இكل وحده تدخل تعطينا سر من اسرارها بالمطبخஇ

سبائك · 20 أغسطس 2006

السلام عليكم

شلونكم بنات

انا حبيت بهالموضوع نتبادل خبراتنا بالمطبخ علشان كلنا نستفيد من بعض

كعادتنا بهالمنتدى الحلو:eh_s(15):

فحبيت منكم خواتي انكم تعطوننا من اسراركم المطبخيه الي تسوونها دايما

يعني اعطيكم مثال

بالنسبه لي انا لازم افوح الزهره بماي وقفشة حليب بودر علشان تطلع الغازات الي فيها وتصير الذ

اكو غيري مثلا تنقع العيش لفترة معينه علشان ما يتكسر بالطباخ

وهكذا

واذا تذكرت سر ثاني برد اقوله لكم ان شاءالله:eh_s(20):

يالله منتظره ردودكم حبيباتي:eh_s(22):

انا كويتية · 20 أغسطس 2006

انا بالنسبة لي حبيبتي ما احط البهار على سائل ..... يعني لما اطبخ مثلا حطيت الدهن والبصلة احط كل البهار عليها علشان يتحمص مثل الكاري الفلفل الأسود حتى الماجي او الكركم والكمون طبعا حسب ما تتطلب الأكلة من بهار مو كلهم ههههههههههه يعني بهاراتي لازم تحوشها حرارة الجدر مو انطر لما احط اللحوم او الدجاج او الخضرة او الصلصة ......... انشالله فهمتوا علي؟؟؟
ماعدا الكزبرة الناشفة والزعتر البري هذيلا دايما آخر شي بالأكلة

جارة القمر · 20 أغسطس 2006

سبائك

فكرتج حلوه

حبيبتي

أنا بالنسبه لي لم اقلي الكبة أحطمع الزيت شوية نشا علشان الكبة ما تفجج

أنا بالنسبه لي للباذنجان أنقعه بماي شويه وبعدين أتبله بملح وقبل ما احطه بالزيت الحار أضغطه شوي يطلع الماي وما يتشرب الدهن

عندج عيش أنديانا جيت أنقعه قبل الطبخ بنص ساعة وما يصير فيه شي

وصج هالعيش مو طبيعي لا يطوفج

بالنسبه للمعكرونه بالباشميل أحب أسويه من بليل حق الغداء تصير رووووووووووووعه بس قبل الغداء أدخله الفرن
واذا تذكرت شي بقولج

شدن76 · 20 أغسطس 2006

انا بعطيكم هالفكرة المتواضعة

اذا بتقلين لعيالج بطاط نقعيه بماي وملح وخل

ليش الخل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعطيه ريحة حلوة وقرمشة

سبائك · 20 أغسطس 2006

الله لا يحرمني منكم بنات

صج صج عطيتوني افكار رهيبه ووايد مفيده:eh_s(15): :eh_s(15):

لا خلا ولا عدم ان شاءالله

جارة القمر · 20 أغسطس 2006

ياللله ناطرين باقي البنات

نبي نعرف أسرار

سبائك العفو حبيبتي

لميس · 20 أغسطس 2006

سرى اللى ماأبوح فيه لكل من سألتنى عن سر اللون الاحمر الزاهى للمرق اوللدقوس :

هو....................................................................................

.............................................:eh_s(15):
انى اشوح المعجون(صلصة الطماطم) فى الزيت قبل ان اضع الطماطم!@!وكانى الحين بحت فيه لكم هاه بنياتى لا تقولون لاحد!!:eh_s(3):

فطيرة · 20 أغسطس 2006

انا سر من اسرررررررررررررررررررررررررررررررراري

-

-

-

-

احط شوية صبارة مه الدقوس العادى ويصير طعمة على حموضضضضضضضضضضضضضة وووووووووووواى يننن

بس

كلي تفاؤل · 20 أغسطس 2006

ياااخطيرااات ياااانتووو..

خوووش موضوع بيصير مرجع لنا ,,,

سبائك · 21 أغسطس 2006

عساكم على القوه يالسنعات ماشاءالله عليكم:eh_s(15):

يالله باقي البنات شدعوه ما تشاركوننا باسراركم

شكليطه · 21 أغسطس 2006

ههههههههههههه

صدقت عمري وانا بشارك

اخاف صج عندي اسرار خطيره وانا ما ادري

بس بقول لكم جم شغله اسويها والحمدلله الكل تعجبه الطبخه ويحتارون في طعمها الغريب:

* اذا كان عندي طبق من ضمن مقاديره جبن مبشور.......احط كرافت العادي
وشوووووووووووووووويه جبن مدخن اللي لونه بني عرفتوه؟؟

صج صج طعمه عجييييييييييييييييييييييييييييييييييييييييييب
والكل يحتار بالنكهة

بس طبعا على حسب الذوق وعلى حسب الطبخه اذا يصلح لها والا لأ

* شغله ثانيه.....بالطبخات الغريبه او الفناتق(مو العيوش وربعها )
احط ثوم وبصل بودر......ويعطي نكهة حلوة وبنفس الوقت اسرع من التقصص والدق

* بالنسبه للبيتزا وخلطتها .......عاد انا اتفنتق فيها
واخواني يموتون عليها.......حتى مره رفيج اخوي من كثر ما يحبها قال حق اخوي اذا اكو منها حتى لو بالثلاجه ابيها (تخيلوا هذا الكلام والوقت عصر يعني لاغدا ولاعشا

))

وشنو السر فيها..؟؟؟

صلصه البيتزا من العلالي+اوريغانو +زيتون مقطع+مشروم محموس مع بصل
+ببروني وسلامي مقطعين صغاااااااااااااااااااااااااااااااااااااار
كل هالسوالف احمسهم عدل واضيف لهم فلفل بارد هم مقطع صغار
واقعد احمس ليما تختفي معالمهم

واخر شي جبن موزريلا (خلوكم كريمين وحطوا العلبه كلها)
وشويه شيدر........

ليما يذوبون مع الخلطه

وبس.............ناكلهم بالعافيه

واذا زاد او للطوارئ......حطيت كميه بالفريزر

وسلامتكم

سبائك · 22 أغسطس 2006

مشكووووووووره شكليطه عساج على القوه

وهذا سر من اسراري ذكرته اليوم لما سويت صينية الدجاج بالبطاط

هذا الله يسلمكن خبز بالثوم تحصلونه بالرفوف الي صوب التوست والصمون

ما يخلى مطبخي منه

اي أكله أو سلطه ابي ازينها ازينها بهذا

منها طعم ومنها شكل حلو

طبعا بعد ما أطحنه بالهون يدوي

العـذوب · 24 أغسطس 2006

الصراحة أنا سري إني أستعمل بزار أمي تسويه وتحمسه وتعدله في البيت .. مرة عزمنا ريلي في بيتنا استخف ع طعم الأكل .. وقال الا تخبريني شو هالذة .؟

طبعا ما خبرته ..

السر الثاني إني لما أسوي البرياني أطبخ العيش في نفس الماي اللي سلقت فيه الدياي وأضيف له مكعب مرقة ماجي يطلع شيء ..!!

السر الثالث إني يوم أسوي الصالونة (دجاج أو لحم) أنقع شوية صبار في ماي ( قلاص واحد ) وأضيف الماي للصالونة .. وأرد أعصر الصبار جم مرة وأضيف الماي للصالونة .. تطلع الصالونة غليظة ولذيذة ..

وبعد لما أحمس البصل .. أحط البصل قبل الزيت وأحمسه بدون زيت نص دقيقة بعدين أضيف الزيت علشان صنة البصل وانتو بكرامة ما تطعم في الأكل ..

ويوم بتذكر سر ثاني بخبركم

برميته. · 24 أغسطس 2006

خوش موضوع مشكوره سبائك انا بقول اللى اتذكره : عشان البطاط المقلي ( الطازج مو الاكياس) يطلع ناشف ومافي زيت و كرسبي اول شي تقطعينه وتفوحينه المده اللي تبين يعني تبينه كرسبي وايد(يتقرمش) فوحيه مدة 10 دقائق او اكثر بس لا ينهرس واذا تبين شويه كرسبي فوحيه مده اقل وشوفيه بعد القلي ناشف يهبل.وان شاء الله اكتب لكم المزيد

سبائك · 24 أغسطس 2006

بعدعمري والله يابنات نصايحكم تهبل وقاعده اطبقها كل ما احتجتها

مشكوووووووووووووووووووورين:eh_s(15):

ام مارية · 24 أغسطس 2006

مشكوووره سبائك علي الموضوع الحلو.

انا عندي سر بس موخطيرهههه

انا لمل يبقي من السلطه العاديه بقاياها مثل خيار طماط الخس اخذ الباقي من السلطه واحطه بالخلاط واحط عليه فلفل حار اخضر وشوي كزبره وبقدونس وملح
وليمون ويطلع عندج بالاخير فلفل حار تاكلينه مع الغدا نفس فلفل المطاعم.

وبعد حتي المخللات اللي دايما مع الاكل يحطها المطعم ومع الصمون انا اخذه

واضيف له ملح وليمون وفلفل وكزبره وبقدونس ويطلع عندج فلفل .

ولما اقلي السمج احط معاه ليمون بالمقلي عشان يمتص ريحه اللزفره.

واذا تذكرت برد اقولكم.

النوالنو · 24 أغسطس 2006

الله يعطيكم العافية يابنات

الريمـ · 25 أغسطس 2006

الله يعطيكم العاااافية ومنكم نستفيد وياليت هالموضوع يتثبت عشان نستفيد منه ويكون مرجع للكل

وشكراا لصاحبة الفكرة وجزاها الله خير :eh_s(7):

سبائك · 25 أغسطس 2006

حياكم الله يالغاليات بعد عمري انتوا والله

في سر انا ما اسويه بس قالتلي عنه رفيجتي بالدوام

تقول انها تعرف وحده تسوي كبه.....وكل مره تقول انها تذوق عندها نكهة الكبه غيييير!!!!!!!!!

فلما سالتها واشوه طلعت حليوه ما تخش المعلومات جان تقول لها

انها تسوي الكبه من نفس عيش غداهم!!!!!!!!

يعني اذا كان برياني تكون كبة برياني واذا كان معدس تكون كبة عيش وعدس وهكذا

وتطحن العيش مع بطاطه مفيوحه وتسوي الحشوه وتكببه

علشان جذي يكون طعمها مختلف كل مره ماشاءالله عليها:eh_s(15):

أوركيد · 26 أغسطس 2006

اش اش اش ....

شنو هذا !!! ماشاالله عليكم

طلعتوا خبيرات ولكم اسرار

صراااحة موضوع حلو ...ومفيد لنا

آنا بقول جم شغلة بس يمكن مو أسرار ..لابد اكو أحد يعرفها

اذا خلصت المرقة ...أحمس حبة أو حبتين ثوم وأضيفهم عليها خمس دقايق واسكر عليها الجولة ...

تطلع الريحة حلوة والطعم زاكي ..

دقوس الطماط ...احب اضيف له ملعقة صغيرة سكر !!!!!!

يطلع طعمة عجيب :eh_s(15):

فيه شغلة بس مو بالطباخ ....النعناع اذا خزنتوه بالثلاجة ربطوه بجيس عدل وبس خلوا اطرافه العصيان طالعين ...

يتم 10 ايام ما يتغير !!!!

واذا تذكرت شي ....برد لكم

இكل وحده تدخل تعطينا سر من اسرارها بالمطبخஇ

New member

New member

**مشرفة قسم مائدتك**

New member

New member

**مشرفة قسم مائدتك**

New member

New member

New member

New member

New member

New member

New member

New member

New member

New member

New member

New member

New member

**عضـــوة شـــرف منتديات كويتيات**

مشرفة قسم مائدتك

مشرفة قسم مائدتك

عضـــوة شـــرف منتديات كويتيات