~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[GAP^^الكبيرة]

دوم ان شاء الله

شنو رجيمج؟
وشكثر حاطه هذف تنزلين بالشهر؟

 

[to07aH]

اجمعين ياارب

والله انا اراجع عند الدكتور بدر النصر الله

مو حاطه هدف شكثر انزل بالشهر المهم اضعف واوصل 66 ان شاءالله واذا قدرت ابي 55

بس الشهر اللي طاف نزلني والله 10 كيلو ان شاءالله بعد هالشهر انزل 10 بس اتوقع العشره الثانية صعبه شوي :\


وانتي؟؟

 

[بطة رشيقة]

هلا وغلا شلونكم بنات شخباركم ؟؟

والله صج صخه الدوانيه ... وهذا يدل على ان الكل كاان لاهى بس الحمدلله ان ردينا لعقوولنا والتزمنا ...

موفقين انشالله ...

تووحه مشالله الف الف الف مبروك النزول وربى يتمم عليج وانشالله ماكو شى صعب .. بس ممكن تشرحين لى شنو نوع رجيمه .... انا بعد بتقى لى عشره كيلوو واحس انهم معجعجيييييييين مو راضين ينزلووون ....

الله كريم انشالله

 

[to07aH]

رجيمه عادي بس مرات عذااب ومرات في اكل

اول اسبوع زوين اهو نظام الديتوكس .. يطلع الماي والسمسوم اللي بالجسم هذا نزلني 4 كيلو في 10 ايام

وبعدين كل نظام ينزل من كليو ونص الي كليو وربع بالاسبوع

بس اخر اسبوع نزلت كيلوين الا ربع :d

وباجر موعدي احس مو نازله مادري ليش

لان الحلوه علي ويوم اليمعه شوي خربت

يعني هالاسبوع خواره من الحلوه

بس عجيب يشجع ويزف اذا زايده

 

[eng.q8]

السلام عليكم
صباح الامل والتفاؤل
شلونكم شخباركم؟
حبيت اشترك معاكم وودي اغير حياتي بس تعبت
انا مشتركه بنادي وودي ابلش رجيم
ووووبس

 

[mn.mn]

قاب ....... هلا حبيبتي والله يسلمج بالنسبة للسفرة وناسة وتغيير جو بس الرجيم عليه السلاااااااااااام

توحة ........ صباح النور حبيبتي احنا أووووووووكي مع بداية أسبوع يديد ورجيم يديد

أنا اليوم ريوقي طماط وخيار + توست بالشواية مع جبن سلايس + جاي

وبعد شوي عندي حصة بخلصها وبسويلي كوب بابونج

 

[to07aH]

هلا والله فيج

حتى انا مشتركه نادي من بدت العطله وانا متكيسله اروح لووول

ان شاءالله اليوم اذا قدرت بروح

 

[to07aH]

هلاااا منمن ..

عواافي ان شاءالله

انا كليت بسكوته دايجستف

عندي 8 وجبات باليوم ومايصير اخلط بينهم كل وجبه بيني وبينها ساعه ونص

بشوف اذا يعت بروح اسوي لي توسته :\

 

[mn.mn]

السلام عليكم
صباح الامل والتفاؤل
شلونكم شخباركم؟
حبيت اشترك معاكم وودي اغير حياتي بس تعبت
انا مشتركه بنادي وودي ابلش رجيم
ووووبس

وعليكم السلام حياج الله معانا سوالف وتشجيع على كيف كيفج

وتوكلي على الله وابدي وأنصحج برجيم المطوع موجود بقسم الانظمة

خلاااااااااص لازم نتغير لي متى واحنا متااااااااااااااااااااان

 

[mn.mn]

توحة انتي بعد بالعافية البسكوتة

وناسة شكله رجيمج حلو شلون 8 وجبات باليوم ؟

وبالنسبة للنادي أنا من النوع اللي ما احب أروح عندي بالبيت جهاز مشي واوربتراك وأب كينج

وساعات اروح الممشى أحس وايد احسن وأوفر والسبب الرئيسي عيالي يكسرون خاطري ما أحب أخليهم وأطلع

 

[just-me]

صبااااااااااحـــــــــــــو ..شلونكم بنوتات ياحلوات ياقمرااااات​

شلونكم عقب الاجازة و البدايع و المطاعم والشاليهات و المسيرات و القز

الصراحة هالاجازة خربطت نومتي ... أقعد الفجر اصلي و ارد انام ليمن ال9 ..اليوم ما ادري شلون بطلت عيني و الا الساعة 6:30 بلمح البصر صليت لبست وطبيت السيارة ..لحد يسألني شلون ..مالي خلق الزحمة

أنا وايد وايد وايد ولهت عليكم .. و كانت اجازتي أفنيوزيه بمرتبة الشرف ... قزرتها أفنيوز ليمن أمس

رحت بهالاجازة حق فيلمين ...الأول The Curious Case of Benjamin Button

الصراحة الفلم روعة بس طويل بصورة كلش مالها داعي <<<< ليش الآخت من ضمن النقاد؟؟
حلو و المكياج صج روعة ..بس اللي ضحكني و حبطني ان مرت براد بت عيزت بسرعة و اهوه كل يوم يصغر عن اليوم اللي قبله ..والله قهر تشوفه يصغر جدامها و هو يطامر جنه ولد بو 15 سنة...أعطيه 6/10 على القصة و 1000/10 للمكياج .. وأتوقع عادي بعد شهر بنلاقي نفسه فلم عربي تقليييييد لووووووووووووولأما الفلم الثاني كان Confessions of A Shopaholic

كلش ما ياز لي و الصراحة لو ما خذين بطلة كويتية جان ورتهم أصول التشري و التفسفس اللي على اصوله .. الحمدلله ان احنا ياكويتيات متروسة عيونا بالتشري و نعرف الموضة قبل لا تنزل و ما نشتري من الSale الا بأضيق الحدود واللي ما ينجك بسهالة .. والاخت اللي بالفلم عندها مسألة التشري شي خطير ...بلاها ما يت الكويت و شافتنتا ..أخ لو عندي رقم المخرج جان عطيته قصص و سيناريوهات مو قصة وحدة بس ... أعطيه 5/10 على القصة و1/10 على المشتريات اللي شرتهم البطلة ..بس صار كذا موقف انها تفع جزء كاش والباقي بالكروت ..صح هذا عجبني و يعكس الواقع بالنسبة لرأيي

تالي يامحفوظين السلامة ..ما أقدر ما أنوه و أذكر اني التزمت بحذافير مرت أبو اللي خلفو الريجيم ...الا أمس ... حصاني هاج و شاش و قال لي بالحرف قلعتج تركتيني ... و خلا ابليس يوسوس لي و يقص علي و كليت سلطة جكن سيزر من كريبو و تب سويت بوب كورن ...
صج كان يبي لي طلقه على اللي سويته
تدرون شصار ؟؟؟
امس الصبح كان وزني 81.8 و اليوم الصبح 82.6 شدعوة ماكلة ذبيحة ؟؟؟ عاد أنا كملت باقي اليوم كله ريجيم ...مو معقولة بنات ...؟؟؟شسوي ؟؟؟ أدري والله اني برد التزم باذن الله بس ليش جذي زاد الميزان عيل وين راح المشي والمطامر والرقص و التعنفص .. أصلا هالاجازة كل يوم من أصبح البس عباتي و اروح الفرع مشي و أرد حسبتها طلع روحة ردة 20 دقيقة و الميزان مع ويهه من سلطة و نفيش استخف ؟؟؟
أحد عنده خبرة شصار بسيكولوجية جسمي و شالسالفة و متى بيرد ينقص ؟؟

 

[GAP^^الكبيرة]

توحه ... موفقه حبيبتي... صح في البدايه سهل بس الباجي مرح يكون وايد اصعب ان شاء الله
انا وايد سمعت عنه ومره اخذت موعد بس اهو وعبدالله المطوع رجيماتهم ثابته قلت بعدين خل انزل اول 20 وبعدين ابلش فيه على الاخير
انا حاليا اراجع بالتغذيه - الصباح ووايد مرتاحه بالاسبوع انزل من كيلو لي نص كيلو .. وحاليا انا مابي اكثر من جذي لان السمنه وايد عندي ومابي انزل وايد وجسمي يترهل

رشوووق... طبعا انتي عارفه وحافظه قصتي وسمعتيها مره ثانيه.... انا بالاجازه الحمدالله ما خربطت بس اليوم بطلع مع وحده من اعز صديقاتي و بنتغدا برا اهي ببالها مطعم بوشر بالافنيوز (( مادري وين صاير )) وانا احن عليها نروح ماكي وللحين المفاوضات ما اسفرت عن نتيجه و ان شاء الله ما اخربط

انجنير
هلالالا وغلالالا... حياج
حبيبتي ذامج عزمتي على التغيير صدقيني بيصير.. شدي حيلج
وزين سويتي اشتركتي بنادي منها وناسه ومنها تحرقين دهون ومنها يترتب الجسم
باي نادي مشتركه ؟ و شنو رجيمج اللي تمشين عليه

 

[to07aH]

لووووووووول وجبات صغار

يعني 2 تفاح

بسكوته

حليب

شوربه

مشوي + سلطه

تمرتين


شفتي اني مسكينه

ولازم كل وجبه بينهم ساعه ونص

وانا مرات اطنش بالامه ما اكل الا وجبتين او 3

ومرات ازيد من عندي مره زدت بسكوتين من عندي

 

[mn.mn]

جسوت ........ هلا وغلا والله فقدناج وإذا على الرجيم ماعليه بس من اليوم مالج عذر إبدي صح

توحة ....... اي والله جنه عذاب ليش جذي من عذر ضعفانة 10 كيلو بشهر مجاعة مو رجيم

بس ميخالف استمري وصبري على الاقل لما توصلين الثمانينات بعدين شوفي لج رجيم يكون شوي أحسن

عشان ما تملين من الرجيم وتردين تخربطين

 

[to07aH]

توحه ... موفقه حبيبتي... صح في البدايه سهل بس الباجي مرح يكون وايد اصعب ان شاء الله
انا وايد سمعت عنه ومره اخذت موعد بس اهو وعبدالله المطوع رجيماتهم ثابته قلت بعدين خل انزل اول 20 وبعدين ابلش فيه على الاخير
انا حاليا اراجع بالتغذيه - الصباح ووايد مرتاحه بالاسبوع انزل من كيلو لي نص كيلو .. وحاليا انا مابي اكثر من جذي لان السمنه وايد عندي ومابي انزل وايد وجسمي يترهل


باي نادي مشتركه ؟ و شنو رجيمج اللي تمشين عليه

اجمعيييين ياارب

والله يقدرني باجر موعدي وان شاءالله اكون نازلة

مادري اذا ثابته او لا في وحده بعد بالمنتدى تراجع عنده تقول رجيماتي غير عن رجيماتج حتى بنت عمي رجيماتها غير

الظاهر عنده 3 رجيمات وووزرعهم

بس ماشاءالله وايد زين المهم يضعفنااا

:dddds:

 

[to07aH]

منمن

لااا هذا رجيم هالاسبوع بس

كل رجيم مدته اسبوع

كنت حاجزه عند عبدالله المطوع من جم شهر وحطيت موعد شهر 3 بس مادري اي يوم

عاد رحت عند بدر الحمدلله زين ومرتاحه

يعني ما اتوقع راح اغيره الا لما اضعف عاد انا ما اخربط بس اول

 

[mn.mn]

والله يقدرني باجر موعدي وان شاءالله اكون نازلة

مادري اذا ثابته او لا في وحده بعد بالمنتدى تراجع عنده تقول رجيماتي غير عن رجيماتج حتى بنت عمي رجيماتها غير

الظاهر عنده 3 رجيمات وووزرعهم

بس ماشاءالله وايد زين المهم يضعفنااا

:dddds:

بالتوفيق حبيبتي وان شاء الله باجر تكونين مودعة الامية

 

[to07aH]

يااااارب

:d:d

 

[GAP^^الكبيرة]

منمن لوووووول... بالعافيه عليكم .. انا توقعت ان الرجيم انلغى بالسفره عشان جذي ما سالت ههههههه
اهم شي استانستو غيرتو جو .. يالله عاد الحين نفسيتج تنفتح اكثر على الرجيم ان شاء الله

جسووووووووت... وي مس يو غيرل لما شفت تعليقج ردت روحي>>> شدعوه هههه

شوفي اول شي بالعافيه عليج افلامج... انا كنت عكسج منقعه بالمارينا .. بتقولين لي شكو بالمارينا ؟
اقولج طيرت فليساتي بفافافوم هههه
ورديت مره ثانيه وثالثه... خواتي اسم الله عليهم ماذيني بالمكياج
واختي ( متزوجه) تيي تتسوق ببيتنا من يعجبها شي تاخذه شقتها
عاد بعد ما شفت ما آل اليه مكياجي وكريماتي وعطوري ابت نفسي اني اظل على هالوضع الهنداوي (( كانو مخلين لي مكياج الهنود الو الف طقه ومقسمين التركه عليهم الثنتين)).. اشوه ان وحده منهم ما تحب المكياج ولا حتى مال الهنود ما حصلته

والنصف الاخر قضيته بفيرجن... طبعا كان فيرجن و صار ربع فرجونه بس للحين احبه و شريت شكثر خرابيط وسوالف وكتب
وانا فيني طبع مادري شلون.. اشوف الشي يعجبني اتردد فيه اروح ثاني يوم اخذه واخذ الف شغله معاه ههههه

الحين نيي على وزنج
اكيد انتي وزنتي بعد البوب كورن والسيزر صح؟... الوزن لازم يكون نص ساعه بعد الاستيقاظ يعني الصبح وملابس داخليه وماتكونين ماكله او شاربه شي

سالفه وزن يزيد خلال يوم وليله كيلو صعبه اكيد في غلط
عشان تزيدين كيلو لازم تكونين ماكله بحدود 7700 كالوري
لان الباوند في 3500 كالوري

 

[GAP^^الكبيرة]

توحه
حبيبتي موفقه
انا 2 اعرفهم معطيهم نفس الرجيم... يمكن حالتهم وحده... انا ناويه باذن الله اذا وصلت 60 اراجع عنده

وان شاء الله باجر تشوفين النتايج اللي تسر خاطرج

عاد انا مره قاريه ان طريقه الوجبات الموزعه تحرق اكثر وايد من 3 وجبات... انا موزعهم على 6 واقوله قسمهم لي بعد ههههه