نرحب بانضمام المحامية :: عبير غازي الحداد .. للاجابة على استفساراتكم

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

يعطيج العافيه محاميتنا

ممكن ادز لج عالخاص استفساري ؟

تفضلي حبيبتي مع ان يستحسن هنيه عشان الكل يستفيد

 

[توتو ستايل]

رد : نرحب بانضمام المحامية :: عبير غازي الحداد .. للاجابة على استفساراتكم

يعطيج العافيه اخت عبير
ياليت لو تردين على الخاص ماعليج امر

 

[اثمان]

رد : نرحب بانضمام المحامية :: عبير غازي الحداد .. للاجابة على استفساراتكم

السلام عليكم

شلونج محاميتنا

عاش من شافج

وتوه مانور المنتدى

 

[طعم الشهد]

مشكوره محميتناااا وايد استفدت منج
الله يوفقج يارب

 

[}{نرجسيهـ}{]

رد: رد : نرحب بانضمام المحامية :: عبير غازي الحداد .. للاجابة على استفساراتكم

حياج الله يا استاذتنا


وعساج ع القوه ..~

 

[amooon82]

السلام عليكم

يعطيج الف عافيه ماشاءالله عليج وعلى روحج الحلوه

الله يكثر من امثالج ان شاءالله

ممكن بس استفسار

شفتج تردين عالبنات انه اذا الوحده تزوجت من اجنبي الحضانه تسقط منها ( شنو قصدج باجنبي) وتنتقل الحضانه للام او الاخت ( هل في شروط للاخت مثلا مو متزوجه او عادي؟)

مشكوووووووووره​

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

السلام عليكم​

يعطيج الف عافيه ماشاءالله عليج وعلى روحج الحلوه​

الله يكثر من امثالج ان شاءالله​

ممكن بس استفسار​

شفتج تردين عالبنات انه اذا الوحده تزوجت من اجنبي الحضانه تسقط منها ( شنو قصدج باجنبي) وتنتقل الحضانه للام او الاخت ( هل في شروط للاخت مثلا مو متزوجه او عادي؟)​

مشكوووووووووره​

حياج الله حبيبتي تامرين انتي وكل العضوات..
بخصوص الزواج من اجنبي المقصود فيه الزوج الغير كويتي ايا كانت جنسيته يسمونه اجنبي.
وتنتقل الحضانه لأم الزوجه لأنها الاقرب باستحقاق الحضانه يشترط في الأم او الأخت العقل والصحه والأمانه.
واذا كان المحضون بنت وصغيره لازم خالتها الحاضنه لها مايكون عندها اولاد شباب طبعا هذا بحال اذا كانت الأخت متزوجه.
وحياج الله حبيبتي .

 

[مشتاقه للكويت]

السلام عليكم .. يعطيج العاافيه محاميتنااا..
بغيت اسالج شلون اذا بييج بالمكتب الاوقات والمكاان ..
وانا دزيتلج على الخاص بس ماارديتي علي ..
واشكرج على روحج الحلوه وطولت باالج ..

 

[توتو ستايل]

رد : نرحب بانضمام المحامية :: عبير غازي الحداد .. للاجابة على استفساراتكم

صباح الخير اخت عبير
ممكن تردين على استفساري بالخاص لو تكرمتي

 

[نووووف الكويت]

مشكورة يابنت الكويت والله يجعل هالشي في ميزان حسناتج

وحياج الله يامحاميتنا وجزاج الله ألف خير

وعندي استفسار بس افضل انه ع الخاص اذا مافيها كلافه عليج

 

[Malak_galbi]

صباااح الخير محاميتنااا

انا عندي جم سؤاال

هل ممكن الزوج يطلب زوجته لـ بيت الطاعه ويعلقها 7سنين او 8 سنين
ان مايطلق يخليها معلقه واهوا يتزوج ويعيش حياته

وهل ممكن يرفع قضيه ويطلب ان المهر يرجع له ويحكم له القاضي
ان المهر يرجع له كاااااامل مع ان دخل على زوجته وتم على زواجهم اشهر

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

صباااح الخير محاميتنااا

انا عندي جم سؤاال

هل ممكن الزوج يطلب زوجته لـ بيت الطاعه ويعلقها 7سنين او 8 سنين
ان مايطلق يخليها معلقه واهوا يتزوج ويعيش حياته

وهل ممكن يرفع قضيه ويطلب ان المهر يرجع له ويحكم له القاضي
ان المهر يرجع له كاااااامل مع ان دخل على زوجته وتم على زواجهم اشهر

حياج الله حبيبتي ..
بخصوص ان يحق للزوج ان يطلب زوجته في بيت الطاعه
..القانون اعطى الزوج الحق في ان يطلب زوجته في بيت الطاعه
متى ماخرجت من مسكن الزوجيه بدون سبب وامتنعت عن الدخول في طاعته.
لكن القانون ما اعطى الزوج هذا الحق على اطلاقاته يعني استلزم وجود شروط وضوابط لابد من توافرها حتى يحكم على الزوجه بالدخول في طاعة زوجها..
اما بخصوص ان يعلقها سبع او ثمان سنوات هذا اسمه(النشوز)
وهذا الحكم لازم يسبقه حكم بالطاعه ثم يقوم الزوج برفع دعوى لاحقه اسمها النشوز..لكن احتمالية الحكم فيها ضعيفه

بخصوص المهر..
لايحق للزوج ان يطالب بالمهر بعد حدوث الخلوه الشرعيه سواء تم الدخول ام لا.
في بعض الحالات اجاز القانون للزوج ان يسترجع نصف المهر اذا ثبت ان
الزوجه لم تمكنه من نفسها رغم قدرته على المعاشره الزوجيه .
وهذا الموضوع يدخل في نطاق العرض على الطب الشرعي لأثبات العجز من منو فيهم...
حياج الله حبيبتي

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

السلام عليكم .. يعطيج العاافيه محاميتنااا..
بغيت اسالج شلون اذا بييج بالمكتب الاوقات والمكاان ..
وانا دزيتلج على الخاص بس ماارديتي علي ..
واشكرج على روحج الحلوه وطولت باالج ..

حياج الله يالغاليه
صدقيني رديت عليج معلش اعذريني
يريت تدزيلي مره ثانيه عالخاص وارد اجاوبج حاضر
احتمال ان ماراحتلج الرساله
اكرر اعتذاري

 

[نرجس الكويت]

رد : نرحب بانضمام المحامية :: عبير غازي الحداد .. للاجابة على استفساراتكم

مرحبا باخت المحامية عبير نورتى المنتدى بغيت استفسار انا صارلى سنه طالبه الطلاق للضرر وقبل اربع اشهور رفع على دعوي طاعه وحضر المحامى جلسه وتاجلت لهشهر علما انى الزوجه الثانيه وكنا عايشىن بنفس البيت وكان رافض يسكنى مع اعيالي في بيت ابروحى مادرى شنوموقفى الحين راح اطلقنى المحكمه ولاتقبل دعوى الطاعه علما بانى متضرره نفسيا وماديا من هالزوج

 

[q8**girl]

رد : نرحب بانضمام المحامية :: عبير غازي الحداد .. للاجابة على استفساراتكم

حياج الله بينا ونورتينا وشرفتينا .اختي عندي استفسارين الاول..اذا كانت المرا الحضانه الولد عندها وعمره 4 سنوات واهي غير كفء بحضانته اقصد انها تداوم الصبح والعصر تروح المعهد وترد باليل فهل اذا طليقها ياب اثباتات انها تدرس وتشتغل وماكو وقت لتربيه الياهل هل تسقط الحضانه عنها وللعلم امها عندها منغولي ولاهيه معاه .
الاستفسار الثاني:اذا كانت وثيقه البيت باسم الزوج هل للمره حق فيها او تقدر ترد حقها بالبيت .ومشكووووره والله يوفقج يااارب

 

[سيــدة الغــــيد]

حياج الله محاميتنا بين خواتج ومشكوووره على وقتج

وهالشي طبعا موغريب على مديرتنا بنت الكويت دايما مميزه وتميز هالمنتدى وبناته بالاحلى والمهم والمفيد


سؤالي متفرع وااايد ؟؟
رفيجتي مطلقه طلاق رجعي وخلصت العده ولها مؤخر اللحين زوجها يقولها يصير نسوي عقد جديد ويبي يتلاعب اعوذ بالله وهي مصدقته كل هذا علشان مااطالب بالمؤخر وهي اسفه على هالكلمه مقصه موراضيه تشوفه بالصوره الحقيقيه ومصدقته ؟؟
هل صحيح يصير يسوي عقد جديد بعد انتهاء العده ومتى الواحد يقدر يسوي عقد جديد ؟؟
واذا اختلا فيها اثناء العده يسقط الطلاق وترد على ذمته من غير عقد يصير ؟؟؟
واذا لا ممكن بعد انتهاء العده يروح المحكمه ويقولهم انه جامعها اثناء العده ويسوي عقد رغم انتهاء العده القاضي يسمح بهالشي ؟؟؟؟
طبعا اختلاءه مومتأكده منه لان انا رفيجتها حييييييل وخايفه على مصلحتها منه بس هي مره تقول اي ومره تقول لا بس اشوفه من غير شي
بس انا ابي اعرف وبعدها بوعيها الصديق من صدقك لا من صدَقك

 

[توته شيطونه]

السلام عليكم ورحمه الله وبركاته مشكوره ع المجهود الطيب بغيت اسالج الحين اقدر ارفع قضيه ازيد فيها النفقه حق بنتي لانه احس

النفقه هذي ما تكفي وتدرين غالي السوق وكل شي غالي وفوق هذا انا كل شي علي وهو ولا يدري عنها اصلن شكله ناسي انه عنده بنت

والمهم هل يصير احصل علي نفقه زياده علي اللي عطوني اياها مع العلم انه القضيه كانت بالسنه اللي طافت والحين البنت اكبرت وطلباتها

زادت يعني والله انه حتي المللابس صايره غاليه وحتي ما اقدر كل شوي اخذ من امي وابوي لانه هم مو دايمين لي

 

[كلي مشاعرصادقه]

رد : نرحب بانضمام المحامية :: عبير غازي الحداد .. للاجابة على استفساراتكم

السلام عليكم
شنو عقوبة الزوج في حالة اتهامه بشرف زوجته بدون دليل وظلمها

وشنو التعويض اذا كسبت القضيه ؟؟؟

 

[هنواالسعوديه]

رد : نرحب بانضمام المحامية :: عبير غازي الحداد .. للاجابة على استفساراتكم

هلا اختي انا ارسلت
انا ابي الحكم في انه زوجي طلقني ثلاث طلقات متفرقه الاولي كاننا معصبين مره وانا قلت قدام اهله بعد مقام يسبني ويهزئني قدام امه وخوانه اذا ماني عاجبتك طلقني قال وبدون وعي منه وانتي طالق بس مثل الصدمه للعائله كلها وبنفس اليوم جاني واعتدر مني وامه ماخلتني وقفت معاااي
هل وقعت الطلقه ام لا
والطلقه الثانيه بعد قام من النوم وهو متاخر عن دوامه وعصب على مره وانا كنت حامل للمعلوميه وكسر الشباك بيده حتي في بلاطه باالحمام جنب المرايه حذف عليها كوب وطاحت وتكسرة باالارض وكان يقول كنسيها بلسانك ومن غير التهزي قال لي 10 دقايق اذا ماشلتيها فاانتي طالق وانا كنت ابكي ومقهوره وحسيت اني منهانه فعلا وماشلتها الا بعد ماراح يمكن نص ساعه مو 10 دقايق وراح الدوامه ورجع كلمني وانا ابكي وجاء للبيت وطلعني للسوق وتعدر وقال انا عصبي ماقدر امسك اعصابي فعلا هوا الغلطان وبنفسه اعترف
فكان بلحظة غضضب شديدهل وقعت الطاقه الثانيه

الطلقه الثالثه ا
انا عندي تلفزيون بغرفتي وكنت اتابع مسلسل تركي وصحيته للدوام وقام معصب وهو على جنابه قال لي اذا حطيتي عليه ثاني مره تراك طاااااااااالق
وانا والله المسلسل مو وصخ ولا به حركات ويوم انني عاتبته قال لي لا عادي شوفيه اصلا انا كنت على جنابه والحين تبغين تشوفينه بكيفك بس اني انقهرت انه كان عالي شوي
الحين الطلقه الثالثه وقعت او لا مع العلم بعدها باسبوع حللت وطلعت حامل
مع العلم انه يدخن على شان كذا بسرعه يفقد اعصابه ولحضااااات ويتندم وكان شي لم يكن واحب موجود بيننا ومانقدر نستغني عن بعض



ارجوا الدقه باالرد تكفين مالي بعد الله الا انتي

 

[هنواالسعوديه]

رد : نرحب بانضمام المحامية :: عبير غازي الحداد .. للاجابة على استفساراتكم

والله انتضر لالرد على احر من الجمر واشكر بنت الكويت وماهي غريبه عليها
واتمنى المنتدى ان يرقى الى الامام