~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[جوجو.]

مسا الخير عليكم
من البدايات الطيبه ننقل لكم اني نزلت نص كيلو بس
:/ لييش
بس وناسه من بعد البر وخرابوووو

 

[شيخه***البنات]

lolwa

العفووو حبيبتي ..

****

الجوري الوردي :

مسا الخير عليكم
من البدايات الطيبه ننقل لكم اني نزلت نص كيلو بس
:/ لييش
بس وناسه من بعد البر وخرابوووو

مساء النور جووري شخبارج ؟؟

زين بدايه حلووه الله يووفقج ان شاءالله وتنزلين الباجي خلااااص ابدي عدل خليج من البر واكله وخرااااابه لووول ...

 

[LiBra LaDy]

قوه بنااات انا ابي اسوي رجييييم
ابي اضعف بس من فخووذي
لأني من فوووق ضعييفة شلووون؟؟؟

 

[بطاطا]

بطاطوووووو : الف مبروووووووك حبيبتي على نزوووولج .. و ان شاءالله بعد تنزلييين اكثر ..

الله يبارك فيج شيوووخة

امين و اجمعين يا رب

 

[شيخه***البنات]

بطاطا : ان شاءالله امييييين يااا رب ..

 

[بطة رشيقة]

صبااااح الخير بنات ... شلونكم حبايبى .. عساكم بخير ..

اتمنى ان الكل مستمر وبخير وانشالله ربى يوفقكم كلكم ...

قاب وشسوخه وروح وجورى وبطاطا وام فطوومه ... شلونكم نفر نفر فردا فردا شخباركم وبشرووونى عن دايتكم عساه دايت زين

ميشوووووو .. حياج الله واخيرا وينج فقدتج وايد وايد اهلين وسهلين بشرى انشالله انتى تمام والرجيم عساه تمام ؟؟؟


ليدى ... حياج الله حبيبتى معانا واتوقع الطلب اللى تطلبينه بتحصلينه اكيد مع الرجيم بس مع الرياضه اكثر ... الله يوفقج انشالله

ورده كاظمه .. موفقه حبيبتى وحياج الله معانا وانشالله تصيرين رشيقااااااا واضعيفااااااااااااااا


انا بخير وكل شى تمام وامس كنت تمام لى الساعه 3 العصر هقب ما ادرى شياانى اعصااااار يا بنات وكلت الاولى والتالى واضاااق خلقى وايد ... بس انشالله اليوم بلتزم واكون تماام التمااام ... وانشالله اوصل حق حلمى انشالله - يا حلمنا طول عمرنا ...- الله كريم


عشان جذى اليوم بعاقب روحى وما راح اكل شى ...


بنات عندى سؤال عنونو ....انا ودى اغير عن الجاى الاخضر وجذى .. وسمعت عن البابونج انه وايد زين وجذى وقلت ابى ادور بابونج بس يكون بالتيباااق عرفتواا عشان ما احوس فيه ... بس دورته بجمعيتنا ما حصلت تهقون وين احصله ... عادى اى ماركه ماعندى مشكله ....


يالله سى يو سوون





على الهوا مباااشره ...

 

[GAP^^الكبيرة]

شلووونكم بنات وشخباكم
انا صارت لي فتره الحمدالله موقاعده اخربط
بس نفسيتي مسدوده اول مره بحياتي وعايشه على السوائل اختي تقولي مو زين.. بس من صجي من اشوف الاكل يمي تقلب جبدي بس اذا شفت الصور او شميت ريحته ايوع... يعني تخيلو يوعانه بس ماقدر اكل>> شنو الحل؟

عاد توني شفت حمسه قفع حق فرح الحجرف وشوقتني.. بس تتوقعون الفقع يمتن؟؟ ان شاء الله بسوي لي اليوم على الغدا عشان ارد اكل

 

[GAP^^الكبيرة]

رشووق
انا اخذ البابنوج عادي ييون بتي باق شايفتهم ببيان والقادسيه والقرين..

 

[بطاطا]

قاب وشسوخه وروح وجورى وبطاطا وام فطوومه ... شلونكم نفر نفر فردا فردا شخباركم وبشرووونى عن دايتكم عساه دايت زين

بخير الحمدلله

و الرجيم اووكي ماشييييييييييييييييييين

 

[شيخه***البنات]

بطاطا

شلوونج حبيبتي شخبارج الله يوفقج بالمسابقه ويوفق البنات ان شاءالله ..

شنوو رجيمج اللي تسوينه ؟؟

يتعب ولالا ؟

 

[جوجو.]

قوووه

اشلوونكم ؟

انا تونى بدايه رجيم من امس ويا دكتور طالب الشمرى وامنيتى اصير اضيعفا

موفقه

 

[جوجو.]

اي والله ياشيخة الزين

لاخلاص بديت والحمدلله بديت انزل شوي شوي صج بطئ بس احسن من اول

 

[شيخه***البنات]

الجووري :

الحمدلله الله يووووووووفقج حبيبتي .. شدي حيلج ..

 

[Q8stylle]

مرحبا بنوتات

 

[شيخه***البنات]

q8stylle

هلااااا و غلاااا .. مرحبتييييين كبااااااااار ...

 

[ليالي العمر]

السلام عليكم ورحمة الله وبركاته

حبايبي انا اليوم ابتديت رجيم

وان شاء الله انزل من وزني


ونظامي : اخذ حبوب ريداكت الشهيرة للتنحيف وبس منغير رجيم ولا رياضة

وهي فعلا حبوب رائعة وانا جربتها من قبل ووايد استفدت عليها
واتمنى اني انزل الشهر هذا 4كيلو

وزني 85
طولي 157
الوزن اللي اتمناه 65


تقبلوني معاكم في دوانيتكم

يارشيقات على شان اكون رشيقة بعد

 

[وردة كااظمه]

نزلت كيلوووووووو

حمدالله من لاحد لى الخميس زين صح كيلوو ؟

 

[شيخه***البنات]

ليالي العمر ..

حياااااج الله حبيبتي معانا ..

و الله يووووفقج و ان شاءالله تنزلين وزنج يااا رب..

__

ورده كاظمه :

حلوووووووو ماشاءالله الكيلوو احسن من انج مو نازله ولا شي بالعكس كل مانزلتي عالبطيء احسن لج ..

موفقه ان شاءالله ..

 

[بطاطا]

بطاطا

شلوونج حبيبتي شخبارج الله يوفقج بالمسابقه ويوفق البنات ان شاءالله ..

شنوو رجيمج اللي تسوينه ؟؟

يتعب ولالا ؟

هلا و الله

انا بخير الحمدلله عساج بخير

انا للحيني على رجيم طالب الشمري

و الله انا تعودت على رجيمات طالب يعني من سنيييييييييييييييييييييييين و انا معاه فمتعودة و تصدقين اذا جربت رجيم ثاني من دكتور ثاني طبعا الاكل اكثر لان طالب واايد شوي احس مادري شلووووون انه ما يضعف !!!!!!!!


و الحين

اتريق نسكافيه

اتغدا همبرغر لحم او دياي مشوية 2 او كبابتين لحم او دياي او سمج او شيش طاااووق
مع سلطة << انا اكل خس

العشا برتقال او بوملي او شوووربة << انا لاغية العشاااا


و اتحرك بو 15 دقيقة جذي ​

 

[شيخه***البنات]

بطاطا :

مشكووره حبيبتي ..

الريووق ماكوو شي انا ادووخ اذا ماكو ريووق لووول ..

والغدا و العشا حلويين ..

موفقه ان شاءالله حبيبتي و ان شاءالله تضعفيييييييييين وتوصلين حق الوزن اللي تبينه بإذن الله ..