تجمع امهات العالمية الامريكية

[caramella]

السلام أمهات إشلونكم و شخباركم ؟
أمبيه ما أدري ليش أحس صخه ما جنه إنتخابات
أمي راحت الصبح تقول ماكو أحد
إنتخبتوا؟؟؟

 

[ReeMaN]

اهلييييييين كرومه شخبارج حبيبتى اى انا رحت اليوم على ال 10 ونص تقريبا تخيلي ماااكو احد واقف بالطابور بس بنات يتخاطفون وحريم يصوتون مني ومناك حتى سالت الشرطي قلتله خلص التصويت ضحك قال لا ليش ؟ قلت ياحافظ ماكو احد قال اى وايد ممتنعين عن التصويت ... وبصراحه انا توقعت جذي بس مو الى هالدرجه

 

[Fouz]

gowa ya omahat ya 3asal
shakhbarkom kelokom
ee walla mako za7ma dakhel lejan el tasweet, bs emghazal o banat 3nd elmadares
ana re7t el sa3a 3 o dakhalt 3ala 6ol

 

[mr000]

سلام بنات اشلونكم!وناسه متسلفه لاب توب بنتي!! اليوم رحت انتخبت الساعه 12 ونص الظهر ماكو زحمه بس هالبنات اللي يوزعون الكروت أكثر من اللي ينتخبون ويوم دشيت 4 بنات زافيني جني عروس بس ناقصني مسكة ورد وطرحه كل هذا علشان صوتي مشوا معاي لي داخل المدرسه!! اليوم رحت المدرسه بشتري حق ولدي اليونيفورم حق سنه اليايه والا الهنديه حضرتها مو مداومه عاد الخميس مطرشين لنا ورقه أنه المخزن مفتوح حتى السبت!!

 

[ReeMaN]

مساء الخير حبيباتي شخباركم مبروك علينا فوز النسواااان الساحق بالمجلس .... والله يكتب اللي فيه الخير حق ديرتنا


مرووو ماشالله بنتج كريمه بوسي لي اياها .....و انا مثلج لما رحت انتخب من نزلت من السياره جنى عروس اللي تظللني بالشمسيه واللي تعطينى بطاقه وماي وصمون وبيبسي وبرد ويترجووووني انتخبي فلان وعلان وفلان ... لما طلعت الا ماكو احد طل بويهي

 

[mr000]

سلام بنات ألف مبروك الفوز الساحق للسيدات الفاتنات! ريمان الانتخابات اليايه آنا وياج نرشح روحنا ! عاد آنا اللي حتى ييراني مايعرفوني صارلي10 سنين ساكنه البيت

 

[lyale]

شلونكم مامات العالميه شنو اخر اخباركم ومبرووووك والف مبرووك وصول المراه للمجلس وطمنوني عنكم

 

[ReeMaN]

انا ارشح نفسي @@ ؟؟؟؟؟ يالهويييييييييي هذي من علامه الساعه هههه :tongue22: وااااااااااااامعتصماه مروووو حياتي اذا الجيران مايعرفونج ...


انا ثلاث ارباع اهلي مايعرفون انا منو خخخخخخخخ :dddds: بس اشششششش لاتعلمين لايضحكووون

عليييينا :050103nbh_prv:


هلا ليالينا شخبارج حبيبتي ها بشري الم يحن موعد الولاده ؟ الله يسهل عليج انشالله يارب :yaaaaaarb:

 

[^^DADDIES GIRL^^]

بنات بليز جم رسومهم حق اولى ابتدائي وحضانه
واشلون مستواها ضروري

 

[lyale]

ريمان انا بخير لا ما ولدت ادعولي خايفه اخلص شهري وما اولد تعبت بعد مامات شنو اخر اخبار عيالكم
انا بالنسبه لعيالي دقوو علي مدرسه الامريكيه الخاصه وقبلو بنتي بس ولدي ما قبلوه خخخ وضاق خلقي ولدي يرووح كي جي ون ويوومها متعسر مو راضي يتكلم فا يحسبونه ما يعرف شي وتضايقت حدي
بس وبوديهم امتحنهم بالامريكيه ثنائية اللغه وانشا الله يتكلم الدلوع

 

[mr000]

ليالي الله يهون عليج بالسلامه انشاءالله!ويارب عيالج ينقبلون قبل لاتولدين وترتاحين علشان لاتحاتينهم!

 

[ReeMaN]

لاتحاتين انشالله تولدين قبل لاتخلصين شهرج بس امشي على الرمل والله يسهل عليج انشالله ياااارب وتجابلينا احنا والبيبي بالنفاس

 

[ReeMaN]

ليالي مامات جيكي على الخاص

 

[Fouz]

gowa ya omahat shakhbarkom waaaayed mestansa el7emdela eb fpuz el3onsor el nesa2e 3asa Alla ywafeghom

زوغه el7athana 1227
el ebteda2i 2707
shofay hal site
http://www.uas.edu.kw/school/fees.html

 

[sara999]

السلام عليكم .... شخباركم بنات عساكم بخير ؟؟؟؟
والله ولهت عليكم وسامحوني اني ما سألت عنكم ... طول هالفترة بس الحمدالله على العافيه

 

[mr000]

سلام أمهات اشلونكم شخباركم! سارونه وين هالغيبه عسى ماشر؟ليالي شخبارج ماكوأي علامات للولاده؟ ولا حتى بلاغ كاذب!!الله يهون عليج ان شاءالله!! كراميلا شخبارج!! اليوم الصبح لما نزلت المخزن اشتري ملابس حق ولدي والا الصغار والابتدائي يحليلهم قبل الحصه الاولى يكونون بصالة الرياضه تحت وكلهم يلعبون بالكور ويراكضون يطلعون طاقتهم كلها علشان مايصير وقت الدرس الا بطاريتهم مخلصه فيقعدون ساكتين بالصف!!

 

[caramella]

السلام مامات إشلونكم و شخباركم إنشالله بخير
مبروك فوز ال 4 دكاترة بالمجلس إنشالله يا رب إبيضونها
وييييييه مرووو أشوه حسيتي إنج عروس ولو لحضات ترى تسويشغل بالنفسيه
ريمان الله يهديهم جان جاملوج و عطوج ماي بالطلعه شغل مصلحه ماكو فايده فيهم
والله الله يسلمكم آنا ما إنتخبت لأن إختكم زلمه --------> مو مقيده ما أدري ليش بس آنا لازم أقيد أهلي كلهم نزل إسمهم بدون ما يقيدون إلا آنا ما أدري ليش

 

[كويتيه عالي سماها]

صباح الخير يا أمهات

حبيت اسئل عن المدرسه العالميه الامريكيه إهيه نفسها اللي بجانب مدرسة روض الصالحين أو لااء

ممكن تقولون لي العنوان وجم رسومهم حق قريد 1 واختبار القبول سهل او صعب حق الطلبه

ويقبلون الطلبه الحين او وقفوا تسجيل لان ولدي خلص كي جي 2 ورايح للقريد 1 وودي اغير مدرسته لانه عاديه

شكرا ع المساعده

 

[mr000]

هلا والله كراميلا أي سكتي شعور وايد حلو بصراحه بس تمنيت لو حاطين لي هب السعد( والله ذاك اليوم كان هب التعس لأنه حر وموقفه السياره بعيد والساعه 12 الظهر ماوصلت المدرسه ألا ويهي جنه طماطه)لا وتخيلي لما طلعت عند باب المدرسه وحده من اللي باللجان شافت جنسيتي جان تقولي مومختومه ردي لهم خل يختمونها!! وي أنتي جنج ولدي حتى هو زلمه ماانتخب لأنه الانتخابات اللي طافت كان توه صاير 20 وماراح عقبها سجل لأنه علباله المجلس الياي ريض بعد 4 سنين مايدري أن احنا كل 6 أشهر لنا مجلس يديد!! بس ان شاءالله هالمره أبرك بوجود السيدات راح يدوم ويستمر حتى 6سنين!!اشلون مادري يمكن يمددونه وبلا انتخابات وبلا خساير وعوار راس!!

 

[mr000]

حبيبتي كويتيه بالنسبه لمكان المدرسه هي بحولي مقابل القادسيه لونها أزرق كبيره وايد بس بالنسبه للرسوم واختبار القبول ان شاءالله الخوات أمهات الورعان الصغار يفيدونج لأني تخصص متوسطه ولدي كبير!!