~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[ABEER FLOWER]

سلاااااااااامات أم فجور

غدى الشر

و الحمد لله على سلامتج حبيبتي

أهم شي صحتج و كل شي يتعوض

 

[شوكولاته&فانيلا]

اشلونكم بنات
وللللللللللللللللهت عليكم حدددددددددي
عيدكم مبارك وكل عام وانتوا بخير حبيباتي:eh_s(7):

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

اليوم صح إنه يوم عيد .. بس مااا كلت وايد مع إن الأكل يشهّي
بس ما اعرف ما كان لي نفس !!


لما طلعنا الصبح شربت فيتامين سي و مالتيزرز

و في البيت كانوا مسوين لحم ناشف و ناجتس دجاج بالبيت و فطاير دجاج و مكروونة باشاميل .. أنا حطيت لي ربع ملة باشاميل و 3 قطع ناجتس دجاج بس ما كليت شي غير قفشة وحدة و الباجي أكلت أخوي الصغير حليله صغنوني و كلت قطعة ناجتس و الباجي عطيته إياه ..
و بعدها ما طب حلجي شي ..
حتى رحنا كافيه و دايماً أطلب لي كيكة على الاقل أمووووت عليها .. بس صدق صدق ما كان لي خلق لأن صارت سالفة و ضيجت خلقي و تميت أفكر و ما طلبت شي ..
حتى لما قلت لزوقو وحليله تم يفكر ..
و بعدين على الساعة 8 و نص المسا دشينا فلم هندي و بعد ما كان لي نفس آكل بس علشان خاطر زوقو ليحسّ عليّ طلبت لي عصير فراولة مثلج و مالتيزرز .. كليت المالتي و العصير ربعه بــــــــس ..

و بعد الفيلم رجعنا البيت أحس باليوع شوووووي و طلبت من زوقو اييب لي من كنتاكي .. بس ما اعرف اذا مفتوح للحين او لا:flower:

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

فير الخير

عيدكم مبارك .. و تقبل الله طاعتكم .. و عساكم من عواده

شلونكم و شخباركم ؟

انا امس كمبيوتري انضرب فايروس اقشر .. و الحمدلله تمت الفرمته على خير و رد جنه شد بلاده يضيق الخلق مافيه اي شي و لا اي برنامج .. و لكم اتخيلون الوضع !

عموما .. العيد الحمدلله مر على خير ..و عسانا وياكم من العايدين الفايزين اللهم امين .


ام فجور .. الف لا باس عليج .. و الله يعوضج خير .. و الحمدلله على سلامتج .

جسوت .. بالعافيه اغراض الريوق .. اكلا و ديكورا ..و بشري عسى تريقتوا عدل ؟؟

من من .. يعطيج الصحه و العافيه ..و التغيير حلو .. و زين تسوين .

بطبط .. ما قصرتي على مرقة الباميه .. و انتي اجتهدتي لا تكسرين مياديف روحج .
حتى لومو زين .. مدحي و ووصليه للسما .

صبوحه .. بشري شلون العيد ؟

ستيلا .. شلونج ؟

عبوره .. حيا الله من طل .. و تعودينه .

متميزه .. شالاخبار ؟

عنيد .. الغائبه الحاضره .. متى ناويه تخلين العيد عيدين و تطلين علينا رشيقة المستقبل .؟
متى يهل هلالج علينا ؟ ؟ ؟


الباجي ... شالاخبار ؟

 

[غلا عدوان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

آلسسسسسسسسلآم عليـكم ..~
ششششششلـونكم بنـآآت ..~
وعيدكم مبااارك ..
بصـرآحـه آنـآ بنظم لكم وآتمنى تقـبلـوووني =)

فديتكم =)

 

[mn.mn]

ولازالت ساعتي البيولوجية ماشية على توقيت رمضان

ولا عيالي من اللوية ناموا مبجر وتوهم قاعدين شكو مادري ؟؟؟؟؟

مع اني امس ما نمت الا بعد الفير وقاعدة من 10 الصبح وتميت بلوية وروحة وردة لي الساعة 11 ونص ليلا

كنت متوقعة برد البيت بقط عمري على الفراش بس مادري ليش طارت النومة من عيني !!!!

شخباركم مع أول ايام العيد ؟؟؟؟

زيون هلا والله وعيدج مبارك لايف وسلامات ما يشوف شر جهازج

صبوحة يا حلوكم ويا حلو سوالفكم وأنا اأقرا اللي كتبتيه تذكرت فريج فديت الإمارات واهلها

شوشو وعبورة هلا والله وعيدكم مبارك

غلا عدوان حياج الله بالدوانية

والحين نيي حق طاري الرجيم راح ابدي بعون واحد أحد

من يوم الثلاثا مع بداية الدوام والله يعيني على الاثنين الدوام والرجيم

صج ضربتين بالراس توجع

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

:nbvppw::nbvppw::nbvppw::nbvppw:

السلالام عليكم وعيدكم مبارك وعسى ايامكم دوووم سعيدة وعسى الفرحة ما تفرقكم وراحة البال تسايركم بدربكم والرشاقة ابد ما تتركم والعيد هل اهلاله وعاشت لنا الكويت .. وعاشواا اهلها :q8::nbvppw:

وعيدي يا كويت يا احلى بلد ​

​

​

:nbvppw::nbvppw::nbvppw:

هلا بخواتي رشيقات الدوانية اتمنى انكم تكونون بصحة وسلامة وخير وعافيه يارب

منمن : اشلونج وشخبارج وعيد زواج سعيد والله يتمم عليكم يارب بالخير والمحبة والمودة والرحمة ويحفظلج قوزو ويعالج يارب

زيون : اشلونج وشخبارج وان شاء الله يكون العيد خير ومحبة وسعاده يارب واخباري اني صليت صلاة العيد وعقبها رجعت رحت زرت بنت اختي بالمستشفى انا وزوجي وعيالي وبعدها رحت الصالون خلصت شغلي وباجر ان شاء الله زوارة بيت اهلي لأن اليوم امي كانت تعبانه اشوي ( حبيبتي ما تشوف شر) وطلعت بالليل انا وعيالي تمشينا وتعشينا وللحين سهرانه الظاهر ساعتي البيولوجية على قولت منمن للحين على رمضان توقيت جرينتش لوووول هذه اخباري باختصار وطبعا ما في رجيييم ابدا اكلت كل اللي بخاطري :botetoo:

وجسوت : بالعافيه عليج طاولة العيد والريوق والصواني ( النيو كولكشن للعيد )بالعافيه عليكم يارب ويحفظلج عيالج وابو عيالج ويرزقج الصحة والعافية انتي وكل حبايبي وخواتي بالدوانية يارب

شكوكو لوكو ( شكولاته وفانيليا ) اشلونج وشخبارج وعيدج مبارك ومشتاقين للطيبين

صبوحة : عيدج مبارك حبيبتي وبالعافية عليج لبس العيد الاسود بالاحمر شوقتينا .. شكله وايد حلو ( يكووون شافته) وتقطعينه بالعافيه يا عمري :friends:

واللي نسيته وما ذكرته يسامحني ومشتاقة لكم كلكم وبالعافيه عليكم ( العيد - وملابس العيد وكشخته- والبوفيهات - والمطاعم والحلويات والزوارات مقدما)

:aha::aha::aha::aha:​

وتقبلوا مني هذه الوروود

وعطونا عيديه ... نبي عيديه ... عطونا عيدية.... نبي عيدية لووووووووووول​

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

شلونكم بنات

امس العيد والحمدلله كان يوم حلو مع الاهل

واليوم ان شاء الله بطلع اليهال يمكن اوديهم حولى بارك

مع انهم يحنون يبون اشتريلهم العاب وانا صراحه مالى خلق لوية الالعاب

يلعبون فيها اشويه وبعدين تكسر واذا قطيتها يزعلون وتعالى وين تحطينها وتظل مكسره ومركونه

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ام فجور سلامتج وما تشوفين شر

صبوحه على اللى مضيق خلقج عاااااااادى حبيبتى الانسان ياااااااااما يشوف من هالسوالف

جسوت بالعافيه عليكم النيو لوك للريوق

ميزو ان شاء الله اليوم الزواره تكون حلوه وسلامتها الوالده ما تشوف شر

منمن الوعد بعد العيد شدى حيلج

زيون لا تنسين نبى نرجع لطريج الرجيم ونوقف (التبربس)وسلامته كمبيوترج

بطه ان شاء الله تفرحينا باخبار حلوه بهالعيد

 

[شوكولاته&فانيلا]

هلا هلا بنات عيدكم مبارك حبيباتي

نسيت اقولكم نتيجة ارمضان ببدايته كنت 69.700واخر يوم فيه وزنت صار 68.150 صج نزول بطئ بس هم الحمد لله مو زايده او ثابته ..وطبعا هذا اول رمضان بحياتي ينزل وزني العاده يزيد بس لله الحمد هالرمضان غير:eh_s(9):



وطبعا بدعت بالعيد لوووووول بس عادي العيد بونس روحي وعقبها برجع التزم بإذن الله وربي يسهل لي ولكم وللجميع..

احبكم بنات كلكم:eh_s(17):

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بنات باركوا لى


فززززززززززززززززززززززززت


http://www.q8yat.net/showthread.php?t=660633&page=126

 

[ام فجور 2008]

الله يسلمكم وعساكم ما تشوفون شر
وعيدكم مبارك مرة ثانية
عاد انا ضايق خلقي ودي اطلع اروح سينما بس محتارة بالفيلم
مبروووووووووووك اثمان حبيبتي

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكن يالغاليات
جيف حالكن ؟ شو مسويات ويا العيد ؟
و مرة ثانية انقول لكم .. عيدكن امبارك و عساكن من العايدين و السالمين و من عوّادينه ان شاء الله كلن على حدى .. :eh_s(15):

أثمان .. حبيبتي ألـــــــــــــــــــف ألـــــــــــــــــــف ألـــــــــــــــــــــف مبرووك يالغلا على الفووز و صدق تستاهلين على المقاومة اللي قاومتيها في رمضان
بس صدق فاتج تبربس رمضان .. هيهي
و عن سوالف ضيجة الخلق من إنسان عمرنا أنا زوقو ما توقعنا يسويها !!
صدق شي فظيع و يخوف !!
و الله يعينج على حنة و رنة اليهالووو فديتهم ربي يخليهم لج يا رب .. ما عليه الدنيا عيد تحمّليهم شوي
---------

شوشو .. مبروك على النزول حبيبتي و عقبال ينزل الوزن أكثر بعد العيد

---------

ميزو .. مشكورة على الورود الحلوة و امباركن عيدج .. هيـــــــه و لبست الاسود و الاحمر أول يووم يا حلاته عليّ حتى زوقو عيَبه اللون :wqedqw:

---------

منمن .. :dddds: ضحكتيني .. أونّه رمستنا عاده مختصرة في الفريج فديتج والله و فديت هل الكويت
والله يعينّا على هاي الساعة البيولوجية على قولتج .. شكلنا ما نبي انودّع رمضان

عِيَل الفريج هااه ؟ لوول :eh_s(3):

---------

زيوون .. والله العيد حلو و يسلّم عليج انتي شخبار العيد وياج ؟

---------

اليووم كنت مستاانسة .. كنت سايرة عند حماتي و هي من كبار الشخصيات يعني و زوقو متربّي عندهم يعني مو أمه الحقيقية .. بس وايد اتحبّه
فااااا لما رحت اليوم كنت لابسة لبس عادي يعني مو ذاك الزوود .. فلما رحت اهنااك عندها شفتهم كلهم كاشخين كأنهم في عرس .. لوول
فقلت لخالتي (اللي متوسطة بالزواج بيني و بين زوقو)
قلت لها ليش ما خبرتيني
بعدهاا رحت الشقة و بدّلت و لبست الأصفر .. كاان رووعه و كلهم يسألون منو هاي .. و يقولون هاي العروس :eh_s(22):
و الحمدلله كل شي تم على خير .. أنا من الاستقبال بالقصر لين المطبخ لين الميلس مال الحريم ما يلست إلا شوياات
و في الأخير طلعنا على الساعة 2 الظهر .. بس حسافة حليلها كانت طالبة بوفيه و ما تم أحد بالقصر كلهن طلعن راحن زواراتهن عند أهلهن أولهن "يدّو خصيبة" راحت مسافي عند أهل ريلها فديتها تسوّي جوّ
و آخر شي لما طلعنا خمّينا الأكل خذيت فطاير أكثر شي و حطولنا كريما باللحم و البطاطا المهروسة "أمي" << حماتي .. اتقول إنه الشباب يحبونها هههههههه
كانوا مسوين فطاير باللبنة و الزيتون أشكااااالها عجيـــــــبة يبت منها بحط لكم الصورة :082502bye_prv:

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني









هاا شرايكم مو أشكال عجيبة ؟؟

 

[mn.mn]

مساء الخير

وطاف ثاني يوم العيد وبقى لنا بس يومين الله يتمم علينا ونستانس فيهم قبل الدوام

صبوحة خوووووش فطاير عليكم بالعافية

رشيقات الدوانية طلوا عاد لا تغطون

اليوم زوارة الحمولة طلعت المغرب تالي رحنا السالمية تمشينا بالسيارة موووووت زحمة

مرينا المنعش شربنا عوار قلب وتالي شرينا شاورما حق العشا وردينا احس اني بحاجة لكوب جاي اخضر بالزنجبيل

ونلقاكم غدا على خير

 

[بطة رشيقة]

منمن وينج تعالى لا تروحين ..

 

[بطة رشيقة]

اليوم ثانى يوم العيد الحمدلله ربى يعيد علينا الاعياد والمناسبات السعيده .. اليوم زواره المحموله وطلعت فى بيت يدتهم يعنى مع الكل مو زواره حقى بروحى فى بيت اهل ريلى قلت يالله فرصه اشووووف الكل كشخت ورحت وقعدت يعنىب ين سوالف وبين سكوت ويعنى مر على خير وتغديت شوى مجبوس دياى وماكلت وايد وبعدين رديت البيت ورحت حق امى قعدت شوى عندها جان اروح فاشن مل صخه مافيه احد وخذت جم شغله حق كارز وبغيت اشتريله حق الروضه يعنى لبس رياضه وجذى بعدين قلت خل انطر لما يداوم واشوف بس شريت له بجامات وجم شغله وشريت له خرابيط من بو 100 وتعشينا وردينا صج الشوارع زحه واليوم بنام عند امى ... وباجر ما يندرى شنو بيصير الله كريم وان شالله راده على الرجيم قريب قريب ويارب انه يثبتنى ولا يخذلنى ...

منمن تعالى خل اسولف وياج وعوافى عوااار قلب ... ودى اجرب هالعصير ...

جسوت وينج ..؟

اثمان مبروك حبيبتى مبروك وعلى العاب الياهال انا ولدى ماذينى يبى يشترى بى اس بى وان شالله باخذ له بس متحلفه فيه ما يخربها وما يلعب فيها وايد عشان عيونه ...

ام فجوووره حبيبتى ربى يرزقج الخير ويعوووووضج و لا يخسر عليج تعبج ان شالله وربى يعوضج ان شالله واهم شى سلامتج يا حبيبتى ..

صبوووحه يا عروووووسه عاشت عاشت اهم شى انج تكشخين بكل وقت لان الحين انتى عروس وكل العيون عليج والله يفرحج دنيا واخره ان شالله والفطاير تشووووق

شوشو مشالله عليج بالعافيه الوزن اليديد وربى يوفقج

ميزووووو عليج بالعافيه اللى كلتيه وربى يوفقج ..

زيووووونه المزيووونه سلامه كمبيوترج الف سلامه ومايشووووف شر وان شالله كلنا نستانس بالعيد وتالى نرد ادرااااجنا

بالرجيم والله لايخسر تعبنا .. وعلى مرقه الباميه اى افا عليج انا صعدتها بالسما بس ادرى ان الطعم عادى بس يعنى عشان اكشخ جدام قوزو خخخخخ ....

 

[شوكولاته&فانيلا]

مساء الخيرات

اثمان الف مبروك حبيبتي وموفقه خير يارب

منمن بالعافية حياتي وان شاء الله تستانسين عدل قبل الدوامات

صبوحه استانست وانا اقرأ عن اللي تسوونه بالاماراتوالفطاير تشوق ياعروسه

بطبط الله يبارك فيك وعقبال ابارك لج جريب ان شاء الله ربي يبلغج ويحقق حلمج قريب اللهم آمين يارب

طبعا ماله داعي اقولكم شنو اكلت عيد عيد خل نآكل اللي بخاطرنا ولاحقين عالريجيم

جسوت وينج؟ناطرين اخبار العيد عندج واشلون كان الريوق

 

[بطة رشيقة]

مشكوووره حبيبتى شوشو ان شالله ربى يعطينى اللى بالى ان شالله ولا يخسر التعب على ان شالله وعلى الرجيم ان شالله رادين له وبقوووه والله لا يخسر تعبنا ان شالله ...

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

شلونكم ؟

محدثتكم حاليا من الشاليه .. عيدنا يخلص اول يوم لي العصر و بس .
الحمدلله ماكو زود لويه .. و حتى لو كنا بالديره راح نلزم منازلنا تفاديا للزحمه و العفسه .
عسى ربي يعدي هالعطل على افراح ووناسه .

مشروعي للريجيم .. اني ناويه ان شاء الله اصوم ديني .. احتمال ابدي الصيام مع الدوام يوم الثلاثاااا .
ديني 7 ايام .. و نظامي راح يكون تخفيف بالاكل و تنظيم على الاقل من البربسه اللي للحين مستمره فيها .
تالي لا عيدت عيدي الثاني ---> عقب الدين
ارد على الريجيم على اصوله .. و امشي عليه .. و التارقت عيد الاضحى باذن الله يكون ان شاء الله الوزن محاري ال75 .
الله يعين و رب البيت كريم .

شالاخبار؟