انفلونزا الخنازير ( تم دمج جميع المواضيع)

[احلى دلع]

رد: عاجل / د.الشيخ محمد طبطبائي يحرم السفر ....

جزاج الله خير وموضوع حلو الله يكفينا شر هالبلاء

 

[alhayen]

اي والله لاتسافرون ماابي احد يعاديني والله احس شهر 9 الحالات بتزيد بالكويت لانه كل الناس بترد من السفر !!

انا ماراح اسلم على احد لما يرد من السفر الا لما يكمل اسبوع والله مالي خلق يعادوني

:dddds:انتي اتغشمرين ولا من صجج؟

وانتي منو اللي مانسافر علشانج؟! حلوة هذي الحين الناس ماخذه معاها عيالها ومتوكله على الله ماراح تسافر علشانج؟

وترى الناس الخوافة اكثر الناس عرضه للامراض ديري بالج الناس كل يوم انيي وتسافر يعني قعدي في بيتج احسن لج واحفظ لج ولا تطلعين لمدة سنتين لا يحوشج المرض

وعلى فكرة جنه يقولون ان المرض ينتقل بالنت :dddds: يعني وانتي شابكة لبسي دسوس وكمام

موتزعلين ترى اتغشمر بس ترى صج ماراح انكنسل علشانج :dddds:​

 

[ام عبوودي]

السلام عليكم يا احلى خوااات .. حبيت اطمنكم على بنتي الحمد الله و الشكر طلع فيها انفلونزا عااااااااااااااديه الحمدلله الحمدلله .. و قالت الطبيبه ان اعراض انفلونزا الخنازير ان الحرارة تكوون فوق ال 39 و الواحد يكون حده ذبلان ما يقدر يشيل روحه و له علاج بس ماله تطعيم ضده لحد الآن و تصدقووون ان اهني ببريطانيا ماخذين السالفه سهالات حتى الدكتوره وايد استغربت من محاتاتي تقولي ترى الموضوع بسيط و له علاج و الحالات الي صار فيها وفاة يكون الشخص نفسه مناعته مو زوود بس الشي الي مسوي هل بلبله ان فايروس من الحيوان قاعد ينتقل للانسان لكن كمرض بحد ذاته ما يخوف .. هذا كلام الدكتوره .. و اتمنى لكم و للجميع السلااااااااااااااااااااااااااااااااااامه

الحمدالله على سلامتها حبيبتي :tek:
والله يحفظ الكل من كل شر

 

[ام عبوودي]

انا بس بسأل سؤال واحد لكل اللي بيسافروون وما بأذنهم ماي !!

انتوا ما خفتوا على روحكم ؟؟ انزين انتوا مو خايفين على اعماركم .. احنا نخاف على روحنا يعني انتوا بتروحون وبتييبون لنا المرض !!

ليش هالانانيه !! .. يعني سامحوني بس احنا نخاف على روحنا وعلى اهالينا !! المرض هذا ترا مو شويه !! .. والدكاترة متوقعين انه يفتك بسكان الارض !! .. خلكم ببيوتكم !! .. شكثر هالمطاعم والشاليهات بالكويت في ألف مكان بالكويت مو شط تسافرون !! يعني انتوا بحياتكم مو مسافرين !!؟؟ .. خلاص تتأجل السفره !!مو لازم تسافرون هالسنه !!

يفتك بسكان الارض مره وحده لوصج يفتك بسكان الارض جان نص امريكا والمكسيك ماااااااتووووووو وانقرضو بما انه اهم اكثر شعب متعادي وجان سكروا المطارات و منعو السفر
وبعدين المرض وصل الكويت لا تطلعين وتروحين المطاعم والشاليهات وتونسين روحج بالله لقطتي هالمرض من احد ونقلتيه لاهلج ولا طول العطله قعدي في بيتج ولا تطلعين ولا تروحين الا لمن يتقلص المرض وتقل الحالات وهذا يبيله مده طوووويله
قوليلنه شبتسوين يمكن عندج الحل عشان نتونس بدون لا سفر ولا طلعات ولا انفلونزا

 

[LA TROO7]

من صدقهم البنات يقولون ليش تسافرون والله مت ضحك هههههههههههههههههههههههههههههههههههههههههه

خايفه على روحج لهدرجه ههههههههههههههههههه

بنات انا سفرتي قربت والله الحافظ لاتخافوووووووووووون كله كذب في كذب

 

[حرم الاسير]

رد: توني راده من امريكا على اليونايتد 982 اللي كان فيها اول حالة افلونزا الخنازير

الحمدالله على السلامه وما فيج الا العافيه انشاءالله
وادعي ربج وكثري من الاستغفار ترى ما يرد القضاء
الا الدعاء
(
اسأل الله العظيم رب العرش العظيم ان يشفيك)/b]

 

[مشاعر أمرأه]

رد: اقتراح : علشان ماينحرمون الناس من السفر

بنات شفيكم المرض انفلونزا عاديه
ومافيها خطر الا على اللي فيهم نقص مناعه (الله يكافينا الشر)

واللي فيهم ربو

لان الفرق بينه وبين الانفلونزا انه يصير التهاب رئوي اذا الواحد اهمل نفسه وماتعالج

واحنا ولله الحمد شعب متفتح ومثقف

وباذن الله ماعلينا خوف

وانا ان شاء الله بروح امريكا ومعاي عيالي

وان شاء الله نروح ونرد بالسلامه ونيي بالاخبار الطيبه

 

[الأماكن]

رد: اقتراح : علشان ماينحرمون الناس من السفر

حــــــــــاااااااااااامـــــــــــــــــض على بوز كل مواطن و مقيم

و بيكوووون رد الوزارة : خير إن شاء الله .. لا حجت البقر على قرونها

والله ..إنتي من صجج ... لا أحلام يقظة ,,ياعيووووني:dddds:​

 

[LA TROO7]

رد: اقتراح : علشان ماينحرمون الناس من السفر

يبه مافيه الا الخير سافروا واستانسوا وتوكلوا على الله

 

[مشاعر أمرأه]

رد: في احد بسافر رغم اعلان الصحه العالميه عن وباء الخنازير وخطورته

منقـــــــــــــــــــــــــــــــوووول

انشــــــــــــــــالله مسافرين

تسلم ايدج عالرد المقنع :gathering:

وانا بعد ان شاء الله مسافره

 

[مشاعر أمرأه]

رد: اقتراح : علشان ماينحرمون الناس من السفر

يبه مافيه الا الخير سافروا واستانسوا وتوكلوا على الله

وهذا الكلام الصح

 

[مشاعر أمرأه]

رد: عاجل / د.الشيخ محمد طبطبائي يحرم السفر ....

بنات شفيكم هذا مرض عااااااااااااااااااااااااااادي

والفرق اللي بينه وبين الانفلونزا العاديه انه لازم تعالجينه بسرعه عشان لايصير التهاب رئوي ومعضم اللي انصابو فيه تشااااااااااافو

بس اهو خطير على اللي عندهم نقص مناعه واللي فيهم ربو والباجي باذن الله مافي خطر عليهم

لان الواحد ياخذ العلاج ويرد بيته ماكو داعي يتنوم بالمستشفى

 

[++The DuchesS++]

رد: عاجل / د.الشيخ محمد طبطبائي يحرم السفر ....

واااي قامت تنبط جبدي من ادش مواضيع فيها نقاااش كله شد بالحجي
ما يسوا عليها البنت حطت موضوووووووووووووع
تشكراااااات

 

[! FABULOUS]

رد: توني راده من امريكا على اليونايتد 982 اللي كان فيها اول حالة افلونزا الخنازير

اوف شالعذاب النفسي على ما تطلع النتايج ! طواله !
وبعدين شالتناقض يقولون لج لا تحتكين بأحد وداومي !

المهم ماتشوفين شر وان شالله ماكو الا العافيه
سلامات

 

[sara999]

رد: توني راده من امريكا على اليونايتد 982 اللي كان فيها اول حالة افلونزا الخنازير

ما عليج الا العافية حبيبتي وانشالله انشالله مافي الا الخير وانشالله مافيج شي
طمنينا عليييج

 

[عاشقة الفهد]

رد: عاجل / د.الشيخ محمد طبطبائي يحرم السفر ....

طيب بغيت اسال عن ماليزيا .........؟؟
سمعتوا عنها شيء؟؟جاها الوباء الله يكفينا شره يارب وبلاد المسلمين؟؟

 

[q8 nono]

رد: توني راده من امريكا على اليونايتد 982 اللي كان فيها اول حالة افلونزا الخنازير

حبيبتي اهم انج ما تحاتين و انشاءالله مافيج الا العافيه و الحمدالله على السلامه و طمنينا عليج اول باول

 

[dr.elzain]

رد: عاجل / د.الشيخ محمد طبطبائي يحرم السفر ....

الله يستر

 

[اثمان]

رد: في احد بسافر رغم اعلان الصحه العالميه عن وباء الخنازير وخطورته

صراحه اذا السفره مو ضروريه مالها داعى الروحه

 

[{ آلـخـَـجـل طـَبـعـي ~]

رد: توني راده من امريكا على اليونايتد 982 اللي كان فيها اول حالة افلونزا الخنازير

حبيبتي ماتشوفين شر

بس لازم تاخذين اجازة مرضية

وطمنينا عليييج ؟

​