رابطة "دودات الكتب " .. حياكم

[.]

نسيت اقول لتل انه قراءت الكتب الدينيه المتعلقه بالدين الاسلامي هدفها يختلف عن هدف قرات الكتب لاديان الاخرى سواء السماويه او الوضعيه..

الاول هدفها زيادة دينا والتعرف ع الاحكام والفتاوي وتكون بالمستقبل مرجع لنا للتاكد من طرق اداء عبادات معينه والاحكام المتعلقه فيها او السنن وغيره ومهما قرينا بدينا نبي بعد لانه ماشاءالله شامل ومتفرع ..

اما الديانات الاخرى نقرها لهدف الاطلاع فقط مجرد فضول بنتهي بوصولنا لنهاية الكتاب ..

وجهة نظري

 

[rawona]

روونه .. مو رونة سبونج بوب .. رونه الثانية


دام لج ميول قصصية ليش ما تيين رابطة الادباء ؟؟ عندنا منتدى المبدعين الجدد وايد رح تستفيدين منه و تقدرين تعرضين نماذج من قصصج و تاخذين راي الاساتذه الي هناك و واااااااااايد رح تستفيدين

و بنفس الوقت تقدرين تسألينهم عن دور النشر الزينة و الموزينه


لأنه و انا اختج ترى دور النشر و الطباعه يبيلها واااحد فاهملها عدل و فاهم حركاتهم و لازم تاخذين الماستر كوبي عشان دار النشر ما تطبع بدون اذنج

يعني السالفة فيها تريكس شوي الاحسن تسألين ناس طابعين و ناشرين كذا كتاب و عندهم خبره في الموضوع

.. و الله يوفقج يارب بمشروعج السري الذري النووي ))))

لووووووووووووووووووووووووول ضحكتيني على مشروعي الذري النووي هيهيهيهي ..


بس صج انا اقترحوا علي نفس الشي والانضمام للرابطة .. شكلي بادزلج على الخاص علشان اعرف التفاصيل



ومشكوره ​

 

[ra'3ad]

ماغنوليا
واااااايد شدني كتاب الديانات انشاءالله بحطه باللستة شكرا

Rawona
أمين معلوف من احلى رواياته سمرقند ورحلة بالدسار بس سمرقند اتهبل تتكلم عن واحد يدور مخطوطة ضايعة من رباعيات الخيام استانست عليها ورحلة بالدسار تتكلم عن واحد يدور عن الكتاب الاعظم اسمه شي جذي ماتذكر بس كان حلوو
انا معاج بنقطة ان الاعمال العالمية حلاتها تقرينها بلغتها الاساسية بس يا ربي ما استسيغ الانجليزي!! احس الثروة اللغوية العربية وكتابنا من احسن الكتاب واااايد متحيزة للعربي يعني اذا بقرى كتب انجليزية اقراها مترجمة
ومعرض الكتاب ماحب اروحله لان صراحة وايد في اشياء مالها داعي على قولة لتل تااافهة ومسكين اللي قاعد يؤلف ليش يبيعونهم مادري فمن زمااااااااااااان مو رايحة معرض الكتاب

لتل كوين
شلون الماما طمنينا عنها؟ والله يوفقج يامتحاناتج حبيبتي
شكلها الهندسة تسنعت عقب ما تخرجت يا حسرة عليــــــــــنا لا باستا ولا بطيخ هههههههه
أمبيـــــــــــه صح كلامج عن ميخائيل نعمة !! صح لمن اقرا روايات امين معلوف احس اني طااااايرة من روعة الاسلوب (ترى وايد اندمج لمن اقرا شي) وفي بعض الكتب مكتوب اسم ميخائيل نعمة عليها ومشكورة عالمعلومة

رونة المزيونة
قوليلي بليز شنو جهاز دي-جي ما فهمت من اللي شرحتيه!
ورايي نفس رايج بالكتب الدينية مهما نقرا عن الدين الاسلامي نبي بعد! مشاءالله الدين الاسلامي شامل لكل الديانات مثل ما تعلمنا اذا عرفتيه وفهمتيه راح تعرفين وايد اشياء من ضمنها حتى الاشياء العلمية وهذا اللي استمتع وانا اقراه

Sindrella
ولكم سندريلا بالرابطة
وانا بعد احب اقرا بالتنمية الذاتية ومن احلى الكتب اللي قريتها ملوت المؤلف توني براون
انصحج فيهم عندي مجموعة 4 كتب كل واحد منهم شي الذكاء الاجتماعي والذكاء الروحي والذكاء الجسدي وشي بعد ماذكر واااايد حلوين
وعنده كتاب العقل القوي امبيــــــــــــــــــــه اينن يخليج صج صج تحترمين عقلج وما ودج تضيعين دقيقة وحدة من غير ما تغذينه بالاشياء المفيدة شي مو طبيعي هالكتاب
وعنده كتاب العقل القوي حق الاطفال نفس الطريقة شلون تنمين قدرات الطفل
وعنده كتاب خرائط العقل هذا ما شريته لان وايد متكلم عنه في المجموعة اللي تكلمت عنها

النور نور عيني
انا وايد شايفة هجوم على الكتاب العرب! يمكن السبب ان ما عندهم دعاية قوية نفس الكتاب الاجانب و ان ماعندنا وايد وعي من ناحية القراءة يعني مافي برنامج يشجع عالقراءة مثال برنامج اوبرا على طول يصير عندها حلقة كاملة عن book club وتقترح كتاب تشجع الناس تقراه بس مع الاسف اهني ما عندنا بس انصحج بأنيس منصور وأمين معلوف وانشاءالله تغيرين رايج عن الكتاب العرب




​

 

[**روان**]

شنو افضل كتب علم النفس ؟
و افضل كتاب يتكلم عن طريقة الكتابه الصحفيه مثلا ً و طريقة النقد و الأسلوب الصحفي ؟
و افضل كتب شعراء فصحى و عامي ؟


,

 

[طوق البنفسج]

و افضل كتب شعراء فصحى و عامي ؟
,

عندج مجنون ليلي و معلقته المؤنسه رووعه ..

المتنبي .. الامام الشافعي .. احمد مطر هذيل الي يحضروني حاليا بالنسبه للفصحى

العاميه ..

نزار قباني .. غازي القصيبي .. خالد الفيصل .. عبدالرحمن بن مساعد .. بدر بن عبدالمحسن .. للعاميه

 

[.]

شنو افضل كتب علم النفس ؟
و افضل كتاب يتكلم عن طريقة الكتابه الصحفيه مثلا ً و طريقة النقد و الأسلوب الصحفي ؟
و افضل كتب شعراء فصحى و عامي ؟


,

هلا روان..

رفيجتي شاريه كتاب شعر حلو مقسم ابيات الشعر فيه ع حسب المناسبه يعني في عن الحزن والفرح وغيره والشي ال2 الحلو فيه انه لمختلف الكتاب المتنبي والشافعي وغيرهم..

[color="red[color="red"]rawona
[color="red[color="red"]رونة المزيونة[/color]
قوليلي بليز شنو جهاز دي-جي ما فهمت من اللي شرحتيه!
ورايي نفس رايج بالكتب الدينية مهما نقرا عن الدين الاسلامي نبي بعد! مشاءالله الدين الاسلامي شامل لكل الديانات مثل ما تعلمنا اذا عرفتيه وفهمتيه راح تعرفين وايد اشياء من ضمنها حتى الاشياء العلمية وهذا اللي استمتع وانا اقراه


[/color]​

هلا رغد..

ازيك

امم اهو الجهازنذكر بسلسلة فانتازيا لـ د. احمد توفيق وتحديدا بالعدد ال2 منها وهو جهاز يولد الاحلام مخترعه شريف ريل عبير بطلة السلسله واهي تستخدمه عساس تبحر بعالم فانتازيا وتقابل اكبر الشخصيات سواء علما مثل فرويد او اداباء مثل شكسبير و سيبويه او شخصيات قصص مثل هولمز وبوراو و المغامرين الخمسه وادهم صبري او سينما مثل بطوط وسوبر مان او قاده مثل تشي وغيرهم وبكل عدد تنقلنا العصر 2 بشكل حلو وسلس..

الحين اوضح؟؟

اي ماشاءالله ع قولتهم ختامه مسك دينا خير ختام لكل الاديان..

الله يتمم علينا يارب ويثبتنا ويزيدنا من فضله امين يارب..

 

[طوق البنفسج]

شوقتوني على سلسله فنتازيا .. شنو هذي وين ممكن القاها؟

 

[.]

هلا طوق..

تحصلينها بالظمني..

يوصلون لي البيت..

لحظه ايب لج روابط عنها..



عن عبير..
http://www.ahmed-khaled.com/newahmed/hero3.htm


http://ar.wikipedia.org/wiki/عبير_عبد_الرحمن

عن السلسلة..
http://ar.wikipedia.org/wiki/سلسلة_فانتازيا

http://www.ahmed-khaled.com/newahmed/fantzea.htm


وفي ببلوقي بس ممنوع احط الرابط..

 

[Little_Queen]

بنااااااااااااااااااااات


قاعده أطلب من نيل و فرااااااااااااااااااااااااااااااااااااات


:> :> :>


طلبت الكتاب مال الزرادشت مال نيييييييتشه كاااهو


شطلب بعد ؟


طلبت زهره الثلج و المروحه السرية

طلبت عزازيل

الحفيدة الامريكية

القصص الممنوعة من الف ليلة و ليلة

يوتوبيا

اشهر الاساطير الفارسية

وصايا الثائر الاسطورة " عن تشي جيفارا حبيبي قلبي عيوني ... "

شيكاجو


سمرقند

شنو شنو شنو بعد

مادري طلبت خميت وايد اشيااااااء


شاخذ بعد ؟؟؟؟

 

[Little_Queen]

أمبييييييييه كنت ابي مليونين كتاب


الحين يوم اني بطلب و امي عطتني الفيزا مالتها ! مو متذكرة شنو أبي ...

لستتي ضاعت يا جماعه مادري وينها


ساعدوني شنو كنت أبي اطلب أنا ؟؟؟؟

 

[عنيّد]

Little_Queen ،، مادري شنو الي تحبين تقرينه ، ولكن أتوقع هالكتاب كل من يحب القراءة يحب يقراه
كتاب (تاريخ القراءة) لــ آلبرتو مانغويل

دورته بكل مكتبات الكويت الي أعرفها ، ولا محصلته

 

[Little_Queen]

نعم !!


ليش انشالله ؟؟


ليش انشالله اطلب كتب ب 128 دولار


و الشحن بروحه 138 ؟!؟!؟!؟!؟!؟!؟!؟!؟!؟؟! اقصاهم كتب مو طالبه فيل صغير انا !!!!

و ليش dhl !!! مابي DHL !!

حطو شي أرخص

مابيهم يوصلوني بعد 3 ايام !


غصب السالفة ؟؟؟؟


شنو هااااااااااااذااااااااااااااااااا انا معصبه

 

[عنيّد]

نعم !!


ليش انشالله ؟؟


ليش انشالله اطلب كتب ب 128 دولار


و الشحن بروحه 138 ؟!؟!؟!؟!؟!؟!؟!؟!؟!؟؟! اقصاهم كتب مو طالبه فيل صغير انا !!!!

و ليش dhl !!! مابي dhl !!

حطو شي أرخص

مابيهم يوصلوني بعد 3 ايام !


غصب السالفة ؟؟؟؟


شنو هااااااااااااذااااااااااااااااااا انا معصبه

ههههههههههه ، صراحه انا اول ماقريت انج قاعده تطلبين منهم استنكرت الوضع ^_^
انا طحت بنفس المشكله قبلج ، بطلب منهم ولكن انصدمت ان للكويت مايوصلون الا بالــ dhl (خبرج بحوش كل بيت كويتي بير نفط) ، فكنسلت الفكرة من بالي ووصيت وحده من الأهل يابت لي الكتب من لبنان وأرخـــــــص من الكويت

 

[Little_Queen]

عنيَد .. آسفة الغضب و الحرة طلعت عليج مسكينه

احبج لا تزعليييين :>


...


لووووووووول


كتاب تاريخ القراءة .. خل أجيك عليه !

بس شنو هذا الشحن وايد وايد غالي شدعوه عليهم .. شكلي بنطر لي باجر ما اتفقت ويا امي على جذي

 

[عنيّد]

لا والله حاسه فيج ، وصراحه مايحتاي تتفقين مع امج ، لأنه حرام !
قيمة الشحن أكثر من قيمة الكتب ، مع ان اسعارهم أرخص من الكويت ولكن الشحن اهو الي يخرب السعر


اذا بتقطيلج 200$ وكسور ، حجزيلج تذكره وروحي لبنان ولا مصر اشتري الكتب ورجعي :dddds:

 

[ماغنوليا]

لتولة،، سمرقند موجودة بجرير!!
بعطيج اسامي كتب وانتي طلبيهم:
فرويد والتراث الصوفي اليهودي..دافيد باكان، ترجمة د.طلال عتريسي ( كنت اقراه ووقفت ويتحجى عن أشهر نظرية في علم النفس وهي نظرية التحليل النفسي واشلون ان فرويد كان متأثر بتراثه الصوفي اليهودي كونه متعلق فيه وشلون انطبع هالتراث في النظرية بداية الكتاب عن هالنظرية والعداء ضد السامية اللي انتشر بأوروبا وشلون تكتم فرويد عن يهوديته..الخ والقسم الثاني عن الوسط الصوفي اليهودي، الكابال و الزوهار والهاسيدية والحادث الساباتي وبعدها اعمال فرويد واشلون تأثرت بموسى والشيطان والكابال في نظرية التحليل النفسي .

كتاب اسمه .. أحيقار،، حكيم من نينوى وأثره في الآداب العالمية القديمة .. سهيل قاشا

كتاب.. جلجامش ،، ملحمة الرافدين الخالدة،دراسة شالملة مع النصوص الكاملة واعداد درامي .. فراس السواح​

 

[Little_Queen]

اي والله عبالهم في كل بير بير نفط !!


شالموضووووووووووووووووووووووووووع امبي ليييييييييش جذيييي

 

[ماغنوليا]

لتوله
اذا جذي الأسعار مالله حادج عليهم

 

[Little_Queen]

ماغنوليا .. كنت حاطه جلجامش ملحمة الرافدين هم مادحيلي اياه



بس والله ما تسوى علي شحن 138 دولار اخذلي طيران الجزيرة لبنان و ارد و اشتريهم

و اسمي رحت لبنان شفت الروشه و شربت أرجيله و اكلت مناقيش

هيييييييه لا تصدقون ما أشيش انا



بس غليون الله يسلمكم

 

[Little_Queen]

ماغنوليا .. اول مره ادري انه اليهود هم عندهم صوفية !


واااااااااااااااااااااااااو !! الموضوع اكبر مما كنت اتخيل



!!!!!!!!!!!!!!!!!!!!!!!!!!!!!!!!!!!


ابي اقراااااااااااااااااا عن الصوفية يا جماعه شوفولي حل ! شوفولي مكان يبيع كتب و شحن رخيص يا جماعه حراااام

حرااااااااااااااااام


ليش يحرموني من نور عيوني ؟؟؟ !

متحسفة على كتاب تشي جيفارا


متحسفة على عزازيل


متحسفة على الحفيدة الامريكية


متحسفة على شيكاجو


متحسفة على القصص الممنوعه من الف ليله و ليله


متحسفه على طلبيتي صارلي 3 ساعات احط و اشيل و احوس


اخر شي شحنهم صكني مرض نفسي حاشني انتحار يا وخيتاي