رابطة "دودات الكتب " .. حياكم

[BaTTy]

ثاانكيوو روونه
احنا بخير لوول انتي شلونج شمسويه
تعالي صج انتي تخرجتي صح شصار عليج الحين ؟
و صح كلامج بخصوص الكتب الدينيه بس هذا بالنسبة حق الكتب الي تتكلم عن المذاهب بالدين الاسلامي
و تعالي صج شنو هذا دي-جي2 ليش ماعرفه !

 

[.]

ثاانكيوو روونه
احنا بخير لوول انتي شلونج شمسويه
تعالي صج انتي تخرجتي صح شصار عليج الحين ؟
و صح كلامج بخصوص الكتب الدينيه بس هذا بالنسبة حق الكتب الي تتكلم عن المذاهب بالدين الاسلامي
و تعالي صج شنو هذا دي-جي2 ليش ماعرفه !

هلا باتي..

ولجم خيتو..

الحمدالله بخير دامكم بخير..

اهي اهي لاتخليني ابجي..

مرسو ع التاييد..

بصير طقاقه خخ مسرع قلبت لا اتغشمر هذا الجهاز اللي تستخدمه عبير بطلة سلسلة فانتازيا عشان تبحر بعالم الخيال ..

ماعمرج قريتي فانتازيا؟؟

 

[BaTTy]

ايييييي يوم قلتي عبير و جهاز و زمن تذكرت
انا قاريه عدد واحد اسمه ما امام الطبيعه يونس كان
يا ربي اهوا هالكاتب فضيع اسلوبه عجيب
بس هالعدد قاريه انا
بالروحه اليايه ان شالله باخذلي منهم
و سفاري انا احب اقرا عن الامراض انتي قلتي عن الامراض
بس فيني شي اني اتأثر يعني اذا قريت اعراض مرض احس كل هالاعراض فيني لوووول

 

[.]

باتي لاتروحين اتصلي اهما يوصلون لج امس خلصت تنزيلاتهم..

عاد هالعدد الوحيد اللي ماحصلت وتحسفت اني ماخذيتها كلها الحين تقريبا عندي نصها وبس قريت منها 3 العدد الاول وال2 و ال19 عن خمسة منهم المغامرين ال5..

و اي ماشاءالله اسلوبه حلوو ..

خخ حتى انا يصير فيني توهم المرض وكنت باخذ عددين اقراهم كتجربه وصلت لي المحايب جان اخترع قلت مو ناقصني توهم ورديتهم..

قريتي عقل بلا جسد؟؟

 

[sindrella]

السلام عليكم..

شلونكم..

سندريلا حياج الله ..

واذا تحبين ضيفي شعار الرابطه بتوقعيج..

وعطينا نبذه عن قراءتج اذا ماعليج امر..

هلا رورو..

لا انا الراء مو مدوده ونكي بدلية رفيجتي ايام الثانوي

مشكوووره رونه

الله يحييج

أنا أحب أقرا روايات و أحب أقرا كتب في التنميه الذاتيه


آخر كتاب قريته السر و أمس خلصت منه

و قبله كنت قاريه كتاب إسمه برمج عقلك للنجاح


و أثنيناتهم عجيبين واحد أخلى من الثاني


آخر روايه قريتها إسمها ورود ملوه حق علياء الكاظمي إذا ماني غلطانه:eh_s(1):

 

[.]

مشكوووره رونه

الله يحييج

أنا أحب أقرا روايات و أحب أقرا كتب في التنميه الذاتيه


آخر كتاب قريته السر و أمس خلصت منه

و قبله كنت قاريه كتاب إسمه برمج عقلك للنجاح


و أثنيناتهم عجيبين واحد أخلى من الثاني


آخر روايه قريتها إسمها ورود ملوه حق علياء الكاظمي إذا ماني غلطانه:eh_s(1):

هلا سندريلا..

شلونج تودي؟؟

والعفو ولو..

ماشاءالله حلو مجال قراءتج متنوع..

انا ودي اقرا كتب الشخصيه بس ماحبذ المترجم واحس هالكتب شرحها جامد حتى لو اهي عربي بالاساس مو مترجمه..

شريت بوصلة الشخصيه من 3 اشهر وماقريته للحين..

هذول شلونهم اسلوبهم سلس تنصحين فيهم؟؟

ورواية علياء زينه وحده مدحتها و2 ذموها انتو شورايك فيها؟؟؟

 

[sindrella]

ليتل كوين وكومار موفقين بالكتب اللي بتنشرونها ولا زم أول ما تطبعونها


تبلغونا عشان نسوق لكم

 

[sindrella]

لا بالعكس هالكتابين شرحهم واضح و بسيط يعني مو معقد


صج كتاب السر مترجم


بس برمج عقلك للنجاح كاتب كويتي إسمه عبدالله الرومي


بس صج كتابه ممتا و مافيه تعقييد كللش


و رواية علياء حلوه رومانسيه و بنفس الوقت واقعيه يعني مو الرومانسيه لي درجة الخيال


و فيها توازن بالأحداث يعني حزن و فرح و بكي و ضحك

أنصحج تقرينها و بشده

 

[.]

مرسو سندريلا..

 

[النوري نور عيني]

شلونكم بنات .
.لاني احب القرءه وبالاصح مدمنة قراءة ..كنت اتابعكم بس من بعيد ..

حبيت اقولكم راي اشخصي في شغلات معينه ..
بالنسبة للكتاب العرب ..بصراحة الكتاب الاجانب عندي مستواهم اعلى من كتابنا العرب ..مع احترامي لهم ..الا كم كاتب ...نجيب محفوظ ..لا يعلى عليه في وصف الشخصية ..وصفاتها وطبايعها وتصرفاته ويحدد الشخصية بدقة ..تناسب مع تصرفاتها ..
يمكن الي يشبه الاجانب في الاسلوب وتسلسل الاحداث والتشويق..علاء الاسواني ...كاتب ..عمارة يعقوبيان وشيكاجو ...
بالنسبة ..لمعرض الكتاب ..سيده لقسم السوري ..تلقين اخر الاصدرارت العالميه ومترجمه ترجمه ممتازة ....شريت العطر من عندهم ..وحفلة التيس ..وروايات وكتب ما تلقينهم عندنا .. وبالنسبة للاسعار ..الاسعار عندنا ..نار ..شريت زهرة الثلج والمروحة السريه ..من فيرجن الي بستار سيتي بمصر ...بسبعه وخمسين جنيه ..(مكتبة كشخه مو مكتباات الحسين وخان خليلي )...بالضبط دينارين وثمانمية وخمسين فلس بالضبط ...مادري جم سعرها هني . وبعدين اروح للجناح اللبناني والمصري ...وما اتعب نفسي بالجناح الكويتي ...

بالنسبة للكتب الدينية ..مو اي كتاب ينقرا ..وانامااييد منع الكتب ..الله يخلي النت وقوقل ....لانه في كتاب عندهم اسلوب يخلون الوهم حقيقة ...وعندهم قدرة الاقناع ...ويجيبون شواهد من السنة تكون ضعيفه.. مو تشكيك بشخصة القارئ .. والا انه ايمانه ضعيف ..لا ...بس مو كل الكتب الدينيه تنقرا ....

مادري قرقت واجد ....حبيت اقول راي الشخصي بس ...واستانست ..يوم دريت انه في ناس تحب تقرا مثلي ...تقبلوا مروري ...

 

[.]

هلا نوري..

حياج الله..

زهرة الثلج والمروحة السريه سعرها بالكويت تقريبا 4 دنانير

شوقتوني ع معرض الكتاب..

 

[طوق البنفسج]

مساء الخير .. انا اغط اغط ورد لكم

انا حاليا قريت روايه بيت الطاعه لكاتبه سعوديه نسيت شسمها .. يعني عاديه بس عجبني انه الكاتبه بينت اشلون التكتيك الي المراه المفروض تتبعه تكشف خيانه زوجها..

وقريت روايه امراه و ظلان للكاتبه الكويتيه خلود الخميس .. روووعه وايد عجبتني و حبيتها ..

وحاليا قاعده اقرى روايه .. هل رايتم ورده .. اتكلم عن فتره الحكم العثماني و شلون كانوا الناس عايشين و البطله اتحب مدرسها المسيحي الي كان يعطيها ادروس بالفلسفه و تنحاش معاه و عقب يردونها لاهلها .. حاليا خلصت ثلاث ارباعها باقي لي ربع

 

[هل ترانا نلتقي]

تسلمين منغوليا
مادري احس من الكتب عادية
وجهة نظر يالغلا

 

[Little_Queen]

علياء الكاظمي ... اممممممممممممم زينة .. يعني .. مادري ما حبيتها وايد يعني اهي ستايلها بناتي وايد يعني

اتوقع يعجب البعض الي يحبون سوالف مسلسلات ما مسلسلات و قصص واقعيه جدا و فلان حب فلانه و اهلها ما رضو

و بعدين ابوها طقها

و انحبست
انا عن نفسي ما يعجبني هالنوع من الروايات ... و بعدين الكاتبه اصلا .. ماشي تكتب بأسلوب زين بس ... ما عندها ذيك الثقافة القوية و لا الركيزة الادبية ...


يعني تنفع تكتب مسلسلات و قصص حلقات جذي .. بس كلش مو روائية يعني ... مادري ما حبيت الموضوع وايد انا احب الفن الروائي و القصصي و الفكرة يكون فيها عمق ... و يكون في فكره اساسا في الموضوع مو مجرد احداث ناس راحت و يت و طلعت و راحت المجمع و شرت تلفون و ابوها طقها عشان ما شرتله رصيد و بعدين سحبو تلفونها و حبيبها قام يحاجيها من الدريشة


لوووووووووووول الفتلي رواية في الجم سطر الي فوق

------------


انشالله يارب بنات و لكم بالمثل و عقبال ما نشوف حق كل وحده هني كتاب باسمها يااارب ادعولنا

------------


روونه .. مو رونة سبونج بوب .. رونه الثانية


دام لج ميول قصصية ليش ما تيين رابطة الادباء ؟؟ عندنا منتدى المبدعين الجدد وايد رح تستفيدين منه و تقدرين تعرضين نماذج من قصصج و تاخذين راي الاساتذه الي هناك و واااااااااايد رح تستفيدين

و بنفس الوقت تقدرين تسألينهم عن دور النشر الزينة و الموزينه


لأنه و انا اختج ترى دور النشر و الطباعه يبيلها واااحد فاهملها عدل و فاهم حركاتهم و لازم تاخذين الماستر كوبي عشان دار النشر ما تطبع بدون اذنج

يعني السالفة فيها تريكس شوي الاحسن تسألين ناس طابعين و ناشرين كذا كتاب و عندهم خبره في الموضوع

.. و الله يوفقج يارب بمشروعج السري الذري النووي ))))


-----------------------------

اممممممممممممممممممممممم .. بالنسبة لكتب الاديان .....

اهو بصراحة اذا رح اقرا مارح اقرى عن الدين الاسلامي !
مارح اقرى عن ديني الي انا ادرسه من و انا بالابتدائي و متربية عليه من يوم عمري يوم واحد يعني


رح اقرى عن الاديان الاخرى للعلم بالشيء .. احس عالم الاديان عالم يثير فضولي جدا ابي اعرف طقوسهم و افكارهم ..

--------------

بالنسبة للترجمات .. اهو المشكلة فعلا انه اغلب الترجمات في عالمنا العربية ترجمات ركيكة .. يقوم بها مترجمين مو أدباء ..


بس على فكرة مو دايما الشغلات المترجمة مو زينة ..


يعني رح اقولكم معلومة أمين معلوف ... الي صاير توه عليه نقاش و الكل يمدح اسلوبه


اساسا اساسا


ما يكتب بالعربي


يكتب بالفرنسي !!!!!!!!!!!!!!!!!!!!!!!!!!!!!!!!!!!!!!

و الي تقرونه له هذذا كلللللللله ترجمه ..


بس منو الي مترجمله ؟؟


شاعر معروف اسمه ميخائيل نعيمة ... كان صديق أمين معلوف و اهو الي ترجمله كل اعماله


و انتو بنفسكم قريتو و لاحظتو جمالية الرواية عند امين معلوف ...

لانه الي مترجمله شاعر و اديب اصلا مو بس واحد دارس اللغه

 

[camilia]

بخصووص المناقشة اللي دارت حول كتب الديانات وتحول الموضوع للكتاب العرب وعدم مصداقيتهم .. بالنسبة لي شخصيا انا ماقرا لكل من هب دب من الكتاب العرب .. اصلا ينعدون عالاصابع اللي قريتلهم .. بس هذا مو معانته بعد ان حتى الاجانب مشالله المصداقيه عندهم امية بالامية ! ياما كتاب كتبهم كانت بالbest sellers بس بالاخير اطلعوا يا انهم مباالغين بجم حدث صار بروايتهم او ان هالحدث ماصار اساسا ! اهو عموما كل كتاب يحمل وجه نظر كاتبه .. وانا اقرا حتى حق اللي اعارضهم فكريا وعقائديا ,عالاقل اكون عارفه طريقة تفكيرهم .. وهم اللي يكتب بخصوص الديانات سواء اجنبي ولا عربي دايما يكون هناك احتمال انه يغلط او حتى يتغاضى عن بعض الحقائق او مرات يقعد يحووورف ببعض الشعائر ويفسر على كيف كيفه .. يعني عندكم كتاب Religion of peace : why Christianity is and Islam isn't هالكاتب عنده جم سلسله ضد الاسلام .. وحاط احاديث وايات قرآنيه يعني مو يايب شي من عنده .. بس قدر يقنننع أغلب اللي قروله ان الاسلام ديانة انتشرت بقوة السلاح وانها ديانة مليئة بالكراهيه وغيرها من الاوصاف البشعة

 

[طوق البنفسج]

بالنسبه للكتب الي اتكلم عن الاديان فعلا انا اوافقكم الراي انه مو كل من يكتب عن الاديان يستحق انه نقرا له .. في ناس يستغلون هالكتب بمعلومات مغلوطه و بدع و خرافات .. يدسون السم بالعسل ..

بالنسبه لي كنت جدا متشوقه اقرا عن السحر و هالعالم الغريب .. بس بنفس الوقت كنت خايفه يجذبني للمزيد من التعمق بهالموضوع .. بس لما لقيت بمكتبه جرير كتاب للدكتور عائض القرني يتكلم فيه عن السحر بالقران و بدايته و انواعه و طرق علاجه .. على طول شريته .. الانه الدكتور معروف نهجه و معروفه مصداقيته .. فالواحد مايخاف من وسوه بليس و انه يكون للشيطان طريج عليه طالما الموضوع يوصل لي بالاطار الديني البسيط .. و ان شاء الله اول ما اخلص من قراءه الكتاب راح اكتب رفيو عنه بالموضوع

 

[camilia]

انا بعد هبيت على سوالف السحر .. وفيه بعض الديانات من شعائرها يسووون سحر! بس كانت هبة وراحت الحين هبتي اليديده سوالف جرايم وقتل ودم مادري شفيني شكلي بصير مجرمه !!

بخصوصج لتل كوين .. فيه كتاب عن الزارادشتية كتبه نيتشه .. فيه حكم وافكار عجيبه ( بغض النظر عن بعض الافكار الالحاديه ) بس هالكاتب تحسينه عبقري صج .. يذكرني باينستاين بس اينستاين الادب

 

[BaTTy]

انا المنتدى ما يفتح عندي و شبكت من لاب توب البيت و فتح
ييبت بقرا ردودكم انحوولت :\
ليش هني مو واضح و هناك واضح لووول
ارد عليكم لمن لاب توبي يسترد عافيته لوول
برب

 

[عنيّد]

مساء الخير

بنات ، قبل لا أعوّر راسكم ، بس بعرف تكلمتوا بهالموضوع عن كتاب (تاريخ القراءة للمؤلف البرتو مانغويل) ؟


طقت جبدي وانا أدوره مومحصلته بــ (جرير-العجيري-العروبة-فيرجن-ذات السلاسل-دار الكتاب-دار الفكر-شركة المكتبات الكويتية)

 

[.]

السلام ..

ازيكو..

انا بعد هبيت على سوالف السحر .. وفيه بعض الديانات من شعائرها يسووون سحر! بس كانت هبة وراحت الحين هبتي اليديده سوالف جرايم وقتل ودم مادري شفيني شكلي بصير مجرمه !!

بخصوصج لتل كوين .. فيه كتاب عن الزارادشتية كتبه نيتشه .. فيه حكم وافكار عجيبه ( بغض النظر عن بعض الافكار الالحاديه ) بس هالكاتب تحسينه عبقري صج .. يذكرني باينستاين بس اينستاين الادب

هذا الي متاثر فيه هتلر؟؟

باتي ناطرين ردتج شبكي بالاثنين مايصير

لتل مشكوره ع التوضيح هم انا ماستسيغ الكتب اللي جذي لانه احس اقراها بس واحطها ماستفيد منها مثل كتابات د.احمد توفيق..