تجمع امهات العالمية الامريكية

[ReeMaN]

ماشالله شهالدقه بالاسئله ... المدرسه مبين مو هينه من شكلها برا وبعد فيها كاميرات يالهوييي مو لاان فيها عيال الدبلوماسيين يخافون عليهم من لا صار شي لا سمح الله .... وانا من رايي مدرسه فايزه الخرافي أأمن من الامريكيه الخاصه مع ان مايمدحون مدرسه الخرافي قالو بس شكل المدرسه اتونس لكن تعامل الاداره مع اولياء الامور مو شي ووايد اشياء بس ميخالف الخرافي ولا ذيج الغابه وكلها سنه انشالله ونقليهم ييبيهم عندنا بالعالميه والله يسهل على الجميع انشالله

 

[caramella]

السلام أمهاتي
شلونكم و شخباركم
والله ولهت عليكم وايد وايد
أمبيه سكتو ما أدري وين الملف الصحي
إتهقون إطلعون لي بدل فاقد؟
برد أدوره مره ثانيه باجر قاعده أحاتي والله

 

[lyale]

اي والله ريمان انا مخططه ان السنه اليايه انشا الله انقلهم العالميه اذا ما صار نصيب لنا فيها هالسنه وعلشان جذي قاعده احاول بالمدارس الامريكيه الموجوده علشان ما يصير لنا ازمه بالنقل نفس السنه هذي

 

[ReeMaN]

هلا كرااميلا وي طول هالفتره حسبالي لقيتيه ... مادري والله عن بدل فاقد سالي المدرسه قولي حق شغالتج المليقه عن الملف وصفي لها الشكل شلون صاير وخل تدور معاج .... وقولي لنا شيصير معاج ....

ليالي بحيل الله عالسنه اليايه انا اللي راح اذكرج بموعد التسجيل وانشالله بتكونين اول وحده تسجلين في العالميه

 

[lyale]

الله يسمع منج ريمان

 

[caramella]

ليال إنشالله ينقبلون من السنه بالعالميه و ترتاحين ولا تنقلينهم كل مره

 

[caramella]

أمبيه ريمان لا والله ما لقيته من صجج أقول حق هذي اللي لا تحل ولا تربط قمه في التخلف
باجر إنشالله أدورة قولوا إنشالله ألقاه

 

[lyale]

كريملا انشا الله انا ودي والله حتي لو اسجلهم باي مدرسه الحين ويدقون علي العالميه علي فتحت المدارس نقلتهم علي طول اهم شي اصير من مامات العالميه اخاف المسمي يرووح علي
والله يعينج حبيبتي حامل ويضيع منج شي وخدامه متخلفه واااااي لا صج ماساة بس ما عليه انشا الله تلقينه

 

[ReeMaN]

شخباركم حبيباتي ؟؟؟ ها كاراميلا بشري لقيتى الملف الصحي والا لا @@

 

[caramella]

ليال قولي إنشالله يا رب ينقبلون وترتاحين و يهون عليج يا رب
إي والله أحس روحي بتطلع من هالغبيه الله لا يبلا أحد طقتها حدها مهمله و نسايه ووسخه و ما تفهم بس تحاول المسكينه بس بدون جدوى شكلها ما راح تتعلم إلا لما بتمشي
فعشان جذي ما ظابي ينشلع قلبي و قمت و طلبت غيرها إنشالله تطلع سنعه و تريح قلبي
ريمان للأسف لأ قلبت الكبتات و الأدراج اللي عندي ماكو شي
بدق عالمستوصف باجربسألهم عن بدل الفاقد إشلون طريقته

 

[Fouz]

شلونكم يا أمهات شخباركم
ريمان شخبارج حبيبتي و انا بعد أسلم على بعض الناس
ليالي عسى الله يكتب اللي فيه الخير حق عيالج

كاراميلا شخبارج و احنا بعد ولهنا عليج،،،لا تضيقين خلقج أكيد لها حل و ان شاءالله يردون عليج المستوصف و اذا ماردوا ودي معاج صور وليدج و البطاقة المدنية و شهادة الميلاد اللي تثبت انج طعمتيه و صوري صفحة التطعيمات و ان شاءالله سهالة خلي كل شغلج زاهب و اخذي الاصل و الصورة، بس لازم الصبح لاني لما رحت تسوي حق بنتي ملفها قالولي ماكو الا الصبح

 

[ReeMaN]

كاراميلا الله يعينج حاسه فيج ياقلبي لان انا اساسا مالى حظ مع الخدم كل وحده اغبى من الثانيه وان طلعت ذكيه وشاطره الله يبليني بالريحه الل الله لا يوريج لو انتى تسبحينها وتغسلينها بتايد وديتول مااااتتنظف لو شنو صج انا مقروده مع الخدم

اخذي براي فوز وانشالله الحل بالمستوصف ويسهلون امورج يارب ... احد فيكم عندها اخبار سارونا ام سويلم من زمان مالها حس فقدناها وفقدنا طماشتها

 

[caramella]

باركولييييييييييييييييييييييييييييييييي
لقيته لقيته الحمدلله
لقيته بمجموعة ظروف ريلي حاطهم على جنب أساسا كان شايلهم من هالكبت اللي كنت حاطته فيه
واي إفتكيت
إنشالله على آخر 5 أوديه 24/5 هالطقه
الحين بقوم أحطه بالتجوري لوووول
سكتي ريمان خدامتي غباء وريحه يعني لا تطاق
اليوم هاده الكلينر الأزرق مال الزجاج بالصاله وولدي إمرشش الطوف كله كلينر والله أشوة ما رش بعينه ولا شربه حرتني لازم تنسى شغله من أدوات التنظيف لما تخلص
من الريحه وديتها طبيب الأسنان شلع لها ضرس و لازم أوديها حق تنظيف اسنان بعد بس مالي خلق أعابل بالنساة ولا فيها
مردي بييب غيرها إنشالله و أفتك منها يا رب إتعوضني خير

 

[ReeMaN]

الف الصلاة والسلام عليك ياحبيب الله محمد ...كللللوووولوووللووووللووووششش الف مبروك يالله وزعي قرقيعان علينا

ياساتر الله يحفظه .... اى هالهنود غباء مو طبيعي فيهم مايفهمووون اذا عندهم ياهل لازم يهدون اللي بايدهم ويجابلون الياهل ... بس شنسوي مالنا غناة عنهم

 

[mr000]

ألف مبروك كراميلا عالملف وسوي نفسي كل شييييييييييي بهالتجوري علشان لايضيع الله وكيلج مسويته كبت مو تجوري لأن اسم الله عليج النسيان زاااااااد عن حده أنسى وين خشيت الشي لا وكله بالشه ريلي أقوله أنت كله تضيع الأوراق عطني آنا أخشهم يعني آنا ماشالله الحريصه ( الكبر شين)!! والله كراميلا يوم أنج وديتي خدامتج طبيب الأسنان جان خليتيه يشلع ضروسها كلهم افتكي عن الريحه قطع وهم علشان لاتعلف وايد!!انييب هالخدم ونبتلش فيهم طول الوقت نعالجهم تالي نسفرهم خدامتي صار فيها ضغط وسكر وتعالي عابلي فيها شهريا مراجعة الطبيب !!

 

[caramella]

الف الصلاة والسلام عليك ياحبيب الله محمد ...كللللوووولوووللووووللووووششش الف مبروك يالله وزعي قرقيعان علينا

ياساتر الله يحفظه .... اى هالهنود غباء مو طبيعي فيهم مايفهمووون اذا عندهم ياهل لازم يهدون اللي بايدهم ويجابلون الياهل ... بس شنسوي مالنا غناة عنهم

لما صليتي على محمد عورتي قلبي يختج من رديت من لندن و آنا بخاطري أروح عرس كشخهههههههههههههههههههه
عرس يستاهل العنوه
بالعربي متعوب عليه
ياليت هنديه حنونه عالأقل
أندونسيه حسبي الله عليها علت جبدي إشكثر تسأل عيزت أجعم فيها ماكو فايده

 

[caramella]

ألف مبروك كراميلا عالملف وسوي نفسي كل شييييييييييي بهالتجوري علشان لايضيع الله وكيلج مسويته كبت مو تجوري لأن اسم الله عليج النسيان زاااااااد عن حده أنسى وين خشيت الشي لا وكله بالشه ريلي أقوله أنت كله تضيع الأوراق عطني آنا أخشهم يعني آنا ماشالله الحريصه ( الكبر شين)!! والله كراميلا يوم أنج وديتي خدامتج طبيب الأسنان جان خليتيه يشلع ضروسها كلهم افتكي عن الريحه قطع وهم علشان لاتعلف وايد!!انييب هالخدم ونبتلش فيهم طول الوقت نعالجهم تالي نسفرهم خدامتي صار فيها ضغط وسكر وتعالي عابلي فيها شهريا مراجعة الطبيب !!

إبارك بعمرج سويتي
إي والله بس آنا تجوريي إصغير ما أقدر أسويه كبت لوووول
جان زين طبيب الأسنان شالعها بكبرها من عندي لاعت جبي منها
أقزر فيها على ما تيي اليديده مستحيل اقعد بدون خدامه
واييييي الله يساعدج ميخالف إذا زينه إستحمليها بعد شتسوين ولا تييبين عله يديده تشلع قلبج مهايل الأطبه أهون من إنج تستحملين وحده غبيه

 

[Fouz]

al salam 3alaikom ya omahat

shakhbarkom, madri eshfeh computeri mo rathi yakteb 3arabi

caramela mabrok 7abibti o ashwa eli eftakaiti men ro7at elmostawsef o Alla y3enech 3ala khadamtech

 

[ReeMaN]

وااااي كاراميلا انا مثلج مستحيل اقعد بدون شغاله احس فيني شي غلط واكتأب وحالتي حاله ... يعنى ماعيش بدونهم خخخخ بس مستحيل اطلب اندونيسيه او فلبينيه ... هنديه فقط لاغير ... وشوفي ستايل فوز بالنيو لوك كاراميلا ماتذكرج بايام لندن

 

[mr000]

سلام بنات اشلونكم! فوز اشهالنيولوك اليديد علبالي سافرتي قلت مامداها! بس حلو عليج خليه لاتغيرينه يذكرنا بأيام كراميلا بلندن!!عندي أخت مدرسة فرنسي باجر أخليها تغششني واكتب لكم بالفرنسي عاد دبروا عمركم ييبولكم مترجم!! آخر أخبار العالميه هالأسبوع عندهم امتحانات الsat اللي لي ألحين موفاهمه شنو سالفتها بس المهم قالوا ماتسقط خلاص مايشوفون شر!وآخر الشهر اختبارات العربي والدين الفاينل تالي باجي المواد ب10 و11/6 وخلااااااص!! بس آنا متحسفه على عطلة الكريسمس ليش قصروها حق السنه اليايه حسافه كانت شهر كامل استانست هالسنه نمنا بالدفى ماكو توصيل مدارس ولا حنة دراسه!أذا عندكم الكلندر مال السنه اليايه شوفوها