~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[عنيّد]

صباح الخير والـ كحكح

أنا وحده لصقت بالفراش آسفه يعني ماقدرت أقوم ، إذا قمت الكحه رجعتني

سألت رفيجتي لازم اروح الدوام عشان المرضيه ، قالتلي لأ دقي على 133 وطلبي المرضيه
أول مره أدري عن هالحركه ، ترى رحت المستوصف بس عشان أتاكد صج ولا جذب :dddds:
وأخذت اليوم وباجر اجازه عندي احتقان شديد ، يعني من اليوم للسبت اجازه لأنه الخميس اجازة رسميه ، والله يبيلها سفره < خخخخخ مكسوره وتبرد


جسوت ، بطوط ، فل مون ،،،،، اشلوناتكم عساكم بخيرات



أنوووج ،، أنا 30/7 :eh_s(6):

 

[just-me]

هلا بطه ... اسفة غطيت فجأة بس الزوروف

عموما ترا السوق كله Sale مري H&M اخذي لج بلايز سادة قطن بارد خفاف على

دينار و نص و كل يوم قطي لج وحدة بالغسالة ...المهم تكرمين الجوتي و الحين فرصة تنزيلات

 

[just-me]

أمس شريت لي فازات من ايكيا المربعين اللي بدينار و نص و حطيت فيهم وحدة فرش البودرات عشتاااااو

و وحدة حق المشوط -----> من زود الشعر الحمدلله و الشكر الله يخلي لي هالشعرتين

وشريت من ستي سنتر الشويخ أرفف بلاستيك شفاف حق الحمر Again عشتاااااو

و قلاسات الشموع بس الكبار هم من ايكيا حطيت فيهم المحددات و اقلام الكحل يالله الجنه هم بعد عشتااااو

لا أنسى بس أمش عنهم الغبار كل شهر كااااااااااااااااااك

 

[بطة رشيقة]

هلا هلا انا رجعت لكم من جديد سويت لى جم شغله ورديت ..

جسوته هلا والله اى انشالله بروح اخذ لى جم شغله حق النادى عشتوا واى ما احب النادى جنى وحده بتروح المدرسه واهيا ما تحبها هذا شعورى بالضبط .. وبالعافيه المشتروات

انوج هلا وغلا وسلامات يالغالى سلامات غدا الشر من بعد الصخووونه

وعنيد هم سلامات ياالغالى سلامات وغدا الشر من بعد الصخونه

شفتوا شلون هم نفس الاغنيه هههههه الظاهر صج توام

وبالعافيه العطله .. يبيلها صفره هههه يحليلج

انا تريقت توست وجبن وزيتون وجاى حليب ...

اليوم وين ام فجر فقدتها ..؟

 

[FuLL.MooN]

الحمد الله انا بخير دام انتو بخيير
واااااااااااااااااااااااااااااي أصلا المسترى أي شي يغسل الجبد يونس
انا بعد شعرتين الحمد الله .. مو شعرتين بمعنى شعرتين بس خفيف بس مقتنعة العوض ولا القطيعة الحمد الله الخروع زين احسه يقرق معاي

 

[ABEER FLOWER]

السلاااااام عليكم
شخبااااااركم رشيقاااات المستقبل
وحشتوووووووووووووووووني
جسوت و زيون و منمن و بطبط و عنيد و أم فجورة و فل موون و ستيلا و أنوجه و صافية و غاااب و الكللللللل
عساااااااااكم كلكم بخيييييييييير

بطوو مبرووووووك النااااادي حبيبتي
و إن شاء الله توصلين لهدفج

منمن طمنينا عن ولدج
الله يشافيه يارب

 

[ABEER FLOWER]

بطوو
مشكوووورة حبيبتي على السؤال
أنا بخير الحمد لله

أنوجه و عنيّد
سلاااامتكم ما تشوفون شر
بس غبت عنكم كم يوم اعتفستو >> أبو الثقة
هههههههه

 

[ABEER FLOWER]

أنوجه و جسوت
صدتكم ليش ما رحتو مواعيدكم

 

[mn.mn]

الحمد لله حمدا كثيرا طيبا مباركا فيه كما يحب ويرضى

علاوي قام من العملية بالسلامة بس ادعو لنا ان تكون ناجحة لان باجر راح يفتحون الجرح

ادعولي الله لا يضيع تعبه وتعبي

ولهت عليكم واااااااااااااااااااااااااااااااايد بس ان شاء الله بس اطلع من المستشفى تتحسن الاوضاع واقدر اطل عليكم مثل اول

 

[ام فجور 2008]

السلام

بعد عمري عساج ما تفقدين غالي
شلونكم

 

[ABEER FLOWER]

منمن حبيبتي فرحتينييييييي
الحمد لله على سلامته
و إن شاء الله عمليته ناجحة بإذن الله
و احناااااا ولهنااااااا عليج واااايد بعد

 

[Eng.shosha]

جنكم عطيتوني اسكب عدل ؟

 

[عنيّد]

لوووووول
ام عبدالمحسن ، انتي جم عمرج ؟
أنا أقول روحي حق دكتور تغذيه ولاتلعبين بعمرج ، الجسم يحتاج لكل أنواع الأكل

 

[عنيّد]

ع البركه منمن والحمدلله على سلامته ،، وانشاءالله اتطمنينا بنجاح العمليه

 

[Eng.shosha]

لوووووول
ام عبدالمحسن ، انتي جم عمرج ؟
أنا أقول روحي حق دكتور تغذيه ولاتلعبين بعمرج ، الجسم يحتاج لكل أنواع الأكل

عمري احم احم

15 :tomato2:

أي دكتوره تنصحوني ؟

 

[عنيّد]

انا و3 من اهلنا بهالعمر رحنا للدكتور محمد ربيع
شوفي رجيماته نفسها الي كانت عندي موجوده بالنت وبالمنتدى ، يا اما تسوين نفسهم او انج تروحين وتقوليله عن الاكل الي تبينه مو الي اهو يكتبه لج وتطلعين وتشوفينه مكرر بالنت نفسه !

او انج تروحين لتغذية الصباح بدل الخساير

 

[بطة رشيقة]

صبــــــاح الـــــــورد ....

شلونكم بنات عساكم بخير ...

انا تونى واصله الدوام ...

الحمدلله ان امس كنت تمام ومضبوطه وماخربطت ... بس حدى متكسره من اسبوع المرووور ورحت العزا امس واحد من اهلنا متوفى شاب عمره 25 لاحول ولا قوه الا بالله ربى يصبر اهله ويجعل مثواه الجنه يارب .. عشان جذى ما قدرت اروح النادى ( بسم اللله ما يمدى من اول يوم قامت تعطى اعذار هالبطه ) ههههههه بس انشالله بخليه على نهايه الاسبوع انشالله ..

منمن حبيبتى الحمدلله على سلامته علاوى وانشالله ربى يطمنج عليه بانتظارج حبيبتى طمنينا قلوبنا معاج ..

عبوره هلا فيج حبيبتى ... حياج الله شخبارج وينج من زمان ..؟

ام عبدالمحسن .. حياج الله يالغاليه معانا وانشالله توصلين للى تبين

عنيده وام فجوره شلونكم عساكم بخير .. ​

 

[ام فجور 2008]

بطبط عظم الله اجركم
شلونج

 

[بطة رشيقة]

كل عام وانتى بخير انوووووووووجه

 

[بطة رشيقة]

هلا هلا ام فجر شلونج اجرنا واجرج حبيبتى ربى يرحمه انشالله انتى وينج غاطه من امس ..؟