!~¤§¦ مسابقة نجمة الرشاقة ¦§¤~! (انتهت)

[أوشال]

رد: !~¤§¦ مسابقة نجمة الرشاقة ¦§¤~! (بداية)

اوشال
هذا النادي فندق رماده بمنطقة الرقعي وايد محترم وخاص كله حريم انا بعد متحجبه

علبالي نفس باجي الفنادق مختلط

 

[مستشاره قانونيه]

رد: !~¤§¦ مسابقة نجمة الرشاقة ¦§¤~! (بداية)

السلام عليكمم

شسالفه بنات الفريق الازرق كلنا الدوره مع بعض !!! لووول انا بعد امس كان موعدها

هيهيهيهيهيهيهيهي


المهم طبعا انا اليوم الصبح شربت قهوه فرنسيه بس وطول اليوم ماي لي الساعه 7 رحت النادي وعقب
تعشيت 2 بيض + 4 حبات زيتون + نص خبزه + دايت كولا

وشربت شاي رويال عقب العشا بساعه ..

 

[almost a whisper]

رد: !~¤§¦ مسابقة نجمة الرشاقة ¦§¤~! (بداية)

قطوه انا مسموح لي اكل كتكات كل يوم ..
بس ليش اني احسن منــهـــــم قاعده اكل واحد كل يومين او كل ثلاث


بس اوعدج .. من الحين لي يوم الميزان ما اكل كتكات استبدله بكورن فليكس سبيشال كي

 

[go0omar]

رد: !~¤§¦ مسابقة نجمة الرشاقة ¦§¤~! (بداية)

يالله جماااعه تصبحون على خيييييييييييييييييير
خلص يومي شربت عصير اناناس وشفت فلم على الدي في دي خيانه مشروعه
وبنام الحين ولمن اقعد راح اروح النادي وارد لكم انشاءالله بيومياتي
:ch12:

 

[بطة رشيقة]

رد: !~¤§¦ مسابقة نجمة الرشاقة ¦§¤~! (بداية)

قوه بناااات شلونكم شخباركم يا الزروقات الحلوات يالله مابقى شى على الميزان شدوا الحيل شدوا الهمه نبى الكااااس
امس الحمدلله كان تمام بس للاسف مو حلو الاكل غداى خبز وجبن وشوربه تلوع الجبد استغفرالله والعشى شوربه دياى وخضره بس كانت حاره وفيها وايد فلفل وابهارات فضاق خلقى ورحت نمت يالله انشالله اليوم بحاول اعوض واتريق شى حلو حتى لو رجيم بس يكون شى حلو


وانشالله بحاول امشى انان امس ما مشيت لان الدوره مكسرتنى وحسيت نفسى دايخه ..... بس انشالله اليوم بعوض ...

لى لحين ما عرفنا ليش الفريق الازرق ما ياخذ نجمه...؟؟؟؟

 

[um_baskoota]

رد: !~¤§¦ مسابقة نجمة الرشاقة ¦§¤~! (بداية)

النور الهادي

برافوو علييج ابيج جذي على طول .....:ggdw:

___________________________________

يعطييج العافية شقورة .. :ggdw:

_________________________________

pealla

نطري لما الاربعا و قيسي وزنج و شوفي ..

اذا الدورة بتييج ترى يوقف الوزن و يمكن يزيد بعد ..

_________________________________

برافووو عليج سمسمية :ggdw:

بس صج فاقدينج ترى

عطينا شوية من وقتج :tek:

_______________________________

مقهورة و رايقة

شنسوي بعد ..

يلا الاسبوع الياي انشالله ماكو انذارات و احنا لهم و لهم :dddds:

و اذا وزنتي و لقيته ثابت لا يضيق خلقج لانه عقبها بجم يوم بتلقينه نزل مضبووووووووووووووووط

_____________________________

مستشارة قانونية ..

انا بعد وياكم :dddds:
بس متأخره صارلها 5 ايام

____________________________

عفية علييج بطوطة ..

ما راح ناخذ نجمة لانه في عضوتين خذوا انذار :0bee2e8d89:

____________________________

جورييي شاطرة ممتازة عفية عليج :ggdw:​

 

[$$مذهلة$$]

رد: !~¤§¦ مسابقة نجمة الرشاقة ¦§¤~! (بداية)

صبحكم الله بالخير

شخبار المنتخب إن شاءالله اوكي

والله امس انا كنت راضية عن نفسي

الصبح ريوقي كان حليب وكورن فليكس فيتنس

وعشاي بعد نفس الشي

وقعدت بالليل علشان اشوف اعادة المسلسل التركي وشربت عصير الجزر بالبرتقال (المراعي)

واليوم الصبح نفش الشي تريقت قبل اطلع للدوام حليب وكورن فليكس والحين اشرب نسكافيه حاسه بدوخة لاني امس ما شربتها وبحاول اخفف لاني ادمان قهوة بكل الانواع من اصبح لين امسي

والله يستر يارب ينزل وزني

 

[um_baskoota]

رد: !~¤§¦ مسابقة نجمة الرشاقة ¦§¤~! (بداية)

أزرقااات لعيونكم ​

عاش الأزرق عاش عاش ... عاش الأزرق عاش عاش​

:ggdw::ggdw::ggdw:​

 

[$$مذهلة$$]

رد: !~¤§¦ مسابقة نجمة الرشاقة ¦§¤~! (بداية)

يسلمو يسلمو أم بسكوته

أطب وياهم

:ggdw:

وأحرق سعرات؟؟

 

[jolie_q8]

رد: !~¤§¦ مسابقة نجمة الرشاقة ¦§¤~! (بداية)

صباح الخير

اليوم السابع من المسابقة << باقي يومين فقط عالميزان (الميزان يوم 9 و 10 /4/2008)


ماشاءالله بصراحه الوضع وايد مشجع عيني عليكم بارده

عفيه عليكم استمروا

------------------------------

مقهورة ورايقة

والله هالفكره طرت علي بالاخير علشان ما تخربطون وتلتزمون..وبعدين السالفه مو سالفه رياضه ولازم نادي !!

لا .. اي رياضه خفيفه بالبيت تفي بالغرض

وبعدين ليش عشاج وايد متأخر !! تراالاكل بساعه متأخره الجسم يخزنه ما يحرقه

خل يكون عشاج مبجر على الاقل 9 بالليل

-----------------------------

مستشاره قانونيه

اي والله صرنا كلنا ويا بعض انا للحين ما بينت والتتفخ زايد الله يعين

---------------------------

بطة رشيقة

ان شاءالله راح تاخذون نجمه بس ماراح تاخذون الفريق المميز لا الازرق ولا الأخضر
الحين الأمل بالفريق الأحمر << شدوووووووووووا حيلكم

-------------------------

وبانت فريقي كلكم اشلونكم عسى مبيضين الويه؟

 

[سما الكويت]

رد: !~¤§¦ مسابقة نجمة الرشاقة ¦§¤~! (بداية)

شلونكم بنات..

والله قريت كل ردودكم وسامحونى ما اقدر ارد على كل وحده باسمها لانى حدى مستعجله..

بس للبنات اللى ماشين للحين تمام..استمرو حبايبي..نبى الكاس..

وللى نفس حالتى وزنهم ثابت..خيرها بغيرها وان شاء الله عقب الميزان الاول ننزل نزول ساحق..

والظاهر البنات كلهم عليهم الدوره هالاسبوع..

قموره كلامج صج ..انشاء الله بعد الدوره ينزل حييييل مثل المره اللى فاتت..بس من اسوى تمرين البطن واشوفه منفوخ انقهر..

لولى حبيبتي..انتى اكيد تدوخين لانج مو ماشيه على رجيم مدروس..يعنى معتمد من دكتور مختص..حاول تمشين على نظام رجيم معين..

وانا من طبعى احب اقرا تجمعات المسابقات بالمنتديات الثانيه..جان القالج البنات يتكلمون عن الرجيم الليلي!!!!!!

قلت هذا يصلح لقمر لانها سهيره...

جان اروح ادوره والا مايصلحلها ولا شي...يمكن يصلحلج انتى علشان الوالده الله يخليها لج ماتزعل..

فكرته انج تاكلين كل اللى تبينه من الساعه 6 الصبح الى الساعه 6 المغرب..كل شي..مو شرط دايت..

ومن الساعه 6 المغرب تبطلين اكل بس تشربين ماى او جاى اخضر..حلو..بس اتوقع حق اللى صارت قريبه من هدفها..وهو منتشر بالاوساط الطبيه فى السعوديه..يعنى الممرضات والطالبات..ويقولون نزلو عليه..سوى سيرج واقرى عنه..

جربيه ولما تقولج الوالده تعالى تعشي قوليلها الغدا للحين على جبدى..وجذيه ماتحس انج تسوين دايت..

وبالتوفيق للنعناعات الخضر..

 

[سما الكويت]

رد: !~¤§¦ مسابقة نجمة الرشاقة ¦§¤~! (بداية)

امس غداى كان تونا وسلطه,,

والمغرب قلاص لبن..

وبس العشا فاتنى لانى نمت مبجر..

صحيت من النوم الساعه 5 الفجر ميته من الجوع..خذيتلى قوطى روب..

سويت رياضه لمدة ساعه وربع..

وموجوعانه لانى طوووول وقت الرياضه اشرب ماى..

بس عن قولة ما كليت..كليت تفاحه خضرا..

والغدا بيضه مفيوحه وسلطه وروب..

والحين باى اشوفكم بالليل..ان شاء الله..

 

[um_baskoota]

رد: !~¤§¦ مسابقة نجمة الرشاقة ¦§¤~! (بداية)

مذهلة يلا انا معاج يمكن نضعف شوية​

:dddds::dddds:


جولييييييي

ما قلتيلي شلون ريجيمج ؟؟!!​

 

[بطة رشيقة]

رد: !~¤§¦ مسابقة نجمة الرشاقة ¦§¤~! (بداية)

هلا فيكم خواتى شخباركم يالله واو احس انى متشجعه الحمدلله انشالله يارب يارب يكون فى نتيجه حلوه بالميزان ..... الله يوفجنا يارب ...


ام بسكوته شلونج انشالله بخير وعساج ماشيه عدل

جولى شخبارج مديرتنا انشالله ماشيه تمام

مستشاره قانونيه شلونج انشالله تمام والبنات الباجى وينكم مالكم حس



واى يحلو هاللى ترقص

 

[mrs_sugar]

رد: !~¤§¦ مسابقة نجمة الرشاقة ¦§¤~! (بداية)

صباح الخير بنات الأزرق

و الأخضر و الأحمر

علشان ما يزعلون بس

امس الحمدلله عدى على خير

و ليما الحين انا راضية عن نظامي 100%

بدون خرابيط

و المشي ساعة او السلالم بالنسبة للحركة

اوكي

المنيو مالت اليوم

الريوق : كرواسون جبن + حليب خالي الدسم
سناك 1 : فروت سالاد
الغدا : سلطة مكسيكية + لحم بيف بالخلطة الصينية
سناك 2 : حليب + جيز كيك فراولة
العشا : شوربة تايلندية + كباب دجاج
سناك 3 : حليب خالي الدسم

و ناوية امشي بالمارينا اليوم

ترى خوش ممشى للعندهم يهال يلعبون بالدوارف و انتي تمشين

 

[بطة رشيقة]

رد: !~¤§¦ مسابقة نجمة الرشاقة ¦§¤~! (بداية)

الله يوفقج يا مس شوقر
اى صح الممشى مال المارينا حلو كنت امشى فيه اول يرد الروح
انا تريقت فطيره لبنه فيها طمام وعصير برتقال طازج وسناك بشرب جاى اخضر والغدى ما ادرى شنو باكل والعشى هم ما ادرى شنو وانشالله بمشى بعد شوى

 

[mrs_sugar]

رد: !~¤§¦ مسابقة نجمة الرشاقة ¦§¤~! (بداية)

هلا بطة رشيقة

توني اكتشف هالمشي تصدقين

و اذا مشيتي من المارينا كريسينت لي المركز العلمي و رديتي تكون بالضبط ساعة

بس تدلاين وين اتعذذذذذذذذذذذذذذذذذذب

لما امر صوب ماكي

عذااااااااااااااااااااااااب

اخطر بسرعة لا اتهور

تخيلوا داشة ماكي بالعباية الكحيانة مالت الممشى و جوتي الرياضة و بطل الماي

بطردوني من الباب

 

[سمسميه]

رد: !~¤§¦ مسابقة نجمة الرشاقة ¦§¤~! (بداية)

يومياتي امس
الريوق
موكا سكيمد ميلك
الغدا
مرقة لحم مع خضروات بدون عيش
العشا
3 شابوره ونسكافيه

وسلامتكم وتعيشون

 

[بطة رشيقة]

رد: !~¤§¦ مسابقة نجمة الرشاقة ¦§¤~! (بداية)

اى والله كله عذاب بعذاب يا مس شوقر يعنى تخيلى امر على جوكلت بار اااااااااااااخ اشوى انى بطلت امشى هناك

الله كريم انشالله
يالله عاش الازرق عاش عاش
بس تشجيع

 

[mrs_sugar]

رد: !~¤§¦ مسابقة نجمة الرشاقة ¦§¤~! (بداية)

لا بطة ليش عذاب

افا عليج

يا حلو الشابورة و الجاي

يا حلو السلطة بدون دريسينج

يا حلو المشوي بدون عيش و لا خبز

و يا كره الكيك و الكاكاو و الحلويات

كله يا حلاته و يا زينة في سبيل الرشاقة و الصحة