشوفونه العيال ... عساكم من عواده اجمعين و عسى الله لا يغير علينا

ويحفظ ديرتنا ويخلي لنا اهلنا و عيالنا و اخوانا و خواتنا يارب العالمين زايدن موناقصين لا فاقدين

ولا مفقودين يارب العالمين

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

الحمدلله على سلامتج يا أم فجر ما تشوفين شر
و الحمدلله قمتي قبل العيد ..

جسوت مبرووك عليج العيد و الله يخلي لج عيالج
و مبروك على السفرة و الصواني اليديدة

 

[بطة رشيقة]

هلا هلا بنااات عيدكم مبارك وعساكم من عواده وتقبل الله طاعتكم الحمدلله صمنا رمضان وتعبدنا ربى يبلغنا رمضان اعوام واعوام ويعينا على الطاعه والايمان .. وربى يتقبل منا ان شالله ..

تقبل الله طاعتكم حبيباااتى ..

اليوم سويت الفطور عيش مشخول ومرقه باميه وهذا طلب بو كارز انا احس انها باصجه ومالها طعم بس اهو يقول زينه شسوى بعد عليميه وخل يتحملنى خخخخ المهم وتالى قعدت اعدل وازهب والحمدببه خلصت كل شى وكل شى زاهب وكارز الله يحفظه قعدته مبجر وتوه قام يبجى وداخ وقلت تمام الحين خل ينام عشان ييقوم مصحصح .. الله يعينا ان شالله باجر الزواره فى بيت خالى بس لازم نروح الصبح نهنى ونبارك حق بيت عمى وجذى بس يبقون المحموله باجر قوزو مسكين دوام ( يقول ان اهو العين الساهره اللى تخدم البلد واحنا نستاااانس الله يعطيه العافيه ) يكسر الخاطر اذا صار العيد واهو دوام احس فى شى ناقص بدونه عشتووووا احم احم لا بس يكسر خاطرى ما يمديه يروح حق احد عاد انا كل سنه اذا صادف عنده دوام بالعيد ابخر بدله الدوام واعطرها واحط له ملابس داخليخ يديده يعنى عشان احسسه ان عيد خخخ

واى حبيبتى ام فجر الف الف الف سلامه ولا باس عليج عاد والله من مده انا وجسوت وزيون ومنمن نسولف ونقول وين ام فجور وليش احتفت عنا لا ما تشوفين شر بشرينا عساج الحين احسن ..؟ وعسى كل امورج بخير ..؟

جسوووت عوافى عوافى الريوق وعاشت ام المواعين الحلوه والعيد هل هلاله خخخ والله يعينج على لويه العيد بس وين زوارتكم عند اميمتج والا عند المحمووله ...

صبحوه عيدج مبارك حبيبتى وتقبل طاعتج شنو الاشياء اللى تسونها بالعيد بالامارات يعنى شنو معالم العيد عندكم منو تزوورون وشتسوون

( شكو انتى داشه بخشم البنت يا بطه ) لالالالا بس تبادل ثقافات بين دون الخليج ومرحبا الساع

منمن وزيون واثمان وزاجل وكل البنات عيدكم مبارك ..

 

[ام فجور 2008]

عساكم ما تفقدون غالي والشر مااييكم يارب
بس صج قلبي ماكلني على سيارتي وعلى البيبي الي كان في بطني الله يعوضني يارب الحمدلله على كل حال احس اني تعلمت اشياء وايد من هالحادث
الله كريم يارب يفرجها
لا ومن القهر اخوي مصور سيارتي ذاك اليوم يوريني ياها بغيت ابجي واقول الف الف حمد انه ربي نجاني منه
تصدقون حق العيد ماشريت ولا شي حقي عندي قميص شاريته من الامارات بخليه حق باجر
وحق بنتي عطيت خواتي يودونها معاهم السوق ودي باجر اطلع اتعشا بمطعم بس صايرة اتنرفز من الزحمه والازعاج

بنات مادري اذا ماره عليكم هالمشكلة او لا لا ب توبي حاطه له رقم سري والمشكلة انه الكيبورد مو راضي يكتب ولا حرف

 

[Loving Stella]

عيدكم مبارك و تقبل الله طاعتكم
ولهانه عليكم وحده وحده

 

[Loving Stella]

اهلا اهلا ام فجور اسفرت و انورت مبارك عليج الشهر و عيدج مبارك كل هذا بوقت واحد بقووله هههه
شخبارج ؟
الحمد الله على السلامه و الله يعوض خير اهم شي سلامتج و بالحديد مو فيج لا سمح الله

 

[المتميزة دائما]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم
شلونكم الله ياني مشتاقة لكم والله اني مشتاقة لكم حييييييييييييييييل وياحلات السوالف معاكم
غطيت عنكم سافرت ورديتي وصارت لي ظروف وسويت حادث وتكسرت فيه
ولا اقول ماله داعي اكمل

السلام عليكم وعيدكم مبارك .. هلا فيج ام فجور ما تشوفين شر وسلامات والحمد الله اللي يت على جذيه والله قومج بالسلامة والله حبيبي يعوضج يارب وتفضلي هذه الوردة علشان سلامتج:eh_s(17)::eh_s(17):

 

[ام فجور 2008]

اهلا اهلا ام فجور اسفرت و انورت مبارك عليج الشهر و عيدج مبارك كل هذا بوقت واحد بقووله هههه
شخبارج ؟
الحمد الله على السلامه و الله يعوض خير اهم شي سلامتج و بالحديد مو فيج لا سمح الله

اهلين حبيبتي علينا وعليج يارب
والله يسلمج من كل شر

السلام عليكم وعيدكم مبارك .. هلا فيج ام فجور ما تشوفين شر وسلامات والحمد الله اللي يت على جذيه والله قومج بالسلامة والله حبيبي يعوضج يارب وتفضلي هذه الوردة علشان سلامتج

بعد عمري ماقصرتي وتسلمين لي عالوردة



بنات مشتاقة لكم كان ودي اني الاقيكم بس مالي حظ يالله ان شاءالله مرة ثانية


زيـــــــــــــــــــــــــون بعد عمري اسالت عنج العافية يارب

 

[mn.mn]

فير الخير !!!!!!

يا حسرتي مو يايني نووووووم ساعتي البيولوجية لي الحين مضبطة على رمضان

يا حلوها من أيام والله قلبي معورني ان رمضان خلص قاعدة بالصالة بروحي وفاقدة لوية الياهال هالحزة قبل الفير الله يعوده علينا

تقبل الله طاعتكم مرة ثانية وعيدكم مبارك وعساكم من عوادة

أم فجوووووووووور هلا والله حبيبتي سلامتج ما تشوفين شر وبالحديد ولا فيج الحمد الله على كل حال وسلامتج بالدنيا

جسوت بالعافية الجبنات والزتونات والماعونات >>> شعندها حلمانة بباب الحارة لوووول

بطبط يعطيج العافية على الطباخ والتجهيزات والله يعينج على غياب بو كارز من غير شر صج العيد بدونهم مووووحلو

ستيلا هلا حبيبتي شلونج وشخبارج وولهت عليج العااااااااافية

صبوحة ومميزة شلونكم ؟

زيون وينج اليوم ؟

اليوم ما شاء الله يومي كان حافل مع اني اليوم سويت اضراب بعد عن الطباخ وفطرتهم همبرجر وبطاط وفتوش ومقالي وبس

تالي من ورا الفطور لي الساعة 1 وأنا أحوس رحت خذيت الحلو من البيت اللي قلت لكم عنه بمبارك الكبير ووديته بيت أبوي

كملت أعمال التنظيفكو الشخصية وسبحت الياهال وجهزت هدوم الصبح والعصر حقي وحق الياهال ونظفت داري وغيرت الديكور طلع دهن مكينتي

ونسيت اقولكم بعد احتفلت احتفال على قد الإمكانات والظروف بعيد زواجي المجيد

 

[ميوما]

عيدكم مبارك

وكل عام وانتو بخير

وعسى دوم ايامنا كلها اعياد وفرح وسعاده

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا والله صبآح الخيــــــــــــــــــــــــــــــــــــــــــــــــــر
و أحلى عيد سعيد من دون نوووووووووووم
وااي منمن أنا نفس حالتج العصيبة النوم مجافي جفوني .. و من كثر ما أتأفف ما خليت زوقو ينام وحليـــــــــــــــــــله والله كاسر خاطري صايرة عنونه حمرة واعليّه عليه :0bee2e8d89: ما عليه بَكِشّ على اخواني في البيت وقت العصر و أخليه يرتاح شوي :dddds: ..

هلا هلا بطبط .. الله يسلمج هذا أول عيد يمر علي بعد الزواج :eh_s(22): ..
و ما اعرف بالضبط إذا كنت بروح أول عند أم ريلي أو لاء .. لأنها ممكن تروح عند أهلها براس الخيمة .. لوول
فزوقو قال بيسأل اخوانه و بيرد عليّ بعد صلاة العيد ..
و نحن بأم القيوين و أنا أهلي بالشارجة .. شفتوا عاد !! كل واحد بصوب ..
أول يوم لما كنت ببيت أهلي كنا نصحى الصبح و يروحون الرياييل يصلون صلاة العيد و بعدين نروح على الساعة 11 نتجمع في بيت اخواني من أبوي (يا ويلي تخيلوا يفطرون يوم العيد الساعة 12 الظهر و يتغدون الساعة 4) لوول
فنحن مرة وحدة غدانا اهو الفطور و على الساعة 3 نرجع البيت ..
و اليوم الثاني نروح المجمعات و إلا أماكن نتونس فيها
----------
بس الحين غيــــــــر الحمدلله تغيّر حالي وااايد أحمد ربي و أشكره على النعمة
بعد الزواج قصدي ..

اليووم الله يسلمكم ما نمت .. فلما قام زوقو و تسبّح و ياي بيروح صلاة العيد قمت و بخّرت له الكندوورة (الدشداشة)
و تعطر و تزقرت بالغترة و العقال .. ما شاء الله عليه
و طلع لصلاة العيد .. و ما بيرجع غير على الساعة 9 صباحاً لأنه بيروح عند اخوانه يسلّم عليهم و يسولف معاهم ..
و بعدين أنتظر متى بيتصل و بيخبرني بنروح لمن اليوم ؟!
طبعاً على الساعة 7 ببدى أتعدّل و أحط الميكب ..
ودي أروح بيت اخواني اليمعة عندهم حلــــوة و ان شاء الله بنرووح
و إذا رحنا ناوية أقعد مع اليهاال يونسوون اسم الله عليهم .. خاطري ألوّن بدفتر الرسم معاهم :eh_s(3):<< تتذكَر أيام الطفولة
إلا والأكل اللي يخبـــــــّل .. وااو .. يسوّون أشياء رهيبة بس حسافة ما ألحق على الحلوو لأنه نكون مروحين عادةً بس هالمرة بتطفّل على المطبخ و أشوف شمسوين :O_SHH_:

و امكن بالليل نروح السينما نشووف فلم هندي نازل يديد

و البارحة بخّرت أثوابي بالدخون و اليوم ببخرهم على الطلعة بالعوود .. و عندي عباتين و احترت الصراحة خاطري ألبس وحدة و الثانية بعد حلوة ما ادري شالحل ..
فقلت ألبس اللي بخاطري و أخلي الثانية حق ثاني يووم ..
يعني اليوم بلبس أحمر x أحمر .. الثوب أحمر و أسود .. و الشّيلة ملوّنة بعد أحمر و أسود .. و أساور كيووت أحمر و أسود و سوار فيه حركات مفاتيح و قلوب و أحرف .. لوول :dddds:
و بلبس كعب (الله يستر ما أطيح و أنقلب أول مرة أسويها و إلا أنا وين و الكعب وين) لونه أسود
و شبّاصة الشعر سودة .. و الميكب بيكون ستيناتي ^_* وايد أحب ستايل الستينات و الكحل الممدود وااااو:wqedqw:
و الجنطة حمراااا تشوفون من بُعد أميال

ما شاء الله الجمع الغفير كُثُر في مُصلّى العيد ..
وي وي وي نسيت أخبركم البارحة شفنا حادث واحد هندي متوفّي مسكين و اللي داعمه شاارد .. حسبي الله عليه
الله يرحم موتانا و يرحم بابا زايد والله فاقدته الله يرحمه .. صدق من بعده تغيرت حياتنا و إلا كنّا عايشين مرتاحين أيامه ..

شكلي قفّلت عن آخري بس مااابي أنام بقوم أشرب لي كافيهات لين ما أدوّخ و أطيح عليهم بالعيد :080402ask_prv: .. لوول


أو يمكن أنام .. ما اعرف والله :080402ask_prv:

اسمحولي على الـــــــ " قِرْقِر واجد" ودي أفضفض و ما عندي غيركم أقول له اللي بقلبي :hjy5jewf:
السّموحة غالياتي و عيدكن امبارك ..

 

[ABEER FLOWER]

صباح الأعياااااااااااد و العيااااااااادي

شخباركم حبايب قلبي ؟؟؟​

و ربي يتقبل أعمالكم جميعاً

و يحققلكم ما تتمنون​