نرحب بانضمام المحامية :: عبير غازي الحداد .. للاجابة على استفساراتكم

jawaa قال:

حبيبتي يريت تحطين رقمج او عنوان مكتبج لان موضوعي طوييل ولازم اقعد معاج انشالله تكونين خيره حقي لان رحت حق كذا محامي مارتحت

أنقر للتوسيع...

أم ورود قال:

السلام عليكم
اختي
بغيت استفسر عن حاله وحدة
زوجها مو راضي يطلقها الا بشرط انها تتنازل عن اعيالها ويتهمهت بالتقصير وماعنده مانع يروح المحكمه ويلفق التهم ضدها وطاقها طق مو طبيعي

اهي تبي الطلاق وتبي اعيالها شنو تسوي؟؟؟؟؟؟

أنقر للتوسيع...

oum 5ald قال:

نسيت اسال بعد هل طلاقي يعتبر بائن ..؟
مامنه رجعه الا بمحلل ..؟

أنقر للتوسيع...

oum 5ald قال:

السلام عليكم ..
مشكورين ادارة المنتدي عالاستضافات ..

وحياج الله م. عبير ..

انا عمري 20 سنه وعندي ولد عمره سنتين وبنت عمرها شهر و15 يوم ..
زوجي طلقني باليوم ال 42 من ولادتي يعني طالعه من الاربعين وماكان جايسني كلش لان بيوم 41 صار الخلاف ..
قالي طالق طالق طالق بحضور والدته ووالدتي ..

اللي ابعرفه منج الله لايهينج .. شنو حقوقي ..؟
وهل اقدر اروح المحكمه بدون محامي واخذها ..؟
ولا تطول السالفه وممكن يسوي استاناف للحكم ..؟
وهل عمري مناسب اني اكون بروحي ولا امي كافي علما بان ابوي متوفي ..
وبالنسبه الاطفال يقدر يشوفهم باي وقت ..؟
لان الصغيره ما اقدر اامنها بايد خدامه وقفت قيدي بالكليه عشان اربيها ..
وحتي الولد طبعه حيل صعب وماينام الا علي ايد امي ..

والوالده مسلفه زوجي 3500 دينار وماعندنا وصل عليها ولا شي ..
وخلاني ابيع شبكتين ذهب لي وحده ب 1060 ووحده ب 300 وشوي ..
شلون اطالبه فيهم ..؟

انا كنت علي ذمته 3 سنوات ..
وليلحين ما استلمت ورقتي ..


والسوال الثاني بنت خالتي هم تطلقت وحطت لها محامي متدرب كان بس يقولها وين تروح ووين تيي ..
والحين طليقها رافع عليها قضيه يطالب بحضانة الولد ويدعي انه صار مريض نفسيا ومعقد وهاذا جذب والشي الثاني ان اخلاق بنت خالتي فاسده ..
هل تحتاج لمحامي ..؟ يعني ضروري ولا تكتفي باللي يقوله لها المتدرب ..؟
وعقب ماتربح القضيه تقدر ترفع عليه قضية قذف بالشرف ..؟ او شي مثل هالكلام ..؟

وعساج عالقوه حبيبتي ..

أنقر للتوسيع...

جنون اندرو قال:

مشكوووره بعد عمري عالرد واذا مافيها تعب ممكن تكملين معاي جميلج

وتردين على باقي أسألتي

--->>

أنقر للتوسيع...

توته شيطونه قال:

السلام عليكم ورحمه الله وبركاته مشكوره ع المجهود الطيب بغيت اسالج الحين اقدر ارفع قضيه ازيد فيها النفقه حق بنتي لانه احس

النفقه هذي ما تكفي وتدرين غالي السوق وكل شي غالي وفوق هذا انا كل شي علي وهو ولا يدري عنها اصلن شكله ناسي انه عنده بنت

والمهم هل يصير احصل علي نفقه زياده علي اللي عطوني اياها مع العلم انه القضيه كانت بالسنه اللي طافت والحين البنت اكبرت وطلباتها

زادت يعني والله انه حتي المللابس صايره غاليه وحتي ما اقدر كل شوي اخذ من امي وابوي لانه هم مو دايمين لي

أنقر للتوسيع...

estabrag قال:

حياج الله بالمنتدى

أنقر للتوسيع...

فز^الخفوق قال:

حياج الله محاميتنا ماقصرتي

بغيت استفسر عن شغله
حضرتج تقولين ان القاضي يحكم ويقدر النفقه للمطلقه حسب راتبه
بس اذا كان زوجها توه ماتوظف القاضي يحكم لها بشنو ؟
وشكرا

أنقر للتوسيع...

ملكة الرقه قال:

حياج الله محاميتنا ماقصرتي

بغيت استفسر عن شغله

أنا عمري 24 سنه ومطلقه من 6 سنين واستلم معاش الشؤون
ومن اول معاش لي هذا اليوم ماشفت رقعة المعاش لان بطاقتي ابوي ماخذها مني
وفوق هذا مايمشيلي شي منه بس اذا انا قلت ابي يعطيني تناتيف والله استحي اطلب جني طراره
والمشكله انا ماقدر اواجه ابوي واطلب منه معاشي واهو متزوج 3 حريم ويصرف عليهم من معاشي ومعاشه التقاعد
بس انا موراضيه بهالشي وماقدر اتكلم والله جد فيني حره موعارفه شسوي

أنقر للتوسيع...

المحامية / عبير غازي الحداد قال:

لاحول ولاقوة الا بالله العلي العظيم
الله يكون في عونج حبيبتي
طبعا الي ابوج قاعد يسويه ظلم وانا الله العالم ما احب اقسي قلبكم على ابهاتكم ولا على امهاتكم بس الي قاعد يصير شي غريب يعني ابوج مفروض الحين اهوا الي يصرف عليج حتى لو في لج راتب من الشئون بس تبقين بنته ولج متطلبات واحتياجات..
والي قاعد يسويه غلط والله مادري شقولج لان اخر شي ممكن انصحج فيه انج ترفعين قضيه عليه لان يبقى ابوج
حاولي تتكلمين معاه وتفهمينه ان لج احتياجات وان هذا الراتب من حقج
وان اهوا المسئول عن زوجاته..
الله يعينج وحياج الله

أنقر للتوسيع...