انفلونزا الخنازير ( تم دمج جميع المواضيع)

[فلونة احلى وردة]

رد: بتاخذين عيالج بعد انفلونزا الخنازير؟؟؟

والله صعبة ارد عليج
انا مرة اخذت عيالي لديرة فيها خطر ما خليتهم بروح وانا بروح
ما ادري الله يعينج على الحيرة

 

[ريم2008]

رد: بتاخذين عيالج بعد انفلونزا الخنازير؟؟؟

انا صراحة راح اتوكل ع اللة واخد عيالي مع اني خايفة حيل

 

[آخر حبيبة]

رد: بتاخذين عيالج بعد انفلونزا الخنازير؟؟؟

حتى انا والله راح نسافر لندن وفرنسا ومعاي عيالي وراح أتوكل على الله
ولله الحافظ

 

[غنوة ستايل]

رد: في احد بسافر رغم اعلان الصحه العالميه عن وباء الخنازير وخطورته

والله يا بنات توني جايه من باريس لا انفلونزا ولا شي
بالعكس المطاااار متروس .. وما في اي شي
لا اجراء ولا خرااابيط ولا حتى فحص ولا غيره
الخوف بس اهني بالكويت !!!

وان شاء الله على بدايه 7 برووح السفره الكبيره حق مصر مع ريلي .وباخذ معاي اختي حبيبتي تغير جووو والحمد الله كلي ثقه ان ما في اي شي ..

 

[Lulu Sweet]

رد: بتاخذين عيالج بعد انفلونزا الخنازير؟؟؟

حطولهم كمامات و اذا يهال و ما يبون اشترولهم على شخصيات يحبونها مثلا بارني او شي جذي و في موضوع قريتة في المنتدى ان فية دوى مؤقت علشان مايصيدكم

 

[ابتسامة غدر]

رد: بتاخذين عيالج بعد انفلونزا الخنازير؟؟؟

شنو الدوى؟؟
اذا تعرفينه قولي لنا
والله حدي خايفه؟؟

 

[بنت الكويت1]

رد: توني راده من امريكا على اليونايتد 982 اللي كان فيها اول حالة افلونزا الخنازير

طمنينا عليج حبيبتي وما تشوفين شر

 

[نور-الكويت]

رد: في احد بسافر رغم اعلان الصحه العالميه عن وباء الخنازير وخطورته

قال رسول الله صلى الله عليه وسلم "لا تلقوا بأيدكم الى التهلكه " او كما قال
اقعد مرتاحه ولا اسافر واحاتي

 

[OmRashed]

رد: بتاخذين عيالج بعد انفلونزا الخنازير؟؟؟

انا بعد بسافر مع عيالي باذن الله

الله الحافظ

 

[يآحبني لكـ]

رد: بتاخذين عيالج بعد انفلونزا الخنازير؟؟؟

" لن يصيبنا الا ما كتبه الله لنا "

سافروا واستانسو واذا الله كاتب لج شي بيصرلج حتى لو كنتي هني سافرتي ولا لا

وان شاء الله ما يصير شي والله يبعدنا عن هالامرااااض

 

[رانزي]

رد: بتاخذين عيالج بعد انفلونزا الخنازير؟؟؟

انا بسافر اخر الشهر مع عيالي بقعد لي عيد الفطر انشالله
وماكو الا العافيه

 

[miss_art]

اوكيه كلامج سليم ( انه اللي بيسافرون احتمال اييبون المرض معاهم ) لكن شيسون اللي اصلا حاجزين قبل لا ينتشر المرض وقبل لا يصاب اي انسان فيه ومصدرين التذاكر والتذاكر غير مرتجعة وسعر التذاكر مو شوي حول الـ 2000 دينار شيسووون منو بيعوضهم؟ الحكومة اللي اصدرت الفتوى بعدم جواز السفر للدول الموبوءة شنو ذنبنا تروح فلوسنا على مرض اصلا مو خطير وحتى لو انتشر بالكويت الكويت دولة مو فقيرة الحمدلله غنية وعندها من الدوا يكفي عدد كبيــــــــــــــــــر من الاشخاص لو ينصابون .. واذا انتوا خايفين على عمركم ترى الفلونزا العادية اخطر منه بوااايد يعني ماعمركمـ انصبتوا بفلونزا موسمية ؟!! مااعتقد ..

على العموم قعدوا في بيتكم ولا تطلعون احسن لكم لأنه المرض وصل لكويت وترى اي شي تبونه اييكم الحمدلله الخدمات بالكويت من اروع مايكون ( خدمات مطاعم - توصيل اغراض من الجمعية - خدمات غسيل ملابس - خدمات طبية متكاملة - ... وغيره واذا بتطلعون للضرورة حطوا كمام ) واذا الله كاتب تمرضون ترى حتى لو في بيتكم وبفراشكم بتمرضون يعني ماله داعي الناس ماتسافر بسبب ناس خايفة واهي اصلا موفاهمة ابعاد المرض ..

والكل على راحته اذا الكويت سكرت مطارها وقتها لكل حادثة حديث ..

لكن مانسافر علشان في ناس خايفة هذا مو منطق ابدا

واعذريني حبوبة اتمنى كلامي مايزعلج ،
​

كلامج ابو الصححححححححح :ggdw:


​

 

[miss_art]

اي والله لاتسافرون ماابي احد يعاديني والله احس شهر 9 الحالات بتزيد بالكويت لانه كل الناس بترد من السفر !!

انا ماراح اسلم على احد لما يرد من السفر الا لما يكمل اسبوع والله مالي خلق يعادوني

طبعا اختي ماتبينا نسافر خايفة على روحج خخخخخخخ
اهلنا اللي خافوا علينا ماكنسلنا عشانهم
وطبعا احنا ماراح نكنسل عشانج
ياحلوي وانا اروح اقول حق زوجي والله خنكنسل
يقوللي ليش
اقولة عشان وحده بالمنتدى حرام تقول لاتسافرون !!!! :krkrkr:

المهم اللي كاتبة الله بيصير وانا مع البنات بردودهم الصراحه.



​

 

[miss_art]

انا بس بسأل سؤال واحد لكل اللي بيسافروون وما بأذنهم ماي !!

انتوا ما خفتوا على روحكم ؟؟ انزين انتوا مو خايفين على اعماركم .. احنا نخاف على روحنا يعني انتوا بتروحون وبتييبون لنا المرض !!

ليش هالانانيه !! .. يعني سامحوني بس احنا نخاف على روحنا وعلى اهالينا !! المرض هذا ترا مو شويه !! .. والدكاترة متوقعين انه يفتك بسكان الارض !! .. خلكم ببيوتكم !! .. شكثر هالمطاعم والشاليهات بالكويت في ألف مكان بالكويت مو شط تسافرون !! يعني انتوا بحياتكم مو مسافرين !!؟؟ .. خلاص تتأجل السفره !!مو لازم تسافرون هالسنه !!

حبيبتي الكويت فيها وباء كبدي اللي ينتشر من النفس انسان مقابل انسان ومن كل مكااان
وفيها ايدز من الوصاخه والتخربط
خايفة من انفلونزا؟؟؟؟؟؟؟؟ ماشالله :ada:


​

 

[miss_art]

بنات كبروا عقلكم وفكروا عدل
هذا عيبنا العرب
نصدق القيل والقال بدون لانبحث ولانقرا بس نصدق حجي الناس
من عذرة قاصين علينا هالقنوات واحنا حيييل امبي وياويلي ويمه ومادري شنو .....
امراض الدنيا لقولها علاااج .. والحمدلله
المهم انا ادري وايد قرقت
واخر كلامي اهو اللي مايبون يسافرون ليش داشين قسم السياحه والسفر ليييييييييش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يالله تصبحون على الف خير

 

[شمايخ]

رد: بتاخذين عيالج بعد انفلونزا الخنازير؟؟؟

اي انشالله باخذهم معاي وانشالله ماكو الا الخير

 

[kingq8q8]

رد: بتاخذين عيالج بعد انفلونزا الخنازير؟؟؟

المرض انتشر صار حتى عندنا ويقولون ان الانفلونزا العاديه اخطر منه
وترا له علاج يعني مامن خوف روحي واستانسي وخلي معاج الديتول الاكلينكس والسائل
وبين فتره وفتره غسلي ايدينج انتي وولدج وزوجج والحافظ الله

 

[kingq8q8]

رد: بتاخذين عيالج بعد انفلونزا الخنازير؟؟؟

رانزي

وين بتسافرين؟؟؟؟؟

ادري بتقولين شهالفضوليه والملقوفه!!!!!

بس اللي استغربته ان المده طويله يعني العطله كلها!!!!!

 

[الباسمه]

رد: بتاخذين عيالج بعد انفلونزا الخنازير؟؟؟

حبيبتي توني بغيت اكتب نفس الموضوع
ولدي عمره سنتين وبعد يومين بنسافر ماليزيا بالطياره
الله يعين
وحتى الكمام ما راح يرضى يحطه
تكفووووووون عطوووونا حل
شلون يخلي الكمام عليه؟؟؟؟؟؟؟؟؟؟؟؟؟؟؟

 

[تفااحة]

رد: في احد بسافر رغم اعلان الصحه العالميه عن وباء الخنازير وخطورته

محتــــــــــــــــــــــــــــــــــــــــــــــــــــــارة .... سفرتي شهر 7 لتركــــيا ان شاللة ولالحين افكر مع اني دافعه الفلوس وخالصين يوم اقول بكنسل ويوم اغير رايي ................