نرحب بانضمام المحامية :: عبير غازي الحداد .. للاجابة على استفساراتكم

[ورده غاليه]

يعطيج العافيه اختي يغيت اسالج بالنسبه للبيت اذا فيه ورثه يجوز البيع في حاله عدم موافقه احدهم ارجو الرد وشكرررا

 

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

هلا اختي انا ارسلت
انا ابي الحكم في انه زوجي طلقني ثلاث طلقات متفرقه الاولي كاننا معصبين مره وانا قلت قدام اهله بعد مقام يسبني ويهزئني قدام امه وخوانه اذا ماني عاجبتك طلقني قال وبدون وعي منه وانتي طالق بس مثل الصدمه للعائله كلها وبنفس اليوم جاني واعتدر مني وامه ماخلتني وقفت معاااي
هل وقعت الطلقه ام لا
والطلقه الثانيه بعد قام من النوم وهو متاخر عن دوامه وعصب على مره وانا كنت حامل للمعلوميه وكسر الشباك بيده حتي في بلاطه باالحمام جنب المرايه حذف عليها كوب وطاحت وتكسرة باالارض وكان يقول كنسيها بلسانك ومن غير التهزي قال لي 10 دقايق اذا ماشلتيها فاانتي طالق وانا كنت ابكي ومقهوره وحسيت اني منهانه فعلا وماشلتها الا بعد ماراح يمكن نص ساعه مو 10 دقايق وراح الدوامه ورجع كلمني وانا ابكي وجاء للبيت وطلعني للسوق وتعدر وقال انا عصبي ماقدر امسك اعصابي فعلا هوا الغلطان وبنفسه اعترف
فكان بلحظة غضضب شديدهل وقعت الطاقه الثانيه

الطلقه الثالثه ا
انا عندي تلفزيون بغرفتي وكنت اتابع مسلسل تركي وصحيته للدوام وقام معصب وهو على جنابه قال لي اذا حطيتي عليه ثاني مره تراك طاااااااااالق
وانا والله المسلسل مو وصخ ولا به حركات ويوم انني عاتبته قال لي لا عادي شوفيه اصلا انا كنت على جنابه والحين تبغين تشوفينه بكيفك بس اني انقهرت انه كان عالي شوي
الحين الطلقه الثالثه وقعت او لا مع العلم بعدها باسبوع حللت وطلعت حامل
مع العلم انه يدخن على شان كذا بسرعه يفقد اعصابه ولحضااااات ويتندم وكان شي لم يكن واحب موجود بيننا ومانقدر نستغني عن بعض



ارجوا الدقه باالرد تكفين مالي بعد الله الا انتي

هلا فيج يالغاليه ومشكوره عالترحيب الحلو..
واضح انج تحبين زوجج واهوا بعد يحبج الله يتمم عليكم
انا بريحج اول شي وبعدين بشرحلج موضوعج بطريقه قانونيه بسيطه
وسهله عشان الكل يستفيد..
أولا:- انتي ماتعتبرين طالق من زوجج
لان حسب كلامج ان في كل مره يكون غضبان وطلاق الغضبان غضب شديد لايقع وفقا لنص الماده 102 من قانون الاحوال الكويتي رقم 51 لسنة 84
وطالما ان بنفس اليوم كلمج واعتذر يعني ان النيه نية الطلاق غير موجوده وان الغالب على زوجج الغضب وان اغلب طلقاته كانت وقت الغضب بالتالي لاتعتبر طلقه
حياج الله

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

يعطيج العافيه اختي يغيت اسالج بالنسبه للبيت اذا فيه ورثه يجوز البيع في حاله عدم موافقه احدهم ارجو الرد وشكرررا

هلا فيج
طبعا يحق للورثه رفع دعوى اسمها فرز وتجنيب
بمعنى ان يفرز القضاء حصة الوارث الي يبي يبيع ويقدر ثمنها عن
طريق ندب خبير ينتقل للعقار ويقدر قيمته ومن ثم يعرض بالمزاد العلني
ويجوز للوارث الرافض البيع ان يقوم بشراء الوارث البائع

 

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

حياج الله بينا ونورتينا وشرفتينا .اختي عندي استفسارين الاول..اذا كانت المرا الحضانه الولد عندها وعمره 4 سنوات واهي غير كفء بحضانته اقصد انها تداوم الصبح والعصر تروح المعهد وترد باليل فهل اذا طليقها ياب اثباتات انها تدرس وتشتغل وماكو وقت لتربيه الياهل هل تسقط الحضانه عنها وللعلم امها عندها منغولي ولاهيه معاه .
الاستفسار الثاني:اذا كانت وثيقه البيت باسم الزوج هل للمره حق فيها او تقدر ترد حقها بالبيت .ومشكووووره والله يوفقج يااارب

هلا فيج حبيبتي..
بالنسبه للحاضنه الغير متفرغه يمكن اثبات ذلك بشهادة الشهود وينرفع ضدها دعوى اسقاط حضانه لعدم صلاحيتها لحضانة الصغير.
بالنسبه للبيت يريت توضحيلي البيت بيت حكومه والا قسيمه الزوج شاريها
واذا كان بيت حكومه هل اسم الزوجه موجود في قرار التخصيص
وشنو حالتها مازالت على ذمته والا طلقها؟

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

حياج الله محاميتنا بين خواتج ومشكوووره على وقتج

وهالشي طبعا موغريب على مديرتنا بنت الكويت دايما مميزه وتميز هالمنتدى وبناته بالاحلى والمهم والمفيد


سؤالي متفرع وااايد ؟؟
رفيجتي مطلقه طلاق رجعي وخلصت العده ولها مؤخر اللحين زوجها يقولها يصير نسوي عقد جديد ويبي يتلاعب اعوذ بالله وهي مصدقته كل هذا علشان مااطالب بالمؤخر وهي اسفه على هالكلمه مقصه موراضيه تشوفه بالصوره الحقيقيه ومصدقته ؟؟
هل صحيح يصير يسوي عقد جديد بعد انتهاء العده ومتى الواحد يقدر يسوي عقد جديد ؟؟
واذا اختلا فيها اثناء العده يسقط الطلاق وترد على ذمته من غير عقد يصير ؟؟؟
واذا لا ممكن بعد انتهاء العده يروح المحكمه ويقولهم انه جامعها اثناء العده ويسوي عقد رغم انتهاء العده القاضي يسمح بهالشي ؟؟؟؟
طبعا اختلاءه مومتأكده منه لان انا رفيجتها حييييييل وخايفه على مصلحتها منه بس هي مره تقول اي ومره تقول لا بس اشوفه من غير شي
بس انا ابي اعرف وبعدها بوعيها الصديق من صدقك لا من صدَقك

حياج حبيبتي..
بالنسبه للعقد الجديد هذا لازم طالما انتهت العده
يعني رجوع الزوجه لمطلقها لازم يكون بناء على عقد ومهر جديدين
اما بخصوص ان جامعها بالعده فهذا شي بينها وبين ربها لان لو فعلا هالشي صاير يعني مالها عده لانها على ذمته اصلا وماتطلقت منه
اما بخصوص ان يروح المحكمه ويقول ان جامعها الموضوع مايحتاج
التوسع بالتفاصيل يكفي ان يقول انا رجعت زوجتي بالعده والمعنى مفهوم لكن لازم يكون فعلا رجعها بالقول والنيه لان هذا امر من الشرع
ونصحيها اذا مارجعها اثناء العده ترا اذا يابت اعيال يعتبرون ابناء سفاح حتى لو محد يدري كافي ان اهيا وزوجها يدرون خليهم يتقون الله
هالموضوع مافيه لعب..وجزاج الله خير انج خايفه على صديقتج
كثر الله من امثالج

 

[erygiemedgevy]

Hi all

http://bolyk1987.narod.ru/ http://rootlogin.ru/viewtopic.php?f=106&t=531

 

[m3andn]

السلام عليكم
اشكرك علي موضوعك الرائع واتمني اجد الحل لديكم
قصتي باختصار اولا اختكم مصريه متزوجه ولدي 4 بنات وزوجي تزوج باخري واخذها معه بالكويت لانه يعمل بشركة معروفه لها اسمها بالكويت وانا رافعه عليه قضية طلاق ونفقه صغار لانه لم يرسل مصاريف لنا المهم استخرجت من المحكمة صورة من المحضر لحضور مفرادات المرتب الخاص بزوجي من الشركة ارسلتها عن طريق البريد السريع ولم يصلني الرد حتي الان هل اجد الحل لدي المحاميه تساعدني او تقل لي الحل وجزاكم الله كل خير

 

[سمسمة كويتية]

حبيبتي عندي سؤال عام
هل اي قضيه تكون مرفوعه ضد الشخص يصدر عنها منع سفر ضده و لا في قضايا معينه؟

 

[كويتيه وافتخر]

رد : نرحب بانضمام المحامية :: عبير غازي الحداد .. للاجابة على استفساراتكم

هلا اختي
مشكوره عاجابتج مقدما

انا خالتي متزوجه ابن كويتيه ولكنه يحمل جنسيه خليجيه ويعمل بالكويت
وعقدهم كويتي
المهم حصل الانفصال وعندهم طفل شنوو حقوقها وحقوق ولدها ؟؟

 

[توتو ستايل]

رد : نرحب بانضمام المحامية :: عبير غازي الحداد .. للاجابة على استفساراتكم

حياتي ناطرين ردج احتياط دزيتلج الاستفسار عالخاص مره ثانيه

 

[توتو ستايل]

رد : نرحب بانضمام المحامية :: عبير غازي الحداد .. للاجابة على استفساراتكم

حياتي ناطرين ردج احتياط دزيتلج الاستفسار عالخاص

 

[BABY MASTER]

صباح الخير استاذه عبير

استاذه انا قبل فترة سألتج و بعد عندي سؤال واسفه ع الازعاج

سؤالي:

خلعت زوجي و بيكون بيننا طفل لان انا حاليا حامل و الحضانه مثل ماتفضلتي في ردج لي انه الحضانه تكون حقي

بس سؤالي لو انا تزوجت مره ثانيه هل يقدر طليقي يسقط عني الحضانه؟

للعلم:
امي بفضل الله بصحة وعافيه و عمرها 51 و ابوي عمره 58 والحمدلله بصحته وعافيته والبيت ملك وفيه سعه و الوضع الحمدلله مستقر بالبيت وكل شي متوفر من حاجات و من رفاهيه,,,

يزاج الله خير

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

صباح الخير استاذه عبير

استاذه انا قبل فترة سألتج و بعد عندي سؤال واسفه ع الازعاج

سؤالي:

خلعت زوجي و بيكون بيننا طفل لان انا حاليا حامل و الحضانه مثل ماتفضلتي في ردج لي انه الحضانه تكون حقي

بس سؤالي لو انا تزوجت مره ثانيه هل يقدر طليقي يسقط عني الحضانه؟

للعلم:
امي بفضل الله بصحة وعافيه و عمرها 51 و ابوي عمره 58 والحمدلله بصحته وعافيته والبيت ملك وفيه سعه و الوضع الحمدلله مستقر بالبيت وكل شي متوفر من حاجات و من رفاهيه,,,

يزاج الله خير

هلا حبيبتي
تقدرين تتزوجين عادي واذا طليقج رفع دعوى اسقاط عمره ماراح يكسبها لان المولود بيكون رضيع واذا كبر وصار ممكن يرفعها تنتقل الحضانه حق والدتج الله يطول بعمرها
حبيبتي موضوع اسقاط الحضانه عن الام مو سهل تزوجي وتوكلي على الله الله يسعدج ويعوض عليج

 

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

هلا اختي
مشكوره عاجابتج مقدما

انا خالتي متزوجه ابن كويتيه ولكنه يحمل جنسيه خليجيه ويعمل بالكويت
وعقدهم كويتي
المهم حصل الانفصال وعندهم طفل شنوو حقوقها وحقوق ولدها ؟؟

حياج الله حبيبتي
بالنسبه لخالتج ينطبق على حالتها قانون الاحوال الشخصيه الكويتي
طالما ان عقد زواجها كويتي.
اما بخصوص حقوقها تستحق جميع حقوق المطلقه الحاضنه من نفقه للمحضون واجرة حضانه اذا كان عمره اقل من 7 سنوات واجرة خادمه وثمن استقدامها واجرة مسكن وثمن تأثيثه وسايق وسياره
لكن كل هالأمور متوقفه على مدى يسار واعسار طليقها يعني اذا كان راتبه يسمح بهالمبالغ تاخذهم انشالله

 

[BABY MASTER]

يزاج الله خير استاذه عبير ع سعة صدرج

عسى الله يوفقج ....

الف شكر لج,,,,,

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

حبيبتي عندي سؤال عام
هل اي قضيه تكون مرفوعه ضد الشخص يصدر عنها منع سفر ضده و لا في قضايا معينه؟

هلا فيج حبيبتي
منع السفر اجراء مايتم الا بناء على حكم من المحكمه ولازم
يكون حكم نهائي ومش كل القضايا فيها منع عادة القضايا
الجنائيه والمطالبات الماليه

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

السلام عليكم
اشكرك علي موضوعك الرائع واتمني اجد الحل لديكم
قصتي باختصار اولا اختكم مصريه متزوجه ولدي 4 بنات وزوجي تزوج باخري واخذها معه بالكويت لانه يعمل بشركة معروفه لها اسمها بالكويت وانا رافعه عليه قضية طلاق ونفقه صغار لانه لم يرسل مصاريف لنا المهم استخرجت من المحكمة صورة من المحضر لحضور مفرادات المرتب الخاص بزوجي من الشركة ارسلتها عن طريق البريد السريع ولم يصلني الرد حتي الان هل اجد الحل لدي المحاميه تساعدني او تقل لي الحل وجزاكم الله كل خير

اهلا وسهلا
بخصوص صورة المحضر ارسلتيها لمين بالضبط؟
وهل هي عباره عن تصريح من المحكمه لاستخراج شهادة الراتب للزوج؟
وهل في لديكي محامي بالكويت لان يفضل ان يتم رفع الدعوى في الكويت لانها محل اقامة الزوج وعمله
وشكرا

 

[العيوووووف]

رد : نرحب بانضمام المحامية :: عبير غازي الحداد .. للاجابة على استفساراتكم

السلام عليكم نورتي المنتدي يا استاذه

سؤؤالي شخصي لحضرتج والله الدنيا صغيره

حبيت اتاكد منج اذا ممكن واذا كانت ذاكرتي قويه الوالده الله يحفظها من بنات ابو ربيع

اذا اجابتي صح سلميلي عليها كثير كانت من اقرب صديقاتي بالدوام قبل لا تتقاعد ولنا ذكريات

حلوه في مصر واعتقد كنتي معاها اتمني تكون بخير​

 

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

السلام عليكم نورتي المنتدي يا استاذه​

سؤؤالي شخصي لحضرتج والله الدنيا صغيره ​

حبيت اتاكد منج اذا ممكن واذا كانت ذاكرتي قويه الوالده الله يحفظها من بنات ابو ربيع​

اذا اجابتي صح سلميلي عليها كثير كانت من اقرب صديقاتي بالدوام قبل لا تتقاعد ولنا ذكريات​

حلوه في مصر واعتقد كنتي معاها اتمني تكون بخير​

هلا فيج يالغاليه
صح كلامج ذاكرتج سليمه مشالله بس ماتشرفت بمعرفتج
عشان اوصل سلامج للوالده
وحياج الله

 

[Amoona123]

السلام عليكم, كتبت من قبل امس عن حالتي او حالت امي.
امي راحت المحكمة اليوم و رفعت دعوى قضائية. ابي اعرف شلون تكون الجلسات الطلاق؟ اذا يبون شهود شلون يصير اذا ما عندها لا اهل او احد اهني يمكن انا او اخوي نكلم حقها؟
او بالصحيفة مكتوب
-ألزام المعلن أليه بأجرة مسكن من تاريخ رفع الدعوى
هذا يعنى من الحين لازم يطلعنا من الشقة او ياجرلنا ثانية؟