~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[GAP^^الكبيرة]

شوفو هالسايت
في وايد نصايح حلوه عن المشي وفي جدول بعد للتمارين
تصدقون ان المشي المتقطع يحرق نفس المشي المتواصل؟؟ ظانا حدي مستغربه من هالمعلومه!!!
http://health.msn.com/fitness/walking/articlepage.aspx?cp-********id=100210249
نطروني ثواني احمل صور يومياتي وانزلهم

 

[GAP^^الكبيرة]

يومياتي

بالنسبه للرياضه للحين ما مارست شي

اول ما قعدت من النوم ورا الصلاه على طول شربت لي كوب ماي مع ماي زهر (( جربوه ترا لذيييذ ويهبل حق البشره ))

وانا بالطريج للدوام ترست لي الترافيل مق كمون وزنجبيل



وتريقت توستتين محشيين لبنه و مشروم برتبلو مشوي




وبعد الصلاه سناكي الاول 7 لوزات وشاي اخضر مع 3 تمرات بس ما صورت التمر



نصيحه حطو لافندر مع الشاي الاخضر يعطيه ريحه ونكهه تهبل...



واخذت لي مع الريوق حبه حديد وحبوب شاي اخضر اللي قلت لكم عنها

 

[just-me]

بنات تات تات شلونكن كلكن ؟؟؟
حيا الله سيدة الذوق دليتي الديوانية ؟؟عسى ما ضيعتي مع الغبار .. عسى عندج Navigator على قولت أمي شقحه ( لأنها تشقحنا من مكان لي مكان خصوصا لمن كانت مسافرة مع اختي و ريلها اوربا اجروا سيارة و شقحة كانت معاهم بس برنامج بلاب توب مال اختي... لان ذيك الساع توه يطلع الNavigator ...:eh_s(15): عموما ولهت عليكم وايد بس انا ما استاهل اكون بولا حملة عقب اللي سويته أمس .. بس عيالي ما كليتهم ( قطوة مو أدمية ) أمبي ولا فلافل حمودو كنت بحلي فيهم ... الا الا الا غصب بقولكم شكلبت ...
كل شي بطاط طماط حمص فول فلافل بيديان هريس جريش بيتزا همبرجر بيض سمج دياي قوزي حمام بط ملوخيه بالأنارب
أمبي أمس حاشتني لوثة عقلية اسمها نوتيلا والا فلا ..مابقى كاكاو مابقى كيكة كاكاو مابقى فليك .. صج أمس صرت هيلقية بالأكل خدامتي اخترعت الناس تقص لها قطعة كيكة انا قصيت لي كيكة وخليت لهم قطعة .. والله ليمن الساعة 11 بالليل و انا منينه ...ليش جذي قاعدة أسوي بعمري من حلات الجسم .. من حلات الرياضة اللي مقطعه عضلاتي.. شويه و أرد لكم اجتماع صغيرونو و ارجع

:gathering:

 

[GAP^^الكبيرة]

افا افا بس افا... طيرتي الريلاكس اللي مسويته حق روحي مع اللافندر
جسووووت... وانا مسمستج السمبتيكه... لا تحديني اسميج ابله عطيات

سؤال ملقوف شوي... وقت الدوره؟؟؟
لان هالينون يطلع يا ملل واحباط يا السمعده لاعبه بالهرمونات
اقول ..عرس 5 نجوم اللي سويتيه بجسمج كفايه.. عليج بالعافيه بس
انسي اللي فات وفتحي صفحه يديده وتركي عنج هالتخربط ... لانج اول وتالي بتردين تنزلينه والجهد بيصير جهدين
مسكي لج رجيم يديد والتزمي فيه بحذافيره
وامشي لج حتى لو 10 دقايق كل يوم

موفقه باجتماعج ولو سمحتي وضحي لي سالفه نفيغيشن بو شقحه >> مالي خلق اكتب الانجليزي

 

[GAP^^الكبيرة]

وتعالي شهالاوشاعات اللي تطلعينها على القطاوه
ما عمري شفت قطاوه تاكل عيالها
هذا الابو حسبي الله عليه اذا شاف قطوه مريضه يسوي لها يم يم
الا زعتوري فديييييييييييييييييييييييييييته يلحس وينظف عياله احسن من امهم الرفله
عورتي قلبي
دمعتي على طرف جفني

 

[just-me]

كاني رديت نورت النيت ( يكون شعر )
Gap يا بعد عمري عمرج انا بجاوبج باللي تامرين فيه
اولا : يامحفوظة السلامة اليوم خلصت اسبوع المرور و صليت و لله الحمد..بعدين أنا ما انعطى ويه اسبوع مرور اكل متضايقة اكل فرحانة اكل .. شنو هذا مال يحذفوني بافريقيا شوي
ثانيا : اذا رديناها للنفسية فالنفسية مو صفر بيلو الزيرو و الحمدلله:eh_s(2):<<< يعني ببجي
ثالثا : Navigator اللي بالسيارات اللي يدلي عشان سيدة الذوق اسألتج عن الديوانية و ياحلوها و ياحلو طلتها وصلت فأنا سألتها دليتي الديوانية مع الغبار والا استخدمتي ال Navigator اللي امي تسميه شقحه مثل ما كتبت سابقا امي ماتعرف تقول نافيقيتور فمسميته شقحه لأنه يشقح الواحد من منطقة ال منطقة ثانية واهيا استانست عليه بالسفر بالسيارة من ديرة لي ديرة
رابعا : أتوقع معلومة ان القطوة تاكل اعيالها صحيحة لآن انا سامعه جذي من الناس و من أمي و لأن قبل و احنا صغار كل وحدة فينا عشتو مربية قطوة فلمن يولدون كانت امي ساعات مو على طول توخر البيبيات القطاوة عن امهم شوية لأنها تقول ان القطوة لازم تاكل واحد منهم بس يمكن الابو مو الام وانا مضيعه عادي اسويها أخورها:001:
خامسا : يوم الخميس انا وامي معزومين على عرس و الحنونه اختي من تنقبت قامت تستحرم العروس و اختي اللي اكبر عند ولدها بأمريكا ترد الجمعة فمحد جدام امي الا انا .. انا أحب العروس وايد و ارقص و تسريحة وسوالف موزمبليط بس الجسم زفت زفت زفت ما يشجع أحضر ولاعندي بدلة لازم اسوي جرد على الكبت ..اصلااخر عرس حضرته قبل 6 اشهر و بهال6أشهر عادي اضعف و امتن 5 مرات... تلاقيني شهر متنية شهر ضعيفة بس هالمرة ماكو شهر ضعيفة كله متينة ماسويت ريجيم ... فمتضايقة و طينتها امس مع نوتيلا والا فلا ..
سادسا : بس ما عندي شي أصلا مالي ويه بعد .. كشوني من الحملة و الديوانية اصلا انا وين والريجيم وين

 

[GAP^^الكبيرة]

اسم الله عليج وما عااااش ولا كاااان اللي يطردج
انا مثل ما قلت لج .. انسي اللي فات وفتحي صفحه يديده
خامسا :واذا على العروس لبسي واستانسي وكشخي ترا محد بيتلفت على جسمج واللي بتلتفت وبتعلق قوليلها تستريح
وعلى اولا وضحت الصوره
وثانيا... اسم الله عليج من البجووه حبيبه قلبي انتي .. روحي عند دلوكا وزفي لج فلبينيين طلعي حرتج
وثالثا... اووووكييييي تصدقين عاد شقحه احلى هههههه
رابعا... احتمال صح... بس انا صاير قلبي رهيف وذكرت قطاوتي على طول (( طبعا سابقا ))
وسادسا .. مو بكيفج اصلا تطلعييين ... كلنا نغلط وكلنا نعفس بس ردي سوي كنترول
عزيزتي
انا دوامي خلص بس قلت ما اطلع قبل لا ارد عليج وسمحيلي اقب اطلع بهالجو اللندني اللي برا استغفر الله

 

[just-me]

ا
/color]

بعد قلبي حافظج الله .. والحمدلله على هالجو .. وما عندنا زلازل ولا عواصف تسونامي و ربعه ...ياحلوها و ياحلو غبارها ..عسى الله يحفظ أهل البر و اهل الحساسية و الربو عساه خفيف و بارد باذن الله ....
بعد قلبي سوري حسيت اني طيرت مود اللافندر .. عاد انا ساعات أصير رومانسية وشموع ودجل و شعوذة <<<< موجني بعد قايلة عن عمري هيليقية :tomato2:

تكفين انا مستانسة على السمبتيك لا تغيرون اسمي بروحي فيني نرجسية Just me و أدور اللي يمدحني بالتفق كح كح كح كح ......ميخالف تحملوني من لي غيركم ...حبيبتي نشوفج باجر على خير .. و ضحكت على سالفة الفلبن لوووووول.. أنا قايلة لج اليوم باذن الله المفروض اروح و بنطر عليهم الشارة ياويلهم اذا غلطوا اليوم بطلع زيراني و حرت النوتيلا و الا فلا و بدلة العرس .. وهم على طاري العرس باذن الله بروح كل شي ولا أهل أمي والمسألة تلبية دعوة .. تدرون شبسوي ؟؟؟بتقلقص بنفنوف أسود وأترس ويهي مكياج جود يغطي :dddds:

 

[mn.mn]

قاب ............ بعد عمري مشكورة على التوضيح وما قصرتي

وان شاء الله استفيد من الاوربتراك لان صج يبيلي شد

ربع ساعة 3 مرات بالاسبوع و4 أيام مشي تكفي ؟

بس نسأل الله الالتزام والانضباط

 

[just-me]

بطبوطه .. شخبارج يا قلبي انا منيحا اذا انتو مناح ... حياج معانا بحملة ديلوكاز و العضوية اهيه شراء Mug دين اند دلوكا و الله سوينا لهم دعاية انا و Gap و سيدة الذوق(( نبي عمولة)) .. اذا بتعرفين التفاصيل طلي على حملتنا مع لذوذه بس الله يعينج بيضيع بصرج من هذرتنا و ماشاء الله من عدد الردود والصفحات فانتي أحسن شي طلي على صورنا و بتعرفين القمنده :dddds:

MnMn شلونج عسوله ...بعد مايبليه مشرف والاجر على الله ياحلو جمعيتنا .... عاد انا ناطرة الأرباح هالسنة و الا بردح لهم ردحة ام حنفي مابقى محل ماشاء الله مو عندنا و المواقف صار لها 3 سنين يعني ما كو حجة .. على فكرو جربي مطعم AMAYA بفرع قطعة 3 عشان توثقين انتمائج حق مشرف .. صاير عسى ما سولفت مع احد الا و سألوا ... ها جربتي المطعم ؟؟؟ لا و الله بعد !! هو هو هو شلون ما جربتيه شدعوه ياحافظ شهالعبو .. أمرنا لله ..رحت و جربته و طلع خوش مطيعيم .. فالظاهر هذا مرض معدي منتشر بالدية لازم كل قهوه و مطعم و محل نروح نقص الشريط والا الاوادم بدشون في بلاعيمنا .. جربيه منتي خسرانه ( شغالة دعايات ) جربي اللوبستر اذا تحبينه واسعاره حلوة والله

الجوري بعد قلبي شلونج ؟؟؟ انا الدايخة أقول ياربي شحلات هالصور اثاريها لميس و انا مثل Gap .الحمدلله والشكر ماشفت المسلسل عسى ما يسحبون جنسيتي مشكوك فيني مو شايفة المسلسل أكو كويتية مو متابعته ؟؟ اي انا .. لأني بس فالحة اتابع اخبار المطاعم و القهاوي حق البلعة ماكو اشطر مني ...الحمدلله و الشكر ..لو اني متابعة لميس جان غرت منها وقلدتها و ضعفت:eh_s(6):

مابقى شي على الهده ... اشوف ردودكم على خير باجر ...حافظكم الله​

 

[بطة رشيقة]

هلوووو هلووو جست وقاااااااااااب ياحلوكم وياحلووووووووووو سوالفكم تهبل .......... عى ربى يسعدكم دوم اشالله قااااب حبيبتىخلاص انشالله بس اروح الافيووز اخذ من دلوكااااااااااا العضويه اقصد المق تصدقون عاد ترى صج هالسوالف تغير النفسيه وتفتح النفس حق اكل الرجيم خلاص اعتبرونى عضوه معاكم .... ماكو كوب سلف على مايخف الغبار واروح اشترى

:dddds:

واذا على لميس انا تابعت نصه وخليت نصه :tomato2:

وعلى طارى شقحه والله ضحكتينى ياجست عفيه عليها الوالده اها غيرت اسمها عاشت والله ام جست ... وتعالى على طارى التخربط عادى اهو صج يخلى الوحده تتحسف بس ترى هم يعطيها دفعه عشان تكو ن فرش من عقبها وتبدى من يديد ولا تقولين شلون خربطتى ترى ساعات يصير شى الواحد ما ادرى شلون جنه يفقد الكنترووووووووووووول :eh_s(1):

ميخالف روحى العرس وانشالله بتستانسين وانشالله بتكون اخر مره يشوفونج بطه حميسه تاكل هريسه انشالله المره اليايه كلهم بيمدحونج وبتفرقين عليهم مدامج مع الدوانيه لا تحاتين مولللللللللللللللليه ( خوش دعايه ) ههههههه

منمن حبيبتى تعالى صج انا بعد محتاجه شد وايد وايد مو شويه تكفيييييييييييينقوليلى شنو هالاوربت تراك هذا ؟؟؟ وينفع حق الشد
شرحيلى بليز بليز


اا اليوم الحمدللله مشيت نص ساعه ( خو زيديهم شوى !!! ) لا بس هذا حدى

وعقبها خذت سناك خمطه حب بس ولدى ناشبنى عليه بالعافيه على قلبك حبيبى

وودى ما اتعشى بس ما اتوقع لان فى كتاكيت ينادوونى داخل بطنى يقولون

يوااعه
يواااعه
يواااعه
بكبكبكبكبكبكبك


اى صح والغدا كان همبرجر مشوى مع تبوله يحليلها خدامه بيت اهلى مزينه الهمبرجر وحاطه دار مدارها بقدوونس ( اليوم متغديه عند اميمتى الغاليه ) عاد كاسره خاطر الخدامه تقول شفيها هذى من عقب التهبس والعيوووش قامت تقتصد بالاكل !!!!! اخخخخخخخ غصبن على

يالله سهاله انشالله

خل اروح اخذ لى فره بالم وارد

:ada:

 

[GAP^^الكبيرة]

ويح قلبي شفي ديوانيتنا نزلت جذي

بنات حبايب قلبي صباح الخير اول شي
ثاني شي ديرو بالكم على روحكم الجو غبرا واحتمال يزيد لي نهايه اليوم

جسوته.. خلاص ما نشيل السمبتيكه ههههه .. وحبيبتي لا طيرتي مودي ولا شي بالعكس احنا هني خوات ونمثل الدعم حق بعض>> شرايج بس بهالكلمه هههههه
تعالي قوليلي رحتي الافنيوز ولا لء؟؟
وروحي واستانسي اليوم وما اوصييييج

منمن.. ما شاء الله خوش جدول ويااارب تلتزمين فيه يا رب


رشووووق... لوووول عاد امس كنت بروح اخذ مق ثاني (( عضويه امين السر هههه)) بس الجو ماكان يسمح... واذا على المق اسلفج مقي افا عليج جم رشوقه عندنا :**
عاد يا حظنا ويا بختنا اذا نضيمتي لنا

انتي شلونج وشلون ولدج الله يخلي لج اياه.. موتيني من الضحك على سالفه الكتاكيت... ههههه عجبتني

عليج بالعافيه وربي يحفظج يا رب ويخلي مودج على طوووول جذي مفرفش ياااااااااااااااا رب

وبالنسبه للاوربت تراك ... اذا بتداومين عليه زين.. اذكر المدربه بالنادي تقولي لو ما تلعبين ولا كلاس بس تلعبين على هذا كافي... بس طبعا اللي بالنادي كهربائي
انا الحين اسوي فيه 3- 4 ايام بالاسبوع بس 5 دقايق لاني ماقدر عليه بس المفروض البدايه 15-20 دقيقه

 

[mn.mn]

صباااااااااااااح الخير

شلونكم بنات وشخباركم ؟

واي انا معاي عوار مأزمني لاني أمس بديت اسبوع المرور

بعد شوي بتريق توست بالشواية + جبن وزيتون + جاي وحليب

وبعدها باكل حبة بونستان وبحطلي مطارة ماي حار

بعد شوي بيوصل المعرس ( الاوربتراك ) بس للأسف

ما راح ألعب عليه اليوم للظروف الصحية القاهرة

شكله ولدي بيستفتحه قبلي طبعا بهدف الشطانة مو الرياضة

 

[mn.mn]

منمن.. ما شاء الله خوش جدول ويااارب تلتزمين فيه يا رب

آمين الله يسمع منج

بس المشكلة أيام الدوام ساعات ما تلقين وقت تحكين راسج

ما شاء الله ما في وقت على ما ولدي العود يكتب الواجبات

وبعدين يتعشون وينامون أكون أنا خلص بانزيني

أدور على الاسترخاء مو هدة الحيل

 

[GAP^^الكبيرة]

يومياتي

الغدا امس كان شعوم بالفرن بنفس طريقه صافيه بالتجمع بس انا حشيتها شرايح بصل وليمون واكلت معاها كوب عيش والشوربه الحارقه





رحت عند اختي ولا حاطتلي مغريات



عشاي كرواسون اسمر محشي معجون زيتون اسود ولبنه وطماط جبلي وزعتر جبلي


طبعا السناك الثاني والثالث خلطتهم مع بعض مع روب الي فير ومستانسه ولا اقرا الكالوري 144 يمكن... والمفروض السناك الواحد ما يتجاوز ال 50
حسافه.. : (



لي هني الوضع اوكي

وبعدين قعدت مع البابا ولا قاعد يشرب شاي وياكل شابوره وبقصم فديييييت قلبه والله.. طبعا ما حسيبت يروحي ودبيت دبه محترمه ما جن توني متعشيه

شاي وشابوره وجبن كيري



والكوب اللي بعده شاي وبقصم ... وحاولت اعدل الوضع وشربت طاسه كبيره شوربه حارقه



ريوقي اليوم


وهذي الشابوره اللي استخدمتها امس

 

[mn.mn]

منمن حبيبتى تعالى صج انا بعد محتاجه شد وايد وايد مو شويه تكفيييييييييييينقوليلى شنو هالاوربت تراك هذا ؟؟؟ وينفع حق الشد
شرحيلى بليز بليز



:ada:

بطوط هذا الجهاز اللي جنج بتطيرين

خوش وصف ها :dddds:

طلبته من تيلي سين ب 38 واليوم يوصل

قلت أغير شوي نوع الرياضة مو بس مشي عشان ما أمل

ووايد امدحولي اياه قلت أجرب

 

[GAP^^الكبيرة]

منمن
هلا حبيبتي صباح الورد
وما تشوفين شر يا حلوه
مبروك اللافي وان شاء الله تقطعينه وتفللين براغيه من كثر الاستخدام ههههه
واذا على الوقت.. سوي نفسي انا مضبطه وقتي عليه بعد صلاه المغرب... يعني خلي لج وقت ثابت (( انا اشوف بين الصلاتين وقت كافي ولا شرايج؟))

بس ترا بالجهاز منتي طايره اخاف مضيعه بينه وبين الغزال الطائر ههههه

وهذي الصوره حق رشوقه .. شوفي شكل الجهاز .. بس انا اللي عندي معاه كرسي عشان يتحول قاري >> سامحيني منمن عاللقافه

 

[just-me]

صباااااااااااااح الخير
انا معاي عوار مأزمني لاني أمس بديت اسبوع المرور


وبعدها باكل حبة بونستان وبحطلي مطارة ماي حار

MN MN بعد قلبي صباحو الله يعينج ...ويك اند واسبوع مرور عموما دوا الدورة المفروض باسكوبان مو بونستان ...؟؟افتر مخي لآن انا اخذ بونستان حق ضروسي أو راسي و باسكوبان حق اسبوع المرور حتى بنتي قمت أخليها تزرط منه شحلوة ... تدفي وانا أمج و طيحي له كاكاو <<<< خرابوه
كل شي ولا نفسيتج بالدورة:dddds:

 

[mn.mn]

قاب....... شدعوة لا لقافة ولا لاشي

بعد عمري مشكورة على التوضيح

لا أشوة مو مضيعة اهو اللي بالصورة اللي طلبته سيم سيم

جست مي......... في نوع اسمه بونستان فورت استخدمه حق الدورة وايد زين

لما ولدت ببنتي عطاني اياه الطبيب حق العوار اللي ساعات يحوشج بالنفاس

 

[بطة رشيقة]

صبااااح الووووورد والحب صباااح الاوووف


الحمدلله انا وايد مستانسه لانى كملت الاسبوع بدون خرابيط واليوم الصراحه اسنحق الاوف انى اخذه بكل جدااره

( شدعوااااا علللللللللللللليج ) ههههه ... :klhfl:


الحمدلله استفتحت يومى بفطاير وسفن مو دااااايت وسمبوووسه .... وناسه .... والله صج الاكل يونس .. الحمدلله على العافيه والصحه وانشالله بيكون يومى حافل بأذن الله وباجر اصك حلجى ..... يعنى يا قااب كتاااكيتى اليوم موبس راح يسكتووون الا بيغمى عليهم من الاكل هههههههه .... :ada:


مشكووره منمن وقبوووبه حبياااتى ... على الشرح .... واذا هذا الاوربت ترااك انا شاريته من سنتين تقريباااااااااااااا بس للاسف انكسر وصووت الراغى تسمعينه وانتى باخر الشارع .. ما ادرى ليش ( لى هالدرجه ثقيله عليه ) !!!!! متحسفه عليه وانا شاريته من المركز الريااااضى اللى فى عماره السلام والحين هدموووووووووووووه .. حسااااافه يعنى مو عاااارفه منو يصلحه لى ؟؟؟ والا والله انا اول العب فيه 10 دقااايق قبل الرياااضه شززييييييييييييييينه بس الحين من اخترب حطووه بدار اخوى وتحول من جهاز ريااضه لى شمااعه وكل ما ادش القاه معلق تى شيرتاااااته عليه:krkrkr:


..... يالله مو مشكله انشالله انطر ريلى يشتريلى بالفلنتاااين جهاز ثانى يديد هديه هههههههههههههههههههههههههههه ,,,,, لالا اتغشمر وياكم ترى صج صج حرام هالرخابيط وهالسوالف ما يسوى الواحد ياخذ اثم على هديه تااااافهه لا استغفر الله ,,,, اللى يحب يحب كل يوم مو يوم واحد بس ياااارب انك تبعد عنا هالفتن ( شفيج انقلبتى مره وحده داعيه ) لالا بس صج والله اقولكم ما يجووز يا بناتى الحلوين .... :tek:


المهم اليوم انا ما ابى امشى ولا اسوى شى لان اليوم اوف مال انا ...._03BA:


يالله اشوفكم على خير ....
:ada: