انفلونزا الخنازير ( تم دمج جميع المواضيع)

[ريماا]

رد: توني راده من امريكا على اليونايتد 982 اللي كان فيها اول حالة افلونزا الخنازير

ماتشوفين شر ان شالله
اذا جذى سوالفهم روحى الخاص اهم شى صحتج

 

[M!sS*bdLiyat]

انا بس بسأل سؤال واحد لكل اللي بيسافروون وما بأذنهم ماي !!

انتوا ما خفتوا على روحكم ؟؟ انزين انتوا مو خايفين على اعماركم .. احنا نخاف على روحنا يعني انتوا بتروحون وبتييبون لنا المرض !!

ليش هالانانيه !! .. يعني سامحوني بس احنا نخاف على روحنا وعلى اهالينا !! المرض هذا ترا مو شويه !! .. والدكاترة متوقعين انه يفتك بسكان الارض !! .. خلكم ببيوتكم !! .. شكثر هالمطاعم والشاليهات بالكويت في ألف مكان بالكويت مو شط تسافرون !! يعني انتوا بحياتكم مو مسافرين !!؟؟ .. خلاص تتأجل السفره !!مو لازم تسافرون هالسنه !!

 

[semaasem]

رد: توني راده من امريكا على اليونايتد 982 اللي كان فيها اول حالة افلونزا الخنازير

الحمدلله عالسلامة وماتشوفين شر انشالله

 

[سلمى الخير]

اقتراح : علشان ماينحرمون الناس من السفر



تردد الكثير والغاء سفراتهم بسبب هالوباء الجائر

طبعا المرض مو خطير لكن يخلي الوحده توسوس واحنا كلنا متفقين على هالشي


بس


ناس بتسافر عقب عام دراسي كامل وشاق

لكن سفرتها بتكون على اعصاب مشدوده


فاقتراحي


بعد مايتم تطعيم الشعب الكويتي في شهر اكتوبر باذن الله

ليش مايعطون الشعب الكويتي اجازه لمدة عشر ايام بداية شهر سبتمبر تعويضا له عن اجازة الصيف المستنفره والمليئه بالتوتر

وترى ماتضر اذا احذفو درسين ثلاثه من المنهج اهم شي سلامة عيالنا واهلنا بالكويت

وهالشي بيقلل نسبة انتشار المرض

وبيساعد على رفع معنويات الشعب الكويتي

يالله منو الحلوه الي تنقل هالاقتراح لنوابنا

وانتو يابنات شرايكم باقتراحي _03BA:

مااصلح نائبه:tomato2:

 

[alhayen]

رد: توني راده من امريكا على اليونايتد 982 اللي كان فيها اول حالة افلونزا الخنازير

ماتشوفين شر ان شالله
اذا جذى سوالفهم روحى الخاص اهم شى صحتج

اي خاص يا معودة توني رادة من مستشفى هادي اختي حست بتعب شوي وفيها حرارة الدكتور والممرضات حالتهم حالة حاطين كمام وخايفين على نفسهم والدكتور لما قلت له دكتور انا بسافر وبروح امريكا جان يقول لي كمان! انا مانصحكيش تروحي غيروا وجهتكم قلت له ليش دكتور المرض وصل عندنا قال لي لكن هذا وصل من ناس يايه من امريكا يعني المرض عندهم استوطن واللي اهني بالكويت من حالات من برا بس فقلت له انزين دكتور اذا في واحد عنده فلونزا الخنازير شلون تعرفون جان يقول ماينعرف الا بالتحليل قلت له يعني تسوون له تحليل؟ جان يقول لا مو عندنا بس بالحكومة :eh_s(1):

اي شي الكويت انا اقول للي بيسافر قبل لا يرجع من امريكا بثلاث او اربع ايام يروح يسوي فحص ويتأكد انه مافيه شي لأنه لو يوصل الكويت ويكتشفون فيه المرض بيتبهدل على الاقل هناك بيعالجونه ومايأذونه وحجر وحبس جنه منبوذ:eh_s(14):​

 

[white**angel]

رد: عاجل / د.الشيخ محمد طبطبائي يحرم السفر ....

روونه كلانج عجييييب وانا معااج

 

[hello!]

رد: توني راده من امريكا على اليونايتد 982 اللي كان فيها اول حالة افلونزا الخنازير

حمدالله على السلامه حبيبتي

و اسمله عليج مافيج شي ان شاء الله حتى لو فيج له علاج جم يوم ويروح ان شاء الله
لاتحاتين حبوبه والحافظ الله سبحانه

 

[أورااااااد]

رد: توني راده من امريكا على اليونايتد 982 اللي كان فيها اول حالة افلونزا الخنازير

الله يشافيج يارب وما تشوفين الا العافية انتي والجميع ويحفظ بلدنا الغالية الكوي قووووووووووووووووووولوا امين

الله يحفظج يا الكويت

 

[alhayen]

انا بس بسأل سؤال واحد لكل اللي بيسافروون وما بأذنهم ماي !!

انتوا ما خفتوا على روحكم ؟؟ انزين انتوا مو خايفين على اعماركم .. احنا نخاف على روحنا يعني انتوا بتروحون وبتييبون لنا المرض !!

ليش هالانانيه !! .. يعني سامحوني بس احنا نخاف على روحنا وعلى اهالينا !! المرض هذا ترا مو شويه !! .. والدكاترة متوقعين انه يفتك بسكان الارض !! .. خلكم ببيوتكم !! .. شكثر هالمطاعم والشاليهات بالكويت في ألف مكان بالكويت مو شط تسافرون !! يعني انتوا بحياتكم مو مسافرين !!؟؟ .. خلاص تتأجل السفره !!مو لازم تسافرون هالسنه !!

اوكيه كلامج سليم ( انه اللي بيسافرون احتمال اييبون المرض معاهم ) لكن شيسون اللي اصلا حاجزين قبل لا ينتشر المرض وقبل لا يصاب اي انسان فيه ومصدرين التذاكر والتذاكر غير مرتجعة وسعر التذاكر مو شوي حول الـ 2000 دينار شيسووون منو بيعوضهم؟ الحكومة اللي اصدرت الفتوى بعدم جواز السفر للدول الموبوءة شنو ذنبنا تروح فلوسنا على مرض اصلا مو خطير وحتى لو انتشر بالكويت الكويت دولة مو فقيرة الحمدلله غنية وعندها من الدوا يكفي عدد كبيــــــــــــــــــر من الاشخاص لو ينصابون .. واذا انتوا خايفين على عمركم ترى الفلونزا العادية اخطر منه بوااايد يعني ماعمركمـ انصبتوا بفلونزا موسمية ؟!! مااعتقد ..

على العموم قعدوا في بيتكم ولا تطلعون احسن لكم لأنه المرض وصل لكويت وترى اي شي تبونه اييكم الحمدلله الخدمات بالكويت من اروع مايكون ( خدمات مطاعم - توصيل اغراض من الجمعية - خدمات غسيل ملابس - خدمات طبية متكاملة - ... وغيره واذا بتطلعون للضرورة حطوا كمام ) واذا الله كاتب تمرضون ترى حتى لو في بيتكم وبفراشكم بتمرضون يعني ماله داعي الناس ماتسافر بسبب ناس خايفة واهي اصلا موفاهمة ابعاد المرض ..

والكل على راحته اذا الكويت سكرت مطارها وقتها لكل حادثة حديث ..

لكن مانسافر علشان في ناس خايفة هذا مو منطق ابدا

واعذريني حبوبة اتمنى كلامي مايزعلج ،
​

 

[كحيلة يام]

رد: اقتراح : علشان ماينحرمون الناس من السفر

والله خوش راي مشالله عليش بس اكيد الرد عليه بيكوووووون >>>>>>>>>معصــــي ههههههههه والحمدالله بنتوكل على الله وبنسافر وبناخذ احتياطاتنا والله يستر علينا وعلى جميع المسلمين يارب ويفكنا من شر هالمرض المخنزر...

 

[أحلى^حياه]

رد: اقتراح : علشان ماينحرمون الناس من السفر

ههههههههههههههههههههههههههههههههههههه
يحليلج على هالاقتراح
نتمنى يسوونه بس اخاااااااااااااااااااااااااااف صججججججججججججج

هههههههههههههههههههههههههههههههههههههههه

رشحي نفسج وانا اول صوووووووووووت

 

[أم عزيـز]

رد: اقتراح : علشان ماينحرمون الناس من السفر

اهم بالغصب رضوا يأجلون العام الدراسي الياي لي بعد العيد
هالمره تبينهم يعطونهم عطله فوقها 10 أيام ؟؟ اكيد ماراح يوافقون

جم مره يقترحون الناس ناخذ بس ال10 الأواخر عطله ويعطونا بو لباس
واللي اهي فعلا مهمه للجميع بس للأسف دايم ينرفض هالاقتراح
هالدور بعد العيد يعطونا عطله ؟ ربعنا ما يسوونها ويستخسرونها بالأصح

انا عندي اقتراح افضل
ليش ما ايبون المصل من الحين ويطعمون الناس من شهر 7 علشان وقت السفر بدال لا ينقعونا لي شهر 10 وبالاخير محد راح يسافر !!!

وبصراحه ان احس انهم قاعدين يماطلون كل يوم لهم كلمه
حتى لما طلبوا جهاز كاشف انفلونزا الخنازير حق المطار والمنافذ البريه والبحريه
كل مره يكتبون بالجريده بعد اسبوعين
بعد اسبوعين
بعد اسبوعين ؟؟ !!! اشدعوه اشهالاسبوعين اللي مو راضين يطوفون ؟؟

ودام على قولتهم العلاج يكفي الشعب الكويتي كله ليش ما يطعمون الناس ويفكونهم من هالوسواس
ليش ينقعونا لي شهر 10 والناس توسوس وتنحكر والسبه خوفهم من ان تحوشها انفلونزا الخنازير

 

[Alia]

رد: توني راده من امريكا على اليونايتد 982 اللي كان فيها اول حالة افلونزا الخنازير

ماتشوفون شر انشالله بنات لا تروحون امريكا والله قمنا نحاتي اي احد بيروح هناك والله يحفظكم

 

[اشراقة الحياة]

رد: توني راده من امريكا على اليونايتد 982 اللي كان فيها اول حالة افلونزا الخنازير

ما تشوووفين شر ان شاء الله ......

حبيتي معاااكم صغااار ........؟؟؟؟

 

[وردة الاندلس]

رد: توني راده من امريكا على اليونايتد 982 اللي كان فيها اول حالة افلونزا الخنازير

ماتشوفين شر ......زز كل شوي جايبين مرض شكل ولا جنون البقر بس الامراض القديمة وينها بس هبه ويتركونها ويجيبون مرض جديد

 

[أم عزيـز]

رد: توني راده من امريكا على اليونايتد 982 اللي كان فيها اول حالة افلونزا الخنازير

حسبي الله عليهم !!!

شنو يعني لا تختلطين بالناس وما يعطونج اجازه ولا مرضية !!
عشل اشلون ما تختلطين بالناس ؟؟ صج مصخره
وبعدين شنو النتايج بعد اسبوع ؟؟؟ اشدعوه بيكتشفون الذره ؟؟؟
حدهم باردين واجراءاتهم بطيئه ولا مبالين
والا ليش هالطواله ومعذبينكم ومتعبينكم وهم مخلينكم تحاتون !!!

ان شاء الله حبيبتي مافيج الا العافيه وتكون انفلونزا عاديه ياقلبي
لا تحاتين انتي بس اخذي احتياطاتج وعلاج الانفلونزا العاديه
وربج يفرجها

بس يا قلبي طمنينا عليج يا الغالية

 

[hello!]

انا بس بسأل سؤال واحد لكل اللي بيسافروون وما بأذنهم ماي !!

انتوا ما خفتوا على روحكم ؟؟ انزين انتوا مو خايفين على اعماركم .. احنا نخاف على روحنا يعني انتوا بتروحون وبتييبون لنا المرض !!

ليش هالانانيه !! .. يعني سامحوني بس احنا نخاف على روحنا وعلى اهالينا !! المرض هذا ترا مو شويه !! .. والدكاترة متوقعين انه يفتك بسكان الارض !! .. خلكم ببيوتكم !! .. شكثر هالمطاعم والشاليهات بالكويت في ألف مكان بالكويت مو شط تسافرون !! يعني انتوا بحياتكم مو مسافرين !!؟؟ .. خلاص تتأجل السفره !!مو لازم تسافرون هالسنه !!

انتي منو مخرعج وقايلج هالمرض يفتك سكان الأرض؟ حبيبتي حدث العاقل بما يقعل
هالمرض طفيف ومو خطر.. الانفلونزا العاديه الي تصير فينا 10 مرات بالسنه هذي اخف منها

وشي طبيعي لو صار بالانسان اي مرض وسكت عنه راح يصير فيه شي خطر ويموت
حتى الفلونزا العاديه يعني لما الواحد تصير فيه ويسكت اكيد بيصيرله شي موزين

ف اتمنى الي معطيج هالفكره الغلط يصححها لج. اي يفتك سكان الارض وللحين الوفيات ماتعدت ال100؟
لو انه فتاك جان شفتي الحين عدد الوفيات بالآلاف..... + جان الحين بكل دوله مايقارب ال 10000 الاف حاله

والله كاتب للأنسان الشي من اول ما صار نطفه ابطن امه.. رزقه ويومه
شنو الي الله كاتبه بيصير.. وقل لن يصيبنا الا ماكتبه الله لنا حبيبني

 

[أم عزيـز]

حلوه هذي تسافرون وتيبون لنا المرض !!!!
زين اذا الكويت الحين فيها اكثر من 8 حالات بالله شنسوي نهج من الديره ؟؟
ولا نقعد في بيوتنا وحتى دواماتنا ما نروح لها ؟؟

وياريت عشان الواحد يكون عنده معلومات كافيه ووعي بهالمرض يدش موقع منظمه الصحيه العالمية ويقره شنو كاتبين
وان المرض سريع الانتشار لكن مو خطير ولله الحمد اغلب اللي صابهم تعالجوا وتشافوا

لاهو طاعون ولا ملاريا عشان الناس تنحكر في بيوتها وتصك بابها عن العالم
اسمه وباء لأنه سريع الانتشار مو لأنه خطير !!!

ولو فعلا المرض خطير ووباء بيفتك بنص سكان العالم
جان كل الدول سكرت مطاراتها ومنعت السفر منعا لانتشار المرض !!!
لكن لله الحمد مافي شي من هذا والناس قاعده تسافر للعلاج وللدراسه ولسياحة ومتوكلين على الله

واللي خايف على نفسه يقعد في بيته ولا يحتك في احد
بس اللي بيسافر الله وياه وان شاء الله يرجعون بالسلامه

وعلى فكره في تطعيم حق هالمرض لكن الكويت ما تبي تيبه الا شهر 10 !!! يعني ما ادري شنو ناطرين ؟؟
اشمعنى شهر 10 ؟ يعني بعد رمضان والعيد ولما تبدي المدارس يطعمون الناس ؟؟
جود الناس اختلطت في بعض وخلصت لأن راح تبدي المدارس اخر 9 !!!!
بالله هالاختلاط اشلون تمنعونه ؟؟؟؟

 

[hello!]

رد: عاجل / د.الشيخ محمد طبطبائي يحرم السفر ....

rawona

اايد كلامج وبشده. على راسي والله

 

[سلمى الخير]

رد: اقتراح : علشان ماينحرمون الناس من السفر

ههههههههههههههههههههههه

نسوي اعتصام:eh_s(6):

اهم بالغصب رضوا يأجلون العام الدراسي الياي لي بعد العيد
هالمره تبينهم يعطونهم عطله فوقها 10 أيام ؟؟ اكيد ماراح يوافقون

جم مره يقترحون الناس ناخذ بس ال10 الأواخر عطله ويعطونا بو لباس
واللي اهي فعلا مهمه للجميع بس للأسف دايم ينرفض هالاقتراح
هالدور بعد العيد يعطونا عطله ؟ ربعنا ما يسوونها ويستخسرونها بالأصح

انا عندي اقتراح افضل
ليش ما ايبون المصل من الحين ويطعمون الناس من شهر 7 علشان وقت السفر بدال لا ينقعونا لي شهر 10 وبالاخير محد راح يسافر !!!

وبصراحه ان احس انهم قاعدين يماطلون كل يوم لهم كلمه
حتى لما طلبوا جهاز كاشف انفلونزا الخنازير حق المطار والمنافذ البريه والبحريه
كل مره يكتبون بالجريده بعد اسبوعين
بعد اسبوعين
بعد اسبوعين ؟؟ !!! اشدعوه اشهالاسبوعين اللي مو راضين يطوفون ؟؟

ودام على قولتهم العلاج يكفي الشعب الكويتي كله ليش ما يطعمون الناس ويفكونهم من هالوسواس
ليش ينقعونا لي شهر 10 والناس توسوس وتنحكر والسبه خوفهم من ان تحوشها انفلونزا الخنازير

يبا اللقاح للحين ماخلص يخلص شهر 10 ههههههههههههه

الله يعين يارب شر البلية مايضحك