~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[ديمة بنت غنيمة]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

زييينه

اي والله انا صايره اكل بس تشريبه اكلها لما اشبع يعني ماسويت شي

بس ببدي من باجر شوربه واشياء خفيفه عالفطور و بخلي سحوري شوربه او فواكه شي خفيف




وباجر ان شاءالله اقولكم شسويت حق فطوري

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مي مي .. بالتوفيق .. داري على عدد القفاش و تكونين بالسليم ان شاء الله

 

[انين الانتظار]

السلام عليكم

الفطوور:

سلطة+شوية شوربة ما كملتها +1سمبوسة جبن+نص ملفوفة محشية +رطبة وحده +2كوبين عصير برتقال تانج



بينهم كليت 2 خيارتين +ملفوف خالي (يقوولوون يذووب الدهوون جان ادبه ملفوف )



السحوور:

4 قطع بتيزا صغار +1 فيمتوو

وسلامتكم

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

انين .. بالعافيه .

 

[انين الانتظار]

زيوون الله يعافيج

 

[Loving Stella]

زينه تسلمين حبيبتي و نتى بعد بالعافيه

شلونكم بنات ؟؟

عسى خلصتو هدوم العيد

 

[عنيّد]

مساكم الله بالخير :eh_s(8):

ها اشلونهم اهل الرجيم << اي عدل عدل ياللي رديتي للرجيم :dddds:


انا اليوم الحمدلله مثل ماقلت لكم بديت بالرجيم وخليت اختي تبدي معاي :icon30:
وبعد مثل ماقلت لكم وثقت الاحداث بالصور :gathering:


هذا صحني اليديد الي شريته بمناسبة شهر رمضان والرجيم (بديت بهالحركه من العام انا واختي خخخ)
الفطور : 3 تمرات + 1 كبة برغل + 8 قفاش عيش (الـ 3 زياده بدل اليدام) + سلطه
أعشاب
السناك : 4 حبات لقيمات مع قهوه عربيه بس نسيت اصور
السحور : رقي كميه مفتوحه ، عجييييييييب بااااااااااااارد يسررررررسح ع الجبد بس الحمام بعده موصج :cxxxp:

يالله خلأقرا الي طافني وارجع :68_asmilies-com:

 

[mn.mn]

السلاااااااااااااام عليكم

شلونكم وشخباركم ؟

حدي مكتئبة وحاسة بيأس اليوم وزنت وزني 80

صج انا مخربطة أمس بالزوارة بس هم ضاق خلقي لإني بشكل عام رمضان هذا غير عن السنين اللي طافت

أمشي شبه يوميا قبل الفطور واقوم من على السفرة وأنا مو حاسة بثقل بس مادري شسالفة ؟

مع إني حاسة ان الزوائد اللي بظهري وزنودي وبطني خافين عن الفترة اللي طافت مادري ليش الميزان معادني هالمرة

تقريبا مفكرة أبدي بمشروب الأناناس والكيوي وأخليه سحوري جم يوم واشوف عقبها النتيجة

هالكلام بيكون بعد يوم الاثنين لان حفلة القرقيعان راح تكون الاثنين وطالبين شاورما وصاج مو معقولة بروح وأطالعهم

بس ان شاء الله باجر وعقبه بحاول اضبط أموري ( مع ان عندي تسيورتين بهاليومين )

وانا شاكة بسالفة الحلو اللي بعد الفطور علطول يمكن منه ما نزل وزني ؟؟؟

والله كريم

 

[عنيّد]

منمن ،، وعليييييييييييييييج السلاااااااااام ، يابنت الحلال لاتضيقين خلقج ، يعني انا استغرب لما اخربط واوزن واشوفني زايده خو اكيد بكون زايده
بعدين انتي قاعده توزنين عقب التخربط مايصير !! العبد يقول اذا خربطتي بيوم لازم توزنين عقب 4 ايام :eh_s(20):


زيووووووووون ،، سين سؤال ، الحين العبد قايلج ان الثلاث تمرات ممكن يكونون تمره + 2 لقيمات ، طيب هل ياترى وقتهم لازم بالبدايه مع التمر ؟؟ لانه اهو يقول اذا الحلو بعد الفطور مباشره هالشي ماينزل الوزن ، فهل كيف ؟

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ستيلا .. تقريبا خلصت العيد .. باقيلي بدي ما ادري متى راح ادور عليه !

عنيد .. ايوا يا ايوا .. عاشت عاشت .. ولكم باك .. و ان شاء الله دووووم مو يووووم
و فعلا الرقي الكميه المفتوحه الحمام يكون مكان استقرار بالنسبه لج و ليش مكان لقضاء الحاجه .. لووول

من من .. لا اتضايقين .. هونيها و تهون .. ان شاء الله موعد الميزان الياي نازله كيلوين و تفرقين على عمرج .. ان شاء الله باقرب وقت تكسرين ال 80 و لا تردين لها .
و لااتعشيت اناناس و كيوي .. اييب الحاااارج .
خلج على 7 تمرات و لين او روب .
او خيارات السحور .. عيش مشخول و روب .. او موزتين و حليب .. اخف و يشبعون و ماكو حارج .

 

[mn.mn]

عنيد بالعافية وأنا وزنت اجباري مو اختياري عشان المسابقة

زيون على طاري رمضان خلال السنين الياية حسبتها ان شاء الله اذا ربي عطانا عمر

احنا معطلين برمضان لي 5 سنين جدام يعني ما افكر اطلع من التربية إلا بعد 5 سنين

جسوت حلو البيف باستري الله يسلمج ماخذته من المنتدى تقصين القطعة 4 قطع وتحطين عليها كيري وشعرية باكستانية

تالي تدخلينها الفرن وبعد ما يستوي تطلعينها وتصبين عليها شيرة حلو وسهل وخفيف

بطبط عليكم بالعافية حلو الرهش عاد ريلي من شافه بإعلان الخبار وطاق براسه أشوه اني ما احب الرهش

شوشو وأثمان بالعافية ما كليتوا

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. قال لي في ناس يحبون يحلون و تكون اللقيمات على سفرة الفطور ---> طبعا استغربت الموضوع .
بس يمكن في ناس جذي .
من جذي قال .. 3 تمرات .. او تمرتين و لقيمه او تمره و لقيمتين ..بس قال ديري بالج مو ماكو تمر و 3 لقيمات .
عاد انا اخذ وحده ..و عقب الفطور دايركت اخلي اللقيمتين .. او قطايف ميني 2 ..او قلاص محلبيه كبر الاستكانه (نتفه)
عادي يمكن مو ضمن اللي قاله .. بس هه هه قاعده احاول اجتهد

 

[عنيّد]

زيون ،، خخخخخخخخخخخخخخخخ عاد تصدقين لما ادخله ادعي للي اخترع الحمام لوووووول صج راحه
انزين انشالله تردين على استفساري يعني


منمن ،، قووولي والله ، اكيييييد الحلو بعد الفطور ماينزل الوزن وهذا بعد من كلام العبد

 

[عنيّد]

صج ان العجله من الشيطان ، شكرا زيون :d
هممممممم بس انا ببقى على الثلاث تمرات او كلش كلش ادعس بينهم لقيمه وحده اول شي
وبمراجعتج اليايه تأكدي من هالنقطه

على طاري المراجعات ، انا موعدي على ماذكر بنص شهر 9 ،،، بس شكلي بتصل واغيره مفكره اخليه على اخر السنه

 

[mn.mn]

عنيد هالمعلومة قالتها زيون نيابة عن العبد وأنا بديت أتيقن انها صح

يعني مو معقولة كل يوووووووم أمشي وهم ما أدبه على الفطور وماكو نتيجة والله بستخف

شكلي بكشت بقوزو من باجر وبخلي الحلو بعد التراويح ونشوف آخرتها

زيون ما احب الموز ولا العيش والروب شكلي يوم رطب ولبن ويوم اناناس وكيوي والله يكون بالعون

وعلى الرقي انا ما أحبه عشان سالفة الحمام والقعدة تالي الليل يذكرني بحالتي وأنا حامل بالتاسع لوووول

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

رديت .. و اللي صج ندعيله يدش الجنه .. اللي سوا التكييف و الكهربا

من من .. معلومه الحلو عقب الفطور.. قال اياها شخصيا العبد .. و انا ما طبقتها اول الايام .. بس حاليا قاعده احاول على الاقل ااجل الحلو لي ساعه او ساعه ونص عقب الفطور

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. العبد باجازه لي عقب العيد .. و العياده موعدهم يفتحون 18-9

من من .. حاولي تغيرين من عادة الحلو .. و تبين الصج ترى في ناس مع الرياضه اجسامهم بالعكس ما يضعفون وايد .. يمكن انتي ليش مشتطه بالمشي هالايام عقب فتره من قطعج للرياضه ؟

 

[mn.mn]

أنا بعد شكلي بخليه على الأقل على التسع ولا حزة التسيورة

مع اني ساعات اكون شبعانة بس آكل علبو مجابلة الريل قبل مايروح الدوام عشتو مشاركة معنوية

بالحلو والقهوة لا اكثر ولا أقل ماراح أجرب صوب الميزان إلا يوم الأربعا الياي وان شاء الله فعلا اسويها وأصد عنه شوي

 

[mn.mn]

زيون يمكن والله بس احس فادني المشي بطني شوي انشفط والزغاديد فشوا شوي

مادري شنو حل اللغز اللي انا فيه ؟ عاد أنا مو طماعة لو 78 راضية

عموما خنخلص من لوية هالقرقيعان وباجي والتسيورات وان شاء الله من يوم الثلاثا يا أنا يا ال 80

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

من من .. حاولي تلهين عمرج بالجاي و القهوه .. و تلقين روحج صديتي عن الحلو.
اصلا على طول عقب الفطور ماله طعم .. تصدقين .؟
لا صار متاخر صج ينحس بطعمه .. و ما تحسين عمرج ثقيله .
انا توني مطبقتها .. ومرتاحه الحمدلله .
ان شاء الله توصلين 76 او 75 على اخر رمضان .. مرات الوزن يثبت و فجأه يخق.. يمكن جسمج مسوي فيج هالدقه