~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[ABEER FLOWER]

الديواااااانية مهجوووورة لوووووووول

صبااااااحكم ورد بناااااات
جسوت
شخبارج حبيبتي؟
و إن شاء الله تبدأين السبت بداية رجيمية جديدة قوية فريدة من نوعهاااااا>> ما أقدر على التعبير
و زين بدلولج السلطة يا أوختييييييي>> الله يذكرها بالخير زيون كانت بتتكلم مصري
و إنتي بخيييييييييير

هلااااااا منمونه حبيبة قلبي الله يفرحج حبيبتي أكثر و أكثر مثل ما فرحتينا
و ألف الحمد لله على سلامة علاوي الله يخليه لج و يحفظه و يبرّد عليه يااااارب
و الله يجعلها أياااااااام تنذكر ما تنعاااااااد
و البداية الرجيمية نبيهاااا قوية تنافسين فيها جسوووووووت
ههههههههههههه

ستيلا
احنا بخير حبيبتي
و إن شاء الله تروحين و تردين لنا سالمة و من دوووووون تخربط زايد
خربطي شوي و لبنان أكلهم صحي سلطة و كبة مشوية
و احنا بعد نحبج و نتمنالج سفرة ممتعة

أم فجوووووورة
و عليكم السلااااام و الرحمة
بخييييييييييير و لله الحمد
روحي و انبسطي و حطي بالج على فجورة
تروحين و تردين بالسلااااااامة يارب

وينكم بنات مختفين؟؟
بطو و عنيّد و أنوجه و غابوش

 

[mn.mn]

اللهم مالك الملك انثر على احبتي راحة المتقين وسعادة المؤمنين

جمعة مباركة ولاتنسون سورة الكهف

 

[ABEER FLOWER]

مشكووووورة منمن على الدعوة الرااائعة
رووووووعة مروووورج الكريم
و جمعة مباركة علينا و عليج

 

[mn.mn]

هلا والله عبورة بعد عمري

والعفو حبيبتي بس تبين الصج انا كنت غافلة عن لذة الذكر قبل ما الله يبتليني بمصيبة ولدي

سبحان الله تاخذنا الدنيا ونلهى فيها وما نفزع لربنا الا وقت البلاء

يا ربي يا حبيبي لا تحرمنا من طاعتك وذكرك وحسن عبادتك

شخبارج وشمسوية وشلون استعدادكم لرمضان والعيد ؟

 

[بطة رشيقة]

قوه بنات شلونكم شخباركم عساكم بخير ام فجوره وستيلا تروحون وتردون بالسلامه وانشالله تكون سفرتكم حلوه ومريحه وتغيرون جو فيها ... منمن حبيبتى الف الف الف الحمدلله على سلامه علاوى والحمدلله على كل حال وانشالله يارب هاللى صار خيره ما تدرين بشنو والا شلون بس اعتبريها خيره انشالله والسفره اللى راحت عليج لا تحترين ولا تتحسفين عليها وخل الفلوس تولى الزم ماعليج ولييييدج وانشالله تقدرين تعوضينها لما تحسين علاوى يصير احسن ويارب انشالله تردين على الرجيم وماعليه انتى انشالله بنت قويه وانشالله هالظروووف اللى صارت تنتهى باسرع وقت ولا تحاتين انا والله قلبى معاج واحااااتيج وايد وكل يوم ودى ادق عليج بس استحى اقول اخاف لاهيه والا شى الحمدلله على كل حال يا ويختى وانشالله كلها ازمه وتعدى ...

جسوت يالغاليه واى واى واى انا الصراحه اشجعج على قرار توقيف الرجيم يومين تدرين ليش عشان الحشره الحشووووووووووووره اللى طلعت لج الله يلوع جبدهم فراديز مو اول مره تصير فيهم هالحركه ترى متعودين على هالسوالف اللى يلوع جبدهم انشالله .... بس ماعليه انتى اهم شى غيرى جو بالويك اند هذا وردى على رجيمج الاحد انشالله

اما عن محسوووبتكم اللى اهيا انا ....

انا الصراحه هالاسبوع بدعت شوى هاليومين اللى فاتوا صار عندنا يمعتين ورا بعض فالبطه المنبطه خربطت فيهم لما قالت بس والصراحه مع المسعده والتخربط مالى ويهه اقايس لان ما ابى انصدم ... فاليوم الحمدلله عدتووو والعودوووو احمدووووووو وبلشت رجيم من يديد بس للاسف ما مشيت بس الحمدلله كنت مضبوطه رحت الافنيووووز وتمشينا وتغديت فى جليز بس طبعا ما كلت الاشياء اللذيذه اللى عندهم اكتفيت بشوى سلطه مع دايت بيبسى مع فاهيتا لحم وكلت نصها مو كلها والعشا كان بيضه مفيوحه مع خبزه وخيار وطماط وحليب وشربت جاى اخضر وماى وبس سلامتكم ....

وبعد شنو شنو اخبارى بس الله يسلمكم بخصوص النادى شنو بقولكم انا الحين وقفت هالفكره شوى لانى بينى وبينكم ما احب النادى فرحت النصر وشريت حبل وشريت حوض سباحه واحتمال احول بيت ابوى نادى ههههه بشوف اذا ضبطت معاى بستغنى عن النادى وسلامتكم والله مو بيدى بس جو النادى ما احبه اقول حق اختى شفتى الياهل اللى بيروح المدرسه واهو ما يحب ويبجى ههه هذا شعورى بخصووووص النادى بالضبط بالضبط اكرهه ما احبه ما احب ريحته ولا احب الاشكال اللى تكون هناك تفصخ ومتصخ بس كنت ابى اعصب روحى بس انشالله هالحركه اللى بسويها تضبط ....

ادرى قرقت وايد عليكم بس عندى وايد سوالف .... ممممممم وبس ما ادرى شنو بعد

اتمنى ان ربى يوفقنا برجيمنا ولا نتوقف عنه كلش كلش لان هالايام صج بادين نخوووورها بس لازم نشد الحيل ولازم ما نتوقف ولازم نشد حيلنا ولازم نكون اقويااااء لان حرام اللى سويناااه يضيع عشان تعب وملل وبعدين ياينا رمضان ربى يبلغنا وياكم وياينا عيد تخيلووووو اى العيد ويقولون فلانه متنتى شفيج ليش حسافه ....؟ لالالالالا ربى لا يقوله وانشالله ربى يتمم علينا ويعنا ....

وبس انا اليوم ببيت امى نايمه لان بابانا دوام وووكارز قاعد يحوس ما ادرى متى بينام الله يحقظه وانا متسلفه اللاب توووووب من اخوى وبرده له واى ودى اشترى لى لاب توب الصراحه بس ما ادرى متى ...

الله كريم انشالله يالله خلووووونى اروح الحين وانشالله انشالله انشالله اشوفكم قريب

حطوووا بالكم على روحكم حبيباااات قلبى

 

[mn.mn]

بطوووووووووووووووووووو ليش بتروحين والله توج على بالي بنت حلاااااااااااااااال قاعدة اقول جان زين تطل

من زمان ما سولفت معاج وتعالي يبيلج تقرص افا عليج انتي اخت عزيزة وغالية تدقين علي باي وقت وترى وايد

استانست من المسجات بعد عمري والله ما قصرتي وان شاء الله شوي شوي تتحسن الاوضاع

 

[بطة رشيقة]

السلام عليكم بنات شلووونكم شخباركم انا اليوم كملت زوارتى ببيت امى حشا ما صارت زواره هههه بس انشالله اليوم بالليل ارد البيت وحسافه على العطله خلصت اهئ اهئ باجر دوام افففف

اليوم انا الحمدلله مشيت نص ساعه ونطيت حبل يعنى لاعبه رياااضه نطيت وحده ثنتين والثالثه والا الحبل حاش اللليت وطيحه وكسره ههههه فشله من ابوى ما تسوى عليه هالرياااضه كسرت له ليت ههههه فشله ابيه

المهم وتريقت توست وجبن وحليب والغدا بيكون انشالله دياى بالفرن وفتووووش ... وانشالله اكمل اليوم بدون خربطيشن ...

وبس سلامتكم بروح ازهب السلطه واحط اغراضها عليها وانشالله عقب الغدا ارد عليكم ...

 

[ABEER FLOWER]

منمن
أنا بخير و لله الحمد
إنتي شخبارج و شخبار ولدج؟
و احنا كلنا تجينا أوقات نغفل فيها عن الأذكااااار
الله يثبتنا يارب على طاعته و عبادته
أجمعين يارب

و الله ماكو استعدادات لرمضان احنا نفطر في بيت جدي
و هم مو من النوع الي يفرزنون
بس أنا ناوية إن شاء الله أسوي لهم سمبوسة أو كبب من الطرق الحلوة الموجودة في المنتدى
و بالنسبة للعيد كنّا اليوم الصبح ناوين نروح الظهران مول لكن الله ما كتب ما نمنا إلا الفجر لوووووول
إن شااااء الله بكرة

بطبط
هلا و الله حبيبتي
غبتي عنا وايد
شلونج و شلون كارز؟؟
بالعافية عليج كل الي كلتيه و بداية رجيمية موفقة حبوبه
و الليت الي كسرتيه هذا ضريبة الرجيم لوووول
سولفي بطوو ترى سوااااالفج عسسسسسسل مصفى

 

[بطة رشيقة]

شكر ا شكرا عبوره على هالكلام الحلووووو .. انا بخير الله يسلمج تونى خالصه غدا وانشالله بيكون اسبوعى اسبوع رجيم بحت ...وربى يقدرنا ...

 

[ABEER FLOWER]

إن شااااء الله دوووم مو يووووم حبيبتي
و الله يوفقج و يثبتج على الرجيم و يثبت كل رشيقات الديوانية الغاليييييييييين
و عواااااافي على قلبج الغدا

مع السلاااامة
أطل عليكم بالليل إن شاء الله

 

[بطة رشيقة]

حياج الله حبيبتى

 

[mn.mn]

حسافة ما لحقت عليكم انا الحمد الله اليوم احس نفسي احسن حتى علاوي الحمد الله شوي احسن

والرجيم اوكي ماشي حاله وان شاء الله ماكو خرابيط الا عالخفيف !!!!!!!!!!!

 

[FuLL.MooN]

السلام عليكم .. مساء الخير شلونكم ؟ انا المنتدى كان معلق معاي شخباركم بشرونا عنكم

 

[بطة رشيقة]

قوووه

انا ردي من بيت اهلى

ونظفت على السريع وتعشيت خيار وطماط وصموونه وحده المطاح وجبن وعصير مشكل فواكه وتونى تسبحت ولبست بجامه شحلووووها تساعد على النوم هههه بس المشكله كارز مافيه النوم بس انشالله اقدر اسيطر عله

الظاهر ماكو احد انا قلت بس اطل اشووف شلونكم عقب مساع ... منمن هلا حبيبتى شلونج والحمدلله ان انتى اليوم احسن وربى انشالله يخلى كل يوم احسن م اللى قبله ويارب يتشافى علاوى وما تطول شدتكم

فل مون شلوج عساج بخير احنا بخير انتى شلونج وشلون الرجيم معاج .؟

يالله حبيبات قلبى خلونى اسكر ليتااات الدوانيه وانشالله باجر اشوووفكم على خير



صبحون على خير ​

 

[عنيّد]

صباح الخير

زماااان عنكم والله ، قلت مادخل عشان ماعديكم :dddds:

آخ من يوم الثلاثا انا بالبيت ، حلت لي القعده فيه والله ومومشتهيه الدوام خيرررررر شرررررر :eh_s(1):


المهم ، أنا ولله الحمد ماشيه ع الرجيم مع الدكتور OK
بس خربطت يوم الاربعا الي طاف ع العشا ، البنات عندي ماقدر ماخربط :tomato2:
واستاذنت الدكتور قلت له ترى كل اربعا خربوطيشن قالي ماشي p:



وووووووين بطات الدوانيه عيل مختفين ، ليكون من الضعف مايبينون !!؟؟ :krkrkr:

 

[بطة رشيقة]

صباح الخير اهلين اهلين عنيد صج فقدناج شخبارج وشلون المرضيه والقعده بالبيت ..؟ صاجه والله انا عقب هالاجازه اليوم حدى مالى خلق اداوم الحمدلله على كل حال ... لازم لازم نادوم شنسوى اكل عيشنا ياختى ..

انا الحمدلله رديت لعقلى وصارلى 3 ايام راده على الرجيم وناويه ماكو خربطيشن اسبووووووووووع جدام ... انشالله انشالله ...

وبس

 

[عنيّد]

صباح الخيرات بطوط ،، ماتفقدين غالي يارب
انا الحمدلله احسن ، أول مره أعرف فايدة العلاج من أول المرض ، ولا كل مره سدحة محترمه بالفراش :dddds: الحمدلله على كل شي
اي والله الدوام حيل ثقيل عقب الاجازه ، وبعدين الشوارع فاضيه الا جم سياره ، أحس بروحي مداومه :eh_s(1):

الحمدلله ان الله ثبتني على الرجيم لمدة 10 ايام (ماعدا ليلة عشا الاربعا :gathering والحمدلله نزلت تقريبا 4 كيلوات وكسور

والله يتمم علينا الباقي

انا كانت حالتي نفسيه ومحتاجه لدكتور والحمدلله اني رحت له :dddds:

 

[just-me]

صباح الخير بنات

 

[just-me]

سلامات عنيّد غدى الشر شلونج يالحبيبة ألحين

بطتي الغالية شلونج ...عفية على الشاطرة الملتزمة ماشاء الله ...الله يتمم يارب

من غير شر على الكل و الجميع

الديوانية تصفر

 

[just-me]

عنوده رحتي حق موعدج يوم الخميس ؟؟؟ ها بشري جم كيلو حذفتي؟؟؟

بطه عفية استمري لا تخقين ترا الايام قاعدة تركض استحملي